Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32021D0727

Deċiżjoni tal-Kunsill (UE) 2021/727 tad-29 ta’ April 2021 dwar il-preżentazzjoni, f’isem l-Unjoni Ewropea, ta’ proposti għall-emendar tal-Annessi A u B tal-Konvenzjoni ta’ Minamata dwar il-Merkurju, fir-rigward ta’ prodotti miżjudin bil-merkurju u proċessi ta’ manifattura li fihom jintużaw il-merkurju jew il-komposti tal-merkurju

ST/7534/2021/INIT

ĠU L 155, 5.5.2021, p. 23–25 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2021/727/oj

Date of document:
29/04/2021; Data ta' adozzjoni
Date of effect:
29/04/2021; Dħul fis-seħħ Data tad-dokument Ara Art. 2
Date of end of validity:
No end date
Author:
Il-Kunsill tal-Unjoni Ewropea
Form:
Deċiżjoni
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Link
Link
Select all documents mentioning this document
Modifies:
Relation Act Comment Subdivision concerned From To
Partial adoption 52021PC0063 29/04/2021
Instruments cited:
Link

5.5.2021   

MT

Il-Ġurnal Uffiċjali tal-Unjoni Ewropea

L 155/23

DEĊIŻJONI TAL-KUNSILL (UE) 2021/727

tad-29 ta’ April 2021

dwar il-preżentazzjoni, f’isem l-Unjoni Ewropea, ta’ proposti għall-emendar tal-Annessi A u B tal-Konvenzjoni ta’ Minamata dwar il-Merkurju, fir-rigward ta’ prodotti miżjudin bil-merkurju u proċessi ta’ manifattura li fihom jintużaw il-merkurju jew il-komposti tal-merkurju

IL-KUNSILL TAL-UNJONI EWROPEA

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1), flimkien mal-Artikolu 218(9), tiegħu,

Wara li kkunsidra l-proposta mill-Kummissjoni Ewropea,

Billi:

(1)

Il-Konvenzjoni ta’ Minamata dwar il-Merkurju (il-“Konvenzjoni”) ġiet konkluża mill-Unjoni permezz tad-Deċiżjoni tal-Kunsill (UE) 2017/939 (1) u daħlet fis-seħħ fis-16 ta’ Awwissu 2017.

(2)

Taħt id-Deċiżjoni MC-1/1 dwar ir-Regoli ta’ Proċedura, adottata mill-Konferenza tal-Partijiet għall-Konvenzjoni (“COP”, Conference of the Parties) fl-ewwel laqgħa tagħha, il-Partijiet għall-Konvenzjoni (il-“Partijiet”) għandhom jagħmlu kull sforz biex jilħqu qbil b’konsensus dwar il-materji sostantivi kollha.

(3)

Taħt l-Artikoli 4(8) u 5(10) tal-Konvenzjoni, is-COP għandha, sas-16 ta’ Awwissu 2022, tirrevedi l-Annessi A u B tal-Konvenzjoni, filwaqt li tqis proposti mressqa mill-Partijiet taħt l-Artikoli 4(7) u 5(9) tal-Konvenzjoni, informazzjoni li s-Segretarjat tal-Konvenzjoni (is-“Segretarjat”) jagħmel disponibbli taħt l-Artikoli 4(4) u 5(4) tal-Konvenzjoni u d-disponibbiltà għall-Partijiet ta’ alternattivi teknikament u ekonomikament fattibbli mingħajr merkurju, filwaqt li jitqiesu r-riskji u l-benefiċċji għall-ambjent u għas-saħħa tal-bniedem.

(4)

L-Unjoni kkontribwiet b’mod sinifikanti għall-iżvilupp tad-dispożizzjonijiet tal-Konvenzjoni fir-rigward ta’ prodotti miżjudin bil-merkurju u proċessi ta’ manifattura li fihom jintużaw il-merkurju jew il-komposti tal-merkurju (“proċessi tal-merkurju”) u fil-ħidma esperta intersessjonali rilevanti varata mid-Deċiżjoni MC-3/1, li ġiet adottata mis-COP fit-tielet laqgħa tagħha.

(5)

L-Anness II tar-Regolament (UE) 2017/852 tal-Parlament Ewropew u tal-Kunsill (2), li jittrasponi l-Anness A tal-Konvenzjoni fid-dritt tal-Unjoni, jkopri aktar prodotti miżjudin bil-merkurju, u hemm prodotti oħrajn miżjudin bil-merkurju li huma soġġetti għal projbizzjoni fuq it-tqegħid fis-suq intern taħt il-leġiżlazzjoni tal-Unjoni.

(6)

Il-proposti għall-emendar tal-Anness A tal-Konvenzjoni għandhom l-għan li jestendu l-kamp ta’ applikazzjoni tagħha għal aktar prodotti miżjudin bil-merkurju b’dati assoċjati ta’ eliminazzjoni gradwali jew b’miżuri li jirregolaw il-merkurju.

(7)

L-Anness III tar-Regolament (UE) 2017/852, li jittrasponi l-Anness B tal-Konvenzjoni fid-dritt tal-Unjoni, jkopri aktar proċessi tal-merkurju u jistabbilixxi dati ta’ eliminazzjoni gradwali għall-proċessi kkonċernati kollha.

(8)

Il-proposta għall-emendar tal-Anness B tal-Konvenzjoni għandha l-għan li testendi l-kamp ta’ applikazzjoni tagħha billi tintroduċi data ta’ eliminazzjoni gradwali għal proċess tal-merkurju kopert minn dak l-Anness.

(9)

F’konformità mal-Artikolu 26(2) u mal-Artikolu 27 tal-Konvenzjoni, it-test ta’ kull emenda proposta għandu jkun ikkomunikat lill-Partijiet mis-Segretarjat tal-anqas sitt xhur qabel il-laqgħa tas-COP li matulha l-emenda tiġi proposta għall-adozzjoni. Is-Segretarjat għandu jikkomunika wkoll l-emenda proposta lill-firmatarji ta’ din il-Konvenzjoni u, għall-fini ta’ informazzjoni, lid-Depożitarju tal-Konvenzjoni. Peress li r-raba’ laqgħa tas-COP hija skedata li ssir mill-1 sal-5 ta’ Novembru 2021, jenħtieġ li l-Unjoni tippreżenta l-proposti tagħha għall-emendar tal-Annessi A u B tal-Konvenzjoni lis-Segretarjat sat-30 ta’ April 2021,

ADOTTA DIN ID-DEĊIŻJONI:

Artikolu 1

L-Unjoni għandha tippreżenta proposti għall-emendar tal-Annessi A u B tal-Konvenzjoni kif stabbilit fl-Anness ta’ din id-Deċiżjoni.

Il-Kummissjoni għandha tikkomunika dawk il-proposti f’isem l-Unjoni lis-Segretarjat.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell, id-29 ta’ April 2021.

Għall-Kunsill

Il-President

A. P. ZACARIAS

(1)  Id-Deċiżjoni tal-Kunsill (UE) 2017/939 tal-11 ta’ Mejju 2017 dwar il-konklużjoni f’isem l-Unjoni Ewropea tal-Konvenzjoni ta’ Minamata dwar il-Merkurju (ĠU L 142, 2.6.2017, p. 4).

(2)  Ir-Regolament (UE) 2017/852 tal-Parlament Ewropew u tal-Kunsill tas-17 ta’ Mejju 2017 dwar il-merkurju, u li jħassar ir-Regolament (KE) Nru 1102/2008 (ĠU L 137, 24.5.2017, p. 1).

ANNESS

I.   EMENDI PROPOSTI GĦALL-PARTI I TAL-ANNESS A TAL-KONVENZJONI

L-Unjoni tipproponi ż-żieda tal-entrati li ġejjin fil-Parti I tal-Anness A:

Prodotti miżjudin bil-merkurju

Data li warajha l-manifattura, l-importazzjoni jew l-esportazzjoni tal-prodott ma għandhomx ikunu permessi (id-data tal-eliminazzjoni gradwali)

“Batteriji buttuna tal-ossidu taż-żingu tal-fidda b’kontenut ta’ merkurju < 2 % u batteriji buttuna taż-żingu-arja b’kontenut ta’ merkurju < 2 %

2023

Bozoz fluworexxenti lineari (LFLs) tal-fosfru tal-alofosfat għal skopijiet ta’ tidwil ġenerali

2023

L-istrumenti tal-kejl mhux elettroniċi li ġejjin:

(a)

strain gauges biex jintużaw fil-pletismografi;

(b)

tensjometri

2023

L-istrumenti tal-kejl tal-elettriku u elettroniċi li ġejjin:

(a)

it-trasdutturi, it-trażmettituri u s-sensuri tal-pressjoni tat-titwib;

(b)

pompi b’vakwu tal-merkurju

2023

Poliuretan, inklużi ċilindri għall-applikazzjoni tal-poliuretan

2023”

II.   EMENDI PROPOSTI GĦALL-PARTI II TAL-ANNESS A TAL-KONVENZJONI

L-Unjoni tipproponi ż-żieda tad-dispożizzjoni li ġejja fil-Parti II tal-Anness A:

“Sal-1 ta’ Jannar 2024, il-Partijiet għandhom:

(i)

jipprevedu li l-amalgama dentali għandha tintuża biss f’forma inkapsulata ddożata minn qabel (1);

(ii)

jipprojbixxu l-użu tal-merkurju f’forma sfuża mill-prattikanti fil-qasam dentali;

(iii)

jiżguraw li l-operaturi tal-faċilitajiet dentali fejn tintuża l-amalgama dentali jew fejn jitneħħa l-mili tal-amalgama dentali jew is-snien li jkun fihom dan it-tip ta’ mili jarmaw il-faċilitajiet tagħhom b’separaturi tal-amalgama b’livell ta’ effiċjenza taż-żamma ta’ 95 % (2), għaż-żamma u l-ġabra ta’ partikuli tal-amalgama, inklużi dawk li jinsabu fl-ilma użat;

(iv)

ma jippermettux aktar l-użu tal-amalgama dentali għat-trattament dentali ta’ snien tal-ħalib, ta’ tfal taħt il-15-il sena u ta’ nisa tqal jew li qed ireddgħu, ħlief meta jitqies strettament meħtieġ mill-prattikant fil-qasam dentali abbażi tal-ħtiġijiet mediċi speċifiċi tal-pazjent.

III.   EMENDA PROPOSTA GĦALL-ANNESS B TAL-KONVENZJONI

L-Unjoni tipproponi ż-żieda tal-entrata li ġejja fil-Parti I tal-Anness B:

Proċessi ta’ manifattura li jużaw il-merkurju jew komposti tal-merkurju

Data ta’ eliminazzjoni gradwali

“Il-produzzjoni tal-poliuretan bl-użu ta’ katalizzaturi li fihom il-merkurju

2023”

(1)  Kapsuli tal-amalgama bħal dawk deskritti fl-istandards internazzjonali ISO 13897:2018 u 24234:2015 huma meqjusa li huma tajbin għall-użu mill-prattikanti fil-qasam dentali.

(2)  Il-konformità tas-separaturi tal-amalgama għandha tkun ibbażata fuq standards internazzjonali rilevanti, inkluż l-ISO 11143:2008.” ”

Top