EUR-Lex Access to European Union law
This document is an excerpt from the EUR-Lex website
Document 32020R1281
Commission Implementing Regulation (EU) 2020/1281 of 14 September 2020 concerning the non-approval of the active substance ethametsulfuron-methyl, in accordance with Regulation (EC) No 1107/2009 of the European Parliament and of the Council concerning the placing of plant protection products on the market (Text with EEA relevance)
Regolament ta’ Implimentazzjoni tal-Kummissjoni (UE) 2020/1281 tal-14 ta’ Settembru 2020 dwar in-nuqqas ta’ approvazzjoni tas-sustanza attiva etametsulfuron-metil f’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2020/1281 tal-14 ta’ Settembru 2020 dwar in-nuqqas ta’ approvazzjoni tas-sustanza attiva etametsulfuron-metil f’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti (Test b’rilevanza għaż-ŻEE)
C/2020/6173
ĠU L 301, 15.9.2020, p. 7–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
15.9.2020 |
MT |
Il-Ġurnal Uffiċjali tal-Unjoni Ewropea |
L 301/7 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1281
tal-14 ta’ Settembru 2020
dwar in-nuqqas ta’ approvazzjoni tas-sustanza attiva etametsulfuron-metil f’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-Artikolu 13(2) tiegħu,
Billi:
(1) |
Skont l-Artikolu 80(1)(a) tar-Regolament (KE) Nru 1107/2009, fir-rigward tal-proċedura u tal-kundizzjonijiet għall-approvazzjoni, għandha tapplika d-Direttiva tal-Kunsill 91/414/KEE (2) għas-sustanzi attivi li għalihom ġiet adottata deċiżjoni f’konformità mal-Artikolu 6(3) ta’ dik id-Direttiva qabel l-14 ta’ Ġunju 2011. Għall-etametsulfuron-metil, id-Deċiżjoni tal-Kummissjoni 2011/124/UE (3) ġiet adottata f’konformità mal-Artikolu 6(3) ta’ dik id-Direttiva fit-23 ta’ Frar 2011. |
(2) |
Fid-29 ta’ Ġunju 2010, DuPont de Nemours GmbH ippreżentat applikazzjoni għall-inklużjoni tas-sustanza attiva etametsulfuron-metil fl-Anness I tad-Direttiva 91/414/KEE għar-Renju Unit f’konformità mal-Artikolu 6(2) tad-Direttiva 91/414/KEE. Id-Deċiżjoni 2011/124/UE kkonfermat li d-dossier kien “komplut” fis-sens li seta’ jitqies bħala wieħed li jissodisfa, fil-prinċipju, ir-rekwiżiti tad-data u tal-informazzjoni tal-Annessi II u III tad-Direttiva 91/414/KEE. |
(3) |
Sussegwentement, FMC Agricultural Solutions A/S kisbet id-drittijiet kollha li jikkonċernaw l-etametsulfuron-metil minn DuPont de Nemours GmbH. |
(4) |
Il-valutazzjoni tal-effetti tal-etametsulfuron-metil fuq is-saħħa tal-bniedem u tal-annimali u fuq l-ambjent għall-użi proposti mill-applikant, twettqet f’konformità mal-proċedura prevista fl-Artikolu 6(2) u (4) tad-Direttiva 91/414/KEE. Fis-17 ta’ Settembru 2012, ir-Renju Unit ippreżenta abbozz tar-rapport ta’ valutazzjoni lill-Kummissjoni u lill-Awtorità Ewropea dwar is-Sigurtà fl-Ikel (“l-Awtorità”). |
(5) |
L-Istati Membri u l-Awtorità eżaminaw l-abbozz tar-rapport ta’ valutazzjoni. L-Awtorità ppreżentat il-konklużjoni tagħha (4) dwar il-valutazzjoni tar-riskju tal-pestiċidi tas-sustanza attiva etametsulfuron-metil lill-Kummissjoni fil-11 ta’ Diċembru 2013. F’April 2014, il-Kummissjoni Ewropea tat il-mandat lill-Awtorità biex torganizza u twettaq rieżami bejn il-pari fir-rigward tad-data l-ġdida dwar metabolit wieħed tal-etametsulfuron-metil. Fl-14 ta’ Lulju 2014, l-Awtorità ppreżentat il-konklużjoni (5) aġġornata tagħha lill-Kummissjoni. |
(6) |
Permezz ta’ ittra tas-7 ta’ Mejju 2020, FMC Agricultural Solutions A/S irtirat l-applikazzjoni għall-approvazzjoni tal-etametsulfuron-metil. |
(7) |
Minħabba l-irtirar tal-applikazzjoni, jenħtieġ li l-etametsulfuron-metil ma jiġix approvat. |
(8) |
Dan ir-Regolament ma jipprevjenix il-preżentazzjoni ta’ applikazzjoni oħra għall-approvazzjoni tas-sustanza attiva etametsulfuron-metil skont l-Artikolu 7 tar-Regolament (KE) Nru 1107/2009. |
(9) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Nuqqas ta’ approvazzjoni ta’ sustanza attiva
Is-sustanza attiva etametsulfuron-metil mhijiex approvata.
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Settembru 2020.
Għall-Kummissjoni
Il-President
Ursula VON DER LEYEN
(1) ĠU L 309, 24.11.2009, p. 1.
(2) Id-Direttiva tal-Kunsill 91/414/KEE tal-15 ta' Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (ĠU L 230, 19.8.1991, p. 1).
(3) Id-Deċiżjoni tal-Kummissjoni 2011/124/UE tat-23 ta’ Frar 2011 li tirrikonoxxi fil-prinċipju l-kompletezza tad-dossier li tressaq għal eżami dettaljat bil-ħsieb tal-inklużjoni possibbli tal-etametsulfuron fl-Anness I tad-Direttiva tal-Kunsill 91/414/KEE (ĠU L 49, 24.2.2011, p. 42).
(4) EFSA (Awtorità Ewropea dwar is-Sigurtà fl-Ikel), 2014. Conclusion on the peer review of the pesticide risk assessment of the active substance ethametsulfuron (evaluated variant ethametsulfuron-methyl). EFSA Journal 2014;12(1):3508, 94 pp. doi:10.2903/j.efsa.2014.3508
(5) EFSA (Awtorità Ewropea dwar is-Sigurtà fl-Ikel), 2014. Conclusion of the peer review of the pesticide risk assessment of the active substance ethametsulfuron (evaluated variant ethametsulfuron-methyl). EFSA Journal 2014;12(7):3787, 96 pp. doi:10.2903/j.efsa.2014.3787