Artikolu 1

Format u struzzjonijiet għar-rapport annwali dwar ir-riżultati tal-istħarriġ

Artikolu 2

Format għall-programmi ta’ stħarriġ pluriennali u l-arranġamenti prattiċi għall-applikazzjoni tal-elementi li jikkonċernaw riskji ta’ pesti speċifiċi

Artikolu 3

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

ANNESS I

Format u struzzjonijiet għar-rapport annwali tal-istħarriġ previst fl-Artikolu 22 tar-Regolament (UE) 2016/2031

PARTI I

Informazzjoni ġenerali dwar ir-riżultati tal-istħarriġ kif imsemmi fil-punt (a) tal-Artikolu 1(2)

Il-mudell dwar l-informazzjoni ġenerali rigward ir-riżultati tal-istħarriġ kif previst fil-punt (a) tal-Artikolu 1(2) huwa dan li ġej:

Tagħrif ġenerali dwar ir-riżultati tal-istħarriġ ta’ [sena]

—	Stat Membru:

—	Awtorità Kompetenti:

—	Persuna ta’ kuntatt (isem, impjieg miżmum fi ħdan l-awtorità kompetenti, isem l-organizzazzjoni, in-numru tat-telefon u l-kont tal-posta elettronika funzjonali):

—	Organizzazzjonijiet li jieħdu sehem fil-programm ta’ stħarriġ, inklużi laboratorji:

—

Sommarju tar-riżultati disponibbli pubblikament (bejn 500 u 3000 kelma): — Deskrizzjoni qasira tal-ambitu tal-programm għal dik is-sena; — Deskrizzjoni qasira tal-metodoloġija użata għall-istħarriġ, inkluża kwalunkwe teknoloġija ġdida jew innovattiva (jekk rilevanti); — In-numru totali ta’ pesti mistħarrġa dik is-sena fl-ambitu tal-Artikolu 22(1) tar-Regolament (UE) 2016/2031; — In-numru ta’ pesti individwati u kkonfermati uffiċjalment, u l-miżuri ta’ segwitu meħuda; — L-objettivi speċifiċi tal-programm milħuqa dik is-sena; — Link għas-sit web nazzjonali b’aktar informazzjoni (jekk disponibbli).

PARTI II

Format u struzzjonijiet għall-preżentazzjoni tar-riżultati tal-istħarriġ, kif imsemmi fil-punt (b) tal-Artikolu 1(2)

Il-mudelli u l-istruzzjonijiet dwar il-preżentazzjoni tar-riżultati tal-istħarriġ kif previst fil-punt (b) tal-Artikolu 1(2) huma dawn li ġejjin:

1.   Elementi tar-rapport annwali li jikkonċernaw pesti ta’ kwarantina fl-Unjoni u pesti soġġetti għall-miżuri tal-Artikoli 29 u 30 tar-Regolament (UE) 2016/2031, f’żoni fejn mhux magħruf li dawk il-pesti huma preżenti

1.1.   Mudell

1.2.   Struzzjonijiet dwar kif timtela l-formola

Fil-kolonna 1: Bl-eċċezzjoni tal-“Grupp 1 – Postijiet ta’ produzzjoni awtorizzati”, huwa fakultattiv li jsir rapport għal kull grupp ta’ pesti. Fejn applikabbli, indika l-grupp ta’ pesti mistħarrġa flimkien (eż. pesti taċ-ċitru, pesti tal-foresti li jwaqqgħu l-weraq, pesti tal-foresti koniferi, pesti taċ-ċereali, pesti tal-patata, oħrajn (jekk jogħġbok speċifika)). F’dawk il-każijiet meta pest ikun inkluż f’diversi gruppi, jekk jogħġbok irrapporta l-informazzjoni għal dak il-pest kif xieraq f’kull grupp.

Għall-“Grupp 1 – Postijiet ta’ produzzjoni awtorizzati”, indika l-lista tal-pesti li għalihom sar l-istħarriġ u r-riżultati tal-istħarriġ, billi tuża iktar minn ringiela waħda meta jkun meħtieġ biex tispeċifika siti mistħarrġa differenti tal-Kolonna 4 “Siti mistħarrġa”. F’dan il-grupp, jekk jogħġbok ipprovdi d-data għal kull pest, mingħajr ma taggrega fil-livell tal-grupp. Il-postijiet ta’ produzzjoni awtorizzati huma dawk il-postijiet li fihom l-operatur ikun awtorizzat mill-awtorità kompetenti biex joħroġ passaporti tal-pjanti.

Fil-kolonna 2: Indika l-isem xjentifiku tal-pest (kif elenkat fl-Anness II tar-Regolament ta’ Implimentazzjoni (UE) 2019/2072 jew fi kwalunkwe miżura speċifika għal pest partikolari), billi tuża ringiela waħda għal kull pest.

Fil-kolonna 3: Indika l-postijiet ġeografiċi fejn sar l-istħarriġ, preferibbilment bl-użu tal-livelli aktar baxxi disponibbli tan-NUTS. Fil-każ ta’ pesti rrappurtati għal kull grupp, huwa possibbli li d-data tiġi aggregata għall-pesti kollha fil-grupp f’ringiela waħda. Fil-każ ta’ pesti mhux irrappurtati għal kull grupp, huwa possibbli li d-data tiġi aggregata f’ringiela waħda għal kull pest. Huwa possibbli wkoll li jintużaw daqstant ringieli daqs kemm hemm postijiet rrappurtati, jekk ikun xieraq.

Fil-kolonna 4: Indika s-siti tal-istħarriġ, billi tuża aktar minn ringiela waħda għal kull pest biss meta dan ikun meħtieġ mir-rekwiżiti legali speċifiċi tal-istħarriġ dwar il-pesti u indika n-numru ta’ siti mistħarrġa. Fil-każ ta’ pesti rrappurtati għal kull grupp, huwa possibbli li d-data tiġi aggregata għall-pesti kollha fil-grupp f’ringiela waħda, u indika n-numru totali ta’ siti mistħarrġa. Fil-każ ta’ pesti mhux irrappurtati fi gruppi, huwa possibbli li d-data tiġi aggregata f’ringiela waħda għal kull pest, u jiġi pprovdut in-numru totali ta’ siti mistħarrġa. Meta tuża l-għażla “oħrajn”, jekk jogħġbok speċifika x’inhi:

1.	Fil-beraħ (żona ta’ produzzjoni): 1.1 għalqa (ikkultivata, bur); 1.2. ġnien bis-siġar tal-frott/vinja; 1.3. mixtla; 1.4. foresta;

2.

Fil-beraħ (oħrajn): 2.1. ġonna privati; 2.2. siti pubbliċi; 2.3. żona ta’ konservazzjoni; 2.4. pjanti selvaġġi f’żoni għajr żoni ta’ konservazzjoni; 2.5. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam, artijiet mistagħdra, network tat-tisqija u tad-drenaġġ, eċċ.);

3.	Kundizzjonijiet magħluqa fiżikament: 3.1. serra; 3.2. sit privat, għajr serra; 3.3. sit pubbliku, għajr serra; 3.4. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam).

Fil-kolonni 5, 6 u 7: Fakultattiv jew meta applikabbli skont rekwiżiti legali speċifiċi għall-istħarriġ dwar il-pesti.

Fil-kolonna 5: Indika liema huma ż-żoni ta’ riskju identifikat abbażi tal-bijoloġija tal-pest(i), il-preżenza tal-pjanti ospitanti, il-kondizzjonijiet ekoklimatiċi u l-postijiet ta’ riskju.

Fil-kolonna 6: Indika ż-żona totali koperta mill-popolazzjoni fil-mira (ha) fl-Istat Membru.

Fil-kolonna 7: Indika l-proporzjon taż-żona mistħarrġa tal-popolazzjoni fil-mira (iż-żona mistħarrġa/iż-żona tal-popolazzjoni fil-mira) f’perċentwal.

Fil-kolonna 8: Indika l-pjanti, il-frott, iż-żrieragħ, il-ħamrija, il-materjal tal-ippakkjar, l-injam, il-makkinarju, il-vetturi, il-vettur, l-ilma, oħrajn, filwaqt li tispeċifika l-każ speċifiku. Ir-riżultati għandhom jiġu pprovduti bl-użu ta’ ringieli differenti biss meta r-rekwiżit speċifiku ta’ stħarriġ legali dwar il-pesti jispeċifika l-lista ta’ prodotti għall-istħarriġ.

Fil-kolonna 9: Indika l-lista tal-ispeċijiet/ġeneri tal-pjanti li ġew mistħarrġa. Tuża ringiela waħda għal kull speċi/ġeneru tal-pjanti biss meta jkun meħtieġ mir-rekwiżit speċifiku ta’ stħarriġ legali dwar il-pesti.

Fil-kolonna 10: Indika x-xhur tas-sena meta twettaq l-istħarriġ. Fil-każ ta’ pesti rrappurtati għal kull grupp, huwa possibbli li d-data tiġi aggregata għall-pesti kollha fil-grupp f’ringiela waħda. Fil-każ ta’ pesti mhux irrappurtati għal kull grupp, huwa possibbli li d-data tiġi aggregata f’ringiela waħda għal kull pest.

Fil-kolonna 11: Indika d-dettalji tal-istħarriġ, filwaqt li tqis ir-rekwiżiti legali speċifiċi tal-istħarriġ dwar il-pesti ta’ kull pest. Indika b’M/A meta l-informazzjoni ta’ ċerta kolonna ma tkunx applikabbli. Bl-eċċezzjoni tan-numru ta’ eżamijiet viżwali, li jistgħu jiġu rrappurtati fi grupp, id-data l-oħra kollha trid tiġi pprovduta għal kull pest sakemm ma tkunx inkluża ġustifikazzjoni għar-rapport fi grupp fil-kolonna 14 (“Kummenti”). Meta meħtieġ mir-rekwiżiti speċifiċi ta’ stħarriġ legali dwar il-pesti, uża ringieli differenti (eż. biex tirrapporta tipi differenti ta’ testijiet u n-numru tagħhom).

Fil-kolonna 12: Indika n-numru ta’ riżultati pożittivi għal kull pest. Dan in-numru jista’ jvarja min-numru ta’ tifqigħat meta jiġu inklużi diversi riżultati pożittivi f’notifika waħda ta’ tifqigħa.

Fil-kolonna 13: Indika n-notifiki tat-tifqigħat tas-sena meta sar l-istħarriġ.

Fil-kolonna 14: Inkludi kwalunkwe informazzjoni oħra li tqis rilevanti u, fejn applikabbli, informazzjoni dwar ir-riżultati tal-istħarriġ ta’ pjanti asintomatiċi b’sejbiet pożittivi.

2.   Elementi tar-rapport annwali li jikkonċernaw ir-riżultati tal-istħarriġ ibbażati fuq l-istatistika għall-pesti ta’ kwarantina fl-Unjoni, f’żoni fejn mhux magħruf li l-pesti huma preżenti, applikabbli meta twettaq stħarriġ ibbażat fuq l-istatistika

2.1.   Mudell

2.2.   Struzzjonijiet dwar kif timtela l-formola

Spjega s-suppożizzjonijiet sottostanti għad-disinn tal-istħarriġ għal kull pest. Ikteb fil-qosor u ġġustifika:

—	Il-popolazzjoni fil-mira, l-unità epidemjoloġika u l-unitajiet ta’ spezzjoni

—	Il-metodu tal-individwazzjoni u s-sensittività tal-metodu

—	Il-fattur(i) tar-riskju, li jindika l-livelli tar-riskju u r-riskji u l-proporzjonijiet relattivi korrispondenti tal-popolazzjoni tal-pjanti ospitanti

Fil-kolonna 1: Indika l-isem xjentifiku tal-pest (kif elenkat fl-Anness II tar-Regolament ta’ Implimentazzjoni (UE) 2019/2072 jew fi kwalunkwe miżura speċifika għal pest partikolari).

Fil-kolonna 2: Indika l-postijiet ġeografiċi fejn sar l-istħarriġ, preferibbilment bl-użu tal-livelli aktar baxxi disponibbli tan-NUTS.

Fil-kolonna 3: Indika s-siti tal-istħarriġ, billi tuża aktar minn ringiela waħda għal kull pest meta dan ikun meħtieġ mir-rekwiżiti legali speċifiċi tal-istħarriġ dwar il-pesti. Jekk jogħġbok, dejjem irrapporta l-istħarriġ li sar f’Postijiet ta’ produzzjoni awtorizzati, f’ringiela differenti. Meta tuża l-għażla “oħrajn”, jekk jogħġbok speċifika x’inhi:

1.	Fil-beraħ (żona ta’ produzzjoni): 1.1 għalqa (ikkultivata, bur); 1.2. ġnien bis-siġar tal-frott/vinja; 1.3. mixtla; 1.4. foresta;

2.

Fil-beraħ (oħrajn): 2.1. ġonna privati; 2.2. siti pubbliċi; 2.3. żona ta’ konservazzjoni; 2.4. pjanti selvaġġi f’żoni għajr żoni ta’ konservazzjoni; 2.5. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam, artijiet mistagħdra, network tat-tisqija u tad-drenaġġ, eċċ.);

3.	Kundizzjonijiet magħluqa fiżikament: 3.1. serra; 3.2. sit privat, għajr serra; 3.3. sit pubbliku, għajr serra; 3.4. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam).

Fil-kolonna 4: Indika x-xhur tas-sena meta twettqu l-istħarriġiet.

Fil-kolonna 5: Indika l-popolazzjoni fil-mira magħżula billi tipprovdi kif xieraq il-lista tal-ispeċijiet ospitanti u ż-żona koperta. Il-popolazzjoni fil-mira hija definita bħala l-grupp ta’ unitajiet ta’ spezzjoni. Id-daqs tagħha huwa ddefinit tipikament għal żoni agrikoli bl-ettari, iżda jista’ jkun lottijiet, għelieqi, serer eċċ. Jekk jogħġbok iġġustifika l-għażla li saret fis-suppożizzjonijiet sottostanti. Indika l-unitajiet ta’ spezzjoni mistħarrġa. “Unità ta’ spezzjoni” tfisser pjanti, partijiet ta’ pjanti, prodotti bażiċi, materjali, vetturi ta’ pesti li ġew eżaminati bir-reqqa għall-identifikazzjoni u għall-individwazzjoni tal-pesti. Jekk iż-żona tal-popolazzjoni fil-mira ma tkunx disponibbli, indika M/A u inkludi n-numru ta’ unitajiet ta’ spezzjoni li jiffurmaw il-popolazzjoni fil-mira.

Fil-kolonna 6: Indika l-unitajiet epidemjoloġiċi mistħarrġa, filwaqt li tindika d-deskrizzjoni u l-unità ta’ kejl tagħha. “Unità epidemjoloġika” tfisser żona omoġenja fejn l-interazzjonijiet bejn il-pest, il-pjanti ospitanti u l-fatturi u l-kundizzjonijiet abijotiċi u bijotiċi jirriżultaw fl-istess epidemjoloġija, jekk il-pest ikun preżenti. L-unitajiet epidemjoloġiċi huma suddiviżjoni tal-popolazzjoni fil-mira li hija omoġenja f’termini tal-epidemjoloġija b’mill-inqas pjanta ospitanti waħda. F’xi każijiet il-popolazzjoni tal-pjanti ospitanti kollha f’reġjun/żona/pajjiż tista’ tiġi definita bħala unità epidemjoloġika. Dawn jistgħu jkunu reġjuni tan-NUTS, żoni urbani, foresti, ġonna tal-ward jew irziezet, jew ettari. L-għażla għandha tkun iġġustifikata fis-suppożizzjonijiet sottostanti.

Fil-kolonna 7: Indika l-metodi użati matul l-istħarriġ inkluż in-numru ta’ attivitajiet f’kull każ, skont ir-rekwiżiti legali speċifiċi tal-istħarriġ dwar il-pesti ta’ kull pest. Indika b’M/A meta l-informazzjoni ta’ ċerta kolonna ma tkunx disponibbli.

Fil-kolonna 8: Indika stima tal-effettività tal-kampjunar. L-effettività tal-kampjunar tfisser il-probabbiltà li jintgħażlu partijiet ta’ pjanti infettati minn pjanta infettata. Għall-vetturi, hija l-effettività tal-metodu li jaqbad vettur pożittiv meta jkun preżenti fiż-żona tal-istħarriġ. Għall-ħamrija, hija l-effettività tal-għażla ta’ kampjun tal-ħamrija li jkun fih il-pest meta l-pest ikun preżenti fiż-żona tal-istħarriġ.

Fil-kolonna 9: “Sensittività tal-metodu” tfisser il-probabbiltà ta’ metodu biex tiġi individwata b’mod korrett il-preżenza ta’ pesti. Is-sensittività tal-metodu hija definita bħala l-probabbiltà li ospitant verament pożittiv jiġi individwat u kkonfermat bħala pożittiv u mhux identifikat ħażin. Hija l-multiplikazzjoni tal-effettività tal-kampjunar (jiġifieri l-probabbiltà li jintgħażlu partijiet infettati tal-pjanti minn pjanta infettata) bis-sensittività dijanjostika (karatterizzata mill-eżamijiet viżwali u/jew mit-test tal-laboratorju użati fil-proċess ta’ identifikazzjoni).

Fil-kolonna 10: Ipprovdi l-fatturi ta’ riskju f’kolonni differenti, uża daqstant kolonni skont il-bżonn. Għal kull fattur ta’ riskju indika l-livell ta’ riskju u r-riskju relattiv korrispondenti u l-proporzjon tal-popolazzjoni tal-pjanti ospitanti.

Għall-kolonna B: Indika d-dettalji tal-istħarriġ, skont ir-rekwiżiti legali speċifiċi tal-istħarriġ dwar il-pesti għal kull pest. Indika b’M/A meta l-informazzjoni ta’ ċerta kolonna ma tkunx applikabbli. L-informazzjoni li għandha tiġi pprovduta f’dawn il-kolonni hija relatata mal-informazzjoni inkluża fil-kolonna 7 “Metodi ta’ individwazzjoni”.

Fil-kolonna 15: Indika n-numru ta’ siti tal-insib f’każ li dan in-numru jkun differenti min-numru ta’ nases (Kolonna 14) (eż. l-istess nassa tintuża f’postijiet differenti).

Fil-kolonna 18: Indika n-numru ta’ kampjuni li nstabu pożittivi, negattivi jew mhux determinati. “Mhux determinati” huma dawk il-kampjuni analizzati li għalihom ma nkiseb l-ebda riżultat minħabba fatturi differenti (eż. taħt il-livell ta’ individwazzjoni, kampjun mhux ipproċessat-mhux identifikat, antik, eċċ.).

Fil-kolonna 19: Indika n-notifiki tat-tifqigħat tas-sena meta sar l-istħarriġ.

Fil-kolonna 20: Indika s-sensittività tal-istħarriġ, kif definit fl-ISPM 31. Dan il-valur tal-livell ta’ fiduċja miksub tal-ħelsien mill-pesti huwa kkalkulat abbażi tal-eżamijiet (u/jew il-kampjuni) imwettqa minħabba s-sensittività tal-metodu u l-prevalenza tad-disinn.

Fil-kolonna 21: Indika l-prevalenza tad-disinn ibbażata fuq stima ta’ qabel l-istħarriġ tal-probabbiltà ta’ prevalenza attwali tal-pest fl-għalqa. Il-prevalenza tad-disinn hija stabbilita bħala mira tal-istħarriġ u tikkorrispondi mal-kompromess li l-maniġers tar-riskju qed jagħmlu bejn ir-riskju li jkollhom il-pest u r-riżorsi disponibbli għall-istħarriġ. Tipikament, għal stħarriġ ta’ individwazzjoni jiġi stabbilit valur ta’ 1 %.

PARTI III

Elementi tar-rapport annwali li jikkonċernaw is-sommarju tar-riżultati tal-istħarriġ u l-aġġornament tal-istatus tal-pesti mistħarrġa, kif imsemmi fil-punt (c) tal-Artikolu 1(2)

Ir-rapport għandu jiġbor fil-qosor ir-riżultati tal-istħarriġ u jaġġorna l-istatus ta’ kull pest inkluż fl-istħarriġ annwali, f’konformità mal-Istandard Internazzjonali għall-Miżuri Fitosanitarji (ISPM 8) u l-mudell li ġej:

ANNESS II

Format għall-programmi ta’ stħarriġ pluriennali previst fl-Artikolu 23 tar-Regolament (UE) 2016/2031, u arranġamenti prattiċi għall-applikazzjoni tal-elementi stabbiliti f’dak l-Artikolu

PARTI I

Informazzjoni ġenerali kif imsemmija fil-punt (a) tal-Artikolu 2(2)

1.   Mudell

‘Informazzjoni ġenerali għal [snin]

—	Stat Membru:

—	Awtorità Kompetenti:

—	Persuna ta’ kuntatt (isem, impjieg miżmum fi ħdan l-awtorità kompetenti, isem l-organizzazzjoni, in-numru tat-telefon u l-kont tal-posta elettronika funzjonali):

—	Objettiv speċifiku ta’ kull sena tal-programm pluriennali tal-istħarriġ (għal aktar dettalji, ara l-punt (a) fit-taqsima ta’ hawn taħt, “Arranġamenti prattiċi”):

—

Ġustifikazzjoni f’konformità mal-Artikoli 22(1) u 24(1) tar-Regolament (UE) 2016/2031 f’każ ta’ nuqqas ta’ inklużjoni ta’ ċerti pesti ta’ kwarantina fl-Unjoni, pesti li jikkwalifikaw b’mod provviżorju bħala pesti ta’ kwarantina fl-Unjoni jew pesti ta’ prijorità (fuq bażi annwali) fil-programm ta’ stħarriġ pluriennali (għal aktar dettalji, ara l-punt (b) fit-taqsima hawn taħt, “Arranġamenti prattiċi”): Pest Ġustifikazzjoni għan-nuqqas ta’ inklużjoni fil-programm ta’ stħarriġ pluriennali

—	Metodi ta’ reġistrazzjoni u rappurtar tal-informazzjoni miġbura (għal aktar dettalji, ara l-punt (c) fit-taqsima ta’ hawn taħt, “Arranġamenti prattiċi”):

—	Sommarju pprovdut mill-Istat Membru disponibbli għall-pubbliku ġenerali (għall-pubblikazzjoni fuq is-sit web tal-Kummissjoni, bejn 350 u 2000 kelma) (għal iktar dettalji, ara l-punt (d) fit-taqsima ta’ hawn taħt, “Arranġamenti prattiċi”):’

2.   Arranġamenti prattiċi

(a)	Iddeskrivi fil-qosor u ppreżenta r-raġunament għad-distribuzzjoni tal-pesti matul il-5-7 snin tal-programm pluriennali.

(b)	Skont l-Artikoli 22(1) u 24(1) tar-Regolament (UE) 2016/2031, ipprovdu ġustifikazzjonijiet għal kull pest mhux inkluż fil-programm ta’ stħarriġ pluriennali.

(c)	Fl-informazzjoni li tikkonċerna l-metodi ta’ reġistrazzjoni u rappurtar, l-informazzjoni miġbura inkludi deskrizzjoni fil-qosor tal-metodi ewlenin użati għat-twettiq u għar-rappurtar tal-istħarriġ fit-territorju tal-Istat Membru.

(d)

Fis-sommarju pprovdut għall-pubbliku ġenerali inkludi dan li ġej: — deskrizzjoni qasira u l-ambitu tal-programm ta’ stħarriġ pluriennali; — deskrizzjoni qasira tal-metodoloġija li għandha tintuża għall-istħarriġ, inkluża kwalunkwe teknoloġija ġdida jew innovattiva (jekk rilevanti); — in-numru totali ta’ pesti koperti; — link għas-sit web tal-awtorità kompetenti nazzjonali b’aktar informazzjoni (jekk disponibbli).

PARTI II

Mudelli għall-programmi ta’ stħarriġ pluriennali kif imsemmi fil-punt (b) tal-Artikolu 2(2)

1.   Elementi tal-programm ta’ stħarriġ pluriennali li jikkonċernaw pesti ta’ kwarantina fl-Unjoni u pesti soġġetti għal miżuri skont l-Artikoli 29 u 30 tar-Regolament (UE) 2016/2031 f’żoni fejn mhux magħruf li dawk il-pesti huma preżenti

1.1.   Mudell

1.2.   Arranġamenti prattiċi

Fil-kolonna 2: Bl-eċċezzjoni tal-“Grupp 1 – Postijiet ta’ produzzjoni awtorizzati”, huwa fakultattiv li jiġi ppjanat l-istħarriġ għal kull grupp ta’ pesti. Fejn applikabbli, indika l-grupp ta’ pesti li se jiġu mistħarrġa flimkien (eż. pesti taċ-ċitru, pesti tal-foresta li jwaqqgħu l-weraq, pesti tal-foresti koniferi, pesti taċ-ċereali, pesti tal-patata, oħrajn (jekk jogħġbok speċifika)). F’dawk il-każijiet meta pest ikun inkluż f’diversi gruppi, jekk jogħġbok inkludi fil-programm l-informazzjoni għal dak il-pest kif xieraq f’kull grupp.

Għall-“Grupp 1 – Postijiet ta’ produzzjoni awtorizzati”, indika l-lista tal-pesti li għalihom se jsir stħarriġ, billi tuża iktar minn ringiela waħda meta jkun meħtieġ biex tispeċifika siti mistħarrġa differenti tal-Kolonna 5 “Siti mistħarrġa”. F’dan il-grupp, jekk jogħġbok ipprovdi d-data għal kull pest, mingħajr ma taggrega fil-livell tal-grupp. Il-postijiet ta’ produzzjoni awtorizzati huma dawk il-postijiet li fihom l-operatur ikun awtorizzat mill-awtorità kompetenti biex joħroġ passaporti tal-pjanti.

Fil-kolonna 3: Indika l-isem xjentifiku tal-pest (kif elenkat fl-Anness II tar-Regolament ta’ Implimentazzjoni (UE) 2019/2072 jew fi kwalunkwe miżura speċifika għal pest partikolari), billi tuża ringiela waħda għal kull pest.

Fil-kolonna 4: Indika l-postijiet ġeografiċi fejn sar l-istħarriġ, preferibbilment billi tuża l-livelli aktar baxxi tan-NUTS li huma disponibbli f’dan l-istadju. Fil-każ ta’ pest irrappurtat għal kull grupp, huwa possibbli li tiġi aggregata d-data għall-pesti kollha fil-grupp f’ringiela waħda. Fil-każ ta’ pesti mhux irrappurtati fi gruppi, huwa possibbli li d-data tiġi aggregata f’ringiela waħda għal kull pest. Huwa possibbli wkoll li jintużaw daqstant ringieli daqs kemm hemm postijiet rrappurtati, jekk ikun xieraq.

Fil-kolonna 5: Indika s-siti tal-istħarriġ, billi tuża aktar minn ringiela waħda għal kull pest meta dan ikun meħtieġ mir-rekwiżiti legali speċifiċi tal-istħarriġ dwar il-pesti u indika n-numru ta’ siti mistħarrġa. Fil-każ ta’ pesti rrappurtati għal kull grupp, huwa possibbli li d-data tiġi aggregata għall-pesti kollha fil-grupp f’ringiela waħda, u indika n-numru ta’ siti mistħarrġa. Fil-każ ta’ pesti mhux irrappurtati fi gruppi, huwa possibbli li d-data tiġi aggregata f’ringiela waħda għal kull pest, u jiġi pprovdut in-numru totali ta’ siti mistħarrġa. Meta tuża l-għażla “oħrajn”, jekk jogħġbok speċifika x’inhi:

1.	Fil-beraħ (żona ta’ produzzjoni): 1.1 għalqa (ikkultivata, bur); 1.2. ġnien bis-siġar tal-frott/vinja; 1.3. mixtla; 1.4. foresta;

2.

Fil-beraħ (oħrajn): 2.1. ġonna privati; 2.2. siti pubbliċi; 2.3. żona ta’ konservazzjoni; 2.4. pjanti selvaġġi f’żoni għajr żoni ta’ konservazzjoni; 2.5. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam, artijiet mistagħdra, network tat-tisqija u tad-drenaġġ, eċċ.);

3.	Kundizzjonijiet magħluqa fiżikament: 3.1. serra; 3.2. sit privat, għajr serra; 3.3. sit pubbliku, għajr serra; 3.4. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam).

Fil-kolonna 6: Fakultattiv jew meta applikabbli skont rekwiżiti legali speċifiċi għall-istħarriġ dwar il-pesti. Indika ż-żoni ta’ riskju bbażati fuq il-bijoloġija tal-pest(i), il-preżenza tal-pjanti ospitanti, il-kondizzjonijiet ekoklimatiċi u l-postijiet ta’ riskju.

Fil-kolonna 7: Indika l-pjanti, il-frott, iż-żrieragħ, il-ħamrija, il-materjal tal-ippakkjar, l-injam, il-makkinarju, il-vetturi, il-vettur, l-ilma, oħrajn, filwaqt li tispeċifika l-każ speċifiku. Meta r-rekwiżit speċifiku tal-istħarriġ legali dwar il-pesti jispeċifika l-lista ta’ prodotti bażiċi li għandhom jiġu mistħarrġa, il-programm għandu jinkludi l-attivitajiet ippjanati għal kull prodott billi jintużaw ringieli differenti.

Fil-kolonna 8: Indika l-lista tal-ispeċijiet/ġeneri tal-pjanti li se jiġu mistħarrġa. Meta jkun meħtieġ mir-rekwiżit speċifiku ta’ stħarriġ legali dwar il-pesti, il-programm għandu jinkludi l-lista tal-ispeċijiet/ġeneri tal-pjanti bl-użu ta’ ringiela differenti għal kull speċi/ġeneru tal-pjanti.

Fil-kolonna 9: Indika x-xhur tas-sena meta se jitwettaq l-istħarriġ. Fil-każ ta’ pesti rrappurtati għal kull grupp, huwa possibbli li d-data tiġi aggregata għall-pesti kollha fil-grupp f’ringiela waħda. Fil-każ ta’ pesti mhux irrappurtati fi gruppi, huwa possibbli li d-data tiġi aggregata f’ringiela waħda għal kull pest.

Fil-kolonna 10: Indika d-dettalji tal-istħarriġ, filwaqt li tqis ir-rekwiżiti legali speċifiċi ta’ kull pest. Indika b’M/A meta l-informazzjoni ta’ ċerta kolonna ma tkunx disponibbli. Huwa possibbli biss li d-data minn din il-kolonna tinġabar flimkien fl-istess livell tal-grupp ta’ pesti għan-numru ta’ eżamijiet viżwali. Meta meħtieġ mir-rekwiżiti legali speċifiċi tal-istħarriġ dwar il-pesti, uża ringieli differenti (eż. il-pjan tal-użu ta’ tipi differenti ta’ testijiet u n-numru tagħhom).

2.   Elementi tal-programm ta’ stħarriġ pluriennali li jikkonċerna stħarriġ ibbażat fuq l-istatistika għall-pesti ta’ kwarantina fl-Unjoni, u pesti soġġetti għal miżuri skont l-Artikoli 29 u 30 tar-Regolament (UE) 2016/2031, f’żoni fejn mhux magħruf li dawk il-pesti huma preżenti, applikabbli meta jitwettaq stħarriġ ibbażat fuq l-istatistika

Il-programm ta’ stħarriġ pluriennali għandu jiġbor fil-qosor u jiġġustifika l-istħarriġ, inkluż il-parametri tal-input tiegħu, u l-isforz tal-kampjunar ippjanat

2.1.   Mudell

2.2.   Arranġamenti prattiċi

Spjega s-suppożizzjonijiet sottostanti għad-disinn tal-istħarriġ għal kull pest. Ikteb fil-qosor u ġġustifika:

—	Il-popolazzjoni fil-mira, l-unità epidemjoloġika u l-unitajiet ta’ spezzjoni

—	Il-metodu tal-individwazzjoni u s-sensittività tal-metodu

—	Il-fattur(i) tar-riskju, li jindika l-livelli tar-riskju u r-riskji u l-proporzjonijiet relattivi korrispondenti tal-popolazzjoni tal-pjanti ospitanti

Fil-kolonna 2: Indika l-isem xjentifiku tal-pest (kif elenkat fl-Anness II tar-Regolament ta’ Implimentazzjoni (UE) 2019/2072 jew fi kwalunkwe miżura speċifika għal pest partikolari).

Fil-kolonna 3: Indika l-postijiet ġeografiċi fejn se jsir l-istħarriġ, billi tuża preferibbilment il-livelli aktar baxxi tan-NUTS li huma disponibbli.

Fil-kolonna 4: Indika s-siti tal-istħarriġ, billi tuża aktar minn ringiela waħda għal kull pest meta dan ikun meħtieġ mir-rekwiżiti legali speċifiċi tal-istħarriġ dwar il-pesti. Jekk jogħġbok, dejjem ippjana l-istħarriġ li jridu jsiru f’Postijiet ta’ produzzjoni awtorizzati, f’ringiela differenti. Meta tuża l-għażla “oħrajn”, jekk jogħġbok speċifika x’inhi:

1.	Fil-beraħ (żona ta’ produzzjoni): 1.1 għalqa (ikkultivata, bur); 1.2. ġnien bis-siġar tal-frott/vinja; 1.3. mixtla; 1.4. foresta;

2.

Fil-beraħ (oħrajn): 2.1. ġonna privati; 2.2. siti pubbliċi; 2.3. żona ta’ konservazzjoni; 2.4. pjanti selvaġġi f’żoni għajr żoni ta’ konservazzjoni; 2.5. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam, artijiet mistagħdra, network tat-tisqija u tad-drenaġġ, eċċ.);

3.	Kundizzjonijiet magħluqa fiżikament: 3.1. serra; 3.2. sit privat, għajr serra; 3.3. sit pubbliku, għajr serra; 3.4. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam).

Fil-kolonna 5: Indika x-xhur tas-sena meta se jitwettaq l-istħarriġ.

Fil-kolonna 6: Indika l-popolazzjoni fil-mira magħżula billi tipprovdi kif xieraq il-lista tal-ispeċijiet ospitanti u ż-żona koperta. Il-popolazzjoni fil-mira hija definita bħala l-grupp ta’ unitajiet ta’ spezzjoni. Id-daqs tiegħu huwa ddefinit tipikament għal żoni agrikoli bl-ettari, iżda jista’ jkun lottijiet, għelieqi, serer eċċ. Jekk jogħġbok iġġustifika l-għażla li saret fis-suppożizzjonijiet sottostanti fil-kolonna 21 (“Kummenti”). Indika l-unitajiet ta’ spezzjoni mistħarrġa. “Unità ta’ spezzjoni” tfisser pjanti, partijiet ta’ pjanti, prodotti bażiċi, materjali, vetturi ta’ pesti li se jiġu eżaminati bir-reqqa għall-identifikazzjoni u għall-individwazzjoni tal-pesti. Jekk iż-żona tal-popolazzjoni fil-mira ma tkunx disponibbli, indika M/A u inkludi n-numru ta’ unitajiet ta’ spezzjoni li jiffurmaw il-popolazzjoni fil-mira.

Fil-kolonna 7: Indika l-unitajiet epidemjoloġiċi li għandhom jiġu mistħarrġa, filwaqt li tindika d-deskrizzjoni u l-unità tal-kejl tagħha. L-unità epidemjoloġika hija definita bħala żona omoġenja fejn l-interazzjonijiet bejn il-pest, il-pjanti ospitanti u l-fatturi u l-kundizzjonijiet abijotiċi u bijotiċi jirriżultaw fl-istess epidemjoloġija, jekk il-pest ikun preżenti. L-unitajiet epidemjoloġiċi huma suddiviżjoni tal-popolazzjoni fil-mira li hija omoġenja f’termini tal-epidemjoloġija b’mill-inqas pjanta ospitanti waħda. F’xi każijiet il-popolazzjoni tal-pjanti ospitanti kollha f’reġjun/żona/pajjiż tista’ tiġi definita bħala unità epidemjoloġika. Dawn jistgħu jkunu reġjuni tan-NUTS, żoni urbani, foresti, ġonna tal-ward jew irziezet, jew ettari. L-għażla għandha tkun iġġustifikata fis-suppożizzjonijiet sottostanti.

Fil-kolonna 8: Indika l-metodi li se jintużaw matul l-istħarriġ inkluż in-numru ta’ attivitajiet f’kull każ, skont ir-rekwiżiti legali speċifiċi tal-istħarriġ dwar il-pesti ta’ kull pest. Indika b’M/A meta l-informazzjoni ta’ ċerta kolonna ma tkunx disponibbli. Indika iva/le f’Eżamijiet viżwali u pprovdi d-dettalji tal-metodi għall-Insib, għall-Ittestjar u għal Miżuri oħra.

Fil-kolonna 9: Indika stima tal-effettività tal-kampjunar. L-effettività tal-kampjunar tfisser il-probabbiltà li jintgħażlu partijiet ta’ pjanti infettati minn pjanta infettata. Għall-vetturi, hija l-effettività tal-metodu li jaqbad vettur pożittiv meta jkun preżenti fiż-żona tal-istħarriġ. Għall-ħamrija, hija l-effettività tal-għażla ta’ kampjun tal-ħamrija li jkun fih il-pest meta l-pest ikun preżenti fiż-żona tal-istħarriġ.

Fil-kolonna 10: “Sensittività tal-metodu” tfisser il-probabbiltà ta’ metodu biex tiġi individwata b’mod korrett il-preżenza ta’ pesti. Is-sensittività tal-metodu hija definita bħala l-probabbiltà li ospitant verament pożittiv jiġi individwat u kkonfermat bħala pożittiv u mhux identifikat ħażin. Hija l-multiplikazzjoni tal-effettività tal-kampjunar (jiġifieri l-probabbiltà li jintgħażlu partijiet infettati tal-pjanti minn pjanta infettata) bis-sensittività dijanjostika (karatterizzata mill-eżami viżwali u/jew mit-test tal-laboratorju użati fil-proċess ta’ identifikazzjoni).

Fil-kolonna 11: Ipprovdi l-fatturi ta’ riskju f’kolonni differenti, uża daqstant kolonni skont il-bżonn. Għal kull fattur ta’ riskju indika l-livell ta’ riskju u r-riskju relattiv korrispondenti u l-proporzjon tal-popolazzjoni tal-pjanti ospitanti.

Għall-kolonna B: Indika n-numru ta’ attivitajiet ippjanati, billi tispeċifika t-tip ta’ attività. Indika b’M/A meta l-informazzjoni ta’ ċerta kolonna ma tkunx disponibbli. L-informazzjoni li għandha tiġi pprovduta f’dawn il-kolonni hija relatata mal-informazzjoni inkluża fil-kolonna 8 “Metodi ta’ individwazzjoni ppjanati”.

Fil-kolonna 16: Indika n-numru ta’ siti tal-insib f’każ li dan in-numru jkun differenti min-numru ta’ nases (Kolonna 15) (eż. l-istess nassa tintuża f’postijiet differenti).

Fil-kolonna 20: Indika s-sensittività tal-istħarriġ, kif definit fl-ISPM 31. Dan il-valur tal-livell ta’ fiduċja miksub tal-ħelsien mill-pesti huwa kkalkulat abbażi tal-eżamijiet (u/jew il-kampjuni) imwettqa minħabba s-sensittività tal-metodu u l-prevalenza tad-disinn.

Fil-kolonna 21: Indika l-prevalenza tad-disinn ibbażata fuq stima ta’ qabel l-istħarriġ tal-probabbiltà ta’ prevalenza attwali tal-pest fl-għalqa. Il-prevalenza tad-disinn hija stabbilita bħala mira tal-istħarriġ u tikkorrispondi mal-kompromess li l-maniġers tar-riskju qed jagħmlu bejn ir-riskju li jkollhom il-pest u r-riżorsi disponibbli għall-istħarriġ. Tipikament, għal stħarriġ ta’ individwazzjoni jiġi stabbilit valur ta’ 1 %.