Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32020D1075

Deċiżjoni tal-Kunsill (UE) 2020/1075 tas-26 ta’ Ġunju 2020 dwar il-konklużjoni tal-Ftehim dwar is-sikurezza fl-avjazzjoni ċivili bejn l-Unjoni Ewropea u l-Gvern tar-Repubblika tal-Poplu taċ-Ċina

ST/14185/2019/INIT

ĠU L 240, 24.7.2020, p. 1–3 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2020/1075/oj

Related international agreement
Date of document:
26/06/2020; Data ta' adozzjoni
Date of effect:
26/06/2020; Dħul fis-seħħ Data tad-dokument Ara Art. 6
Date of end of validity:
No end date
Author:
Il-Kunsill tal-Unjoni Ewropea
Form:
Deċiżjoni
Treaty:
Trattat dwar il-Funzjonament tal-Unjoni Ewropea
Legal basis:
Proposal:
Link
Link
Link
Link
Link
Select all documents mentioning this document
Instruments cited:
Link

24.7.2020   

MT

Il-Ġurnal Uffiċjali tal-Unjoni Ewropea

L 240/1

DEĊIŻJONI TAL-KUNSILL (UE) 2020/1075

tas-26 ta’ Ġunju 2020

dwar il-konklużjoni tal-Ftehim dwar is-sikurezza fl-avjazzjoni ċivili bejn l-Unjoni Ewropea u l-Gvern tar-Repubblika tal-Poplu taċ-Ċina

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikoli 100(2), flimkien mal-punt (a)(v) tat-tieni subparagrafu tal-Artikolu 218(6) u mal-Artikolu 218(7) tiegħu,

Wara li kkunsidraw il-proposta mill-Kummissjoni Ewropea,

Wara li kkunsidra l-kunsens tal-Parlament Ewropew (1),

Billi:

(1)

F’isem l-Unjoni, il-Kummissjoni, nnegozjat Ftehim dwar is-sikurezza fl-avjazzjoni ċivili bejn l-Unjoni Ewropea u l-Gvern tar-Repubblika tal-Poplu taċ-Ċina (“il-Ftehim”) f’konformità mad-Deċiżjoni tal-Kunsill tas-7 ta’ Marzu 2016 li tawtorizza lill-Kummissjoni biex tiftaħ in-negozjati.

(2)

F’konformità mad-Deċiżjoni tal-Kunsill (UE) 2018/1153 (2) il-Ftehim ġie ffirmat fl-20 ta’ Mejju 2019, soġġett għall-konklużjoni tiegħu f’data aktar tard.

(3)

Jeħtieġ li jiġu stabbiliti arranġamenti proċedurali għall-parteċipazzjoni tal-Unjoni fil-korpi konġunti stabbiliti mill-Ftehim u għall-adozzjoni ta’ miżuri ta’ salvagwardja, talbiet għal konsultazzjonijiet u miżuri għas-sospensjoni tal-obbligi ta’ aċċettazzjoni.

(4)

F’konformità mal-punt (c) tal-Artikolu 11(2) u l-Artikolu 17(6) tal-Ftehim, il-Kumitat Konġunt stabbilit bl-Artikolu 11(1) tal-Ftehim (“il-Kumitat Konġunt”) ikun jista’ jadotta emendi għall-Annessi għall-Ftehim.

(5)

Sabiex tiffaċilita l-approvazzjoni ta’ emendi għall-Annessi għall-Ftehim li għandhom jiġu adottati mill-Kumitat Konġunt u biex jiġi evitat ir-riskju li l-Unjoni ma jkollhiex pożizzjoni dwar emendi proposti, jenħtieġ li l-Kummissjoni tiġi awtorizzata biex tapprova tali emendi proposti f’isem l-Unjoni soġġett għal kondizzjonijiet sostantivi u proċedurali speċifiċi.

(6)

Sabiex ikun żgurat li l-approvazzjoni mill-Kummissjoni ta’ emendi proposti għall-Annessi għall-Ftehim li għandhom jiġu adottati mill-Kumitat Konġunt tkun konformi mal-kondizzjonijiet stabbiliti f’din id-Deċiżjoni, jenħtieġ li l-Kummissjoni tissottometti l-emendi proposti lill-Kunsill għall-konsultazzjoni biżżejjed qabelil-laqgħa tal-Kumitat Konġunt li matulha dawk l-emendi jkunu ser jiġu adottati. Il-konformità ta’ dawk l-emendi ppreżentati mill-Kummissjoni lill-Kunsill jenħtieġ li tkun valutata mill-Kumitati tar-Rappreżentanti Permanenti tal-Gvernijiet tal-Istati Membri (Coreper).

(7)

Jenħtieġ li l-Ftehim jiġi approvat,

ADOTTA DIN ID-DEĊIŻJONI:

Artikolu 1

Il-Ftehim dwar is-sikurezza fl-avjazzjoni ċivili bejn l-Unjoni Ewropea u l-Gvern tar-Repubblika tal-Poplu taċ-Ċina (il-‘Ftehim’) huwa b’dan approvat f’isem l-Unjoni.

It-test tal-Ftehim huwa mehmuż ma’ din id-Deċiżjoni.

Artikolu 2

Il-President tal-Kunsill għandu, f’isem l-Unjoni, jagħti n-notifika prevista fl-Artikolu 17(1) tal-Ftehim (3).

Artikolu 3

1.   L-Unjoni għandha tkun irrappreżentata fil-Kumitat Konġunt stabbilit bl-Artikolu 11(1) tal-Ftehim mill-Kummissjoni Ewropea, megħjuna mill-Aġenzija Ewropea tas-Sikurezza tal-Avjazzjoni (“EASA”) u akkumpanjata mill-awtoritajiet tal-avjazzjoni bħala rappreżentanti tal-Istati Membri.

2.   L-Unjoni għandha tkun irrappreżentata fil-Bord tas-Sorveljanza taċ-Ċertifikazzjoni stabbilit bil-paragrafu 3.1.1. tal-Anness I għall-Ftehim mill-EASA, assistita mill-awtoritajiet tal-avjazzjoni direttament ikkonċernati mill-aġenda għal kull laqgħa.

Artikolu 4

Il-Kummissjoni għandha tkun awtorizzata li tapprova, f’isem l-Unjoni, l-emendi għall-Annessi għall-Ftehim adottati mill-Kumitat Konġunt f’konformità mal-punt(c) tal-Artikolu 11(2) u l-Artikolu 17(6) tal-Ftehim sa fejn dawn l-emendi jkunu konsistenti mal-atti legali rilevanti tal-Unjoni, u ma jinvolvu l-ebda modifika tagħhom, soġġett għall-kondizzjonijiet li ġejjin:

(a)

Il-Kummissjoni għandha tiżgura li l-approvazzjoni f’isem l-Unjoni:

—

tkun fl-interessi tal-Unjoni;

—

taqdi l-għanijiet li l-Unjoni ssegwi fil-qafas tal-politika tagħha dwar is-sikurezza tal-avjazzjoni u l-kummerċ;

—

tqis l-interessi tal-manifatturi, il-kummerċjanti u l-konsumaturi tal-Unjoni;

—

ma tmurx kontra d-dritt tal-Unjoni jew id-dritt internazzjonali;

—

fejn applikabbli, tappoġġa t-titjib tal-kwalità tal-prodotti ajrunawtiċi billi tagħmilha aktar faċli li jinqabdu prattiki frawdolenti u qarrieqa;

—

fejn applikabbli, ikollha l-għan tal-approssimazzjoni tal-istandards marbuta mal-prodotti ajrunawtiċi;

—

fejn applikabbli, tevita li toħloq ostakli għall-innovazzjoni; u

—

fejn applikabbli, tiffaċilita l-kummerċ tal-prodotti ajrunawtiċi.

(b)

Il-Kummissjoni tippreżenta l-emendi proposti lill-Kunsill f’waqthom qabel l-approvazzjoni tagħhom.

Coreper għandu jivvaluta jekk l-emendi proposti jissodisfawx il-kondizzjonijiet stabbiliti fil-punt (a).

Il-Kummissjoni għandha tapprova l-emendi proposti f’isem l-Unjoni sakemm għadd ta’ Stati Membri li jirrappreżentaw minoranza li timblokka tal-Kunsill f’konformità mal-Artikolu 16(4) Trattat dwar l-Unjoni Ewropea ma joġġezzjonawx għalihom. Jekk ikun hemm din il-minoranza li timblokka, il-Kummissjoni għandha tirrifjuta l-emendi proposti f’isem l-Unjoni.

Artikolu 5

1.   Il-Kummissjoni tista’ tieħu l-azzjoni li ġejja:

(a)

tadotta miżuri ta’ salvagwardja f’konformità mal-punt (b) tal-Artikolu 5(1) tal-Ftehim,

(b)

titlob konsultazzjonijiet f’konformità mal-Artikolu 15(3) tal-Ftehim,

(c)

tieħu miżuri biex tissospendi obbligi ta’ aċċettazzjoni reċiproka u tirrevoka din is-sospensjoni f’konformità mal-Artikolu 16 tal-Ftehim.

2.   Il-Kummissjoni għandha tinnotifika lill-Kunsill biżżejjed minn qabel l-intenzjoni tagħha li tieħu azzjoni skont dan l-Artikolu.

Artikolu 6

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell, is-26 ta’ Ġunju 2020.

Għall-Kunsill

Il-President

A. METELKO-ZGOMBIĆ

(1)  Kunsens tas-17 ta’ Ġunju 2020 (għadu ma ġiex ippubblikat fil-Ġurnal Uffiċjali).

(2)  Id-Deċiżjoni tal-Kunsill (UE) 2018/1153 tas-26 ta’ Ġunju 2018 dwar l-iffirmar f’isem l-Unjoni tal-Ftehim dwar is-sikurezza fl-avjazzjoni ċivili bejn l-Unjoni Ewropea u l-Gvern tar-Repubblika tal-Poplu taċ-Ċina (ĠU L 210, 21.8.2018, p. 2).

(3)  Id-data tad-dħul fis-seħħ tal-Ftehim ser tiġi ppubblikata f’Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.

Top