EUR-Lex Access to European Union law
This document is an excerpt from the EUR-Lex website
Document 32020A1009(01)
Commission opinion of 8 October 2020 relating to the modified plan for the disposal of radioactive waste arising from the dismantling of the Berkeley Power Station, located in the United Kingdom (Only the English text is authentic) 2020/C 335/01
Opinjoni tal-Kummissjoni 8 ta’ Ottubru 2020. rigward il-pjan immodifikat għar-rimi tal-iskart radjuattiv li jirriżulta miż-żarmar tal-Impjant tal-Enerġija ta’ Berkeley fir-Renju Unit (it-test bl-Ingliż biss huwa awtentiku) 2020/C 335/01
Opinjoni tal-Kummissjoni 8 ta’ Ottubru 2020. rigward il-pjan immodifikat għar-rimi tal-iskart radjuattiv li jirriżulta miż-żarmar tal-Impjant tal-Enerġija ta’ Berkeley fir-Renju Unit (it-test bl-Ingliż biss huwa awtentiku) 2020/C 335/01
C/2020/6767
ĠU C 335, 9.10.2020, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
- Date of document:
- 08/10/2020; Data ta' adozzjoni
- Author:
- Il-Kummissjoni Ewropea, Id-Direttorat Ġenerali għall-Enerġija
- Responsible body:
- ENER
- Form:
- Opinjoni
- Authentic language:
- Ingliż
- Treaty:
- Trattat dwar il-Funzjonament tal-Unjoni Ewropea , Trattat li jistabbilixxi l-Komunità Ewropea għall-Enerġija Atomika
- Legal basis:
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
|
9.10.2020 |
MT |
Il-Ġurnal Uffiċjali tal-Unjoni Ewropea |
C 335/1 |
OPINJONI TAL-KUMMISSJONI
8 ta’ Ottubru 2020.
rigward il-pjan immodifikat għar-rimi tal-iskart radjuattiv li jirriżulta miż-żarmar tal-Impjant tal-Enerġija ta’ Berkeley fir-Renju Unit
(it-test bl-Ingliż biss huwa awtentiku)
(2020/C 335/01)
Il-valutazzjoni ta’ hawn taħt qed titwettaq skont id-dispożizzjonijiet tat-Trattat Euratom, mingħajr preġudizzju għal xi valutazzjonijiet addizzjonali li jridu jitwettqu skont it-Trattat dwar il-Funzjonament tal-Unjoni Ewropea u skont l-obbligi li joħorġu minnu u mil-leġiżlazzjoni sekondarja (1).
Fis-7 ta’ Mejju 2018, il-Kummissjoni Ewropea rċeviet mingħand il-Gvern tar-Renju Unit, f’konformità mal-Artikolu 37 tat-Trattat Euratom, id-Data Ġenerali relatata mal-pjan immodifikat għar-rimi tal-iskart radjuattiv (2) li jirriżulta miż-żarmar tal-Impjant tal-Enerġija ta’ Berkeley.
Abbażi ta’ din id-data u l-informazzjoni addizzjonali li talbet il-Kummissjoni fis-17 ta’ Mejju 2018 u fid-19 ta’ Lulju 2018 u li pprovdew l-awtoritajiet tar-Renju Unit fis-26 ta’ Ġunju 2018 u fis-26 ta’ Ġunju 2020, u wara konsultazzjoni mal-Grupp ta’ Esperti, il-Kummissjoni fasslet l-opinjoni li ġejja:
|
1. |
Id-distanza bejn is-sit u l-eqreb fruntiera ma’ Stat Membru ieħor, f’dan il-każ Franza, hija madwar 220 km. |
|
2. |
Il-modifiki ppjanati jikkonċernaw żieda fil-limitu ta’ rilaxx awtorizzat għall-effluwenti radjuattivi fl-ajru (li fir-rigward tagħhom il-Kummissjoni ħarġet l-Opinjoni inizjali tagħha skont l-Artikolu 37 fl-2002) minħabba l-attivitajiet il-ġodda ppjanati ta’ dekummissjonar tal-Impjant tal-Enerġija ta’ Berkeley. |
|
3. |
F’kundizzjonijiet operattivi normali, il-modifiki ppjanati mhux suppost jikkawżaw esponiment għall-popolazzjoni ta’ Stat Membru ieħor li jkun sinifikanti mil-lat tas-saħħa, fir-rigward tal-limitu tad-doża stabbilita fid-Direttiva dwar l-Istandards Bażiċi tas-Sikurezza. |
|
4. |
F’każ li jkun hemm rilaxxi mhux ippjanati ta’ effluwenti radjuattivi, li jistgħu jseħħu wara xi aċċidenti tat-tip u tal-kobor ikkunsidrati fil-pjan immodifikat, id-dożi li x’aktarx jilħqu lill-popolazzjoni ta’ Stat Membru ieħor ma jkunux sinifikanti mil-lat tas-saħħa, fir-rigward tal-livelli ta’ referenza stabbiliti fid-Direttiva dwar l-Istandards Bażiċi tas-Sikurezza (3). |
Bħala konklużjoni, il-Kummissjoni hija tal-opinjoni li l-implimentazzjoni tal-pjan immodifikat għar-rimi tal-iskart radjuattiv fi kwalunkwe għamla li jirriżulta miż-żarmar tal-Impjant tal-Enerġija ta’ Berkeley, li jinsab f’Berkeley, f’Gloucestershire, fl-Ingilterra, ir-Renju Unit, kemm waqt l-operat normali kif ukoll fil-każ ta’ aċċidenti tat-tip u tal-kobor ikkunsidrati fid-Data Ġenerali, mhux suppost tirriżulta f’kontaminazzjoni radjuattiva tal-ilma, tal-ħamrija jew tal-ispazju tal-ajru ta’ Stat Membru ieħor, li tkun sinifikanti mil-lat tas-saħħa, skont id-dispożizzjonijiet stabbiliti fid-Direttiva dwar l-Istandards Bażiċi tas-Sikurezza.
Magħmul fi Brussell, 8 ta’ Ottubru 2020.
Għall-Kummissjoni
Kadri SIMSON
Membru tal-Kummissjoni
(1) Pereżempju, skont it-Trattat dwar il-Funzjonament tal-Unjoni Ewropea, jenħtieġ li l-aspetti ambjentali jkomplu jiġu vvalutati. B’mod indikattiv, il-Kummissjoni tixtieq tiġbed l-attenzjoni lejn id-dispożizzjonijiet tad-Direttiva 2011/92/UE dwar l-istima tal-effetti ta’ ċerti proġetti pubbliċi u privati fuq l-ambjent, kif emendata bid-Direttiva 2014/52/UE; lejn id-Direttiva 2001/42/KE dwar l-istima tal-effetti ta’ ċerti pjanijiet u programmi fuq l-ambjent, kif ukoll lejn id-Direttiva 92/43/KEE dwar il-konservazzjoni tal-ħabitat naturali u tal-fawna u l-flora selvaġġa, u lejn id-Direttiva 2000/60/KE li tistabbilixxi qafas għal azzjoni Komunitarja fil-qasam tal-politika tal-ilma.
(2) Ir-rimi tal-iskart radjuattiv skont it-tifsira tal-punt 1 tar-Rakkomandazzjoni tal-Kummissjoni 2010/635/Euratom tal-11 ta’ Ottubru 2010 dwar l-applikazzjoni tal-Artikolu 37 tat-Trattat Euratom (ĠU L 279, 23.10.2010, p. 36).
(3) Id-Direttiva tal-Kunsill 2013/59/Euratom tal-5 ta’ Diċembru 2013 li tistabbilixxi standards bażiċi ta’ sikurezza għal protezzjoni kontra l-perikli li jirriżultaw minn esponiment għal radjazzjoni jonizzanti (ĠU L 13, 17.1.2014, p. 1).
