Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32019R1123

Regolament Delegat tal-Kummissjoni (UE) 2019/1123 tat-12 ta' Marzu 2019 li jemenda r-Regolament (UE) Nru 389/2013 rigward l-implimentazzjoni teknika tat-tieni perjodu ta' impenn tal-Protokoll ta' Kjoto (Test b'rilevanza għaż-ŻEE.)

C/2019/1839

ĠU L 177, 2.7.2019, p. 63–65 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_del/2019/1123/oj

Date of document:
12/03/2019; Data ta' adozzjoni
Date of effect:
Applikazzjoni Ara Art. 2
Date of effect:
22/07/2019; Dħul fis-seħħ Data tal-pubblikazzjoni +20 Ara Art. 2
Date of end of validity:
No end date
Author:
Il-Kummissjoni Ewropea, Id-Direttorat Ġenerali għall-Azzjoni Klimatika
Responsible body:
CLIMA
Form:
Regolament delegat
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32013R0389 Żieda artikolu 73h
Instruments cited:
Link

2.7.2019   

MT

Il-Ġurnal Uffiċjali tal-Unjoni Ewropea

L 177/63

REGOLAMENT DELEGAT TAL-KUMMISSJONI (UE) 2019/1123

tat-12 ta' Marzu 2019

li jemenda r-Regolament (UE) Nru 389/2013 rigward l-implimentazzjoni teknika tat-tieni perjodu ta' impenn tal-Protokoll ta' Kjoto

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 525/2013 tal-Parlament Ewropew u tal-Kunsill tal-21 ta' Mejju 2013 dwar mekkaniżmu għall-monitoraġġ u r-rapportar ta' emissjonijiet ta' gassijiet serra u għar-rapportar ta' informazzjoni oħra relatata mat-tibdil fil-klima fil-livelli nazzjonali u tal-Unjoni u li jħassar id-Deċiżjoni Nru 280/2004/KE (1), u b'mod partikolari l-Artikolu 10(6) tiegħu,

Billi:

(1)

L-Artikolu 19(1) tad-Direttiva 2003/87/KE tal-Parlament Ewropew u tal-Kunsill (2) jesiġi li l-kwoti kollha maħruġa mill-1 ta' Jannar 2012 'il quddiem jinżammu f'Reġistru tal-Unjoni. Tali Reġistru tal-Unjoni kien inizjalment stabbilit mir-Regolament tal-Kummissjoni (UE) Nru 920/2010 (3).

(2)

Ir-Regolament tal-Kummissjoni (UE) Nru 389/2013 (4) ħassar ir-Regolament (UE) Nru 920/2010 sabiex jistabbilixxi rekwiżiti ġenerali, operazzjonali u ta' manutenzjoni fir-rigward tar-Reġistru tal-Unjoni għall-perjodu ta' skambju li jibda fl-1 ta' Jannar 2013 u l-perjodi sussegwenti, fir-rigward tar-reġistru indipendenti tat-tranżazzjonijiet previst fl-Artikolu 20(1) tad-Direttiva 2003/87/KE u fir-rigward tar-reġistri previsti fl-Artikolu 6 tad-Deċiżjoni Nru 280/2004/KE tal-Parlament Ewropew u tal-Kunsill (5).

(3)

L-Artikolu 10(1) tar-Regolament (UE) Nru 525/2013 jipprevedi l-istabbiliment ta' reġistri għat-twettiq ta' obbligi li joħorġu mill-Protokoll ta' Kyoto. Ir-Regolament (UE) Nru 389/2013 jirregola wkoll il-funzjonament ta' dawn ir-reġistri.

(4)

Il-Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima li serviet bħala l-laqgħa tal-Partijiet għall-Protokoll ta' Kjoto, adottat l-emenda ta' Doha li tistabbilixxi t-tieni perjodu ta' impenn tal-Protokoll ta' Kjoto, li jibda mill-1 ta' Jannar 2013 u jispiċċa fil-31 ta' Diċembru 2020 (“l-Emenda ta' Doha”). L-Unjoni approvat l-Emenda ta' Doha bid-Deċiżjoni tal-Kunsill (UE) 2015/1339 (6). Jenħtieġ li l-Emenda ta' Doha għall-Protokoll ta' Kjoto tiġi implimentata fir-Reġistru tal-Unjoni u fir-reġistri nazzjonali tal-Protokoll ta' Kjoto. Madankollu, jenħtieġ li d-dispożizzjonijiet rilevanti japplikaw biss mid-data tad-dħul fis-seħħ tal-Emenda ta' Doha għall-Protokoll ta' Kjoto.

(5)

In-Norveġja u l-Liechtenstein qed jipparteċipaw fl-iskema tal-UE għan-negozjar ta' emissjonijiet stabbilita bid-Direttiva 2003/87/KE, iżda mhumiex partijiet fil-ftehim ta' twettiq konġunt (7) matul it-tieni perjodu ta' impenn tal-Protokoll ta' Kjoto. Għalhekk, għandha tiġi stabbilita proċedura tal-ikklerjar speċifika fi tmiem it-tieni perjodu ta' impenn kif stipulat fl-Artikolu 10(6) tar-Regolament (UE) Nru 525/2013.

(6)

L-operazzjonijiet kollha meħtieġa fir-rigward tat-tielet perjodu ta' skambju tas-sistema għall-iskambju ta' kwoti tal-emissjonijiet tal-UE bejn l-2013 u l-2020 għandhom jitlestew f'konformità mar-regoli stipulati fir-Regolament (UE) Nru 389/2013. Billi d-Direttiva 2003/87/KE tipprevedi l-użu ta' krediti internazzjonali ġġenerati skont il-Protokoll ta' Kyoto, dak ir-Regolament ser ikompli japplika għal dawk l-operazzjonijiet sal-1 ta' Lulju 2023, li huwa t-tmiem tal-perjodu addizzjonali għall-issodisfar tal-impenji skont it-tieni perjodu ta' impenn tal-Protokoll ta' Kjoto. Sabiex tiġi pprovduta ċarezza dwar ir-regoli li japplikaw għall-operazzjonijiet kollha relatati mat-tielet perjodu ta' skambju f'konformità mad-Direttiva 2003/87/KE, kif emendata mid-Direttiva 2009/29/KE tal-Parlament Ewropew u tal-Kunsill (8), minn naħa, u r-regoli li japplikaw għall-operazzjonijiet kollha relatati mar-raba' perjodu ta' skambju f'konformità mad-Direttiva 2003/87/KE, kif emendata mid-Direttiva (UE) 2018/410 tal-Parlament Ewropew u tal-Kunsill (9), min-naħa l-oħra, il-kamp ta' applikazzjoni ta' dawk id-dispożizzjonijiet tar-Regolament (UE) Nru 389/2013 li jkomplu japplikaw, wara d-dħul fis-seħħ tar-Regolament preżenti, għall-operazzjonijiet relatati mat-tielet perjodu ta' skambju, se jkun limitat għal dak l-iskop,

ADOTTAT DAN IR-REGOLAMENT:

Artikolu 1

Fir-Regolament (UE) Nru 389/2013, jiddaħħal l-Artikolu 73h li ġej:

“Artikolu 73h

Il-proċess ta' kklerjar għal pajjiżi li mhumiex parti minn ftehim ta' twettiq konġunt

1.   Fi żmien 6 xhur wara l-għeluq tal-perjodu ta' negozjar 2013–2020, l-amministratur ċentrali għandu jikkalkula l-valur tal-ikklerjar għal pajjiżi li mhumiex partijiet għal ftehim ta' twettiq konġunt billi jnaqqas l-ammont ugwali għall-kwoti fl-EU ETS li jirriżultaw mill-inklużjoni ta' dak il-pajjiż fl-EU ETS għall-perjodu ta' negozjar 2013–2020 mill-ammont totali ta' kwoti ġenerali ċeduti minn operaturi amministrati mill-amministratur nazzjonali ta' dak il-pajjiż għall-perjodu 2013–2020.

2.   L-amministratur ċentrali għandu jinnotifika lill-amministraturi nazzjonali dwar ir-riżultat tal-kalkolu skont il-paragrafu 1.

3.   Fi żmien 5 jiem tax-xogħol min-notifika stabbilita fil-paragrafu 2, l-Amministratur Ċentrali għandu jittrasferixxi ammont ta' AAUs li jkun ugwali għall-valur ta' kklerjar ikkalkulat skont il-paragrafu 1 mill-Kont ta' Kklerjar Ċentrali tal-ETS fir-Reġistru tal-Unjoni lil kont ta' depożitu ta' parti tal-PK fir-reġistru tal-PK ta' kull pajjiż b'valur ta' kklerjar pożittiv.

4.   Fi żmien 5 jiem ta' xogħol min-notifika stabbilita fil-paragrafu 2, kull amministratur tar-reġistru tal-PK li l-pajjiż tiegħu jkollu valur ta' kklerjar negattiv għandu jittrasferixxi ammont ta' AAUs ugwali għall-ekwivalenti pożittiv tal-valur ta' kklerjar ikkalkulat skont il-paragrafu 1 lill-Kont ta' Kklerjar Ċentrali tal-ETS fir-Reġistru tal-Unjoni.

5.   Qabel ma jsir it-trasferiment imsemmi fil-paragrafi 3 u 4 ta' dan l-Artikolu, l-amministratur nazzjonali rilevanti jew l-amministratur ċentrali għandu l-ewwel jittrasferixxi l-għadd ta' AAUs meħtieġa biex jissodisfaw is-sehem tar-rikavat applikat għall-ewwel trasferimenti internazzjonali ta' AAUs skont l-Artikolu 10(1) tar-Regolament (UE) Nru 525/2013.

6.   Fi żmien 6 xhur wara l-għeluq tal-perjodu ta' negozjar 2013–2020, l-amministratur ċentrali għandu jikkalkula l-valur ta' kklerjar għal pajjiżi li ma jkunux partijiet fi ftehim ta' twettiq konġunt billi jnaqqas l-ammont ugwali għall-emissjonijiet ivverifikati minn operaturi ta' inġenji tal-ajru li huma inklużi fl-inventarju nazzjonali taħt l-UNFCCC ta' dak il-pajjiż mill-ammont totali ta' kwoti ġenerali ċeduti minn operaturi ta' inġenji tal-ajru amministrati mill-amministratur nazzjonali ta' dak il-pajjiż għall-perjodu 2013–2020.

7.   L-amministratur ċentrali għandu jinnotifika lill-amministraturi nazzjonali dwar ir-riżultat tal-kalkolu skont il-paragrafu 6.

8.   Fi żmien 5 jiem ta' xogħol min-notifika skont il-paragrafu 7, kull amministratur tar-reġistru tal-PK li l-pajjiż tiegħu jkollu valur ta' kklerjar pożittiv għandu jittrasferixxi ammont ta' AAUs li jkun ugwali għall-valur ta' kklerjar ikkalkulat skont il-paragrafu 6 lill-Kont ta' Kklerjar Ċentrali tal-ETS fir-Reġistru tal-Unjoni.

9.   Fi żmien 5 jiem tax-xogħol min-notifika skont il-paragrafu 7, l-Amministratur Ċentrali għandu jittrasferixxi ammont ta' AAUs li jkun ugwali għall-ekwivalenti pożittiv tal-valur ta' kklerjar ikkalkulat skont il-paragrafu 6 mill-Kont ta' Kklerjar Ċentrali tal-ETS fir-Reġistru tal-Unjoni lil kont ta' depożitu ta' parti tal-PK fir-reġistru tal-PK ta' kull pajjiż b'valur ta' kklerjar negattiv.

10.   Qabel ma jsir it-trasferiment imsemmi fil-paragrafi 8 u 9 ta' dan l-Artikolu, l-amministratur nazzjonali rilevanti jew l-amministratur ċentrali għandu l-ewwel jittrasferixxi l-għadd ta' AAUs meħtieġa biex jissodisfaw is-sehem tar-rikavat applikat għall-ewwel trasferimenti internazzjonali ta' AAUs skont l-Artikolu 10(1) tar-Regolament (UE) Nru 525/2013.”

Artikolu 2

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Għandu japplika mid-data tal-pubblikazzjoni mill-Kummissjoni f'Il-Ġurnal Uffiċjali tal-Unjoni Ewropea ta' komunikazzjoni dwar id-dħul fis-seħħ tal-Emenda ta' Doha għall-Protokoll ta' Kjoto.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-12 ta' Marzu 2019.

Għall-Kummissjoni

Il-President

Jean-Claude JUNCKER

(1)  ĠU L 165, 18.6.2013, p. 13.

(2)  Id-Direttiva 2003/87/KE tal-Parlament Ewropew u tal-Kunsill tat-13 ta' Ottubru 2003 li tistabbilixxi skema għall-iskambju ta' kwoti ta' emissjonijiet ta' gassijiet serra ġewwa l-Komunità u li temenda d-Direttiva 96/61/KE (ĠU L 275, 25.10.2003, p. 32).

(3)  Ir-Regolament tal-Kummissjoni (UE) Nru 920/2010 tas-7 ta' Ottubru 2010 għal sistema standardizzata u sigura ta' reġistri skont id-Direttiva 2003/87/KE tal-Parlament Ewropew u tal-Kunsill u d-Deċiżjoni Nru 280/2004/KE tal-Parlament Ewropew u tal-Kunsill (ĠU L 270, 14.10.2010, p. 1).

(4)  Ir-Regolament tal-Kummissjoni (UE) Nru 389/2013 tat-2 ta' Mejju 2013 li jistabbilixxi Reġistru tal-Unjoni skont id-Direttiva 2003/87/KE tal-Parlament Ewropew u tal-Kunsill, id-Deċiżjonijiet Nri 280/2004/KE u 406/2009/KE tal-Parlament Ewropew u tal-Kunsill, u li jħassar ir-Regolamenti tal-Kummissjoni (UE) Nru 920/2010 u (UE) Nru 1193/2011 (ĠU L 122, 3.5.2013, p. 1).

(5)  Id-Deċiżjoni Nru 280/2004/KE tal-Parlament Ewropew u tal-Kunsill tal-11 ta' Frar 2004 li tikkonċerna l-mekkaniżmu għall-monitoraġġ tal-emissjonijiet ta' gassijiet serra tal-Komunità u biex jiġi implimentat il-Protokoll ta' Kyoto (ĠU L 49, 19.2.2004, p. 1).

(6)  Id-Deċiżjoni tal-Kunsill (UE) 2015/1339 tat-13 ta' Lulju 2015 dwar il-konklużjoni, f'isem l-Unjoni Ewropea, tal-Emenda ta' Doha għall-Protokoll ta' Kjoto għall-Konvenzjoni Qafas tan-Nazzjonijiet Uniti dwar it-Tibdil fil-Klima u t-twettiq konġunt tal-impenji taħtha (ĠU L 207, 4.8.2015, p. 1).

(7)  Id-Deċiżjoni tal-Kunsill (UE) 2015/1340 tas-It-Tnejn, 13 ta' Lulju 2015 dwar l-iffirmar, f'isem l-Unjoni Ewropea, tal-ftehim bejn l-Unjoni Ewropea u l-Istati Membri tagħha, minn naħa, u l-Islanda, min-naħa l-oħra, dwar il-parteċipazzjoni tal-Islanda fit-twettiq konġunt tal-impenji tal-Unjoni Ewropea, l-Istati Membri tagħha u l-Islanda għat-tieni perijodu ta' impenn tal-Protokoll ta' Kjoto għall-Konvenzjoni Qafas tan-Nazzjonijiet Uniti dwar it-Tibdil fil-Klima (ĠU L 207, 4.8.2015, p. 15).

(8)  Id-Direttiva 2009/29/KE tal-Parlament Ewropew u tal-Kunsill tat-23 ta' April 2009 li temenda d-Direttiva 2003/87/KE għat-titjib u l-estensjoni tal-iskema Komunitarja għall-iskambju ta' kwoti ta' emissjonijiet ta' gassijiet serra (ĠU L 140, 5.6.2009, p. 63).

(9)  Id-Direttiva (UE) 2018/410 tal-Parlament Ewropew u tal-Kunsill tal-14 ta' Marzu 2018 li temenda d-Direttiva 2003/87/KE biex jiżdiedu t-tnaqqis kosteffettiv tal-emissjonijiet u l-investimenti għal emissjonijiet baxxi ta' karbonju, u d-Deċiżjoni (UE) 2015/1814 (ĠU L 76, 19.3.2018, p. 3).

Top