This document is an excerpt from the EUR-Lex website
Document 32019D1959
Commission Implementing Decision (EU) 2019/1959 of 26 November 2019 not approving silver sodium hydrogen zirconium phosphate as an existing active substance for use in biocidal products of product-types 2 and 7 (Text with EEA relevance)
Deċiżjoni ta’ Implimentazzjoni tal-Kummissjoni (UE) 2019/1959 tas-26 ta’ Novembru 2019 li ma tapprovax il-fosfat tal-fidda tas-sodju tal-idroġenu taż-żirkonju bħala sustanza attiva eżistenti għall-użu fil-prodotti bijoċidali tat-tipi ta’ prodott 2 u 7 (Test b’rilevanza għaż-ŻEE)
Deċiżjoni ta’ Implimentazzjoni tal-Kummissjoni (UE) 2019/1959 tas-26 ta’ Novembru 2019 li ma tapprovax il-fosfat tal-fidda tas-sodju tal-idroġenu taż-żirkonju bħala sustanza attiva eżistenti għall-użu fil-prodotti bijoċidali tat-tipi ta’ prodott 2 u 7 (Test b’rilevanza għaż-ŻEE)
ĠU L 306, 27.11.2019, p. 40–41
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 26/11/2019; Data ta' adozzjoni
- Date of effect:
- 17/12/2019; Dħul fis-seħħ Data tal-pubblikazzjoni +20 Ara Art. 2
- Date of end of validity:
- No end date
- Author:
- Il-Kummissjoni Ewropea, Direttorat Ġenerali għas-Saħħa u s-Sikurezza Alimentari
- Responsible body:
- Directorate-General for Health and Food Safety, SANTE
- Form:
- Deċiżjoni implimentattiva
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32012R0528 - A89P1L3
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
|
27.11.2019 |
MT |
Il-Ġurnal Uffiċjali tal-Unjoni Ewropea |
L 306/40 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2019/1959
tas-26 ta’ Novembru 2019
li ma tapprovax il-fosfat tal-fidda tas-sodju tal-idroġenu taż-żirkonju bħala sustanza attiva eżistenti għall-użu fil-prodotti bijoċidali tat-tipi ta’ prodott 2 u 7
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari t-tielet subparagrafu tal-Artikolu 89(1) tiegħu,
Billi:
|
(1) |
Ir-Regolament ta’ Delega tal-Kummissjoni (UE) Nru 1062/2014 (2) jistabbilixxi lista ta’ sustanzi attivi eżistenti li għandhom jiġu vvalutati biex possibbilment jiġu approvati għall-użu fil-prodotti bijoċidali. Dik il-lista tinkludi l-fosfat tal-fidda tas-sodju tal-idroġenu taż-żirkonju (Nru KE: 422-570-3, Nru CAS: 265647-11-8). |
|
(2) |
Il-fosfat tal-fidda tas-sodju tal-idroġenu taż-żirkonju ġie evalwat għall-użu fil-prodotti tat-tip ta’ prodott 2 , diżinfettanti u algaċidi li mhumiex maħsuba għall-applikazzjoni diretta fuq il-bnedmin jew l-annimali, u fil-prodotti tat-tip ta’ prodott 7, preservattivi għall-pellikoli, kif deskritt fl-Anness V tar-Regolament (UE) Nru 528/2012. |
|
(3) |
L-Iżvezja nħatret bħala l-Istat Membru relatur u l-awtorità kompetenti tagħha ssottomettiet ir-rapporti tal-valutazzjoni flimkien mal-konklużjonijiet tagħha lill-Aġenzija Ewropea għas-Sustanzi Kimiċi fit-12 ta’ Ġunju 2017. |
|
(4) |
F’konformità mal-Artikolu 7(2) tar-Regolament ta’ Delega (UE) Nru 1062/2014, il-Kumitat tal-Prodotti Bijoċidali tal-Aġenzija Ewropea għas-Sustanzi Kimiċi (3) adotta l-opinjonijiet tal-Aġenzija Ewropea għas-Sustanzi Kimiċi fis-17 ta’ Ottubru 2018, filwaqt li qies il-konklużjonijiet tal-awtorità kompetenti tal-evalwazzjoni. |
|
(5) |
Skont dawk l-opinjonijiet, il-prodotti bijoċidali tat-tipi ta’ prodott 2 u 7 li fihom il-fosfat tal-fidda tas-sodju tal-idroġenu taż-żirkonju jistgħu ma jkunux mistennija li jissodisfaw il-kriterji stabbiliti fl-Artikolu 19(1)(b) tar-Regolament (UE) Nru 528/2012 peress li ma ntwerietx effikaċja suffiċjenti. |
|
(6) |
Filwaqt li jitqiesu l-opinjonijiet tal-Aġenzija Ewropea għas-Sustanzi Kimiċi, mhuwiex xieraq li l-fosfat tal-fidda tas-sodju tal-idroġenu taż-żirkonju jiġi approvat għall-użu fil-prodotti bijoċidali tat-tipi ta’ prodott 2 u 7, peress li l-kundizzjonijiet stabbiliti fl-Artikolu 4(1) tar-Regolament (UE) Nru 528/2012 mhumiex issodisfati. |
|
(7) |
Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Prodotti Bijoċidali, |
ADOTTAT DIN ID-DEĊIŻJONI:
Artikolu 1
Il-fosfat tal-fidda tas-sodju tal-idroġenu taż-żirkonju (Nru KE: 422-570-3, Nru CAS: 265647-11-8) mhuwiex approvat bħala sustanza attiva għall-użu fil-prodotti bijoċidali tat-tipi ta’ prodott 2 u 7.
Artikolu 2
Din id-Deċiżjoni għandha tidħol fis-seħħ fl-għoxrin jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-26 ta’ Novembru 2019.
Għall-Kummissjoni
Il-President
Jean-Claude JUNCKER
(1) ĠU L 167, 27.6.2012, p. 1.
(2) Ir-Regolament ta’ Delega tal-Kummissjoni (UE) Nru 1062/2014 tal-4 ta’ Awwissu 2014 dwar il-programm ta’ ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1).
(3) Opinjoni tal-Kumitat dwar il-Prodotti Bijoċidali (BPC) dwar l-applikazzjoni għall-approvazzjoni tas-sustanza attiva l-fosfat tal-fidda tas-sodju tal-idroġenu taż-żirkonju, Tip ta’ prodott: 2, ECHA/BPC/211/2018, adottat fis-17 ta’ Ottubru 2018; Opinjoni tal-Kumitat dwar il-Prodotti Bijoċidali (BPC) dwar l-applikazzjoni għall-approvazzjoni tas-sustanza attiva l-fosfat tal-fidda tas-sodju tal-idroġenu taż-żirkonju, Tip ta’ prodott: 7, ECHA/BPC/214/2018, adottat fis-17 ta’ Ottubru 2018.
