Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32018R1241

Regolament (UE) 2018/1241 tal-Parlament Ewropew u tal-Kunsill tat-12 ta’ Settembru 2018 li jemenda r-Regolament (UE) 2016/794 bl-għan li tiġi stabbilita Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS)

PE/22/2018/REV/1

ĠU L 236, 19.9.2018, p. 72–73 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg/2018/1241/oj

Date of document:
12/09/2018; Data tal-iffirmar
Date of effect:
Applikazzjoni Ara Art. 2 U 32018R1240
Date of effect:
09/10/2018; Dħul fis-seħħ Data tal-pubblikazzjoni +20 Ara Art. 2
Date of signature:
12/09/2018
Date of end of validity:
No end date
Author:
Il-Parlament Ewropew, Il-Kunsill tal-Unjoni Ewropea
Form:
Regolament
Treaty:
Trattat dwar il-Funzjonament tal-Unjoni Ewropea
Legal basis:
Link
Select all documents based on this document
Link
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32016R0794 Żieda artikolu 21 paragrafu 1a
Modifies 32016R0794 Sostituzzjoni artikolu 21 titolu
Modifies 32016R0794 Żieda artikolu 4 paragrafu 1 paragrafu mhux numerat
Modifies 32016R0794 Żieda artikolu 4 paragrafu 1 punt (n)
Modifies 32016R0794 Żieda artikolu 4 paragrafu 1 punt (o)
Modifies 32016R0794 Żieda artikolu 4 paragrafu 1 punt (p)
Instruments cited:
Link

19.9.2018   

MT

Il-Ġurnal Uffiċjali tal-Unjoni Ewropea

L 236/72

REGOLAMENT (UE) 2018/1241 TAL-PARLAMENT EWROPEW U TAL-KUNSILL

tat-12 ta’ Settembru 2018

li jemenda r-Regolament (UE) 2016/794 bl-għan li tiġi stabbilita Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-punt (a) tal-Artikolu 88(2) tiegħu,

Filwaqt li jaġixxu f’konformità mal-proċedura leġiżlattiva ordinarja (1),

Billi:

(1)

Ir-Regolament (UE) 2018/1240 tal-Parlament Ewropew u tal-Kunsill (2) jalloka kompiti ġodda lill-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) bħall-ġestjoni tal-lista ta’ sorveljanza tal-ETIAS, id-dħul ta’ data relatata ma’ reati terroristiċi jew reati kriminali serji oħra f’dik il-lista ta’ sorveljanza u l-għoti ta’ opinjonijiet b’segwitu għal talbiet għal konsultazzjoni mill-Unitajiet Nazzjonali tal-ETIAS. Biex jiġu implimentati dawk il-kompiti, huwa għalhekk neċessarju li r-Regolament (UE) 2016/794 tal-Parlament Ewropew u tal-Kunsill (3) jiġi emendat kif meħtieġ.

(2)

F’konformità mal-Artikoli 1 u 2 u l-Artikolu 4a(1) tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-ispazju ta’ libertà, sigurtà u ġustizzja, anness mat-Trattat dwar l-Unjoni Ewropea (TUE) u mat-Trattat dwar il-Funzjonament tal-Unjoni Ewropea (TFUE), u mingħajr preġudizzju għall-Artikolu 4 ta’ dak il-Protokoll, ir-Renju Unit mhuwiex qed jieħu sehem fl-adozzjoni ta’ dan ir-Regolament u mhuwiex marbut bih jew soġġett għall-applikazzjoni tiegħu.

(3)

F’konformità mal-Artikoli 1 u 2 u l-Artikolu 4a(1) tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-ispazju ta’ libertà, sigurtà u ġustizzja, anness mat-TUE u mat-TFUE, u mingħajr preġudizzju għall-Artikolu 4 ta’ dak il-Protokoll, l-Irlanda mhijiex qed tieħu sehem fl-adozzjoni ta’ dan ir-Regolament u mhijiex marbuta bih jew soġġetta għall-applikazzjoni tiegħu.

(4)

F’konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness mat-TUE u mat-TFUE, id-Danimarka mhijiex qed tieħu sehem fl-adozzjoni ta’ dan ir-Regolament u mhijiex marbuta bih jew soġġetta għall-applikazzjoni tiegħu,

ADOTTAW DAN IR-REGOLAMENT:

Artikolu 1

Emendi għar-Regolament (UE) 2016/794

Ir-Regolament (UE) 2016/794 huwa emendat kif ġej:

(1)

L-Artikolu 4(1) huwa emendat kif ġej:

(a)

jiżdiedu l-punti li ġejjin:

“(n)

timmaniġġja l-lista ta’ sorveljanza tal-ETIAS f’konformità mal-Artikoli 34 u 35 tar-Regolament (UE) 2018/1240 tal-Parlament Ewropew u tal-Kunsill (*1);

(o)

iddaħħal data fil-lista ta’ sorveljanza tal-ETIAS relatata ma’ reati terroristiċi jew reati kriminali serji oħra miksuba mill-Europol, mingħajr preġudizzju għall-kondizzjonijiet li jirregolaw il-kooperazzjoni internazzjonali tal-Europol;

(p)

tipprovdi opinjoni b’segwitu għal talba għal konsultazzjoni msemmija fl-Artikolu 29 tar-Regolament (UE) 2018/1240.

(*1)  Ir-Regolament (UE) 2018/1240 tal-Parlament Ewropew u tal-Kunsill tat-12 ta’ Settembru 2018 li jistabbilixxi s-Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS) u li jemenda r-Regolamenti (UE) Nru 1077/2011, (UE) Nru 515/2014, (UE) 2016/399, (UE) 2016/1624 u (UE) 2017/2226 (ĠU L 236, 19.9.2018, p. 1).”;"

(b)

jiżdied is-subparagrafu li ġej:

“Sabiex iwettaq il-kompitu msemmi fil-punt (n) tal-ewwel subparagrafu ta’ dan il-paragrafu, il-Bord ta’ Amministrazzjoni tal-Europol għandu, wara li jikkonsulta lill-KEPD, jadotta l-proċeduri msemmija fl-Artikolu 35 tar-Regolament (UE) 2018/1240.”.

(2)

L-Artikolu 21 huwa emendat kif ġej:

(a)

it-titlu huwa ssostitwit b’dan li ġej:

“Artikolu 21

Aċċess mill-Eurojust, l-OLAF u, għal finijiet tal-ETIAS biss, mill-Aġenzija Ewropea għall-Gwardja tal-Fruntiera u tal-Kosta għal informazzjoni maħżuna mill-Europol”;

(b)

jiddaħħal il-paragrafu li ġej:

“1a.   Il-Europol għandha tieħu l-miżuri xierqa kollha biex tippermetti li l-Aġenzija Ewropea għall-Gwardja tal-Fruntiera u tal-Kosta, fil-mandat tagħha u għall-finijiet tar-Regolament (UE) 2018/1240, ikollha aċċess indirett abbażi ta’ sistema ta’ hit/no hit għad-data pprovduta għall-iskopijiet tal-punt (j) tal-Artikolu 20(2) ta’ dak ir-Regolament, mingħajr preġudizzju għal kwalunkwe restrizzjoni indikata mill-Istat Membru, korp tal-Unjoni, pajjiż terz jew organizzazzjoni internazzjonali li tipprovdi l-informazzjoni inkwistjoni, f’konformità mal-Artikolu 19(2) ta’ dan ir-Regolament.

F’każ ta’ hit, il-Europol għandha tibda l-proċedura li biha l-informazzjoni li ġġenerat il-hit tkun tista’ tiġi kondiviża, f’konformità mad-deċiżjoni tal-fornitur tal-informazzjoni lill-Europol, u esklużivament sal-punt li d-data li tiġġenera l-hit tkun meħtieġa għat-twettiq tal-kompiti tal-Aġenzija Ewropea għall-Gwardja tal-Fruntiera u tal-Kosta relatati mal-ETIAS.

Il-paragrafi minn 2 sa 7 ta’ dan l-Artikolu għandhom japplikaw skont dan.”.

Artikolu 2

Dħul fis-seħħ u applikabbiltà

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu japplika mid-data determinata mill-Kummissjoni f’konformità mal-Artikolu 88 tar-Regolament (UE) 2018/1240.

Dan ir-Regolament għandu jorbot fl-intier tiegħu u japplika direttament fl-Istati Membri f’konformità mat-Trattati.

Magħmul fi Strasburgu, it-12 ta’ Settembru 2018.

Għall-Parlament Ewropew

Il-President

A. TAJANI

Għall-Kunsill

Il-President

K. EDTSTADLER

(1)  Il-Pożizzjoni tal-Parlament Ewropew tal-5 ta’ Lulju 2018 (għadha mhix ippubblikata fil-Ġurnal Uffiċjali) u d-Ddeċiżjoni tal-Kunsill tal-5 ta’ Settembru 2018.

(2)  Ir-Regolament (UE) 2018/1240 tal-Parlament Ewropew u tal-Kunsill tat-12 ta’ Settembru 2018 li jistabbilixxi Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS) u li jemenda r-Regolamenti (UE) Nru 1077/2011, (UE) Nru 515/2014, (UE) 2016/399, (UE) 2016/1624 u (UE) 2017/2226 (ara l-paġna 1 ta’ dan il-Ġurnal Uffiċjali).

(3)  Ir-Regolament (UE) 2016/794 tal-Parlament Ewropew u tal-Kunsill tal-11 ta’ Mejju 2016 dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u li jissostitwixxi u jħassar id-Deċiżjonijiet tal-Kunsill 2009/371/ĠAI, 2009/934/ĠAI, 2009/935/ĠAI, 2009/936/ĠAI u 2009/968/ĠAI (ĠU L 135, 24.5.2016, p. 53).

Top