29.6.2018   

MT

Il-Ġurnal Uffiċjali tal-Unjoni Ewropea

L 164/39

(1)

L-Artikolu 13(1) tar-Regolament (KE) Nru 1967/2006 jipprojbixxi l-użu ta' tagħmir irmunkat sa tliet mili nawtiċi mill-kosta jew sa livell ta' fond ta' 50 m meta dak il-fond jintlaħaq 'il ġewwa minn dik id-distanza mill-kosta.

(2)

Meta xi Stat Membru jitlobha, il-Kummissjoni tista' tippermetti deroga mill-Artikolu 13(1) tar-Regolament (KE) Nru 1967/2006, dment li jintlaħqu għadd ta' kundizzjonijiet stabbiliti fl-Artikolu 13(5) u (9).

(3)

Ingħatat deroga mill-ewwel sottoparagrafu tal-Artikolu 13(1) ta' dak ir-Regolament sat-8 ta' Mejju 2017 permezz tar-Regolament ta' Implimentazzjoni tal-Kummissjoni (UE) Nru 464/2014 (2).

(4)

Fis-6 ta' Novembru 2017, il-Kummissjoni rċeviet talba mingħand Spanja għal deroga mill-Artikolu 13(1) ta' dak ir-Regolament.

(5)

Spanja tat l-informazzjoni xjentifika u teknika aġġornata li tiġġustifika d-deroga.

(6)

F'Jannar tal-2018, il-Kumitat Xjentifiku, Tekniku u Ekonomiku għas-Sajd (“STECF”) ivvaluta d-deroga li talbet Spanja flimkien mar-rapport tal-implimentazzjoni tal-pjan ta' ġestjoni relatat (3).

(7)

L-STECF innota li l-pjan ta' ġestjoni huwa ggwidat mill-prinċipji ta' governanza tajba, inkluż it-teħid tad-deċiżjonijiet ibbażat fuq l-aħjar evidenza xjentifika disponibbli, l-ikbar involviment possibbli tal-partijiet ikkonċernati u perspettiva fit-tul. Barra minn hekk, l-STECF innota li Spanja pproponiet studji ġodda biex jinstabu modi għat-tnaqqis tal-qbid skartat u ffissat limitazzjonijiet b'saħħithom fuq l-isforz tas-sajd, b'mod partikolari fil-perjodi ta' disponibilità mnaqqsa tar-riżorsi.

(8)

Id-deroga li talbet Spanja tikkonforma mal-kundizzjonijiet stabbiliti fl-Artikolu 13(5) u (9) tar-Regolament (KE) Nru 1967/2006.

(9)

Hemm limitazzjonijiet ġeografiċi speċifiċi, minħabba d-daqs limitat tal-blata kontinentali u d-distribuzzjoni spazjali tal-ispeċijiet fil-mira li jillimitaw iż-żoni tas-sajd.

(10)

Dan is-sajd ma jħalli ebda impatt sinifikanti fuq l-ambjent tal-baħar u hu selettiv ħafna, peress li t-tartaruni jitqiegħdu fil-kolonna tal-ilma u ma jmissux qiegħ il-baħar għax il-ġbir ta' materjal minn qiegħ il-baħar jagħmel ħsara lill-ispeċijiet fil-mira, u l-għażla tal-ispeċijiet mistada ssir virtwalment impossibbli minħabba d-daqs żgħir ħafna tagħhom.

(11)

Id-deroga li talbet Spanja tolqot għadd limitat ta' 26 bastiment.

(12)

Is-sajd ma jistax isir bi rkaptu ieħor għax ma jeżisti ebda rkaptu regolat li bl-istruttura tiegħu, bil-karatteristiċi tekniċi u bit-tip ta' malja użata, jista' jaqbad l-ispeċijiet fil-mira.

(13)

Il-pjan ta' ġestjoni jiggarantixxi li fil-ġejjieni mhux se jiżdied l-isforz tas-sajd, peress li l-awtorizzazzjonijiet tas-sajd jinħarġu biss lis-26 bastiment speċifikat u huwa ddefinit limitu massimu tal-isforz.

(14)

It-talba tkopri bastimenti reġistrati fiċ-ċensiment marittimu li tmexxi l-Komunità Awtonoma tal-Katalonja li għandhom esperjenza f'dan is-sajd ta' aktar minn ħames snin, u li jaħdmu bi pjan ta' ġestjoni adottat minn Spanja fis-27 ta' Marzu 2014 (4) u mtawwal fis-26 ta' April 2018 (5) sal-31 ta' Diċembru 2021.

(15)

Dawk il-bastimenti jinsabu f'lista li ntbagħtet lill-Kummissjoni b'konformità mar-rekwiżiti tal-Artikolu 13(9) tar-Regolament (KE) Nru 1967/2006.

(16)

L-attivitajiet tas-sajd ikkonċernati jissodisfaw ir-rekwiżiti tal-Artikolu 4 tar-Regolament (KE) Nru 1967/2006 peress li l-pjan ta' ġestjoni relatat jipprojbixxi b'mod espliċitu li jsir sajd f'ħabitats protetti.

(17)

Ir-rekwiżiti tal-Artikolu 8(1)(h) tar-Regolament (KE) Nru 1967/2006 ma japplikawx għax dawn għandhom x'jaqsmu mal-bastimenti tat-tkarkir.

(18)

Dwar ir-rekwiżit ta' konformità mal-Artikolu 9(3) li jistabbilixxi d-daqs minimu tal-malja, il-Kummissjoni tinnota li billi l-attivitajiet tas-sajd ikkonċernati huma selettivi ferm, għandhom effett negliġibbli fuq l-ambjent tal-baħar u ma jsirux f'ħabitats protetti, b'konformità mal-Artikolu 9(7) tar-Regolament (KE) Nru 1967/2006, Spanja awtorizzat deroga minn dawn id-dispożizzjonijiet fil-pjan ta' ġestjoni tagħha.

(19)

L-attivitajiet tas-sajd ikkonċernati jissodisfaw ir-rekwiżiti ta' reġistrazzjoni stabbiliti fl-Artikolu 14 tar-Regolament tal-Kunsill (KE) Nru 1224/2009 (6).

(20)

L-attivitajiet tas-sajd ikkonċernati ma jfixklux l-attivitajiet ta' bastimenti bi rkapti oħra li mhumiex tat-tkarkir, tartaruni jew bi xbieki rmunkati simili.

(21)

L-attività tat-tartaruni jirregolaha l-pjan ta' ġestjoni Spanjol biex ikun żgurat li l-qabdiet tal-ispeċijiet imsemmija fl-Anness III tar-Regolament (KE) Nru 1967/2006 ikunu minimi.

(22)

It-tartaruni ma jimmirawx iċ-ċefalopodi.

(23)

Il-pjan ta' ġestjoni Spanjol fih miżuri għall-monitoraġġ tal-attivitajiet tas-sajd, kif previst fit-tielet sottoparagrafu tal-Artikolu 13(9) tar-Regolament (KE) Nru 1967/2006.

(24)

Għaldaqstant, l-estensjoni tad-deroga li ntalbet għandha tingħata.

(25)

Spanja jenħtieġ li tirrapporta lill-Kummissjoni fi żmien xieraq u skont il-pjan ta' monitoraġġ previst fil-pjan ta' ġestjoni Spanjol.

(26)

It-tul tad-deroga jenħtieġ li jkun limitat biex ikunu jistgħu jittieħdu miżuri ta' ġestjoni korrettivi fil-pront f'każ li r-rapport lill-Kummissjoni jikxef qagħda ħażina ta' konservazzjoni tal-istokk sfruttat, filwaqt li jkun hemm l-opportunità biex tittejjeb il-bażi xjentifika għal pjan ta' ġestjoni mtejjeb.

(27)

Il-miżuri previsti f'dan ir-Regolament huma skont l-opinjoni tal-Kumitat dwar is-Sajd u l-Akkwakultura,

(a)

huma rreġistrati fiċ-ċensiment marittimu li tmexxi l-Komunità Awtonoma tal-Katalonja;

(b)

għandhom esperjenza vasta fis-sajd ta' aktar minn ħames snin; u

(c)

għandhom awtorizzazzjoni għas-sajd u joperaw skont il-pjan ta' ġestjoni li adottat Spanja skont l-Artikolu 19(2) tar-Regolament (KE) Nru 1967/2006.