Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32018D1553

    Deċiżjoni ta' Implimentazzjoni tal-Kummissjoni (UE) 2018/1553 tal-15 ta' Ottubru 2018 dwar il-kundizzjonijiet għar-rikonoxximent taċ-ċertifikati fitosanitarji elettroniċi maħruġa mill-organizzazzjonijiet nazzjonali għall-protezzjoni tal-pjanti ta' pajjiżi terzi (notifikata bid-dokument C(2018) 5370) (Test b'rilevanza għaż-ŻEE.)

    C/2018/5370

    ĠU L 260, 17.10.2018, p. 22–24 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document No longer in force, Date of end of validity: 13/12/2019; Imħassar b' 32019R1715

    ELI: http://data.europa.eu/eli/dec_impl/2018/1553/oj

    Date of document:
    15/10/2018; Data ta' adozzjoni
    Date of effect:
    16/10/2018; Jidħol fis-seħħ Data tan-notifika
    Date of notification:
    16/10/2018
    Date of end of validity:
    13/12/2019; Imħassar b' 32019R1715
    Author:
    Il-Kummissjoni Ewropea, Direttorat Ġenerali għas-Saħħa u s-Sikurezza Alimentari
    Responsible body:
    SANTE
    Form:
    Deċiżjoni implimentattiva
    Additional information:
    Rilevanza għaż-ŻEE
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modified by:
    Relation Act Comment Subdivision concerned From To
    Repealed by 32019R1715 14/12/2019
    Instruments cited:
    Link

    17.10.2018   

    MT

    Il-Ġurnal Uffiċjali tal-Unjoni Ewropea

    L 260/22

    DEĊIŻJONI TA' IMPLIMENTAZZJONI TAL-KUMMISSJONI (UE) 2018/1553

    tal-15 ta' Ottubru 2018

    dwar il-kundizzjonijiet għar-rikonoxximent taċ-ċertifikati fitosanitarji elettroniċi maħruġa mill-organizzazzjonijiet nazzjonali għall-protezzjoni tal-pjanti ta' pajjiżi terzi

    (notifikata bid-dokument C(2018) 5370)

    (Test b'rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat id-Direttiva tal-Kunsill 2000/29/KE tat-8 ta' Mejju 2000 dwar il-miżuri protettivi kontra l-introduzzjoni ġewwa l-Komunità ta' organiżmi ta' ħsara għall-prodotti tal-pjanti u kontra t-tixrid tagħhom ġewwa l-Komunità (1), b'mod partikolari l-Artikolu 13(1) tiegħu,

    Billi:

    (1)

    Id-Direttiva 2000/29/KE tipprovdi li pjanti, prodotti tal-pjanti jew oġġetti oħra elenkati fil-Parti B tal-Anness V tagħha, li ġejjin minn pajjiż terz u li jiddaħħlu fit-territorju doganali tal-Unjoni jridu jkunu akkumpanjati mill-kopja oriġinali rispettiva taċ-ċertifikat fitosanitarju uffiċjali meħtieġ mill-mument tad-dħul tagħhom fl-Unjoni. L-Anness tal-Konvenzjoni Internazzjonali għall-Protezzjoni tal-Pjanti (“IPPC”) jistabbilixxi l-mudell taċ-ċertifikat fitosanitarju meħtieġ.

    (2)

    Id-Direttiva 2000/29/KE tipprovdi li, fejn il-kundizzjonijiet speċifiċi stabbiliti mill-Kummissjoni jiġu ssodisfati, iċ-ċertifikati fitosanitarji elettroniċi jistgħu jiġu rikonoxxuti.

    (3)

    Is-sistema Traces, stabbilita bid-Deċiżjoni tal-Kummissjoni 2004/292/KE (2) skont id-Direttiva tal-Kunsill 90/425/KEE (3), hija għodda tal-Kummissjoni bbażata fuq il-web għaċ-ċertifikazzjoni ta' rekwiżiti sanitarji u fitosanitarji rigward kummerċ intra-Unjoni ta' annimali, ta' semen u ta' embrijuni, ta' ikel, ta' għalf u ta' pjanti u għall-importazzjoni fl-Unjoni ta' annimali, ta' semen u embrijuni, ta' ikel, ta' għalf u ta' pjanti. Din tippermetti li l-proċess kollu ta' ċertifikazzjoni jitwettaq b'mod elettroniku u tiffaċilita l-iskambju tal-informazzjoni bejn il-partijiet kummerċjali rilevanti u l-awtoritajiet ta' kontroll.

    (4)

    Is-sistema Traces tippermetti li jiġu applowdjati kopji ta' ċertifikati fitosanitarji stampati fuq karta, maħruġa mill-organizzazzjonijiet nazzjonali għall-protezzjoni tal-pjanti ta' pajjiżi terzi. Sistemi ta' ċertifikazzjoni nazzjonali tal-Istati Membri jistgħu jipprovdu funzjonalitajiet simili.

    (5)

    Iċ-Ċentru tan-Nazzjonijiet Uniti għall-Iffaċilitar tal-Kummerċ u għan-Negozju Elettroniku (“UN/CEFACT”) żviluppa standards tekniċi għas-simplifikazzjoni tal-proċessi ta' tranżazzjoni u b'hekk jikkontribwixxi għat-tkabbir ta' kummerċ globali. Dawk l-istandards huma rilevanti għall-implimentazzjoni ta' faċilitajiet ta' kummerċ mingħajr karta u jiddiskrivu l-formati tad-data għall-iskambju tal-informazzjoni. Il-lingwaġġ tal-immarkar estensibbli (“XML”) huwa format standard ta' messaġġ aċċettat b'mod universali biex jorganizza u jiddeskrivi d-data fid-dokumenti bħalma huma ċ-ċertifikati fitosanitarji.

    (6)

    Għalhekk, jenħtieġ li l-konformità mal-istandards tal-UN/CEFACT u l-użu tal-format XML jikkostitwixxu prerekwiżit għar-rikonoxximent taċ-ċertifikati fitosanitarji elettroniċi fl-Unjoni.

    (7)

    Ir-Regolament (UE) Nru 910/2014 tal-Parlament Ewropew u tal-Kunsill (4) jistipula r-regoli għas-servizzi fiduċjarji u jistabbilixxi qafas legali għall-firem elettroniċi, is-siġilli elettroniċi, it-timbri tal-ħin elettroniċi, id-dokumenti elettroniċi, is-servizzi elettroniċi ta' konsenja rreġistrati u s-servizzi ta' ċertifikat tal-awtentikazzjoni ta' siti elettroniċi li huma meħtieġa sabiex jattribwixxu ċertu grad ta' fiduċja fil-mezz ta' identifikazzjoni elettronika.

    (8)

    Ir-Regolament (UE) Nru 910/2014 jistabbilixxi r-rekwiżiti ta' sigurtà meħtieġa li jridu jinkisbu permezz ta' teknoloġiji differenti. B'mod partikolari, jistipula r-rekwiżiti għall-fornituri ta' servizz fiduċjarju kwalifikat li jipprovdu l-firem u s-siġilli elettroniċi kwalifikati u fornituri ta' servizz ta' fiduċja mhux ikkwalifikati li jipprovdu firem u siġilli elettroniċi avvanzati. Iż-żewġ fornituri huma kapaċi jidentifikaw mingħajr ekwivoku l-firmatarju jew il-kreatur tas-siġill.

    (9)

    Sabiex jinżamm livell adegwat ta' sigurtà tal-mezzi ta' identifikazzjoni elettronika u taċ-ċertifikazzjonijiet elettroniċi, sabiex il-proċess ta' ċertifikazzjoni jiġi ddiġitalizzat f'konformità mal-Komunikazzjoni tal-Kummissjoni tas-6 ta' Mejju 2015“Strateġija għal Suq Uniku Diġitali għall-Ewropa” (5), u sabiex jiġu armonizzati l-istandards fl-Istati Membri kollha, huwa xieraq li l-kundizzjonijiet għar-rikonoxximent taċ-ċertifikati fitosanitarji elettroniċi jissodisfaw l-istandards stabbiliti bir-Regolament (UE) Nru 910/2014, u b'mod partikolari l-istandards stabbiliti għall-firma, għas-siġill u għat-timbru elettroniċi kwalifikati tal-ħin u għall-firma u s-siġill elettroniċi avvanzati.

    (10)

    Madankollu, sabiex ikun hemm lok għal implimentazzjoni gradwali ta' din id-Deċiżjoni u sabiex jiġi evitat kull tip ta' tfixkil fil-kummerċ, huwa xieraq li jiġu rikonoxxuti ċ-ċertifikati fitosanitarji elettroniċi li jissodisfaw il-kriterji stabbiliti bir-Regolament (UE) Nru 910/2014 għall-firma u s-siġill elettroniċi għal perjodu ta' żmien limitat.

    (11)

    Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

    ADOTTAT DIN ID-DEĊIŻJONI:

    Artikolu 1

    Suġġett

    Din id-Deċiċjoni tistabbilixxi l-kundizzjonijiet għar-rikonoxximent taċ-ċertifikati fitosanitarji elettroniċi maħruġa mill-organizzazzjonijiet nazzjonali għall-protezzjoni tal-pjanti ta' pajjiżi terzi.

    Artikolu 2

    Il-kundizzjonijiet għar-rikonoxximent taċ-ċertifikati fitosanitarji elettroniċi maħruġa mill-organizzazzjonijiet nazzjonali għall-protezzjoni tal-pjanti ta' pajjiżi terzi

    1.   Ċertifikat fitosanitarju li jkun fih l-informazzjoni inkluża fil-mudell taċ-ċertifikat fitosanitarju stabbilit fl-Anness tal-Konvenzjoni Internazzjonali għall-Protezzjoni tal-Pjanti (“IPPC”) għandu jiġi rikonoxxut bħala ċertifikat fitosanitarju elettroniku dment li jiġu ssodisfati r-rekwiżiti kollha li ġejjin:

    (a)

    jinħareġ mill-organizzazzjoni nazzjonali għall-protezzjoni tal-pjanti ta' pajjiż terz f'waħda mis-sistemi li ġejjin:

    (i)

    fis-sistema Traces,

    (ii)

    f'sistema ta' ċertifikazzjoni nazzjonali ta' Stat Membru,

    (iii)

    permezz ta' sistema ta' ċertifikazzjoni elettronika ta' pajjiż terz li kapaċi tiskambja data mas-sistema Traces jew ma' sistema ta' ċertifikazzjoni nazzjonali ta' Stat Membru;

    (b)

    jissejjes fuq l-istandard tal-UN/CEFACT u juża l-format XML;

    (c)

    jiġi ffirmat minn uffiċjal awtorizzat b'firma elettronika avvanzata jew kwalifikata kif definit rispettivament fil-punti (11) u (12) tal-Artikolu 3 tar-Regolament (UE) Nru 910/2014;

    (d)

    ikollu s-siġill elettroniku avvanzat jew kwalifikat, kif definit rispettivament fil-punti (26) u (27) tal-Artikolu 3 tar-Regolament (UE) Nru 910/2014, tal-organizzazzjoni nazzjonali għall-protezzjoni tal-pjanti tal-ħruġ jew il-firma elettronika avvanzata jew kwalifikata tar-rappreżentant legali tal-organizzazzjoni nazzjonali għall-protezzjoni tal-pjanti tal-ħruġ;

    (e)

    juża timbru tal-ħin elettroniku kwalifikat kif definit fil-punt (34) tal-Artikolu 3 tar-Regolament (UE) Nru 910/2014.

    2.   Meta ċertifikat fitosanitarju elettroniku jinħareġ skont il-punt (a)(iii) tal-paragrafu 1, l-Istati Membri u l-Kummissjoni għandhom ifasslu s-sistema riċevitriċi tagħhom b'tali mod li tirrikonoxxi l-iskambju tad-data permezz tas-siġill elettroniku avvanzat jew kwalifikat tal-organizzazzjoni nazzjonali għall-protezzjoni tal-pjanti tal-ħruġ jew permezz tal-firma elettronika avvanzata jew kwalifikata tar-rappreżentant legali tal-organizzazzjoni nazzjonali għall-protezzjoni tal-pjanti tal-ħruġ. F'dan il-każ, il-kundizzjoni msemmija fil-punt (c) tal-paragrafu 1 ma għandhiex tapplika.

    3.   B'deroga mir-rekwiżiti tal-punti (c) u (d) tal-paragrafu 1 u għal perjodu ta' 12-il xahar li jintemm fil-15 ta' Ottubru 2019, ċertifikat fitosanitarju għandu jiġi rikonoxxut bħala ċertifikat fitosanitarju elettroniku meta jiġi ffirmat mill-uffiċjal awtorizzat permezz ta' firma elettronika kif definit fil-punt (10) tal-Artikolu 3 tar-Regolament (UE) Nru 910/2014 u fejn ikollu s-siġill elettroniku tal-organizzazzjoni nazzjonali għall-protezzjoni tal-pjanti tal-ħruġ kif definit fil-punt (25) tal-Artikolu 3 tar-Regolament (UE) Nru 910/2014 jew il-firma elettronika tar-rappreżentant legali tal-organizzazzjoni nazzjonali għall-protezzjoni tal-pjanti tal-ħruġ.

    Artikolu 3

    Destinatarji

    Din id-Deċiżjoni hija indirizzata lill-Istati Membri.

    Magħmul fi Brussell, il-15 ta' Ottubru 2018.

    Għall-Kummissjoni

    Vytenis ANDRIUKAITIS

    Membru tal-Kummissjoni

    (1)  ĠU L 169, 10.7.2000, p. 1.

    (2)  Id-Deċiżjoni tal-Kummissjoni 2004/292/KE tat-30 ta' Marzu 2004 dwar l-introduzzjoni tas-sistema Traces u li temenda d-Deċiżjoni 92/486/KEE (ĠU L 94, 31.3.2004, p. 63).

    (3)  Id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u zootekniku applikabbli għall-kummerċ intra-Kommunitarju ta' ċertu annimali ħajjin u prodotti bil-ħsieb tat-tlestija tas-suq intern (ĠU L 224, 18.8.1990, p. 29).

    (4)  Ir-Regolament (UE) Nru 910/2014 tal-Parlament Ewropew u tal-Kunsill tat-23 ta' Lulju 2014 dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern u li jħassar id-Direttiva 1999/93/KE (ĠU L 257, 28.8.2014, p. 73).

    (5)  COM(2015) 192 final.

    Top