Το έγγραφο αυτό έχει ληφθεί από τον ιστότοπο EUR-Lex
Έγγραφο 32018D0954
Commission Implementing Decision (EU) 2018/954 of 4 July 2018 laying down certain protective measures in order to prevent the spread of peste des petits ruminants in Bulgaria (notified under document C(2018) 4374) (Text with EEA relevance.)
Deċiżjoni ta' Implimentazzjoni tal-Kummissjoni (UE) 2018/954 tal-4 ta' Lulju 2018 li tistabbilixxi ċertu miżuri protettivi kontra t-tixrid tal-pesta tal-annimali ruminanti żgħar fil-Bulgarija (notifikata bid-dokument C(2018) 4374) (Test b'rilevanza għaż-ŻEE.)
Deċiżjoni ta' Implimentazzjoni tal-Kummissjoni (UE) 2018/954 tal-4 ta' Lulju 2018 li tistabbilixxi ċertu miżuri protettivi kontra t-tixrid tal-pesta tal-annimali ruminanti żgħar fil-Bulgarija (notifikata bid-dokument C(2018) 4374) (Test b'rilevanza għaż-ŻEE.)
C/2018/4374
ĠU L 168, 5.7.2018, σ. 7 έως 9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Δεν ισχύει πλέον, Ημερομηνία λήξης ισχύος: 28/12/2018: Η πράξη αυτή έχει τροποποιηθεί. Τρέχουσα ενοποιημένη έκδοση: 09/10/2018
- Ημερομηνία εγγράφου:
- 04/07/2018; Data ta' adozzjoni
- Ημερομηνία θέσης σε ισχύ:
- 04/07/2018; Jidħol fis-seħħ Data tan-notifika
- Ημερομηνία κοινοποίησης:
- 04/07/2018
- Ημερομηνία λήξης ισχύος:
- 28/12/2018; Ara Art. 6
- Συντάκτης:
- Il-Kummissjoni Ewropea, Direttorat Ġenerali għas-Saħħa u s-Sikurezza Alimentari
- Υπεύθυνη υπηρεσία:
- SANTE
- Μορφή:
- Deċiżjoni implimentattiva
- Αποδέκτης:
- Il-Bulgarija
- Πρόσθετες πληροφορίες:
- Rilevanza għaż-ŻEE
- Αυθεντική γλώσσα:
- Bulgaru
- Συνθήκη:
- Trattat dwar il-Funzjonament tal-Unjoni Ewropea
- Νομική βάση:
-
- 31989L0662 - A09P4
- 31990L0425 - A10P4
- Σύνδεσμος
- Σύνδεσμος
- Σύνδεσμος
- Επιλογή όλων των εγγράφων που παραπέμπουν σε αυτό το έγγραφο Δεν υπάρχουν διαθέσιμα δεδομένα στον πίνακα
- Τροποποίηση:
-
Σχέση Πράξη Σχόλιο Σχετική υποδιαίρεση Από μέχρι κατάργηση 32018D0911 04/07/2018
Δεν υπάρχουν διαθέσιμα δεδομένα στον πίνακα
- Τροποποίηση από:
-
Σχέση Πράξη Σχόλιο Σχετική υποδιαίρεση Από μέχρι τροποποιήθηκε από 32018D1499 Żieda artikolu 3a 08/10/2018 τροποποιήθηκε από 32018D1499 Sostituzzjoni anness 08/10/2018 - Σχετικές νομικές πράξεις:
- Σύνδεσμος
- Περιγραφέας EUROVOC:
- Θεματική κατηγορία:
- Κωδικός ευρετηρίου:
|
5.7.2018 |
MT |
Il-Ġurnal Uffiċjali tal-Unjoni Ewropea |
L 168/7 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/954
tal-4 ta' Lulju 2018
li tistabbilixxi ċertu miżuri protettivi kontra t-tixrid tal-pesta tal-annimali ruminanti żgħar fil-Bulgarija
(notifikata bid-dokument C(2018) 4374)
(It-test bil-Bulgaru biss huwa awtentiku)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikolari l-Artikolu 9(4) tagħha,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u zootekniku applikabbli għall-kummerċ intra-Komunitarju ta' ċertu annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(4) tagħha,
Billi:
|
(1) |
Il-pesta tal-annimali ruminanti żgħar hija marda virali kiefra tal-annimali ruminanti żgħar, jiġifieri n-nagħaġ u l-mogħoż, li tiġi trażmessa primarjament permezz tal-kuntatt dirett. Il-morbidità u l-mortalità li tikkawża l-pesta tal-annimali ruminanti żgħar jafu jkunu għoljin ħafna, b'mod speċjali f'żoni fejn din il-pesta tkun qed isseħħ għall-ewwel darba, u huma kapaċi joħolqu impatt ekonomiku serju fuq is-settur agrikolu. Il-pesta tal-annimali ruminanti żgħar ma titteħidx mill-bnedmin. Il-pesta tal-annimali ruminanti żgħar hija endemika f'ħafna pajjiżi fl-Afrika, fil-Lvant Nofsani u fl-Asja, u tikkawża tħassib serju dwar is-saħħa u l-benessri tal-annimali. |
|
(2) |
Id-Direttiva tal-Kunsill 92/119/KEE (3) tistabbilixxi miżuri ġenerali għall-kontroll ta' ċertu mard tal-annimali, fost l-oħrajn, il-pesta tal-annimali ruminanti żgħar. Dawn il-miżuri jinkludu azzjonijiet li jridu jittieħdu f'każ li jkun hemm suspett u konferma tal-pesta tal-annimali ruminanti żgħar f'azjenda. Dawn il-miżuri ta' kontroll jinkludu l-istabbiliment ta' żoni ta' protezzjoni u sorveljanza madwar it-tifqigħat, u miżuri addizzjonali oħrajn biex jiġi kkontrollat it-tixrid tal-marda. |
|
(3) |
Fit-23 ta' Ġunju 2018, il-Bulgarija bagħtet notifika lill-Kummissjoni u lill-Istati Membri l-oħra biex tgħarraf li feġġet tifqigħa tal-pesta tal-annimali ruminanti żgħar fi tliet azjendi tal-annimali ruminanti żgħar, fejn l-annimali minn dawk l-azjendi jirgħu flimkien fil-muniċipju ta' Bolyarovo, fir-reġjun ta' Yambol fil-Bulgarija. |
|
(4) |
Il-Bulgarija segwiet il-miżuri ta' kontroll previsti fid-Direttiva 92/119/KEE, u b'mod partikolari “l-qerda” tal-merħliet infettati u l-istabbiliment ta' żoni ta' protezzjoni u sorveljanza madwar it-tifqigħat, kif previst f'dik id-Direttiva. Is-sorveljanza żdiedet ukoll fil-muniċipji qrib iż-żoni affettwati u fil-muniċipji li jinsabu tul il-fruntiera tal-Unjoni ma' pajjiżi terzi li mhumiex ħielsa mill-pesta tal-annimali ruminanti żgħar. |
|
(5) |
Minbarra l-miżuri ta' kontroll previsti fid-Direttiva 92/119/KEE, hemm bżonn li jittieħdu miżuri protettivi addizzjonali kontra t-tixrid tal-pesta tal-annimali ruminanti żgħar. Għaldaqstant, biex il-pesta tal-annimali ruminanti żgħar ma tinxteridx għal żoni oħra tal-Bulgarija u għal Stati Membri u pajjiżi terzi oħrajn, b'mod partikolari permezz tal-kummerċ tal-annimali ruminanti żgħar u l-prodotti ġerminali tagħhom, jenħtieġ li jkun hemm kontroll fuq il-konsenji ta' annimali ruminanti żgħar u fuq it-tqegħid fis-suq ta' ċerti prodotti li jiġu mill-annimali ruminanti żgħar. |
|
(6) |
Id-Deċiżjoni ta' Implimentazzjoni tal-Kummissjoni (UE) 2018/911 (4) ġiet adottata sabiex jiġi evitat li l-pesta tal-annimali ruminanti żgħar tinxtered lejn partijiet oħra tal-Bulgarija, lejn Stati Membri oħra u lejn pajjiżi terzi. Dak l-att jipprevedi miżuri protettivi interim u, b'mod partikolari, jipprojbixxi konsenji ta' annimali ruminanti żgħar u l-introduzzjoni fis-suq ta' ċertu prodotti li jiġu mill-annimali ruminanti żgħar mir-reġjun ta' Yambol fil-Bulgarija. |
|
(7) |
Mill-aħħar data ta' adozzjoni tad-Deċiżjoni ta' Implimentazzjoni (UE) 2018/911, il-Bulgarija nnotifikat lill-Kummissjoni dwar tifqigħa ġdida tal-pesta tal-annimali ruminanti żgħar f'azjenda tal-annimali ruminanti żgħar fir-reġjun ta' Burgas, fil-Bulgarija stess. |
|
(8) |
Il-Bulgarija nnotifikat ukoll lill-Kummissjoni li ħadet il-miżuri neċessarji meħtieġa skont id-Direttiva 92/119/KEE wara li seħħet dik it-tifqigħa reċenti, inkluż l-istabbiliment ta' żoni ta' protezzjoni u ta' sorveljanza madwar l-azjenda infettata f'dak l-Istat Membru. |
|
(9) |
Il-miżuri protettivi previsti f'din id-Deċiżjoni għandhom iqisu s-sitwazzjoni epidemjoloġika aġġornata fil-Bulgarija, u għandhom jissostitwixxu l-miżuri protettivi interim stipulati fid-Deċiżjoni ta' Implimentazzjoni (UE) 2018/911. Għaldaqstant, dik id-Deċiżjoni għandha tiġi titħassar. |
|
(10) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Din id-Deċiżjoni tistabbilixxi ċertu miżuri protettivi kontra t-tixrid tal-pesta tal-annimali ruminanti żgħar fl-Unjoni.
Tapplika għall-annimali ruminanti żgħar u għas-semen, l-ova u l-embrijuni ta' dawk l-annimali, u għal ċerti prodotti derivati minn dawk l-annimali.
Artikolu 2
Għall-finijiet ta' din id-Deċiżjoni, għandhom japplikaw id-definizzjonijiet li ġejjin:
(a) “annimali ruminanti żgħar”: tfisser kwalunkwe annimal tal-ispeċijiet ovini u kaprini;
(b) “prodotti sekondarji mill-annimali”: tfisser prodotti sekondarji mill-annimali kif definiti fil-punt (1) tal-Artikolu 3 tar-Regolament (KE) Nru 1069/2009 tal-Parlament Ewropew u tal-Kunsill (5);
(c) “prodotti derivati”: tfisser prodotti derivati kif definiti fil-punt (2) tal-Artikolu 3 tar-Regolament (KE) Nru 1069/2009.
Barra minn hekk, għandhom japplikaw id-definizzjonijiet stabbiliti fl-Anness I tar-Regolament (KE) Nru 853/2004 tal-Parlament Ewropew u tal-Kunsill (6).
Artikolu 3
Il-Bulgarija għandha tipprojbixxi l-konsenja tal-prodotti li ġejjin miż-żoni elenkati fl-Anness lejn partijiet oħra tal-Bulgarija, lejn Stati Membri oħra u lejn pajjiżi terzi:
|
(a) |
annimali ruminanti żgħar; |
|
(b) |
is-semen, l-ova u l-embrijuni ta' annimali ruminanti żgħar. |
Artikolu 4
1. Il-Bulgarija għandha tipprojbixxi l-introduzzjoni fis-suq tal-prodotti li ġejjin minn barra ż-żoni elenkati fl-Anness, meta dawn il-prodotti jkunu prodotti minn ruminanti żgħar li jkunu ġejjin miż-żoni elenkati fl-Anness:
|
(a) |
laħam frisk; |
|
(b) |
laħam ikkapuljat u preparazzjonijiet tal-laħam prodotti mil-laħam imsemmi fil-punt (a); |
|
(c) |
prodotti tal-laħam u stonkijiet, bżieżaq tal-awrina u intestini, ilkoll trattati għall-konsum mill-bniedem, magħmulin mil-laħam imsemmi fil-punt (a), minbarra dawk li jkunu ġew trattati biex jiġu eliminati ċerti riskji tas-saħħa tal-annimali skont l-Anness III tad-Direttiva tal-Kunsill 2002/99/KE (7); |
|
(d) |
ħalib u prodotti tal-ħalib mhux trattati, minbarra dawk li jkunu ġew trattati f'kontenituri magħluqa b'mod ermetiku b'valur F0 ta' 3,00 jew aktar, kif deskritt fl-Anness III tad-Direttiva 2002/99/KE; |
|
(e) |
prodotti li fihom il-prodotti msemmija fil-punti (a) sa (d); |
|
(f) |
prodotti sekondarji mill-annimali. |
2. B'deroga mill-projbizzjoni stabbilita fil-paragrafu 1(f) ta' dan l-Artikolu, l-awtorità kompetenti tista' tawtorizza l-konsenja, taħt superviżjoni uffiċjali, ta' prodotti sekondarji tal-annimali li jkunu maħsubin biex jiġu pproċessati fi prodotti derivati jew biex jinqerdu, f'impjant approvat minnha għal dan l-iskop fit-territorju tal-Bulgarija, skont ir-regoli stipulati fl-Artikolu 4(4) tar-Regolament (KE) Nru 1069/2009.
Artikolu 5
Id-Deċiżjoni ta' Implimentazzjoni (UE) 2018/911 titħassar.
Artikolu 6
Din id-Deċiżjoni għandha tapplika sat-28 ta' Diċembru 2018.
Artikolu 7
Din id-Deċiżjoni hija indirizzata lir-Repubblika tal-Bulgarija.
Magħmul fi Brussell, l-4 ta' Lulju 2018.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 395, 30.12.1989, p. 13.
(2) ĠU L 224, 18.8.1990, p. 29.
(3) Id-Direttiva tal-Kunsill 92/119/KEE tas-17 ta' Diċembru 1992 li tintroduċi miżuri ġenerali Komunitarji għall-kontroll ta' ċertu mard tal-annimali u l-miżuri speċifiċi li għandhom x'jaqsmu mal-marda vexxikolari tal-ħnieżer (ĠU L 62, 15.3.1993, p. 69).
(4) Id-Deċiżjoni ta' Implimentazzjoni tal-Kummissjoni (UE) 2018/911 tal-25 ta' Ġunju 2018 li tistabbilixxi miżuri interim ta' protezzjoni kontra t-tixrid tal-pesta tal-annimali ruminanti żgħar fil-Bulgarija (ĠU L 161, 26.6.2018, p. 67).
(5) Ir-Regolament (KE) Nru 1069/2009 tal-Parlament Ewropew u tal-Kunsill tal-21 ta' Ottubru 2009 li jistabbilixxi regoli tas-saħħa li jirrigwardaw prodotti sekondarji tal-annimali jew derivati minnhom mhux maħsuba għall-konsum mill-bniedem u li jħassar ir-Regolament (KE) Nru 1774/2002 (ir-Regolament dwar prodotti sekondarji tal-annimali (ĠU L 300, 14.11.2009, p. 1).
(6) Ir-Regolament (KE) Nru 853/2004 tal-Parlament Ewropew u tal-Kunsill tad-29 ta' April 2004 li jistabbilixxi ċerti regoli speċifiċi ta' iġjene għall-ikel li joriġina mill-annimali (ĠU L 139, 30.4.2004, p. 55).
(7) Id-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta' prodotti li joriġinaw mill-annimali u li huma għall-konsum uman (ĠU L 18, 23.1.2003, p. 11).
ANNESS
Il-muniċipalitajiet li ġejjin fil-Bulgarija:
|
— |
Il-muniċipalitajiet ta' Bolyarovo u Elhovo fir-reġjun ta' Yambol. |
|
— |
Il-muniċipalitajiet ta' Sredets, Sozopol, Primorsko, Malko Tarnovo u Tsarevo fir-reġjun ta' Burgas. |
