Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32018D0114

    Deċiżjoni ta' Implimentazzjoni tal-Kummissjoni (UE) 2018/114 tas-16 ta' Jannar 2018 li temenda d-Deċiżjoni tal-Kummissjoni 2009/11/KE li tawtorizza metodi għall-klassifikazzjoni tal-karkassi tal-majjali fi Spanja (notifikata bid-dokument C(2018) 87) (Test b'rilevanza għaż-ŻEE. )

    C/2018/0087

    ĠU L 20, 25.1.2018, p. 11–13 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dec_impl/2018/114/oj

    Date of document:
    16/01/2018; Data ta' adozzjoni
    Date of effect:
    17/01/2018; Jidħol fis-seħħ Data tan-notifika
    Date of notification:
    17/01/2018
    Date of end of validity:
    No end date
    Author:
    Il-Kummissjoni Ewropea, Id-Direttorat Ġenerali għall-Agrikoltura u l-Iżvilupp Rurali
    Responsible body:
    AGRI
    Form:
    Deċiżjoni implimentattiva
    Addressee:
    Spanja
    Additional information:
    Rilevanza għaż-ŻEE
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32009D0011 Żieda anness P. 8 17/01/2018
    Modifies 32009D0011 Sostituzzjoni artikolu 1 17/01/2018
    Instruments cited:
    Link

    25.1.2018   

    MT

    Il-Ġurnal Uffiċjali tal-Unjoni Ewropea

    L 20/11

    DEĊIŻJONI TA' IMPLIMENTAZZJONI TAL-KUMMISSJONI (UE) 2018/114

    tas-16 ta' Jannar 2018

    li temenda d-Deċiżjoni tal-Kummissjoni 2009/11/KE li tawtorizza metodi għall-klassifikazzjoni tal-karkassi tal-majjali fi Spanja

    (notifikata bid-dokument C(2018) 87)

    (Test b'rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikulari l-Artikolu 20(p) u (t) tiegħu,

    Billi:

    (1)

    Il-punt 1 tat-Taqsima B.IV tal-Anness IV tar-Regolament (UE) Nru 1308/2013 jipprevedi li, għall-klassifikazzjoni tal-karkassi tal-majjal, il-kontenut tal-laħam dgħif irid jiġi vvalutat permezz ta' metodi ta' gradazzjoni awtorizzati mill-Kummissjoni u jistgħu jiġu awtorizzati biss metodi ta' valutazzjoni ppruvati statistikament ibbażati fuq il-qies fiżiku ta' parti anatomika waħda jew aktar tal-karkassa tal-majjal. Jenħtieġ li l-awtorizzazzjoni tal-metodi ta' gradazzjoni tkun soġġetta għall-konformità ma' tolleranza massima għall-iżbalji statistiċi fil-valutazzjoni. Dik it-tolleranza hija ddefinita fl-Artikolu 23(3) tar-Regolament tal-Kummissjoni (KE) Nru 1249/2008 (2).

    (2)

    Permezz tad-Deċiżjoni tal-Kummissjoni 2009/11/KE (3), ġie awtorizzat l-użu ta' seba' metodi għall-klassifikazzjoni tal-karkassi tal-majjali fi Spanja.

    (3)

    Spanja talbet lill-Kummissjoni tawtorizza metodu ieħor ġdid għall-klassifikazzjoni tal-karkassi tal-majjali fit-territorju tagħha, u ppreżentat deskrizzjoni ddettaljata tal-prova tad-dissezzjoni, u indikat il-prinċipji li fuqhom huwa bbażat dan il-metodu, ir-riżultati tal-prova tad-dissezzjoni tiegħu u l-ekwazzjoni użata biex jiġi vvalutat il-perċentwali tal-laħam dgħif fil-protokoll previst fl-Artikolu 23(4) tar-Regolament tal-Kummissjoni (KE) Nru 1249/2008.

    (4)

    Eżami ta' dik it-talba żvela li l-kundizzjonijiet għall-awtorizzazzjoni ta' dan il-metodu ta' klassifikazzjoni huma ssodisfati. Għalhekk, jenħtieġ li dan il-metodu ta' klassifikazzjoni jiġi awtorizzat fi Spanja.

    (5)

    Għaldaqstant, jenħtieġ li d-Deċiżjoni tal-Kummissjoni 2009/11/KE tiġi emendata kif xieraq.

    (6)

    Jenħtieġ li ma jkunux permessi l-modifiki tal-apparat jew tal-metodi ta' klassifikazzjoni, sakemm id-Deċiżjoni ta' Implimentazzjoni tal-Kummissjoni ma tkunx tawtorizzahom b'mod espliċitu.

    (7)

    Il-miżuri previsti f'din id-Deċiżjoni huma skont l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli,

    ADOTTAT DIN ID-DEĊIŻJONI:

    Artikolu 1

    Id-Deċiżjoni tal-Kummissjoni 2009/11/KE hija emendata kif ġej:

    (1)

    l-Artikolu 1 huwa sostitwit b'dan li ġej:

    “Artikolu 1

    L-użu tal-metodi li ġejjin huwa awtorizzat għall-klassifikazzjoni tal-karkassi tal-majjali skont il-punt 1 tat-Taqsima B.IV tal-Anness IV tar-Regolament (UE) Nru 1308/2013 tal-Parlament Ewropew u tal-Kunsill (*1) fi Spanja:

    (a)

    l-apparat “Fat-O-Meat'er (FOM)” u l-metodi ta' valutazzjoni marbuta miegħu, li d-dettalji tagħhom jinsabu fil-Parti 1 tal-Anness;

    (b)

    l-apparat “Fully automatic ultrasonic carcase grading (Autofom)” u l-metodi ta' valutazzjoni marbuta miegħu, li d-dettalji tagħhom jinsabu fil-Parti 2 tal-Anness;

    (c)

    l-apparat “Ultrafom 300” u l-metodi ta' valutazzjoni marbuta miegħu, li d-dettalji tagħhom jinsabu fil-Parti 3 tal-Anness;

    (d)

    l-apparat “Automatic vision system (VCS2000)” u l-metodi ta' valutazzjoni marbuta miegħu, li d-dettalji tagħhom jinsabu fil-Parti 4 tal-Anness;

    (e)

    l-apparat “Fat-O-Meat'er II (FOM II)” u l-metodi ta' valutazzjoni marbuta miegħu, li d-dettalji tagħhom jinsabu fil-Parti 5 tal-Anness;

    (f)

    l-apparat “AutoFOM III” u l-metodi ta' valutazzjoni marbuta miegħu, li d-dettalji tagħhom jinsabu fil-Parti 6 tal-Anness;

    (g)

    il-“metodu manwali (ZP)” b'riga u l-metodi ta' valutazzjoni relatati miegħu, li d-dettalji tagħhom jinsabu fil-Parti 7 tal-Anness;

    (h)

    l-apparat “CSB-Image-Meater” u l-metodi ta' valutazzjoni marbuta miegħu, li d-dettalji tagħhom jinsabu fil-Parti 8 tal-Anness.

    Il-metodu manwali ZP b'riga, imsemmi fil-punt (g) tal-ewwel paragrafu, għandu jiġi awtorizzat biss għall-biċċeriji:

    (a)

    li fihom ma jinqatlux iktar minn 500 majjal fil-ġimgħa fuq bażi medja annwali; u

    (b)

    li jkollhom linja tal-qatla li fiha ma jkunux jistgħu jiġu pproċessati aktar minn 40 majjal fis-siegħa.

    (*1)  Ir-Regolament (UE) Nru 1308/2013 tal-Parlament Ewropew u tal-Kunsill tas- 17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).”."

    (2)

    l-Anness huwa emendat skont l-Anness ta' din id-Deċiżjoni.

    Artikolu 2

    Din id-Deċiżjoni ta' Implimentazzjoni hija indirizzata lir-Renju ta' Spanja.

    Magħmul fi Brussell, is-16 ta' Jannar 2018.

    Għall-Kummissjoni

    Phil HOGAN

    Membru tal-Kummissjoni

    (1)  ĠU L 347, 20.12.2013, p. 671.

    (2)  Ir-Regolament tal-Kummissjoni (KE) Nru 1249/2008 tal-10 ta' Diċembru 2008 li jistabbilixxi regoli dettaljati dwar l-implimentazzjoni tal-iskali tal-Komunità għall-klassifikazzjoni ta' karkassi taċ-ċanga, tal-majjal, u tal-laħam tan-nagħaġ u r-rapportar tal-prezzijiet tagħhom (ĠU L 337, 16.12.2008, p. 3).

    (3)  Id-Deċiżjoni tal-Kummissjoni 2009/11/KE tad-19 ta' Diċembru 2008 li tawtorizza metodi għall-klassifikazzjoni tal-karkassi tal-majjali fi Spanja (ĠU L 6, 10.1.2009, p. 79).

    ANNESS

    Fl-Anness tad-Deċiżjoni tal-Kummissjoni 2009/11/KE, tiżdied il-Parti 8 li ġejja:

    “Parti 8

    CSB-IMAGE-MEATER

    1.

    Ir-regoli previsti f'din il-Parti għandhom japplikaw meta l-klassifikazzjoni tal-karkassi tal-majjali ssir permezz tal-apparat magħruf bħala ‘CSB-Image-Meater’.

    2.

    Is-“CSB Image-Meater” jikkonsisti, b'mod partikulari, minn vidjowkamera, kompjuter mgħammar b'kard għall-analiżi tal-immaġni, skrin, printer, mekkaniżmu użat għall-kmand, mekkaniżmu għar-rata u interfaċċi. L-erba' fatturi varjabbli tas-“CSB Image-Meater” kollha jitkejlu f'nofs il-linja tal-parti tal-perżut (madwar il-muskolu msejjaħ gluteus medius); unità ċentrali taqleb il-valuri li jitkejlu fi stima tal-perċentwali tal-laħam dgħif.

    3.

    Il-kontenut tal-laħam dgħif ta' karkassa għandu jiġi kkalkulat skont il-formula li ġejja:

    Ŷ = 68,39920953 – (0,39050694 × F) – (0,32611391 × V4F) + (0,07864716 × M) – (0,00762296 × V4M)

    fejn:

    Ŷ

    =

    il-perċentwali tal-laħam dgħif stmat f'karkassa;

    F

    =

    il-ħxuna tax-xaħam bħala l-irqaq saff fuq il-muskolu msejjaħ gluteus medius (f'millimetri);

    V4F

    =

    il-ħxuna medja tax-xaħam tas-saff kollu tal-bejken li jinsab fuq l-erba' vertebri lombari (imsejħin ‘VaF’, ‘VbF’, ‘VcF’ u ‘VdF’ rispettivament) (f'millimetri);

    M

    =

    il-ħxuna tal-laħam mit-tarf kranjali tal-muskolu msejjaħ gluteus medius sal-kanal vertebrali (f'millimetri);

    V4M

    =

    il-ħxuna medja tal-laħam 'il fuq mill-erba' vertebri lombari (imsejħin ‘VaM’, ‘VbM’, ‘VcM’ u ‘VdM’ rispettivament) (f'millimetri).

    Din il-formula għandha tkun valida għall-karkassi li jiżnu bejn 60 u 120 kilogramm (piż tal-karkassa sħuna).”
    Top