32017R2295

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament delegat - 2017/2295 - EN - EUR-Lex

Help

Search tips

Need more search options? Use the Advanced search

Document 32017R2295

Help

Regolament Delegat tal-Kummissjoni (UE) 2017/2295 tal-4 ta' Settembru 2017 li jissupplimenta r-Regolament (UE) Nru 575/2013 tal-Parlament Ewropew u tal-Kunsill dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment (Test b'rilevanza għaż-ŻEE. )

C/2017/5959

ĠU L 329, 13.12.2017, p. 6–19 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 27/06/2021; Imħassar b' 32021R0637

ELI: http://data.europa.eu/eli/reg_del/2017/2295/oj

Date of document:: 04/09/2017; Data ta' adozzjoni
Date of effect:: 02/01/2018; Dħul fis-seħħ Data tal-pubblikazzjoni +20 Ara Art. 3
Date of effect:: 02/01/2019; Applikazzjoni Applikazzjoni parzjali Ara Art. 3
Date of end of validity:: 27/06/2021; Imħassar b' 32021R0637

Author:: Il-Kummissjoni Ewropea, Direttorat Ġenerali għall-Istabilità Finanzjarja, is-Servizzi Finanzjarji u l-Unjoni tas-Swieq Kapitali
Responsible body:: FISMA
Form:: Regolament delegat
Additional information:: Rilevanza għaż-ŻEE

Treaty:

Trattat dwar il-Funzjonament tal-Unjoni Ewropea

Legal basis:

32013R0575 - A443L4

Link

Select all documents mentioning this document

Modifies:

Relation	Act	Comment	Subdivision concerned	From	To
Completion	32013R0575			02/01/2018
Completion	32013R0575			02/01/2019

Modified by:

Relation	Act	Comment	Subdivision concerned	From	To
Repealed by	32021R0637			28/06/2021

Instruments cited:

Link

EUROVOC descriptor:

Subject matter:

Libertà ta’ stabbiliment

Directory code:

06.20.20.20 Dritt tal-istabbiliment u l-libertà tal-provvista tas-servizzi / Applikazzjoni settorjali / Attivitajiet ta' servizz / Banek

HTML

PDF

Official Journal

13.12.2017

Il-Ġurnal Uffiċjali tal-Unjoni Ewropea

L 329/6

REGOLAMENT DELEGAT TAL-KUMMISSJONI (UE) 2017/2295

tal-4 ta' Settembru 2017

li jissupplimenta r-Regolament (UE) Nru 575/2013 tal-Parlament Ewropew u tal-Kunsill dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 575/2013 tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment u li jemenda r-Regolament (UE) Nru 648/2012 (1), u b'mod partikolari r-raba' subparagrafu tal-Artikolu 443 tiegħu,

Billi:

(1)

Skont l-ewwel subparagrafu tal-Artikolu 443 tar-Regolament (UE) Nru 575/2013, l-Awtorità Bankarja Ewropea (EBA) ħarġet linji gwida dwar id-divulgazzjoni ta' assi gravati u assi mhux gravati fis-27 ta' Ġunju 2014 (minn hawn 'il quddiem “il-Linji Gwida tad-Divulgazzjoni tal-EBA” (2)). It-tieni subparagrafu tal-Artikolu 443 tar-Regolament (UE) Nru 575/2013 jipprevedi li l-EBA għandha tiżviluppa abbozzi ta' standards tekniċi regolatorji biex tispeċifika d-divulgazzjoni tal-valur tal-karta tal-bilanċ għal kull skopertura mqassmin skont il-kwalità tal-assi u l-ammont totali tal-valur tal-karta tal-bilanċ li mhux gravat, b'kont meħud tar-Rakkomandazzjoni ESRB/2012/2 tal-Bord Ewropew dwar ir-Riskju Sistemiku tal-20 ta' Diċembru 2012 dwar il-finanzjament ta' istituzzjonijiet ta' kreditu (“Rakkomandazzjoni ESRB/2012/2”) (3) u skont il-konsiderazzjoni tal-EBA fir-rapport tagħha li tali divulgazzjoni addizzjonali toffri informazzjoni affidabbli u sinifikanti. Ir-rapport tal-EBA dwar l-aggravar ta' assijiet (4) ikkonkluda li d-divulgazzjoni ta' aggravar fl-Unjoni hija importanti peress li tippermetti lill-parteċipanti fis-suq li jifhmu u janalizzaw aħjar il-profili ta' likwidità u ta' solvenza tal-istituzzjonijiet u jqabblu dawn il-profili fl-Istati Membri kollha b'mod ċar u konsistenti. Fuq il-bażi ta' dawn il-konklużjonijiet, l-EBA żviluppat abbozzi ta' standards tekniċi regolatorji sabiex jiġi żgurat approċċ totalment armonizzat għad-divulgazzjoni tal-aggravar ta' assijiet.

(2)

Il-Linji Gwida ta' Divulgazzjoni tal-EBA jkopru kemm assi gravati u dawk mhux gravati. Dan huwa minħabba li l-ewwel subparagrafu tal-Artikolu 443 tar-Regolament (UE) Nru 575/2013 jistabbilixxi li r-Rakkomandazzjoni ESRB/2012/2, u b'mod partikolari r-Rakkomandazzjoni D - Trasparenza tas-swieq dwar l-aggravar ta' assijiet (“ir-Rakkomandazzjoni D”) tiġi kkunsidrata. Il-punt 1(a) tar-Rakkomandazzjoni D jirrakkomanda d-divulgazzjoni ta' assi gravati u dawk mhux gravati. It-tieni subparagrafu tal-Artikolu 443 tar-Regolament (UE) Nru 575/2013 jistipula wkoll li r-Rakkomandazzjoni ESRB/2012/2 għandha tittieħed inkunsiderazzjoni fl-iżvilupp tal-abbozz ta' standards tekniċi regolatorji msemmija f'dak is-subparagrafu. Barra minn hekk, assi gravati għandhom jiġu inklużi f'tali standards biex jiġi żgurat li d-divulgazzjoni obbligatorja toffri informazzjoni affidabbli u sinifikanti. Għalhekk, kemm assi gravati u dawk mhux gravati u għandhom jiġu divulgati.

(3)

L-EBA kienet irrakkomandata fir-Rakkomandazzjoni D biex tiżgura li fl-iżvilupp tal-Linji Gwida ta' Divulgazzjoni tal-EBA, li l-livell u l-evoluzzjoni ta' assi gravati għal banek ċentrali, kif ukoll l-ammont ta' assistenza ta' likwidità mogħtija minn banek ċentrali, ma jistgħux jiġu skoperti. Dak il-parir tqies ukoll f'dan ir-Regolament.

(4)

Assi gravati jew kollateral riċevut u elementi oħra li ma jidhrux fil-karta tal-bilanċ jistgħu jkunu mirhuna biex jassiguraw il-finanzjament. Għalhekk, sabiex tippermetti lill-parteċipanti fis-suq li jifhmu u janalizzaw aħjar il-profili ta' likwidità u ta' solvenza tal-istituzzjonijiet u aċċess għall-informazzjoni dwar assi biex jiġi żgurat finanzjament, l-istituzzjonijiet jenħtieġ li jiddivulgaw l-aggravar tta' assijiet tal-assi kollha fil-karta tal-bilanċ u l-gravami tal-elementi li mhumiex fil-karta tal-bilanċ separatament. Id-divulgazzjoni għandha tkun relatata mat-tipi kollha ta' kollateral riċevut, li jirriżultaw mit-tranżazzjonijiet kollha fi u mhux fil-karta tal-bilanċ indipendentement mill-maturità tagħhom, inklużi l-operazzjonijiet kollha ma' banek ċentrali. Filwaqt li l-assi divulgati bħalaassi gravati jinkludu assi gravati bħala riżultat tal-operazzjonijiet kollha ma' kull kontroparti (inklużi l-banek ċentrali), m'hemmx bżonn li jiġi divulgat l-aggravar li jirriżulta minn operazzjonijiet ma' banek ċentrali separatament mill-aggravar li jirriżulta minn operazzjonijiet ma' kontropartijiet oħra. Dan huwa bla ħsara għal-libertà għall-banek ċentrali li jistabbilixxu l-modalitajiet għad-divulgazzjoni ta' assistenza ta' likwidità f'emerġenza.

(5)

Sabiex tiġi żgurata l-konsistenza u tiġi promossa l-komparabbiltà u t-trasparenza, id-dispożizzjonijiet relatati mal-mudelli ta' divulgazzjoni dwar l-aggravar jenħtieġ li jkunu bbażati fuq il-ħtiġijiet tar-rappurtar dwar il-gravami previst fir-Regolament ta' Implimentazzjoni tal-Kummissjoni (UE) Nru 680/2014 (5). Madankollu, sabiex jiġu evitati konsegwenzi mhux intenzjonati (bħal pereżempju l-abbiltà li jiġi identifikat finanzjament ta' emerġenza mill-bank ċentrali), xi devjazzjonijiet huma meħtieġa. B'mod partikolari, u b'kont meħud tar-Rakkomandazzjoni D, id-divulgazzjoni ta' informazzjoni dwar l-ammont ta' assi gravati u mhux gravati jenħtieġ li tkun ibbażata fuq valuri medji aktar milli fuq valuri f'punt ta' żmien partikolari kif meħtieġ fl-Anness XVII tar-Regolament ta' Implimentazzjoni (UE) Nru 680/2014. Bl-istess mod, il-livell ta' granularità tal-informazzjoni li għandha tiġi ddivulgata għal valuri speċifiċi u tranżazzjonijiet jenħtieġ li jkun inqas minn dak tar-rekwiżiti ta' rappurtar stabbiliti fir-Regolament (UE) Nru 680/2014. Barra minn hekk, peress li l-aggravar ta' assijiet jiddependi ħafna fuq il-profil tar-riskju u l-mudell tan-negozju tal-istituzzjoni kkonċernata, id-dejta kwantitattiva jenħtieġ li tkun issupplimentata b'informazzjoni narrattiva.

(6)

Ir-rekwiżiti ta' divulgazzjoni għal assi gravati u mhux gravati u, b'mod partikolari, ir-rekwiżiti ta' divulgazzjoni fir-rigward ta' assi trasferiti, assi mirhuna u kollateral li ma jidhirx fil-karta bilanċjali u depożitat, għandhom japplikaw flimkien ma' kwalunkwe rekwiżiti ta' divulgazzjoni skont il-qafas tal-kontabbiltà applikabbli.

(7)

Sabiex tiġi żgurata l-applikazzjoni proporzjonata tar-rekwiżiti ta' divulgazzjoni stabbiliti fl-Artikolu 443 tar-Regolament (UE) Nru 575/2013 għal istituzzjonijiet iżgħar li ma jkollhomx livelli materjali ta' aggravar ta' assijiet, informazzjoni dwar il-kwalità ta' assi gravati u mhux gravati m'għandhiex tkun mitluba minn tali istituzzjonijiet iżgħar. L-informazzjoni dwar il-kwalità tal-assi gravati u mhux gravati (“indikaturi tal-kwalità tal-assi”) hija bbażata fuq il-karatteristiċi tal-kwalità tal-assi attribwiti għal assi ta' likwidità estremament għolja u ta' kwalità ta' kreditu u assi ta' likwidità u kwalità ta' kreditu għoljin, kif definiti fir-Regolament ta' Delega tal-Kummissjoni (UE) 2015/61 (6). Hekk kif ditti tal-investiment li ma jifformawx parti minn grupp bankarju mhumiex koperti b'dak ir-Regolament ta' Delega u, peress li, meta kumpaniji tal-investiment jagħmlu parti minn grupp bankarju, l-informazzjoni rilevanti tiġi divulgata fuq bażi konsolidata, huwa xieraq ukoll li d-ditti ta' investiment ikunu eżenti milli jiddivulgaw informazzjoni dwar il-kwalità ta' assi gravati u mhux gravati, biex jiġu evitati spejjeż sproporzjonati.

(8)	Minħabba n-novità tar-rekwiżit li tingħata informazzjoni dwar l-indikaturi tal-kwalità tal-assi, l-applikazzjoni tad-dispożizzjonijiet dwar id-divulgazzjoni ta' tali indikaturi jenħtieġ li tiġi differita b'sena, biex tippermetti lill-istituzzjonijiet biex jiżviluppaw is-sistemi meħtieġa tal-IT.

(9)	Dan ir-Regolament huwa bbażat fuq l-abbozz tal-istandards tekniċi regolatorji sottomessi mill-EBA lill-Kummissjoni.

(10)

L-EBA wettqet konsultazzjonijiet pubbliċi miftuħa f'dak li għandu x'jaqsam mal-abbozz tal-istandards tekniċi regolatorji li fuqhom huwa bbażat dan ir-Regolament, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (7),

ADOTTAT DAN IR-REGOLAMENT:

Artikolu 1

Rekwiżiti ta' divulgazzjoni għall-istituzzjonijiet kollha

1. L-istituzzjonijiet għandhom jiddivulgaw l-ammont ta' assi gravati u mhux gravati skont il-qafas tal-kontabbiltà applikabbli skont it-tip ta' assi fil-kolonni C010, C040, C060 u C090, il-Formola A tal-Anness I, f'konformità mal-istruzzjonijiet stabbiliti fl-Anness II.

2. L-istituzzjonijiet għandhom jiddivulgaw informazzjoni tal-kollateral riċevut skont it-tip ta' assi fil-kolonni C010 u C040 tal-Formola B tal-Anness I, f'konformità mal-istruzzjonijiet stabbiliti fl-Anness II.

3. L-istituzzjonijiet għandhom jiddivulgaw l-obbligazzjonijiet assoċjati mal-assi gravati u l-kollateral riċevut kif stipulat fil-Formola C tal-Anness I, f'konformità mal-istruzzjonijiet stabbiliti fl-Anness II.

4. L-istituzzjonijiet għandhom jiddivulgaw informazzjoni narrattiva dwar l-impatt tal-mudell tan-negozju tagħhom fuq il-livell tagħhom ta' aggravar u l-importanza ta' gravami fil-mudell tan-negozju tagħhom kif stipulat fil-Mudell D tal-Anness I, f'konformità mal-istruzzjonijiet stabbiliti fl-Anness II.

Artikolu 2

Rekwiżiti ta' divulgazzjoni addizzjonali għal ċerti istituzzjonijiet

1. Minbarra l-informazzjoni msemmija fl-Artikolu 1, l-istituzzjonijiet li jissodisfaw il-kundizzjonijiet stabbiliti fil-paragrafu 2 għandhom jiddivulgaw:

(a)	l-indikaturi tal-kwalità tal-assi skont it-tip ta' assi fil-kolonni C030, C050, C080 u C100, kif stipulat fil-Mudell A tal-Anness I, f'konformità mal-istruzzjonijiet stabbiliti fl-Anness II;

(b)	l-indikaturi tal-kwalità tal-assi skont it-tipi ta' kollateral riċevut u titoli ta' dejn maħruġa, inklużi bonds koperti u titoli ggarantiti b'assi (ABSs) fil-kolonni C030 u C060 kif stipulat fil-Mudell B tal-Anness I, f'konformità mal-istruzzjonijiet stabbiliti fl-Anness II.

2. Il-paragrafu 1 għandu japplika biss għal istituzzjonijiet ta' kreditu li jissodisfaw waħda mill-kundizzjonijiet li ġejjin:

(a)	l-assi totali tagħhom, ikkalkulati b'konformità mal-paragrafu 10 tal-punt 1.6 tal-Anness XVII għar-Regolament (UE) Nru 680/2014, jammonta għal aktar minn EUR 30 biljun;

(b)	Il-livell ta' aggravar ta' assijiet, ikkalkulat b'konformità mal-paragrafu 9 tal-punt 1.6 tal-Anness XVII għar-Regolament (UE) Nru 680/2014, huwa aktar minn 15 %.

Artikolu 3

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

L-Artikolu 2 għandu japplika minn mit-2 ta' Jannar 2019.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-4 ta' Settembru 2017.

Għall-Kummissjoni

Il-President

Jean-Claude JUNCKER

(1) ĠU L 176, 27.6.2013, p. 1.

(2) Linji gwida dwar id-divulgazzjoni tal-assi gravati u mhux gravati (EBA/GL/2014/03).

(3) ĠU C 119, 25.4.2013, p. 1.

(4) Ir-Rapport tal-EBA dwar l-interess ta' garanzija tal-assi, Settembru 2015.

(5) Ir-Regolament ta' Implimentazzjoni tal-Kummissjoni (UE) Nru 680/2014 tas-16 ta' April 2014 li jistabbilixxi standards tekniċi ta' implimentazzjoni fir-rigward tar-rappurtar superviżorju ta' istituzzjonijiet skont ir-Regolament (UE) Nru 575/2013 tal-Parlament Ewropew u tal-Kunsill (ĠU L 191, 28.6.2014, p. 1).

(6) Ir-Regolament ta' Delega tal-Kummissjoni (UE) 2015/61 tal-10 ta' Ottubru 2014 li jissupplimenta r-Regolament (UE) Nru 575/2013 tal-Parlament Ewropew u tal-Kunsill rigward ir-rekwiżit ta' kopertura tal-likwidità għall-Istituzzjonijiet ta' Kreditu (ĠU L 11, 17.1.2015, p. 1).

(7) Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12).

ANNESS I

Formoli ta' divulgazzjoni

Formola A: Assi gravati + mhux gravati

Formola A - Assi gravati + mhux gravati

		Ammont riportat ta' assi gravati		Il-valur ġust ta' assi gravati		Ammont riportat ta' assi gravati		Valur ġust ta' assi gravati
			li minnhom EHQLA u HQLA huma nozzjonalment eliġibbli		li minnhom EHQLA u HQLA huma nozzjonalment eliġibbli		li minnhom EHQLA u HQLA		li minnhom EHQLA u HQLA
		010	030	040	050	060	080	090	100
010	Assi tal-istituzzjoni li tirrapporta
030	Strumenti ta' ekwità
040	Titoli ta' dejn
050	li minnhom: bonds koperti
060	li minnhom: titoli garantiti b'assi
070	li minnhom: maħruġa minn amministrazzjonijiet pubbliċi
080	li minnhom: maħruġa minn korporazzjonijiet finanzjarji
090	li minnhom: maħruġa minn korporazzjonijiet mhux finanzjarji
120	Assi oħrajn
121	li minnhom: …

Formola B: Kollateral irċevut

Formola B — Kollateral irċevut

		Valur ġust ta' kollateral gravat irċevut jew titoli tad-dejn proprji maħruġa		Mhux gravati
				Valur ġust ta' kollateral riċevut jew titoli ta' dejn proprji maħruġa disponibbli għal gravami
			li minnhom EHQLA u HQLA huma nozzjonalment eliġibbli		li minnhom EHQLA u HQLA
		010	030	040	060
130	Kollateral irċevut mill-istituzzjoni li tirrapporta
140	Self fuq talba
150	Strumenti ta' ekwità
160	Titoli ta' dejn
170	li minnhom: bonds koperti
180	li minnhom: titoli garantiti b'assi
190	li minnhom: maħruġa minn amministrazzjonijiet pubbliċi
200	li minnhom: maħruġa minn korporazzjonijiet finanzjarji
210	li minnhom: maħruġa minn korporazzjonijiet mhux finanzjarji
220	Self u ħlas bil-quddiem li ma jkunx self fuq talba
230	Kollateral irċevut ieħor
231	li minnhom: …
240	Titoli ta' dejn proprji maħruġin għajr bonds proprji koperti jew titoli garantiti b'assi
241	Bonds proprji koperti u titoli ggarantiti b'assi maħruġa u għadhom mhux mirhuna
250	ASSI TOTALI, KOLLATERAL RIĊEVUT U TITOLI TA' DEJN PROPRJI MAĦRUĠA

Formola C: Sorsi ta' gravami

Formola C — Sorsi ta' gravami

		Obbligazzjonijiet imqabbla, obbligazzjonijiet kontinġenti jew titoli mislufa	Assi, kollateral irċevut u proprju titoli ta' dejn maħruġa għajr bonds koperti u ABSs gravati
		010	030
010	Ammont riportat ta' xi obbligazzjonijiet finanzjarji
011	li minnhom: …

Formola D: Informazzjoni narrattiva ta' akkumpanjament

Formola D — Informazzjoni narrattiva ta' akkumpanjament

Informazzjoni narrattiva dwar l-impatt tal-mudell tan-negozju fuq assi gravati u l-importanza ta' gravami għall-mudell tan-negozju tal-istituzzjoni, li jipprovdi lill-utenti l-kuntest għad-divulgazzjonijiet meħtieġa fil-Formola A sa C.

ANNESS II

Struzzjonijiet għall-mili tal-formoli tad-divulgazzjoni

L-istituzzjonijiet għandhom jiddivulgaw l-entrati msemmija fit-Tabelli 1 sa 7 bl-istess mod kif irrappurtat skont l-Anness XVI tar-Regolament ta' Implimentazzjoni tal-Kummissjoni (UE) Nru 680/2014, sakemm ma jkunx previst mod ieħor b'mod speċifiku f'dawk it-tabelli.

L-entrati msemmija fil-punt 1 għandhom jiġu divulgati bl-użu ta' valuri medji. Valuri medji għandhom ikunu medji kontinwi ta' kull tliet xhur matul it-tnax-il xahar preċedenti u għandhom jiġu ddeterminati permezz ta' interpolazzjoni.

Meta d-divulgazzjonijiet iseħħu fuq bażi konsolidata, il-kamp ta' applikazzjoni tal-konsolidazzjoni se jkun il-kamp ta' applikazzjoni tal-konsolidazzjoni prudenzjali kif definit fl-Ewwel Parti, Titolu II, Kapitolu 2, Taqsima 2 tar-Regolament (UE) Nru 575/2013.

Formola A - Assi gravati u mhux gravati

Tabella 1: Struzzjonijiet rigward ringieli speċifiċi tal-Formola A

Ringieli	Ir-referenzi ġuridiċi u l-istruzzjonijiet
010	L-assi tal-istituzzjoni tar-rappurtar [Standards Internazzjonali tal-Kontabbiltà (IAS) 1.9 (a), Gwida għall-Implimentazzjoni (IG) 6] Assi totali tal-istituzzjoni rreġistrata fil-karta bilanċjali tagħha, bl-eċċezzjoni ta' titoli ta' dejn proprji u strumenti ta' ekwità proprji meta l-istandards ta' kontabbiltà applikabbli jippermettu r-rikonoxximent tagħhom fil-karta bilanċjali. Il-valur iddivulgat f'din ir-ringiela jkun il-medjan tas-somom ta' erba' valuri fi tmiem kull tliet xhur matul it-tnax-il xahar preċedenti għar-ringieli 030, 040 u 120.
030	Strumenti ta' ekwità Il-valuri medjani mill-entrata “Strumenti ta' ekwità” kif irrappurtati fir-ringiela 030 fil-Formola F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014, bl-eċċezzjoni tal-istrumenti proprji ta' ekwità meta l-istandards ta' kontabbiltà applikabbli jippermettu r-rikonoxximent tagħhom fil-karta bilanċjali.
040	Titoli ta' dejn Il-valuri medjani mill-entrata “Titoli ta' dejn” kif irrappurtati fir-ringiela 040 fil-Formola F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014, bl-eċċezzjoni tat-titoli ta' dejn proprji meta l-istandards ta' kontabbiltà applikabbli jippermettu r-rikonoxximent tagħhom fil-karta bilanċjali.
050	li minnhom: bonds koperti Il-valuri medjani tal-entrata “li minnhom: bonds koperti” kif irrappurtati fir-ringiela 050 fil-Mudell F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014.
060	li minnhom: titoli garantiti b'assi Il-valuri medjani tal-entrata “li minnhom: titoli garantiti b'assi” kif irrappurtati fir-ringiela 060 fil-Formola F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014.
070	li minnhom: maħruġa mill-amministrazzjonijiet pubbliċi Il-valuri medjani tal-entrata “li minnhom: maħruġa minn amministrazzjonijiet pubbliċi” kif irrappurtati fir-ringiela 070 fil-Formola F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014.
080	li minnhom: maħruġa minn korporazzjonijiet finanzjarji Il-valuri medjani tal-entrata “li minnhom: maħruġa minn korporazzjonijiet finanzjarji” kif irrappurtati fir-ringiela 080 fil-Formola F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014.
090	li minnhom: maħruġa minn korporazzjonijiet mhux finanzjarji Il-valuri medjani tal-entrata “li minnhom: maħruġa minn korporazzjonijiet mhux finanzjarji” kif irrappurtati fir-ringiela 090 fil-Formola F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014.
120	Assi oħrajn Il-valur medjan tal-assi oħra tal-istituzzjoni rreġistrati fil-karta bilanċjali għajr dawk imsemmija fir-ringieli ta' hawn fuq u differenti minn titoli ta' dejn proprju u strumenti ta' ekwità ta' dejn proprju li ma jistgħux jiġu derikonoxxuti mill-karta bilanċjali permezz ta' istituzzjoni mhux tal-IFRS. F'dan il-każ, strumenti ta' dejn proprju jkunu inklużi fir-ringiela 240 tal-Formola B u l-istrumenti ta' ekwità proprja esklużi mir-rappurtar tal-interess ta' gravami. Assi oħrajn jinkludu flus fl-idejn (iż-żamma ta' karti tal-flus u muniti nazzjonali u barranin fiċ-ċirkolazzjoni li jintużaw b'mod komuni biex isiru pagamenti), self fuq talba [IAS 1.54 (i)] li jinkludi l-bilanċi riċevibbli fuq talba f'banek ċentrali u istituzzjonijiet oħra kif irrappurtat fil-Formola 020 fil-Mudell F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014. Assi oħra jinkludu wkoll self u avvanzi għajr self fuq talba, inkluż self ipotekarju kif irrapportat fir-ringieli 100 u 110 tal-Formola F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014. Assi oħra jistgħu jinkludu wkoll assi intanġibbli, inkluż avvjament, assi ta' taxxa differiti, assi ta' proprjetà, impjanti u assi fissi oħrajn, assi derivattivi, tranżazzjonijiet ta' retroriakkwist u self bl-istokk riċevibbli. Meta assi sottostanti u assi tal-aggregazzjoni ta' kopertura ta' titoli miżmuma abbażi ta' assi (ABS) u bonds koperti huma self fuq talba jew f'forma ta' self u avvanzi oħra għajr self fuq talba, huma għandhom ukoll ikunu inklużi f'din ir-ringiela.
121	li minnhom: … Fejn rilevanti fil-kuntest tal-użu tagħhom ta' gravami fir-rigward tal-mudell tan-negozju tagħhom, l-istituzzjonijiet jistgħu jidentifikaw separatament il-valur medjan ta' xi komponent ta' “Assi oħrajn” bħal f'ringiela “li minnhom”.

Tabella 2: Struzzjonijiet rigward kolonni speċifiċi tal-Formola A

Kolonni	Ir-referenzi ġuridiċi u l-istruzzjonijiet
010	Ammont riportat ta' assi gravati Il-valur medjan tal-ammont riportat tal-assi miżmuma mill-istituzzjoni li huma gravati skont il-punt 1.7 tal-Anness XVII tar-Regolament ta' Implimentazzjoni (UE) Nru 680/2014. Ammont riportat tfisser l-ammont rappurtat fin-naħa tal-assi tal-karta bilanċjali.
030	li minnhom: EHQLA u HQLA huma nozzjonalment eliġibbli Il-valur medjan tal-ammont riportat ta' assi gravati li huma nozzjonalment eliġibbli għall-kwalifika ta' assi b'likwidità għolja ħafna u kwalità kreditizja għolja ħafna (EHQLA) u assi ta' likwidità u kwalità ta' kreditu għolja (HQLA). Għall-fini ta' dan ir-Regolament, EHQLA gravat nozzjonalment eliġibbli u HQLA gravat nozzjonalment eliġibbli huma dawk l-assi elenkati fl-Artikoli 11, 12 u 13 tar-Regolament Delegat tal-Kummissjoni (UE) 2015/61 u li jikkonformaw ma' rekwiżiti ġenerali u operazzjonali stabbiliti fl-Artikoli 7 u 8 ta' dak ir-Regolament Delegat, li kieku ma kienx hemm l-istatus tagħhom bħala assi gravati skont l-Anness XVII tar-Regolament ta' Implimentazzjoni (UE) Nru 680/2014. EHQLA gravat nozzjonalment eliġibbli u HQLA gravat nozzjonalment eliġibbli se jkunu konformi wkoll mar-rekwiżiti stabbiliti speċifiċi għall-klassi ta' skopertura stabbiliti fl-Artikoli 10 sa 16 u 35 sa 37 tar-Regolament Delegat (UE) 2015/61. L-ammont riportat ta' EHQLA gravat nozzjonalment eliġibbli u HQLA gravat nozzjonalment eliġibbli jkun l-ammont riportat qabel l-applikazzjoni tat-telf impost fuq il-kredituri speċifikat fl-Artikoli 10 sa 16 tar-Regolament Delegat (UE) 2015/61.
040	Il-valur ġust ta' assi gravati Il-valur medjan tal-entrata “Valur ġust għal assi gravati” kif irrappurtat fil-kolonna 040 tal-Formola F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014. Għal kull klassi ta' skopertura, il-valur ġust divulgat hu l-valur medjan tal-valuri ġusti differenti osservati fit-tmiem ta' kull perjodu tar-rappurtar meqjusa fil-kalkolu tal-medjan.
050	li minnhom: EHQLA u HQLA huma nozzjonalment eliġibbli Il-valur medjan tal-valur ġust ta' assi gravati u li huma nozzjonalment eliġibbli biex jikkwalifikaw bħala EHQLA u tal-HQLA. Għall-fini ta' dan ir-Regolament, EHQLA gravat nozzjonalment eliġibbli u HQLA gravat nozzjonalment eliġibbli huma dawk l-assi elenkati fl-Artikoli 11, 12 u 13 tar-Regolament Delegat tal-Kummissjoni (UE) 2015/61 u li jikkonformaw ma' rekwiżiti ġenerali u operazzjonali stabbiliti fl-Artikoli 7 u 8 ta' dak ir-Regolament Delegat, li kieku ma kienx hemm l-istatus tagħhom bħala assi gravati skont l-Anness XVII tar-Regolament ta' Implimentazzjoni (UE) Nru 680/2014. EHQLA gravat nozzjonalment eliġibbli u HQLA gravat nozzjonalment eliġibbli se jkunu konformi wkoll mar-rekwiżiti stabbiliti speċifiċi għall-klassi ta' skopertura stabbiliti fl-Artikoli 10 sa 16 u 35 sa 37 tar-Regolament Delegat (UE) 2015/61. Il-valur ġust ta' EHQLA gravat nozzjonalment eliġibbli u HQLA gravat nozzjonalment eliġibbli jkun il-valur ġust qabel l-applikazzjoni tat-telf impost fuq il-kredituri speċifikat fl-Artikoli 10 sa 16 tar-Regolament Delegat (UE) 2015/61.
060	Ammont riportat ta' assi gravati Il-valur medjan tal-entrata “Ammont riportat għal assi mhux gravati” kif irrappurtat fil-kolonna 060 tal-Formola F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014.
080	li minnhom: EHQLA u HQLA Il-valur medjan tal-ammont riportat ta' EHQLA u HQLA mhux gravati kif elenkati fl-Artikoli 11, 12 u 13 tar-Regolament Delegat (UE) 2015/61 u li jikkonformaw ma' rekwiżiti ġenerali u operazzjonali stabbiliti fl-Artikoli 7 u 8 ta' dak ir-Regolament Delegat, kif ukoll ir-rekwiżiti speċifiċi ta' skopertura stabbiliti fl-Artikoli 10 sa 16 u 35 sa 37 ta' dak ir-Regolament Delegat. L-ammont riportat ta' EHQLA u HQLA għandu jkun l-ammont riportat qabel l-applikazzjoni tat-telf impost fuq il-kredituri speċifikat fl-Artikoli 10 sa 16 tar-Regolament Delegat (UE) 2015/61.
090	Valur ġust ta' assi gravati Il-valur medjan tal-entrata “Valur ġust għal assi mhux gravati” kif irrappurtat fil-kolonna 090 tal-Formola F 32.01 (AE-ASS) tal-Anness XVI tar-Regolament ta' Implimentazzjoni (UE) Nru 680/2014. Għal kull klassi ta' skopertura, il-valur ġust divulgat hu l-valur medjan tal-valuri ġusti differenti osservati fit-tmiem ta' kull perjodu tar-rappurtar meqjusa fil-kalkolu tal-medjan.
100	li minnhom: EHQLA u HQLA Il-valur medjan tal-ammont riportat ta' EHQLA u HQLA mhux gravati kif elenkati fl-Artikoli 11, 12 u 13 tar-Regolament Delegat (UE) 2015/61 u li jikkonformaw ma' rekwiżiti ġenerali u operazzjonali stabbiliti fl-Artikoli 7 u 8 ta' dak ir-Regolament Delegat, kif ukoll ir-rekwiżiti speċifiċi ta' skopertura stabbiliti fl-Artikoli 10 sa 16 u 35 sa 37 ta' dak ir-Regolament Delegat. Il-valur ġust ta' EHQLA u HQLA se jkun il-valur ġust qabel l-applikazzjoni tat-telf impost fuq il-kredituri speċifikat fl-Artikoli 10 sa 16 tar-Regolament Delegat (UE) 2015/61.

Formola B — Kollateral irċevut

Tabella 3: Struzzjonijiet rigward ringieli speċifiċi tal-Formola B

Ringieli

Ir-referenzi ġuridiċi u l-istruzzjonijiet

130

Kollateral irċevut mill-istituzzjoni li tirrapporta

Il-klassijiet kollha ta' kollateral riċevut mill-istituzzjoni. It-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli għandhom jiġu divulgati f'din ir-ringiela. Il-kollateral totali riċevut mill-istituzzjoni se jkun il-medjan tas-somom ta' erba' valuri fi tmiem kull tliet xhur matul it-tnax-il xahar preċedenti għar-ringieli 140 sa 160, 220 u 230.

140

Self fuq talba

Il-valur medjan ta' kollateral riċevut mill-istituzzjoni li tinkludi self fuq talba għandhom se jiġi divulgat f'din ir-ringiela (ara r-referenzi legali u l-istruzzjonijiet rigward ir-ringiela 120 tal-Formola A). Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

150

Strumenti ta' ekwità

Il-valur medjan ta' kollateral riċevut mill-istituzzjoni li tinkludi strumenti ta' ekwità (ara r-referenzi legali u l-istruzzjonijiet rigward ir-ringiela 030 tal-Formola A). Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

160

Titoli ta' dejn

Il-valur medjan ta' kollateral riċevut mill-istituzzjoni li tinkludi titoli ta' dejn (ara r-referenzi legali u l-istruzzjonijiet rigward ir-ringiela 040 tal-Formola A). Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

170

li minnhom: bonds koperti

Il-valur medjan ta' kollateral riċevut mill-istituzzjoni li tinkludi bonds koperti (ara r-referenzi legali u l-istruzzjonijiet rigward ir-ringiela 050 tal-Formola A). Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

180

li minnhom: titoli garantiti b'assi

Il-valur medjan ta' kollateral riċevut mill-istituzzjoni li tinkludi titoli garantiti b'assi (ara r-referenzi legali u l-istruzzjonijiet rigward ir-ringiela 060 tal-Formola A). Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

190

li minnhom: maħruġa mill-amministrazzjonijiet pubbliċi

Il-valur medjan ta' kollateral riċevut mill-istituzzjoni li tinkludi titoli ta' dejn maħruġa minn amministrazzjonijiet pubbliċi (ara r-referenzi legali u l-istruzzjonijiet rigward ir-ringiela 070 tal-Formola A). Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

200

li minnhom: maħruġa minn korporazzjonijiet finanzjarji

Il-valur medjan ta' kollateral riċevut mill-istituzzjoni li jinkludi titoli ta' dejn maħruġa minn korporazzjonijiet finanzjarji (ara r-referenzi legali u l-istruzzjonijiet rigward ir-ringiela 080 tal-Formola A). Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

210

li minnhom: maħruġa minn korporazzjonijiet mhux finanzjarji

Il-valur medjan ta' kollateral riċevut mill-istituzzjoni li jinkludi titoli ta' dejn maħruġa minn korporazzjonijiet mhux finanzjarji (ara r-referenzi legali u l-istruzzjonijiet rigward ir-ringiela 090 tal-Formola A). Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

220

Self u ħlas bil-quddiem li ma jkunx self fuq talba

Il-valur medjan ta' kollateral riċevut mill-istituzzjoni li jinkludi self u avvanzi għajr self ieħor fuq talba (ara r-referenzi legali u l-istruzzjonijiet rigward ir-ringiela 120 tal-Formola A). Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

230

Kollateral riċevut ieħor

Il-valur medjan ta' kollateral riċevut mill-istituzzjoni li tinkludi titoli assi oħrajn (ara r-referenzi legali u l-istruzzjonijiet rigward ir-ringiela 120 tal-Formola A). Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

231

li minnhom: …

Fejn rilevanti fil-kuntest tal-użu tagħhom ta' gravami fir-rigward tal-mudell tan-negozju tagħhom, l-istituzzjonijiet jistgħu jidentifikaw separatament il-valur medjan ta' xi komponent ta' “Kollateral ieħor” bħal f'ringiela dedikata “li minnhom”. Dan jinkludi t-titoli kollha riċevuti minn istituzzjoni mutwatarja fi kwalunkwe tranżazzjoni ta' teħid ta' self ta' titoli.

240

Titoli ta' dejn proprji maħruġin għajr bonds proprji koperti jew titoli garantiti b'assi (ABS)

Il-valur medjan tal-entrata “Titoli ta' dejn proprji maħruġin għajr bonds proprji koperti jew ABSs” kif irrappurtat fir-ringiela 240 tal-Formola F 32.02 (AE-ASS) tal-Anness XVI tar-Regolament ta' Implimentazzjoni (UE) Nru 680/2014.

241

Bonds proprji koperti u titoli abbażi ta' assi maħruġa u għadhom mhux mirhuna

Il-valur medjan tal-entrata “Bonds koperti proprji u titoli abbażi ta' assi maħruġa u għadhom mhux mirhuna” kif rappurtat fir-ringiela 010 tal-Formola F 32.03 (AE-NPL) tal-Anness XVI tar-Regolament (UE) Nru 680/2014. Biex jiġi evitat l-għadd doppju, japplika dan li ġej f'dak li għandu x'jaqsam ma' bonds koperti proprji u titoli abbażi ta' assi maħruġa u miżmuma mill-istituzzjoni tar-rappurtar:

(a)

meta dawk it-titoli jkunu mirhuna, l-ammont tal-pool ta' kopertura/tal-assi sottostanti li jsostnuhom għandu jiġi divulgat fil-formola A bħala assi gravati. Is-sors tal-finanzjament fil-każ ta' rahan ta' bonds u titoli garantiti b'assi proprji huwa t-tranżazzjoni ġdida li fiha t-titoli qed jiġu mirhuna (finanzjament mill-bank ċentrali jew tip ieħor ta' finanzjament sikur) u mhux il-ħruġ oriġinali ta' bonds koperti jew titoli garantiti b'assi.

(b)	meta dawk it-titoli għadhom mhux mirhuna, l-ammont tal-pool ta' kopertura/tal-assi sottostanti li qed isostnu dawk it-titoli jiġi rrappurtat fil-Formola A bħala assi mhux gravati.

250

Assi totali, kollateral riċevut u titoli ta' dejn proprji maħruġa

L-assi kollha tal-istituzzjoni rreġistrati fil-karta bilanċjali tagħha, il-klassijiet kollha ta' kollateral riċevut mill-istituzzjoni u t-titoli ta' dejn proprji maħruġa miżmuma mill-istituzzjoni li mhumiex bonds koperti proprji maħruġa jew titoli garantiti b'assi proprji maħruġa.

Din ir-ringiela hi l-medjan tas-somom ta' erba' valuri fi tmiem kull tliet xhur matul it-tnax-il xahar preċedenti għar-ringiela 010 fil-Formola A u r-ringieli 130 u 240 fil-Formola B.

Tabella 4: Struzzjonijiet rigward ringieli speċifiċi tal-Formola B

Kolonni	Ir-referenzi ġuridiċi u l-istruzzjonijiet
010	Valur ġust ta' kollateral gravat irċevut jew titoli tad-dejn proprji maħruġa Il-medjan tal-valur ġust ta' kollateral riċevut, inkluż fi kwalunkwe tranżazzjoni ta' arranġamenti ta' teħid ta' self ta' titoli, jew titoli ta' dejn proprji maħruġa/miżmuma mill-istituzzjoni li huma gravati skont l-Artikolu 100 tar-Regolament (UE) Nru 575/2013. Il-valur ġust ta' strument finanzjarju huwa l-prezz li jkun riċevut sabiex jinbiegħ assi jew li jitħallas għat-trasferiment ta' obbligazzjoni fi tranżazzjoni ordinata bejn parteċipanti fis-suq fid-data tal-kejl (ara IFRS 13 Kejl tal-Valur Ġust). Għal kull entrata ta' skopertura, il-valur ġust divulgat hu l-valur medjan tal-valuri ġusti differenti osservati fit-tmiem ta' kull perjodu tar-rappurtar meqjusa għall-komputazzjoni tal-medjan.
030	li minnhom: EHQLA u HQLA huma nozzjonalment eliġibbli Il-valur medjan tal-valur ġust ta' kollateral gravat riċevut, inkluż fi kwalunkwe tranżazzjoni ta' arranġamenti ta' teħid ta' self ta' titoli, jew titoli ta' dejn proprji maħruġa/miżmuma mill-istituzzjoni li huma nozzjonalment eliġibbli għall-kwalifikazzjoni ta' EHQLA u HQLA. Għall-fini ta' dan ir-Regolament, EHQLA gravat nozzjonalment eliġibbli u HQLA gravat nozzjonalment eliġibbli huma entrati ta' kollateral riċevut jew titoli ta' dejn maħruġa proprji li jinżammu/miżmumin mill-istituzzjoni elenkata fl-Artikoli 11, 12 u 13 tar-Regolament Delegat tal-Kummissjoni (UE) 2015/61 u li jikkonformaw ma' rekwiżiti ġenerali u operazzjonali stabbiliti fl-Artikoli 7 u 8 ta' dak ir-Regolament Delegat, li kieku ma kienx hemm l-istatus tagħhom bħala assi gravati skont l-Anness XVII tar-Regolament ta' Implimentazzjoni (UE) Nru 680/2014. EHQLA gravat nozzjonalment eliġibbli u HQLA gravat nozzjonalment eliġibbli ser ikunu konformi wkoll mar-rekwiżiti stabbiliti speċifiċi għall-klassi ta' skopertura stabbiliti fl-Artikoli 10 sa 16 u 35 sa 37 tar-Regolament Delegat (UE) 2015/61. Il-valur ġust ta' EHQLA gravat nozzjonalment eliġibbli u HQLA gravat nozzjonalment eliġibbli jkun il-valur ġust qabel l-applikazzjoni tat-telf impost fuq il-kredituri speċifikat fl-Artikoli 10 sa 16 tar-Regolament Delegat (UE) 2015/61.
040	Valur ġust ta' kollateral riċevut jew titoli ta' dejn proprji maħruġa disponibbli għal gravami Il-medjan tal-valur ġust tal-kollateral riċevut, inkluż f'arranġamenti ta' teħid ta' self ta' titoli, mill-istituzzjoni tar-rappurtar li mhuwiex gravat iżda disponibbli għal gravami minħabba li l-istituzzjoni tar-rappurtar titħalla tbigħ jew tirahnu mill-ġdid jekk ma jkunx hemm inadempjenza min-naħa tas-sid tal-kollateral. Dan jinkludi wkoll il-valur ġust ta' titoli ta' dejn proprji maħruġa, għajr bonds proprji koperti jew pożizzjonijiet ta' titolizzazzjonijiet li mhumiex gravati iżda disponibbli għal gravami. Għal kull entrata ta' skopertura, il-valur ġust divulgat hu l-valur medjan tal-valuri ġusti differenti osservati fit-tmiem ta' kull perjodu tar-rappurtar meqjusa għall-komputazzjoni tal-medjan.
060	li minnhom: EHQLA u HQLA Il-valur medjan tal-valur ġust tal-kollateral mhux gravat riċevut jew ta' titoli ta' dejn maħruġa proprji li jinżammu/miżmuma mill-istituzzjoni għajr bonds koperti proprji jew pożizzjonijiet ta' titolizzazzjoni disponibbli għal gravami li jikkwalifikaw bħala EHQLA u HQLA kif elenkati fl-Artikoli 11, 12 u 13 tar-Regolament Delegat (UE) 2015/61 u li jikkonformaw ma' rekwiżiti ġenerali u operazzjonali stabbiliti fl-Artikoli 7 u 8 ta' dak ir-Regolament Delegat, kif ukoll ir-rekwiżiti speċifiċi ta' skopertura stabbiliti fl-Artikoli 10 sa 16 u 35 sa 37 ta' dak ir-Regolament Delegat. Il-valur ġust ta' EHQLA u HQLA se jkun il-valur ġust qabel l-applikazzjoni tat-telf impost fuq il-kredituri speċifikat fl-Artikoli 10 sa 16 tar-Regolament Delegat (UE) 2015/61.

Formola C — Sorsi ta' gravami

Tabella 5: Struzzjonijiet rigward ringieli speċifiċi tal-Formola C

Ringieli

Ir-referenzi ġuridiċi u l-istruzzjonijiet

010

Ammont riportat ta' xi obbligazzjonijiet finanzjarji

Il-valur medjan tal-entrata “Ammont riportat għal obbligazzjonijiet finanzjarja” kif irrappurtat fir-ringiela 010 tal-Formola F 32.04 (AE-SOU) tal-Anness XVI tar-Regolament ta' Implimentazzjoni (UE) Nru 680/2014.

011

li minnhom: …

Fejn rilevanti fil-kuntest tal-użu tagħhom ta' gravami fir-rigward tal-mudell tan-negozju tagħhom, l-istituzzjonijiet jistgħu jidentifikaw separatament il-valur medjan ta' kwalunkwe komponent ta' “Ammont riportat ta' xi obbligazzjonijiet finanzjarji” f'ringiela dedikata “li minnhom”, speċjalment jekk parti mill-aggravar ta' assijiet hija assoċjata ma' obbligazzjonijiet u parti oħra ma tkunx.

Tabella 6: struzzjonijiet rigward kolonni speċifiċi tal-Formola C

Kolonni

Ir-referenzi ġuridiċi u l-istruzzjonijiet

010

Obbligazzjonijiet mqabbla, obbligazzjonijiet kontinġenti jew titoli mislufa

Il-valuri medjani tal-entrata “Obbligazzjonijiet imqabbla, obbligazzjonijiet kontinġenti jew titoli msellfa” kif irrappurtat fil-kolonna 010 tal-Formola F 32.04 (AE-SOU) tal-Anness XVI tar-Regolament ta' Implimentazzjoni (UE) Nru 680/2014. Il-valur ġust divulgat hu l-valur medjan tal-valuri ġusti differenti osservati fit-tmiem ta' kull perjodu tar-rappurtar meqjusa fil-komputazzjoni tal-medjan.

Obbligazzjonijiet mingħajr finanzjament assoċjat, bħal derivattivi, se jkunu inklużi.

030

Assi, kollateral riċevut u titoli proprji maħruġa għajr bonds koperti u titoli garantiti b'assi gravati

L-ammont tal-assi, kollateral riċevut u titoli proprji maħruġa għajr bonds koperti u titoli garantiti b'assi li huma gravati bħala riżultat tat-tipi differenti ta' tranżazzjonijiet speċifikati rrapportati hawn.

Biex tiġi żgurata l-konsistenza mal-kriterji fil-Formoli A u B, l-assi tal-istituzzjoni rreġistrati fil-karta bilanċjali se jiġu divulgati fil-valur medjan tal-ammont riportat tagħhom, filwaqt li kollateral użat mill-ġdid u t-titoli proprji gravati maħruġa għajr bonds koperti u titoli ggaranti b'assi se jiġu divulgati fil-valur medjan tal-valur ġust tagħhom. Il-valur ġust divulgat hu l-valur medjan tal-valuri ġusti differenti osservati fit-tmiem ta' kull perjodu tar-rappurtar meqjusa fil-komputazzjoni tal-medjan.

Assi gravati mingħajr obbligazzjonijiet imqabbla għandhom ikunu inklużi wkoll.

Formola D — Informazzjoni narrattiva ta' akkumpanjament

Tabella 7: Struzzjonijiet speċifiċi fir-rigward l-Formola D

Ir-referenzi ġuridiċi u l-istruzzjonijiet

Sabiex titlesta l-Formola D, l-istituzzjonijiet għandhom jiddivulgaw l-informazzjoni msemmija f'punti 1 u 2.

Informazzjoni narrattiva ġenerali dwar l-aggravar ta' assijiet, inklużi dawn li ġejjin:

(a)

spjegazzjoni ta' kwalunkwe differenza bejn il-kamp ta' applikazzjoni tal-konsolidazzjoni regolatorja użat għall-iskop tad-divulgazzjonijiet ta' aggravar ta' assijiet u l-kamp ta' applikazzjoni li jibqa' jinżamm għall-applikazzjoni ta' rekwiżiti tal-likwidità fuq bażi konsolidata kif definit fit-Tieni Parti, il-Kapitolu 2 tar-Regolament (UE) Nru 575/2013, li huwa użat biex jiddefinixxi l-eliġibbiltà tal-(E)HQLA;

(b)

spjegazzjoni ta' kwalunkwe differenza bejn, min-naħa l-waħda, assi mirhuna u assi ttrasferiti skont l-oqfsa ta' kontabbilità applikabbli u kif applikati mill-istituzzjoni u, min-naħa l-oħra, assi gravati u indikazzjoni ta' kwalunkwe trattament differenti ta' tranżazzjonijiet, bħal meta xi tranżazzjonijiet huma kkunsidrati li jwasslu għal rahan jew trasferiment ta' assi iżda mhux għal gravami tal-assi, jew viċi versa;

(c)	il-valur tal-iskopertura użat għal skopijiet ta' divulgazzjoni u spjegazzjoni ta' kif il-valuri tal-iskopertura medjani huma dderivati.

Informazzjoni narrattiva relatata mal-impatt fuq il-mudell ta' negozju tal-istituzzjoni u l-livell ta'gravami u l-importanza ta' gravami fuq il-mudell ta' finanzjament tal-istituzzjoni, inklużi dawn li ġejjin:

(a)	is-sorsi ewlenin u t-tipi ta' gravami, bid-dettalji, fejn applikabbli, ta' gravami minħabba attivitajiet sinifikanti ma' derivattivi, self ta' titoli, tranżazzjoni ta' riakkwist, bonds koperti u titolizzazzjoni;

(b)	l-istruttura ta' gravami bejn entitajiet fi grupp, u speċjalment jekk il-livell ta' gravami tal-grupp ikkonsolidat tinbet minn entitajiet partikolari u jekk hemmx garanzija intragrupp sinifikanti;

(c)	informazzjoni fuq sovrakollateralizzazzjoni, speċjalment fir-rigward ta' bonds koperti u titoli garantiti b'assi, u l-inċidenza ta' sovrakollateralizzazzjoni fuq il-livelli ta' interess ta' gravami;

(d)	informazzjoni addizzjonali dwar il-gravami ta' assi, kollateral u entrati li ma jidhrux fil-karta bilanċjali u sorsi ta' interess ta' gravami minn kwalunkwe muniti sinifikanti għajr il-munita tar-rapportar kif imsemmi fl-Artikolu 415(2) tar-Regolament (UE) Nru 575/2013;

(e)

deskrizzjoni ġenerali ta' proporzjon ta' entrati inklużi fil-kolonna 060 “Ammont riportat ta' assi mhux gravati” fil-Formola A tal-Anness I li l-istituzzjoni ma tqisx disponibbli għal gravami fl-andament normali tan-negozju tagħha (eż. assi intanġibbli, inkluż avvjament, assi ta' taxxa differiti, assi ta' proprjetà, impjanti u assi fissi oħrajn, assi derivattivi, tranżazzjoni ta' retroriakkwist u stokk li jislef riċevibbli);

(f)	l-ammont ta' assi sottostanti u l-assi tal-pool ta' kopertura ta' titoli miżmuma abbażi ta' assi u bonds koperti, u jekk dawk l-assi sottostanti u l-assi tal-pool ta' kopertura huma gravati jew mhux gravati, flimkien mal-ammont assoċjat ta' titoli garantiti b'assi miżmuma u bonds koperti miżmumin;

(g)

meta jkun rilevanti għal spjegazzjoni tal-impatt tal-mudell kummerċjali tal-istituzzjoni fuq il-livell ta' gravami, b'dettalji (inkluża informazzjoni kwantitattiva jekk tkun rilevanti) dwar kull wieħed minn dawn li ġejjin:

(i)	it-tipi u l-ammonti ta' assi gravati u assi mhux gravati inklużi fir-ringiela 120 tal-Formola A, fejn informazzjoni kwantitattiva għandha tiġi pprovduta fir-ringiela 121 tal-Formola A;

(ii)	l-ammonti u t-tipi ta' assi gravati u entrati li ma jidhrux fil-karta bilanċjali u inklużi fir-ringiela 010 fil-Formola C li mhumiex assoċjati ma' kwalunkwe obbligazzjonijiet, fejn għandha tiġi pprovduta l-informazzjoni kwantitattiva fir-ringiela 011 tal-Formola C.

Top

All

Choose the experimental features you want to try