6.9.2017   

MT

Il-Ġurnal Uffiċjali tal-Unjoni Ewropea

L 230/11

(1)

Permezz tar-Regolament (UE) Nru 513/2013 (7), il-Kummissjoni Ewropea (“il-Kummissjoni”) imponiet dazju antidumping provviżorju fuq l-importazzjonijiet fl-Unjoni Ewropea (“l-Unjoni”) ta' moduli fotovoltajċi bis-silikon kristallin (“moduli”) u fuq komponenti ewlenin (jiġifieri ċ-ċelloli u l-wejfers) li joriġinaw jew li jintbagħtu mir-Repubblika tal-Poplu taċ-Ċina (“ir-RPĊ”).

(2)

Grupp ta' produtturi esportaturi ta mandat lill-Kamra tal-Kummerċ taċ-Ċina għall-Importazzjoni u għall-Esportazzjoni ta' Makkinarju u ta' Prodotti Elettroniċi (China Chamber of Commerce for Import and Export of Machinery and Electronic Products, “CCCME”) sabiex tippreżenta impenn fuq il-prezz f'isimhom lill-Kummissjoni, kif fil-fatt għamlet. Huwa ċar mit-termini ta' dan l-impenn fuq il-prezz li huwa jikkostitwixxi ġabra ta' impenji individwali fuq il-prezz għal kull produttur esportatur, li hija, għal raġunijiet ta' prattiċità tal-amministrazzjoni, ikkoordinata mis-CCCME.

(3)

Permezz tad-Deċiżjoni 2013/423/UE (8), il-Kummissjoni aċċettat dan l-impenn fuq il-prezz fir-rigward tad-dazju antidumping provviżorju. Permezz tar-Regolament (UE) Nru 748/2013 (9), il-Kummissjoni emendat ir-Regolament (UE) Nru 513/2013 sabiex tintroduċi l-bidliet tekniċi meħtieġa minħabba l-aċċettazzjoni tal-impenn fir-rigward tad-dazju antidumping provviżorju.

(4)

Permezz tar-Regolament ta' Implimentazzjoni (UE) Nru 1238/2013, il-Kunsill impona dazju antidumping definittiv fuq l-importazzjonijiet ta' moduli u ta' ċelloli fl-Unjoni li joriġinaw jew li jintbagħtu mir-RPĊ (“il-prodotti kkonċernati”). Permezz tar-Regolament ta' Implimentazzjoni (UE) Nru 1239/2013, il-Kunsill impona wkoll dazju kumpensatorju definittiv fuq l-importazzjonijiet fl-Unjoni tal-prodotti kkonċernati.

(5)

Wara n-notifika ta' verżjoni emendata tal-impenn fuq il-prezz minn grupp ta' produtturi esportaturi (“il-produtturi esportaturi”) flimkien mas-CCCME, il-Kummissjoni kkonfermat, permezz tad-Deċiżjoni ta' Implimentazzjoni 2013/707/UE (10), li aċċettat l-impenn fuq il-prezz kif emendat (“l-impenn”) għall-perjodu ta' applikazzjoni ta' miżuri definittivi. L-Anness ta' din id-Deċiżjoni jelenka b'mod partikolari l-produtturi esportaturi li għalihom ġie aċċettat l-impenn, fost l-oħrajn:

(6)

Permezz tad-Deċiżjoni ta' Implimentazzjoni 2014/657/UE (11), il-Kummissjoni aċċettat proposta mill-produtturi esportaturi flimkien mas-CCCME għal kjarifiki rigward l-implimentazzjoni tal-impenn għall-prodotti kkonċernati koperti mill-impenn, jiġifieri l-moduli u ċ-ċelloli li joriġinaw jew li jintbagħtu mir-RPĊ u li attwalment jaqgħu taħt il-kodiċijiet NM ex 8541 40 90 (il-kodiċijiet TARIC 8541409021, 8541409029, 8541409031 u 8541409039) magħmula mill-produtturi esportaturi (“il-prodott kopert”). Id-dazji antidumping u kumpensatorji msemmija fil-premessa (4) hawn fuq, flimkien mal-impenn, huma flimkien imsejħa, minn hemm 'il quddiem, “miżuri”.

(7)

Permezz tar-Regolament ta' Implimentazzjoni (UE) 2015/866 (12), il-Kummissjoni rtirat l-aċċettazzjoni tal-impenn għal tliet produtturi esportaturi.

(8)

Permezz tar-Regolament ta' Implimentazzjoni (UE) 2015/1403 (13), il-Kummissjoni rtirat l-aċċettazzjoni tal-impenn għal produttur esportatur ieħor.

(9)

Permezz tar-Regolament ta' Implimentazzjoni (UE) 2015/2018 (14), il-Kummissjoni rtirat l-aċċettazzjoni tal-impenn għal żewġ produtturi esportaturi.

(10)

Il-Kummissjoni bdiet investigazzjoni ta' rieżami tal-iskadenza tal-miżuri antidumping permezz ta' Notifika ta' Bidu ppubblikata f'Il-Ġurnal Uffiċjali tal-Unjoni Ewropea  (15) fil-5 ta' Diċembru 2015.

(11)

Il-Kummissjoni bdiet investigazzjoni ta' rieżami tal-iskadenza tal-miżuri kumpensatorji permezz ta' Notifika ta' Bidu ppubblikata f'Il-Ġurnal Uffiċjali tal-Unjoni Ewropea  (16) fil-5 ta' Diċembru 2015.

(12)

Il-Kummissjoni bdiet ukoll rieżami interim parzjali tal-miżuri antidumping u l-miżuri kumpensatorji permezz ta' Notifika ta' Bidu ppubblikata f'Il-Ġurnal Uffiċjali tal-Unjoni Ewropea  (17) fil-5 ta' Diċembru 2015.

(13)

Permezz tar-Regolament ta' Implimentazzjoni (UE) 2016/115 (18), il-Kummissjoni rtirat l-aċċettazzjoni tal-impenn għal produttur esportatur ieħor.

(14)

Permezz tar-Regolament ta' Implimentazzjoni (UE) 2016/185 (19), il-Kummissjoni estendiet id-dazju antidumping definittiv impost bir-Regolament ta' Implimentazzjoni (UE) Nru 1238/2013 fuq l-importazzjonijiet tal-prodotti kkonċernati li joriġinaw jew li huma kkunsinjati mir-Repubblika tal-Poplu taċ-Ċina għal importazzjonijiet tal-prodott ikkonċernat ikkunsinjati mill-Malasja u mit-Tajwan, kemm jekk iddikjarati bħala li joriġinaw fil-Malasja jew fit-Tajwan kif ukoll jekk le.

(15)

Permezz tar-Regolament ta' Implimentazzjoni (UE) 2016/184 (20), il-Kummissjoni estendiet id-dazju kumpensatorju definittiv impost bir-Regolament ta' Implimentazzjoni (UE) Nru 1239/2013 fuq l-importazzjonijiet tal-prodotti kkonċernati li joriġinaw jew li huma kkunsinjati mir-Repubblika tal-Poplu taċ-Ċina għal importazzjonijiet tal-prodott ikkunsinjati mill-Malasja u mit-Tajwan, kemm jekk iddikjarati bħala li joriġinaw fil-Malasja jew fit-Tajwan kif ukoll jekk le.

(16)

Permezz tar-Regolament ta' Implimentazzjoni (UE) 2016/1045 (21), il-Kummissjoni rtirat l-aċċettazzjoni tal-impenn għal produttur esportatur ieħor.

(17)

Permezz tar-Regolament ta' Implimentazzjoni (UE) 2016/1382 (22) il-Kummissjoni rtirat l-aċċettazzjoni tal-impenn għal ħames produtturi esportaturi oħra.

(18)

Permezz tar-Regolament ta' Implimentazzjoni (UE) 2016/1402 (23), il-Kummissjoni rtirat l-aċċettazzjoni tal-impenn għal tliet produtturi esportaturi oħra.

(19)

Permezz tar-Regolament ta' Implimentazzjoni (UE) 2016/1998 (24) il-Kummissjoni rtirat l-aċċettazzjoni tal-impenn għal ħames produtturi esportaturi oħra.

(20)

Permezz tar-Regolament ta' Implimentazzjoni (UE) 2016/2146 (25), il-Kummissjoni rtirat l-aċċettazzjoni tal-impenn għal żewġ produtturi esportaturi oħra.

(21)

Wara l-iskadenza u r-rieżami interim imsemmija fil-premessi (10)-(12), il-Kummissjoni żammet il-miżuri fis-seħħ bir-Regolamenti ta' Implimentazzjoni (UE) 2017/366 u (UE) 2017/367.

(22)

Il-Kummissjoni bdiet ukoll rieżami interim parzjali dwar il-forma tal-miżuri permezz ta' Notifika ta' Bidu ppubblikata f'Il-Ġurnal Uffiċjali tal-Unjoni Ewropea  (26) fit-3 ta' Marzu 2017.

(23)

Permezz tar-Regolament ta' Implimentazzjoni (UE) 2017/454 (27), il-Kummissjoni rtirat l-aċċettazzjoni tal-impenn għal erba' produtturi esportaturi.

(24)

Permezz tad-Deċiżjoni ta' Implimentazzjoni (UE) 2017/615 (28), il-Kummissjoni aċċettat proposta mingħand grupp ta' produtturi esportaturi flimkien mas-CCCME rigward l-implimentazzjoni tal-impenn.

(25)

Permezz tar-Regolament ta' Implimentazzjoni (UE) 2017/941 (29), il-Kummissjoni rtirat l-aċċettazzjoni tal-impenn għal żewġ produtturi esportaturi.

(26)

Permezz tar-Regolament ta' Implimentazzjoni (UE) 2017/1408 (30), il-Kummissjoni rtirat l-aċċettazzjoni tal-impenn għal żewġ produtturi esportaturi oħra.

(27)

Permezz tar-Regolament ta' Implimentazzjoni (UE) 2017/1497 (31), il-Kummissjoni rtirat l-aċċettazzjoni tal-impenn għal produttur esportatur ieħor.

(28)

Il-produtturi esportaturi qablu, fost l-oħrajn, li ma jbigħux il-prodott kopert lill-ewwel klijent indipendenti fl-Unjoni inqas minn ċertu prezz minimu tal-importazzjoni (minimum import price, “l-MIP”), sal-limitu tal-livell annwali assoċjat tal-importazzjonijiet lejn l-Unjoni (“il-livell annwali”) stipulat fl-impenn. L-MIP huwa stabbilit fuq bażi ekwivalenti ta' flus. Jekk it-terminu ta' pagament huwa differenti mill-bażi ekwivalenti ta' flus, jiġi applikat ċertu tnaqqis għall-valur tal-fattura meta titqabbel il-konformità mal-MIP.

(29)

Il-produtturi esportaturi qablu wkoll li jbigħu l-prodott kopert biss permezz ta' bejgħ dirett. Għall-fini tal-impenn, bejgħ dirett huwa ddefinit bħala bejgħ jew lill-ewwel klijent indipendenti fl-Unjoni jew permezz ta' parti relatata fl-Unjoni elenkata fl-impenn.

(30)

L-impenn jikkjarifika wkoll, f'lista mhux eżawrjenti, dak li jikkostitwixxi ksur tal-impenn. Il-lista tinkludi, b'mod partikolari, li jsiru arranġamenti ta' kumpens mal-klijenti u l-parteċipazzjoni f'sistema ta' kummerċ li tista' twassal għal riskju ta' evażjoni. Il-lista tinkludi wkoll bejgħ indirett lejn l-Unjoni minn kumpaniji oħra għajr dawk elenkati f'dan l-impenn. Minbarra dan, li jingħataw deskrizzjonijiet qarrieqa tal-karatteristiċi tal-moduli wkoll jikkostitwixxi ksur.

(31)

L-impenn jobbliga wkoll lill-produtturi esportaturi sabiex jipprovdu lill-Kummissjoni b'informazzjoni dettaljata dwar il-bejgħ kollu tal-esportazzjoni tagħhom lejn l-Unjoni, u l-bejgħ mill-ġdid fl-Unjoni, fuq bażi trimestrali (“ir-rapporti trimestrali”). Dan ifisser li d-dejta ppreżentata f'dawn ir-rapporti trimestrali trid tkun kompluta u korretta u li t-tranżazzjonijiet irrappurtati jkunu totalment konformi mat-termini tal-impenn. Ir-rappurtar ta' bejgħ mill-ġdid fl-Unjoni huwa obbligu partikolari meta l-prodott ikkonċernat jinbiegħ lill-ewwel klijent indipendenti permezz ta' importatur relatat. Huma biss dawn ir-rapporti li jippermettu lill-Kummissjoni timmoniterja jekk il-prezz tal-bejgħ mill-ġdid tal-importatur relatat lill-ewwel klijent indipendenti ikunx skont l-MIP.

(32)

Il-produttur esportatur huwa responsabbli għall-ksur ta' kwalunkwe parti relatata, sew jekk tkun elenkata fl-impenn kif ukoll jekk le.

(33)

Il-produtturi esportaturi impenjaw ruħhom ukoll li jikkonsultaw mal-Kummissjoni rigward kull diffikultà jew kwistjoni, teknika jew ta' xort'oħra, li tista' tinqala' matul l-implimentazzjoni tal-impenn.

(34)

Waqt il-monitoraġġ tal-konformità mal-impenn, il-Kummissjoni vverifikat l-informazzjoni ppreżentata minn AE Solar u Wuxi Saijing li kienet rilevanti għall-impenn. Il-Kummissjoni vvalutat ukoll l-informazzjoni disponibbli pubblikament dwar l-istruttura korporattiva ta' AE Solar.

(35)

Il-Kummissjoni talbet ukoll assistenza u rċeviet evidenza mill-awtoritajiet doganali ta' Stat Membru wieħed fuq il-bażi tal-Artikoli 8(9) u 14(7) tar-Regolament antidumping bażiku u l-Artikoli 13(9) u 24(7) tar-Regolament antisussidji bażiku.

(36)

Is-sejbiet elenkati fil-premessi minn (37) sa (42) jindirizzaw il-problemi identifikati għal AE Solar u Wuxi Saijing li jobbligaw lill-Kummissjoni tirtira l-aċċettazzjoni tal-impenn għal dawn iż-żewġ produtturi esportaturi.

(37)

Fir-rapporti tagħha ta' kull tliet xhur, AE Solar kienet irrapurtat bosta tranżazzjonijirt ta' bejgħ tal-prodott kopert lil importatur allegatament mhux relatat fl-Unjoni u ħarġet fatturi ta' impenn. Fuq il-bażi tal-informazzjoni disponibbli għall-Kummissjoni, l-importatur involut fit-tranżazzjoni msemmija hawn fuq kien madankollu relatat ma' AE Solar. Isem l-importatur allegatament mhux relatat fl-Unjoni huwa kważi identiku għal dak ta' AE Solar. Huma għandhom l-istess struttura tal-indirizz web u jikkondividu l-istess logo. Barra minn hekk, il-paġna tal-web tal-importatur allegatament mhux relatat tirreferi għas-sit tal-produzzjoni tiegħu fl-Asja. Il-kuntatt tal-web tad-direttur tal-bejgħ ta' AE Solar jitrasferixxi b'mod awtomatiku lejn is-sit web tal-importatur allegatament mhux relatat fl-Unjoni, u dan jissuġġerixxi li din il-parti hija marbuta ma' AE Solar skont l-Artikolu 127(1)(a) tar-Regolament ta' Implimentazzjoni tal-Kummissjoni (UE) 2015/2447 (32) (“Att ta' Implimentazzjoni tal-Kodiċi Doganali tal-Unjoni”). Barra minn hekk, fir-rapporti tagħha ta' kull tliet xhur, AE Solar allokat lill-importatur imsemmi hawn fuq allegatament mhux relatat biex jirrapporta l-bejgħ lil klijenti differenti fl-Unjoni, u dan ipoġġi f'dubju l-korrettezza tar-rapporti kif imsemmija fil-premessa (30). Barra minn hekk, l-informazzjoni disponibbli għall-pubbliku tissuġġerixxi li dan l-aħħar konsumatur fl-Unjoni huwa parti relatata ta' AE Solar ukoll. L-isem tal-persuna ta' kuntatt ta' dan il-klijent fl-Unjoni huwa identiku għal dak tad-direttur tal-bejgħ ta' AE Solar, u għalhekk relatat ma' AE Solar skont l-Artikolu 127(1)(a) tal-Att ta' Implimentazzjoni tal-Kodiċi Doganali tal-Unjoni. Billi l-ebda wieħed minn dawn l-importaturi ma huwa elenkat bħala parti relatata fl-impenn, AE Solar kisret it-termini tal-impenn kif deskritt fil-premessi minn (28) sa (30).

(38)

L-ebda mill-bejgħ mill-ġdid mill-importaturi relatati ma kien irrappurtat lill-Kummissjoni. Għalhekk, AE Solar kisret ukoll it-termini tal-impenn kif deskritt fil-premessa (31) u (32).

(39)

Abbażi ta' evidenza li rċeviet mingħand l-awtoritajiet doganali, Wuxi Saijing kienet stabbilixxiet sistema ta' negozjar ma' importatur mhux relatat wieħed sabiex tbigħ moduli solari inqas mill-MIP sa mid-dħul fis-seħħ tal-impenn. Wuxi Saijing ħarġet fatturi ta' impenn li jirrispettaw l-MIP lil dan il-klijent u l-klijent l-ewwel ħallas il-valur nominali dovut għal dawn it-tranżazzjonijiet lil Wuxi Saijing.

(40)

Madankollu, Wuxi Saijing u l-klijent mhux relatat tagħha msemmi fil-premessa (39) żammew rekord ta' bejgħ parallel li jittraċċa d-differenza bejn il-valur nominali tal-prezzijiet tal-fattura tal-impenn u l-prezzijiet attwali tal-bejgħ, fejn dawn tal-aħħar kienu sistematikament taħt l-MIP. Wuxi Saijing ikkumpensat lill-klijent mhux relatat tagħha għad-differenza bejn il-valur nominali u l-prezz tal-bejgħ attwali permezz ta' ħlasijiet ta' fatturi privati. Dan il-proċess jikkostitwixxi ksur tal-impenn kif imsemmi fil-premessi (28) u (30).

(41)

Wuxi Saijing kisret ukoll l-obbligu ta' rappurtar tagħha kif deskritt fil-premessa (31) billi ma rappurtatx il-benefiċċji msemmija hawn fuq mogħtija lill-klijent mhux relatat tagħha.

(42)

Fl-aħħar nett, abbażi tal-evidenza riċevuta mingħand l-awtoritajiet doganali, Wuxi Saijing ħarġet diversi fatturi tal-impenn għal moduli li magħhom ġew marbuta hekk imsejħa ottimizzatturi. Dawn il-prodotti huma klassifikabbli taħt il-kodiċi NM ex 8501 31 00, u mhumiex koperti mill-impenn. Wuxi Saijing kienet iddikjarat dawn il-prodotti bħala pannelli solari taħt il-kodiċi NM ex 8541 40 90 u kienet kisbet ċertifikati ta' impenn ta' esportazzjoni għal dawn il-prodotti. Din il-prattika tikkostitwixxi wkoll ksur tal-impenn kif deskritt fil-premessa (30) peress li l-karatteristiċi tal-prodotti kienu deskritti b'mod qarrieqi.

(43)

It-tranżazzjonijiet ta' bejgħ indirett magħmula minn AE Solar huma marbutin mal-fatturi ta' impenn li ġejjin:

(44)

It-tranżazzjonijiet tal-bejgħ magħmul minn Wuxi Saijing lill-klijent mhux relatat imsemmi fil-premessa (39) huma marbuta ma' dawn il-fatturi tal-impenn:

(45)

Għaldaqstant, f'konformità mal-Artikolu 3(2)(b) tar-Regolament ta' Implimentazzjoni (UE) Nru 1238/2013, l-Artikolu 2(2)(b) tar-Regolament ta' Implimentazzjoni (UE) Nru 1239/2013, dawn il-fatturi huma ddikjarati invalidi. Id-dejn doganali mġarrab fiż-żmien tal-aċċettazzjoni tad-dikjarazzjoni għar-rilaxx f'ċirkolazzjoni libera għandu jiġi rkuprat mill-awtoritajiet doganali nazzjonali skont l-Artikolu 105 minn (3) sa (6) tar-Regolament (UE) Nru 952/2013 tal-Parlament Ewropew u tal-Kunsill (33) meta jidħol fis-seħħ l-irtirar tal-impenn fir-rigward taż-żewġ produtturi esportaturi. L-awtoritajiet doganali nazzjonali responsabbli għall-ġbir tad-dazji se jiġu infurmati kif xieraq.

(46)

F'dan il-kuntest, il-Kummissjoni tfakkar li skont l-Artikolu 3(1)(b) moqri flimkien mal-Anness III, punt 7 tar-Regolament ta' Implimentazzjoni (UE) Nru 1238/2013, l-Artikolu (2)(1)(b) moqri flimkien mal-Anness III, punt 7 tar-Regolament ta' Implimentazzjoni (UE) 2017/367 u l-Artikolu 2(1)(b) moqri flimkien mal-Anness 2, punt 7 tar-Regolament ta' Implimentazzjoni (UE) Nru 1239/2013, l-Artikolu 2(2)(b) moqri flimkien mal-Anness 2, punt 7 tar-Regolament ta' Implimentazzjoni (UE) 2017/366, l-importazzjonijiet huma eżenti mid-dazji biss jekk il-fattura tindika l-prezz u tnaqqis possibbli għall-prodott kopert. Meta ma jinżammux dawn il-kundizzjonijiet, id-dazji huma dovuti, anki meta l-fattura kummerċjali li takkumpanja l-prodotti ma tkunx ġiet invalidata mill-Kummissjoni.

(47)

L-impenn jistipula li ksur minn produttur esportatur individwali ma jwassalx awtomatikament għal irtirar tal-aċċettazzjoni tal-impenn għall-produtturi esportaturi kollha. F'każ bħal dan, il-Kummissjoni għandha tivvaluta l-impatt ta' dak il-ksur partikolari fuq il-prattikabbiltà tal-impenn bl-effett għall-produtturi esportaturi kollha u s-CCCME.

(48)

Għalhekk il-Kummissjoni vvalutat l-impatt tal-ksur minn AE Solar u Wuxi Saijing dwar il-prattikabbiltà tal-impenn bl-effett għall-produtturi esportaturi kollha u s-CCCME.

(49)

Ir-responsabbiltà għall-ksur hija biss tal-produtturi esportaturi inkwistjoni; il-monitoraġġ ma żvela l-ebda ksur sistematiku minn għadd kbir ta' produtturi esportaturi jew mis-CCCME.

(50)

Għaldaqstant, il-Kummissjoni kkonkludiet li l-funzjonament ġenerali tal-impenn mhuwiex affettwat u li ma hemm l-ebda raġuni għall-irtirar tal-aċċettazzjoni tal-impenn għall-produtturi esportaturi kollha u s-CCCME.

(51)

Il-partijiet interessati ngħataw l-opportunità li jinstemgħu u li jippreżentaw kummenti skont l-Artikolu 8(9) tar-Regolament antidumping bażiku u l-Artikolu 13(9) tar-Regolament antisussidji bażiku. Iż-żewġ produtturi esportaturi u żewġ importaturi ppreżentaw kummenti.

(52)

Fir-rigward ta' AE Solar, l-importatur allegatament mhux relatat fl-Unjoni kkonferma r-relazzjoni bejn iż-żewġ kumpaniji, iżda allega li qatt ma kien biegħ moduli u ċelloli taħt l-MIP lill-ewwel klijent indipendenti fl-Unjoni. Il-Kummissjoni tqis li r-relazzjoni waħedha tikkostitwixxi ksur tal-impenn u li l-fatturi relatati mal-bejgħ indirett lil dan l-importatur ma sarux u ma ġewx irrapportati f'konformità tal-impenn. Il-Kummissjoni għalhekk tiċħad dan l-argument. Barra minn hekk, il-Kummissjoni tinnota li l-fatturi ppreżentati minn AE Solar ma jippruvawx li l-MIP ġie rrispettat għat-tranżazzjonijiet ta' hawn fuq għaliex il-fatturi tal-bejgħ mill-ġdid koprew kemm il-pannelli solari kif ukoll prodotti oħrajn.

(53)

Wuxi Saijing issottomettiet li qatt ma kienet ikkumpensat lill-importatur mhux relatat fl-Unjoni u ppreżentat dikjarazzjoni korrispondenti globali minn awditur. Il-Kummissjoni ma tistax taċċetta din id-dikjarazzjoni globali li ma fihiex aktar evidenza dwar in-nuqqas ta' kumpens lill-importatur mhux relatat, b'mod partikolari sabiex jiġu rrifjutati l-argumenti u l-evidenza dwar il-kumpens divulgati lil Wuxi Saijing. Il-Kummissjoni għalhekk tiċħad l-argument.

(54)

Kemm Wuxi Saijing kif ukoll l-importatur mhux relatat fl-Unjoni ssottomettew li l-prodotti msemmija fil-premessa (42) għandhom jiġu klassifikati taħt il-kodiċi NM ex 8541 40 90, u jiġu riferuti għal diversi speċifikazzjonijiet tekniċi. Il-Kummissjoni tiċħad dan l-argument peress li l-klassifikazzjoni ta' prodotti ssir wara dikjarazzjoni tal-importatur u taqa' taħt ir-responsabbiltà ta' awtoritajiet doganali nazzjonali li kienu kklassifikaw il-prodotti taħt il-kodiċi NM ex 8501 31 00. Kull nuqqas ta' qbil dwar il-klassifikazzjoni tal-prodott għandu, għalhekk, ikun indirizzat direttament lill-awtoritajiet doganali nazzjonali.

(55)

L-importatur mhux relatat ta' Wuxi Saijing talab aċċess għal informazzjoni kunfidenzjali li kienet diġà ġiet divulgata lill Wuxi Saijing. Il-Kummissjoni tiċħad din it-talba għal divulgazzjoni billi l-importatur mhux relatat mhuwiex parti fl-impenn u għaliex id-divulgazzjoni fiha informazzjoni kunfidenzjali tan-negozju ta' Wuxi Saijing.

(56)

Għalhekk, skont l-Artikolu 8(9) tar-Regolament antidumping bażiku u l-Artikolu 13(9) tar-Regolament antisussidji bażiku, kif ukoll skont it-termini tal-impenn, il-Kummissjoni kkonkludiet li jenħtieġ li l-aċċettazzjoni tal-impenn għal AE Solar u Wuxi Saijing tiġi rtirata.

(57)

Għaldaqstant, skont l-Artikolu 8(9) tar-Regolament antidumping bażiku u l-Artikolu 13(9) tar-Regolament antisussidji bażiku, id-dazju antidumping definittiv impost mill-Artikolu 1 tar-Regolament ta' Implimentazzjoni (UE) 2017/367 u d-dazju kumpensatorju definittiv impost mill-Artikolu 1 tar-Regolament ta' Implimentazzjoni (UE) Nru 1239/2013 u miżmum mill-Artikolu 1 tar-Regolament ta' Implimentazzjoni (UE) 2017/366 japplikaw awtomatikament għall-importazzjonijiet tal-prodott ikkonċernat li joriġinaw jew jiġu kkunsinjati mir-RPĊ u li huma magħmula minn AE Solar u Wuxi Saijing mill-ġurnata tad-dħul fis-seħħ ta' dan ir-Regolament.

(58)

Il-Kummissjoni tfakkar ukoll li meta l-awtoritajiet doganali tal-Istati Membri jkollhom indikazzjonijiet li l-prezz ippreżentat f'fattura tal-impenn ma jkunx jikkorrispondi mal-prezz li fil-fatt tħallas, jenħtieġ li huma jinvestigaw jekk kienx hemm ksur tar-rekwiżit li jiġi inkluż kwalunkwe tnaqqis fl-irċevuti tal-impenn jew jekk il-prezz minimu tal-importazzjoni (MIP) ma jkunx ġie rispettat. Jekk l-awtoritajiet doganali tal-Istati Membri jikkonkludu li kien hemm ksur bħal dan jew jekk l-MIP ma ġiex rispettat, jenħtieġ li jiġbru d-dazji bħala konsegwenza ta' dan. Fuq il-bażi tal-Artikolu 4(3) tat-Trattat, sabiex jiġi ffaċilitat ix-xogħol tal-awtoritajiet doganali tal-Istati Membri, jenħtieġ li f'sitwazzjonijiet bħal dawn il-Kummissjoni taqsam it-test kunfidenzjali u informazzjoni oħra dwar l-impenn għall-iskop uniku ta' proċedimenti nazzjonali.

(59)

Għal skopijiet ta' informazzjoni, it-tabella fl-Anness ta' dan ir-Regolament telenka lill-produtturi esportaturi li għalihom l-aċċettazzjoni tal-impenn mid-Deċiżjoni ta' Implimentazzjoni 2013/707/UE mhijiex affettwata,