EUR-Lex Access to European Union law
This document is an excerpt from the EUR-Lex website
Document 32017D0224(03)
Commission Decision of 23 February 2017 as regards the granting of individual licences to all Coordinators of the European Reference Networks to use the European Reference Network trademark
Deċiżjoni tal-Kummissjoni tat-23 ta’ Frar 2017 dwar l-għoti ta’ liċenzji individwali lill-Koordinaturi kollha tan-Netwerks Ewropej ta’ Referenza biex jużaw it-trademark tan-Netwerk Ewropew ta’ Referenza
Deċiżjoni tal-Kummissjoni tat-23 ta’ Frar 2017 dwar l-għoti ta’ liċenzji individwali lill-Koordinaturi kollha tan-Netwerks Ewropej ta’ Referenza biex jużaw it-trademark tan-Netwerk Ewropew ta’ Referenza
C/2017/1123
ĠU C 60, 24.2.2017, p. 7–7
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
24.2.2017 |
MT |
Il-Ġurnal Uffiċjali tal-Unjoni Ewropea |
C 60/7 |
DEĊIŻJONI TAL-KUMMISSJONI
tat-23 ta’ Frar 2017
dwar l-għoti ta’ liċenzji individwali lill-Koordinaturi kollha tan-Netwerks Ewropej ta’ Referenza biex jużaw it-trademark tan-Netwerk Ewropew ta’ Referenza
(2017/C 60/06)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kummissjoni tad-19 ta’ Settembru 2001 (PV1536) li tikkonferixxi s-setgħa fuq id-Diretturi Ġenerali u fuq il-Kapijiet tas-Servizzi li jiddeċiedu dwar il-ħtieġa li tiġi rreġistrata applikazzjoni għall-protezzjoni tad-drittijiet tal-proprjetà intellettwali li jirriżultaw mill-attivitajiet jew mill-programmi li jkunu responsabbli minnhom, dwar l-għotja ta’ liċenzji marbuta ma’ din, dwar l-akkwist, it-trasferiment jew iċ-ċediment jew l-abbandun tad-drittijiet, u tagħti s-setgħa tal-eżekuzzjoni amministrattiva marbuta ma’ dan lid-Diretturi Ġenerali,
Billi:
(1) |
Id-Direttiva 2011/24/UE tal-Parlament Ewropew u tal-Kunsill (1) tistipula li l-Kummissjoni tappoġġa l-iżvilupp tan-Netwerks ta’ Referenza Ewropej (ERNs) bejn fornituri tal-kura tas-saħħa speċjalizzata ħafna tal-Istati Membri. |
(2) |
L-Artikolu 7 tad-Deċiżjoni ta’ Implimentazzjoni tal-Kummssjoni 2014/287/UE (2) jistipula li l-Kummissjoni tawtorizza l-użu ta’ identifikatur grafiku uniku (“il-logo”) għan-Netwerks u għall-membri tagħhom. |
(3) |
Il-logo tan-“Netwerk Ewropew ta’ Referenza” kien reġistrat bħala trademark figurattiva (nru tar-reġistrazzjoni 012252128) fit-territorju tal-Unjoni Ewropea mill-Kummissjoni. |
(4) |
L-Unjoni Ewropea hija s-sid leġittimu tat-trademark u disposta tagħti liċenzja biex din tintuża lill-Koordinaturi kollha tan-Netwerks Ewropej ta’ Referenza. |
IDDEĊIEDIET KIF ĠEJ:
Artikolu 1
Il-Koordinaturi kollha tan-Netwerks Ewropej ta’ Referenza approvati mill-Bord tal-ERN tal-Istati Membri għandu jkollhom dritt mhux esklussiv, mingħajr drittijiet tal-awtur u kundizzjonali biex jużaw it-trademark tan-“Netwerk Ewropew ta’ Referenza” (nru tar-reġistrazzjoni 012252128) għal inizjattivi relatati mal-attivitajiet tan-Netwerks Ewropej ta’ Referenza f’konformità mal-objettivi stabbiliti fl-Artikolu 12 tad-Direttiva 2011/24/UE.
Artikolu 2
Il-Koordinaturi kollha tan-Netwerks Ewropej ta’ Referenza approvati mill-Bord tal-ERN tal-Istati Membri huma awtorizzati li jissottoliċenzjaw lill-membri tan-Netwerks rispettivi tagħhom, id-dritt li jużaw it-trademark għal inizjattivi relatati mal-attivitajiet ta’ Netwerks tagħhom.
Magħmul fi Brussell, it-23 ta’ Frar 2017.
Għall-Kummissjoni
Vytenis ANDRIUKAITIS
Membru tal-Kummissjoni
(1) Id-Direttiva 2011/24/UE tal-Parlament Ewropew u tal-Kunsill tad-9 ta’ Marzu 2011 dwar l-applikazzjoni tad-drittijiet tal-pazjenti fil-qasam tal-kura tas-saħħa transkonfinali (ĠU L 88, 4.4.2011, p. 45).
(2) Id-Deċiżjoni ta’ Implimentazzjoni tal-Kummissjoni 2014/287/UE tal-10 ta’ Marzu 2014 li tistipula kriterji għall-istabbiliment u l-evalwazzjoni tan-Netwerks Ewropej ta’ Referenza u l-Membri tagħhom u biex jiġi ffaċilitat l-iskambju ta’ informazzjoni u ta’ għarfien espert dwar l-istabbiliment u l-evalwazzjoni ta’ netwerks bħal dawn (ĠU L 147, 17.5.2014, p. 79).