EUR-Lex Access to European Union law
This document is an excerpt from the EUR-Lex website
Document 32016R0874
Commission Implementing Regulation (EU) 2016/874 of 1 June 2016 amending Implementing Regulation (EU) 2015/943 on emergency measures suspending imports of dried beans from Nigeria (Text with EEA relevance)
Regolament ta' Implimentazzjoni tal-Kummissjoni (UE) 2016/874 tal-1 ta' Ġunju 2016 li jemenda Regolament ta' Implimentazzjoni (UE) 2015/943 dwar miżuri ta' emerġenza li jissospendu l-importazzjonijiet ta' fażola mnixxfa min-Niġerja (Test b'rilevanza għaż-ŻEE)
Regolament ta' Implimentazzjoni tal-Kummissjoni (UE) 2016/874 tal-1 ta' Ġunju 2016 li jemenda Regolament ta' Implimentazzjoni (UE) 2015/943 dwar miżuri ta' emerġenza li jissospendu l-importazzjonijiet ta' fażola mnixxfa min-Niġerja (Test b'rilevanza għaż-ŻEE)
C/2016/3183
ĠU L 145, 2.6.2016, p. 18–19
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 26/05/2020; Impliċitament imħassar minn 32020R0625
Relation | Act | Comment | Subdivision concerned | From | To |
---|---|---|---|---|---|
Modifies | 32015R0943 | Sostituzzjoni | artikolu 1 | 22/06/2016 | |
Modifies | 32015R0943 | Sostituzzjoni | artikolu 5 | 22/06/2016 | |
Extended validity | 32015R0943 | 22/06/2016 | 30/06/2019 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32020R0625 | 27/05/2020 |
2.6.2016 |
MT |
Il-Ġurnal Uffiċjali tal-Unjoni Ewropea |
L 145/18 |
REGOLAMENT TA' IMPLIMENTAZZJONI TAL-KUMMISSJONI (UE) 2016/874
tal-1 ta' Ġunju 2016
li jemenda Regolament ta' Implimentazzjoni (UE) 2015/943 dwar miżuri ta' emerġenza li jissospendu l-importazzjonijiet ta' fażola mnixxfa min-Niġerja
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 178/2002 tal-Parlament Ewropew u tal-Kunsill tat-28 ta' Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta' sigurtà tal-ikel (1), u b'mod partikolari l-Artikolu 53(1) tiegħu,
Billi:
(1) |
Ir-Regolament (KE) Nru 178/2002 jistabbilixxi l-prinċipji ġenerali li jirregolaw l-ikel b'mod ġenerali, u b'mod partikolari s-sikurezza tal-ikel, fil-livell tal-Unjoni u nazzjonali. Jipprevedi miżuri ta' emerġenza li għandhom jittieħdu mill-Kummissjoni meta jkun hemm evidenza li ikel impurtat minn pajjiż terz x'aktarx li huwa ta' riskju serju għas-saħħa tal-bniedem. |
(2) |
Ir-Regolament ta' Implimentazzjoni tal-Kummissjoni (UE) 2015/943 (2) jipprojbixxi l-importazzjoni ta' fażola mnixxfa min-Niġerja ddikjarata taħt il-kodiċi NM 0713 39 00 minħabba n-numru għoli ta' każijiet ta' kontaminazzjoni bis-sustanza attiva mhux awtorizzata, id-diklorvos, b'livelli li fil-biċċa l-kbira jeċċedu d-doża akuta ta' referenza tentattivament stabbilita mill-Awtorità Ewropea dwar is-Sigurtà fl-Ikel. Sakemm in-Niġerija timplimenta l-miżuri xierqa tal-ġestjoni tar-riskju, il-projbizzjoni tibqa' tapplika sat-30 ta' Ġunju 2016. |
(3) |
Wara l-introduzzjoni tal-projbizzjoni fuq l-importazzjoni, fis-Sistema ta' Twissija Rapida għall-Ikel u l-Għalf inħarġu xi notifiki fir-rigward ta' fażola mnixxfa li toriġina min-Niġerja ddikjarata taħt il-kodiċi NM 0713 35 00 u 0713 90 00 minħabba kontaminazzjoni bid-diklorvos. Għalhekk, il-kamp ta' applikazzjoni tal-projbizzjoni eżistenti għandu jiġi estiż għal dawn iż-żewġ kodiċijiet addizzjonali. |
(4) |
Minħabba l-preżenza kontinwa tad-diklorvos fil-fażola mnixxfa importata min-Niġerja u l-istadju ta' implimentazzjoni min-Niġerja ta' pjan ta' azzjoni fir-rigward tal-ġestjoni integrata tal-organiżmi ta' ħsara u tal-limitu massimu ta' residwi tal-pestiċidi s'issa għadu ma jistax jiġi konkluż li l-konformità mar-rekwiżiti tal-liġi tal-ikel fir-rigward tar-residwi tal-pestiċidi tista' tinkiseb fi żmien qasir. |
(5) |
It-tul tal-projbizzjoni fuq l-importazzjoni għandu għalhekk jiġi estiż għal perjodu addizzjonali ta' tliet snin, sabiex in-Niġerja tkun tista' timplimenta l-miżuri xierqa għall-immaniġġjar tar-riskji u tipprovdi l-garanziji meħtieġa. |
(6) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu Uniku
Ir-Regolament ta' Implimentazzjoni (UE) 2015/943 huwa emendat kif ġej:
(1) |
L-Artikolu 1 huwa sostitwit b'dan li ġej: “Artikolu 1 Dan ir-Regolament għandu japplika għall-fażola mnixxfa kollha li toriġina min-Niġerja ddikjarata taħt il-kodiċi NM 0713 35 00, 0713 39 00 u 0713 90 00.” |
(2) |
L-Artikolu 5 huwa sostitwit b'dan li ġej: “Artikolu 5 Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. Jibqa' japplika sat-30 ta' Ġunju 2019.” |
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-1 ta' Ġunju 2016.
Għall-Kummissjoni
Il-President
Jean-Claude JUNCKER
(2) Ir-Regolament ta' Implimentazzjoni tal-Kummissjoni (UE) 2015/943 tat-18 ta' Ġunju 2015 dwar miżuri ta' emerġenza li jissospendu l-importazzjonijiet ta' fażola mnixxfa min-Niġerja u li jemenda l-Anness I tar-Regolament (KE) Nru 669/2009 (ĠU L 154, 19.6.2015, p. 8).