This document is an excerpt from the EUR-Lex website
Document 32016D2132
Commission Implementing Decision (EU) 2016/2132 of 5 December 2016 on greenhouse gas emissions for each Member State for the year 2013 covered by Decision No 406/2009/EC of the European Parliament and of the Council
Deċiżjoni ta' Implimentazzjoni tal-Kummissjoni (UE) 2016/2132 tal-5 ta' Diċembru 2016 dwar l-emissjonijiet tal-gassijiet serra għal kull Stat Membru għall-2013 koperti bid-Deċiżjoni Nru 406/2009/KE tal-Parlament Ewropew u tal-Kunsill
Deċiżjoni ta' Implimentazzjoni tal-Kummissjoni (UE) 2016/2132 tal-5 ta' Diċembru 2016 dwar l-emissjonijiet tal-gassijiet serra għal kull Stat Membru għall-2013 koperti bid-Deċiżjoni Nru 406/2009/KE tal-Parlament Ewropew u tal-Kunsill
C/2016/7791
ĠU L 331, 6.12.2016, p. 9–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
6.12.2016 |
MT |
Il-Ġurnal Uffiċjali tal-Unjoni Ewropea |
L 331/9 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/2132
tal-5 ta' Diċembru 2016
dwar l-emissjonijiet tal-gassijiet serra għal kull Stat Membru għall-2013 koperti bid-Deċiżjoni Nru 406/2009/KE tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 525/2013 tal-Parlament Ewropew u tal-Kunsill tal-21 ta' Mejju 2013 dwar mekkaniżmu għall-monitoraġġ u r-rapportar ta' emissjonijiet ta' gassijiet serra u għar-rapportar ta' informazzjoni oħra relatata mat-tibdil fil-klima fil-livelli nazzjonali u tal-Unjoni u li jħassar id-Deċiżjoni Nru 280/2004/KE (1), u b'mod partikulari l-Artikolu 19(6) tiegħu,
Billi:
(1) |
Id-Deċiżjoni Nru 406/2009/KE tal-Parlament Ewropew u tal-Kunsill (2) tistabbilixxi l-limiti tal-emissjonijiet tal-gassijiet serra (l-allokazzjonijiet annwali tal-emissjonijiet) għal kull Stat Membru għal kull sena għall-perjodu mill-2013 sal-2020 u mekkaniżmu biex kull sena tiġi vvalutata l-konformità ma' dawk il-limiti. L-allokazzjonijiet annwali tal-emissjonijiet tal-Istati Membri, mogħtija f'ekwivalenti ta' tunnellati ta' diossidu tal-karbonju, jinsabu fid-Deċiżjoni tal-Kummissjoni 2013/162/UE (3). Id-Deċiżjoni ta' Implimentazzjoni tal-Kummissjoni 2013/634/UE (4) aġġustat dawn l-ammonti. |
(2) |
L-Artikolu 19 tar-Regolament (UE) Nru 525/2013 jipprevedi proċedura ta' rieżami tal-inventarji tal-emissjonijiet tal-gassijiet serra tal-Istati Membri sabiex tiġi vvalutata l-konformità mad-Deċiżjoni Nru 406/2009/KE. Ir-rieżami tal-inventarji tal-emissjonijiet tal-gassijiet serra għall-2013 ġie pospost b'sena minħabba li l-Istati Membri ma setgħux, mil-lat tekniku, jirrappurtaw id-dejta dwar l-emissjonijiet tagħhom għall-2013 fil-ħin minħabba nuqqas ta' funzjonament tas-softwer ipprovdut mill-Konvenzjoni Qafas tan-Nazzjonijiet Uniti dwar it-Tibdil fil-Klima (l-UNFCCC) li jintuża għall-ġbir u għar-rappurtar tal-inventarji tal-emissjonijiet tal-gassijiet serra. Għalhekk ir-rieżami sar abbażi tad-dejta dwar l-emissjonijiet tal-2013 irrappurtata lill-Kummissjoni f'April tal-2016 skont il-proċeduri stabbiliti fil-Kapitolu III u fl-Anness XVI tar-Regolament ta' Implimentazzjoni tal-Kummissjoni (UE) Nru 749/2014 (5). |
(3) |
L-ammont totali tal-emissjonijiet tal-gassijiet serra għall-2013 koperti bid-Deċiżjoni Nru 406/2009/KE għal kull Stat Membru għandu jqis il-korrezzjonijiet tekniċi u l-istimi riveduti kkalkulati waqt ir-rieżami kif mogħtija fir-rapporti finali tar-rieżami skont l-Artikolu 35 tar-Regolament ta' Implimentazzjoni tal-Kummissjoni (UE) Nru 749/2014. |
(4) |
Din id-Deċiżjoni għandha tidħol fis-seħħ dakinhar tal-pubblikazzjoni tagħha sabiex tkun konformi mad-dispożizzjonijiet tal-Artikolu 19(7) tar-Regolament (UE) Nru 525/2013 li jistabbilixxi d-data tal-pubblikazzjoni ta' din id-Deċiżjoni bħala l-punt tat-tluq għall-perjodu ta' erba' xhur li matulu l-Istati Membri jkunu jistgħu jużaw il-mekkaniżmi ta' flessibbiltà skont id-Deċiżjoni Nru 406/2009/KE, |
ADOTTAT DIN ID-DEĊIŻJONI:
Artikolu 1
L-għadd totali ta' emissjonijiet ta' gassijiet serra koperti bid-Deċiżjoni Nru 406/2009/KE għal kull Stat Membru għall-2013 li ġejjin mid-dejta kkoreġuta tal-inventarju wara li tlesta r-rieżami mwettaq skont l-Artikolu 19(3) tar-Regolament (UE) Nru 525/2013 huwa mogħti fl-Anness ta' din id-Deċiżjoni.
Artikolu 2
Din id-Deċiżjoni għandha tidħol fis-seħħ dakinhar tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, il-5 ta' Diċembru 2016.
Għall-Kummissjoni
Il-President
Jean-Claude JUNCKER
(1) ĠU L 165, 18.6.2013, p. 13.
(2) Id-Deċiżjoni Nru 406/2009/KE tal-Parlament Ewropew u tal-Kunsill tat-23 ta' April 2009 dwar l-isforz tal-Istati Membri biex inaqqsu l-emissjonijiet tagħhom tal-gassijiet serra biex jonoraw l-impenji tal-Komunità għat-tnaqqis tal-emissjonijiet tal-gassijiet serra sal-2020 (ĠU L 140, 5.6.2009 p. 136).
(3) Id-Deċiżjoni tal-Kummissjoni 2013/162/UE tas-26 ta' Marzu 2013 dwar kif għandhom jiġu ddeterminati l-allokazzjonijiet annwali tal-emissjonijiet tal-Istati Membri għall-perjodu mill-2013 sal-2020 skont id-Deċiżjoni Nru 406/2009/KE tal-Parlament Ewropew u tal-Kunsill (ĠU L 90, 28.3.2013, p. 106).
(4) Id-Deċiżjoni ta' Implimentazzjoni tal-Kummissjoni 2013/634/UE tal-31 ta' Ottubru 2013 dwar l-aġġustamenti fl-allokazzjonijiet annwali tal-emissjonijiet għall-perjodu mill-2013 sal-2020 skont id-Deċiżjoni Nru 406/2009/KE tal-Parlament Ewropew u tal-Kunsill (ĠU L 292, 1.11.2013, p. 19).
(5) Ir-Regolament ta' Implimentazzjoni tal-Kummissjoni (UE) Nru 749/2014 tat-30 ta' Ġunju 2014 dwar l-istruttura, il-format u l-proċessi tat-tressiq u r-reviżjoni tal-informazzjoni rrappurtata mill-Istati Membri skont ir-Regolament (UE) Nru 525/2013 tal-Parlament Ewropew u tal-Kunsill (ĠU L 203, 11.7.2014, p. 23).
ANNESS
Stat Membru |
L-emissjonijiet tal-gassijiet serra għall-2013 koperti bid-Deċiżjoni Nru 406/2009/KE (f'ekwivalenti ta' tunnellati ta' diossidu tal-karbonju) |
Il-Belġju |
74 264 633 |
Il-Bulgarija |
22 238 074 |
Ir-Repubblika Ċeka |
61 457 570 |
Id-Danimarka |
33 705 936 |
Il-Ġermanja |
460 204 908 |
L-Estonja |
5 752 963 |
L-Irlanda |
42 206 805 |
Il-Greċja |
44 184 593 |
Spanja |
200 277 677 |
Franza |
366 116 651 |
Il-Kroazja |
15 125 525 |
L-Italja |
273 349 154 |
Ċipru |
3 938 120 |
Il-Latvja |
8 776 857 |
Il-Litwanja |
12 449 462 |
Il-Lussemburgu |
9 365 298 |
L-Ungerija |
38 436 981 |
Malta |
1 250 779 |
In-Netherlands |
108 253 385 |
L-Awstrija |
50 097 324 |
Il-Polonja |
186 095 049 |
Il-Portugall |
38 610 318 |
Ir-Rumanija |
72 718 616 |
Is-Slovenja |
10 925 247 |
Is-Slovakkja |
21 080 248 |
Il-Finlandja |
31 588 117 |
L-Iżvezja |
35 278 781 |
Ir-Renju Unit |
339 450 356 |