This document is an excerpt from the EUR-Lex website
Document 32016D1637
Political and Security Committee Decision (CFSP) 2016/1637 of 6 September 2016 on the commencement of the European Union military operation in the Southern Central Mediterranean (EUNAVFOR MED operation SOPHIA) contributing to the implementation of the UN arms embargo on the high seas off the coast of Libya (EUNAVFOR MED/4/2016)
Deċiżjoni tal-Kumitat Politiku u ta' Sigurtà (PESK) 2016/1637 tas-6 ta' Settembru 2016 dwar il-bidu tal-operazzjoni militari tal-Unjoni Ewropea fin-Nofsinhar tal-Mediterran Ċentrali (EUNAVFOR MED operazzjoni SOPHIA) li tikkontribwixxi għall-implimentazzjoni tal-embargo fuq l-armi tan-NU fl-ibħra miftuħa 'l barra mill-kosta tal-Libja (EUNAVFOR MED/4/2016)
Deċiżjoni tal-Kumitat Politiku u ta' Sigurtà (PESK) 2016/1637 tas-6 ta' Settembru 2016 dwar il-bidu tal-operazzjoni militari tal-Unjoni Ewropea fin-Nofsinhar tal-Mediterran Ċentrali (EUNAVFOR MED operazzjoni SOPHIA) li tikkontribwixxi għall-implimentazzjoni tal-embargo fuq l-armi tan-NU fl-ibħra miftuħa 'l barra mill-kosta tal-Libja (EUNAVFOR MED/4/2016)
ĠU L 243, 10.9.2016, p. 14–15
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
10.9.2016 |
MT |
Il-Ġurnal Uffiċjali tal-Unjoni Ewropea |
L 243/14 |
DEĊIŻJONI TAL-KUMITAT POLITIKU U TA' SIGURTÀ (PESK) 2016/1637
tas-6 ta' Settembru 2016
dwar il-bidu tal-operazzjoni militari tal-Unjoni Ewropea fin-Nofsinhar tal-Mediterran Ċentrali (EUNAVFOR MED operazzjoni SOPHIA) li tikkontribwixxi għall-implimentazzjoni tal-embargo fuq l-armi tan-NU fl-ibħra miftuħa 'l barra mill-kosta tal-Libja (EUNAVFOR MED/4/2016)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 38 tiegħu,
Wara li kkunsidra d-Deċiżjoni tal-Kunsill (PESK) 2015/778 tat-18 ta' Mejju 2015 dwar operazzjoni militari tal-Unjoni Ewropea fin-Nofsinhar tal-Mediterran Ċentrali (EUNAVFOR MED operazzjoni SOPHIA) (1), u b'mod partikolari l-Artikolu 2b u l-Artikolu 6(1) tagħha,
Billi:
(1) |
Id-Deċiżjoni tal-Kunsill (PESK) 2016/993 (2), li emendat id-Deċiżjoni (PESK) 2015/778 daħlet l-Artikolu 2b f'dik id-Deċiżjoni bil-għan li jingħata kontribut għall-iskambju ta' informazzjoni u l-implimentazzjoni tal-embargo fuq l-armi tan-NU fl-ibħra miftuħa 'l barra mill-kosta tal-Libja bħala kompitu ta' appoġġ tal-EUNAVFOR MED operazzjoni SOPHIA. |
(2) |
Skont l-Artikolu 2b(2) tad-Deċiżjoni (PESK) 2015/778, meta l-Kumitat Politiku u ta' Sigurtá jiddeċiedi li jkunu ntlaħqu l-kondizzjonijiet rilevanti, l-EUNAVFOR MED operazzjoni SOPHIA għandha tibda tikkontribwixxi, f'żona miftiehma tal-operazzjoni, għall-implimentazzjoni tal-embargo fuq l-armi tan-NU fl-ibħra miftuħa 'l barra mill-kosta tal-Libja permezz ta' spezzjonijiet ta' bastimenti destinati lejn jew ġejjin mil-Libja fejn ikun hemm raġunijiet raġonevoli biex wieħed jemmen li tali bastimenti jkunu qed iġorru armi jew materjal relatat lejn jew mil-Libja, direttament jew indirettament, bi ksur tal-embargo fuq l-armi fuq il-Libja, u permezz ta' azzjoni rilevanti tikkonfiska u tiddisponi minn tali oġġetti, inkluż bil-ħsieb li tidderieġi tali bastimenti u l-ekwipaġġi tagħhom lejn port adatt biex tiffaċilita tali disponiment, bil-kunsens tal-Istat tal-port, b'konformità mar-riżoluzzjonijiet rilevanti tal-Kunsill tas-Sigurtà tan-NU, inkluża l-UNSCR 2292 (2016). |
(3) |
Il-Kmandant tal-Operazzjoni tal-UE assigura lill-Kumitat Politiku u ta' Sigurtà li ntlaħqu l-kondizzjonijiet meħtieġa sabiex jibda dak il-kompitu ta' appoġġ. |
(4) |
Għalhekk, l-Operazzjoni EUNAVFOR MED operazzjoni SOPHIA għandha tiġi awtorizzata tibda fiż-żona miftiehma tal-operazzjoni, biex tikkontribwixxi għall-implimentazzjoni tal-embargo fuq l-armi tan-NU fl-ibħra miftuħa 'l barra mill-kosta tal-Libja kif previst fl-Artikolu 2b tad-Deċiżjoni (PESK) 2015/778. |
(5) |
F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tiħux sehem fl-elaborazzjoni u fl-implementazzjoni ta' deċiżjonijiet u azzjonijiet tal-Unjoni li jkollhom implikazzjonijiet ta' difiża, |
ADOTTA DIN ID-DEĊIŻJONI:
Artikolu 1
L-EUNAVFOR MED operazzjoni SOPHIA għandha tibda tikkontribwixxi, fiż-żona miftiehma tal-operazzjoni, għall-implimentazzjoni tal-embargo fuq l-armi tan-NU fl-ibħra miftuħa 'l barra mill-kosta tal-Libja kif previst fl-Artikolu 2b tad-Deċiżjoni (PESK) 2015/778.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-6 ta' Settembru 2016.
Għall-Kumitat Politiku u ta' Sigurtà
Il-President
W. STEVENS
(1) ĠU L 122, 19.5.2015, p. 31.
(2) Deċiżjoni tal-Kunsill (PESK) 2016/993 tal-20 ta' Ġunju 2016 li temenda d-Deċiżjoni (PESK) 2015/778 dwar operazzjoni militari tal-Unjoni Ewropea fin- Nofsinhar tal-Mediterran Ċentrali (EUNAVFOR MED operazzjoni SOPHIA) (ĠU L 162, 21.6.2016, p. 18).