Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32016D0087

Deċiżjoni ta' Implimentazzjoni tal-Kummissjoni (UE) 2016/87 tat-22 ta' Jannar 2016 dwar l-irtirar mis-suq ta' prodotti eżistenti derivat minn MON 863 (MON-ØØ863-5) u li tħassar id-Deċiżjonijiet 2010/139/UE, 2010/140/UE, 2010/141/UE li jawtorizzaw it-tqegħid fis-suq ta' prodotti li jkun fihom, ikunu jikkonsistu minn, jew li jkunu prodotti minn qamħirrun modifikat ġenetikament MON863 × MON810 × NK603 (MON-ØØ863-5 × MON-ØØ81Ø-6 × MON-ØØ6Ø3-6), MON863 × MON810 (MON-ØØ863-5 × MON-ØØ81Ø-6) u MON863 × NK603 (MON-ØØ863-5 × MON-ØØ6Ø3-6) skont ir-Regolament (KE) Nru 1829/2003 tal-Parlament Ewropew u tal-Kunsill (notifikata bid-dokument C(2016) 204) (Test b'rilevanza għaż-ŻEE)

ĠU L 17, 26.1.2016, p. 14–16 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec_impl/2016/87/oj

Date of document:
22/01/2016; Data ta' adozzjoni
Date of effect:
26/01/2016; Jidħol fis-seħħ Data tan-notifika
Date of notification:
26/01/2016; L-att ġie nnotifikat iżda d-data tan-notifika mhix disponibbli fil-EUR-Lex – minflok hi użata d-data tal-pubblikazzjoni
Date of end of validity:
No end date
Author:
Il-Kummissjoni Ewropea
Responsible body:
Directorate-General for Health and Food Safety, SANTE
Form:
Deċiżjoni implimentattiva
Addressee:
Privat
Authentic language:
Franċiż, Olandiż
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Repeal 32010D0139 26/01/2016
Repeal 32010D0140 26/01/2016
Repeal 32010D0141 26/01/2016
Instruments cited:
Link

26.1.2016   

MT

Il-Ġurnal Uffiċjali tal-Unjoni Ewropea

L 17/14

DEĊIŻJONI TA' IMPLIMENTAZZJONI TAL-KUMMISSJONI (UE) 2016/87

tat-22 ta' Jannar 2016

dwar l-irtirar mis-suq ta' prodotti eżistenti derivat minn MON 863 (MON-ØØ863-5) u li tħassar id-Deċiżjonijiet 2010/139/UE, 2010/140/UE, 2010/141/UE li jawtorizzaw it-tqegħid fis-suq ta' prodotti li jkun fihom, ikunu jikkonsistu minn, jew li jkunu prodotti minn qamħirrun modifikat ġenetikament MON863 × MON810 × NK603 (MON-ØØ863-5 × MON-ØØ81Ø-6 × MON-ØØ6Ø3-6), MON863 × MON810 (MON-ØØ863-5 × MON-ØØ81Ø-6) u MON863 × NK603 (MON-ØØ863-5 × MON-ØØ6Ø3-6) skont ir-Regolament (KE) Nru 1829/2003 tal-Parlament Ewropew u tal-Kunsill

(notifikata bid-dokument C(2016) 204)

(It-testi bil-Franċiż u bl-Olandiż biss huma awtentiċi)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1829/2003 tal-Parlament Ewropew u tal-Kunsill tat-22 ta' Settembru 2003 dwar ikel u għalf modifikat ġenetikament (1), u b'mod partikolari l-Artikoli 8(6) u 20(6), kif ukoll l-Artikoli 9(2) u 21(2) tiegħu,

Billi:

(1)

Permezz tad-Deċiżjoni tal-Kummissjoni 2005/608/KE (2), it-tqegħid fis-suq tal-għalf li fih jew li jikkonsisti mill-qamħirrum MON 863, u tal-prodotti li fihom jew li jikkonsistu mill-qamħirrum MON 863 għal użu differenti mill-ikel u l-għalf, għajr il-koltivazzjoni, huwa awtorizzat skont id-Direttiva 2001/18/KE tal-Parlament Ewropew u tal-Kunsill (3), sat-12 ta' Jannar 2016.

(2)

Permezz tad-Deċiżjoni tal-Kummissjoni 2006/68/KE (4), it-tqegħid fis-suq ta' ikel li fih, li jikkonsisti minn jew li huwa prodott mill-qamħirrum MON 863 huwa awtorizzat skont ir-Regolament (KE) Nru 258/97 tal-Parlament Ewropew u tal-Kunsill (5), sat-12 ta' Jannar 2016.

(3)

L-addittivi tal-ikel, il-materjali tal-għalf u l-addittivi tal-għalf prodotti mill-qamħirrum ġenetikament modifikat MON 863 tqiegħdu fis-suq qabel id-dħul fis-seħħ tar-Regolament (KE) Nru 1829/2003, u ġew innotifikati bħala prodotti eżistenti skont l-Artikolu 8(1)(b) u l-Artikolu 20(1)(b) tal-istess Regolament meta daħal fis-seħħ.

(4)

Fit-13 ta' April 2007, Monsanto Europe S.A., ippreżentat applikazzjoni lill-Kummissjoni, skont l-Artikoli 8(4), 11, 20(4) u 23 tar-Regolament (KE) Nru 1829/2003 għat-tiġdid tal-awtorizzazzjoni biex ikomplu jiġu kummerċjalizzati l-addittivi tal-ikel, il-materjali tal-għalf u l-addittivi tal-għalf magħmulin mill-qamħirrum MON 863, li ġew notifikati qabel skont l-Artikoli 8(1)(b) u 20(1)(b) tar-Regolament (“l-applikazzjoni”). Fit-30 ta' Marzu 2010, l-Awtorità Ewropea dwar is-Sigurtà fl-Ikel (l-“EFSA”) tat opinjoni favorevoli skont l-Artikolu 6 u l-Artikolu 18 tar-Regolament (KE) Nru 1829/2003 u kkonkludiet li t-tagħrif il-ġdid mogħti fl-applikazzjoni tat-tiġdid u r-reviżjoni tal-litteratura xjentifika li ġie ppubblikat wara l-opinjonijiet xjentifiċi preċedenti dwar il-qamħirrum MON863 mill-EFSA ma jeħtieġx tibdiliet tal-opinjonijiet. Għaldaqstant tenniet il-konklużjoni preċedenti tagħha li mhuwiex probabbli li l-qamħirrum MON 863 ikollu effett dannuż fuq is-saħħa tal-bniedem jew tal-annimali jew fuq l-ambjent fil-kuntest tal-użi proposti għalih. Fl-opinjoni tagħha, l-EFSA qieset il-mistoqsijiet u l-kwistjonijiet speċifiċi kollha mqajma mill-Istati Membri fil-kuntest tal-konsultazzjoni tal-awtoritajiet kompetenti nazzjonali kif stipulat fl-Artikolu 6(4) u l-Artikolu 18(4) tar-Regolament (KE) Nru 1829/2003.

(5)

Bid-Deċiżjonijiet tal-Kummissjoni 2010/139/UE (6), 2010/140/UE (7) u 2010/141/UE (8), it-tqegħid fis-suq ta' ikel u għalf li fihom, li jikkonsistu minn, jew huma prodotti minn qamħirrun MON863 × MON 810 × NK603, il-qamħirrum MON863 × MON810 u l-qamħirrum MON863xNK603 huwa awtorizzat skont ir-Regolament (KE) Nru 1829/2003, sal-1 ta' Marzu 2020.

(6)

Fid-29 ta' Ġunju 2015, Monsanto Europe S.A., talbet lill-Kummissjoni biex ittemm l-awtorizzazzjonijiet kollha mogħtija mill-Kummissjoni għal prodotti li jkun fihom, li jikkonsistu minn jew huma prodotti mill-qamħirrum modifikat ġenetikament MON 863, bħala avveniment wieħed u f'avvenimenti fuq xulxin, wara deċiżjoni kummerċjali tal-kumpanija li ma tikkumerċjalizzax aktar dawn il-prodotti fl-UE.

(7)

Bħala konsegwenza, Monsanto Europe S.A. irtirat l-applikazzjoni għat-tiġdid tal-awtorizzazzjoni għall-issoktar tal-kummerċjalizzazzjoni ta' addittivi tal-ikel, materjali tal-għalf u addittivi tal-għalf prodotti minn qamħirrum MON 863 sottomessa fit-13 ta' April 2007 li għaliha l-EFSA ppubblikat Opinjoni fit-30 ta' Marzu 2010 u talbet lill-Kummissjoni Ewropea biex tħassar id-Deċiżjonijiet 2005/608/KE, 2006/68/KE, 2010/139/UE, 2010/140/UE u 2010/141/UE.

(8)

Billi MON 863, bħala avveniment wieħed jew f'avvenimenti fuq xulxin, ma ġiex ikkultivat kummerċjalment sa mill-2011 f'pajjiżi terzi u t-tneħħija gradwali kummerċjali tiegħu tlestiet, m'hemmx bżonn li jingħata perjodu ta' żmien limitat li fih il-ħażniet eżistenti tal-prodotti jkunu jistgħu jintużaw.

(9)

Id-Deċiżjonijiet 2005/608/KE u 2006/68/KE jiskadu fit-12 ta' Jannar 2016. Peress li l-ebda applikazzjoni għat-tiġdid tal-awtorizzazzjoni mogħtija f'dawn id-deċiżjonijiet ma ġiet ippreżentata minn Monsanto Europe S.A., il-prodotti koperti minn dawn id-deċiżjonijiet ma għandhomx jiġu kkumerċjalizzati wara din id-data.

(10)

Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

1.   L-addittivi tal-ikel prodotti mill-qamħirrum MON-ØØ863-5 notifikati bħala prodotti eżistenti skont l-Artikolu 8(1)(b) tar-Regolament (KE) Nru 1829/2003 kif ukoll il-materjali tal-għalf u l-addittivi tal-għalf prodotti mill-qamħirrun MON-ØØ863-5 notifikati bħala prodotti eżistenti skont l-Artikolu 20(1)(b) għandhom jiġu rtirati mis-suq sa mhux aktar tard mid-data tal-pubblikazzjoni ta' din id-Deċiżjoni f'Il-Ġurnal Uffiċjali tal-Unjoni Ewropea.

2.   Id-Deċiżjonijiet 2010/139/UE, 2010/140/UE u 2010/141/UE jiġu revokati fid-data tal-pubblikazzjoni ta' din id-Deċiżjoni f'Il-Ġurnal Uffiċjali tal-Unjoni Ewropea.

Artikolu 2

L-entrati fir-reġistru Komunitarju tal-ikel u l-għalf modifikati ġenetikament, kif imsemmi fl-Artikolu 28 tar-Regolament (KE) Nru 1829/2003, rigward il-qamħirrum MON-ØØ863-5, MON-ØØ863-5 × MON-ØØ81Ø-6 × MON-ØØ6Ø3-6, MON-ØØ863-5 × MON-ØØ81Ø-6 u MON-ØØ863-5 × MON-ØØ6Ø3-6 jiġu adattati b'qies ta' din id-Deċiżjoni.

Artikolu 3

Din id-Deċiżjoni hija indirizzata lil Monsanto Europe S.A., Scheldelaan 460, Haven 627, 2040 Antwerp, il-Belġju.

Magħmul fi Brussell, it-22 ta' Jannar 2016.

Għall-Kummissjoni

Vytenis ANDRIUKAITIS

Membru tal-Kummissjoni

(1)  ĠU L 268, 18.10.2003, p. 1.

(2)  Id-Deċiżjoni tal-Kummissjoni 2005/608/KE tat-8 ta' Awwissu 2005 dwar it-tqegħid fis-suq, skont id-Direttiva 2001/18/KE tal-Parlament Ewropew u tal-Kunsill, ta' prodott tal-qamħirrum (Zea mays L. linja MON 863) ġenetikament modifikat għar-reżistenza tad-dudu ta' għerq il-qamħirrum (ĠU L 207, 10.8.2005 p. 17).

(3)  Id-Direttiva 2001/18/KE tal-Parlament Ewropew u tal-Kunsill tat-12 ta' Marzu 2001 dwar ir-rilaxx intenzjonat fl-ambjent ta' organiżmi modifikati ġenetikament u li tħassar id-Direttiva tal-Kunsill 90/220/KEE (ĠU L 106, 17.4.2001, p. 1).

(4)  Id-Deċiżjoni tal-Kummissjoni 2006/68/KE tat-13 ta' Jannar 2006 li tawtorizza li joħorġu fis-suq ikel u ingredjenti tal-ikel li ġejjin minn qamħirrum ġenetikament modifikat tal-linja MON 863 bħala ikel ġdid jew ingredjenti tal-ikel ġodda taħt ir-Regolament (KE) Nru 258/97 tal-Parlament Ewropew u tal-Kunsill (ĠU L 34, 7.2.2006, p. 26).

(5)  Ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar l-ikel il-ġdid u l-ingredjenti tal-ikel il-ġdid (ĠU L 43, 14.2.1997, p. 1).

(6)  Id-Deċiżjoni tal-Kummissjoni 2010/139/UE tat-2 ta' Marzu 2010 li tawtorizza t-tqegħid fis-suq ta' prodotti li jkun fihom, ikunu jikkonsistu minn, jew li jkunu prodotti minn qamħirrum modifikat ġenetikament MON863 × MON810 × NK603 (MON-ØØ863-5 × MON-ØØ81Ø-6 × MON-ØØ6Ø3-6) skont ir-Regolament (KE) Nru 1829/2003 tal-Parlament Ewropew u tal-Kunsill (ĠU L 55, 5.3.2010, p. 68).

(7)  Id-Deċiżjoni tal-Kummissjoni 2010/140/UE tat-2 ta' Marzu 2010 li tawtorizza t-tqegħid fis-suq ta' prodotti li jkun fihom, ikunu jikkonsistu minn, jew li jkunu prodotti minn qamħirrum modifikat ġenetikament MON863 × MON810 (MON-ØØ863-5 × MON-ØØ81Ø-6) skont ir-Regolament (KE) Nru 1829/2003 tal-Parlament Ewropew u tal-Kunsill (ĠU L 55, 5.3.2010, p. 73).

(8)  Id-Deċiżjoni tal-Kummissjoni 2010/141/UE tat-2 ta' Marzu 2010 li tawtorizza t-tqegħid fis-suq ta' prodotti li jkun fihom, ikunu jikkonsistu minn, jew li jkunu prodotti minn qamħirrum modifikat ġenetikament MON863 × NK603 (MON-ØØ863-5 × MON-ØØ6Ø3-6) skont ir-Regolament (KE) Nru 1829/2003 tal-Parlament Ewropew u tal-Kunsill (ĠU L 55, 5.3.2010, p. 78).

Top