21.10.2015   

MT

Il-Ġurnal Uffiċjali tal-Unjoni Ewropea

L 276/52

(1)

Skont ir-Regolament (KE) Nru 1924/2006, l-indikazzjonijiet dwar l-effetti tal-ikel fuq is-saħħa huma ipprojbiti sakemm dawn ma jkunux awtorizzati mill-Kummissjoni b'konformità ma' dan ir-Regolament u ma jkunux inklużi f'lista ta' indikazzjonijiet permessi.

(2)

Ir-Regolament (KE) Nru 1924/2006 jistipula wkoll li l-applikazzjonijiet għall-awtorizzazzjonijiet tal-indikazzjonijiet dwar is-saħħa jistgħu jitressqu mill-operaturi tan-negozji tal-ikel lill-awtoritajiet kompetenti nazzjonali ta' Stat Membru. L-awtorità kompetenti nazzjonali għandha tibgħat l-applikazzjonijiet validi lill-Awtorità Ewropea dwar is-Sigurtà fl-Ikel (l-EFSA), minn hawn 'il quddiem imsejħa “l-Awtorità”.

(3)

Wara li tirċievi applikazzjoni, l-Awtorità għandha tgħarraf bla dewmien lill-Istati Membri l-oħra u lill-Kummissjoni u tipprovdi opinjoni fuq l-indikazzjoni kkonċernata dwar is-saħħa.

(4)

Il-Kummissjoni għandha tiddeċiedi dwar l-awtorizzazzjoni tal-indikazzjonijiet dwar is-saħħa filwaqt li tqis l-opinjoni mogħtija mill-Awtorità.

(5)

Wara li tirċievi applikazzjoni mingħand Specialised Nutrition Europe (li qabel kienet il-“European Dietetic Food Industry Association”), imressqa skont l-Artikolu 14(1)(b) tar-Regolament (KE) Nru 1924/2006, l-Awtorità ntalbet tagħti opinjoni fir-rigward ta' indikazzjoni dwar is-saħħa marbuta ma' “oligosakkaridi u polisakkaridi inklużi galakto-oligosakkaridi, oligofruttożju, polifruttożju u inulina mhux diġestibbli” u “iż-żieda fl-assorbiment tal-kalċju” (il-Mistoqsija Nru EFSA-Q-2008-140 (2)). L-indikazzjoni proposta mill-applikant kienet tgħid, inter alia, dan li ġej: “Permezz ta' oligosakkaridi u/jew polisakkaridi li jistimulaw l-assorbiment tal-kalċju”.

(6)

Abbażi tad-dejta ppreżentata, l-Awtorità kkonkludiet fl-opinjoni tagħha, li waslet għand il-Kummissjoni u għand l-Istati Membri fid-19 ta' Novembru 2014, li ma tistax tiġi stabbilita relazzjoni ta' kawża u effett bejn il-konsum ta' “oligosakkaridi u polisakkaridi inklużi galakto-oligosakkaridi, oligofruttożju, polifruttożju u inulina mhux diġestibbli” u effett fiżjoloġiku benefiċjarju. B'mod partikolari, l-Awtorità qieset li l-kostitwenti tal-ikel “oligosakkaridi u polisakkaridi inklużi galakto-oligosakkaridi, oligofruttożju, polifruttożju u inulina mhux diġestibbli” ma kinux ikkaratterizzati biżżejjed. Għaldaqstant, billi l-indikazzjoni ma tikkonformax mar-rekwiżiti tar-Regolament (KE) Nru 1924/2006, din ma għandhiex tiġi awtorizzata.

(7)

Wara applikazzjoni mingħand Specialised Nutrition Europe, imressqa skont l-Artikolu 14(1)(b) tar-Regolament (KE) Nru 1924/2006, l-Awtorità ntalbet tagħti opinjoni fir-rigward ta' indikazzjoni dwar is-saħħa marbuta mal-beta-galattożidażi minn Streptococcus thermophilus u t-tnaqqis tal-iskumdità gastrointestinali (il-Mistoqsija Nru EFSA-Q-2008-148 (3)). L-istqarrija proposta mill-applikant kienet tgħid, inter alia, dan li ġej: “Lattażju għal diġestjoni komda”.

(8)

Abbażi tad-dejta ppreżentata, l-Awtorità kkonkludiet fl-opinjoni tagħha, li waslet għand il-Kummissjoni u għand l-Istati Membri fid-9 ta' Ottubru 2014, li l-ebda relazzjoni ta' kawża u effett ma ġiet stabbilita bejn il-konsum tas-sustanza beta-galattożidażi, li hija prodotta minn Streptococcus thermophilus (sussegwentement inattivat) matul il-fermentazzjoni ta' formula tal-ikel tat-trabi, u tnaqqis tal-iskumdità gastrointestinali. Għaldaqstant, billi l-indikazzjoni ma tikkonformax mar-rekwiżiti tar-Regolament (KE) Nru 1924/2006, din ma għandhiex tiġi awtorizzata.

(9)

Wara applikazzjoni mingħand Specialised Nutrition Europe, imressqa skont l-Artikolu 14(1)(b) tar-Regolament (KE) Nru 1924/2006, l-Awtorità ntalbet tagħti opinjoni fir-rigward ta' indikazzjoni dwar is-saħħa marbuta mal-effetti tal-pruna u kontribut tagħha għall-funzjoni normali tal-musrana (il-Mistoqsija Nru EFSA-Q- 2008-193 (4)). L-istqarrija proposta mill-applikant kienet tgħid, inter alia, dan li ġej: “il-pruna niexfa/pruna tista' tikkontribwixxi għall-funzjoni normali tal-musrana”.

(10)

Abbażi tad-dejta ppreżentata, l-Awtorità kkonkludiet fl-opinjoni tagħha, li waslet għand il-Kummissjoni u għand l-Istati Membri fid-19 ta' Novembru 2014, li l-ebda relazzjoni ta' kawża u effett ma ġiet stabbilita bejn il-konsum tal-pruna u l-kontribut tagħha għall-funzjoni normali tal-musrana mingħajr l-okkorrenza ta' dijarea għat-trabi u t-tfal żgħar ta' età minn sitt xhur sa tliet snin. B'mod partikolari, l-Awtorità nnutat li l-applikant ma pprovda l-ebda studji li jinvestigaw l-effett tal-pruna fuq il-funzjoni tal-musrana fit-trabi u t-tfal żgħar. Għaldaqstant, billi l-indikazzjoni ma tikkonformax mar-rekwiżiti tar-Regolament (KE) Nru 1924/2006, din ma għandhiex tiġi awtorizzata.

(11)

Skont l-Artikolu 28(6) tar-Regolament (KE) Nru 1924/2006, l-indikazzjonijiet dwar is-saħħa msemmija fl-Artikolu 14(1)(b) ta' dak ir-Regolament li ma kinux awtorizzati minn Deċiżjoni skont l-Artikolu 17(3) ta' dak ir-Regolament jistgħu jkomplu jintużaw għal sitt xhur wara l-adozzjoni ta' dik id-Deċiżjoni, dejjem jekk l-applikazzjoni għall-awtorizzazzjoni tkun saret qabel id-19 ta' Jannar 2008. Għaldaqstant, billi l-indikazzjonijiet dwar is-saħħa mniżżlin fl-Anness ta' dan ir-Regolament jissodisfaw dawn il-kundizzjonijiet, għandu japplika l-perjodu transizzjonali stabbilit fl-Artikolu 28(6) tar-Regolament (KE) Nru 1924/2006.

(12)

Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,