This document is an excerpt from the EUR-Lex website
Document 32015R0097
Commission Delegated Regulation (EU) 2015/97 of 17 October 2014 correcting Delegated Regulation (EU) No 918/2012 as regards the notification of significant net short positions in sovereign debt Text with EEA relevance
Regolament ta' Delega tal-Kummissjoni (UE) 2015/97 tas- 17 ta' Ottubru 2014 li jikkoreġi r-Regolament Delegat (UE) Nru 918/2012 fir-rigward tan-notifiki tal-pożizzjonijiet bin-nieqes netti sinifikanti f'dejn sovran Test b'rilevanza għaż-ŻEE
Regolament ta' Delega tal-Kummissjoni (UE) 2015/97 tas- 17 ta' Ottubru 2014 li jikkoreġi r-Regolament Delegat (UE) Nru 918/2012 fir-rigward tan-notifiki tal-pożizzjonijiet bin-nieqes netti sinifikanti f'dejn sovran Test b'rilevanza għaż-ŻEE
ĠU L 16, 23.1.2015, p. 22–22
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 17/10/2014
- Date of effect:
- 12/02/2015; Dħul fis-seħħ Data tal-pubblikazzjoni +20 Ara Art. 2
- Date of end of validity:
- No end date
- Author:
- Il-Kummissjoni Ewropea
- Form:
- Regolament delegat
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32012R0236 - A03P7
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32012R0918 Sostituzzjoni artikolu 13.3 sentenza 1 12/02/2015 - Link
- EUROVOC descriptor:
- Subject matter:
- Directory code:
|
23.1.2015 |
MT |
Il-Ġurnal Uffiċjali tal-Unjoni Ewropea |
L 16/22 |
REGOLAMENT TA' DELEGA TAL-KUMMISSJONI (UE) 2015/97
tas-17 ta' Ottubru 2014
li jikkoreġi r-Regolament Delegat (UE) Nru 918/2012 fir-rigward tan-notifiki tal-pożizzjonijiet bin-nieqes netti sinifikanti f'dejn sovran
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 236/2012 tal-Parlament Ewropew u tal-Kunsill tal-14 ta' Marzu 2012 dwar bejgħ bin-nieqes u ċerti aspetti tas-swaps ta' inadempjenza tal-kreditu (1), u b'mod partikolari l-Artikolu 3(7) tiegħu,
Billi:
|
(1) |
L-Artikolu 13 tar-Regolament Delegat tal-Kummissjoni (UE) Nru 918/2012 (2) jispeċifika, skont is-setgħa mogħtija fl-Artikolu 3(7)(c) tar-Regolament (UE) Nru 236/2012, il-metodu tal-kalkolu tal-pożizzjonijiet għall-entitajiet ġuridiċi fi grupp li jkollhom pożizzjonijiet twal jew bin-nieqes b'rabta ma' emittent partikolari. L-Artikolu 13 tar-Regolament Delegat (UE) Nru 918/2012 jipprovdi l-metodu tal-kalkolu tal-pożizzjonijiet kemm għall-kapital azzjonarju maħruġ kif ukoll għad-dejn sovran maħruġ. Madankollu, l-Artikolu 13(3) tar-Regolament Delegat (UE) Nru 918/2012 attwalment jirreferi biss għal-limitu ta' notifika tal-Artikolu 5 tar-Regolament (UE) Nru 236/2012, dwar pożizzjonijiet bin-nieqes netti sinifikanti f'ishma, filwaqt li għandu jirreferu wkoll għal-limitu ta' notifika tal-Artikolu 7 tar-Regolament (UE) Nru 236/2012 dwar pożizzjonijiet bin-nieqes netti sinifikanti f'dejn sovran. |
|
(2) |
Sabiex tiġi evitata l-inċertezza ġuridika, ir-Regolament Delegat (UE) Nru 918/2012 jiġi għalhekk korrett skont dan. |
ADOTTAT DAN IR-REGOLAMENT:
Artikolu 1
Fl-Artikolu 13(3) tar-Regolament Delegat (UE) Nru 918/2012, l-ewwel sentenza tinbidel b'dan li ġej:
“3. Meta pożizzjoni bin-nieqes netta tilħaq jew taqbeż il-limitu tan-notifika skont l-Artikolu 5 u 7 jew il-limitu tad-divulgazzjoni skont l-Artikolu 6 tar-Regolament (UE) Nru 236/2012, entità ġuridika fi grupp għandha tirrapporta u tiddivulga skont l-Artikoli 5 sa 11 tar-Regolament (UE) Nru 236/2012 il-pożizzjoni bin-nieqes netta f'emittent partikolari kalkulata skont il-paragrafu 1 sakemm l-ebda pożizzjoni bin-nieqes netta fil-livell tal-grupp kalkulata skont il-paragrafu 2 ma tilħaq jew taqbeż limitu ta' notifika jew ta' divulgazzjoni.”
Artikolu 2
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta' Ottubru 2014.
Għall-Kummissjoni
il-President
José Manuel BARROSO
(2) Ir-Regolament ta' Delega tal-Kummissjoni (UE) Nru 918/2012 tal-5 ta' Lulju 2012 li jissupplimenta r-Regolament (UE) Nru 236/2012 tal-Parlament Ewropew u tal-Kunsill dwar bejgħ bin-nieqes u ċerti aspetti ta' swaps ta' inadempjenza tal-kreditu fir-rigward tad-definizzjonijiet, il-kalkolu ta' pożizzjonijiet bin-nieqes netti, swaps ta' inadempjenza tal-kreditu sovrani koperti, livelli limitu ta' notifika, livelli limitu ta' likwidità għas-sospensjoni tar-restrizzjonijiet, waqgħat sinifikanti fil-valur tal-istrumenti finanzjarji u avvenimenti avversi (ĠU L 274, 9.10.2012, p. 1).
