This document is an excerpt from the EUR-Lex website
Document 32015D1984
Commission Implementing Decision (EU) 2015/1984 of 3 November 2015 defining the circumstances, formats and procedures of notification pursuant to Article 9(5) of Regulation (EU) No 910/2014 of the European Parliament and of the Council on electronic identification and trust services for electronic transactions in the internal market (notified under document C(2015) 7369) (Text with EEA relevance)
Deċiżjoni ta' Implimentazzjoni tal-Kummissjoni (UE) 2015/1984 tat-3 ta' Novembru 2015 li tiddefinixxi ċ-ċirkustanzi, il-formati u l-proċeduri tan-notifika skont l-Artikolu 9(5) tar-Regolament (UE) Nru 910/2014 tal-Parlament Ewropew u tal-Kunsill dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern (notifikata bid-dokument C(2015) 7369) (Test b'rilevanza għaż-ŻEE)
Deċiżjoni ta' Implimentazzjoni tal-Kummissjoni (UE) 2015/1984 tat-3 ta' Novembru 2015 li tiddefinixxi ċ-ċirkustanzi, il-formati u l-proċeduri tan-notifika skont l-Artikolu 9(5) tar-Regolament (UE) Nru 910/2014 tal-Parlament Ewropew u tal-Kunsill dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern (notifikata bid-dokument C(2015) 7369) (Test b'rilevanza għaż-ŻEE)
ĠU L 289, 5.11.2015, p. 18–25
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
5.11.2015 |
MT |
Il-Ġurnal Uffiċjali tal-Unjoni Ewropea |
L 289/18 |
DEĊIŻJONI TA' IMPLIMENTAZZJONI TAL-KUMMISSJONI (UE) 2015/1984
tat-3 ta' Novembru 2015
li tiddefinixxi ċ-ċirkustanzi, il-formati u l-proċeduri tan-notifika skont l-Artikolu 9(5) tar-Regolament (UE) Nru 910/2014 tal-Parlament Ewropew u tal-Kunsill dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern
(notifikata bid-dokument C(2015) 7369)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 910/2014 tal-Parlament Ewropew u tal-Kunsill tat-23 ta' Lulju 2014 dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern u li jħassar id-Direttiva 1999/93/KE (1), u b'mod partikolari l-Artikolu 9(5) tiegħu,
Billi:
(1) |
In-notifika tal-iskemi ta' identifikazzjoni elettronika mill-Istati Membri hija prerekwiżit għall-għarfien reċiproku ta' mezzi ta' identifikazzjoni elettronika. |
(2) |
Il-kooperazzjoni dwar l-interoperabbiltà u s-sigurtà tal-iskemi ta' identifikazzjoni elettronika teħtieġ proċeduri simplifikati. Billi l-kooperazzjoni bejn l-Istati Membri msemmija fl-Artikolu 12(6) tar-Regolament (UE) Nru 910/2014 u rregolata fid-dettall fid-Deċiżjoni ta' Implimentazzjoni tal-Kummissjoni (UE) 2015/296 (2) diġà tirrikjedi l-użu tal-Ingliż, l-istess soluzzjoni għall-finijiet tan-notifika tal-skemi ta' identifikazzjoni elettronika għandha tħaffef il-kisba tal-interoperabbiltà u s-sigurtà tal-iskemi. Madankollu, it-traduzzjoni ta' dokumentazzjoni li teżisti diġà ma għandhiex toħloq piż sproporzjonat. |
(3) |
L-iskemi jistgħu jinvolvu għadd ta' partijiet li joħorġu l-mezzi ta' identifikazzjoni elettronika u/jew għadd ta' livelli ta' assigurazzjoni. Madankollu, għall-fini taċ-ċarezza u ċ-ċertezza legali, in-notifika tal-iskemi bħal dawn għandha tkun proċess uniku, b'formoli ta' notifika separati għal kull parti li toħroġ il-mezzi ta' identifikazzjoni elettronika u/jew għal kull livell ta' assigurazzjoni. |
(4) |
L-organizzazzjoni ta' skemi ta' identifikazzjoni elettronika tvarja fost l-Istati Membri fejn jidħlu entitajiet tas-settur pubbliku u dawk tas-settur privat. Għalkemm l-iskop tal-formola ta' notifika għandu jkun li tingħata informazzjoni kemm jista' jkun preċiża fost l-oħrajn dwar l-awtoritajiet jew l-entitajiet differenti involuti fil-proċess ta' identifikazzjoni elettronika, l-għan ma għandukx ikun l-elenkar pereżempju l-muniċipalitajiet lokali kollha meta dawn ikunu involuti. F'dak il-każ, l-entrata rispettiva tal-formola tan-notifika għandha tidentifika l-livell tal-awtorità jew tal-entità involuta. |
(5) |
Prerekwiżit ieħor għall-għarfien reċiproku tal-mezzi ta' identifikazzjoni elettronika huwa l-għoti ta' deskrizzjoni tal-iskemi ta' identifikazzjoni elettronika qabel in-notifika lil Stati Membri oħra, kif stabbilit fl-Artikolu 7(g) tar-Regolament (UE) Nru 910/2014. Il-formola tan-notifika stabbilita f'dan l-att ta' implimentazzjoni għandha tintuża fil-kuntest tal-għoti ta' deskrizzjoni tal-iskema lil Stati Membri oħra, sabiex tippermetti evalwazzjoni bejn il-pari kif stabbilit fl-Artikolu 10(2) tad-Deċiżjoni ta' Implimentazzjoni (UE) 2015/296. |
(6) |
Id-data ta' skadenza biex il-Kummissjoni tippubblika notifika, kif previst fl-Artikolu 9(3) tar-Regolament (UE) Nru 910/2014, għandha tingħadd mill-ġurnata meta titressaq il-formola lesta. Il-formola tan-notifika ma għandhiex titqies bħala lesta jekk il-Kummissjoni jkun jeħtiġilha titlob informazzjoni addizzjonali jew kjarifika. |
(7) |
Sabiex tiġi żgurat l-użu uniformi tal-formola tan-notifika, jixraq li l-Kummissjoni tagħti gwida lill-Istati Membri, partikolarment dwar jekk tibdiliet fil-formola tan-notifika jwasslux għal notifika mill-ġdid. |
(8) |
Il-miżuri previsti f'din id-Deċiżjoni huma f'konformità mal-opinjoni tal-Kumitat imsemmija fl-Artikolu 48 tar-Regolament (UE) Nru 910/2014, |
ADOTTAT DIN ID-DEĊIŻJONI:
Artikolu 1
Għan
Skont l-Artikolu 9(5) tar-Regolament (UE) Nru 910/2014, din id-Deċiżjoni tistabbilixxi ċ-ċirkustanzi, il-formati u l-proċeduri ta' notifiki ta' skemi ta' identifikazzjoni elettronika lill-Kummissjoni.
Artikolu 2
Il-lingwa tan-notifika
1. Il-lingwa tan-notifika għandha tkun l-Ingliż. In-notifika msemmija fl-Artikolu 3(1) għandha timtela bl-Ingliż.
2. Mingħajr preġudizzju għall-paragrafu 1, l-Istati Membri ma għandhomx ikunu obbligati jittraduċu d-dokumenti ta' prova msemmija fl-Artikolu 4.4 tal-Anness fejn dan joħloq piż mhux raġonevoli.
Artikolu 3
Il-proċedura u l-formati tan-notifika
1. In-notifika għandha ssir b'mod elettroniku fil-format konformi mal-formola mniżżla fl-Anness.
2. Meta skema tkun tinvolvi għadd ta' partijiet responsabbli li joħorġu l-mezzi ta' identifikazzjoni elettronika u/jew tkun tkopri għadd ta' livelli ta' assigurazzjoni, il-punt 3.2 u/jew fejn xieraq il-punt 4.2 tal-formola tan- notifika stabbilita fl-Anness għandhom jimtlew separatament għal kull parti li toħroġ l-mezzi ta' identifikazzjoni elettronika u/jew għal kull livell ta' assigurazzjoni.
3. Fejn l-awtoritajiet, il-partijiet, l-entitajiet jew il-korpi li għandhom jiġu notifikati fil-formola stabbilita fl-Anness, b'mod partikolari l-partijiet li jġestu l-proċess ta' reġistrazzjoni tad-dejta unika ta' identifikazzjoni ta' persuna jew il-partijiet li joħorġu l-mezzi ta' identifikazzjoni elettronika, jaġixxu skont l-istess sett ta' regoli u jużaw l-istess proċeduri, b'mod partikolari fejn ikunu awtoritajiet reġjonali jew lokali, japplikaw ir-regoli speċifiċi li ġejjin:
(a) |
il-formola tan-notifika tista' timtela darba fir-rigward tal-partijiet bħal dawn kollha; |
(b) |
il-formola tan-notifika tista' timtela bl-informazzjoni meħtieġa biex jiġu identifikati l-livell tal-organizzazzjoni territorjali jew funzjonali rispettiv. |
4. Il-Kummissjoni għandha tikkonferma l-wasla tan-notifika b'mezzi elettroniċi.
5. Il-Kummissjoni tista' titlob informazzjoni addizzjonali jew kjarifika fiċ-ċirkostanzi li ġejjin:
(a) |
il-formola tan-notifika ma tkunx mimlija sew; |
(b) |
ikun hemm żball li jidher fil-formola jew fid-dokumenti ta' prova; |
(c) |
ma tkunx ingħatat deskrizzjoni tal-iskema ta' identifikazzjoni elettronika qabel in-notifika lil Stati Membri oħra skont l-Artikolu 7(g) tar-Regolament (UE) Nru 910/2014. |
6. Fejn tintalab informazzjoni jew kjarifika addizzjonali msemmija fil-paragrafu 5, in-notifika titqies kompluta biss meta tali informazzjoni jew kjarifika addizzjonali jittressqu quddiem il-Kummissjoni.
Artikolu 4
Destinatarji
Din id-Deċiżjoni hija indirizzata lill-Istati Membri.
Magħmul fi Brussell, it-3 ta' Novembru 2015.
Għall-Kummissjoni
Günther OETTINGER
Membru tal-Kummissjoni
(1) ĠU L 257, 28.8.2014, p. 73.
(2) Id-Deċiżjoni ta' Implimentazzjoni tal-Kummissjoni (UE) 2015/296 tal-24 ta' Frar 2015 li tistabbilixxi arranġamenti proċedurali għal kooperazzjoni bejn l-Istati Membri dwar l-identifikazzjoni elettronika skont l-Artikolu 12(7) tar-Regolament (UE) Nru 910/2014 tal-Parlament Ewropew u tal-Kunsill dwar l-identifikazzjoni elettronika u s-servizzi fiduċjarji għal transazzjonijiet elettroniċi fis-suq intern (ĠU L 53, 25.2.2015, p. 14).
ANNESS
FORMOLA TA' NOTIFIKA GĦALL-ISKEMA TAL-IDENTITÀ ELETTRONIKA SKONT L-ARTIKOLU 9(5) TAR-REGOLAMENT (UE) Nru 910/2014
(Daħħal isem l-Istat Membru) b'dan tinnotifika lill-Kummissjoni Ewropea bi skema tal-identifikazzjoni elettronika li se tiġi ppubblikata fil-lista msemmija fl-Artikolu 9(3) tar-Regolament (UE) Nru 910/2014 u tikkonferma dan li ġej:
— |
l-informazzjoni kkomunikata f'din in-notifika hija konsistenti mal-informazzjoni li ġiet ikkomunikata lin-Netwerk ta' Kooperazzjoni f'konformità mal-Artikolu 7(g) tar-Regolament (UE) Nru 910/2014, u |
— |
l-iskema għall-identifikazzjoni elettronika tista' tintuża biex jinkiseb aċċess għal tal-anqas servizz wieħed ipprovdut minn korp tas-settur pubbliku f'(daħħal isem l-Istat Membru). |
Id-data
[iffirmat elettronikament]
1. Informazzjoni ġenerali
It-titolu tal-iskema (jekk ikun hemm) |
Il-livell(i) ta' assigurazzjoni (baxx, sostanzjali jew għoli) |
|
|
2. L-awtorità(ajiet) responsabbli għall-iskema
Isem (ismijiet) l-awtorità(ajiet) |
L-indirizz(i) postali |
L-indirizz(i) tal-posta elettronika |
In-numru tat-Telefown |
|
|
|
|
3. Informazzjoni dwar il-partijiet rilevanti, entitajiet u korpi (fejn ikun hemm għadd ta' partijiet, entitajiet jew korpi għandek telenkahom kollha, f'konformità mal-Artikolu 3(2) u (3)
3.1 L-entità li tiġġestixxi l-proċess ta' reġistrazzjoni tad-dejta unika ta' identifikazzjoni ta' persuna
Isem l-entità li tiġġestixxi l-proċess ta' reġistrazzjoni tad-dejta unika tal-identifikazzjoni ta' persuna
3.2 Il-parti li toħroġ il-mezzi għall-identifikazzjoni elettronika
Isem il-parti li toħroġ il-mezzi għall-identifikazzjoni elettronika u indikazzjoni jekk il-parti tissemmiex fl-Artikolu 7(a)(i), (ii) jew (iii) tar-Regolament (UE) Nru 910/2014 |
||
|
||
l-Article 7(a)(i) ☐ |
l-Article 7(a)(ii) ☐ |
l-Article 7(a)(iii) ☐ |
3.3 Il-parti li topera l-proċedura tal-awtentikazzjoni
Isem il-parti li topera l-proċedura tal-awtentikazzjoni.
3.4 Korp superviżorju
Isem il-korp superviżorju
(agħti l-isem (l-ismijiet) fejn applikabbli)
4. Deskrizzjoni tal-iskema għall-identifikazzjoni elettronika
Jistgħu jiġu mehmuża dokumenti għal kull waħda minn dawn id-deskrizzjonijiet.
(a) |
Iddeskrivi fil-qosor l-iskema, inkluż il-kuntest li fih topera u l-kamp ta' applikazzjoni tagħha |
(b) |
Fejn japplika, elenka l-attributi addizzjonali li jistgħu jingħataw għal persuni fiżiċi bħala parti mill-iskema jekk mitluba minn parti dipendenti |
(c) |
Fejn japplika, elenka l-attributi addizzjonali li jistgħu jingħataw għal persuni ġuridiċi bħala parti mill-iskema jekk mitluba minn parti dipendenti |
4.1. Sistema superviżorja, ta' imputabbiltà u ta' ġestjoni applikabbli
4.1.1 Is-sistema ta' applikabbiltà superviżorja
Iddeskrivi s-sistema superviżorju tal-iskema fir-rigward ta' dawn:
(fejn applikabbli, l-informazzjoni għandha tinkludi r-rwoli, ir-responsabiltajiet u l-poteri tal-korp superviżorju msemmi fil-punt 3.4, u l-entità li lilha jsir ir-rapport. Jekk il-korp superviżorju ma jirrappurtax lill-awtorità responsabbli għall-iskema, għandhom jingħataw id-dettalji kollha tal-entità li lilha jsir ir-rapport)
(a) |
is-sistema superviżorja applikabbli għall-parti li toħroġ il-mezzi għall-identifikazzjoni elettronika |
(b) |
is-sistema superviżorja applikabbli għall-parti li tħaddem il-proċedura ta' awtentikazzjoni |
4.1.2 Is-sistema ta' imputabbiltà superviżorja
Iddeskrivi fil-qosor is-sistema nazzjonali ta'imputabbiltà applikabbli dawn ix-xenarji:
(a) |
l-imputabbiltà tal-Istat Membru skont l-Artikolu 11(1) tar-Regolament (UE) Nru 910/2014 |
(b) |
l-imputabbiltà tal-Istat Membru li joħroġ il-mezzi għall-identifikazzjoni elettronika skont l-Artikolu 11(2) tar-Regolament (UE) Nru 910/2014 |
(c) |
l-imputabbiltà tal-Istat Membru li jħaddem il-proċedura ta' awtentikazzjoni skont l-Artikolu 11(3) tar-Regolament (UE) Nru 910/2014 |
4.1.3 Arranġamenti tal- ġestjoni applikabbli
Iddeskrivi l-arranġamenti għas-sospensjoni jew ir-revoka tal-iskema ta' identifikazzjoni jew l-awtentikazzjoni, jew il-partijiet kompromessi tagħhom
4.2 Deskrizzjoni tal-komponenti tal-iskema
Iddeskrivi kif intlaħqu l-elementi li ġejjin tar-Regolament ta' Implimentazzjoni tal-Kummissjoni (UE) 2015/1502 (1) biex jinkiseb livell ta' fiduċja ta' mezz għall-identifikazzjoni elettronika skont l-iskema li qed tiġi notifikata dwarha l-Kummissjoni:
(inkludi kwalunkwe standard adottat)
4.2.1 Ir-reġistrazzjoni
(a) |
L-applikazzjoni u r-reġistrazzjoni |
(b) |
L-għoti ta' prova tal-identità u l-verifika (persuna fiżika) |
(c) |
L-għoti ta' prova tal-identità u l-verifika (persuna ġuridika) |
(d) |
Ir-rabta bejn il-mezz ta' identifikazzjoni elettronika ta' persuni fiżiċi u ġuridiċi |
4.2.2 Il-ġestjoni tal-mezzi ta' identifikazzjoni elettronika
(a) |
Karatteristiċi u disinn tal-mezzi ta' identifikazzjoni elettronika (inklużi, fejn ikun f'loku, informazzjoni dwar iċ-ċertifikazzjoni tas-sigurtà) |
(b) |
Il-ħruġ, it-twassil u l-attivazzjoni |
(c) |
Is-sospensjoni, ir-revoka u l-attivazzjoni mill-ġdid |
(d) |
It-tiġdid u l-bdil |
4.2.3 L-awtentikazzjoni
Iddeskrivi l-mekkaniżmu ta' awtentikazzjoni, inklużi t-termini ta' aċċess għal awtentikazzjoni minn partijiet dipendenti għajr għall-korpi tas-settur pubbliku
4.2.4 Ġestjoni u organizzazzjoni
Iddeskrivu l-ġestjoni u l-organizzazzjoni tal-aspetti li ġejjin:
(a) |
Dispożizzjonijiet ġenerali dwar il-ġestjoni u l-organizzazzjoni |
(b) |
Avviżi ppubblikati u informazzjoni għall-utenti |
(c) |
Il-ġestjoni tas-sigurtà tal-informazzjoni |
(d) |
Iż-żamma tar-rekords |
(e) |
Il-faċilitajiet u l-persunal |
(f) |
Il-kontrolli tekniċi |
(g) |
Il-konformità u l-awditjar |
4.3 Rekwiżiti tal-interoperabilità
Iddeskrivi kif intlaħqu r-rekwiżiti tekniċi minimi ta' interoperabbiltà tekniċi u ta' sigurtà operazzjonali skont ir-Regolament ta' Implimentazzjoni tal-Kummissjoni (UE) 2015/1501 (2). Elenka u ehmeż kull dokument li jista' jagħti aktar informazzjoni dwar il-konformità, bħall-opinjoni tan-Netwerk ta' Kooperazzjoni, awditi esterni, eċċ.
4.4 Id-dokumenti ta' appoġġ
Elenka kull dokumentazzjoni ta' appoġġ imressqa u indika għal liema element imsemmi hawn fuq jirrelataw. Inkludi kull leġiżlazzjoni nazzjonali li tirrigwarda d-dispożizzjoni dwar l-identifikazzjoni elettronika rilevanti għal din in-notifika. Ressaq verżjoni bl-Ingliż jew traduzzjoni bl-Ingliż kull meta din tkun disponibbli.
(1) Ir-Regolament ta' Implimentazzjoni tal-Kummissjoni (UE) 2015/1502 tat-8 ta' Settembru 2015 li jistabbilixxi speċifikazzjonijiet tekniċi u proċeduri minimi għal-livelli ta' assigurazzjoni għall-mezzi ta' identifikazzjoni elettronika skont l-Artikolu 8(3) tar-Regolament (UE) Nru 910/2014 tal-Parlament Ewropew u tal-Kunsill dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern (ĠU L 235, 9.9.2015, p. 7).
(2) Ir-Regolament ta' Implimentazzjoni tal-Kummissjoni (UE) 2015/1501 tat-8 ta' Settembru 2015 dwar il-qafas tal-interoperabbiltà skont l-Artikolu 12(8) tar-Regolament (UE) Nru 910/2014 tal-Parlament Ewropew u tal-Kunsill dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern (ĠU L 235, 9.9.2015, p. 1).