EUR-Lex Access to European Union law
This document is an excerpt from the EUR-Lex website
Document 32015D1878
Council Decision (EU) 2015/1878 of 8 October 2015 authorising the Kingdom of Belgium and the Republic of Poland, respectively, to ratify, and the Republic of Austria to accede to the Budapest Convention on the Contract for the Carriage of Goods by Inland Waterways (CMNI)
Deċiżjoni tal-Kunsill (UE) 2015/1878 tat-8 ta' Ottubru 2015 li tawtorizza lir-Renju tal-Belġju u lir-Repubblika tal-Polonja, rispettivament, biex jirratifikaw, u lir-Repubblika tal-Awstrija biex taderixxi mal-Konvenzjoni ta' Budapest dwar il-Kuntratt tat-Trasport ta' Merkanzija permezz ta' Passaġġi tal-Ilma Interni (CMNI)
Deċiżjoni tal-Kunsill (UE) 2015/1878 tat-8 ta' Ottubru 2015 li tawtorizza lir-Renju tal-Belġju u lir-Repubblika tal-Polonja, rispettivament, biex jirratifikaw, u lir-Repubblika tal-Awstrija biex taderixxi mal-Konvenzjoni ta' Budapest dwar il-Kuntratt tat-Trasport ta' Merkanzija permezz ta' Passaġġi tal-Ilma Interni (CMNI)
ĠU L 276, 21.10.2015, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2015/1878/oj
- Date of document:
- 08/10/2015; Data ta' adozzjoni
- Date of effect:
- 22/10/2015; Dħul fis-seħħ Data tal-pubblikazzjoni +1 Ara Art. 3
- Date of notification:
- 16/10/2015
- Date of end of validity:
- No end date
- Author:
- Il-Kunsill tal-Unjoni Ewropea
- Responsible body:
- Directorate-General for Mobility and Transport
- Form:
- Deċiżjoni
- Addressee:
- Il-Belġju, L-Awstrija, Il-Polonja
- Procedure number:
- Link
- European Parliament - Legislative observatory
- Treaty:
- Trattat dwar il-Funzjonament tal-Unjoni Ewropea
- Legal basis:
- Proposal:
-
- 52014PC0721 Adopted on: 08/10/2015
- Link
- Link
- Link
- Link
- Link
- Select all documents mentioning this document
- Instruments cited:
- Link
- Related document(s):
-
- 22015A1021(01) Relation
- EUROVOC descriptor:
- Subject matter:
- Directory code:
-
- 07.30.50.00 Politika tat-trasport / Trasport bil-Baħar / Relazzjonijiet internazzjonali
|
21.10.2015 |
MT |
Il-Ġurnal Uffiċjali tal-Unjoni Ewropea |
L 276/1 |
DEĊIŻJONI TAL-KUNSILL (UE) 2015/1878
tat-8 ta' Ottubru 2015
li tawtorizza lir-Renju tal-Belġju u lir-Repubblika tal-Polonja, rispettivament, biex jirratifikaw, u lir-Repubblika tal-Awstrija biex taderixxi mal-Konvenzjoni ta' Budapest dwar il-Kuntratt tat-Trasport ta' Merkanzija permezz ta' Passaġġi tal-Ilma Interni (CMNI)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 81(2), flimkien mal-punt (a) tal-Artikolu 218(6) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-kunsens tal-Parlament Ewropew,
Billi:
|
(1) |
Il-Konvenzjoni ta' Budapest dwar il-Kuntratt tat-Trasport ta' Merkanzija permezz ta' Passaġġi tal-Ilma Interni (CMNI) (“il-Konvenzjoni ta' Budapest” jew “il-Konvenzjoni”) hija strument siewi biex jiġi promoss it-tbaħħir intern madwar l-Ewropa. |
|
(2) |
L-Unjoni għandha kompetenza esterna esklużiva b'mod partikolari fir-rigward tal-Artikolu 29 tal-Konvenzjoni ta' Budapest sa fejn id-dispożizzjonijiet ta' dak l-Artikolu jaffettwaw ir-regoli stabbiliti fir-Regolament (KE) Nru 593/2008 tal-Parlament Ewropew u tal-Kunsill (1). |
|
(3) |
Il-Konvenzjoni ta' Budapest mhijiex miftuħa għall-parteċipazzjoni minn Organizzazzjonijiet ta' Integrazzjoni Ekonomika Reġjonali bħall-Unjoni Ewropea. Konsegwentement, l-Unjoni mhijiex f'pożizzjoni li ssir Parti Kontraenti għall-Konvenzjoni. |
|
(4) |
L-Istati Membri li għandhom passaġġi tal-ilma interni navigabbli li jaqgħu fil-kamp ta' applikazzjoni tal-Konvenzjoni ta' Budapest għandhom għaldaqstant jiġu awtorizzati biex jirratifikaw jew jaċċedu għall-Konvenzjoni. |
|
(5) |
Ir-Renju tal-Belġju, ir-Repubblika tal-Bulgarija, ir-Repubblika Ċeka, ir-Repubblika Federali tal-Ġermanja, ir-Repubblika Franċiża, ir-Repubblika tal-Kroazja, il-Gran Dukat tal-Lussemburgu, l-Ungerija, ir-Renju tan-Netherlands, ir-Rumanija u r-Repubblika Slovakka huma Partijiet Kontraenti għall-Konvenzjoni ta' Budapest. |
|
(6) |
Ir-Renju tal-Belġju rratifika l-Konvenzjoni ta' Budapest wara l-adozzjoni tar-Regolament (KE) Nru 593/2008 li permezz tiegħu l-Unjoni kisbet kompetenza esterna esklużiva. Il-Kunsill għandu għalhekk jawtorizza ex post lir-Renju tal-Belġju biex jirratifika l-Konvenzjoni. |
|
(7) |
Ir-Repubblika tal-Awstrija u r-Repubblika tal-Polonja, li għandhom passaġġi tal-ilma interni navigabbli li jaqgħu fil-kamp ta' applikazzjoni tal-Konvenzjoni ta' Budapest, esprimew l-interess tagħhom li jsiru Partijiet Kontraenti għall-Konvenzjoni. |
|
(8) |
L-Istati Membri li jifdal tal-Unjoni indikaw li ma għandhomx passaġġi tal-ilma interni navigabbli li jaqgħu fil-kamp ta' applikazzjoni tal-Konvenzjoni ta' Budapest u għalhekk ma għandhomx interess li jirratifikaw jew jaderixxu mal-Konvenzjoni. |
|
(9) |
Il-Konvenzjoni ta' Budapest tippermetti lill-Istati Kontraenti li jagħmlu dikjarazzjonijiet rigward il-kamp ta' applikazzjoni tal-Konvenzjoni. Kif opportun, ir-Repubblika tal-Awstrija u r-Repubblika tal-Polonja għandhom jagħmlu d-dikjarazzjonijiet permessi taħt id-dispożizzjonijiet tagħha, li huma jħossu li jkunu xierqa u meħtieġa. |
|
(10) |
Ir-Renju Unit u l-Irlanda huma marbutin bir-Regolament (KE) Nru 593/2008 u għalhekk qegħdin jieħdu sehem fl-adozzjoni u l-applikazzjoni ta' din id-Deċiżjoni. |
|
(11) |
F'konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex qed tieħu sehem fl-adozzjoni ta' din id-Deċiżjoni u mhijiex marbuta biha jew soġġetta għall-applikazzjoni tagħha, |
ADOTTA DIN ID-DEĊIŻJONI:
Artikolu 1
Il-Kunsill b'dan jawtorizza rispettivament lir-Renju tal-Belġju u lir-Repubblika tal-Polonja biex jirratifikaw u lir-Repubblika tal-Awstrija biex taderixxi mal-Konvenzjoni ta' Budapest dwar il-Kuntratt tat-Trasport ta' Merkanzija permezz ta' Passaġġi tal-Ilma Interni (CMNI).
It-test tal-Konvenzjoni jinsab mehmuż ma' din id-Deċiżjoni.
Artikolu 2
Ir-Repubblika tal-Awstrija u r-Repubblika tal-Polonja għandhom jagħmlu d-dikjarazzjonijiet adatti li huma permessi taħt id-dispożizzjonijiet tal-Konvenzjoni ta' Budapest.
Artikolu 3
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Deċiżjoni hija indirizzata lir-Renju tal-Belġju, ir-Repubblika tal-Awstrija u r-Repubblika tal-Polonja.
Magħmul fil-Lussemburgu, it-8 ta' Ottubru 2015.
Għall-Kunsill
Il-President
J. ASSELBORN
(1) Regolament (KE) Nru 593/2008 tal-Parlament Ewropew u tal-Kunsill tas-17 ta' Ġunju 2008 dwar il-liġi applikabbli għall-obbligazzjonijiet kuntrattwali (Ruma I) (ĠU L 177, 4.7.2008, p. 6).
