This document is an excerpt from the EUR-Lex website
Document 32015D1353
Commission Implementing Decision (EU) 2015/1353 of 3 August 2015 amending Annex II to Decision 2007/777/EC as regards the entry for South Africa in the list of third countries or parts thereof from which the introduction of meat products and treated stomachs, bladders and intestines into the Union is authorised in relation to highly pathogenic avian influenza (notified under document C(2015) 5290) (Text with EEA relevance)
Deċiżjoni ta' Implimentazzjoni tal-Kummissjoni (UE) 2015/1353 tat-3 ta' Awwissu 2015 li temenda l-Anness II tad-Deċiżjoni 2007/777/KE dwar l-entrata għall-Afrika t'Isfel fil-lista ta' pajjiżi terzi jew partijiet minnhom minn fejn hija awtorizzata l-introduzzjoni fl-Unjoni ta' prodotti tal-laħam u ta' stonkijiet, bżieżaq tal-awrina u msaren ittrattati, fir-rigward tal-influwenza tat-tjur b'patoġeniċità għolja (notifikata bid-dokument C(2015) 5290) (Test b'rilevanza għaż-ŻEE)
Deċiżjoni ta' Implimentazzjoni tal-Kummissjoni (UE) 2015/1353 tat-3 ta' Awwissu 2015 li temenda l-Anness II tad-Deċiżjoni 2007/777/KE dwar l-entrata għall-Afrika t'Isfel fil-lista ta' pajjiżi terzi jew partijiet minnhom minn fejn hija awtorizzata l-introduzzjoni fl-Unjoni ta' prodotti tal-laħam u ta' stonkijiet, bżieżaq tal-awrina u msaren ittrattati, fir-rigward tal-influwenza tat-tjur b'patoġeniċità għolja (notifikata bid-dokument C(2015) 5290) (Test b'rilevanza għaż-ŻEE)
ĠU L 208, 5.8.2015, p. 36–38
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 20/04/2021; Impliċitament imħassar minn 32020R0692
Relation | Act | Comment | Subdivision concerned | From | To |
---|---|---|---|---|---|
Modifies | 32007D0777 | Sostituzzjoni | anness II P. 2 Test | 25/08/2015 | |
Modifies | 32007D0777 | Sostituzzjoni | anness II P. 3 Test | 25/08/2015 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32020R0692 | 21/04/2021 |
5.8.2015 |
MT |
Il-Ġurnal Uffiċjali tal-Unjoni Ewropea |
L 208/36 |
DEĊIŻJONI TA' IMPLIMENTAZZJONI TAL-KUMMISSJONI (UE) 2015/1353
tat-3 ta' Awwissu 2015
li temenda l-Anness II tad-Deċiżjoni 2007/777/KE dwar l-entrata għall-Afrika t'Isfel fil-lista ta' pajjiżi terzi jew partijiet minnhom minn fejn hija awtorizzata l-introduzzjoni fl-Unjoni ta' prodotti tal-laħam u ta' stonkijiet, bżieżaq tal-awrina u msaren ittrattati, fir-rigward tal-influwenza tat-tjur b'patoġeniċità għolja
(notifikata bid-dokument C(2015) 5290)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta' prodotti li joriġinaw mill-annimali u li huma għall-konsum uman (1), u b'mod partikolari l-frażi introduttorja tal-Artikolu 8, l-ewwel subparagrafu tal-punt 1 tal-Artikolu 8, il-punt 4 tal-Artikolu 8, u l-Artikolu 9(4)(c) tagħha,
Billi:
(1) |
Id-Deċiżjoni tal-Kummissjoni 2007/777/KE (2) tistipula r-regoli tas-saħħa tal-annimali u tas-saħħa pubblika għall-importazzjoni fl-Unjoni u t-tranżitu minnha ta' kunsinni ta' prodotti tal-laħam u ta' stonkijiet, bżieżaq tal-awrina u msaren ittrattati (“il-prodotti”). |
(2) |
Il-Partijiet 2 u 3 tal-Anness II tad-Deċiżjoni 2007/777/KE jistabbilixxu listi ta' pajjiżi terzi jew partijiet minnhom, minn fejn hija awtorizzata l-introduzzjoni fl-Unjoni tal-prodotti, sakemm il-prodotti jkun sarilhom it-trattament rilevanti kif stabbilit fil-Parti 4 ta' dak l-Anness. |
(3) |
L-Afrika t'Isfel hija elenkata fil-Partijiet 2 u 3 tal-Anness II tad-Deċiżjoni 2007/777/KE bħala pajjiż terz li minnu huma awtorizzati l-importazzjoni fl-Unjoni u t-tranżitu minnha ta' prodotti miksuba minn tjur tal-irziezet, tjur imrobbija għall-kaċċa u tjur tal-kaċċa selvaġġi mit-territorju kollu tiegħu. |
(4) |
Wara t-tifqigħat tal-influwenza tat-tjur b'patoġeniċità għolja (“HPAI”) tas-sottotip H5N2 li seħħew f'April 2011 fit-territorju tal-Afrika t'Isfel, id-Deċiżjoni 2007/777/KE ġiet emendata bir-Regolament ta' Implimentazzjoni tal-Kummissjoni (UE) Nru 536/2011 (3) sabiex tistipula li l-prodotti kollha msemmija hawn fuq jistgħu jiġu awtorizzati biss għall-introduzzjoni mill-Afrika t'Isfel fl-Unjoni wara li jkunu suġġetti għat-trattament “D” stabbilit fil-Parti 4 tal-Anness II tad-Deċiżjoni 2007/777/KE li tipprevedi l-inattivazzjoni ta' xi vajrus possibbli li jkun jinsab fil-prodott. Barra dan, fir-rigward tal-evoluzzjoni tas-sitwazzjoni tal-marda ġew adottati r-Regolamenti ta' Implimentazzjoni tal-Kummissjoni (UE) Nru 991/2011 (4) u (UE) Nru 110/2012 (5). |
(5) |
Fit-2 ta' Marzu 2015 l-Afrika t'Isfel ppreżentat informazzjoni dwar l-istatus tagħha tal-HPAI u ddikkjarat li t-territorju kollu tagħha hu ħieles minn dik il-marda. |
(6) |
Bħalissal-Kummissjoni qed tevalwa din l-informazzjoni. Skont dik l-evalwazzjoni, kif ukoll il-garanziji mogħtija mill-Afrika t'Isfel, huwa xieraq li jiġi emendat it-trattament preskritt għall-prodotti koperti bid-Deċiżjoni 2007/777/KE sabiex titqies is-sitwazzjoni favorevoli tal-marda. |
(7) |
Għalhekk il-Partijiet 2 u 3 tal-Anness II tad-Deċiżjoni 2007/777/KE għandhom jiġu emendati skont dan. |
(8) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Anness II tad-Deċiżjoni 2007/777/KE huwa emendat skont l-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, it-3 ta' Awwissu 2015.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 18, 23.1.2003, p. 11.
(2) Id-Deċiżjoni tal-Kummissjoni 2007/777/KE tad-29 ta' Novembru 2007 li tistipula l-kundizzjonijiet tas-saħħa tal-annimali u tas-saħħa pubblika kif ukoll il-mudelli taċ-ċertifikati għall-importazzjonijiet ta' ċerti prodotti tal-laħam u ta' stonkijiet, bżieżaq tal-awrina u msaren ittrattati għall-konsum mill-bniedem minn pajjiżi terzi u li tirrevoka d-Deċiżjoni 2005/432/KE (ĠU L 312, 30.11.2007, p. 49).
(3) Ir-Regolament ta' Implimentazzjoni tal-Kummissjoni (UE) Nru 536/2011 tal-1 ta' Ġunju 2011 li jemenda l-Anness II tad-Deċiżjoni 2007/777/KE u l-Anness I tar-Regolament (KE) Nru 798/2008 fir-rigward tad-dħul tal-Afrika t'Isfel fil-listi tal-pajjiżi terzi jew partijiet tagħhom (ĠU L 147, 2.6.2011, p. 1).
(4) Ir-Regolament ta' Implimentazzjoni tal-Kummissjoni (UE) Nru 991/2011 tal-5 ta' Ottubru 2011 li jemenda l-Anness II tad-Deċiżjoni 2007/777/KE u l-Anness I tar-Regolament (KE) Nru 798/2008 fir-rigward tad-dħul tal-Afrika t'Isfel fil-listi tal-pajjiżi terzi jew partijiet tagħhom f'dak li jirrigwarda influwenza tat-tjur patoġenika ħafna (ĠU L 261, 6.10.2011, p. 19).
(5) Ir-Regolament ta' Implimentazzjoni tal-Kummissjoni (UE) Nru 110/2012 tad-9 ta' Frar 2012 li jemenda l-Anness II mad-Deċiżjoni 2007/777/KE u l-Anness I mar-Regolament (KE) Nru 798/2008 fir-rigward tal-annotazzjonijiet għall-Afrika t'Isfel fil-listi tal-pajjiżi terzi jew partijiet tagħhom (ĠU L 37, 10.2.2012, p. 50).
ANNESS
L-Anness II tad-Deċiżjoni 2007/777/KE huwa emendat kif ġej:
(1) |
fil-Parti 2, l-entrata għall-Afrika t'Isfel tinbidel b'dan li ġej:
|
(2) |
fil-Parti 3, l-entrata għall-Afrika t'Isfel tinbidel b'dan li ġej:
|