Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32014R1169

Regolament ta' Implimentazzjoni tal-Kummissjoni (UE) Nru 1169/2014 tal- 31 ta' Ottubru 2014 li jemenda r-Regolament ta' Implimentazzjoni tal-Kummissjoni (UE) Nru 416/2014 li jwassal għall-ftuħ u l-amministrazzjoni ta' kwoti tariffarji tal-Unjoni għall-importazzjoni ta' ċerti ċereali li joriġinaw mill-Ukraina

ĠU L 314, 31.10.2014, p. 28–30 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2014/1169/oj

Date of document:
31/10/2014
Date of effect:
01/11/2014; Dħul fis-seħħ Data tal-pubblikazzjoni + 1 Ara Art. 2
Date of effect:
02/11/2014; Applikazzjoni Ara Art. 2
Date of end of validity:
No end date
Author:
Il-Kummissjoni Ewropea
Form:
Regolament implimentattiv
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32014R0416 Sostituzzjoni anness 02/11/2014
Modifies 32014R0416 Sostituzzjoni artikolu 1 1 Test 02/11/2014
Modifies 32014R0416 Sostituzzjoni artikolu 2 1 Test 02/11/2014
Modifies 32014R0416 Sostituzzjoni artikolu 3 02/11/2014
Instruments cited:
Link

31.10.2014   

MT

Il-Ġurnal Uffiċjali tal-Unjoni Ewropea

L 314/28

REGOLAMENT TA' IMPLIMENTAZZJONI TAL-KUMMISSJONI (UE) Nru 1169/2014

tal-31 ta' Ottubru 2014

li jemenda r-Regolament ta' Implimentazzjoni tal-Kummissjoni (UE) Nru 416/2014 li jwassal għall-ftuħ u l-amministrazzjoni ta' kwoti tariffarji tal-Unjoni għall-importazzjoni ta' ċerti ċereali li joriġinaw mill-Ukraina

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 tal-Kunsill (1), u b'mod partikulari l-Artikolu 187(a) u (b) tiegħu,

Billi:

(1)

Ir-Regolament (UE) Nru 374/2014 tal-Parlament Ewropew u tal-Kunsill (2) jipprevedi arranġamenti preferenzjali dwar id-dazji doganali marbuta mal-importazzjoni ta' ċerti oġġetti li joriġinaw mill-Ukraina. Skont l-Artikolu 3 ta' dak ir-Regolament, il-prodotti agrikoli elenkati fl-Anness III tiegħu għandhom jitħallew jiġu impurtati fl-Unjoni fil-limiti tal-kwoti tariffarji stabbiliti f'dak l-Anness.

(2)

Ir-Regolament ta' Implimentazzjoni tal-Kummissjoni (UE) Nru 416/2014 (3) fetaħ il-kwoti tariffarji fuq l-importazzjoni ta' ċerti ċereali li joriġinaw mill-Ukraina sal-31 ta' Ottubru 2014 u ppreveda l-amministrazzjoni tagħhom.

(3)

Ir-Regolament (UE) Nru 374/2014 ġie emendat mir-Regolament (UE) Nru 1150/2014 tal-Parlament Ewropew u tal-Kunsill (4). B'mod essenzjali, l-emenda tikkonsisti mit-titwil taż-żmien tal-applikabbiltà tar-Regolament (UE) Nru 374/2014 sal-31 ta' Diċembru 2015 u l-istabbiliment tal-kwantitajiet tal-kwoti għas-sena 2015.

(4)

Għalhekk jeħtieġ li r-Regolament ta' Implimentazzjoni (UE) Nru 416/2014 jiġi emendat skont dan.

(5)

Il-miżuri previsti f'dan ir-Regolament jikkonformaw mal-opinjoni tal-Kumitat għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

Emendi għar-Regolament ta' Implimentazzjoni (UE) Nru 416/2014

Ir-Regolament ta' Implimentazzjoni (UE) Nru 416/2014 huwa emendat kif ġej:

(1)

Fl-Artikolu 1(1), id-data tal-“31 ta' Ottubru 2014” għandha tiġi sostitwita bid-data tal-“31 ta' Diċembru 2015”;

(2)

Fl-Artikolu 2(1) it-tieni subparagrafu jinbidel b'dan li ġej:

“L-applikazzjonijiet għal-liċenzji tal-importazzjoni għandhom jitressqu għand l-awtoritajiet kompetenti tal-Istati Membri kull ġimgħa, sa mhux aktar tard mill-Ġimgħa fis-13:00, ħin ta' Brussell. Ma jkunux jistgħu jitressqu aktar:

(a)

wara l-Ġimgħa 12 ta' Diċembru 2014 fis-13:00, ħin ta' Brussell, għas-sena 2014;

(b)

wara l-Ġimgħa 11 ta' Diċembru 2015 fis-13:00, ħin ta' Brussell, għas-sena 2015.”
;

(3)

L-Artikolu 3 jinbidel b'dan li ġej:

“Artikolu 3

Il-validità tal-liċenzji tal-importazzjoni

It-tul tal-validità tal-liċenzji tal-importazzjoni jibda mill-jum meta din tinħareġ effettivament, bi qbil mal-Artikolu 22(2) tar-Regolament (KE) Nru 376/2008, u jintemm fi tmiem it-tieni xahar ta' wara dan il-jum. F'kwalunkwe każ, din il-validità tiskadi mhux aktar tard mill-31 ta' Diċembru 2014 għas-sena 2014 u mhux aktar tard mill-31 ta' Diċembru 2015 għas-sena 2015, rispettivament.”

;

(4)

l-Anness hu mibdul bit-test li jidher fl-Anness ma' dan ir-Regolament.

Artikolu 2

Id-dħul fis-seħħ u l-applikazzjoni

Dan ir-Regolament jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Għandu jgħodd b'effett mit-2 ta' Novembru 2014.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, il-31 ta' Ottubru 2014.

Għall-Kummissjoni

Il-President

José Manuel BARROSO

(1)  ĠU L 347, 20.12.2013, p. 671.

(2)  Ir-Regolament (UE) Nru 374/2014 tal-Parlament Ewropew u tal-Kunsill tas-16 ta' April 2014 dwar it-tnaqqis jew l-eliminazzjoni tad-dazji doganali fuq oġġetti li joriġinaw fl-Ukraina (ĠU L 118, 22.4.2014, p. 1).

(3)  Ir-Regolament ta' Implimentazzjoni tal-Kummissjoni (UE) Nru 416/2014 tat-23 ta' April 2014 li jwassal għall-ftuħ ul-amministrazzjoni ta' kwoti tariffarji tal-Unjoni għall-importazzjoni ta' ċerti ċereali li joriġinaw mill-Ukraina (ĠU L 121, 24.4.2014, p. 53).

(4)  Ir-Regolament (UE) Nru 1150/2014 tal-Parlament Ewropew u tal-Kunsill tad-29 ta' Ottubru 2014 li jemenda r-Regolament (UE) Nru 374/2014 dwar it-tnaqqis jew l-eliminazzjoni tad-dazji doganali fuq oġġetti li joriġinaw fl-Ukraina (ĠU L 313, 31.10.2014, p. 1).

ANNESS

“ANNESS

Mingħajr ħsara għar-regoli tal-interpretazzjoni tan-Nomenklatura Magħquda, il-kliem tad-deskrizzjoni tal-prodotti għandu jitqies bħala ta' valur indikattiv biss, minħabba li l-applikabbiltà tal-arranġamenti preferenzjali, fil-kuntest ta' dan l-Anness, tiddependi mill-ambitu tal-kodiċijiet tan-NM. Meta l-kodiċijiet tan-NM ikollhom ‘ex’ quddiemhom, l-użu tal-iskema preferenzjali għandu jiġi stabbilit abbażi tal-kodiċi tan-NM u tad-deskrizzjoni tal-prodott.

Numru tal-ordni

Kodiċi tan-NM

Deskrizzjoni tal-prodotti

Perjodu

Kwantità f'tunnellati

09.4306

1001 99 (00)

qamħ spelt, qamħ komuni u meslin (wiċċ imħallat ta' qamħ u segala), minbarra ż-żerriegħa

Sena 2014

Sena 2015

950 000

950 000

1101 00 (15-90)

dqiq tal-qamħ komuni u tal-ispelt, dqiq tal-meslin

1102 90 (90)

dqiq taċ-ċereali ħlief il-qamħ, il-meslin, is-segala, il-qamħirrum, ix-xgħir, il-ħafur, ir-ross

1103 11 (90)

qamħ komuni u spelt mitħun oħxon u dqiq oħxon tagħhom

1103 20 (60)

gerbub tal-qamħ

09.4307

1103 90 (00)

xgħir, minbarra ż-żerriegħa

Sena 2014

Sena 2015

250 000

250 000

1102 90 (10)

dqiq tax-xgħir

ex 1103 20 (25)

gerbub tax-xgħir

09.4308

1005 90 (00)

qamħirrum minbarra ż-żerriegħa

Sena 2014

Sena 2015

400 000

400 000 ”

1102 20 (10-90)

dqiq tal-qamħirrum

1103 13 (10-90)

qamħirrum mitħun oħxon (groats) u pasta tal-qamħirrum

1103 20 (40)

gerbub tal-qamħirrum

1104 23 (40-98)

ħbub oħrajn maħdumin tal-qamħirrum
Top