This document is an excerpt from the EUR-Lex website
Document 32014R0178
Commission Delegated Regulation (EU) No 178/2014 of 6 November 2013 supplementing Regulation (EU) No 229/2013 of the European Parliament and of the Council laying down specific measures for agriculture in favour of the smaller Aegean islands
Regolament ta’ Delega tal-Kummissjoni (UE) Nru 178/2014 tas- 6 ta’ Novembru 2013 li jissumplimenta r-Regolament (UE) Nru 229/2013 tal-Parlament Ewropew u tal-Kunsill li jistabbilixxi miżuri speċifiċi għall-agrikoltura favur il-gżejjer minuri fil-baħar Eġew
Regolament ta’ Delega tal-Kummissjoni (UE) Nru 178/2014 tas- 6 ta’ Novembru 2013 li jissumplimenta r-Regolament (UE) Nru 229/2013 tal-Parlament Ewropew u tal-Kunsill li jistabbilixxi miżuri speċifiċi għall-agrikoltura favur il-gżejjer minuri fil-baħar Eġew
ĠU L 63, 4.3.2014, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 06/11/2013
- Date of effect:
- 07/03/2014; Dħul fis-seħħ Data tal-pubblikazzjoni +3 Ara Art. 5
- Date of end of validity:
- No end date
- Author:
- Il-Kummissjoni Ewropea
- Responsible body:
- Directorate-General for Agriculture and Rural Development
- Form:
- Regolament delegat
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32013R0229 - A11P2L2 32013R0229 - A15P4L3 32013R0229 - A18P4
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Repeal 32006R1914 Repeal 32007R1273 Repeal 32009R0318 Modifies 32012R0666 Revoka parzjali - Instruments cited:
- Link
- EUROVOC descriptor:
- Subject matter:
- Directory code:
-
- 03.30.10.00 Agrikoltura / Strutturi agrikoli / Miżuri soċjali u miżuri strutturali
|
4.3.2014 |
MT |
Il-Ġurnal Uffiċjali tal-Unjoni Ewropea |
L 63/1 |
REGOLAMENT TA’ DELEGA TAL-KUMMISSJONI (UE) Nru 178/2014
tas-6 ta’ Novembru 2013
li jissumplimenta r-Regolament (UE) Nru 229/2013 tal-Parlament Ewropew u tal-Kunsill li jistabbilixxi miżuri speċifiċi għall-agrikoltura favur il-gżejjer minuri fil-baħar Eġew
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 229/2013 tal-Parlament Ewropew u tal-Kunsill tat-13 ta’ Marzu 2013, li jistabbilixxi miżuri speċifiċi għall-agrikoltura favur il-gżejjer minuri tal-Eġew u li jħassar ir-Regolament tal-Kunsill (KE) Nru 1405/2006 (1), u b’mod partikolari t-tieni subparagrafu tal-Artikolu 11(2), it-tielet subparagrafu tal-Artikolu 15(4) u tal-Artikolu 18(4) tiegħu,
Billi:
|
(1) |
Ir-Regolament tal-Kunsill (UE) Nru 229/2013 ħassar u ssostitwixxa r-Regolament (KE) Nru 1405/2006 (2). Ir-Regolament (UE) Nru 229/2013 jagħti s-setgħa lill-Kummissjoni biex tadotta atti ddelegati u ta’ implimentazzjoni. Sabiex ikun żgurat il-funzjonament bla xkiel tal-iskema fil-qafas legali l-ġdid, ir-regoli rilevanti għandhom jiġu adottati permezz ta’ atti ta’ din ix-xorta. Ir-regoli l-ġodda għandhom jieħdu post ir-regoli ta’ implimentazzjoni tar-Regolament tal-Kummissjoni (KE) Nru 1914/2006 (3). |
|
(2) |
Sabiex ikun żgurat li l-operaturi jeżerċitaw bis-sħiħ id-drittijiet tagħhom biex jieħdu sehem fl-arranġamenti speċifiċi ta’ provvista, il-kundizzjonijiet għar-reġistrazzjoni tagħhom fir-reġistru tal-operaturi għandhom jiġu determinati. L-operaturi reġistrati huma intitolati biex jibbenefikaw mill-arranġament, sakemm jissodisfaw l-obbligazzjonijiet stabbiliti fir-regoli tal-Unjoni u dawk nazzjonali. L-applikanti għandhom ikunu intitolati għar-reġistrazzjoni sakemm jilħqu ċertu numru ta' rekwiżiti oġġettivi mfassla biex jiffaċilitaw l-amministrazzjoni tal-iskema. |
|
(3) |
Sabiex jingħata appoġġ lill-bejgħ tal-prodotti barra mir-reġjun tal-produzzjoni tagħhom, il-kundizzjonijiet għall-istabbiliment tal-ammont tal-għajnuna mogħtija fir-rigward ta’ prodotti bħal dawn u, fejn xieraq, il-kundizzjonijiet biex jiġu stabbiliti l-kwantitajiet ta’ prodotti soġġetti għal dik l-għajnuna għandhom jiġu stabbiliti. Konsegwentement, għandhom jiġu stabbiliti regoli addizzjonali relatati mas-sostenn għat-tqegħid fis-suq ta’ ċertu prodotti lokali li jiddeterminaw il-kundizzjonijiet biex jiġi stabbilit l-ammont massimu ta’ għajnuna li għandu jingħata u l-kwantitajiet massimi ta’ prodotti li jistgħu jiġu soġġetti għal dik l-għajnuna. |
|
(4) |
Sabiex tiġi żgurata allokazzjoni raġonevoli u proporzjonata għall-miżuri ta’ finanzjament fir-rigward tal-istudji, tal-proġetti dimostrattivi, tat-taħriġ u tal-miżuri ta’ għajnuna teknika, il-Kummissjoni għandha tistabbilixxi l-ammont massimu annwali li jista’ jiġi allokat għal dawn il-miżuri. |
|
(5) |
Għal raġunijiet ta’ ċertezza u ċarezza legali, ir-Regolament (KE) Nru 1914/2006 għandu jitħassar, |
ADOTTAT DAN IR-REGOLAMENT:
Artikolu 1
Reġistru tal-operaturi
1. Ċertifikati tal-assistenza għandhom jinħarġu biss lil dawk l-operaturi mniżżla f’reġistru ta’ operaturi li jagħmlu attività ekonomika skont l-arranġamenti speċifiċi tal-provvista miżmuma mill-awtoritajiet kompetenti (minn hawn ’il quddiem imsejjaħ “ir-reġistru”).
2. Kull operatur stabbilit fil-Komunità jista’ japplika biex jiddaħħal fir-reġistru.
Id-dħul fir-reġistru għandu jkun soġġett għall-kundizzjonijiet li ġejjin:
|
(a) |
l-operaturi għandu jkollhom il-mezzi, l-istrutturi u l-awtorizzazzjonijiet legali meħtieġa biex jagħmlu l-attivitajiet tagħhom u għandhom, b’mod partikolari, ikunu konformi mal-obbligi tagħhom rigward il-kontabilità kummerċjali kif jixraq u t-tassazzjoni; |
|
(b) |
l-operaturi jridu jkunu jistgħu jiggarantixxu li l-attivitajiet tagħhom jitwettqu fil-gżejjer minuri fil-baħar Eġew; |
|
(c) |
l-operaturi jibqgħu responsabbli għall-konformità mar-rekwiżiti kollha sottoskritti meta jwettqu operazzjoni tal-arranġamenti tal-provvista sakemm isir il-bejgħ lill-utent aħħari. |
Artikolu 2
L-ammont ta’ għajnuna għal tqegħid fis-suq barra mir-reġjun tal-produzzjoni
1. L-ammont ta’ għajnuna mogħtija skont il-Kapitolu IV tar-Regolament (UE) Nru 229/2013 fir-rigward tal-appoġġ għat-tqegħid fis-suq u t-trasport ta’ materja prima u prodotti pproċessati barra mir-reġjun tal-produzzjoni tagħhom ma għandhiex taqbeż l-10 % tal-valur tal-produzzjoni mqiegħda, u kkunsenjata fiż-żona tad-destinazzjoni, ikkalkulata skont il-paragrafu 2 ta’ dan l-Artikolu.
Madanakollu, il-limitu stabbilit fl-ewwel subparagrafu ma għandux jaqbeż it-13 % tal-valur tal-produzzjoni mqiegħda fis-suq fejn il-kuntrattur għall-produtturi huwa assoċjazzjoni, unjoni jew organizzazzjoni tal-produtturi.
2. Għall-fini tal-kalkolu tal-għajnuna, il-valur tal-produzzjoni mqiegħda fis-suq, u kkunsenjata liż-żona tad-destinazzjoni għandu jiġi evalwat abbażi tal-kuntratt annwali (fejn applikabbli), id-dokumenti tat-trasport partikolari u kwalunkwe dokumenti relatati oħra sottomessi biex jiġġustifikaw l-applikazzjoni għall-ħlas.
Il-valur tal-produzzjoni mqiegħda fis-suq li jrid jitqies għandu jkun dak tal-kunsinna sal-aħħar port jew ajruport tal-ħatt.
L-awtoritajiet kompetenti jistgħu jitolbu kwalunkwe informazzjoni jew dokumentazzjoni addizzjonali bħala sostenn kif xieraq għall-kalkolu tal-għajnuna.
3. Il-kundizzjonijiet għall-għoti ta’ assistenza, il-linji tal-produzzjoni agrikola u l-ammonti kkonċernati għandhom jiġu speċifikati fil-programm ta' appoġġ imsemmi fil-Kapitolu II tar-Regolament (UE) Nru 229/2013.
Artikolu 3
Finanzjament ta’ studji, proġetti ta’ wiri, taħriġ jew miżuri ta’ assistenza teknika
L-ammont meħtieġ biex jiffinanzja studji finanzjarji, proġetti ta’ dimostrazzjoni, taħriġ u miżuri ta’ assistenza teknika stipulati fil-programm ta' appoġġ imsemmi fil-Kapitolu II tar-Regolament (UE) Nru 229/2013 għall-implimentazzjoni ta’ dak il-programm ma għandux jaqbeż il-1 % tal-ammont totali tal-finanzjament previst fl-Artikolu 18(2) ta' dak ir-Regolament.
Artikolu 4
Revoka
Ir-Regolament (KE) Nru 1914/2006 huwa rrevokat.
Artikolu 5
Dħul fis-seħħ
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta’ Novembru 2013.
Għall-Kummissjoni
Il-President
José Manuel BARROSO
(1) ĠU L 78, 20.03.2013, p. 41.
(2) Ir-Regolament tal-Kunsill (KE) Nru 1405/2006 tat-18 ta' Settembru 2006 li jistabbilixxi miżuri speċifiċi għall-agrikoltura favur il-gżejjer minuri tal-Eġew (ĠU L 265, 26.9.2006, p. 1).
(3) Ir-Regolament tal-Kummissjoni (KE) Nru 1914/2006 tal-20 ta' Diċembru 2006 li jistabbilixxi regoli dettaljati għall-applikazzjoni tar-Regolament tal-Kunsill (KE) 1405/2006 li jistabbilixxi miżuri speċifiċi għall-agrikoltura favur il-gżejjer Eġej iżgħar (ĠU L 365, 21.12.2006, p. 64).
