EUR-Lex Access to European Union law
This document is an excerpt from the EUR-Lex website
Document 32014R0166
Commission Implementing Regulation (EU) No 166/2014 of 17 February 2014 amending Regulation (EC) No 798/2008 as regards certification requirements for imports into the Union of meat of farmed ratites for human consumption and the entries for Israel and South Africa in the list of third countries or territories Text with EEA relevance
Regolament ta’ Implimentazzjoni tal-Kummissjoni (UE) Nru 166/2014 tas- 17 ta’ Frar 2014 li jemenda r-Regolament (KE) Nru 798/2008 fir-rigward tar-rekwiżiti ta’ ċertifikazzjoni għall-importazzjonijiet fl-Unjoni ta’ laħam ta’ għasafar li ma jtirux imrobbija fl-irziezet għall-konsum mill-bniedem, u l-entrati tal-Iżrael u tal-Afrika t’Isfel fil-lista ta’ pajjiżi terzi jew territorji Test b’relevanza għaż-ŻEE
Regolament ta’ Implimentazzjoni tal-Kummissjoni (UE) Nru 166/2014 tas- 17 ta’ Frar 2014 li jemenda r-Regolament (KE) Nru 798/2008 fir-rigward tar-rekwiżiti ta’ ċertifikazzjoni għall-importazzjonijiet fl-Unjoni ta’ laħam ta’ għasafar li ma jtirux imrobbija fl-irziezet għall-konsum mill-bniedem, u l-entrati tal-Iżrael u tal-Afrika t’Isfel fil-lista ta’ pajjiżi terzi jew territorji Test b’relevanza għaż-ŻEE
ĠU L 54, 22.2.2014, p. 2–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 20/04/2021; Impliċitament imħassar minn 32020R0692
Relation | Act | Comment | Subdivision concerned | From | To |
---|---|---|---|---|---|
Modifies | 32008R0798 | Emenda | anness I | 14/03/2014 |
Relation | Act | Comment | Subdivision concerned | From | To |
---|---|---|---|---|---|
Corrected by | 32014R0166R(01) | (CS) | |||
Corrected by | 32014R0166R(02) | (HU, DE) | |||
Implicitly repealed by | 32020R0692 | 21/04/2021 |
22.2.2014 |
MT |
Il-Ġurnal Uffiċjali tal-Unjoni Ewropea |
L 54/2 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 166/2014
tas-17 ta’ Frar 2014
li jemenda r-Regolament (KE) Nru 798/2008 fir-rigward tar-rekwiżiti ta’ ċertifikazzjoni għall-importazzjonijiet fl-Unjoni ta’ laħam ta’ għasafar li ma jtirux imrobbija fl-irziezet għall-konsum mill-bniedem, u l-entrati tal-Iżrael u tal-Afrika t’Isfel fil-lista ta’ pajjiżi terzi jew territorji
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/99/KE tas-16 ta’ Diċembru 2002 li tistabbilixxi r-regoli sanitarji għall-annimali li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali u li huma għall-konsum uman (1), u b’mod partikolari l-frażi ta’ introduzzjoni tal-Artikolu 8, l-ewwel paragrafu tal-punt 1 tal-Artikolu 8, il-punti 3 u 4 tal-Artikolu 8, u l-Artikolu 9(2)(b) tagħha,
Billi:
(1) |
Ir-Regolament tal-Kummissjoni (KE) Nru 798/2008 (2) jistabbilixxi li certu prodotti għandhom jiġu importati biss fl-Unjoni u jgħaddu fi tranżitu minnha, minn pajjiżi terzi, territorji, żoni jew kompartimenti elenkati fit-tabella li tinsab fil-Parti 1 tal-Anness I tiegħu. Jistipula wkoll ir-rekwiżiti ta’ ċertfikazzjoni veterinarja għal dawn il-prodotti. Dawk ir-rekwiżiti jqisu jekk japplikawx jew le kundizzjonijiet speċifiċi, u jekk humiex meħtieġa garanziji addizzjonali minħabba l-istat tal-marda ta’ dawk il-pajjiżi terzi, it-territorji, iż-żoni jew il-kompartimenti. Il-kundizzjonijiet speċifiċi u l-garanziji addizzjonali li magħhom għandhom ikunu konformi dawk il-prodotti huma stabbiliti fil-Parti 2 tal-Anness I tar-Regolament (KE) Nru 798/2008. |
(2) |
Il-Kapitolu III tar-Regolament (KE) Nru 798/2008 jistabbilixxi l-kundizzjonijiet skont liema pajjiż terz, territorju, żona jew kompartiment għandu jitqies bħala ħieles mill-influwenza tat-tjur b’patoġeniċità għolja (HPAI), u r-rekwiżiti għaċ-ċertifikazzjoni veterinarja f’dak ir-rigward għall-prodotti maħsuba biex jiġu importati fl-Unjoni. |
(3) |
L-Afrika t’Isfel esperjenzat tifqigħat tal-HPAI tas-sottotip H5N2 fi stabbilimenti tal-għasafar li ma jtirux f’żona b’densità għolja ta’ għasafar li ma jtirux fl-2004, fl-2006, kif ukoll minn April 2011. Għaldaqstant, l-importazzjonijiet ta’ ċerti prodotti magħmula minn għasafar li ma jtirux, inkluż il-laħam ta’ għasafar li ma jtirux imrobbija fl-irziezet, bħalissa huma ristretti mir-Regolament (KE) Nru 798/2008 kif emendat bir-Regolament ta’ Implimentazzjoni tal-Kummisjoni (UE) Nru 536/2011 (3). Bħalissal-Afrika t’Isfel mhijiex f’pożizzjoni li tiddikjara li tinsab ħielsa mill-HPAI. |
(4) |
Iż-żamma fil-beraħ ta’ għasafar li ma jtirux toħloq sfida speċifika għall-prevenzjoni tal-introduzzjoni possibbli ta’ vajruses tal-influwenza avjarja f’qatgħat ta’ għasafar li ma jtirux, b’mod partikolari mir-riżerva ta’ għasafar selvaġġi. L-awtorità kompetenti tal-Afrika t’Isfel, f’kollaborazzjoni mal-industrija tat-trobbija tal-għasafar li ma jtirux, żviluppat sistema mfassla apposta għall-produzzjoni tal-laħam ta’ għasafar li ma jtirux minn għasafar li jinżammu fi stabbilimenti magħluqa rreġistrati u li huma approvati mill-awtorità kompetenti. |
(5) |
Dawk l-istabbilimenti jinsabu taħt kontroll uffiċjali u taħt regoli stretti ta’ bijosigurtà, u fihom jiġu applikati kontrolli fuq il-moviment u testijiet fil-laboratorju. Barra minn hekk, fi stabbilimenti ta’ għasafar li ma jtirux li jinsabu f’raġġ ta’ distanza definit mill-istabbiliment magħluq irreġistrat u fit-territorju kollu tal-Afrika t’Isfel issir sorveljanza għall-influwenza avjarja. Waqt li kienu qed jiġu mfassla dawk ir-rekwiżiti ġew ikkunsidrati b’mod xieraq ir-rakkomandazzjonijiet tat-Tim ta’ Emerġenza Veterinarja tal-Komunità (CVET), li kien wettaq missjoni fl-Afrika t’Isfel fl-2011. |
(6) |
Filwaqt li kienet qed tistenna li toħroġ id-dikjarazzjoni li t-territorju kollu tagħha jinsab ħieles mill-HPAI, u sabiex tkun tista’ tagħti garanziji aħjar rigward is-sikurezza tal-laħam tal-għasafar li ma jtirux maħsub biex jiġi importat fl-Unjoni fil-futur, fil-5 ta’ Mejju 2013 l-Afrika t’Isfel ressqet proposta riveduta tas-sistema tal-istabbilimenti magħluqa rreġistrati li jitolbu awtorizzazzjoni għal importazzjonijiet ta’ laħam tal-għasafar li ma jtirux prodott minn għasafar li ma jtirux miżmuma fi stabbilimenti ta’ dan it-tip. |
(7) |
L-esperti tal-Kummissjoni u tal-Istati Membri evalwaw il-proposta u kkonkludew li s-sistema li ġiet stabbilita mill-Afrika t’Isfel għandha tipprevedi garanziji sodisfaċenti rigward l-importazzjonijiet fl-Unjoni ta’ laħam ta’ għasafar li ma jtirux minn għasafar li ma jtirux miżmuma fi stabbilimenti ta’ dan it-tip fir-rigward tar-riskji possibbli kkawżati mill-vajrus HPAI. |
(8) |
Għandha tiġi stabbilita kundizzjoni speċifika ġdida “H” fil-Parti 2 tal-Anness I tar-Regolament (KE) Nru 798/2008, li tipprevedi garanziji speċifiċi rigward is-sikurezza tal-laħam ta’ għasafar li ma jtirux imrobbija fi stabbilimenti għall-konsum mill-bniedem, u li hu prodott minn għasafar li ma jtirux miżmuma fi stabbilimenti magħluqa rreġistrati, inkluż garanziji fir-rigward ta’ tifqigħat possibbli ta’ HPAI fil-futur u li għandhom japplikaw fit-territorju tal-Afrika t’Isfel. Din il-kundizzjoni speċifika għandha tiġi inkluża wkoll fil-mudell taċ-ċertifikat veterinarju għal-laħam ta’ għasafar li ma jtirux imrobbija għall-konsum mill-bniedem. |
(9) |
Bħalissa, fl-entrata għall-Iżrael, il-Parti 1 tal-Anness I tar-Regolament (KE) Nru 798/2008 tindika ħames kodiċijiet differenti, IL-0 sa IL-4, li jikkorrispondu għal partijiet tat-territorju li ġew reġjonalizzati wara tifqigħat preċedenti ta’ HPAI f’dak il-pajjiż. Wara talba mill-Iżrael, u meta jitqies li l-laħam ta’ tjur, għasafar li ma jtirux jew tjur tal-kaċċa selvaġġi (POU, RAT, u WGM) prodott matul il-perjodi ta’ restrizzjonijiet m’għadux qed jiċċirkola fis-suq, iż-żoni differenti għandhom jiġu konsolidati, u l-entrata għall-Iżrael għandha tiġi modifikata kif xieraq. Għal raġunijiet ta’ trasparenza tas-suq u skont il-liġi pubblika internazzjonali, għandu jiġi ċċarat li l-kopertura territorjali taċ-ċertifikati hija limitata għat-territorju tal-Istat tal-Iżrael minbarra t-territorji taħt l-amministrazzjoni tal-Iżrael sa minn Ġunju 1967, jiġifieri l-Għoljiet ta’ Golan, l-Istrixxa ta’ Gaża, Ġerusalemm tal-Lvant u l-bqija tax-Xatt tal-Punent. |
(10) |
Ir-Regolament (KE) Nru 798/2008 għandu jiġi emendat skont dan. |
(11) |
Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Anness I tar-Regolament (KE) Nru 798/2008 huwa emendat skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-20 jum wara tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Frar 2014.
Għall-Kummissjoni
Il-President
José Manuel BARROSO
(1) ĠU L 18, 23.1.2003, p. 11.
(2) Ir-Regolament tal-Kummissjoni (KE) Nru 798/2008 tat-8 ta’ Awwissu 2008 li jistabbilixxi lista ta’ pajjiżi terzi, territorji, żoni jew kompartimenti li minnhom jistgħu jiġu impurtati u jsir tranżitu ta’ tjur u prodotti tat-tjur fil-Komunità u r-rekwiżiti ta’ ċertifikazzjoni veterinarja (ĠU L 226, 23.8.2008, p. 1).
(3) Ir-Regolament ta’ Implimentazzjoni tal-Kummissjoni (UE) Nru 536/2011 tal-1 ta’ Ġunju 2011 li jemenda l-Anness II tad-Deċiżjoni 2007/777/KE u l-Anness I tar-Regolament (KE) Nru 798/2008 fir-rigward tad-dħul tal-Afrika t’Isfel fil-listi tal-pajjiżi terzi jew partijiet tagħhom (ĠU L 147, 2.6.2011, p. 1).
ANNESS
L-Anness I tar-Regolament (KE) Nru 798/2008 huwa emendat b’dan li ġej:
(1) |
Il-Parti 1 hija emendata kif ġej:
|
(2) |
Il-Parti 2 hija emendata kif ġej:
|