This document is an excerpt from the EUR-Lex website
Document 32014D0154
2014/154/EU: Commission Implementing Decision of 19 March 2014 authorising the placing on the market of (6S)-5-methyltetrahydrofolic acid, glucosamine salt as a novel food ingredient under Regulation (EC) No 258/97 of the European Parliament and of the Council (notified under document C(2014) 1683)
2014/154/UE: Deċiżjoni ta’ Implimentazzjoni tal-Kummissjoni tad- 19 ta’ Marzu 2014 li tawtorizza t-tqegħid fis-suq tal-aċidu (6S)-5-metiltetraidrofoliku, melħ tal-glukosammina bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument C(2014) 1683)
2014/154/UE: Deċiżjoni ta’ Implimentazzjoni tal-Kummissjoni tad- 19 ta’ Marzu 2014 li tawtorizza t-tqegħid fis-suq tal-aċidu (6S)-5-metiltetraidrofoliku, melħ tal-glukosammina bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument C(2014) 1683)
ĠU L 85, 21.3.2014, p. 10–12
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Date of entry into force unknown (pending notification) or not yet in force.: This act has been changed. Current consolidated version: 17/12/2014
Relation | Act | Comment | Subdivision concerned | From | To |
---|---|---|---|---|---|
Modified by | 32014D0916 | Emenda | anness |
21.3.2014 |
MT |
Il-Ġurnal Uffiċjali tal-Unjoni Ewropea |
L 85/10 |
DEĊIŻJONI TA’ IMPLIMENTAZZJONI TAL-KUMMISSJONI
tad-19 ta’ Marzu 2014
li tawtorizza t-tqegħid fis-suq tal-aċidu (6S)-5-metiltetraidrofoliku, melħ tal-glukosammina bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument C(2014) 1683)
(Il-verżjoni bil-lingwa Taljana biss hija awtentika)
(2014/154/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar l-ikel il-ġdid u l-ingredjenti tal-ikel il-ġdid (1), u b’mod partikolari l-Artikolu 7 tiegħu,
Billi:
(1) |
Fit-28 ta’ Lulju 2011, il-kumpanija GNOSIS S.p.A talbet lill-awtoritajiet kompetenti tal-Irlanda biex tqiegħed fis-suq l-aċidu (6S)-5-metiltetraidrofoliku, melħ tal-glukosammina bħala ingredjent ġdid tal-ikel biex jintuża fis-supplimenti tal-ikel. |
(2) |
Fis-26 ta’ Ottubru 2011, il-korp kompetenti Irlandiż għall-valutazzjoni tal-ikel ħareġ ir-rapport ta’ valutazzjoni preliminari tiegħu. F’dak ir-rapport wasal għall-konklużjoni li l-aċidu (6S)-5-metiltetraidrofoliku, melħ tal-glukosammina jissodisfa l-kriterji stipulati fl-Artikolu 3(1) tar-Regolament (KE) Nru 258/97. |
(3) |
Fit-28 ta’ Frar 2012, il-Kummissjoni ppreżentat ir-rapport ta’ valutazzjoni preliminari lill-Istati Membri l-oħra. |
(4) |
Tqajmu xi oġġezzjonijiet motivati matul il-perjodu ta’ 60 jum li jistabbilixxi l-ewwel subparagrafu tal-Artikolu 6(4) tar-Regolament (KE) Nru 258/97. |
(5) |
Fl-14 ta’ Settembru 2012 u fil-5 ta’ Marzu 2013, il-Kummissjoni kkonsultat lill-Awtorità Ewropea dwar is-Sigurtà fl-Ikel (EFSA) u talbitha twettaq valutazzjoni tal-aċidu (6S)-5-metiltetraidrofoliku, melħ tal-glukosammina bħala ingredjent tal-ikel skont ir-Regolament (KE) Nru 258/97. |
(6) |
Fil-11 ta’ Settembru 2013, l-EFSA adottat Opinjoni Xjentifika dwar il-aċidu (6S)-5-metiltetraidrofoliku, melħ tal-glukosammina bħala sors ta’ folat miżjud mas-supplimenti tal-ikel għal għanijiet nutrittivi (2), li tikkonkludi li l-aċidu (6S)-5-metiltetraidrofoliku, melħ tal-glukosammina mhux ta’ tħassib għas-sikurezza bħala sors ta’ folat. |
(7) |
L-Opinjoni Xjentifika tagħti raġunijiet biżżejjed biex ikun stabbilit li l-aċidu (6S)-5-metiltetraidrofoliku, melħ tal-glukosammina bħala sors ta’ folat jikkonforma mal-kriterji stabbiliti fl-Artikolu 3(1) tar-Regolament (KE) Nru 258/97. |
(8) |
Id-Direttiva 2002/46/KE tal-Parlament Ewropew u tal-Kunsill (3), tistabbilixxi dispożizzjonijiet speċifiċi għall-użu ta’ vitamini u minerali fis-supplimenti tal-ikel. L-użu tal-aċidu (6S)-5-metiltetraidrofoliku, melħ tal-glukosammina għandu jiġi awtorizzat mingħajr preġudizzji għar-rekwiżiti ta’ din il-leġiżlazzjoni. |
(9) |
Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina tal-Ikel u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
L-aċidu (6S)-5-metiltetraidrofoliku, melħ tal-glukosammina bħala sors ta’ folat kif jispeċifika l-Anness jista’ jitqiegħed fis-suq tal-Unjoni bħala ingredjent ġdid tal-ikel biex jintuża fis-supplimenti tal-ikel bla preġudizzju għad-dispożizzjonijiet tad-Direttiva 2002/46/KE.
Artikolu 2
Id-deskrizzjoni tal-aċidu (6S)-5-metiltetraidrofoliku, melħ tal-glukosammina, awtorizzat b’din id-Deċiżjoni, li tidher fuq it-tikketta tal-prodotti tal-ikel li jkun fihom dan l-ingredjent għandha tkun “l-aċidu (6S)-5-metiltetraidrofoliku, melħ tal-glukosammina” jew “il-glukosammina-5MTHF”.
Artikolu 3
Din id-Deċiżjoni hi indirizzata lil GNOSIS S.p.A., Via Lavoratori Autobianchi 1, 20832 Desio (MB), l-Italja.
Magħmul fi Brussell, id-19 ta’ Marzu 2014.
Għall-Kummissjoni
Tonio BORG
Membru tal-Kummissjoni
(2) The EFSA Journal 2013;11(10):3358.
(3) Id-Direttiva 2002/46/KE tal-Parlament Ewropew u tal-Kunsill tal-10 ta’ Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
ANNESS
SPEĊIFIKAZZJONI TAL-AĊIDU (6S)-5-METILTETRAIDROFOLIKU, MELĦ TAL-GLUKOSAMMINA
Id-definizzjoni:
Isem kimiku |
N-[4-[[[(6S)-2-ammino-1,4,5,6,7,8-eżaidro-5-metil-4-osso-6-pteridinil]metil]ammino]benżoil]-L-aċidu glutammiku, melħ tal-glukosammina |
Formula kimika |
C32H51N9O16 |
Piż molekolari |
817,80 g/mol (anidruż) |
Deskrizzjoni: Trab ta’ lewn bajdani għal kannella ċar.
Identifikazzjoni:
Nru tal-CAS |
1181972-37-1 |
Purità:
Purità diastereoiżomerika |
Mill-inqas 99 % ta’ aċidu (6S)-5-metiltetraidrofoliku |
It-test tal-glukosammina |
34-36 % f’bażi xotta |
It-test tal-aċidu 5-metiltetraidrofoliku |
54-59 % f’bażi xotta |
Kontenut tal-ilma |
Mhux aktar minn 8,0 % |
Ċomb |
Mhux aktar minn 2,0 ppm |
Kadmju |
Mhux aktar minn 1,0 ppm |
Merkurju |
Mhux aktar minn 0,1 ppm |
Arseniku |
Mhux aktar minn 2,0 ppm |
Boron |
Mhux aktar minn 10 ppm |
Kriterji mikrobijoloġiċi:
L-għadd mikrobjali aerobiku totali |
Mhux aktar minn100 cfu/g |
Ħmira u moffa totali f’daqqa |
Mhux aktar minn100 cfu/g |
Escherichia coli |
Nieqsa f’10 g |