This document is an excerpt from the EUR-Lex website
Document 32013H1204(01)
Council Recommendation of 26 November 2013 on promoting health-enhancing physical activity across sectors
Rakkomandazzjoni tal-Kunsill tas- 26 ta' Novembru 2013 dwar il-promozzjoni transettorjali ta' attività fiżika favur is-saħħa
Rakkomandazzjoni tal-Kunsill tas- 26 ta' Novembru 2013 dwar il-promozzjoni transettorjali ta' attività fiżika favur is-saħħa
ĠU C 354, 4.12.2013, p. 1–5
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Adoption | 52013PC0603 |
4.12.2013 |
MT |
Il-Ġurnal Uffiċjali tal-Unjoni Ewropea |
C 354/1 |
RAKKOMANDAZZJONI TAL-KUNSILL
tas-26 ta' Novembru 2013
dwar il-promozzjoni transettorjali ta' attività fiżika favur is-saħħa
2013/C 354/01
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 292, flimkien mal-Artikoli 165 u 168 tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Il-benefiċċji tal-attività fiżika, inklużi attività sportiva regolari l-eżerċizzju, matul-il-ħajja kollha huma importanti ħafna u jinkludu tnaqqis fir-riskju ta’ mard kardjovaskulari, ta' xi tipi ta’ kanċer u tad-dijabete, titjib fis-saħħa muskoloskeletali u l-kontroll tal-piż tal-ġisem, kif ukoll effetti pożittivi fuq l-iżvilupp tas-saħħa mentali u l-proċessi konoxxittivi. L-attività fiżika, kif irrakkomandata mill-Organizzazzjoni Dinjija tas-Saħħa (id-WHO), hija importanti għall-gruppi kollha t'età, u għandha rilevanza partikolari għat-tfal, il-popolazzjoni li taħdem u l-anzjani. |
(2) |
Peress li l-attività fiżika hija prerekwiżit għal stil ta’ ħajja b’saħħitha u forza tax-xogħol b’saħħitha, tikkontribwixxi għall-kisba ta’ objettivi ewlenin definiti fl-istrateġija Ewropa 2020, b’mod partikolari fir-rigward tat-tkabbir, il-produttività u s-saħħa. |
(3) |
Filwaqt li matul l-aħħar snin żdiedu l-isforzi fil-promozzjoni tal-attività fiżika favur is-saħħa (HEPA) mill-awtoritajiet pubbliċi f'xi Stati Membri, ir-rati tan-nuqqas ta' attività fiżika fl-Unjoni jibqgħu ferm inaċċettabbli. Il-maġġoranza taċ-Ċittadini Ewropej ma jinvolvux ruħhom f’attività fiżika suffiċjenti b’60 % qatt jew rarament jagħmlu xi sport jew eżerċizzju. Hemm it-tendenza li n-nuqqas ta’ attività fiżika matul il-ħin liberu tkun aktar komuni fi gruppi soċjoekonomiċi baxxi. Attwalment ma hemm l-ebda indikazzjoni li dawk ix-xejriet negattivi qed immorru fid-direzzjoni opposta għall-Unjoni fl-intier tagħha. |
(4) |
L-inattività fiżika ġiet identifikata bħala fattur ta' riskju prinċipali għall-mortalità prematura u mard fil-pajjiżi bi dħul għoli madwar id-dinja, li jammontaw għal madwar 1 miljun mewt fir-reġjun Ewropew tal-WHO biss. Id-detrimenti kkawżati min-nuqqas ta’ attività fiżika fl-Unjoni huma rreġistrati sew, kif huma wkoll l-ispejjeż ekonomiċi sinifikanti diretti u indiretti assoċjati man-nuqqas ta’ attività fiżika u problemi tas-saħħa relatati, speċjalment fid-dawl tal-fatt li l-parti l-kbira tas-soċjetajiet Ewropej qed jixjieħu b'mod rapidu. |
(5) |
Riċerka reċenti tindika li mġiba sedentarja tista' tkun fattur ta' riskju għall-eżiti ta' saħħa, indipendentement mill-influwenza tal-attività fiżika. Fl-Unjoni, għandu jittieħed kont ta' dawn is-sejbiet meta jiġu kkunsidrati aktar azzjonijiet f'dan il-qasam. |
(6) |
Rigward il-livelli ta’ attività fiżika, hemm diskrepanzi kbar bejn l-Istati Membri. Filwaqt li xi wħud għamlu progress konsiderevoli b’żieda fil-proporzjoni ta’ ċittadini li jilħqu l-ammont minimu rrakkomandat ta' attività fiżika, ħafna oħrajn ma għamlu xejn jew saħansitra marru lura. Il-linji ta' politika attwali s'issa ma kellhomx impatt deċiżiv fit-tnaqqis tal-livelli ta’ inattività fiżika għall-Unjoni fl-intier tagħha. Hemm potenzjal konsiderevoli fit-tagħlim minn approċċi li rnexxew biex jiġu żviluppati u implimentati l-linji ta' politika tal-HEPA. |
(7) |
L-edukazzjoni fiżika fl-iskola għandha potenzjal li tkun għodda effettiva biex iżżid is-sensibilizzazzjoni tal-importanza tal-HEPA, u l-iskejjel jistgħu jkunu mira faċli u effettiva biex jiġu implimentati attivitajiet f'dan ir-rigward. |
(8) |
Għadd ta’ oqsma ta’ politika, b’mod partikolari l-isport u s-saħħa, jistgħu jikkontribwixxu għall-promozzjoni tal-attività fiżika u jistgħu joffru opportunitajiet ġodda għaċ-ċittadini tal-Unjoni sabiex isiru fiżikament attivi. Sabiex jiġi sfruttat dan il-potenzjal, u għalhekk sabiex jiżdiedu l-livelli ta' attività fiżika, huwa indispensabbli approċċ transettorjali strateġiku fil-qasam tal-promozzjoni tal-HEPA, li jinkludi involviment fil-livelli kollha tal-Ministeri, korpi u organizzazzjonijiet rilevanti kollha, b'mod partikolari il-moviment tal-isport, u b'kont meħud tal-ħidma ta' politika eżistenti u kurrenti. Id-disponibilità ta’ aktar informazzjoni u data aħjar dwar il-livelli ta’ attività fiżika u l-linji ta' politika ta’ promozzjoni tal-HEPA, hija element essenzjali biex dan il-proċess ikun sostnut u hija rekwiżit għall-evalwazzjoni tal-politika li għandha l-għan li twassal għal aktar żvilupp u implimentazzjoni effettivi fil-futur tal-politika. |
(9) |
Il-Linji Gwida tal-UE dwar l-Attività Fiżika (EU PA GL) (1), kif imsemmija mill-Kunsill u mir-Rappreżentanti tal-Istati Membri, imlaqqgħin fi ħdan il-Kunsill, fil-konklużjonijiet tagħhom tas-27 ta' Novembru 2012 (2) dwar il-promozzjoni tal-HEPA, u mill-Kunsill fil-konklużjonijiet tiegħu intitolati “Tixjiħ B'saħħtu Matul iċ-Ċiklu tal-Ħajja” (3), jippromwovu approċċ transettorjali li jkopri l-oqsma tematiċi kollha responsabbli għall-promozzjoni tal-HEPA. |
(10) |
Il-Komunikazzjoni tal-2011 mill-Kummissjoni lill-Parlament Ewropew, il-Kunsill, il-Kumitat Ekonomiku u Soċjali Ewropew u l-Kumitat tar-Reġjuni intitolata “l-Iżvilupp tad-Dimensjoni Ewropea fl-Isport” stiednet lill-Kummissjoni u lill-Istati Membri biex ikomplu l-progress, abbażi tal-EU PA GL, lejn l-istabbiliment ta’ linji gwida nazzjonali, inkluż proċess ta’ reviżjoni u koordinament, u jikkunsidraw Rakkomandazzjoni tal-Kunsill f’dan il-qasam. |
(11) |
Ir-Riżoluzzjoni tal-Kunsill u tar-Rappreżentanti tal-Istati Membri, imlaqqgħin fi ħdan il-Kunsill, dwar Pjan ta' Ħidma tal-Unjoni Ewropea għall-Isport għall-2011-2014 dwar Pjan ta’ Ħidma tal-Unjoni Ewropea għall-Isport 2011-2014 (4) irrikonoxxiet il-bżonn li tissaħħaħ il-kooperazzjoni bejn il-Kummissjoni u l-Istati Membri fl-isport fi ftit oqsma ta' prijorità, inkluża l-promozzjoni tal-HEPA. F’Lulju 2012, il-Grupp ta’ Esperti “Sport, Saħħa u Parteċipazzjoni”, stabbilit f'nofs l-2011 fil-kuntest tal-Pjan ta' Ħidma, esprima appoġġ għal inizjattiva ġdida tal-Unjoni għall-promozzjoni tal-HEPA. |
(12) |
Il-Konklużjonijiet tal-Kunsill tas-27 ta' Novembru 2012 dwar il-promozzjoni tal-HEMA rrikonoxxew il-ħtieġa għal aktar azzjoni fil-livell tal-Unjoni Ewropea u sejjaħ lill-Kummissjoni biex tippreżenta proposta għal Rakkomandazzjoni tal-Kunsill, inkluż qafas ta’ monitoraġġ ħafif ibbażat fuq sett ta’ indikaturi li jkopru l-oqsma tematiċi tal-EU PA GL. |
B'DAN JIRRAKKOMANDA li l-istati membri:
(1) |
Jaħdmu lejn linji ta' politika effettivi tal-HEPA billi jiżviluppaw approċċ transettorjali li jinvolvi oqsma ta’ politika li jinkludu l-isport, is-saħħa, l-edukazzjoni, l-ambjent u t-trasport, b'kont meħud tal-EU PA GL, kif ukoll setturi rilevanti oħrajn u skont l-ispeċifiċitajiet nazzjonali. Dan għandu jinkludi:
|
(2) |
Jissorveljaw il-livelli ta’ attività fiżika u l-linji ta' politika tal-HEPA permezz tal-użu ta' qafas (5) ta’ monitoraġġ ħafif u ta' indikaturi stabbiliti fl-Anness skont iċ-ċirkustanzi nazzjonali; |
(3) |
Fi żmien sitt xhur wara l-adozzjoni ta’ din ir-Rakkomandazzjoni, jinħatru punti fokali nazzjonali dwar l-HEPA (6), f'konformità mal-leġislazzjoni u l-prattika nazzjonali, sabiex jappoġġaw il-qafas ta’ monitoraġġ imsemmi hawn fuq, u jinfurmaw lill-Kummissjoni dwar il-ħatra tagħhom. Il-punti fokali nazzjonali tal-HEPA, b'mod partikolari, ser ikollom il-kompitu li jikkordinaw il-proċess li jagħmlu d-data dwar l-attività fiżika disponibbli għall-qafas ta' monitoraġġ; dik id-data għandha tiddaħħal fid-database eżistenti Ewropea tad-WHO dwar in-nutrizzjoni, l-obeżità u l-attività fiżika (NOPA); huma għandhom jiffaċilitaw ukoll il-kooperazzjoni interdipartimentali dwar il-linji ta' politika tal-HEPA; |
(4) |
Jikkooperaw mill-qrib bejniethom u mal-Kummissjoni billi jagħmlu parti minn proċess ta’ skambju regolari ta’ informazzjoni u l-aħjar prassi dwar il-promozzjoni tal-HEPA fl-istrutturi rilevanti fil-livell tal-Unjoni għall-isport u s-saħħa bħala bażi għal koordinazzjoni msaħħa tal-politika. |
B'DAN JISTIEDEN lill-Kummissjoni sabiex:
(1) |
Tassisti lill-Istati Membri biex jadottaw strateġiji nazzjonali, jiżviluppaw approċċi ta’ politika transettorjali dwar l-HEPA u jimplimentaw pjanijiet ta’ azzjoni korrispondenti, billi tiffaċilita l-iskambju ta’ informazzjoni u prassi tajba, tagħlim effettiv bejn il-pari, netwerking u l-identifikazzjoni ta’ approċċi li rnexxew fil-promozzjoni tal-HEPA; |
(2) |
Tippromwovi l-istabbiliment u l-funzjonament tal-qafas ta' monitoraġġ tal-HEPA, f'konformità mal-indikaturi elenekati fl-Anness, abbażi ta' forom eżistenti ta' monitoraġġ u ġbir tad-data f'dan il-qasam, u bl-użu sa fejn hu l-aktar possibbli tal-informazzjoni u d-data eżistenti, billi:
|
(3) |
Tirrapporta kull tliet snin dwar il-progress fl-implimentazzjoni ta’ din ir-Rakkomandazzjoni, abbażi tal-informazzjoni pprovduta fl-arranġamenti ta’ rappurtar li jidhru fil-qafas ta’ monitoraġġ u ta’ informazzjoni rilevanti oħra dwar l-iżvilupp u l-implimentazzjoni tal-politika tal-HEPA pprovduta mill-Istati Membri u tevalwa l-valur miżjud ta' din ir-Rakkomandazzjoni. |
Magħmul fi Brussell, is-26 ta’ Novembru 2013.
Għall-Kunsill
Il-President
D. A. BARAKAUSKAS
(1) Il-Linji Gwida tal-UE dwar l-Attività Fiżika, milqugħa fil-Konklużjonijiet tal-Presidenza tal-Laqgħa informali tal-Ministri tal-UE, responsabbli għall-isport, f'Novembru 2008.
(2) ĠU C 393, 19.12.2012, p. 22.
(3) ĠU C 396, 21.12.2012, p. 8.
(5) Il-qafas ta’ monitoraġġ ser jistabbilixxi sett minimu ta’ rekwiżiti ta’ rapportar dwar l-aspetti ġenerali tal-promozzjoni tal-HEPA li jistgħu jiġu indirizzati mill-Istati Membri kollha. Dan ser jiġi implimentat b'sinerġija u kooperazzjoni mill-qrib mad-WHO, b'hekk tiġi evitata d-duplikazzjoni tal-ġbir tad-data.
(6) Il-punt fokali ser ikun il-persuna ta' kuntatt prinċipali fl-Istat Membru biex tipprovdi informazzjoni u data li tikkorispondi għat-tabella ta' indikaturi fl-Anness, ser tifforma parti mill-kwestjonarju li għandu jiġi indirizzat lill-punti fokali mid-WHO.
ANNESS
Indikaturi proposti biex jiġu evalwati l-livelli tal-HEPA u l-linji ta' politika tal-HEPA fl-UE, b'kont meħud tal-Linji Gwida tal-UE dwar l-Attività Fiżika (EU PA GL) (1)
Oqsma tematiċi tal-EU PA GL |
Indikaturi proposti u varjabbli/unitajiet |
Disponibblità tad-data |
||||||||
Rakkomandazzjonijiet u linji gwida internazzjonali dwar l-Attività Fiżika (EU PA GL 1-2) |
|
|||||||||
|
||||||||||
|
||||||||||
Approċċ transettorjali (EU PA GL 3-5) |
|
|||||||||
|
||||||||||
”Sport” (EU PA GL 6-13) |
|
|||||||||
|
||||||||||
|
||||||||||
|
||||||||||
“Saħħa” (EU PA GL 14-20) |
|
|||||||||
|
||||||||||
|
||||||||||
“Edukazzjoni” (EU PA GL 21-24) |
|
|||||||||
|
||||||||||
|
||||||||||
|
||||||||||
“Ambjent, ippjanar urban, Sikurezza pubblika” (EU PA GL 25-32) |
|
|||||||||
|
||||||||||
“Ambjent tax-xogħol” (EU PA GL 33-34) |
|
|||||||||
|
||||||||||
“Ċittadini anzjani” (EU PA GL 35-37) |
|
|||||||||
“Indikaturi/evalwazzjoni” (EU PA GL 138) |
|
|||||||||
“Sensibilizzazjoni pubblika” (EU PA GL 139) |
|
|||||||||
(1) L-informazzjoni u d-data li l-Istati Membru huma rrakkomandati li jipprovdu fil-kuntest tal-qafas ta' monitoraġġ ħafif huma mistennija li jsiru aħjar biż-żmien. Appoġġ għal dak il-qafas hu propost li jiġi mill-attivitajiet ta' kooperazzjoni u l-bini ta' kapaċità previsti f'din ir-Rakkomandazzjoni.
(2) data li għad ma nġabritx.
(3) data li għad ma nġabritx iżda hija ppjanata fin-NOPA.
(4) data disponibbli (jiġifieri inkluża f'mudelli tal-pajjiż jew permezz sors disponibbli ieħor) iżda li għad mhux validitata, jew teħtieġ aġġornament.
(5) data disponibbli u validitata fin-NOPA.