This document is an excerpt from the EUR-Lex website
Document 32013D0495
2013/495/EU: Commission Decision of 9 October 2013 on a measure taken by Finland according to Directive 2006/42/EC of the European Parliament and of the Council prohibiting a type of wedge splitter (notified under document C(2013) 6442) Text with EEA relevance
2013/495/UE: Deċiżjoni tal-Kummissjoni tad- 9 ta’ Ottubru 2013 dwar miżura meħuda mill-Finlandja skont id-Direttiva 2006/42/KE tal-Parlament Ewropew u tal-Kunsill li tipprojbixxi tip ta’ feles tat-tifrid (notifikata bid-dokument C(2013) 6442) Test b’relevanza għaż-ŻEE
2013/495/UE: Deċiżjoni tal-Kummissjoni tad- 9 ta’ Ottubru 2013 dwar miżura meħuda mill-Finlandja skont id-Direttiva 2006/42/KE tal-Parlament Ewropew u tal-Kunsill li tipprojbixxi tip ta’ feles tat-tifrid (notifikata bid-dokument C(2013) 6442) Test b’relevanza għaż-ŻEE
ĠU L 270, 11.10.2013, p. 7–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 09/10/2013
- Date of effect:
- 10/10/2013; Jidħol fis-seħħ Data tan-notifika
- Date of notification:
- 10/10/2013
- Date of end of validity:
- No end date
- Author:
- Il-Kummissjoni Ewropea
- Form:
- Deċiżjoni
- Addressee:
- Is-sebgħa u għoxrin Stat Membru: il-Belġju, il-Bulgarija, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Isvezja, ir-Renju Unit
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32006L0042 - A11
- Link
- Link
- Link
- Select all documents mentioning this document
- Link
- EUROVOC descriptor:
- Subject matter:
- Directory code:
|
11.10.2013 |
MT |
Il-Ġurnal Uffiċjali tal-Unjoni Ewropea |
L 270/7 |
DEĊIŻJONI TAL-KUMMISSJONI
tad-9 ta’ Ottubru 2013
dwar miżura meħuda mill-Finlandja skont id-Direttiva 2006/42/KE tal-Parlament Ewropew u tal-Kunsill li tipprojbixxi tip ta’ feles tat-tifrid
(notifikata bid-dokument C(2013) 6442)
(Test b’relevanza għaż-ŻEE)
(2013/495/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2006/42/KE tal-Parlament Ewropew u tal-Kunsill tas-17 ta' Mejju 2006 dwar il-makkinarju, u li jemenda d-Direttiva 95/16/KE (1) u b’mod partikolari l-Artikolu 11 tagħha,
Billi:
|
(1) |
F’konformità mal-proċedura stipulata fl-Artikolu 11 (2) tad-Direttiva 2006/42/KE, l-awtoritajiet Finlandiżi nnotifikaw lill-Kummissjoni u lill-Istati Membri l-oħra b’miżura li tipprojbixxi t-tqegħid fis-suq u l-użu ta’ feles tat-tifrid idrawliku tat-tip Hakki Pilke Z100 immanifatturat minn Maaselän Kone Oy, Valimotie 1, FI-85800 Haapajärvi, SUOMI/FINLAND, u li jeħtieġu li l-fabbrikant jieħu azzjoni korrettiva fir-rigward tal-magni li diġà qegħdin fis-suq. |
|
(2) |
Ir-raġuni mogħtija mill-Finalandja għal din il-miżura hija n-non-konformità tal-makkinarju mar-rekwiżiti essenzjali tas-saħħa u tas-sikurezza li ġejjin tal-Anness I għad-Direttiva 2006/42/KE (b’referenza għall-ispeċifikazzjonijiet tal-istandards EN 609-1 - Agricultural and forestry machinery - Safety of log splitters – Part 1: Wedge splitters, and EN 574 - Safety of machinery - Two-hand control devices – Functional aspects - Principles for design):
|
|
(3) |
Il-miżura meħuda mill-awtoritajiet Finlandiżi segwiet inkjesta dwar aċċident serju meta l-lievi tal-apparat b’kontroll bimanwali użati biex jixegħlu l-makkinarju kienu marbuta flimkien. L-awtoritajiet Finlandiżi qiesu li l-apparat ta’ kontroll bimanwali ffittjat mal-makkinarju ma kienx imfassal biex jiġi evitat li jkunf faċilment tingħeleb jew jitħaddem b’id waħda jew minn partijiet oħra tal-ġisem. |
|
(4) |
Il-Kummissjoni kitbet lill-manifattur, fejn talbitu jesprimi l-osservazzjonijiet tiegħu dwar il-miżura li ġiet adottata mill-Finlandja Fit-tweġiba tiegħu, il-manifattur indika li, wara l-miżura, kien ġab id-disinn tal-makkinarju f’konformità mal-prodotti manifatturati mill-ħarifa tal-2010 u ppropona miżuri korrettivi għall-magni mqiegħda fis-suq qabel dik id-data. Mis-sajf tal-2011, il-feles tat-tifrid inbigħ bir-referenza Hakki Pilke HH100. |
|
(5) |
L-awtoritajiet Finlandiżi kkonfermaw li ifilsa tat-tifrid tat-tipi Hakki Pilke Z100 u HH100 mqiegħda fis-suq sa mill-ħarifa 2010 jikkonformaw mar-rekwiżiti tad-Direttiva 2006/42/KE u għaldaqstant tneħħiet il-projbizzjoni fuq it-tqegħid fis-suq u l-użu ta’ dawk il-magni. Madankollu, l-obbligu li wieħed jirtira l-ifilsa tat-tifrid mis-suq u jġibhom f’konformità qabel il-ħarifa tas-sena 2010 jibqa’ fis-seħħ. |
|
(6) |
L-istħarriġ tal-evidenza pprovduta mill-awtoritajiet Finlandiżi u tal-osservazzjonijiet ikkomunikati mill-manifattur tikkonferma li l-ifilsa għat-tifrid tat-tip Hakki Pilke Z100 b’kontroll bimanwali tingħeleb jew li jistgħu jiġu faċilment attwat b’id waħda jew minn partijiet oħra tal-ġisem ma jikkonformawx mar-rekwiżiti essenzjali ta’ saħħa u sikurezza tal-Anness I tad-Direttiva 2006/42/KE u li dan in-nuqqas ta’ konformità jwassal għal riskju serju ta’ korriment lil min jużahom, |
ADOTTAT DIN ID-DEĊIŻJONI:
Artikolu 1
Il-miżura meħuda mill-awtoritajiet Finlandiżi li tipprojbixxi t-tpoġġija fuq is-suq u l-użu ta’ ifilsa tat-tifrid tat-tip Hakki Pilke Z100 b’kontroll bimanwali tingħeleb jew li jistgħu jiġu faċilment attwat b’id waħda jew minn partijiet oħra tal-ġisem, u teħtieġ lill-fabbrikant jirtira mis-suq jew iġib konformi prodotti mhux konformi li diġà jkunu tqiegħdu fis-suq huwa ġustifikat.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, id-9 ta’ Ottubru 2013.
Għall-Kummissjoni
Antonio TAJANI
Viċi President
(1) ĠU L 157, 9.6.2006, p. 24.
