This document is an excerpt from the EUR-Lex website
Document 32013D0426
2013/426/EU: Commission Implementing Decision of 5 August 2013 on measures to prevent the introduction into the Union of the African swine fever virus from certain third countries or parts of the territory of third countries in which the presence of that disease is confirmed and repealing Decision 2011/78/EU (notified under document C(2013) 4951) Text with EEA relevance
2013/426/UE: Deċiżjoni ta’ Implimentazzjoni tal-Kummissjoni tal- 5 ta’ Awwissu 2013 dwar miżuri għall-prevenzjoni tal-introduzzjoni fl-Unjoni tal-virus tad-deni Afrikan tal-ħnieżer minn ċerti pajjiżi terzi jew partijiet tat-territorju ta’ pajjiżi terzi li fihom il-preżenza ta’ dik il-marda hija konfermata u li tħassar id-Deċiżjoni 2011/78/UE (notifikata bid-dokument C(2013) 4951) Test b’relevanza għaż-ŻEE
2013/426/UE: Deċiżjoni ta’ Implimentazzjoni tal-Kummissjoni tal- 5 ta’ Awwissu 2013 dwar miżuri għall-prevenzjoni tal-introduzzjoni fl-Unjoni tal-virus tad-deni Afrikan tal-ħnieżer minn ċerti pajjiżi terzi jew partijiet tat-territorju ta’ pajjiżi terzi li fihom il-preżenza ta’ dik il-marda hija konfermata u li tħassar id-Deċiżjoni 2011/78/UE (notifikata bid-dokument C(2013) 4951) Test b’relevanza għaż-ŻEE
ĠU L 211, 7.8.2013, p. 5–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2021: This act has been changed. Current consolidated version: 20/08/2019
Relation | Act | Comment | Subdivision concerned | From | To |
---|---|---|---|---|---|
Repeal | 32011D0078 |
Relation | Act | Comment | Subdivision concerned | From | To |
---|---|---|---|---|---|
Corrected by | 32013D0426R(01) | (HR) | |||
Modified by | 32014D0084 | Żieda | artikolu 4 BI | ||
Modified by | 32014D0084 | Sostituzzjoni | artikolu 2.1 | ||
Modified by | 32014D0084 | Żieda | artikolu 3.5 | ||
Modified by | 32014D0084 | Sostituzzjoni | artikolu 1 | ||
Modified by | 32014D0084 | Sostituzzjoni | artikolu 3.3 | ||
Validity extended by | 32014D0084 | 31/12/2015 | |||
Modified by | 32015D1752 | Sostituzzjoni | artikolu 4a | ||
Modified by | 32015D1752 | Żieda | anness I Test | ||
Modified by | 32017D1839 | Żieda | anness I Test | 10/10/2017 | |
Validity extended by | 32019D1351 | 20/08/2019 | 31/12/2021 | ||
Modified by | 32019D1351 | Sostituzzjoni | artikolu 4a | 20/08/2019 | |
Modified by | 32019D1351 | Żieda | anness I Test | 20/08/2019 |
7.8.2013 |
MT |
Il-Ġurnal Uffiċjali tal-Unjoni Ewropea |
L 211/5 |
DEĊIŻJONI TA’ IMPLIMENTAZZJONI TAL-KUMMISSJONI
tal-5 ta’ Awwissu 2013
dwar miżuri għall-prevenzjoni tal-introduzzjoni fl-Unjoni tal-virus tad-deni Afrikan tal-ħnieżer minn ċerti pajjiżi terzi jew partijiet tat-territorju ta’ pajjiżi terzi li fihom il-preżenza ta’ dik il-marda hija konfermata u li tħassar id-Deċiżjoni 2011/78/UE
(notifikata bid-dokument C(2013) 4951)
(Test b’relevanza għaż-ŻEE)
(2013/426/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 97/78/KE tat-18 ta’ Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (1), u b’mod partikolari l-Artikolu 22(6) tagħha,
Billi:
(1) |
Id-deni Afrikan tal-ħnieżer huwa infezzjoni ta’ virus li jittieħed ħafna u fatali tal-ħnieżer domestiċi u l-qżieqes selvaġġi, li għandha l-potenzjal tinfirex malajr, l-aktar minn prodotti miksuba minn annimali infettati u oġġetti mhux ħajjin kontaminati. |
(2) |
Sa mill-2007 meta l-preżenza tad-deni Afrika tal-ħnieżer kienet konfermata fil-Ġeorġja, ir-Russja ilha tirrapporta għadd numeruż ta’ tifqigħ ta’ dik il-marda fil-ħnieżer u l-qżieqeż selvaġġi madwar il-parti Ewropea tat-territorju tagħha. Wara li ġiet irrapportata tifqigħa tad-deni Afrikan tal-ħnieżer fir-reġjun ta’ Leningrad fir-Russja, li jmiss mal-Estonja u l-Finlandja, ġiet adottata d-Deċiżjoni tal-Kummissjoni 2011/78/UE tat-3 ta’ Frar 2011 dwar ċerti miżuri biex jipprevjenu t-trażmissjoni tal-virus tad-deni Afrikan tal-ħnieżer mir-Russja lejn l-Unjoni (2), li tistabbilixxi d-dispożizzjonijiet għall-prevenzjoni tal-introduzzjoni ta’ dik il-marda fl-Unjoni. |
(3) |
Skont l-Artikolu 4 tad-Direttiva tal-Kunsill 2004/68/KE tas-26 ta’ April 2004 li tistabbilixxi r-regoli tas-saħħa tal-annimali għall-importazzjoni lejn u t-transitu matul il-Komunità għal ċerti annimali ungulati ħajjin, u temenda d-Direttivi 90/426/KEE u 92/65/KEE u tħassar id-Direttiva 72/462/KEE (3) u l-Artikolu 3 tad-Direttiva tal-Kunsill 2002/99/KE tas-16 ta’ Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali u li huma għall-konsum uman (4), l-importazzjonijiet tal-ħnieżer u l-prodotti tal-majjal minn pajjiżi terzi jew partijiet tat-territorju ta’ pajjiżi terzi fejn il-preżenza tad-deni Afrikan tal-ħnieżer hija konfermata, mhumiex awtorizzati. |
(4) |
Il-miżuri stipulati fid-Deċiżjoni 2011/78/UE jiżguraw li l-vetturi li jkunu ttrasportaw il-ħnieżer u li jidħlu fl-Unjoni minn żoni infettati jitnaddfu u jiġu diżinfettati sew. Dawk il-miżuri jikkunsidraw ir-riskju li l-marda tinfirex b’konsiderazzjoni tal-modi ta’ trażmissjoni u s-sopravivenza tal-virus fl-ambjent. |
(5) |
F’Ġunju 2013, il-Belarus irrapportat l-konferma ta’ tifqigħa tad-deni Afrikan tal-ħnieżer fil-ħnieżer domestiċi fir-reġjun ta’ Grodno, viċin tal-fruntiera mal-Litwanja u l-Polonja. Peress li dak ir-reġjun jinsab viċi ħafna tal-Unjoni, hemm riskju kbir tal-introduzzjoni tad-deni Afrikan tal-ħnieżer fit-territorju tal-Unjoni. Il-miżuri stipulati fid-Deċiżjoni 2011/78/UE għandhom għalhekk japplikaw ukoll fir-rigward ta’ vetturi li jidħlu fl-Unjoni mill-Belarus. |
(6) |
B’mod partikolari, jixraq li jkun żgurat li l-vetturi kollha li jkunu ttrasportaw annimali ħajjin u għalf u li jidħlu fl-Unjoni minn żoni infettati jitnaddfu u jiġu diżinfettati sew, u li dan it-tindif u d-diżinfezzjoni jiġu dokumentati sew. |
(7) |
It-trasportatur għandu jiżgura li għal kull tip ta’ vettura użata għall-ġarr tal-annimali jew għalf jinżamm reġistru bl-informazzjoni dwar it-tindif u d-diżinfezzjoni, għall-perjodu minimu ta’ tliet snin. |
(8) |
Għall-finijiet ta’ leġiżlazzjoni tal-Unjoni ċara u konsistenti, id-Deċiżjoni 2011/78/KE għandha titħassar u tinbidel b’din id-Deċiżjoni. |
(9) |
Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Għall-finijiet ta’ din id-Deċiżjoni, “vettura tal-bhejjem” tfisser kwalunkwe vettura li ntużat għall-ġarr ta’ annimali ħajjin jew għall-ġarr ta’ għalf lejn impriżi tal-annimali.
Artikolu 2
1. L-Istati Membri għandhom jiżguraw li l-operatur jew is-sewwieq ta’ vettura tal-bhejjem malli jasal minn pajjiżi terzi jew minn partijiet tat-territorju tal-pajjiżi terzi elenkati fl-Anness I, fil-punt tad-dħul fl-Unjoni jipprovdi informazzjoni lill-awtorità kompetenti tal-Istat Membru li turi li l-bhejjem jew il-kompartament tal-ġarr, fejn applikabbli l-kaxxa tat-trakk, ir-rampa tat-tagħbija, it-tagħmir li jkun miss mal-annimali, ir-roti u l-kabina tas-sewwieq u l-ħwejjeġ u l-bwiez protettivi użati matul il-ħatt tnaddfu u ġew diżinfettati wara l-aħħar ħatt tal-annimali jew l-għalf.
2. L-informazzjoni msemmija fil-paragrafu 1 għandha tiġi inkluża f’dikjarazzjoni mimlija skont il-mudell stipulat fl-Anness II jew fi kwalunkwe format ekwivalenti li jinkludi tal-inqas l-informazzjoni stipulata f’dak il-mudell.
3. L-oriġinal tad-dikjarazzjoni msemmija fil-paragrafu 2 għandu jinżamm mill-awtorità kompetenti għal perjodu ta’ tliet snin.
Artikolu 3
1. L-awtorità kompetenti tal-Istat Membru tal-punt tad-dħul fl-Unjoni għandha tivverifika l-vetturi tal-bhejjem li jidħlu fl-Unjoni mill-pajjiżi terzi jew mill-partijiet tat-territorju tal-pajjiżi terzi elenkati fl-Anness I, sabiex tiddetermina jekk tnadfux u ġewx diżinfettati b’mod sodisfaċenti.
2. Fejn il-verifiki msemmija fil-paragrafu 1 juri li t-tindif u d-diżinfezzjoni twettqu b’mod sodisfaċenti jew fejn l-awtoritajiet kompetenti flimkien mal-miżuri pprovduti fil-paragrafu 1 ordnaw, organizzaw u wettqu diżinfezzjoni addizzjonali ta’ vetturi tal-bhejjem li tnaddfu qabel ma ġew użati għall-ġarr tal-annimali, l-awtorità kompetenti għandha tiddikjara dak il-fatt billi toħroġ ċertifikat skont il-mudell stabbilit fl-Anness III.
3. Fejn il-verifiki msemmija fil-paragrafu 1 juru li t-tindif u d-diżinfezzjoni tal-vettura tal-bhejjem ma twettqux b’mod sodisfaċenti, l-awtorità kompetenti għandha tieħu waħda mill-miżuri li ġejjin:
(a) |
tordna li l-vettura tal-bhejjem titnaddaf u tiġi diżinfettata kif suppost f’post innominat mill-awtorità kompetenti, viċin kemm jista’ jkun tal-punt tad-dħul fit-territorju tal-Unjoni fl-Istat Membru konċernat u toħroġ iċ-ċertifikat msemmi fil-paragrafu 2; |
(b) |
fejn ma jkunx hemm faċilità adattata għat-tindif u d-diżinfezzjoni fil-viċinat tal-punt tad-dħul jew hemm riskju li l-prodotti residwi tal-annimali jiġu rilaxxati mill-vettura tal-bhejjem mhux imnaddfa, jirrifjutaw id-dħul fl-Unjoni tal-vettura tal-bhejjem li ma tkunx tnadfet u ġiet diżinfettata b’mod sodisfaċenti. |
4. L-oriġinal taċ-ċertifikat imsemmi fil-paragrafu 2 għandu jinżamm mill-operatur jew is-sewwieq tal-vettura tal-bhejjem għal perjodu ta’ tliet snin. Kopja ta’ dak iċ-ċertifikat għandha tinżamm mill-awtorità kompetenti għal perjodu ta’ tliet snin.
Artikolu 4
Id-Deċiżjoni 2011/78/UE titħassar.
Artikolu 5
Din id-Deċiżjoni hija indirizzata lill-Istati Membri.
Magħmul fi Brussell, il-5 ta’ Awwissu 2013.
Għall-Kummissjoni
Tonio BORG
Membru tal-Kummissjoni
(3) ĠU L 139, 30.4.2004, p. 321.
(4) ĠU L 18, 23.1.2003, p. 11.
ANNESS I
LISTA TA’ PAJJIŻI TERZI U PARTIJIET TAT-TERRITORJU TA’ PAJJIŻI TERZI FEJN IL-PREŻENZA TAD-DENI AFRIKAN TAL-ĦNIEŻER HIJA KONFERMATA
|
Il-Belarus |
|
Ir-Russja |
ANNESS II
DIKJARAZZJONI MUDELL LI GĦANDHA TIĠI PPROVDUTA MILL-OPERATUR/SEWWIEQ TAL-VETTURA TAL-BHEJJEM LI TKUN DIEĦLA FL-UNJONI MINN PAJJIŻI TERZI JEW PARTIJIET TAT-TERRITORJI TA’ PAJJIŻI TERZI FEJN IL-PREŻENZA TAD-DENI AFRIKAN TAL-ĦNIEŻER HIJA KONFERMATA
Jien, l-operatur/is-sewwieq tal-vettura tal-bhejjem … niddikjara li:
(daħħal in-numru tal-pjanċa tar-reġistrazzjoni)
…
— |
il-ħatt l-aktar riċenti tal-annimali u l-għalf sar fi:
|
— |
wara l-ħatt, il-vettura għall-ġarr tal-bhejjem tnaddfet u ġiet diżinfettata. It-tindif u d-diżinfezzjoni inkludew il-bhejjem jew il-kompartament tat-tagħbija, [il-kaxxa tat-trakk] (ħassar jekk mhux applikabbli), ir-rampa tat-tagħbija, it-tagħmir li jkun miss mal-annimali, ir-roti u l-kabina tas-sewwieq u l-ħwejjew ul-bwiez protettivi użati matul il-ħatt. It-tindif u d-diżinfezzjoni twettqu fi:
|
— |
id-diżinfettant intuża skont il-konċentrazzjonijiet rakkomandati mill-manifattur (biex tindika s-sustanza u l-konċentrazzjoni tagħha): … |
— |
it-tagħbija li jmiss tal-annimali se sseħħ fi:
|
ANNESS III
ĊERTIFIKAT TAT-TINDIF U D-DIŻINFEZZJONI GĦAL VETTURI TAL-BHEJJEM LI JKUNU DEĦLIN FL-UNJONI MINN PAJJIŻI TERZI JEW PARTIJIET TAT-TERRITORJI TA’ PAJJIŻI TERZI FEJN IL-PREŻENZA TAD-DENI AFRIKAN TAL-ĦNIEŻER HIJA KONFERMATA
Jien, hawn taħt iffirmat niċċertifika uffiċjalment li spezzjonajt:
1. |
il-vettura/i tal-bhejjem bin-numru/i ta’ reġistrazzjoni … llum u permezz ta’ kontroll viżiv sibt lill-bhejjem jew il-kompartament tat-tagħbija, [il-kaxxa tat-trakk] (1), ir-rampa tat-tagħbija, it-tagħmir li jkun miss mal-annimali, ir-roti u l-kabina tas-sewwieq u l-ħwejjeġ u l-bwiez protettivi użati matul il-ħatt, imnaddfa b’mod sodisfaċenti. (daħħal in-numru/i tal-pjanċa/i ta’ reġistrazzjoni |
2. |
l-informazzjoni mressqa fil-forma ta’ dikjarazzjoni kif stipulat fl-Anness II tad-Deċiżjoni ta’ Implimentazzjoni tal-Kummissjoni 2013/426/UE jew fi kwalunkwe forma ekwivalenti oħra li tkopri l-punti stipulati fl-Anness II tad-Deċiżjoni ta’ Implimentazzjoni tal-Kummissjoni 2013/426/UE.
|
(1) Ħassar jekk mhux applikabbli.
(*) Il-kulur tat-timbru u l-firma għandhom ikunu differenti minn dak użat għall-istampar.