Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32012R0410

    Regolament ta' Implimentazzjoni tal-Kunsill (UE) Nru 410/2012 tal- 14 ta' Mejju 2012 li jimplimenta l-Artikolu 32(1) tar-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja

    ĠU L 126, 15.5.2012, p. 3–5 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document In force

    ELI: http://data.europa.eu/eli/reg_impl/2012/410/oj

    Date of document:
    14/05/2012
    Date of effect:
    15/05/2012; Dħul fis-seħħ Data tal-pubblikazzjoni Ara Art. 3
    Date of end of validity:
    No end date
    Author:
    Il-Kunsill tal-Unjoni Ewropea
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Select all documents based on this document
    Link
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32012R0036 Emenda anness II 15/05/2012
    Affected by case:
    Instruments cited:
    Link

    15.5.2012   

    MT

    Il-Ġurnal Uffiċjali tal-Unjoni Ewropea

    L 126/3

    REGOLAMENT TA' IMPLIMENTAZZJONI TAL-KUNSILL (UE) Nru 410/2012

    tal-14 ta' Mejju 2012

    li jimplimenta l-Artikolu 32(1) tar-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja

    IL-KUNSILL TAL-UNJONI EWROPEA,

    Wara li kkunsidra t-Trattat dwar il-Funzjonament tal-Unjoni Ewropea,

    Wara li kkunsidra r-Regolament (UE) Nru 36/2012 (1), u b'mod partikolari l-Artikolu 32(1) tiegħu,

    Billi:

    (1)

    Fit-18 ta' Jannar 2012, il-Kunsill adotta r-Regolament (UE) Nru 36/2012.

    (2)

    Fid-dawl tal-gravità tas-sitwazzjoni fis-Sirja, u f'konformità mad-Deċiżjoni ta’ Implimentazzjoni tal-Kunsill 2012/256/PESK tal-14 ta' Mejju 2012 li timplimenta d-Deċiżjoni 2011/782/PESK dwar miżuri restrittivi kontra s-Sirja (2), għandhom jiġu inklużi persuni u entitajiet oħra fil-lista ta' persuni fiżiċi u ġuridiċi, entitajiet jew korpi soġġetti għall-miżuri restrittivi li jinsabu fl-Anness II tar-Regolament (UE) Nru 36/2012.

    (3)

    Addizzjonalment, l-informazzjoni relattiva għal tliet persuni elenkati fil-lista fl-Anness II tar-Regolament (UE) Nru 36/2012 għandha tiġi aġġornata, u persuna waħda għandha titneħħa mil-lista,

    ADOTTA DAN IR-REGOLAMENT:

    Artikolu 1

    Il-persuni u l-entitajiet elenkati fl-Anness I ta’ dan ir-Regolament għandhom jiżdiedu mal-lista li tinsab fl-Anness II tar-Regolament (KE) Nru 36/2012.

    Artikolu 2

    L-Anness II tar-Regolament (KE) Nru 36/2012 għandu jiġi emendat kif stabbilit fl-Anness II ta’ dan ir-Regolament.

    Artikolu 3

    Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, l-14 ta’ Mejju 2012.

    Għall-Kunsill

    Il-President

    C. ASHTON

    (1)  ĠU L 16, 19.1.2012, p. 1.

    (2)  Ara paġna 9 ta' dan il-Ġurnal Uffiċjali.

    ANNESS 1

    Persuni u entitajiet imsemmijin fl-Artikolu 1

    Persuni

     

    Isem

    Informazzjoni ta' identifikazzjoni

    Raġunijiet

    Data tal-elenkar

    1.

    Adib Mayaleh

    Imwieled fl-1955, f'Daraa

    Adib Mayaleh huwa responsabbli mill-għoti ta' appoġġ ekonomiku u finanzjarju lir-reġim Sirjan permezz tal-funzjonijiet tiegħu bħala l-Gvernatur tal-Bank Ċentrali tas-Sirja.

    15.5.2012

    2.

    Salim Altoun, magħruf ukoll bħala Saleem Altoun, magħruf ukoll bħala Abu Shaker

    President u Uffiċjal Kap Eżekuttiv tal-Altoun Group

    Imwieled fl-1940 f'Caracas, il-Venezwela

    Għandu ċittadinanza Venezwelana, numru tal-identifikazzjoni 028173131 (probabbilment jippossjedi passaport Venezwelan).

    Għandu residenza Lebaniża u numru tal-permess tax-xogħol 1486/2011

    Jagħti appoġġ finanzjarju lir-reġim. Involut fi skema permezz tal-Altoun Group biex jiġi esportat iż-żejt Sirjan mal-kumpannija elenkata Sytrol sabiex jiġi pprovdut dħul għar-reġim.

    15.5.2012

    3.

    Youssef Klizli

    Assistent ta' Salim Altoun

    Jagħti appoġġ finanzjarju lir-reġim. Għen lil Salim Altoun biex joħloq skema permezz tal-Altoun Group biex jiġi esportat iż-żejt Sirjan mal-kumpannija elenkata Sytrol sabiex jiġi pprovdut dħul għar-reġim.

    15.5.2012


    Entitajiet

     

    Isem

    Informazzjoni ta' identifikazzjoni

    Raġunijiet

    Data tal-elenkar

    1.

    General Organisation of Tobacco

    Salhieh Street 616, Damasku, Sirja

    Tagħti appoġġ finanzjarju lir-reġim Sirjan. Il-General Organisation of Tobacco hija kollha proprjetà tal-istat Sirjan. Il-profitti li tagħmel l-organizzazzjoni, inkluż permezz tal-bejgħ tal-liċenzji biex jitqiegħdu fis-suq ditti barranin tat-tabakk u taxxi imposti fuq l-importazzjonijiet ta' ditti barranin ta' tabakk, jiġu ttrasferiti għall-istat Sirjan.

    15.5.2012

    2.

    Altoun Group

    Altoun Group

    Maaraba Damascus Countryside

    North Circular Highway

    Damascus

    Sirja

    tel.: 00963-11-5915685

    Postal Box 30484

    1987 US SIC Codes 6719

    NACE Codes 7415

    Tagħti appoġġ finanzjarju lir-reġim Sirjan. L-entità hija involuta fi skema biex jiġi esportat iż-żejt Sirjan mal-kumpannija elenkata Sytrol sabiex jiġi pprovdut dħul għar-reġim.

    15.5.2012

    ANNESS II

    1.

    L-entrati fl-Anness II tar-Regolament (KE) Nru 36/2012 għall-persuni msemmija hawn taħt għandhom jiġu sostitwiti bl-entrati li jinsabu hawn taħt:

    Isem

    Informazzjoni ta' identifikazzjoni

    Raġunijiet

    Data ta' elenkar

    Manal Al Assad (a.k.a. Manal Al Ahmad)

    Twieldet: 02.02.1970

    Post tat-twelid: Damasku

    Nru tal-passaport (Sirjan): 0000000914

    Isem ta’ xebba: Al Jadaan

    Konjuġi ta’ Maher Al Assad, u b’hekk tibbenefika minn, u assoċjata mill-qrib mar-reġim.

    23.3.2012

    Issam Anbouba

    President ta' Anbouba for Agricultural Industries Co.

    Twieled fl-1952 f'Homs, is-Sirja

    Jipprovdi appoġġ finanzjarju għall-apparat ripressiv u għall-gruppi paramilitari li jużaw il-vjolenza kontra l-popolazzjoni ċivili fis-Sirja. Jipprovdi proprjetà (binjiet, imħażen) għal ċentri ta’ detenzjoni improvviżati. Għandu relazzjonijiet finanzjarji ma’ uffiċjali għoljin Sirjani.

    2.9.2011

    Mazen al-Tabba

    Twieled: 01.01.1958

    Post tat-twelid: Damasku

    Nru tal-passaport (Sirjan): 004415063 li jiskadi 06.05.2015

    Soċju kummerċjali ta’ Ihab Makhlouf u Nizar al-Assad (soġġetti għal sanzjonijiet fit-23/08/2011); ko-proprjetarju, flimkien ma’ Rami Makhlouf, tal-kumpanija tal-kambju monetarju Al-Diyar lil-Saraafa (a.k.a. Diar Electronic Services), li tappoġġa l-politika tal-Bank Ċentrali tas-Sirja

    23.3.2012

    2.

    L-entrata li tinsab hawn taħt għandha titneħħa:

    68.

    Saqr Khayr Bek.
    Top