This document is an excerpt from the EUR-Lex website
Document 32012R0026
Commission Implementing Regulation (EU) No 26/2012 of 12 January 2012 fixing the allocation coefficient to be applied to applications for import licences lodged from 1 to 6 January 2012 under subquota IV in the context of the tariff quota opened by Regulation (EC) No 1067/2008 for common wheat of a quality other than high quality
Regolament ta’ Implimentazzjoni tal-Kummissjoni (UE) Nru 26/2012 tat- 12 ta’ Jannar 2012 li jiffissa l-koeffiċjent ta' allokazzjoni applikabbli għall-applikazzjonijiet għal liċenzji tal-importazzjoni mressqa mill- 1 sas- 6 ta’ Jannar 2012 skont is-subkwota IV fil-kuntest tal-kwota tariffarja miftuħa bir-Regolament (KE) Nru 1067/2008 għall-qamħ komuni ta' kwalità għajr dik superjuri
Regolament ta’ Implimentazzjoni tal-Kummissjoni (UE) Nru 26/2012 tat- 12 ta’ Jannar 2012 li jiffissa l-koeffiċjent ta' allokazzjoni applikabbli għall-applikazzjonijiet għal liċenzji tal-importazzjoni mressqa mill- 1 sas- 6 ta’ Jannar 2012 skont is-subkwota IV fil-kuntest tal-kwota tariffarja miftuħa bir-Regolament (KE) Nru 1067/2008 għall-qamħ komuni ta' kwalità għajr dik superjuri
ĠU L 9, 13.1.2012, p. 11–11
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
- Date of document:
- 12/01/2012
- Date of effect:
- 13/01/2012; Dħul fis-seħħ Data tal-pubblikazzjoni Ara Art. 2
- Author:
- Il-Kummissjoni Ewropea
- Form:
- Regolament implimentattiv
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32006R1301 - A07P2
- 32007R1234
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
|
13.1.2012 |
MT |
Il-Ġurnal Uffiċjali tal-Unjoni Ewropea |
L 9/11 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 26/2012
tat-12 ta’ Jannar 2012
li jiffissa l-koeffiċjent ta' allokazzjoni applikabbli għall-applikazzjonijiet għal liċenzji tal-importazzjoni mressqa mill-1 sas-6 ta’ Jannar 2012 skont is-subkwota IV fil-kuntest tal-kwota tariffarja miftuħa bir-Regolament (KE) Nru 1067/2008 għall-qamħ komuni ta' kwalità għajr dik superjuri
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament "Waħdieni dwar l-OKS") (1),
Wara li kkunsidrat ir-Regolament tal-Kummissjoni (KE) Nru 1301/2006 tal-31 ta' Awwissu 2006 li jistabbilixxi regoli komuni għall-amministrazzjoni tal-kwoti tariffarji għall-importazzjoni tal-prodotti agrikoli rregolati minn sistema ta' liċenzji ta' importazzjoni (2), u b'mod partikulari l-Artikolu 7(2) tiegħu,
Billi:
|
(1) |
Ir-Regolament tal-Kummissjoni (KE) Nru 1067/2008 (3) fetaħ kwota tariffarja annwali globali għall-importazzjoni ta' 3 112 030 tunnellata qamħ komuni ta' kwalità għajr dik superjuri. Din il-kwota tinqasam f'erba' subkwoti. |
|
(2) |
L-Artikolu 3(1) tar-Regolament (KE) Nru 1067/2008 iffissa l-kwantità tas-subkwota IV (numru tas-serje 09.4133) għal 122 790 tunellata, għall-perjodu mill-1 ta' Jannar sal-31 ta' Diċembru 2012. |
|
(3) |
Min-notifika skont l-Artikolu 4(3) tar-Regolament (KE) Nru 1067/2008, jirriżulta li l-applikazzjonijiet imressqa mill-1 sas-6 ta’ Jannar 2012 fis-13:00, ħin ta’ Brussell, skont l-Artikolu 4(1), it-tieni inċiż, tar-Regolament imsemmi, jirrigwardaw kwantitajiet akbar minn dawk disponibbli. Jeħtieġ għalhekk li jiġi determinat sa liema punt jistgħu jinħarġu l-liċenzji għall-importazzjoni, billi jiġi stabbilit il-koeffiċjent ta' allokazzjoni li għandu jkun applikat għall-kwantitajiet mitluba. |
|
(4) |
Jeħtieġ ukoll li ma jinħarġux liċenzji għall-importazzjoni skont is-subkwota IV msemmija fir-Regolament (KE) Nru 1067/2008 għall-perjodu attwali tal-kwota. |
|
(5) |
Sabiex tkun żgurata ġestjoni effettiva tal-proċedura tal-ħruġ taċ-ċertifikati tal-importazzjoni, dan ir-Regolament għandu jidħol fis-seħħ immedjatament wara l-pubblikazzjoni tiegħu, |
ADOTTAT DAN IR-REGOLAMENT:
Artikolu 1
1. Kull applikazzjoni għal liċenzja għall-importazzjoni fl-ambitu tas-subkwota IV msemmija fl-Artikolu 3(1) tar-Regolament (KE) Nru 1067/2008, imressqa mill-1 sas-6 ta’ Jannar 2012 fis-13:00, ħin ta' Brussell, tagħti lok għall-ħruġ ta' liċenzja għall-kwantitajiet mitluba assenjati skont il-koeffiċjent ta' allokazzjoni ta' 2,484571 %.
2. Il-ħruġ ta' liċenzji għall-kwantitajiet mitluba mis-6 ta’ Jannar 2012 fis-13:00, ħin ta' Brussell, fil-kuntest tas-subkwota IV msemmija fl-Artikolu 3(1) tar-Regolament (KE) Nru 1067/2008, huwa sospiż għall-perjodu attwali tal-kwota.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta’ Jannar 2012.
Għall-Kummissjoni, f'isem il-President,
José Manuel SILVA RODRÍGUEZ
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 238, 1.9.2006, p. 13.
(3) ĠU L 290, 31.10.2008, p. 3.
