EUR-Lex Access to European Union law
This document is an excerpt from the EUR-Lex website
Document 32012D0042
2012/42/EU: Council Decision of 24 January 2012 appointing the Chairperson of the European Statistical Governance Advisory Board
2012/42/UE: Deċiżjoni tal-Kunsill tal- 24 ta’ Jannar 2012 li taħtar il-President tal-Bord Konsultattiv Ewropew għall-Governanza tal-Istatistika
2012/42/UE: Deċiżjoni tal-Kunsill tal- 24 ta’ Jannar 2012 li taħtar il-President tal-Bord Konsultattiv Ewropew għall-Governanza tal-Istatistika
ĠU L 24, 27.1.2012, p. 11–11
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 23/03/2015
27.1.2012 |
MT |
Il-Ġurnal Uffiċjali tal-Unjoni Ewropea |
L 24/11 |
DEĊIŻJONI TAL-KUNSILL
tal-24 ta’ Jannar 2012
li taħtar il-President tal-Bord Konsultattiv Ewropew għall-Governanza tal-Istatistika
(2012/42/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra d-Deċiżjoni Nru 235/2008/KE tal-Parlament Ewropew u tal-Kunsill tal-11 ta’ Marzu 2008 li tistabbilixxi Bord Konsultattiv Ewropew għall-Governanza tal-Istatistika (1), u b’mod partikolari l-Artikolu 3 tagħha,
Wara li kkunsidra l-opinjoni tal-Kummissjoni Ewropea,
Wara li kkunsidra l-approvazzjoni tal-Parlament Ewropew,
Billi:
(1) |
Fis-16 ta’ Marzu 2009, il-Kunsill adotta d-Deċiżjoni 2009/249/KE (2) sabiex jaħtar lis-Sur Johnny ÅKERHOLM bħala l-President tal-Bord Konsultattiv Ewropew għall-Governanza tal-Istatistika għal perijodu ta’ tliet snin mit-23 ta’ Marzu 2009. |
(2) |
Huwa għalhekk meħtieġ li jinħatar President ġdid sabiex jassumi l-funzjoni meta jiskadi l-mandat li beda fit-23 ta’ Marzu 2009. |
(3) |
Taħt l-Artikolu 3(3) tad-Deċiżjoni Nru 235/2008/KE, il-President m’għandux ikun membru attwali ta’ uffiċċju nazzjonali tal-istatistika jew tal-Kummissjoni, |
ADOTTA DIN ID-DEĊIŻJONI:
Artikolu 1
Is-Sur Thomas WIESER huwa b’dan maħtur President tal-Bord Konsultattiv Ewropew għall-Governanza tal-Istatistika għal perijodu ta’ tliet snin mit-23 ta’ Marzu 2012.
Artikolu 2
Din id-Deċiżjoni għandha tidħol fis-seħħ fit-tielet jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, l-24 ta’ Jannar 2012.
Għall-Kunsill
Il-President
M. VESTAGER
(1) ĠU L 73, 15.3.2008, p. 17.
(2) ĠU L 74, 20.3.2009, p. 30.