EUR-Lex Access to European Union law
This document is an excerpt from the EUR-Lex website
Document 32011D0091
2011/91/EU: Commission Decision of 10 February 2011 authorising a laboratory in the Republic of Korea to carry out serological tests to monitor the effectiveness of rabies vaccines (notified under document C(2011) 656) Text with EEA relevance
2011/91/UE: Deċiżjoni tal-Kummissjoni tal- 10 ta’ Frar 2011 li tawtorizza laboratorju fir-Repubblika tal-Korea biex isiru testijiet seroloġiċi biex tiġi ssorveljata l-effettività tat-tilqim tar-rabbja (notifikata bid-dokument numru C(2011) 656) Test b’relevanza għaż-ŻEE
2011/91/UE: Deċiżjoni tal-Kummissjoni tal- 10 ta’ Frar 2011 li tawtorizza laboratorju fir-Repubblika tal-Korea biex isiru testijiet seroloġiċi biex tiġi ssorveljata l-effettività tat-tilqim tar-rabbja (notifikata bid-dokument numru C(2011) 656) Test b’relevanza għaż-ŻEE
ĠU L 37, 11.2.2011, p. 18–18
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
11.2.2011 |
MT |
Il-Ġurnal Uffiċjali tal-Unjoni Ewropea |
L 37/18 |
DEĊIŻJONI TAL-KUMMISSJONI
tal-10 ta’ Frar 2011
li tawtorizza laboratorju fir-Repubblika tal-Korea biex isiru testijiet seroloġiċi biex tiġi ssorveljata l-effettività tat-tilqim tar-rabbja
(notifikata bid-dokument numru C(2011) 656)
(Test b’relevanza għaż-ŻEE)
(2011/91/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill 2000/258/KE tal-20 ta’ Marzu 2000 li taħtar istituzzjoni speċifika sabiex tkun responsabbli biex tistabbilixxi l-kriterji neċessarji għall-istandarizazzjoni ta’ testijiet seroloġiċi biex issegwi l-effettività tat-tilqim kontra l-idrofobija [ir-rabbja] (1), u b’mod partikolari l-Artikolu 3(2) tagħha,
Billi:
(1) |
Id-Deċiżjoni 2000/258/KE taħtar il-laboratorju tal-Agence nationale de sécurité sanitaire de l’alimentation, de l’environnement et du travail (ANSES) f’Nancy (preċedentement magħrufa bħala l-Agence française de sécurité sanitaire des aliments, AFSSA), bħala l-istituzzjoni speċifika responsabbli biex tistabbilixxi l-kriterji meħtieġa għall-istandardizzazzjoni tat-testijiet seroloġiċi li jissorveljaw l-effettività tat-tilqim tar-rabbja. Dik id-Deċiżjoni tistabbilixxi wkoll id-dmirijiet ta’ dak il-laboratorju. |
(2) |
B’mod partikolari, ANSES, Nancy, għandha tivvaluta l-laboratorji fl-Istati Membri u l-pajjiżi terzi għall-finijiet ta’ deċiżjoni dwar l-awtorizzazzjoni tagħhom biex iwettqu testijiet seroloġiċi li jissorveljaw l-effettività tat-tilqim tar-rabbja. |
(3) |
L-awtorità kompetenti fil-Korea t’Isfel ressqet applikazzjoni għall-approvazzjoni ta’ laboratorju f’dan il-pajjiż terz biex iwettaq dawn it-testijiet seroloġiċi. |
(4) |
ANSES, Nancy, wettqet valutazzjoni ta’ dak il-laboratorju u pprovdiet rapport favorevoli minn dik il-valutazzjoni lill-Kummissjoni fis-6 ta’ Settembru 2010. |
(5) |
Għaldaqstant, dak il-laboratorju għandu jkun awtorizzat li jwettaq testijiet seroloġiċi biex jissorvelja l-effettività tat-tilqim tar-rabbja fil-klieb, il-qtates u l-inmsa. |
(6) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Il-laboratorju li ġej hu awtorizzat li jwettaq testijiet seroloġiċi biex jissorvelja l-effettività tat-tilqim tar-rabbja fil-klieb, il-qtates u l-inmsa, kif stipulat fl-Artikolu 3(2) tad-Deċiżjoni 2000/258/KE:
“Komipharm International Co. LTD |
1236-6 Jeoungwang-dong |
420-450 Siheung-si, Gyeonggi-do |
South Korea.” |
Artikolu 2
Din id-Deċiżjoni għandha tapplika mill-1 ta’ Marzu 2011.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, l-10 ta’ Frar 2011.
Għall-Kummissjoni
John DALLI
Membru tal-Kummissjoni
(1) ĠU L 79, 30.3.2000, p. 40.