1.12.2010   

MT

Il-Ġurnal Uffiċjali tal-Unjoni Ewropea

L 315/1

(1)

Il-Kummissjoni, permezz tar-Regolament (UE) Nru 478/2010 (2) (“ir-Regolament provviżorju”) imponiet dazju provviżorju tal-antidumping fuq l-importazzjonijiet tal-ħjut tal-poliesteri ta’ tenaċità għolja (“HTY”) li joriġinaw fir-Repubblika Popolari taċ-Ċina (“RPĊ”). Ma ġew imposti l-ebda miżuri provviżorji fuq l-importazzjonijiet tal-HTY li joriġinaw fir-Repubblika tal-Korea t’Isfel (“Korea”) u t-Tajwan.

(2)

Il-proċedura nbdiet b’riżultat ta’ ilment imressaq fis-27 ta’ Lulju 2009 miċ-CIRFS – Assoċjazzjoni Ewropea tal-Fibri Artifiċjali (“il-kwerelant”) f’isem il-produtturi ta’ HTY li jirrappreżentaw proporzjon kbir, f’dan il-każ iżjed minn 60 % tal-produzzjoni totali tal-Unjoni tal-HTY.

(3)

Kif stabbilit fil-premessa (15) tar-Regolament provviżorju, l-investigazzjoni tad-dumping u l-ħsara kopriet il-perjodu mill-1 ta’ Lulju 2008 sat-30 ta’ Ġunju 2009 (“il-perjodu tal-investigazzjoni” jew “PI”). L-eżaminazzjoni tax-xejriet għall-valutazzjoni tal-ħsara kopriet il-perjodu minn Jannar 2005 sal-aħħar tal-perjodu tal-investigazzjoni (“il-perjodu kkunsidrat”).

(4)

Sussegwentement għall-iżvelar tal-fatti u l-kunsiderazzjonijiet essenzjali li fuq il-bażi tagħhom ġie deċiż li jiġu imposti miżuri provviżorji tal-antidumping (“żvelar provviżorju”), ħafna partijiet interessati għamlu sottomissjonijiet bil-miktub sabiex jesprimu l-fehmiet tagħhom dwar is-sejbiet provviżorji. Il-partijiet li għamlu din it-talba ngħataw opportunità li jinstemgħu. Il-Kummissjoni kompliet tfittex u tivverifika l-informazzjoni kollha li kien jidhrilha li kienet meħtieġa għas-sejbiet definittivi tagħha. Il-kummenti orali u bil-miktub sottomessi mill-partijiet interessati ġew ikkunsidrati u, fejn kien xieraq, is-sejbiet provviżorji ġew mibdula skont il-każ.

(5)

Għal dak li jirrigwarda l-aspetti tal-interessi tal-Unjoni, saru żjarat addizzjonali ta’ verifika fil-kumpaniji li ġejjin:

Utenti fl-Unjoni

(6)

Parti interessata partikolari talbet seduta u l-intervent tal-Uffiċjal tas-Seduta. Din it-talba saret wara l-iżvelar provviżorju. Is-seduta fil-preżenza tal-Uffiċjal tas-Seduta ingħatat.

(7)

Il-partijiet kollha ġew mgħarrfa bil-fatti u l-kunsiderazzjonijiet essenzjali li fuq il-bażi tagħhom ġie intiż li tiġi rrikmandata l-impożizzjoni ta’ dazju tal-antidumping definittiv fuq l-importazzjonijiet tal-HTY li joriġinaw fir-RPĊ u l-ġbir definittiv tal-ammonti garantiti permezz tad-dazju provviżorju (“żvelar finali”). Il-parijiet ingħataw ukoll perjodu li fih setgħu jagħmlu rappreżentazzjonijiet wara għal dan l-iżvelar.

(8)

Il-prodott ikkonċernat huwa HTY (minbarra l-ħajt tal-ħjata), li mhuwiex disponibbli għall-bejgħ bl-imnut, inkluż il-monofilament ta’ inqas minn 67 decitex li joriġina fir-RPĊ, il-Korea u t-Tajwan (“il-prodott ikkonċernat”) li attwalment jaqa’ taħt il-kodiċi NM 5402 20 00.

(9)

Wara l-iżvelar provviżorju, parti waħda sostniet li l-Kummissjoni ma kinitx indirizzat id-differenzi bejn il-ħjut użati fil-produzzjoni tat-tajers, l-hekk imsejħa ħjut “High Modulus Low Shrinkage” (“HMLS”), u tipi l-oħra ta’ ħjut, billi dan it-tip jirrikjedi testijiet tekniċi twal u għalja qabel ma jikseb l-approvazzjonijiet għall-ispeċifikazzjonijiet tal-HMLS imposti mix-xerrejja. Barra dan, din il-parti sostniet li ma kienx ċar liema fatturi kienu se jiġu involuti fid-determinazzjoni provviżorja tal-eżistenza ta’ prodott wieħed. Parti oħra sostniet li l-HMLS u tipi oħra ta’ ħjut għandhom strutturi ta’ kostijiet differenti.

(10)

B’risposta għal dawn il-klejms għandu l-ewwel jiġi nnotat li l-prodott ikkonċernat jintuża f’numru ta’ applikazzjonijiet differenti bħall-infurzar tat-tajers, it-tessuti wesgħin, iċ-ċinturini tas-sikurezza, l-airbags, il-ħbula, ix-xbieki u għadd ta’ applikazzjonijiet industrijali. Għalhekk hemm għadd kbir ta’ applikazzjonijiet differenti u konsegwentement jeżistu ħafna tipi u speċifikazzjonijiet differenti.

(11)

Fid-determinazzjoni li l-HMLS u tipi oħra ta’ ħjut jikkostitwixxu prodott wieħed uniku, il-kriterji ewlenin kienu l-karatteristiċi fiżiċi, tekniċi u kimiċi bażiċi. Tabilħaqq, kif spjegat fil-premessa (19) tar-Regolament provviżorju, l-investigazzjoni wriet li, minkejja li l-ħjut tal-HMLS għandhom ċertu karatteristiċi distintivi meta mqabbla ma’ tipi oħra ta’ HTY (pereżempju l-modulu, it-taqsir bix-xrib, is-saħħa tensili u r-reżistenza għar-reħja), huwa kkunsidrat li t-tipi kollha differenti tal-prodott ikkonċernat għandhom l-istess karatteristiċi fiżiċi u kimiċi. Għalhekk jiġi kkunsidrat li jikkostitwixxu prodott wieħed uniku.

(12)

Għal dak li jirrigwarda d-differenzi kklejmjati fl-istruttura tal-kost, għandu jiġi nnotat li dan fih innifsu ma jikkostitwix kriterju deċiżiv fid-determinazzjoni jekk l-HMLS jikkostitwix jew le prodott distint mit-tipi l-oħra ta’ HTY. Id-differenzi fil-kostijiet, il-prezzijiet u l-proċess tal-produzzjoni ma jiġġustifikawx per se li ċertu tip ta’ prodott bħall-HMLS għandu jiġi kkunsidrat bħala prodott differenti sakemm dan it-tip ikollu l-istess karatteristiċi fiżiċi, tekniċi u kimiċi bażiċi tat-tipi l-oħra ta’ prodott.

(13)

Għalhekk l-esklużjoni tal-HMLS mill-ambitu tal-investigazzjoni ma kinitx ikkunsidrata ġustifikata u konsegwentement il-klejms f’dan ir-rigward kellhom jiġu miċħuda.

(14)

Fl-assenza ta’ kwalunkwe kumment ieħor dwar il-prodott ikkonċernat u l-prodott simili, il-premessi (16) sa (20) tar-Regolament provviżorju qegħdin b’dan jiġu kkonfermati.

(15)

Produttur esportatur partikolari fit-Tajwan ipprovda evidenza li wriet li l-prezz tal-materjali naturali ewlenin, l-Aċidu Tereftaliku Ppurifikat (ATP) u l-Glikol Mono Etilene (MEG), li huwa xtara għall-produzzjoni tal-HTY beda jvarja waqt il-PI. B’mod partikolari nstab li l-prezzijiet tax-xiri waqgħu f’daqqa b’mod partikolari fl-aħħar tliet xhur tal-2008. Għalhekk ikklejmja li dan għandu jiġi kkunsidrat meta jiġu stabbiliti l-valuri normali tiegħu sabiex jiġi żgurat paragun ġust mal-prezzijiet tal-esportazzjoni.

(16)

Is-sejbiet fil-premessa (18) huma r-riżultat ta’ analiżi dettaljata ħafna tad-dejta sottomessa mill-esportatur u li ġiet verifikata waqt iż-żjara tal-verifika. Għalhekk, ġie kkunsidrat li f’dan il-każ kien ġustifikat li jiġu stabbiliti valuri normali għal ċertu perjodi tal-PI sabiex tiġi kkunsidrata l-varjazzjoni fil-prezzijiet tal-materja prima.

(17)

Ma kien hemm l-ebda kumment ieħor dwar il-metodu deskritt fir-Regolament provviżorju fil-premessi (86) u (87). Il-metodu użat sabiex jiġi stabbilit valur normali għall-produtturi esportaturi Tajwaniżi jista’ jiġi kkonfermat.

(18)

L-investigazzjoni wriet li l-produttur Tajwaniż imsemmi fil-premessa (15) biegħ volumi ogħla tal-prodott ikkonċernat lis-suq tal-Unjoni fl-ewwel nofs tal-PI meta l-prezzijiet tal-materja prima kienu iżjed baxxi. Din is-sejba għandha wkoll tiġi kkunsidrata fid-dawl tal-kontenuti tal-premessa (16).

(19)

Fl-assenza ta’ kwalunkwe kumment li jikkonċerna l-prezz tal-esportazzjoni, il-premessa (88) tar-Regolament provviżorju qiegħda b’dan tiġi kkonfermata.

(20)

Il-valur normali u l-prezz tal-esportazzjoni ġew stabbiliti kif spjegat hawn fuq. Il-valur normali li b’hekk ġie stabbilit għall-produttur imsemmi u l-prezz tal-esportazzjoni tiegħu ġew imqabbla f’perjodi li kienu viċin xulxin kemm jista’ jkun ħalli jiġu kkunsidrati d-differenzi li jaffettwaw il-komparabilità tal-prezzijiet. Dan huwa konformi mal-Artikolu 2(10) tar-Regolament bażiku.

(21)

Ma wasal l-ebda kumment ieħor li jikkonċerna l-paragun tal-valur normali u l-prezz tal-esportazzjoni tal-produtturi esportaturi Tajwaniżi. Għalhekk, il-kontenuti tal-premessa (89) tar-Regolament provviżorju jistgħu jiġu kkonfermati.

(22)

Qed jiġi mfakkar li fil-premessa (92) tar-Regolament provviżorju ġie konkluż li l-marġni ta’ dumping għall-pajjiż kollu għat-Tajwan kien de minimis. Il-marġni ta’ dumping definittiv stabbilit għall-produttur Tajwaniż imsemmi fil-premessa (15) issa huwa taħt il-livell de minimis. Għalhekk qed jiġi kkonfermat li l-marġni definittiv tad-dumping għall-pajjiż kollu għat-Tajwan huwa de minimis.

(23)

Qed jiġi mfakkar li 11-il produttur esportatur fir-RPĊ ħabbru lilhom infushom. Dawn il-kumpaniji kienu jirrappreżentaw 100 % tal-esportazzjonijiet totali tal-prodott ikkonċernat lis-suq tal-Unjoni waqt il-PI. Intgħażel kampjun ta’ tliet produtturi esportaturi jew gruppi ta’ kumpaniji relatati abbażi tal-iktar volum għoli ta’ esportazzjoni għall-għan li jiġi stabbilit id-dumping għar-RPĊ. It-tliet produtturi esportaturi magħżula bħala kampjun talbu t-TES, iżda nstab li wieħed biss minnhom kien jistħoqqlu li jieħdu.

(24)

Wara l-iżvelar tas-sejbiet li jikkonċernaw it-TES, iż-żewġ produtturi esportaturi li ma ngħatawx TES issottomettew kummenti li huma mqassra hawn taħt.

(25)

L-ewwel produttur esportatur għamel kummenti li jikkonċernaw klawżola restrittiva fl-attivitajiet tan-negozju tiegħu, il-problemi li ltaqa’ magħhom fil-kontabbiltà tiegħu u l-ħlas ta’ ċertu assi bħalma huma d-drittijiet tal-użu tal-art.

(26)

Dan l-esportatur ammetta li teżisti klawżola restrittiva fl-Artikoli tal-Assoċjazzjoni tiegħu (AoA). Huwa stqarr, iżda ma weriex, illi tali klawsola kienet waqfet tipproduċi effetti legali fuq l-attivitajiet tiegħu. B’mod simili, għal dak li jirrigwarda l-problemi tal-kontabbiltà, il-kumpanijia ammettiet l-eżistenza ta’ diskrepanzi bejn ir-rekords tal-kontabbiltà u d-dikjarazzjonijiet finanzjarji verifikati, iżda sostniet li dawn id-diskrepanzi kienu żgħar u li ġew spjegati waqt l-investigazzjoni. Għandu jiġi ċċarat li l-problemi li nstabu fil-kontabilità ta’ dik il-kumpanija li wasslu għaċ-ċaħda tat-TES ma kinux żgħar iżda sostanzjali, b’mod partikolari dawk li jikkonċernaw il-booking ta’ ċertu assi u d-diskrepanzi li nstabu bejn ċertu reġistri u dokumenti pprovduti waqt iż-żjara fuq il-post.

(27)

It-tieni produttur esportatur ikkummenta b’mod partikolari dwar is-sejbiet li jirrigwardaw il-kontribut kapitali, klawżola restrittiva fl-attivitajiet tan-negozju tiegħu, u l-akkwist tad-drittijiet tal-użu tal-art.

(28)

Fir-rigward tal-kontribut kapitali, l-esportatur sostna l-istess argumenti bħal dawk magħmula fl-istadju provviżorju, prinċipalment li l-kontribut tal-kapital kien sar kif dovut. Huwa sostna li l-kompetenza teknika hija kategorija speċjali ta’ għarfien li ma tirrikjedix li tiġi bbrevettata jew irreġistrata, u għalhekk, il-kontribut kapitali, għalkemm in natura, kien sar kif dovut. Fir-rigward tal-kwistjonijiet tal-aħħar, huwa sostna li l-klawżola restrittiva mhijiex mandatorja għall-kumpanija u li r-rekwiżiti tal-investiment konnessi mal-akkwist tal-art mhumiex distorsjonijiet iżda huma relatati mal-politika tal-iżvilupp tal-art tal-awtoritajiet.

(29)

Madankollu, dawn l-argumenti kienu diġà tqajmu u ġew miċħuda fl-istadju provviżorju. Anke jekk ir-rekwiżiti tal-investiment ikunu relatati mal-politika tal-iżvilupp tal-art tal-awtoritajiet, ma jiġux ikkunsidrati kompatibbli mat-TES. Ma ingħatat l-ebda evidenza li tista’ tibdel il-konklużjonijiet provviżorji li jidhru fil-valutazzjoni tat-TES fil-premessi 50 u 51 tar-Regolament provviżorju.

(30)

Fuq il-bażi ta’ dan ta’ hawn fuq, is-sejbiet provviżorji magħmula fil-premessi (46) sa (52) tar-Regolament provviżorju qegħdin jiġu kkonfermati.

(31)

Kif imsemmi fil-premessa (28) tar-Regolament provviżorju żewġ produtturi esportaturi li ma kinux inklużi fil-kampjun talbu li jiġi stabbilit marġni individwali tad-dumping skont l-Artikolu 17(3) tar-Regolament bażiku. Madankollu, it-talbiet għal eżaminazzjoni individwali setgħu jiġu eżaminati biss wara l-impożizzjoni tal-miżuri provviżorji.

(32)

Dawn il-kumpaniji wieġbu għall-formola tal-klejm tat-TES fil-perjodu ta’ qabel l-iskadenzi mogħtija. Wara l-impożizzjoni tal-miżuri provviżorji, il-Kummissjoni fittxet u vverifikat l-informazzjoni mogħtija fil-formoli tal-klejms u l-informazzjoni l-oħra kollha li kien jidhrilha li kienet meħtieġa fil-post tal-kumpaniji inkwistjoni:

(33)

Fil-qosor, u sabiex tiġi faċilitata r-referenza biss, il-kriterji tat-TES qegħdin jiġu stabbiliti f’forma mqassra hawn taħt.

(34)

Iż-żewġ kumpaniji kellhom klawżola restrittiva li tikkonċerna r-ripartizzjoni tal-bejgħ bejn is-suq tal-esportazzjoni u dak domestiku fid-dokumenti tar-reġistrazzjoni tagħhom. Għal esportatur partikolari, instab numru ta’ inkonsistenzi u nuqqasijiet fis-sistema tal-kontabbiltà tal-applikant li wassal għall-konklużjoni li l-kontijiet ma kinux ċari, u ma kinux imħejjija u lanqas awditjati skont l-istandards internazzjonali tal-kontabbiltà. Finalment, instabu ċertu distorsjonijiet li ġew mgħoddija mis-sistema tal-ekonomija mhux tas-suq b’mod partikolari fir-rigward tax-xiri tad-drittijiet tal-użu tal-art tal-kumpanija.

(35)

Fuq din il-bażi, ġie konkluż li l-ebda waħda miż-żewġ kumpaniji ma wriet li ssodisfat il-kriterji kollha tal-Artikolu 2(7)(c) tar-Regolament bażiku u ma setgħux jingħataw it-TES.

(36)

Skont l-Artikolu 2(7)(a) tar-Regolament bażiku, dazju għall-pajjiż kollu, jekk ikun hemm, għandu jiġi stabbilit għall-pajjiżi li jaqgħu taħt dak l-Artikolu, minbarra f’dawk il-każiijiet fejn il-kumpaniji jkunu kapaċi li juru li jissodisfaw il-kriterji kollha stabbiliti fl-Artikolu 9(5) tar-Regolament bażiku sabiex jingħataw it-TI.

(37)

Iż-żewġ produtturi esportaturi li talbu eżaminazzjoni individwali ma ssodisfawx il-kriterji tat-TES iżda talbu t-TI fl-eventwalità li ma jingħatawx it-TES.

(38)

Fil-qosor, u sabiex tiġi faċilitata r-referenza biss, il-kriterji tat-TI qegħdin jiġu stabbiliti hawn taħt:

(39)

Fuq il-bażi tal-informazzjoni disponibbli, ġie stabbilit li dawn iż-żewġ produtturi esportaturi fir-RPĊ, li mhumiex inklużi fil-kampjun, li kienu jeħtieġu eżaminazzjoni individwali, laħqu r-rekwiżiti kollha ta’ hawn fuq sabiex jingħataw it-TI kif stabbilit fl-Artikolu 9(5) tar-Regolament bażiku.

(40)

Kif imsemmi fil-premessi (57) sa (62) tar-Regolament provviżorju, ġie kkunsidrat li l-Istati Uniti tal-Amerika ma kienx pajjiż analogu xieraq għall-għan li jiġi stabbilit valur normali għar-RPĊ. Minflok intgħażel it-Tajwan bħala l-pajjiż analogu xieraq sabiex jiġi stabbilit valur normali għar-RPĊ skont l-Artikolu 2(7) tar-Regolament bażiku.

(41)

Wara l-impożizzjoni tal-miżuri provviżorji ċerti partijiet issuġġerew minflok l-użu tal-Korea bħala pajjiż analogu. Huma sostnew li l-Korea kienet iżjed approprjata mit-Tajwan minħabba li l-produtturi esportaturi Koreani jużaw ukoll it-teknoloġija tal-produzzjoni reċenti ta’ pass wieħed, huma għandhom volum għoli ta’ komparabilità fil-prodotti finali mar-RPĊ, is-suq domestiku Korean huwa kbir u komparabbli ma’ dak tar-RPĊ u l-ebda kumpanija fil-Korea ma nstabet li qed twettaq id-dumping.

(42)

Fir-rigward l-għażla ta’ pajjiż analogu, ġew eżaminati l-kriterji li ġejjin: il-komparabilità tal-volum tal-produzzjoni ta’ prodotti finali fil-pajjiż b’ekonomija mhux tas-suq u fil-pajjiż potenzjalment analogu, ir-rappreżentattività tal-bejgħ domestiku (tranżazzjonijiet) lil klijenti mhux relatati meta mqabbla mal-esportazzjonijiet tal-prodott ikkonċernat li joriġina fil-pajjiż b’ekonomija mhux tas-suq, il-livell ta’ kompetizzjoni fis-suq domestiku tal-pajjiż analogu, il-komparabilità tal-aċċess għall-materja prima u l-enerġija, kemm l-esportaturi fil-pajjiż potenzjalment analogu jkunu lesti li jikkooperaw fl-investigazzjoni.

(43)

Analiżi oħra li saret wara l-impożizzjoni tal-miżuri provviżorji twettqet fuq bażi tal-informazzjoni kollha disponibbli sabiex jiġu analizzati l-kriterji rilevanti. Din l-analiżi wriet li hemm tabilħaqq similaritajiet bejn il-Korea u t-Tajwan fit-termini ta’ ċerti kriterji. Madankollu, meta ġew imqabbla deher li t-Tajwan kien il-pajjiż analogu l-iżjed adatt.

(44)

L-analiżi wriet li l-Korea u t-Tajwan għandhom livell għoli ta’ komparabilità fil-volum tal-prodotti finali manifatturati mal-produtturi fir-RPĊ u volum kbir ta’ prodotti mibjugħa domestikament fiż-żewġ pajjiżi jista’ jiġi mqabbel ma’ esportazzjonijiet magħmula mir-RPĊ. Dan il-kriterju wera livell kemm kemm iżjed għoli ta’ komparabilità tal-volum għall-Korea billi l-volum tal-produzzjoni tagħha huwa ikbar minn dak tat-Tajwan.

(45)

Madankollu, l-importanza ta’ dan il-kriterju ma għandux jiġi sopravvalutat fuq kriterji oħra bħar-rappreżentattività tat-tranżazzjonijiet tal-bejgħ domestiku meta mqabbla mal-esportazzjonijiet, l-aċċess għal materja prima u l-livell ta’ kompetizzjoni fil-pajjiż analogu.

(46)

Instab li kemm il-Korea kif ukoll it-Tajwan kellhom numru għoli ta’ bejgħ domestiku rappreżentattiv li għalih il-valur normali ma kellux jiġi kostruwit, meta mqabbel mal-esportazzjonijiet mir-RPĊ. Madankollu, instab li b’mod ġenerali t-tranżazzjonijiet magħmula mill-esportaturi Tajwaniżi kienu iżjed rappreżentattivi minn dawk tal-esportaturi Koreani. Il-valur normali għal volum ogħla u għal iżjed tipi tal-prodott ikkonċernat kien ikollu jiġi kostruwit kieku l-Korea ntgħażlet bħala pajjiż analogu.

(47)

Rigward il-livell ta’ kompetizzjoni, parti waħda allegat li produttur esportatur Tajwaniż partikolari kellu pożizzjoni dominanti fis-suq domestiku tagħha u li dan għandu wkoll jipprekludi l-użu tat-Tajwan bħala pajjiż analogu.

(48)

Numru għoli ta’ produtturi jista’ jkun indikazzjoni ta’ kompetizzjoni fil-pajjiż. Iżda dak li għandu jiġi eżaminat ukoll huwa jekk il-produtturi fil-pajjiż analogu humiex soġġetti jew le għal kompetizzjoni li tippermetti profitt biżżejjed iżda mhux eċċessiv.

(49)

Instab li hemm erba’ produtturi domestiċi fil-Korea u li l-importazzjonijiet tal-HTY jikkomplimentaw is-suq domestiku. Fir-rigward tat-Tajwan, hemm żewġ produtturi u s-suq domestiku jiġi servit ukoll minn sorsi minn barra. Madankollu, l-investigazzjoni wriet li, minkejja l-ispejjeż iżjed baxxi fil-Korea, il-livell ta’ prezzijiet domestiċi ma kienx iżjed baxx milli fit-Tajwan. Il-profitti magħmula fis-suq Korean kienu f’medja ta’ 18 % waqt li l-produtturi Koreani tal-HTY kienu qegħdin jiksbu profitti ‘l fuq minn 20 % fuq il-fatturat għall-prodott ikkonċernat. Dan huwa ħafna ogħla mit-Tajwan fejn il-profitti jvarjaw bejn 5 % u 9 %.

(50)

Għalhekk huwa kkunsidrat li hemm livell għoli ta’ kompetizzjoni fit-Tajwan u li l-profitti mhumiex eċċessivi.

(51)

Rigward l-aċċess għall-materja prima, il-Korea hija bla dubju waħda mill-ikbar produtturi u esportaturi tal-ATP mad-dinja kollha wara t-Tajlandja. Dan il-vantaġġ kompetittiv tal-produtturi Koreani jista’ jispjega, sa ċertu punt, għalfejn il-prezz tal-materja prima fil-Korea kien medjament iżjed baxx milli fit-Tajwan u fir-RPĊ. L-investigazzjoni wriet li ħafna mill-kumpaniji Koreani verifikati kisbu l-materjali naturali tagħhom minn kumpaniji relatati jew setgħu jipproduċuhom huma stess. Għall-kuntrarju, fit-Tajwan l-ebda waħda mill-kumpaniji investigati ma kienet tipproduċi l-materja prima tagħha u kienet priċipalment qiegħda tiksbu mingħand partijiet relatati u mhux relatati, kif inhuwa l-każ fir-RPĊ.

(52)

L-informazzjoni disponibbli u l-fatt li l-produtturi esportaturi Tajwaniżi għandhom produtturi relatati ta’ HTY fir-RPĊ jissuġġerixxu li qed jintużaw l-istess sorsi ta’ provvista tal-materja prima fil-gruppi sabiex jiġu realizzati ekonomiji ta’ skala u jinkisbu prezzijiet aħjar. Għalhekk ġie kkunsidrat li l-kundizzjonijiet tal-aċcess għall-materja prima fir-RPĊ huma simili ħafna għal dawk fit-Tajwan.

(53)

Fuq dik il-bażi, huwa kkunsidrat li l-għażla tat-Tajwan kienet raġonevoli u iżjed approprjata f’dan il-każ. Għalhekk it-Tajwan qed jiġi kkonfermat bħala l-pajjiż analogu.

(54)

Fl-assenza ta’ kummenti dwar il-valuri normali stabbiliti għall-kumpanija mogħtija t-TES qegħdin jiġu kkonfermati l-premessi (64) u (65) tar-Regolament provviżorju.

(55)

Kif imsemmi fil-premessa (15), esportatur partikolari fit-Tajwan wera li l-prezz tax-xiri tiegħu tal-materja prima ewlenija użata għall-produzzjoni tal-HTY kien ivarja waqt il-PI u sostna li dan kellu jiġi kkunsidrat meta jkun qed jiġi stabbilit il-valur normali. Din il-klejm ġiet ikkunsidrata bħala ġustifikata u l-valuri normali stabbiliti għat-Tajwan, il-pajjiż analogu f’dan il-każ, ġew riveduti għal dan il-għan.

(56)

Kif spjegat fil-premessa (68) tar-Regolament provviżorju, il-bejgħ kollu tal-prodott ikkonċernat magħmul mill-produtturi esportaturi magħżula bħala kampjun fis-suq tal-Unjoni sar direttament lil klijenti indipendenti fl-Unjoni. Konsegwentement, il-prezz tal-esportazzjoni ġie stabbilit skont l-Artikolu 2(8) tar-Regolament bażiku, fuq il-bażi ta’ prezzijiet effettivament imħallsa jew pagabbli. Il-prezzijiet tal-esportazzjoni tal-kumpaniji eżaminati b’mod individwali saru wkoll direttament lil klijenti mhux relatati u għalhekk il-metodu deskritt fil-premessa (68) tar-Regolament provviżorju intuża wkoll sabiex jiġi stabbilit il-prezz tal-esportazzjoni għal dawn il-kumpaniji.

(57)

Fl-assenza ta’ kwalunkwe kumment li jikkonċerna l-prezz tal-esportazzjoni, il-premessa (68) tar-Regolament provviżorju qiegħda b’dan tiġi kkonfermata.

(58)

Il-valuri normali riveduti stabbiliti għall-pajjiż analogu tqabblu mal-prezz tal-esportazzjoni tal-produtturi esportaturi li qegħdin jikkooperaw fir-RPĊ. Kif muri fil-premessa (63) hawn taħt dan wassal għal marġnijiet definittivi ta’ dumping imnaqqsa għat-tliet produtturi esportaturi magħżula bħala kampjun fir-RPĊ.

(59)

Qed jiġi nnotat li l-aġġustament tat-taxxa indiretta msemmi fil-premessa (69) tar-Regolament provviżorju jirrappreżenta d-differenza bejn it-taxxa fuq il-valur miżjud (VAT) pagabbli fuq il-bejgħ domestiku u dik pagabbli fuq it-tranżazzjonijiet tal-bejgħ tal-esportazzjoni bil-kunsiderazzjoni dovuta tar-rata tar-rimborż tal-VAT fuq il-bejgħ tal-esportazzjoni. Il-produtturi esportaturi li qegħdin jikkooperaw ikkuntestaw il-mod kif l-aġġustament ġie kkalkulat u sostnew li r-reġim tal-VAT applikabbli għal operazzjonijiet speċifiċi tal-ipproċessar u l-bejgħ għandu jiġi kkunsidrat waqt il-valutazzjoni tal-ammont ta’ VAT mhux rimborsata.

(60)

Rigward din il-klejm qed jiġi nnotat li l-aġġustament kien ibbażat fuq id-dispożizzjonijiet tal-Artikolu 2(10)(b) tar-Regolament bażiku li jipprevedi aġġustament sabiex jintlaħaq il-valur normali għat-taxxi fuq l-importazzjoni u t-taxxi indiretti – kategorija li tinkludi l-VAT. Fuq din il-bażi il-klejm ġiet miċħuda.

(61)

Fl-assenza ta’ kwalunkwe kumment ieħor dwar it-tqabbil, li jista’ jibdel is-sejbiet provviżorji, il-premessa (69) tar-Regolament bażiku qiegħda b’dan tiġi kkonfermata.

(62)

Il-valuri normali medji riveduti stabbiliti għat-Tajwan, il-pajjiż analogu, u t-tqabbil mal-prezz tal-esportazzjoni tal-produtturi esportaturi Ċiniżi wasslu għal marġnijiet definittivi ta’ dumping iżjed baxxi.

(63)

Dawn il-marġnijiet definittivi ta’ dumping għall-produtturi esportaturi Ċiniżi huma dawn li ġejjin:

(64)

Għall-kumpaniji li talbu eżaminazzjoni individwali l-marġnijiet definittivi tad-dumping huma dawn li ġejjin:

(65)

Fl-assenza ta’ kwalunkwe kumment ieħor dwar il-valur normali, spjegat fil-premessi (75) sa (76) tar-Regolament provviżorju, dawn is-sejbiet qegħdin b’dan jiġu kkonfermati.

(66)

Fl-assenza ta’ kwalunkwe kumment dwar il-prezz tal-esportazzjoni, il-premessi (77) sa (78) tar-Regolament provviżorju, qegħdin b’dan jiġu kkonfermati.

(67)

Fl-assenza ta’ kwalunkwe kumment ieħor dwar it-tqabbil, li jista’ jibdel is-sejbiet provviżorji, il-premessi (79) sa (81) tar-Regolament provviżorju qegħdin b’dan jiġu kkonfermati.

(68)

Fl-assenza ta’ kwalunkwe kumment ieħor dwar il-marġnijiet tad-dumping, li jista’ jibdel is-sejbiet provviżorji dwar il-Korea, il-premessi (82) sa (85) tar-Regolament provviżorju qegħdin b’dan jiġu kkonfermati.

(69)

Fl-assenza ta’ kwalunkwe kumment ieħor dwar il-produzzjoni tal-Unjoni, il-premessi (94) sa (96) tar-Regolament provviżorju qegħdin b’dan jiġu kkonfermati.

(70)

Fl-assenza ta’ kwalunkwe kumment dwar id-definizzjoni tal-industrija tal-Unjoni, il-premessa (97) tar-Regolament provviżorju qiegħda b’dan tiġi kkonfermata.

(71)

Qed jiġi mfakkar li l-konsum tal-Unjoni ġie stabbilit fuq il-bażi tal-importazzjonijiet totali, meħuda mill-Eurostat, il-bejgħ totali fis-suq tal-Unjoni u tal-industrija tal-Unjoni, inkluża stima bbażata fuq dejta fl-ilment tal-bejgħ tal-produtturi siekta.

Tabella 1

(72)

Il-konsum ġenerali tal-Unjoni naqas b’7 % waqt il-perjodu kkunsidrat. Żdied b’20 % bejn l-2005 u l-2007, u wara naqas b’27 % bejn l-2007 u l-PI. It-tnaqqis fir-ritmu tal-konsum fl-2008 u l-PI kien ir-riżultat ta’ domanda iżjed baxxa, b’mod speċjali fit-tieni nofs tal-2008 minħabba l-kriżi ekonomika.

(73)

Fl-assenza ta’ kwalunkwe kumment dwar il-konsum tal-Unjoni, il-premessi (98) sa (100) tar-Regolament provviżorju qegħdin b’dan jiġu kkonfermati.

(74)

Qed jiġi mfakkar li l-importazzjonijiet mill-Korea u t-Tajwan ma kinux ġew akkumulati mal-importazzjonijiet dumped mir-RPĊ minħabba li kemm l-importazzjonijiet Koreani kif ukoll dawk Tajwaniżi ma sarux bi prezzijiet dumped waqt il-PI, kif imsemmi fil-premessi (102) u (103) tar-Regolament provviżorju.

(75)

Qed jiġi nnotat li sabiex issir valutazzjoni dwar jekk l-importazzjonijiet mill-pajjiżi kkonċernati għandhomx jiġu valutati b’mod kumulattiv fl-investigazzjoni attwali, l-importazzjonijiet minn kull pajjiż ġew eżaminati b’mod individwali fid-dawl tal-kundizzjonijiet stabbiliti fl-Artikolu 3(4) tar-Regolament bażiku. Billi l-marġni tad-dumping fir-rigward tal-importazzjonijiet mill-Korea u t-Tajwan kien taħt de minimis, ġie konkluż li l-importazzjonijiet mill-Korea u t-Tajwan ma għandhomx jiġu kumulati mal-importazzjonijiet dumped mir-RPĊ. Wara din il-konklużjoni, dawn l-importazzjonijiet ġew analizzati b’mod separat fil-premessi (147) sa (152) tar-Regolament provviżorju skont l-Artikolu 3(7) tar-Regolament bażiku.

(76)

Qed jiġi mfakkar li b’mod provviżorju kien instab li produttur esportatur partikolari fir-RPĊ ma kienx qed iwettaq dumping tal-prodotti tiegħu fis-suq tal-Unjoni. Kif dovut, dawn l-esportazzjonijiet ġew esklużi mill-analiżi tal-iżvilupp tal-importazzjonijiet dumped mir-RPĊ fis-suq tal-Unjoni. Wara l-eżaminazzjonijiet individwali li saru wara l-impożizzjoni ta’ miżuri provviżorji, instab li l-esportazzjonijiet min-naħa ta’ produttur esportatur addizzjonali fir-RPĊ ma kinux oġġett ta’ dumping, kif imsemmi fil-premessa (64) ta’ hawn fuq. Għalhekk, dawn l-esportazzjonijiet ġew esklużi wkoll mill-analiżi li tikkonċerna l-iżvilupp tal-importazzjonijiet dumped mir-RPĊ fis-suq tal-Unjoni u l-impatt fuq l-industrija tal-Unjoni. Kif inhu dovut, id-dejta dwar l-importazzjonijiet dumped mir-RPĊ ġiet riveduta.

Tabella 2

(77)

Wara r-reviżjoni tad-dejta li tikkonċerna l-importazzjonijiet dumped mir-RPĊ, instab li l-volum tagħhom żdied b’mod drammatiku b’iżjed minn tmien darbiet fil-perjodu kkunsidrat, waqt li fl-istess ħin il-prezzijiet medji tal-importazzjonijiet naqsu drastikament b’45 %.

(78)

Fl-assenza ta’ kwalunkwe kumment li jikkonċerna t-twaqqigħ tal-prezzijiet, il-metodoloġija deskritta fil-premessi (110) u (111) tar-Regolament provviżorju sabiex jiġi stabbilit it-twaqqigħ tal-prezzijiet qiegħda tiġi kkonfermata. Madankollu, wara l-eżaminazzjonijiet individwali mogħtija wara l-impożizzjoni ta’ miżuri provviżorji, kif imsemmi fil-premessa (31), it-tqabbil tal-prezz ta’ tipi ta’ prodott simili reġa’ gie valutat. Din ir-rivalutazzjoni kkonfermat li l-importazzjonijiet dumped mir-RPĊ kienu qegħdin iwaqqgħu il-prezzijiet tal-industrija tal-Unjoni b’24,1 % waqt il-PI.

(79)

Qed jiġi mfakkar li minħabba li nstab li l-importazzjonijiet mill-Korea, it-Tajwan u żewġ kumpaniji Ċiniżi ma kinux dumped, m’għandhomx jiġu kumulati mal-importazzjonijiet dumped mir-RPĊ. Għalhekk ġew esklużi mill-analiżi tal-impatt tal-importazzjonijiet dumped fl-industrija tal-Unjoni u ġew valutati b’mod separat.

(80)

Kif imsemmi fil-premessa (113) tar-Regolament provviżorju, l-eżaminazzjoni tal-impatt tal-importazzjonijiet dumped fuq l-industrija tal-Unjoni kienet tinkludi evalwazzjoni tal-indikaturi ekonomiċi kollha għal valutazzjoni tal-istat tal-industrija tal-Unjoni mill-2005 sal-aħħar tal-PI.

(81)

Qed jiġi mfakkar li l-istampa tal-ħsara kienet ċara fl-istadju provviżorju billi ħafna mill-indikaturi tadtal-ħsara kienu qegħdin juru tendenza għal tnaqqis waqt il-perjodu kkunsidrat: volum tal-produzzjoni (– 36 %), volum tal-bejgħ (– 29 %), prezzijiet tal-bejgħ (– 9 %) u sehem mis-suq (– 23 %). Barra dan, l-indikaturi tal-ħsara relatati mal-prestazzjoni finanzjarja tal-industrija tal-Unjoni, bħall-profittabbiltà (– 16,3 punti perċentwal) u l-fluss tal-likwidità (– 141 %) ukoll iddeterjoraw b’mod drammatiku, waqt li l-investimenti naqsu b’mod sinifikanti (– 89 %).

(82)

Fl-assenza ta’ kwalunkwe kumment fir-rigward tal-produzzjoni, il-kapaċità tal-produzzjoni u l-kapaċità tal-użu, il-volum tal-bejgħ u s-sehem tas-suq, il-prezzijiet, l-istokks, l-impjieg, il-pagi u l-produttività, u l-indikaturi tal-prestazzjoni finanzjarja tal-industrija tal-Unjoni, is-sejbiet provviżorji magħmula fil-premessi (114) sa (126) tar-Regolament provviżorju qegħdin b’dan jiġu kkonfermati.

(83)

Fl-assenza ta’ kwalunkwe kumment ieħor fir-rigward tas-sitwazzjoni ekonomika tal-industrija tal-Unjoni, il-konklużjoni li l-industrija tal-Unjoni sofriet ħsara materjali, kif stabbilit fil-premessi (127) sa (130) tar-Regolament provviżorju, hija kkonfermata.

(84)

Skont l-Artikoli 3(6) u 3(7) tar-Ragolament bażiku, ġie eżaminat jekk l-importazzjonijiet dumped tal-prodott ikkonċernat li joriġina fir-RPĊ ikkawżawx ħsara lill-industrija tal-Unjoni sa livell li jista’ jiġi kkunsidrat bħala materjali. Il-fatturi magħrufa minbarra l-importazzjonijiet dumped, li fl-istess ħin jistgħu jkunu qegħdin jikkawżaw ħsara lill-industrija tal-Unjoni, ġew eżaminati ukoll sabiex jiġi żgurat li l-ħsara possibbli kkawżata minn dawn il-fatturi l-oħra ma jkunx ġie attribwit lill-importazzjonijiet dumped.

(85)

L-importazzjonijiet dumped mir-RPĊ żdiedu b’mod drammatiku matul il-perjodu kkunsidrat. Wara r-reviżjoni tad-dejta li tikkonċerna l-importazzjonijiet dumped li joriġinaw fir-RPĊ, kif deskritt fil-premessa (76) ta’ hawn fuq, il-volum tal-importazzjonijiet dumped mir-RPĊ żdied iżjed minn tmien darbiet bejn l-2005 u l-PI, biż-żieda fis-sehem tas-suq tagħhom b’madwar 16-il punt perċentwal. Waqt l-istess perjodu l-konsum tal-Unjoni naqas b’7 %.

(86)

Waqt il-perjodu kkunsidrat, l-industrija tal-Unjoni kellha tiffaċċja telf sinifikanti ta’ 29 % fil-volum tal-bejgħ tagħha u konsegwentement is-sehem tagħha mis-suq waqa’ minn 51,1 % għal 39,2 %, kważi 12-il punt perċentwal. Fil-perjodu bejn l-2008 u l-PI, is-sehem mis-suq tal-industrija tal-Unjoni waqa’ b’żewġ punti perċentwali waqt li dak tal-importazzjonijiet dumped żdied, minkejja t-tnaqqis fid-domanda fis-suq tal-Unjoni.

(87)

Fir-rigward tal-prezzijiet tal-importazzjonijiet dumped, wara r-reviżjoni tad-dejta kif deskritt fil-premessa (76) dawn naqsu b’45 % waqt il-perjodu kkunsidrat u kienu orħos ferm mill-prezzijiet iċċarġjati mill-industrija tal-Unjoni fuq is-suq tal-Unjoni. Konsegwentement, l-industrija tal-Unjoni ġiet impedita milli żżid il-prezzijiet tagħha sabiex tkopri ż-żieda fil-prezzijiet tal-materja prima. B’riżultat ta’ dan, il-profitabbiltà tal-bejgħ tal-industrija tal-Unjoni fis-suq tal-Unjoni naqset, kif spjegat fil-premessa (81) tar-Regolament provviżorju, minn profitt ta’ 3 % fl-2005 għal telf ta’ 13,3 % fil-PI.

(88)

L-investigazzjoni wriet ukoll li l-volumi li qegħdin jikbru ta’ importazzjonijiet dumped bi prezz baxx mir-RPĊ kellhom impatt negattiv fuq is-suq b’mod ġenerali billi naqqsu l-prezzijiet. Il-pressjoni kontinwa eżerċitata fuq is-suq tal-Unjoni ma ppermettietx lill-industrija tal-Unjoni li tadatta l-prezzijiet tal-bejgħ tagħha għall-kostijiet ogħla tal-materja prima, b’mod partikolari fl-2008, meta l-prezzijiet tal-materja prima laħqu livell massimu. Dan spjega t-telf mis-sehem tas-suq u t-telf fil-profitabbiltà tal-industrija tal-Unjoni.

(89)

B’kunsiderazzjoni ta’ dan ta’ hawn fuq, u fl-assenza ta’ kwalunkwe kumment dwar l-impatt tal-importazzjonijiet dumped, jista’ jiġi kkonfermat li ż-żieda f’daqqa tal-importazzjonijiet dumped bi prezz baxx mir-RPĊ kellha impatt negattiv konsiderevoli fuq is-sitwazzjoni ekonomika tal-industrija tal-Unjoni.

(90)

Fir-rigward tal-effett tal-importazzjonijiet mhux dumped mir-RPĊ qed jiġi mfakkar li żewġ produtturi esportaturi Ċiniżi nstabu li ma kinux qegħdin jagħmlu dumping ta’ HTY fis-suq tal-Unjoni. Waqt li ma jistax jiġi eskluż li dawn l-importazzjonijiet setgħu kienu sa ċertu punt ta’ kontribut għall-ħsara tal-industrija tal-Unjoni, qed jiġi kkunsidrat li fid-dawl tal-volum u b’mod partikolari l-prezzijiet li medjament kienu ogħla mill-prezzijiet tal-importazzjonijiet dumped, l-impatt ta’ dawn l-importazzjonijiet mhux dumped mhuwiex tali li jista’ jikser il-konnessjoni kawżali stabbilita bejn l-importazzjonijiet dumped mir-RPĊ u l-ħsara li saret lill-industrija tal-Unjoni.

(91)

Qed jiġi mfakkar li ġew eżaminati wkoll fatturi oħra fl-analiżi tal-kawżalità, prinċipalment l-iżvilupp tad-domanda fis-suq tal-Unjoni, l-evoluzzjoni tal-prezzijiet tal-materja prima, il-produzzjoni captive tal-industrija tal-Unjoni, il-prestazzjoni tal-esportazzjoni tal-industrija tal-Unjoni, l-importazzjonijiet minn pajjiżi oħra, inklużi l-importazzjonijiet mill-Korea u t-Tajwan, u l-prestazzjoni ta’ produtturi oħra fl-Unjoni.

(92)

Parti waħda sostniet li l-analiżi tal-kawżalità naqset milli tipprova li d-dannu kkawżat minn fatturi li mhumiex l-importazzjonijiet dumped ma kienx attribwit lill-importazzjonijiet Ċiniżi. B’mod partikolari, sostniet li fatturi bħall-iżvilupp fid-domanda u ż-żieda fil-prezzijiet tal-materja prima taw kontribut għad-dannu li sar lill-industrija tal-Unjoni u ma ġewx ikkunsidrati fl-analiżi tal-kawżalità.

(93)

Fir-rigward tal-iżvilupp fid-domanda, qed jiġi mfakkar li fil-kuntest ta’ konsum li dejjem qed jonqos l-importazzjonijiet mir-RPĊ xorta rnexxielhom iżidu s-sehem mis-suq tagħhom. Rigward iż-żieda fil-prezzijiet tal-materja prima, huwa rikonoxxut li l-prezzijiet tal-materja prima żdiedu fl-ewwel nofs tal-PI kif imsemmi fil-premessa (139) tar-Regolament provviżorju. Madankollu, il-prezzijiet naqsu fit-tieni nofs tal-PI. Dawn il-fluttwazzjonijiet fil-prezzijiet tal-materja prima affettwaw lill-operaturi ekonomiċi kollha. Barra dan, fl-assenza tal-pressjoni fuq il-prezzijiet eżerċitata mill-importazzjonijiet dumped bi prezz baxx mir-RPĊ, seta’ kien mistenni li l-industrija tal-Unjoni kienet tkun f’pożizzjoni li tadatta l-prezzijiet tal-bejgħ tagħha, b’konformità mal-iżvilupp tal-prezzijiet tal-materja prima. Għalhekk, il-premessi (138) sa (140) tar-Regolament provviżorju qegħdin jiġu kkonfermati u konsegwentement din il-klejm qiegħda tiġi miċħuda.

(94)

Fl-assenza ta’ kwalunkwe kumment dwar il-produzzjoni captive jew il-prestazzjoni tal-esportazzjoni tal-industrija tal-Unjoni, il-premessi (141) sa (143) tar-Regolament provviżorju qegħdin b’dan jiġu kkonfermati.

(95)

Ċertu partijiet sostnew ukoll li l-produtturi tal-Unjoni ma kinux ikunu kapaċi li jżidu l-prezzijiet tagħhom sabiex jirriflettu l-bdil fil-kostijiet tal-materja prima fid-dawl tal-importazzjonijiet bi prezz baxx mill-Korea u t-Tajwan.

(96)

F’dan ir-rigward l-ewwel nett qed jiġi nnotat li l-prezzijiet tal-importazzjonijiet mill-Korea u t-Tajwan baqgħu ogħla mill-prezzijiet medji tal-importazzjonijiet mir-RPĊ matul il-perjodu kkunsidrat. It-tieni, il-volumi tal-importazzjonijiet naqsu b’mod sostanzjali bejn l-2007 u t-tmiem tal-PI. Għalhekk qed jiġi kkunsidrat li l-volum u l-prezzijiet ta’ dawn l-importazzjonijiet ma setgħux kienu l-kawża prinċipali tal-ħsara materjali lill-industrija tal-Unjoni u għalhekk ma jistgħux jiksru l-konnessjoni każwali bejn il-ħsara li saret lill-industrija tal-Unjoni u l-importazzjonijiet dumped mir-RPĊ. Għalhekk, din il-klejm ġiet miċħuda.

(97)

Fl-assenza ta’ kwalunkwe kumment ieħor dwar l-importazzjonijiet minn pajjiżi terzi, inklużi l-Korea u t-Tajwan, il-premessi (144) sa (152) tar-Regolament provviżorju qegħdin b’dan jiġu kkonfermati.

(98)

Fl-assenza ta’ kwalunkwe kumment dwar il-produtturi l-oħra fl-Unjoni, il-premessi (153) sa (154) tar-Regolament provviżorju qegħdin b’dan jiġu kkonfermati.

(99)

Wara l-iżvelar provviżorju, parti waħda sostniet li l-profitabbiltà iżjed baxxa tal-industrija tal-Unjoni għandha tiġi attribwita lill-proporzjon għoli li l-hekk imsejjaħ proċess tal-produzzjoni taż-żewġ passi kien jirrappreżenta fil-kapaċità ta’ produzzjoni tal-industrija tal-Unjoni u lid-dewmien allegat min-naħa tal-industrija tal-Unjoni sabiex timplimenta l-hekk imsejjaħ proċess ta’ produzzjoni ta’ pass wieħed modern.

(100)

Għandu jiġi nnotat li l-parti l-kbira tal-medda ta’ tipi ta’ prodott prodotti u mibjugħa mill-produtturi esportaturi fir-RPĊ u l-industrija tal-Unjoni hija komuni. L-industrija tal-Unjoni tuża l-hekk imsejjaħ proċess ta’ produzzjoni taż-żewġ passi billi qiegħda tippermetti l-produzzjoni ta’ tipi speċifiċi ta’ prodott li normalment jinbiegħu bi prezz ogħla fis-suq. Kif inhu spjegat fil-premessi (85) sa (89), il-preżenza ta’ importazzjonijiet dumped ta’ HTY bi prezz baxx mir-RPĊ affettwat b’mod ġenerali s-suq tal-UE prinċipalment billi eżerċitat pressjoni għat-tnaqqis tal-prezzijiet.

(101)

Għalhekk huwa kkunsidrat li l-eżistenza ta’ żewġ proċessi ta’ produzzjoni differenti ma setgħetx per se kellha impatt materjali fuq il-marġnijiet tal-profitt, b’mod partikolari fid-dawl tal-pressjoni tal-prezzijiet eżerċitata mill-importazzjonijiet dumped mir-RPĊ. Barra dan, ma ġiet sottomessal-ebda evidenza sostanzjali sabiex tappoġġja l-klejm li l-industrija tal-Unjoni saritilha ħsara materjali minħabba n-nuqqas ta’ teknoloġija iżjed reċenti. Għalhekk din il-klejm ġiet miċħuda.

(102)

Fid-dawl ta’ dan ta’ qabel u fl-assenza ta’ kwalunkwe kumment ieħor, qed jiġi konkluż li l-importazzjonijiet dumped mir-RPĊ kkawżaw dannu materjali lill-industrija tal-Unjoni fit-tifsira tal-Artikolu 3(6) tar-Regolament bażiku u l-premessi (155) sa (158) tar-Regolament provviżorju qegħdin jiġu kkonfermati.

(103)

L-analiżi tal-interess tal-Unjoni ġiet adattata sabiex tikkunsidra r-reviżjonijiet tal-marġnijiet tad-dumping wara kummenti dwar l-iżvelar provviżorju u l-eżaminazzjonijiet individwali mwettqa wara l-impożizzjoni ta’ miżuri provviżorji. Kif inhuwa dovut, fid-dawl tal-livell għoli ta’ kooperazzjoni, il-parti l-kbira tal-importazzjonijiet mir-RPĊ għandha tkun soġġetta għal livell ta’ dazju ta’ madwar 5 % kif imsemmi fil-premessa (63).

(104)

Qed jiġi mfakkar li l-industrija tal-Unjoni hija magħmula minn erba’ produtturi li jinsabu fi Stati Membri differenti, li qegħdin jimpjegaw direttament ‘il fuq minn 1 300 persuna f’attivitajiet relatati mal-HTY. L-indikaturi kollha tal-ħsara, b’mod partikolari dawk relatati mal-prestazzjoni finanzjarja tal-industrija tal-Unjoni, urew tendenza negattiva waqt il-perjodu kkunsidrat. L-impjieg ukoll naqas b’mod sinifikanti bi 23 %, li jikkorrispondi għal tnaqqis ta’ madwar 400 ekwivalenti għall-full time waqt il-perjodu kkunsidrat.

(105)

Wara l-impożizzjoni ta’ miżuri provviżorji, l-industrija tal-Unjoni ssottomettiet li l-fabbriki li ma kinux qegħdin joperaw minħabba l-importazzjonijiet dumped reċentement infetħu mill-ġdid. Dan juri li l-miżuri provviżorji diġà kellhom impatt pożittiv fuq l-industrija tal-Unjoni.

(106)

Huwa mistenni li l-impożizzjoni ta’ dazji definittivi tal-antidumping kontra l-importazzjonijiet li joriġinaw fir-RPĊ għandu jkollha impatt pożittiv ieħor fuq is-sitwazzjoni ekonomika tal-industrija tal-Unjoni u għandha tippermettilha li tikseb mill-ġdid mill-inqas parti mis-sehem tagħha tas-suq li tilfet.

(107)

Fl-assenza ta’ kwalunkwe kumment ieħor fir-rigward tal-interess tal-industrija tal-Unjoni, il-premessi (160) sa (163) tar-Regolament provviżorju qegħdin b’dan jiġu kkonfermati.

(108)

Ċerti partijiet sostnew li l-analiżi tal-impatt tal-miżuri fuq l-importaturi ma indirizzatx id-diffikultà tal-bdil ta’ malajr tal-fornituri tal-HTY. F’dan ir-rigward, huwa rikonoxxut li l-bdil tas-sorsi tal-provvista jista’ jieħu ż-żmien skont l-applikazzjoni finali. Madankollu, għandu jkun hemm sorsi oħra disponibbli, inkluż l-importazzjonijiet mill-Korea u t-Tajwan kif ukoll l-importazzjonijiet miż-żewġ produtturi esportaturi Ċiniżi msemmija fil-premessi (63) u (64), li m’għandhomx ikunu soġġetti għad-dazju tal-antidumping. Għalhekk, din il-klejm ġiet miċħuda u l-konklużjoni provviżorja li l-miżuri m’għandux ikollhom impatt negattiv sinifikanti fuq l-importaturi qiegħda tiġi kkonfermata.

(109)

Fl-assenza ta’ kwalunkwe kumment ieħor, il-premessi (164) u (165) tar-Regolament provviżorju qegħdin b’dan jiġu kkonfermati.

(110)

L-utenti tal-HTY urew interess qawwi f’dan il-każ. Minn 68 utent ikkuntattjat, 33 ikkooperaw fl-investigazzjoni. L-investigazzjoni uriet li 24 mit-33 utent li qegħdin jikkooperaw xtraw HTY fir-RPĊ. 12 % minn dawn l-importazzjonijiet kienu minn kumpaniji li nstab li ma kinux responsabbli mid-dumping.

(111)

Fl-istadju provviżorju l-analiżi dwar l-impatt ta’ miżuri fuq l-utenti saret billi l-utenti nġabru fi gruppi f’erba’ setturi industrijali separati (tajers, karozzi, ħbula u applikazzjonijiet industrijali). Qabel l-impożizzjoni tal-miżuri provviżorji, erba’ utenti ġew ivverifikati (tnejn fis-settur tat-tajers, wieħed fis-settur tal-karozzi u wieħed fis-settur tal-applikazzjonijiet industrijali). Wara l-impożizzjonijiet tal-miżuri provviżorji, ġie investigat ukoll sa liema punt kull settur seta’ jiġi affettwat bil-miżuri. Għal dan il-fini, saru żjarat addizzjonali ta’ verifika fuq il-post ta’ seba’ utenti kif imsemmi fil-premessa (5). Mit-total ta’ 11-il utent ivverifikat, ħamsa kienu intrapriżi żgħar u ta’ daqs medju (SMEs). Fuq bażi tad-dejta vverifikata, l-impatt stmat tal-miżuri fuq il-marġnijiet tal-profitt tal-utenti ġie rivedut, billi ġie kkunsidrat ukoll il-livell rivedut tad-dazji u l-fatt li produttur esportatur addizzjonali Ċiniż instab li ma kienx responsabbli ta’ dumping.

(112)

Fir-rigward tal-utenti fis-settur tat-tajers, fit-total ġew irċevuti erba’ tweġibiet għall-kwestjonarju minn manifatturi tat-tajers. Minn dawn, tnejn ġew verifikati qabel l-impożizzjoni ta’ miżuri provviżorji u wieħed wara l-impożizzjoni ta’ miżuri provviżorji. Skont id-dejta disponibbli għal dan is-settur, is-sehem ta’ HTY relatat mal-kost tal-produzzjoni tagħhom huwa relativament limitat, taħt il-1 % bħala medja. Wieħed biss mill-utenti li qegħdin jikkooperaw instab li kien qed jimporta l-prodott ikkonċernat mir-RPĊ. Madankollu, dawn l-importazzjonijiet kollha kienu minn kumpanija fir-RPĊ li ma nstabx li kienet responsabbli ta’ dumping. Għalhekk qed jiġi konkluż li fuq il-bażi tad-dejta disponibbli, is-settur tat-tajers m’għandux jiġi affettwat mill-miżuri proposti.

(113)

Fir-rigward tal-utenti fis-settur tal-karozzi (li prinċipalment jipproduċu ċinturini tas-sikurezza u airbags), li jirrappreżentaw 5 % tal-importazzjonijiet totali ta’ HTY mir-RPĊ fil-PI, fit-total waslu sitt tweġibiet għall-kwestjonarju. Żewġ kumpaniji ġew verifikati, waħda qabel u waħda wara l-impożizzjoni tal-miżuri provviżorji. Wara ż-żjarat tal-verifika, is-sehem tal-HTY Ċiniż użat mis-settur tal-karozzi ġie rivedut għal 15 %. Iż-żjarat tal-verifika wrew ukoll li ġeneralment, in-negozju li juża l-HTY jirrappreżenta iżjed minn 30 % tal-qligħ totali tal-kumpaniji li qegħdin jikkooperaw, minflok 4 % kif stabbilit fl-istadju provviżorju. Il-profitt medju milħuq f’dan is-settur fuq prodotti li jużaw l-HTY huwa kkonfermat li huwa ta’ madwar 3 %. Fuq bażi ta’ dan ta’ hawn fuq, qed jiġi konkluż li, jekk jiġu imposti miżuri, is-settur tal-karozzi probabbilment mhuwiex se jiġi affettwat b’mod serju fuq livell ġenerali billi xorta jkun għadu vantaġġuż u barra dan, ir-RPĊ mhijiex is-sors ewlieni tal-provvista.

(114)

Rigward l-utenti fis-settur tal-ħbula, fit-total ġew irċevuti tliet tweġibiet għall-kwestjonarju u kumpanija waħda ġiet verifikata wara l-impożizzjoni ta’ miżuri provviżorji. Il-kumpaniji kollha li qegħdin jikkooperaw f’dan is-settur huma SMEs u kienu jirrappreżentaw inqas minn 1 % mit-total tal-importazzjonijiet mir-RPĊ fil-PI. Huwa kkonfermat li s-sehem tan-negozju tal-HTY huwa ta’ madwar 18 % tan-negozju totali tagħhom. Il-marġni tal-profitt medju milħuq fis-settur li juża l-HTY ġie stabbilit b’mod provviżorju għal madwar 8 %. Madankollu, wara ż-żjara tal-verifika u l-korrezzjoni sussegwenti tad-dejta sottomessa fit-tweġibiet għall-kwestjonarju, il-marġni tal-profitt milħuq f’dan is-settur ġie rivedut għal – 0,4 %. L-investigazzjoni wriet li l-parti l-kbira tal-importazzjonijiet (71 %) kienu mir-RPĊ waqt il-PI waqt li 22 % kienu mill-Korea. Madankollu, fid-dawl tal-livell rivedut tad-dazju, l-impatt fuq il-kumpaniji f’dan is-settur, jekk ikomplu jiksbu l-HTY mir-RPĊ, għandu jkun limitat. Barra dan, jeżisti numru ta’ sorsi alternattivi ta’ provvista.

(115)

Finalment, rigward l-utenti fis-settur tal-applikazzjonijiet industrijali, fit-total ġew irċevuti 20 tweġiba għall-kwestjonarju minn utenti li jirrappreżentaw 21 % tal-importazzjonijiet totali mir-RPĊ. Ħames kumpaniji ġew verifikati, waħda qabel l-impożizzjoni tal-miżuri provviżorji u erba’ wara l-impożizzjoni tal-miżuri provviżorji. Fuq bażi tal-informazzjoni disponibbli għal dan is-settur wara ż-żjarat tal-verifika, is-sehem tan-negozju relatat mal-HTY ġie rivedut għal 54 % tan-negozju totali. L-investigazzjoni wriet li dawn l-utenti prinċipalment xtraw HTY mir-RPĊ (42 %) u mill-Korea (24 %), waqt li 29 % inkisbu minn fornituri fl-Unjoni u f’pajjiżi terzi. Id-dejta miġbura waqt iż-żjarat tal-verifika li saru wara l-impożizzjoni ta’ miżuri provviżorji wasslu għal aġġustament tal-marġni medju tal-profitt milħuq f’dan is-settur, li huwa stabbilit fil-livell ta 17 %. Madankollu, id-dejta miġbura turi li l-marġni medju tal-profitt identifikat għas-settur kollu mhuwiex rappreżentattiv tas-sitwazzjoni tal-SMEs, li kellhom bħala medja marġni ta’ profitt negattiv ta’ – 1,9 % waqt il-PI. Fl-agħar xenarju possibbli, jiġifieri jekk dawn l-SMEs jixtru minn produtturi esportaturi Ċiniżi soġġetti għal miżuri u ma jibdlux is-sors tal-provvista tagħhom, il-profitabbiltà tagħhom għandha tonqos minn – 1,9 % għal – 3,3 % bl-impożizzjoni ta’ miżuri definittivi. Dan ikun minħabba l-fatt li jiksbu l-HTY mir-RPĊ fi proporzjon ikbar meta mqabbla mal-kumpaniji l-kbar, li jibqgħu ta’ profitabbiltà għolja. Madankollu, huwa mistenni li dawn l-SMEs jistgħu jispostaw mill-inqas parti mix-xiri tagħhom għal fornituri mhux soġġetti għal miżuri.

(116)

Ċerti utenti jsostnu li l-impatt negattiv tal-miżuri antidumping fuq il-profitabbiltà tagħhom kien ġie sottovalutat fl-analiżi provviżorja dwar l-interessi tal-Unjoni. Huma sostnew ukoll li kien se jkun diffiċli għalihom li jgħaddu ż-żieda tal-kost lill-klijenti tagħhom u esprimew dubji dwar il-possibbiltà li jinstabu sorsi alternattivi ta’ provvista. Ċerti partijiet esprimew dubju wkoll dwar il-kapaċità tal-produtturi tal-Unjoni li jipprovdu l-prodotti meħtieġa. Finalment, tqajmet il-kwistjoni tal-effett negattiv tal-miżuri fuq l-industrija downstream u konsegwentement fuq l-impjieg fl-Unjoni.

(117)

Fir-rigward tal-klejm dwar il-profitabbiltà, l-analiżi bbażata fuq id-dejta riveduta wara ż-żjarat tal-verifika wara l-impożizzjoni ta’ miżuri provviżorji tabilħaqq uriet li parti mis-setturi tal-ħbula u l-applikazzjonijiet industrijali għandhom isofru impatt negattiv mill-miżuri jekk dawk l-utenti li jixtru mill-produtturi esportaturi Ċiniżi soġgetti għal miżuri jkomplu jagħmlu dan u ma jibdlux is-sors tal-provvista tagħhom. Madankollu, dan l-impatt probabbilment għandu jkun limitat fid-dawl tal-livell ridott tad-dazju u l-eżistenza ta’ sorsi ta’ provvista alternattivi.

(118)

Fir-rigward tal-klejm li ma għandux ikun possibbli għall-utenti li jgħaddu ż-żieda fil-kost lill-klijenti tagħhom, l-investigazzjoni wriet li f’ċerti setturi jista’ tabilħaqq ikun diffiċli li jiżdiedu l-prezzijiet. Madankollu, qed jiġi mfakkar li fid-dawl tal-livell għoli ta’ kooperazzjoni min-naħa tal-produtturi esportaturi Ċiniżi, il-parti l-kbira tal-importazzjonijiet mir-RPĊ għandha tkun soġġetta għal dazju ta’ madwar 5 % kif iddikjarat fil-premessa (103) ta’ hawn fuq. Għalhekk, huwa mistenni li l-utenti jistgħu jgħaddu mill-inqas ftit miż-żieda fil-kost lill-klijenti tagħhom, u fi kwalunkwe eventwalità, ukoll mingħajr żidiet fil-prezz, huwa stimat li l-impatt fuq il-profitabbiltà tagħhom huwa pjuttost limitat.

(119)

Rigward il-klejm li l-industrija tal-Unjoni mhux se tkun kapaċi tipprovdi l-prodotti meħtieġa f’każ ta’ impożizzjoni ta’ miżuri antidumping, l-investigazzjoni wriet li okkażjonalment saru ċerti irregolaritajiet fil-provvisti provduti fil-passat mill-produtturi tal-Unjoni lil ċertu utenti. Madankollu, l-investigazzjoni ma evidenzjat l-ebda prova li dawn l-irregolaritajiet kienu qegħdin isiru fuq bażi kontinwa. Fir-rigward tad-diffikultà rrapurtata fil-bdil tas-sorsi tal-provvista, żjarat tal-verifika tabilħaqq urew li qabel ma HTY ġdid ikun jista’ jintuża fi produzzjoni fuq skala kbira, għandu jgħaddi minn numru ta’ testijiet bl-għan li jivverifikaw kemm il-kompatibilità tal-materja prima ġdida mal-makkinarju kif ukoll l-istandards tal-kwalità meħtieġa tal-prodotti finali. Id-dewmien tal-proċess tal-ittestjar ivarja skont l-applikazzjoni tal-prodott finali. Huwa għalhekk rikonoxxut li l-bdil tal-fornituri jista’ jkun proċess twil u ta’ spiża għal ċertu utenti, għalkemm b’miżuri differenti skont il-prodotti manifatturati. Madankollu, iż-żjarat ta’ verifika wrew li ċertu kumpaniji kienu qegħdin ifittxu li jwaqqfu strateġija ta’ espansjoni tal-fornituri tagħhom sabiex jevitaw li jiddependu biss minn sors wieħed.

(120)

Ċertu partijiet issottolinejaw ukoll is-sitwazzjoni tal-SMEs, billi sostnew li l-SMEs għandhom diffikultajiet sabiex jiksbu l-materja prima tagħhom minħabba li ma jilħqux il-kwantità minima ta’ ordnijiet meħtieġa mill-produtturi. F’dan ir-rigward, qed jiġi nnotat li d-diffikultajiet dwar il-kwantitajiet minimi ta’ ordnijiet jidhru li huma tendenza eżistenti tan-negozju irrispettivament mill-impożizzjoni jew le ta’ miżuri. Għalhekk huwa kkunsidrat li l-impożizzjoni tad-dazji m’għandhiex per se taffettwa t-tendenzi diġà stabbiliti fost l-operaturi ekonomiċi. Għalhekk, dawn il-klejms ma kinux ikkunsidrati meħtieġa.

(121)

Finalment, ċertu partijiet interessati sostnew li l-industrija tal-Unjoni ma tirrappreżentax sors affidabbli minħabba n-nuqqas ta’ kompletezza tal-medda tal-prodotti tagħha, il-kwalità iżjed baxxa u l-prezzijiet iżjed għolja tal-prodotti. F’dan ir-rigward qed jiġi nnotat li wkoll jekk il-produtturi tal-Unjoni ma jkunux kapaċi li jipprovdu l-medda sħiħa ta’ prodotti meħtieġa, jeżistu sorsi ta’ provvisti alternattivi li għandhom jippermettu li l-meded tal-prodotti jkunu kompluti. Barra dan, il-livell ta’ dazju relativament baxx m’għandux jimpedixxi lill-utenti milli jikkompletaw il-medda tal-prodotti tagħhom billi jkomplu jagħmlu importazzjonijiet mir-RPĊ ukoll. Barra dan, il-ftuħ mill-ġdid ta’ fabbriki, kif imsemmi hawn fuq, għandu jikkontribwixxi sabiex tiġi indirizzata din il-problema billi jippermetti l-allokazzjoni ta’ kapaċità ikbar għall-manifattura ta’ medda iżjed wiesa’ ta’ prodotti. Għalhekk din il-klejm ġiet miċħuda.

(122)

Fir-rigward tal-klejm dwar l-effett tal-miżuri fuq l-industrija downstream, u konsegwentement fuq l-impjieg fl-Unjoni, huwa kkunsidrat li fid-dawl ta’ dak ta’ hawn fuq, l-impatt għandu jkun negliġibbli.

(123)

Fuq il-bażi ta’ dak ta’ hawn fuq, ġie konkluż li ma hemm l-ebda raġuni valida kontra l-impożizzjoni ta’ dazji definittivi tal-antidumping kontra l-importazzjonijiet ta’ HTY li joriġina fir-RPĊ.

(124)

Fl-assenza ta’ kwalunkwe kumment sostanzjali li jista’ jibdel il-konklużjoni dwar il-livell tal-eliminazzjoni tal-ħsara, il-premessi (179) sa (183) tar-Regolament provviżorju qegħdin b’dan jiġu kkonfermati.

(125)

Fid-dawl ta’ dan ta’ hawn fuq, huwa kkunsidrat li, skont l-Artikolu 9(4) tar-Regolament bażiku, għandhom jiġu imposti miżuri tal-antidumping definittivi fir-rigward tal-importazzjonijiet ta’ HTY li joriġina fir-RPĊ fil-livell il-baxx tad-dumping u l-marġnijiet tal-ħsara, skont ir-regola dwar id-dazju iżjed baxx. B’konformità ma’ dan, ir-rati kollha tad-dazju għandhom jiġu stabbiliti fil-livell tal-marġnijiet ta’ dumping li nstabu.

(126)

Billi l-marġnijiet tad-dumping stabbiliti għall-Korea u t-Tajwan kienu taħt il-livell de minimis, l-ebda dazju definittiv tal-antidumping ma għandu jiġi impost fuq l-importazzjonijiet li joriġinaw fil-Korea u t-Tajwan.

(127)

Id-dazji tal-antidumping proposti huma dawn li ġejjin:

(128)

Ir-rati tad-dazju tal-antidumping tal-kumpaniji individwali speċifikati f’dan ir-Regolament ġew stabbiliti fuq il-bażi tas-sejbiet tal-investigazzjoni preżenti. Għalhekk, huma jirriflettu s-sitwazzjoni misjuba waqt l-investigazzjoni fir-rigward ta’ dawn il-kumpaniji. Dawn ir-rati tad-dazju (għall-kuntrarju tad-dazju għall-pajjiż kollu applikabbli għall-“kumpaniji l-oħra kollha”) huma għalhekk applikabbli esklużivament għall-importazzjonijiet ta’ prodotti li joriġinaw fir-Repubblika Popolari taċ-Ċina u li jiġu prodotti mill-kumpaniji u għalhekk mill-entitajiet legali speċifiċi msemmija. Il-prodotti impurtati prodotti minn kwalunkwe kumpanija oħra mhux imsemmija b’mod speċifiku fil-parti operattiva ta’ dan ir-Regolament b’isimha u l-indirizz tagħha, inklużi l-entitajiet relatati ma’ dawk imsemmija b’mod speċifiku, ma jistgħux jibbenefikaw minn dawn ir-rati u għandhom ikunu soġġetti għar-rata tad-dazju applikabbli għall-“kumpaniji l-oħra kollha”.

(129)

Kwalunkwe klejm li titlob l-applikazzjoni tar-rata tad-dazju tal-antidumping ta’ kumpanija individwali (pereżempju bdil fl-isem tal-entità jew wara l-istabbiliment ta’ entitajiet ġodda ta’ produzzjoni jew bejgħ) għandha tiġi indirizzata lill-Kummissjoni (3) minnufih bl-informazzjoni kollha rilevanti, b’mod partikolari kwalunkwe modifika fl-attivitajiet tal-kumpanija konnessi mal-produzzjoni, il-bejgħ domestiku jew tal-esportazzjoni assoċjat ma’, pereżempju, dak il-bdil fl-isem jew dak il-bdil fl-entitajiet tal-produzzjoni jew il-bejgħ. Jekk ikun xieraq, ir-Regolament għandu wara jiġi emendat kif dovut bl-aġġornament tal-lista ta’ kumpaniji li jkunu qegħdin jibbenefikaw minn rati tad-dazju individwali.

(130)

Il-partijiet kollha ġew mgħarrfa bil-fatti essenzjali u l-kunsiderazzjonijiet li fuq il-bażi tagħhom kien intiż li tiġi rrikmandata l-impożizzjoni ta’ dazji definittivi tal-antidumping. Ingħataw ukoll perjodu li fih setgħu jagħmlu rappreżentazzjonijiet wara għal dan l-iżvelar. Il-kummenti sottomessi mill-partijiet ġew ikkunsidrati kif dovut, u, fejn kien xieraq, is-sejbiet ġew modifikati skont il-każ.

(131)

Sabiex jiġi żgurat l-istess trattament bejn kwalunkwe esportatur ġdid u l-kumpaniji li jkunu qegħdin jikkooperaw mhux inklużi fil-kampjun, imsemmija fl-Anness ta’ dan ir-Regolament, id-dazju medju differenzjat impost fuq dawn il-kumpaniji tal-aħħar għandu jiġi previst sabiex jiġi applikat għal kwalunkwe esportatur ġdid li nkella jkollu dritt għal reviżjoni skont l-Artikolu 11(4) tar-Regolament bażiku billi l-Artikolu 11(4) ma japplikax fejn ikun sar it-teħid tal-kampjuni.

(132)

Fid-dawl tal-kobor tal-marġnijiet tad-dumping misjuba u fid-dawl tal-livell tal-ħsara kkawżata fl-industrija tal-Unjoni, huwa kkunsidrat neċessarju li l-ammonti garantiti permezz tad-dazju provviżorju tal-antidumping, imposti bir-Regolament provviżorju, jinġabru b’mod definittiv sakemm jintlaħaq l-ammont tad-dazji imposti. Fejn id-dazji definittivi jkunu iżjed baxxi mid-dazji provviżorji, għandhom jiġu rilaxxati ammonti garantiti b’mod provviżorju li jkunu iktar mir-rata definittiva tad-dazji tal-antidumping. Fejn id-dazji definittivi jkunu ogħla mid-dazji provviżorji, l-ammonti garantiti fil-livell tad-dazji provviżorji biss għandhom jinġabru b’mod definittiv.

(133)

Fid-dawl tas-sejbiet dwar l-importazzjoniiet li joriġinaw fil-Korea u t-Tajwan, il-proċedura fir-rigward ta’ dawn iż-żewġ pajjiżi għandha tintemm.

—

ma jkunx esporta fl-Unjoni l-prodott deskritt fl-Artikolu 1(1) waqt il-perjodu tal-investigazzjoni (l-1 ta’ Lulju 2008 sat-30 ta’ Ġunju 2009),

—

ma jkun relatat ma l-ebda wieħed mill-esportaturi jew produtturi fir-Repubblika Popolari taċ-Ċina li huma soġġetti għall-miżuri imposti minn dan ir-Regolament,

—

li effettivament esporta fl-Unjoni l-prodott ikkonċernat wara l-perjodu tal-investigazzjoni li fuqu huma bbażati l-miżuri, jew li jkun daħal f’obbligu kuntrattwali irrevokabbli sabiex jesporta kwantità sinifikanti fl-Unjoni,