28.10.2008   

MT

Il-Ġurnal Uffiċjali ta’ l-Unjoni Ewropea

L 284/1

(1)

Il-miżura taħt investigazzjoni dwar l-għajnuniet individwali immirati lejn proġetti ta' riċerka u żvilupp fil-qasam ajrunawtiku. L-għajnuniet ingħataw mill-Italja skond il-liġi ta' l-24 ta' Diċembru 1985 nru 808, Interventi għall-iżvilupp u t-tkabbir tal-kompetittività ta' l-industriji li joperaw fissettur ajrunawtiku (minn issa ’l quddiem “il-Liġi 808/1985”). Il-Kummissjoni approvat ir-reġim fl-1986 (2).

(2)

Fis-7 ta' Ottubru 1999 u mill-ġdid fit-12 ta' Jannar 2001 il-Kummissjoni rċeviet rapport li l-Italja kienet tat għajnuniet illeġittimi għal proġetti individwali dwar riċerka u żvilupp (minn issa ‘l quddiem “R&Ż”) li saru mill-industrija ajrunawtika Taljana.

(3)

Il-Kummissjoni talbet informazzjoni fit-8 ta' Mejju 2000, li ngħatat mill-awtoritajiet Taljani fl-1 ta' Lulju. Min għamel ir-rapport ipprovda aktar informazzjoni permezz ta' l-ittri tas-27 ta' April 2001 u tat-30 ta' Mejju 2002.

(4)

Fl-1 ta' Frar 2001 l-awtoritajiet Taljani pprovdew lill-Kummissjoni ċerta informazzjoni dwar l-għajnuniet mhux innotifikati mogħtija mill-Italja għal 13-il proġett waħdieni tar-R&Ż.

(5)

Bl-ittri ta' l-14 ta' Awwissu 2001 u ta' l-24 ta' Awwissu 2001 il-Kummissjoni talbet l-awtoritajiet Taljani aktar informazzjoni dwar il-proġetti. L-Italja rrispondiet fil-31 ta' Ottubru 2001 u pprovdiet aktar informazzjoni dwar sitt każijiet.

(6)

Fl-2002 il-Kummissjoni talbet valutazzjoni tas-sitt proġetti mingħand esperti indipendenti. Il-korrispondenza ngħatat lill-Kummissjoni fis-7 ta' April 2003 u fit-23 ta' April 2003.

(7)

Fuq it-talba ta' l-awtoritajiet Taljani saru żewġ laqgħat fis-27 ta' Mejju 2003 u fit-30 ta' Ġunju 2003.

(8)

Fl-1 ta' Ottubru 2003 il-Kummissjoni bdiet il-proċedura ta' indaġni formali (minn issa ‘l quddiem “l-ewwel deċiżjoni tal-bidu tal-proċedura”) dwar is-sitt każijiet ta' l-għajnuna sostanzjali favur proġetti ta' riċerka u żvilupp li ma kinux innotifikati b’mod individwali mill-Italja, kontra r-regoli applikabbli għal affarijiet ta' għajnuna għar-R&Ż, jiġifieri l-Komunikazzjoni tal-Kummissjoni – Dixxiplina komunitarja għall-għajnuna mill-Istat dwar ir-riċerka u żvilupp (3) (minn issa ‘l quddiem “id-dixxiplina ta' l-1996”) u d-dixxiplina komunitarja dwar affarijiet ta' l-Istat favur ir-R&Ż ta' l-1986 (4) (minn issa ‘l quddiem “id-dixxiplina ta' l-1986”). Dwar is-sitt każijiet, il-Kummissjoni esprimiet xi perplessitajiet dwar il-kompatibilità tagħhom mar-regoli applikabbli għall-kwistjonijiet ta' l-għajnuniet dwar ir-R&Ż (5).

(9)

Wara l-ewwel deċiżjoni tal-bidu tal-proċeduri l-partijiet li ġejjin bagħtu l-osservazzjonijiet tagħhom, rispettivament:

(10)

Bl-ittra tat-22 ta' Marzu 2004, l-osservazzjonijiet li waslu għand il-Kummissjoni jingħaddew lill-Italja.

(11)

Bl-ittra tas-26 ta' Mejju 2004, uffiċjalizzata mill-Kummissjoni fit-28 ta' Mejju 2004, l-Italja wieġbet għal dawn l-osservazzjonijiet.

(12)

Bl-ittra ta' l-1 ta' Lulju 2004, uffiċjalizzata mill-Kummissjoni fis-6 ta' Lulju 2004, il-parti terza interessata pprovdiet aktar informazzjoni dwar l-applikazzjoni tal-liġi 808/1985, li tikkostitwixxi r-reġim ta' l-għajnuna approvata tas-sitt każijiet ta' l-ewwel deċiżjoni għall-bidu tal-proċedura.

(13)

Bl-ittra tat-3 ta' Awwissu 2004, uffiċjalizzata mill-Kummissjoni fl-4 ta' Awwissu 2004, l-Italja pprovdiet aktar informazzjoni dwar il-liġi 808/1985 u dwar l-applikazzjoni tagħha għall-każijiet tal-proċediment ta' l-indaġni oriġinali.

(14)

Bl-ittra tad-19 ta' Awwissu 2004, uffiċjalizzata mill-Kummissjoni fl-20 ta' Awwissu 2004, il-parti terzi interessata pprovdiet aktar informazzjoni dwar il-liġi 808/1985 u dwar l-applikazzjoni tagħha għall-każijiet individwali.

(15)

Bl-ittra tat-13 ta' Settembru 2004, il-Kummissjoni talbet aktar informazzjoni lill-Italja dwar il-każijiet taħt investigazzjoni taħt il-proċediment ta' l-indaġni oriġinali.

(16)

Bl-ittra ta' l-20 ta' Settembru 2004, uffiċjalizzata mill-Kummissjoni fil-22 ta' Settembru 2004, il-parti terzi interessata pprovdiet aktar informazzjoni dwar il-liġi 808/1985 u dwar l-applikazzjoni tagħha għall-każijiet individwali.

(17)

Bl-ittra tat-30 ta' Settembru 2004, uffiċjalizzata mill-Kummissjoni fl-1 ta' Ottubru 2004, l-Italja wieġbet għall-ittra msemmija tal-Kummissjoni tat-13 ta' Settembru 2004.

(18)

Bl-ittra tat-12 ta' Ottubru 2004, il-Kummissjoni wissiet l-Italja li ħasset li kienet ipprovdiet tweġibiet mhux kompluti għall-ittra tagħha tat-13 ta' Settembru 2004. Il-Kummissjoni ppreżentat it-talba tagħha lill-Italja, u ppreċiżat li fil-każ tan-nuqqas ta' tweġiba jew tweġiba mhux kompluta, setgħet tordna l-gvern Taljan jipprovdi informazzjoni skond l-Artikolu 10(3), tar-regolament (KE) Nru. 659/1999 tal-Kunsill tat-22 ta' Marzu 1999 li jipproponi modalità għall-applikazzjoni ta' l-Artikolu 93 tat-Trattat tal-KE (6) (minn issa ‘l quddiem “ir-regolament tal-proċedura”).

(19)

Bl-ittra tal-15 ta' Ottubru 2004, uffiċjalizzata mill-Kummissjoni fl-istess ġurnata, u bl-ittra tat-22 ta' Ottubru 2004, uffiċjalizzata mill-Kummissjoni fil-25 ta' Ottubru 2004, l-Italja wieġbet għall-ittra msemmija tal-Kummissjoni tat-12 ta' Ottubru 2004.

(20)

Fl-10 ta' Diċembru 2004 il-Kummissjoni ddeċidiet (7) li tordna l-Italja biex tipprovdi informazzjoni u talbet tweġiba kompluta għall-mistoqsijiet li tqajmu mill-ittra msemmija tat-13 ta' Settembru 2004.

(21)

Bl-ittra tad-19 ta' Jannar 2005, uffiċjalizzata mill-Kummissjoni fil-21 ta' Jannar 2005, l-Italja wieġbet għall-ordni biex tipprovdi informazzjoni.

(22)

Bl-ittra ta' l-10 ta' Marzu 2005, uffiċjalizzata mill-Kummissjoni fl-14 ta' Marzu 2005, l-Italja bagħtet rapport ta' informazzjoni bħala tweġiba tagħha għall-ordni biex tipprovdi informazzjoni.

(23)

Bid-deċiżjoni tat-22 ta' Ġunju 2005 (8) il-Kummissjoni ddeċidiet li twessa’ l-iskop ta' l-applikazzjoni tal-proċediment (minn issa ‘l quddiem “it-tieni deċiżjoni tal-bidu tal-proċedura”). Fit-12 ta' Ottubru 2005 it-tieni deċiżjoni kienet ippubblikata fil-Ġurnal Uffiċjali ta' l-Unjoni Ewropea  (9).

(24)

Bl-ittra tas-17 ta' Ġunju 2005 l-awtorijajiet Taljani osservaw li l-iskop taż-żewġ deċiżjonijiet tal-bidu tal-proċedura kienu jirrigwardjaw kwistjonijiet sensittivi għas-sigurtà nazzjonali.

(25)

Bl-ittra tal-15 ta' Lulju 2005 il-Kummissjoni rrispondiet li l-indaġni tagħha kienet limitata esklussivament għall-aspetti ċivili u li l-valutazzjoni tal-proġetti importanti għall-fini tas-sigurtà nazzjonali kienet se ssir preċiżamenti biex ikunu esklużi mill-iskop ta' l-applikazzjoni tad-deċiżjoni finali.

(26)

Fuq it-talba ta' l-awtoritajiet Taljani, bl-ittra tas-6 ta' Settembru 2005 u tat-18 ta' Novembru 2005 il-Kummissjoni bagħtet lill-Italja d-dokumenti kollha msemmijin fit-tieni deċiżjoni tal-bidu tal-proċedura, jiġifieri dawk mibgħuta mill-parti terza interessata.

(27)

Fl-24 ta' Ottubru 2005 l-awtoritajiet Taljani ppreżentaw l-ewwel osservazzjonijiet tagħhom wara t-tieni deċiżjoni tal-bidu tal-proċedura, l-aktar dwar il-funzjoni tar-reġim ġenerali.

(28)

Fit-30 ta' Novembru 2005 l-awtoritajiet Taljani fformulaw aktar osservazzjonijiet integrati f’sensiela ta' annessi fis-6 ta' Diċembru 2005.

(29)

Fil-11 ta' Novembru 2005 il-parti terza interessata fformulat l-osservazzjonijiet tagħha wara t-tieni deċiżjoni tal-bidu tal-proċedura. Fid-19 ta' Diċembru 2005 dawn l-osservazzjonijiet ġew mgħoddija lill-awtoritajiet Taljani, li rrispondew b’ittra fis-6 ta' Marzu 2006.

(30)

Fit-3 ta' Mejju 2006 saret laqgħa bejn il-Kummissjoni u l-awtoritajiet Taljani. Wara din il-laqgħa, il-Kummissjoni talbet aktar informazzjoni bl-ittra tat-23 ta' Mejju 2006, fejn ġibdet l-attenzjoni ta' l-awtoritajiet Taljani ta' l-informazzjoni mitluba taħt l-iskop tat-tieni deċiżjoni tal-bidu tal-proċedura.

(31)

Fil-5 ta' Mejju 2006 l-awtoritajiet Taljani fformulaw l-osservazzjonijiet tagħhom dwar in-natura ta' parti mill-informazzjoni, b’mod partikolari fuq il-possibbiltà li jattribwixxu jew le lill-Qorti tal-Kontijiet lista ta' proġetti inkluża fid-dikjarazzjonijiet li saru mill-parti terza interessata.

(32)

Fid-29 ta' Ġunju 2006 l-awtoritajiet Taljani bagħtu wkoll id-deliberazzjoni tal-Kumitat Interministerjali għall-Programmazzjoni Ekonomika (minn issa ‘l quddiem “KIPE”) adottata fit-22 ta' Marzu 2006 li, skond l-intenzjonijiet ta' l-awtoritajiet Taljani, kienet immirata biex tiggarantixxi li r-reġim ikun konformi mal-kundizzjonijiet dwar l-għajnuna mill-Istat dwar ir-R&Ż.

(33)

Fil-11 ta' Lulju 2006 l-awtoritajiet Taljani fformulaw l-ewwel osservazzjonijiet tagħhom bħala tweġiba għall-ittra tat-23 ta' Mejju 2006.

(34)

Fis-17 ta' Ottubru 2006 l-awtoritajet Taljani lestew it-trażmissjoni ta' l-osservazzjonijiet bħala tweġiba għall-ittra tal-Kummissjoni u pprovdew lista tal-proġetti ffinanzjati taħt il-qafas tar-reġim. Fl-24 ta' Ottubru 2006 huma pprovdew il-mehmużin imsemmija fl-ittra ta' qabel.

(35)

Bl-ittra tat-12 ta' Diċembru 2006 il-Kummissjoni talbet aktar informazzjoni dwar il-pjanijiet għar-rifużjoni dwar il-proġetti li kienu inklużi fil-lista pprovduta mill-awtoritajiet Taljani u pproponiet li tiddiskuti fuq livell tekniku l-pjanijiet tal-konċessjoni u r-rifużjoni tal-proġetti individwali.

(36)

Wara l-laqgħa tat-30 ta' Marzu 2007, l-awtoritajiet Taljani pprovdew fl-24 ta' April 2007 l-informazzjoni dwar il-kalkolu komplut dwar il-proġetti u bagħtu żewġ noti dwar żewġ proġetti msemmijin fit-tieni deċiżjoni tal-bidu tal-proċedura (A139 u BA609).

(37)

Wara laqgħa oħra li nżammet fis-26 ta' April 2007, fl-uffiċċji tar-Rappreżentanza Permanenti ta' l-Italja għall-UE, kienet organizzata laqgħa oħra fl-4 ta' Mejju 2007 fejn l-awtoritajiet Taljani taw permess lil delegazzjoni tal-Kummissjoni biex jaraw id-dokumenti (meqjusin ikklassifikati minħabba raġunijiet tas-sigurtà nazzjonali) dwar iż-żewġ proġetti msemmija.

(38)

Fit-23 ta' Mejju 2007 inżammet laqgħa finali dwar il-pjanijiet tar-rifużjoni għal proġetti individwali.

(39)

Il-Kummissjoni talbet xi informazzjoni bl-ittra tal-21 ta' Ġunju 2007. L-ittra reġgħet semmiet il-pjanijiet imsemmijin dwar il-proġetti individwali tar-R&Ż, inklużi l-kundizzjonijiet għar-rifużjoni tas-self.

(40)

L-Italja wieġbet għal dik l-ittra fl-1 ta' Awwissu, u indikat il-ftehim tagħha dwar il-pjanijiet imsemmija fl-aħħar ittra tal-Kummissjoni u pprovdiet informazzjoni dwar il-punti l-oħrajn li tqajmu fit-tali ittra. Aktar informazzjoni relevanti ntbagħtet fl-1 ta' Ottubru 2007.

(41)

Fil-5 ta' Ottubru 2007 inżammet laqgħa oħra ma’ l-awtoritajiet Taljani, fejn ipparteċipaw il-Kummissarju Kroes u l-Ministru Bersani.

(42)

L-awtoritajiet Taljani pprovdew aktar informazzjoni bl-ittri ddatati d-29 ta' Ottubru 2007, is-27 ta' Novembru 2007 u t-12 ta' Diċembru 2007.

(43)

Il-Kummissjoni talbet aktar informazzjoni bl-ittra tat-23 ta' Novembru 2007.

(44)

Il-laqgħat ma’ Franza u mal-parti terza interessata anonima saru fid-dati li ġejjin: il-21 ta' Marzu 2006, it-18 ta' Ottubru 2006, l-10 ta' Novembru 2006, it-22 ta' Mejju 2007, il-5 ta' Lulju 2007, is-6 ta' Settembru 2007, l-14 u d-19 ta' Novembru 2007 u l-11 ta' Frar 2008.

(45)

Kif indikat fl-ewwel punt, il-Kummissjoni approvat ir-reġim ta' l-għajnuna għar-R&Ż għas-settur ajrunawtiku fl-Italja fl-1986. Fid-deċiżjoni l-Kummissjoni nnotat li l-istess modalità tal-finanzjament pubbliku, b’mod partikolari dwar ir-rifużjonijiet, kienet stabbilita wara għal kull proġett individwali.

(46)

Fid-deċiżjoni tagħha l-Kummissjoni talbet għall-ħtieġa li jiġunotifikati l-għajnuniet individwali kollha li jkunu ta' valur ta' aktar minn minimu ta' 20 miljun EKU fejn jidħlu l-ispejjeż ammissibbli, skond il-punt 5.5 taħt ir-reġim ta' l-1986 (10).

(47)

Irriżulta li l-awtoritajiet Taljani qatt ma avżaw lill-Kummissjoni, skond l-Artikolu 88, il-paragrafu 3, tat-trattat tal-KE, bl-ebda każ ta' l-applikazzjoni tal-liġi 808/1985.

(48)

Il-qasam ta' l-applikazzjoni oriġinali tal-liġi 808/1985 innotifikata lill-Kummissjoni alloka estimi ta' 690 biljuni ta' ITL għall-interventi mistennija, biex jitqassmu matul il-perjodu 1985-1989. Il-qasam ta' l-applikazzjoni tal-liġi oriġinarjament innotifikata twessa’ diversi drabi wara l-1989, wara deċiżjonijiet ta' ffinanzjar mill-ġdid adottati mill-gvern Taljan. L-ebda minn dawn it-twessigħ ma kienet innotifikata lill-Kummissjoni skond l-Artikolu 88, paragrafu 3, tat-Trattat.

(49)

Bid-dħul fis-seħħ tad-dixxiplina ta' l-1996 (11) l-awtoritajiet Taljani approvaw (12) il-miżuri xierqa, inklużi l-minimi l-ġodda tan-notifika ekwivalenti għal 25 miljun EKU għall-ispejjeż ammissibbli u 5 miljuni EKU għall-għajnuniet.

(50)

Matul l-2001 u l-2002, il-Kummissjoni u l-awtoritajiet Taljani kellhom skambju ta' korrispondenza (13) dwar ir-reġim. L-għan ta' din il-korrispondenza kien li ċerti modifikazzjonijiet ikunu attwati għar-reġim sabiex dan isir konformi mal-kriterji stabbiliti fir-reġim ta' l-1996.

(51)

Wara l-iskambju tal-korrispondenza, l-Italja adottat test għall-attwazzjoni tal-kriterji tad-dixxiplina msemmija (14). Wara li rċeviet it-tali dokument, li ntbagħtilha fit-22 ta' Novembru 2002, il-Kummissjoni aċċettat l-impenji ta' l-Italja bl-ittra tat-18 ta' Diċembru 2002.

(52)

Il-liġi 808/1985 ipprovdiet għal tliet tipi ta' interventi possibbi mill-Istat favur kumpaniji ta' l-industrija ajrunawtika. Minn dakinhar baqa’ wieħed biss, li huwa s-suġġett tad-deċiżjoni preżenti, jiġifieri l-interventi taħt l-Artikolu 3, ittra (a) ta' l-istess liġi.

(53)

Dawn l-interventi jinkludu l-iffinanzjar, min-naħa ta' l-Istat, ta' parti mill-ispejjeż tal-proġetti tar-R&Ż li saru mill-kumpaniji Taljani flimkien ma’ kumpaniji barranin fil-qasam ajrunawtiku.

(54)

L-ewwel deċiżjoni tal-bidu tal-proċedura kienet dwar tlettax-il-proġett individwali tar-R&Ż.

(55)

Fl-ewwel deċiżjoni msemmija, l-Kummissjoni qajmet xi dubji dwar il-kumpabilità ta' sensiela ta' proġetti kbar tar-R&Ż (imniżżlin fil-punt 60, fl-ewwel skeda) mhux innotifikati skond il-kundizzjonijiet infurzati dwar l-għajnuniet għar-R&Ż (id-dixxiplina ta' l-1986 u d-dixxiplina ta' l-1996 (15).

(56)

B’mod partikolari, il-Kummissjoni kellha dubji jekk:

(57)

Il-Kummissjoni ma ressqet l-ebda oġġezzjoni dwar l-erba’ proġetti l-oħra (DO328, MD11 winglet, ATR72 u EH101), fuq il-bażi ta' l-informazzjoni disponibbli f’dak iż-żmien.

(58)

Il-Kummissjoni qablet li proġett ([…] (*)), jerġa’ jidħol taħt l-iskop ta' l-applikazzjoni ta' l-Artikolu 296(2) tat-Trattat.

(59)

Finalment, il-Kummissjoni rrikonoxxiet li, skond l-informazzjoni disponibbli f’dak iż-żmien, żewġ proġetti (kabini bil-pressa, A119Koala) kienu taħt il-livell minimu tan-notifika individwali.

(60)

L-iskeda li ġejja tiġbor fil-qosor l-informazzjoni dwar tali proġetti:

Skeda 1

L-Ewwel Skeda: proġetti msemmija fl-ewwel deċiżjoni tal-bidu tal-proċedura

(61)

Il-benefiċjarji msemmija fl-ewwel deċiżjoni tal-bidu tal-proċedura kienu dawn li ġejjin:

(62)

Skond l-informazzjoni pprovduta wara l-ewwel deċiżjoni, jirriżultaw żewġ benefiċjarji oħra:

(63)

L-Italja rrikonoxxiet li l-informazzjoni li użat il-Kummissjoni, dwar il-proġetti li dwarhom tqajmu d-dubji fl-ewwel deċiżjoni tal-bidu tal-proċedura, kienu kompletament mhux biżżejjed. L-Italja barra minn hekk irrikonoxxiet li, proprju minħabba dan in-nuqqas ta' informazzjoni, il-Kummissjoni kellha raġun turi dubji dwar dawn il-proċeduri. Biex telimina dawn id-dubji, l-Italja pprovdiet ħafna informazzjoni dwar il-proġetti, b’mod partikolari dwar l-ammissibilità ta' l-ispejjeż fil-fażi tar-riċerka u l-effett ta' l-inċentivazzjoni ta' l-għajnuna.

(64)

Dwar il-proġett A109DEF, l-Italja pprovdiet deskrizzjoni ddettaljata tal-proġett tar-R&Ż għall-iżvilupp tal-ħelikopter, b’referenza partikolari għall-installazzjoni ta' tip ġdid ta' mutur, l-islitti, l-iskrun, is-sistemi avjoniċi u l-qafas taż-żaqq. L-awtoritajiet Taljani pprovdew ukoll il-kalendarju ta' l-eżekuzzjoni tal-proġetti, fejn jirriżulta li l-innovazzjonijiet kontenuti fil-komponenti msemmijin qabel saru ħafna qabel iċ-ċertifikazzjoni tagħhom (li seħħet fl-1998) u ta' l-applikazzjoni tagħhom tal-ħelikopter A109Power armat b’mutur Turbomeca, li ċ-ċertifikazzjoni tiegħu saret f’Ġunju 2001. Din is-sekwenza ta' avvenimenti turi wkoll li l-għajnuna kellha l-effett ta' inċentivazzjoni fil-miżura fejn it-teknoloġiji kienu ġodda u ma kienu installati fuq l-ebda inġenju ta' l-ajru.

(65)

Dwar il-proġett A109X, l-Italja pprovdiet deskrizzjoni ddettaljata tal-proġett tar-R&Ż, b’referenza partikolari għall-iskrun tad-denb, għas-sistema tat-trasmissjoni, għall-mutur ewlieni u għall-qafas taż-żaqq. L-Italja indikat li l-ispeċifikazzjonijiet ta' l-A109X – l-iskrun ewlieni b’ħames paletti, l-iskrun kontra l-appoġġ intubat fid-direzzjoni tal-kurrent u apparat li jnaqqas bir-roti ċatti u koniċi– ma kienu preżenti fl-ebda prodott ieħor ta' Agusta. L-awtoritajiet Taljani wkoll indikaw li l-proġett A109X għandu l-intenzjoni li jiżviluppa ġenerazzjoni ġdida ta' ħelikopters, bl-introduzzjoni fis-suq maħsuba għal wara l-2009.

(66)

Dwar il-proġetti MD95 u MD11, l-awtoritajiet Taljani rrikonoxxew li l-informazzjoni li kellha l-Kummissjoni waqt l-ewwel deċiżjoni tal-bidu tal-proċedura ma kinetx biżżejjed biex toħroġ distinzjoni bejn iż-żewġ proġetti, li għandhom jitqiesu separatament, anki jekk it-tnejn li huma jirrigwardjaw il-qafas taż-żaqq.

(67)

Skond l-awtoritajiet Taljani, il-proġett MD95 kien jinvolvi attivitajiet ikklassifikati bħal riċerka industrijali u żvilupp u kompetizzjoni minn qabel, biex Alenia titħalla ttejjeb l-għarfien dwar il-qafas taż-żaqq għal inġenji kbar ta' l-ajru. L-attivitajiet jirrigwardaw b’mod partikolari l-metodoloġiji tal-kalkoli għall-proġettazzjoni tal-qafas taż-żaqq, l-iżvilupp ta' kodiċi speċifiċi għat-tolleranza għall-ħsara tal-qafas taż-żaqq u t-titjib ta' l-għarfien ġenerali taħt l-iskop tal-kumpanija dwar kull aspett ta' l-inġinerija, bħal per eżempju s-soluzzjonijiet strutturali reżistenti għan-nar u l-korrożjoni tal-materjali.

(68)

Dwar il-proġett MD11, l-awtoritajiet Taljani jindikaw li l-attivitajiet tar-R&Ż dwar l-iżvilupp ta' prototipu taħt l-iskop tar-riċerka preliminari. Il-proġett ippermetta l-ħolqien ta' banek tad-dejta u proċessi ta' l-iżvilupp għall-impjieg ta' teknoloġiji ġodda dwar l-oqfsa taż-żaqq ta' l-inġenji ta' l-ajru, li kienu jirrappreżentaw attività ġdida għal Alenia.

(69)

It-tieni nett, l-awtoritajiet Taljani pprovdew ġustifikazzjoni għall-effett ta' l-inċentivazzjoni għall-għajnuna dwar dawn iż-żewġ proġetti. L-għajnuna ppermettiet li Alenia tkabbar b’mod sinifikattiv l-ispiża lejn ir-R&Ż, jiġifieri mill- […] tal-bejgħ kollu tal-kumpanija matul il-perjodu ta' erba’ snin ta' kemm damu l-proġetti. Skond l-Italja, il-proġetti kellhom jippermettu li Alenia ttejjeb l-għarfien teknoloġiku tagħha lil hinn mil-livell normali tagħha.

(70)

Fejn jidħlu ż-żewġ proġetti dwar id-DO328, l-awtoritajiet Taljani l-ewwelnett speċifikaw li dawn kienu l-proġetti hekk imsejħa DO328 Panewijiet u DO328 Kapaċità Estiża (KE) (17). Id-DO328 basiku kienu jirrigwarda l-iżvilupp, min-naħa ta' Aermacchi, ta' l-għarfien teknoloġiku għall-avjazzjoni ċivili. Sa l-aħħar tas-snin 80 Aermacchi kienet ingaġġata l-aktar f’ajruplani għat-taħriġ militari.

(71)

Il-proġett DO328 Panewijiet kien jikkonsisti mill-iżvilupp ta' shells, li qabel kienu mmanifatturati mill-kumpanija Koreana Daewoo. Il-proġett kienu jinkludi wkoll l-iżvilupp ta' tekniċi u ta' teknoloġiji ta' l-immuntar (li wħud minnhom ma kinux applikati għall-prodott finali) u l-iżvilupp ta' żewġ prototipi.

(72)

Skond l-awtoritajiet Taljani, l-għan tad-DO328 KE kien li jiżdied in-numru ta' passiġġieri permezz ta' l-iżvilupp ta' qafas ġdid taż-żaqq, tal-ġwienaħ u strutturi mmodifikati (per eżempju biex jikkunsidraw diversi tagħbijiet), eċċ. L-awtoritajiet Taljani pprovdew informazzjoni partikolari dwar il-kompiti speċifikati fl-ewwel deċiżjoni tal-bidu tal-proċedura, li ddeskrivew fid-dettall il-fażijiet tar-riċerka.

(73)

Fl-aħħar nett, l-awtoritajiet Taljani pprovdew informazzjoni fid-dettall dwar l-effett ta' inċentivta’ l-għajnuna għaż-żewġ proġetti DO328. Huma ġibdu l-attenzjoni lejn l-importanza tal-proġetti għal Aermacchi, fejn ikkunsidraw li kienu kważi n-nofs ta' l-attivitajiet globali tar-R&Ż tal-kumpanija għall-perjodu 1996-1999. L-awtoritajiet Taljani ddikjaraw ukoll li Aermacc ma kenitx kapaċi tiffinanzja dawn il-proġetti tar-R&Ż bir-riżorsi tagħha u ma kenitx kapaċi tieħu sehem fil-proġett ġenerali mmexxi minn Dornier.

(74)

Finmeccanica fformulat l-osservazzjonijiet tagħha biss wara l-ewwel deċiżjoni (18), f’isem il-kumpaniji kollha li jiffurmaw il-grupp: Agusta, Aermacchi u Alenia. Finmeccanica ddikkjarat li hija kkontrallata b’mod sostanzjali mill-Istat Taljan (19).

(75)

Finmeccanica bagħtet l-osservazzjonijiet tagħha biex tiċċara d-dubji li tqajmu mill-Kummissjoni fl-ewwel deċiżjoni tal-bidu tal-proċedura dwar is-sitt proġetti. F’din l-okkażjoni Finmeccanica ddikjarat li bi ħsiebha tgħaqqad l-osservazzjonijiet ifformulati mill-gvern Taljan, li hija kienet taqbel magħhom u li għalihom qiegħda tagħmel riferenza, u żiedet dan li ġej, dwar is-sitt proġetti.

(76)

Dwar l-effett ta' l-inċentivazzjoni ta' l-għajnuna riċevuta għat-tali proġetti, Finmeccanica ddikjarat dan li ġej:

(77)

L-awtoritajiet Franċiżi fformulaw l-osservazzjonijiet tagħhom biss wara l-ewwel deċiżjoni tal-bidu tal-proċedura (20). B’mod partikolari qajmu tliet punti: a) ġibdu l-attenzjoni għall-istrument ta' l-għajnuna, li skond huma jikkostitwixxi rifużjoni bil-quddiem; b) talbu li r-rifużjonijiet ikunu garantiti; ċ) fl-aħħar, indikaw sensiela ta' proġetti oħrajn, differenti minn dawk riferuti fid-deċiżjoni, li potenzjalment setgħu bbenefikaw mill-għajnuna taħt l-iskop tar-reġim u li skond huma l-Italja ma kenitx tinnotifikahom individwalment.

(78)

Il-parti terza interessata anonima intervjeniet darbtejn waqt il-proċediment, u fformulat l-osservazzjonijiet tagħha kemm wara l-ewwel u kemm wara t-tieni deċiżjoni tal-bidu tal-proċedura.

(79)

L-osservazzjonijiet tagħha dwar l-ewwel deċiżjoni tal-bidu tal-proċedura kienu rraportati fil-punti li ġejjin.

(80)

Il-parti terza kkonfermat li, fl-opinjoni tagħha, id-dubji espressi mill-Kummissjoni dwar is-sitt proġetti kellhom bażi.

(81)

Iddikjarat li, fl-opinjoni tagħha, il-Kummissjoni għandha testendi l-indaġni għal aktar proġetti (fosthom il-ħelikopters AB139, BA609, A119).

(82)

Talbet lill-Kummissjoni tivverifika li l-għajnuna mogħtija taħt il-liġi 808/1985 kienet applikata b’mod effettiv għall-proġetti relevanti u li proġetti oħrajn kienu esklużi minħabba n-nuqqas ta' prototipi jew in-nuqqas tal-parteċipazzjoni min-naħa ta' l-industrija Taljana.

(83)

Talbet lill-Kummissjoni tivverifika l-ammonti finanzjarji effettivi marbutin mas-sitt proġetti relevanti.

(84)

Talbet lill-Kummissjoni tordna lill-Italja biex tissospendi l-pagamenti dwar il-proġetti li għaddejjin.

(85)

Talbet lill-Kummissjoni tivverifika l-istrument ta' l-għajnuna użata skond il-liġi 808/1985 u titlob bħala konsegwenza r-rifużjoni ta' l-għajnuna li ngħata b’mod illeġittimu.

(86)

Talbet lill-Kummissjoni tiżgura li l-liġi 808/1985 tkun modifikata biex tiggarantixxi r-rifużjoni ta' l-għajnuna taħt il-kundizzjonijiet finanzjarji koerenti mad-dixxiplina dwar ir-R&Ż.

(87)

Talbet lill-Kummissjoni li timponi l-obbligu ta' rendikont kull sena flimkien ma’ miżuri effettivi ta' verifika ta' kontijiet, fejn ikun il-każ, mill-Kummissjoni.

(88)

Il-parti terza interessata hemżet ma’ l-osservazzjonijiet tagħha sensiela ta' dokumenti, fosthom il-korrispondenza tal-Ministeru ta' l-Industrija mal-Parlament Taljan dwar is-sitwazzjoni ta' l-industrija ajruspazjali (is-snin 1996-2001). Barra minn hekk, użat l-informazzjoni li tinsab f’dawn it-tali relazzjonijiet biex issostni li n-numru ta' proġetti mhux notifikati kien tassew ħafna akbar mis-sitt proġetti eżaminati taħt l-iskop tal-proċedura.

(89)

L-Italja ma fformulat l-ebda osservazzjoni dwar l-osservazzjonijiet ippreżentati minn Finmeccanica.

(90)

Dwar l-osservazzjonijiet ippreżentati minn Franza u mill-parti terza interessata, l-Italja osservat li l-ewwelnett kienu jmorru lil hinn mill-qasam ta' l-applikazzjoni tal-proċedura. L-Italja kkritikat dawn it-tentattivi biex il-qasam ta' l-applikazzjoni jkun estiż, għax fl-opinjoni tagħha ma kienu appoġġati minn ebda element ta' prova.

(91)

L-Italja fakkret li, fl-opinjoni tagħha, ir-reġim kien jikkostitwixxi għajnuna eżistenti, peress li kien approvat fl-1986 (21) u peress li fl-2002 il-Kummissjoni rrikonoxxiet li l-għajnuna kienet fil-fatt saret konformi mar-regoli applikabbli għall-għajnuniet għar-R&Ż (ara l-punt 50). Skond l-Italja, ir-reġim, peress li konformi, ma jistax ikun ikkontestat fuq każ dwar il-miżuri individwali biss adottati dwarhom, sakemm ma jintweriex li d-deċiżjoni ta' l-approvazzjoni tar-reġim kienet ibbażati fuq informazzjoni ħażina, li setgħet imbagħad twassal għal revokazzjoni possibbli skond l-Artikolu 9 tar-regolament tal-proċedura.

(92)

It-tieni nett, l-Italja ddikjarat li, fl-opinjoni tagħha, l-istrument ta' l-għajnuna kien konformi mat-Trattat.

(93)

L-Italja barra minn hekk iddikjarat li l-parti terza interessata bbażat ħażin fuq il-korrispondenza mal-Parlament dwar l-applikazzjoni tal-liġi 808/1985, peress li l-ammonti msemmija fil-korrispondenza ma kinux jikkorrospondu għal dawk li fil-fatt ingħataw għall-proġetti. L-Italja ċċarat li fil-korrispondenza il-ministeru inkluda l-għanijiet tiegħu dwar il-proġetti li setgħu jkunu ffinanzjati skond il-liġi 808/1985. Madankollu, fil-proċedura tal-bilanċ, il-prattika normali kienet li dawn l-għanijiet ma setgħux jintlaħqu bil-fondi disponibbli, fejn il-livell kien ħafna anqas minn dak indikat fil-korrispondenza msemmija. Barra minn hekk, anki l-ammonti rrapportati fil-korrispondenza dwar il-proġetti individwali ta' l-għanijiet sempliċi, minn meta l-ministeru ddeċida l-ammont effettiv ta' l-għajnuna li tingħata għal proġett wieħed biss wara r-riċeviment ta' l-allokazzjonijiet effettivi li, s-soltu kienu anqas mil-livelli mistennija.

(94)

L-Italja għalhekk ikkontestat l-argument ta' Franza u tal-parti terza interessata li skond il-benefiċjarji ta' l-għajnuna setgħu jkunu awtorizzati biex ma jirrifonduhiex. Skond l-Italja r-rifużjonijiet iridu jsiru fiż-żminijiet stabbiliti fid-deċiżjonijiet ta' l-għoti ta' l-għajnuna. L-Italja barra minn hekk żiedet li, skond il-leġislazzjoni nazzjonali, l-Istat jista' jirrinunzja għal kreditu biss fil-każ speċifiku ta' likwidazzjoni ta' kumpanija.

(95)

L-Italja ċċarat li l-pagamenti saru matul l-imsemmija “limiti ta' l-impenn”, li fuqhom isiru l-pagamenti favur il-benefiċjarju wara li jkunu vverifikati l-ispejjeż u jibdew wara l-ewwel sena ta' l-ispiża u jkompju għal perjodu ta' 10 sa 15-il sena. Ir-rifużjoni tibda sena wara l-għeluq tal-perjodu tal-pagament, jiġifieri 11 jew 16-il sena wara l-bidu tal-proġett.

(96)

Dwar l-osservazzjonijiet speċifiċi li saru mill-parti terza interessata dwar il-proġetti tar-R&Ż, l-Italja l-ewwelnett irrispondiet lura għall-osservazzjonijiet bħala risposta għall-ewwel deċiżjoni tal-bidu tal-proċedura.

(97)

Fit-tieni nett, l-Italja fformulat osservazzjonijiet speċifiċi dwar il-proġetti bħala risposta għall-osservazzjonijiet tal-parti terza interessata. Dwar il-proġett A109X, l-Italja ddikjarat li l-proġett dwar l-elaborazzjoni tat-teknoloġija għall-applikazzjoni fuq il-ħelikopters biss wara perjodu twil ta' żvilupp. Barra minn hekk ippreċiżat li l-isem A109X kien qed jintuża bħala isem ġeneriku u jirrigwarda ħelikopter li se jkun kompletament innovattiv wara li titlesta l-fażi ta' l-iżvilupp.

(98)

L-Italja barra minn hekk speċifikat li, għalkemm kien ikkunsidrat sa ċertu punt, il-proġett A109 Power qatt ma rċieva appoġġ taħt il-qafas tal-liġi 808/1985.

(99)

Dwar l-iffinanzjar tal-proġett A109X, l-Italja indikat li s-somma msemmija mill-parti terza interessata kienet purament indikattiva. L-ammont ta' l-għajnuna li ngħatat effettivament għall-proġett kien ta' 33,6 miljun euro, filwaqt li l-ammont ta' wara ta' 49 biljun lira għall-perjodu 2002-2005 imsemmi mill-parti interessata qatt ma ngħata.

(100)

Dwar il-proġett A 109 D/E/F, l-Italja kkontestat l-argument tal-parti terza interessata dwar il-proġett A109 Power, ivverifikat fl-1996. L-Italja spjegat li l-għan ewlieni tal-proġett kien l-iżvilupp ta' verżjoni ġdida ta' A 109 F, bil-mutur, skrun u slitti ġodda, iċċertifikat wara f’Ġunju 2001, 30 xahar wara t-tmiem tal-proġett tar-R&Ż.

(101)

Bħala risposta għad-dikarazzjonijiet tal-parti terza interessata dwar l-iżvilupp ta' Agusta, l-Italja kitbet li l-informazzjoni u d-dejta pprovduta mill-parti terza interessata ma kinetx korretta. Agusta kellha bħala medja ishma ta' madwar [20-30 %] tas-suq Ewropew tal-ħelikopters ħfief b’żewġ muturi matul il-perjodu 1994-2000, kontra ‘l fuq minn 60 % tal-kompetitur ewlieni tagħha, Eurocopter (22). Il-bejgħ tagħha kien jiġi l-aktar mis-settur militari ([> 70 %]). Fejn jidħlu prodotti, Agusta kellha biss ħelikopter fi tnejn miż-żewġ setturi, mat-tlieta jew erbgħa ta' Eurocopter f’kull wieħed minn l-istess setturi. Skond l-awtoritajiet Taljani, Agusta kienet kumpanija li kienet irnexxielha tinbidel minn attur minuri fis-settur għal kontestant maġġuri, bis-saħħa ta' għajnuniet leġittimi u kumpatibbli ma’ l-attivitajiet tar-R&Ż, ta' alleanzi strateġiċi u ta' innovazzjoni teknoloġika.

(102)

Fl-aħħar, dwar l-eżistenza ta' proġetti oħrajn mhux notifikati, l-awtoritajiet Taljani wieġbu għall-osservazzjonijiet ippreżentati minn Franza u mill-parti terza interessata fejn ikkonfermaw li dawk id-dikjarazzjonijiet kienu bbażati fuq interpretazzjoni żbaljata tal-korrispondenza tal-Parlament. Barra minn hekk l-Italja fformulat osservazzjonijiet dwar uħud mill-proġetti msemmijin mill-parti terza interessata jew fil-korrispondenza.

(103)

Skond l-Italja: uħud mill-proġetti ma kinux ikunu ffinanzjati; uħud mill-proġetti kienu jibbenefikaw minn għajnuna anqas mil-livell għan-notifika individwali; uħud mill-proġetti kienu jkunu ta' natura militari; uħud mill-proġetti (MD 95 u MD 11) kienu jkunu inklużi taħt il-qasam ta' l-applikazzjoni ta' l-ewwel deċiżjoni, filwaqr li ieħor kien ikun eskluż mill-Kummissjoni fid-deċiżjoni tal-bidu tal-proċedura.

(104)

Wara li jkunu kkunsidrati d-dubji mqajmin fit-tieni deċiżjoni tal-bidu tal-proċedura u d-diskussjonijiet ta' wara dwar il-lista finali tal-proġetti mhux notifikati, deskrizzjoni fid-dettall ta' dawn il-proġetti mhux meħtieġa f’dan il-punt tal-motivazzjoni.

(105)

Fl-ewwel deċiżjoni tal-bidu tal-proċedura l-Kummissjoni qajmet xi dubji dwar il-kontenut tar-R&Ż tas-sitt proġetti u dwar l-effett tagħhom ta' l-inċentivazzjoni.

(106)

Fl-ewwel deċiżjoni tal-bidu tal-proċedura kien diġà osservat li l-valutazzjoni min-naħa tal-Kummissjoni tal-proġetti tar-R&Ż kellha tikkunsidra l-elementi li ġejjin:

(107)

L-awtoritajiet Taljani pprovdew informazzjoni ddettaljata dwar l-attivitajiet ammissibbli li bbenefikaw mill-għajnuna. L-Italja rrikonoxxiet li, fuq il-bażi ta' l-informazzjoni li kellha l-Kummissjoni dak iż-żmien, id-dubji kienu ġġustifikati.

(108)

Bl-informazzjoni pprovduta l-Kummissjoni llum hija kapaċi tivvaluta aħjar il-kontenut tal-proġetti diversi u b’mod partikolari tal-kompiti msemmija fl-ewwel deċiżjoni tal-bidu tal-proċedura.

(109)

Dwar il-klassifikazzjoni ta' l-attivitajiet bħala attivitajiet ammissibbli għar-R&Ż, il-Kummissjoni issa kapaċi tikkonferma li l-informazzjoni pprovduta mill-Italja dwar il-proġetti individwali tippermetti li tinftiehem fid-dettall id-distribuzzjoni ta' l-attivitajiet bejn ir-riċerka industrijali u l-iżvilupp ta' qabel il-kompetizzjoni.

(110)

Il-Kummissjoni tirrikonoxxi li minbarra li l-informazzjoni pprovduta mill-Italja dwar l-effett ta' l-inċentivazzjoni ta' l-għajnuna mogħtija lil dawn il-proġetti biżżejjed jintwera li mingħajr din l-għajnuna l-benefiċjarji ma kinux isiru.

(111)

Wara kollox, din il-valutazzjoni saret fuq il-bażi ta' l-informazzjoni disponibbli dak iż-żmien, b’mod partikolari fejn jidħol in-numru tal-proġetti għall-valutazzjoni.

(112)

Fl-aħħar tal-formulazzjoni ta' dawn il-konklużjonijiet, il-Kummissjoni telqet mis-suppożizzjoni li l-awtoritajiet Taljani kellhom raġun jiddeskrivu t-tip ta' għajnuna bħala self preferenzjali, fejn il-kapital dejjem kien kompletament se jkun rifuż.

(113)

Dan ir-raġunament influwenza b’mod determinanti r-riżultati tal-valutazzjoni tal-Kummissjoni, b’mod partikolari peress li l-ammont totali ekwivalenti ta' l-għajnuna tirrappreżenta element fondamentali biex jistabbilixxi jekk għajnuna individwali taqbiżx il-livell minimu tan-notifika individwali.

(114)

Minn meta l-Kummissjoni bdiet l-indaġini dwar id-denunzja tal-bidu dwar l-attwazzjoni tal-liġi 808/1985, l-awtoritajiet Taljani sostnew li, mill-anqas għat-13-il każ ta' l-ewwel deċiżjoni tal-bidu tal-proċedura, l-għajnuna tqassmet forma ta' self preferenzjali, mingħajr interessi, għalkemm il-kapital dejjem kien kellu jitħallas lura.

(115)

Franza u l-parti terza interessata kkontestaw dawn id-dikjarazzjonijiet, u sostnew li l-kwota kapitali kellha titħallas lura biss fil-każ li l-programmi interessati jikkostitwixxu suċċess kummerċjali (23).

(116)

Il-Kummissjoni pprovat tistabbilixxi liema minn dawn l-interpretazzjonijiet kienet it-tajba, mill-anqas mis-sitt każijiet li kienu jiffurmaw is-suġġett tal-proċedura li fih ħadu sehem Franza u l-parti terza interessata.

(117)

Il-Kummissjoni għalhekk għamlet riferenza għall-modalitajiet tal-prestazzjoni dettaljata li, kif previst fil-liġi 808/1985 u mid-deċiżjoni tal-Kummissjoni ta' l-1986 dwarha (24), kellhom ikunu stabbiliti permezz ta' l-elaborazzjoni ta' aktar regoli.

(118)

Biex tivvaluta fid-dettall jekk u fuq bażi ta' liema mekkaniżmu l-kwota kapitali tas-self kellu jitħallas lura, il-Kummissjoni talbet lill-awtoritajiet Taljani biex tipprovdi kopja tal-kundizzjonijiet individwali ta' l-għoti tas-self (minn issa ‘l quddiem “il-kundizzjonijiet ta' l-għoti”) dwar is-sitt każijiet.

(119)

L-awtoritajiet Taljani l-ewwelnett ipprovdew lill-Kummissjoni xi estratti mid-deċiżjonijiet ta' l-għoti ta' l-għajnuna. B’mod partikolari, l-estratti ma jinkludux il-motivazzjoni tal-kundizzjonijiet. L-awtoritajiet Taljani ġġustifikaw din l-għażla b’raġunijiet ta' sigurtà nazzjonali. Il-motivazzjoni tal-kundizzjonijiet ta' l-għoti ta' l-għajnuna skond il-liġi 808/1985 kienu komuni għall-proġetti ċivili u militari. Għalhekk, anki jekk it-tliet każijiet kienu dwar inġenji ta' l-ajru ċivili, il-motivazzjonijiet tal-kundizzjonijiet relevanti ta' l-għajnuna kien fihom ukoll informazzjoni dwar is-sigurtà nazzjonali.

(120)

L-estratti tal-kundizzjonijiet ta' l-għajnuna pprovduta mill-awtoritajiet Taljani ma ppermettewx lill-Kummissjoni li tadotta pożizzjoni definittiva fuq il-kundizzjonijiet dwar il-ħlas lura tas-self.

(121)

B’mod partikolari, l-Artikolu dwar il-ħlas lura (25) miktub b’mod mabigwu, peress li jistabbilixxi mill-bidu li l-għajnuna se titħallas lura permezz ta' ammonti progressivi kkalkulati fuq il-bażi tad-dħul mill-bejgħ, iżda mbagħad iżid li dan għandu jsir skond il-modalità stabbilita fid-deċiżjoni ta' l-għoti ta' l-għajnuna, li jinkludi grafika bi pjan fiss ta' rifużjoni, għall-100 % tal-kapital.

(122)

Fl-ebda mill-estratti mibgħuta ma hemm disposizzjoni kapaċi tirrikonċilja dawn iż-żewġ aspetti li jidhru jikkontradixxu lil xulxin.

(123)

Peress li ma setax ikun hemm iċ-ċertezza li din il-kondizzjoni kienet inkluża fil-partijiet neqsin tat-testi, il-Kummissjoni ħarġet ordni għall-provvista ta' informazzjoni (26) fejn talbet it-test ewlieni tal-kundizzjonijiet ta' l-għoti.

(124)

L-Italja wieġbet (27) għall-ordni tal-provvista ta' informazzjoni u kkonfermat li, fl-opinjoni tagħha, kienet bagħtet lill-Kummissjoni l-informazzjoni kollha li għandha x’taqsam mal-kundizzjonijiet ta' l-għoti. L-Italja żiedet ukoll li l-motivazzjoni ta' dawn id-deċiżjonijiet jagħmlu referenza għal mistoqsijiet importanti dwar is-sigurtà nazzjonali, li ma setgħux ikunu mikxufin lill-partijiet terzi u lanqas lill-benefiċjarju. L-Italja kkonkludiet li, fl-opinjoni tagħha, fl-ebda każ il-motivazzjonijiet ma setgħu jkollhom klawżoli miżjudin ma’ dawn inklużi fit-test.

(125)

Ta' min jinnota li l-Italja wieġbet b’mod pożittiv għal din l-ordni għall-provvista ta' informazzjoni. Fi kliem ieħor, baqgħet tinnega l-aċċess għat-test ewlieni mitlub mill-Kummissjoni.

(126)

Fil-preżentazzjonijiet ta' wara ta' l-osservazzjonijiet bħala risposta għall-proċedura, madankollu, l-Italja bagħtet id-dokumenti kollha mitluba. Għalhekk jista' jkun ikkonfermat bħala analiżi finali li l-Italja wieġbet għall-ordni għall-provvista ta' l-informazzjoni.

(127)

Biex tikkonkludi fuq dan il-punt, il-Kummissjoni osservat li t-tweġiba ta' l-Italja ma kinetx sodisfaċenti, skond id-disposizzjonijiet ta' l-Artikolu 12 tar-Regolament tal-Proċedura. Fit-tieninett, l-argument li fuqu kienu relevanti l-motivazzjonijiet għall-iskopijiet tas-sigurtà nazzjonali u li għalhekk ma setgħux ikunu mikxufin lill-benefiċjarju ntwera li ma kienx korrett, peress li l-kopji li l-Italja wara bagħtet lill-Kummissjoni jikkonfermaw li l-benefiċjarji rċevew, u ffirmaw, il-kopji ewlenin tal-kundizzjonijiet ta' l-għoti.

(128)

Madankollu, fl-aħħar l-Italja pprovdiet l-informazzjoni mitluba.

(129)

Kif imsemmi fit-tieni deċiżjoni tal-bidu tal-proċedura, matul l-andament tal-proċedura ħarġu diversi problemi ġodda (28).

(130)

L-ewwelnett, il-Kummissjoni saret taf bl-eżistenza ta' żewġ dokumenti li jindikaw li r-rifużjoni tal-kapital misluf ma kienx għadu sar.

(131)

L-ewwel dokument intbagħat mill-parti terza interessata (29). Kien jittratta dwar korrispondenza ta' bank kummerċjali importanti dwar il-pożizzjoni finanzjarja ta' Finmeccanica. Fil-komunikazzjoni, iddatata t-12 ta' Awwissu 2004, il- [bank ta' l-investiment] jikteb li Finmeccanica kienet iddjarat li “il-kapital kellu jkun rifondut biss meta l-kunsinji jaqbżu volum stabbilit ([…]) fejn Finmeccanica kellha rifużjonijiet baxxi ħafna x ’ tagħmel fl-ewwel 15-il sena u hemm anqas probabbiltà li jitħallas lura s-self kollu”.

(132)

It-tieni dokument kien korrispondenza tal-Qorti tal-Kontijiet Taljani dwar l-applikazzjoni tal-liġi 808/1985 (30). Fit-Taqsima 6 tat-tali dokument il-Qorti tal-Kontijiet janalizza s-sitwazzjoni tar-rifużjoni tas-self.

(133)

Il-komunikazzjoni tal-Qorti semmiet digriet ministerjali (31) li jiddeskrivi b’mod dettaljat il-mekkaniżmu tal-ħlas lura tas-self li ngħata taħt il-liġi 808/1985. L-awtoritajiet Taljani qatt ma bagħtu d-digriet ministerjali lill-Kummissjoni u jidher li ma kienx magħmul pubbliku lanqas fl-Italja. Il-Qorti tal-Kontijiet jikkwotah biss billi jsemmi n-numru tar-reġistrazzjoni tal-Qorti.

(134)

Skond il-Qorti tal-Kontijiet il-mekkaniżmu deskritt fid-digriet ministerjali kien juri b’mod partikolari li r-rifużjonijiet mistennija huma rrapportati fi grafika li turi l-ammonti li għandhom jitħallsu lira lill-Istat. Madankollu, l-obbligu dwar il-pjan tar-rifużjoni huwa nieqes meta r-riżultat tal-programm, mil-lat tekniku u ekonomiku, ma jikkorrospondix ma’ dik li kien mistenni fil-bidu.

(135)

Il-komunikazzjoni tal-Qorti tal-Kontijiet tiddikjara barra minn hekk li l-parti tal-kapital li fil-fatt tħallset lura kienet tvarja bejn 0,86 % u 80,18 %, u hija bbażata fuq ammont totali ta' rifużjonijiet ta' 68,92 % dwar it-total tas-self imqassam, u tikkonferma li f’ċerti każijiet ir-rifużjonijiet kienu ddewmu jew ma seħħewx (32).

(136)

Fit-tieni nett, Franza u l-parti terza interessata bagħtu listi ta' proġetti oħrajn li kellhom jibbenefikaw minn għajnuniet u li l-Italja kellha tinnotifikahom. L-ammonti pprovduti minn partijiet terzi kienu aktar dwar l-ammonti tas-self milli l-ammont totali ekwivalenti. Ir-rapport dwar l-ammonti tas-self u l-ammonti totali ekwivalenti jiddependi fuq il-modalità tar-rifużjoni ta' l-għajnuna. Kif jidher fil-punti 109-122, Franza, il-parti terza interessata u l-awtoritajiet Taljani għandhom opinjonijiet li jikkontradixxu lil xulxin fuq dan il-punt.

(137)

Meta kienu interrogati dwar dan, l-awtoritajiet Taljani spjegaw li l-ammonti pprovduti mill-partijiet terzi kienu parzjalment inkorretti. B’mod partikolari, il-korrispondenza li kkwotat il-parti terza bħala għejun ewlieni kien fih biss l-ipoteżi ta' għajnuna possibbli futura. Mhux il-proġetti kollha li kienu kkunsidrati għall-iskopijiet ta' l-għajnuna f’din il-korrispondenza ma kienu fil-fatt aċċettati. Barra minn hekk, xi proġetti li tnedew ma kinux se jirċievu għajnuna jew kienu se jirċievu għajnuna anqas minn dik ppjanata fil-korrispondenza. Fl-aħħar, xi proġetti kienu ta' natura militari.

(138)

It-tielet, il-Kummissjoni saret taf b’żewġ proġetti (AB139 u BA609) u b’mod partikolari qajmet dubji fuq il-fatt li dawn il-proġetti setgħu jkunu kklassifikati bħala militari, kif iddikjarat mill-awtoritajiet Taljani.

(139)

Biex isir sommarju, peress li l-informazzjoni disponibbli ma kinux eżawrenti u minn meta l-Kummissjoni saret taf b’dawn id-dokumenti u b’din l-informazzjoni li jqajmu problemi ġodda, ddeċidiet li twessa’ l-qasam ta' l-applikazzjoni tal-proċedura taħt l-Artikolu 88, paragrafu 2 (riferut bħala “t-tieni deċiżjoni tal-bidu tal-proċedura”).

(140)

Fit-tieni deċiżjoni tal-bidu tal-proċedura tal-Kummissjoni resqet tliet dubji ewlenin.

(141)

L-ewwel huwa dwar in-natura ta' l-istrument ta' l-għajnuna, jiġifieri l-fatt li l-ammont kapitali tas-self taħt il-liġi 808/1985 dejjem kienet titħallas lura kollha.

(142)

Il-Kummissjoni barra minn hekk kellha dubji serji fuq il-fatt li l-awtoritajiet Taljani kkwotawlha l-każijiet individwali kollha li qabżu l-livell minimu tan-notifika individwali, kemm taħt id-deċiżjoni inizjali ta' l-1986, u kemm taħt il-miżuri relevanti approvati mill-Italja fl-1996.

(143)

Fl-aħħar, il-Kummissjoni kellha dubji serji fuq il-fatt kif il-proġetti AB139 u BA609 setgħu jkunu kklassifikati bħala militari, kif ikkonfermaw l-awtoritajiet Taljani.

(144)

It-tieni deċiżjoni tal-bidu tal-proċedura jikkonfermaw biċ-ċar li, minkejja l-proċedura ta' l-indaġni oriġinali kienet titratta biss is-sitt każijiet u minkejja li l-osservazzjonijiet ifformulati minn partijiet terzi ntbagħtu taħt l-iskop ta' din il-proċedura, kien evidenti li d-dubji ġodda li tqajmu matul dawn l-osservazzjonijiet ma kinux jitrattaw biss is-sitt każijiet.

(145)

Dawn id-dubji kienu jittrattaw l-applikazzjoni intera tal-liġi 808/1985. Għalhekk kienu jitrattaw l-applikazzjonijiet individwali kollha ta' l-imsemmija liġi u bħala konsegwenza anki kull wieħed mit-13-il każ (33), inklużi dawk li kienu jitqiesu li m’għandhomx bżonn notifika preliminari u dawk li fuqhom il-Kummissjoni ma resqitx oġġezzjoni fid-deċiżjoni tagħha ta' l-1 ta' Ottubru 2003.

(146)

It-tieni deċiżjoni tal-bidu tal-proċedura ma kinetx titratta l-proġetti individwali taħt il-livell minimu tan-notifika individwali, li saru bl-eċċezzjoni li ġejja. Id-dubji li tqajmu mill-Kummissjoni kienu fil-fatt fuq l-applikazzjoni tal-liġi 808/1985, inklużi d-deċiżjonijiet individwali ta' l-għoti ta' l-għajnuna li l-ammonti tagħhom kienu taħt il-livell minimu tan-notifika individwali u li kienu adottati mit-22 ta' Novembru 2002.

(147)

Fl-aħħar, it-tieni deċiżjoni tal-bidu tal-proċedura kienet tindika fiċ-ċar li l-qasam ta' l-applikazzjoni kien limitat għall-għajnuniet individwali li ngħataw għall-proġetti ċivili.

(148)

Il-Kummissjoni osservat li, fil-fażi msemmija ta' l-analiżi tagħha, stenniet li l-proġetti li kienu jinkludu modifika ta' prodott militari biex ikun adattat għal xogħol ċivili jkunu kkunsidrati bħala proġetti ċivili.

(149)

L-ewwelnett, l-Italja ppreċiżat li l-osservazzjonijiet tagħha kienu ppreżentati flimkien ma’ Finmeccanica.

(150)

L-Italja osservat li l-Kummissjoni tirrikonoxxi fit-tieni deċiżjoni li r-reġim ta' l-għajnuniet introdotti mil-liġi 808/1985 tirrappreżenta għajnuna eżistenti, peress li kienet approvata mill-Kummissjoni fl-1986 u darba oħra fl-2002.

(151)

L-Italja osservat li t-tieni deċiżjoni kienet ibbażata fuq l-Artikolu 16 tar-Regolament u fuq l-Artikolu 13 tar-Regolament tal-Proċedura.

(152)

L-Italja għalhekk iddikjarat li ma taqbilx mad-dikjarazzjoni ta' l-applikazzjoni abbużiva ta' l-għajnuna, peress li din it-tifsira tirrelata biss ma’ l-użu korrett ta' l-għajnuna li rċieva l-benefiċjarju. Skond l-Italja, l-għajnuniet kollha li ngħataw taħt il-qasam tar-reġim intużaw għall-iskop oriġinali maħsub. L-Italja ma taċċetta l-ebda kwalifika l-aktar dwar l-għajnuniet individwali li ngħataw wara l-20 ta' Novembru 2002.

(153)

Skond l-Italja, jekk il-Kummissjoni riedet teżamina b’mod individwali kull għajnuna mogħtija taħt l-iskop tar-reġim imissha għamlet dan taħt l-iskop ta' l-eżami permanenti tar-reġim ta' l-għajnuniet eżistenti, skond l-Artikolu 88, l-Ewwel Paragrafu, tat-Trattat.

(154)

Dwar il-possibbiltà tal-bidu tal-proċedura skond l-Artikolu 88, Paragrafu 2, tat-Trattat, l-Italja kitbet li hija eskluża mir-regolament tal-proċedura, sakemm dawn il-każijiet ma jkunu individwati b’mod eżatt, preċiż u konkret.

(155)

Bil-konklużjoni ta' l-aspetti tal-proċedura, l-Italja osservat li t-tieni deċiżjoni tal-bidu tal-proċedura ħolqot sitwazzjoni ta' inċertezza ġudizzjali minħabba n-nuqqas ta' definizzjoni ċara dwar il-qasam ta' l-applikazzjoni tagħha.

(156)

Fit-tweġiba tagħha għat-tieni deċiżjoni tal-bidu tal-proċedura l-Italja l-ewwelnett iċċarat l-evoluzzjoni storika tar-reġim. Skond l-Italja, ir-responsabbiltà tal-programmi militari kienet tradizzjonalment attribwita anki għall-Ministeru ta' l-Industrija.

(157)

It-tieni nett, l-Italja pprovdiet epilogu mill-ġdid ta' l-adattamenti tar-reġim tad-dixxiplina ta' l-1996 u tal-miżuri relevanti adottati. Barra minn hekk uriet l-elementi essenzjali tar-reġim futur, li għad iridu jkunu inklużi f’regolament intern ġdid (34).

(158)

It-tielet, l-Italja ppreżentat l-osservazzjonijiet tagħha dwar ir-rifużjonijiet. Dwar il-korrispondenza tal-Qorti tal-Kontijiet imsemmija fit-tieni deċiżjoni, l-awtoritajiet Taljani talbu interpretazzjoni awtentika tal-korrispondenza min-naħa tal-Qorti stess. Din ta' l-aħħar issostni l-ewwelnett li l-korrispondenza kienet biss dwar il-perjodu sa l-1998. Għalhekk, fuq il-bażi tal-qosor tal-perjodu eżaminat, ikun żbaljat li jinħarġu konklużjonijiet ġenerali.

(159)

It-tieni nett, il-korrispondenza tikkonferma li għall-proġetti kollha l-bejgħ beda u kienu tħallsu r-rifużjonijiet, anki jekk naqra tard.

(160)

Fl-aħħar, dwar il-possibbiltà li l-Istat jirrinunzja għall-kreditu (li jseħħ jekk is-self ma jitħallasx lura), il-Qorti tal-kontijiet ikkonferma li, skond il-prinċipju ġenerali ta' l-amministrazzjoni pubblika Taljana, mhux possibbli li kreditu jkun rinunzjat. Il-Qorti għalhekk iddikjarat li digriet ministerjali ma jista' jipprevedi l-ebda rinunzja. Il-Qorti kkonkludiet li fil-korrispondenza hija qatt ma kkwotat il-possibbiltà ta' rinunzja għall-kreditu min-naħa ta' l-amministrazzjoni pubblika.

(161)

Dwar ir-rifużjonijiet, l-Italja rrikonoxxiet li f’każijiet limitati kien hemm xi dewmien, iżda żiedet li r-rifużjonijiet kienu stabbiliti fil-pjani definiti fid-deċiżjonijiet ta' l-għoti ta' l-għajnuna. Skond l-Italja, il-benefiċjarju jrid jiffirma klawżola li tobbliga l-kumpanija tħallas lura l-ammont ta' kapital tas-self li tirċievi.

(162)

L-Italja ddikjarat li l-Kummissjoni kellha tqajjem dubji dwar ir-rifużjoni anki minħabba l-korrispondenza tal- [bank ta' l-investiment] dwar Finmeccanica msemmija fit-tieni deċiżjoni tal-bidu tal-proċedura.

(163)

Skond l-Italja, il-korrispondenza kienet turi ċar li l-frażi msemmija fit-tieni deċiżjoni tal-bidu tal-proċedura – “il-kapital għandu jitħallas lura biss jekk il-kunsinji jeċċedu volum stabbilit (elevat) u għalhekk Finmeccanica għandha rifużjonijiet baxxi ħafna xi tħallas fl-ewwel 15-il sena u hemm anqas probabbiltà li jitħallas lura s-self kollu” – kien hemm qabilha frażi li kienet tikkwalifika b’mod aktar preċiż l-attivitajiet tas-settur tad-difiża tas-soċjetà.

(164)

Fl-aħħar, skond l-Italja, il-Kummissjoni kellha dubji dwar ir-rifużjonijiet tas-self għax l-Italja ma ppermettietx l-aċċess għat-testi ewlenin tad-deċiżjonijiet ta' l-għoti ta' l-għajnuna.

(165)

Dwar dan, l-Italja fakkret li l-motivazzjoni hija l-istess għad-deċiżjonijiet kollha ta' l-għoti ta' l-għajnuna, inklużi dawk dwar il-proġetti militari. Barra minn hekk, l-Italja ddikjarat li, fl-opinjoni tagħha, il-motivazzjonijiet neqsin ma setgħux ikollhom aktar kundizzjonijiet miżjudin dwar it-test ta' l-istess deċiżjonijiet.

(166)

L-Italja kkonfermat li l-istrument ta' l-għajnuna użat huwa self preferenzjali bi pjanijiet ta' rifużjonijiet fissi li dejjem kienu rispettati, minbarra xi eċċezzjonijiet limitati. Barra minn hekk, l-Italja ddikjarat li s-self kien tqassam lill-benefiċjarji permezz ta' l-imsemmija “limiti ta' l-impenn” fuq perjodu ta' żmien ta' 10-15-il sena jiġifieri immedjatament soluzzjoni waħda, iżda f’dan il-każ mingħajr l-intervent min-naħa ta' bank. Ir-rifużjoni jibda fl-ewwel sena wara l-aħħar distribuzzjoni.

(167)

Bħala konklużjoni dwar l-istrument ta' l-għajnuna u dwar ir-rifużjoni, l-Italja sostniet li l-istrument użat kien is-self preferenzjali.

(168)

L-Italja ppreżentat l-osservazzjonijiet tagħha anki dwar iż-żewġ ħelikopters imsemmijin fit-tieni deċiżjoni tal-bidu tal-proċedura (AB 139 u BA 609).

(169)

Flimkien ma’ dawn l-osservazzjonijiet l-Italja pprovdiet id-dokumenti mitluba dwar il-bażi ġudizzjarja:

(170)

L-Italja pprovdiet qafas komplut ta' l-iffinanzjar ġenerali tar-reġim (l-ammonti huma kkwotati f’biljuni ta' liri), irrapportati fl-iskeda li ġejja:

It-2 skeda

Allokazzjonijiet skond il-liġi 808/1985

(171)

Skond l-Italja, sad-data tat-tieni deċiżjoni (22.6.2005) mit-3 029 miljun ewro (ekwivalenti għal 5 865 biljun lira) intużaw 2 878 miljun ta' ewro, filwaqt li l-151 miljun ewro li baqa’ għadhom ma ġewx utilizzati.

(172)

L-Italja barra minn hekk ipprovdiet it-tqassim ta' l-ispejjeż:

(173)

Skond l-Italja, 510 miljun euro ntużaw għall-iffinanzjar ta' proġetti ta' interess ewropew.

(174)

L-Italja barra minn hekk wieġbet għat-talba tal-provvista ta' lista ta' proġetti ċivili kollha ffinanzjati skond il-liġi 808/1985 u li kienu ‘l fuq mil-livell minimu tan-notifika individwali, minkejja lista sħiħa ta' proġetti ffinanzjati tat-22 ta' Novembru 2002. Fl-ittra tagħha ta' l-24 ta' Ottubru 2005 l-Italja ppreżentat l-osservazzjonijiet tagħha dwar il-proġetti msemmijin fit-tieni deċiżjoni tal-bidu tal-proċedura.

(175)

L-Italja barra minn hekk iddikjarat li kien hemm proġetti oħra ta' l-għajnuna ta' ‘l fuq mil-livell minimu tan-notifika individwali.

(176)

L-Italja bagħtet ukoll skeda li tniżżel il-programmi dwar is-sigurtà nazzjonali ffinanzjati mir-reġim.

(177)

Fl-aħħar, dwar id-dewmien tar-rifużjonijiet tal-proġetti speċifiċi, l-Italja ddikjarat li kien hemm problemi biss għal żewġ proġetti (DO328 Panewijiet u DO328 KE). L-Italja kkonfermat li l-proġett li sar minn Aermacchi ltaqa’ ma’ xi problemi minħabba l-falliment ta' Fairchild Dornier GmbH, il-kumpanija ewlenija.

(178)

L-osservazzjonijiet u t-talbiet tal-partijiet terzi interessati wara t-tieni deċiżjoni tal-bidu tal-proċedura kienu ppreżentati wara xulxin.

(179)

Il-parti terzi talbet lill-Kummissjoni tiddikjara illeġittimi l-għajnuniet li tqassmu skond il-liġi 808/1985 u tiddeċiedi l-irkupru skond l-Artikolu 11 tar-Regolament tal-Proċedura.

(180)

Il-parti terza talbet lill-Kummissjoni tivverifika l-istrumenti ta' l-għajnuniet użati taħt il-qafas tar-reġim.

(181)

Talbet lill-Kummissjoni biex tirkupra l-għajnuniet kollha li tqassmu kontra r-regoli relevanti dwar l-għajnuniet ta' l-Istat, skond l-Artikolu 14 tar-regolament tal-proċedura.

(182)

Talbet lill-Kummissjoni biex terġa’ titlob għas-sospensjoni tal-pagamenti futuri ppjanati taħt ir-reġim, bin-nuqqas tal-ġustifikazzjonijiet adegwati tal-fatt li l-għajnuniet kienu sejrin għal attivitajiet tar-R&Ż.

(183)

Talbet lill-Kummissjoni li tipprova sakemm tkun modifikata l-liġi 808/1985 li tippermetti li r-rifużjoni ta' l-għajnuniet b’kundizzjonijiet finanzjarji konformi mad-dixxiplina komunitarja relevanti għall-għajnuniet tar-R&Ż.

(184)

Talbet lill-Kummissjoni biex testendi l-indaġni biex tivverifika l-kompatibbiltà mar-regoli relevanti ta' l-għajnuna mill-Istat ta' reġimi oħrajn dwar is-settur ajruspazjali fl-Italja u barra minn hekk biex tivverifika li t-tali reġimi ma jintużawx biex iduru mad-deċiżjoni tal-Kummissjoni dwar il-liġi 808/1985.

(185)

Talbet lill-Kummissjoni li timponi fuq il-gvern Taljan l-obbligu li tippreżenta korrispondenza dettaljata annwali, bil-fakultà li l-Kummissjoni li titlob, fejn meħtieġ, miżuri eventwali tar-reviżjoni tal-kontijiet.

(186)

Il-parti interessata hemżet ma’ l-osservazzjonijiet sensiela ta' dokumenti, fejn il-korrispondenza tal-Qorti tal-Kontijiet Taljana tat-12 ta' Awwissu 2003 dwar l-applikazzjoni tal-liġi 808/1985, flimkien ma’ l-iskeda, meħuda minn din il-korrispondenza, dwar 164 proġett, it-test tad-digriet tal-Ministru ta' l-Industrija ta' l-14 ta' Marzu 1988, it-test tal-liġijiet ta' l-iffinanzjar mill-ġdid tal-liġi 808/1985 u fl-aħħar estratti mill-korrispondenza annwali ta' Avio u Finmeccanica dwar l-2003 u l-2004.

(187)

Wara l-osservazzjonijiet tal-parti terza interessata, l-awtoritajiet Taljani talbu kjarifika dwar il-qasam ta' l-applikazzjoni tal-proċedura, jiġifieri jekk dan japplikax għar-reġim kollu jew biss għall-għajnuniet individwali mogħtija taħt it-titolu tar-reġim li kienu suġġetti għall-obbligu tan-notifika individwali.

(188)

L-Italja mbagħad ikkomunikat li l-ammonti ppreżentati mill-parti terza interessata anonima, li tniżżlu mill-websajt tal-Ministru, jirreferu għal qasam ta' applikazzjoni akbar mir-reġim. Dawn id-dati fil-fatt ma jinkludux biss l-għajuniet mogħtija taħt il-qafas tal-liġi nru. 808/1985, iżda wkoll programmi industrijali oħrajn relatati mas-sigurtà nazzjonali (bħal […]) iffinanzjati taħt il-qafas tar-regolamenti varji.

(189)

[…]

(190)

L-Italja ssostni li l-fatt li r-reġim mistenni mil-liġi 808/1985 kienet tippermetti l-iffinanzjar ta' programmi kemm ċivili kif ukoll militari ħoloq konfużjoni mal-parti terza interessata anonima. Skond l-Italja, konfużjoni analoga kienet preżenti fil-korrispondenza tal-Qorti tal-Kontijiet dwar il-liġi 808/1985.

(191)

L-Italja ppreżentat l-iskeda t’hawn taħt li tippermetti l-paragun bejn l-iffinanzjar irrapportat fil-korrispondenza dwar l-inċentivi u msemmija fl-osservazzjonijiet tal-parti terza interessata anonima u l-iffinanzjar taħt il-liġi 808/1985.

Skeda 3

paragun bejn l-għejun diversi ta' l-informazzjoni dwar l-iffinanzjar tal-liġi 808/1985

(192)

Barra minn hekk l-Italja pprovdiet lista ta' programmi militari relevanti ffinanzjati f’dawn is-snin li setgħu jispjegaw dawn id-differenzi: […].

(193)

Dwar il-korrispondenza annwali ta' l-2003 ta' Finmeccanica, fejn tirreferi għall-parti terza interessata, l-Italja ssosti li parti sew miż-żieda fl-ispejjeż fuq l-attività tar-R&Ż hija dovuta għad-dħul tal-kumpanija ta' Aermacchi (madwar […]).

(194)

L-Italja ammettiet l-eżistenza ta' dewmien f’xi proċeduri tar-rifużjoni, li tiġġustifika l-ewwelnett minħabba ż-żminijiet twal tal-ħlas (minn għaxar sa ħmistax-il sena), b’mod li jitqiesu dewmien ta' rifużjoni.

(195)

L-Italja tirrikonoxxi l-problemi dwar proġett speċifiku, id-DO328KE, iżda kkonfermat li bl-ebda mod ma jsarrfu f’rinunzja min-naħa ta' l-Istat għar-rifużjonijiet.

(196)

Bħala risposta għall-osservazzjonijiet speċifiċi tal-parti terza interessata, l-awtoritajiet Taljani pprovdiet l-argumenti li ġejjin.

(197)

L-Italja tħoss li hija inaċċettabbli li t-talba tal-parti terza interessata li l-Kummissjoni tiddikjara illeġittimi s-sitt proġetti li dwarhom kellha dubji taħt il-qafas ta' l-ewwel deċiżjoni u l-ordnijiet ta' l-irkupru ta' l-għajnuniet rispettivi. L-Italja tħoss li din it-talba hija kontra l-Artikolu 11 tar-regolament tal-proċedura.

(198)

Skond l-Italja, il-proċedura tittratta biss l-applikazzjonijiet individwali tar-reġim, jiġifieri proġetti li l-Kummissjoni tindividwa b’mod puntwali, jiġifieri t-tlettax-il proġett imsemmijin fl-ewwel deċiżjoni tal-bidu tal-proċedura. L-Italja ssostni li diġà pprovdiet għas-sospensjoni ta' l-iffinanzjar dwar it-tali proġetti, sakemm il-Kummissjoni tadotta deċiżjoni finali.

(199)

Dwar it-talba tal-parti terza interessata li l-Kummissjoni timponi l-obbligu li tippreżenta korrispondenza annwali u miżuri oħrajn ta' kontroll, il-gvern Taljan jiddikjara li huwa lest jippreżenta l-eventwali korrispondenza konformi ma’ kif mistenni mill-Artikolu 21 tar-regolament tal-proċedura. Madankollu, l-awtoritajiet Taljani ma jaqblux ma’ l-impożizzjoni ta' aktar obbligi ta' rendikont, li jistgħu jirriżultaw sproporzjonati u inutli dwar l-obbligi li huma suġġetti għalihom, fejn jidħlu r-reġimi ta' l-għajnuna lis-settur relevanti, l-Istati Membri l-oħrajn.

(200)

Fl-osservazzjonijiet tagħha, il-parti terza interessata tagħmel riferenza għall-bilanċ ta' Avio (korrispondenza annwali ta' l-2004), u tikkwota b’mod partikolari frażi fejn tikkonferma li jekk dħul ma jkunx reġistrat, is-self ma jitħallasx lura (“If no revenues are earned, no reimbursement is due”). L-awtoritajiet Taljani kkonfermaw li talbu spjegazzjonijiet lill-kumpanija. Il-konsulent legali ta' Avio kkonferma li, taħt il-qagas tar-reġim, il-benefiċjarji ta' l-għajnuna huma obbligati li jħallsu lura l-ammonti sħaħ li rċevew, indipendenti mis-suċċess tal-programm. Avio kkonfermat li dak li kien hemm fil-korrispondenza annwali ta' l-2004 kien ibbażat fuq interpretazzjoni żbaljati tar-reġim u kien se jkun mibdul fil-korrispondenza annwali ta' wara.

(201)

L-Italja pprovdiet informazzjoni dwar aktar liġijiet li rriferiet għalihom il-parti terza fl-osservazzjonijiet tagħha, u ppreċiżat li l-liġijiet li ġejjin – il-liġi nru. 421/96, il-liġi nru 388/00, il-liġi finanzjarja ta' l-2003 u l-liġi nru 140/99 (din ta' l-aħħar speċifikament dwar inġenji militari ta' l-ajru tat-trasport) – kellhom skop esklussiv li jiffinanzjaw proġetti militari relatati mas-sigurtà nazzjonali.

(202)

Dwar il-korrispondenza tal-Qorti tal-Kontijiet, l-Italja tosserva li l-ewwelnett il-parti terza interessata kienet hemżet ma’ l-osservazzjonijiet tagħha żewġ skedi (“tables or charts”) estratti mill-fig. 3 u mill-fig. 5 ta' l-istess korrispondenza u tippreċiża li t-tali fajl ta' l-Excel ma kienx jidher fil-verżjoni li qed tirreferi għalih it-tieni deċiżjoni, iżda biss fil-verżjoni tal-Word preżenti fil-korrispondenza. L-Italja żiedet li ma jirriżultawx ċari t-teknika investigattiva li permezz tagħha l-parti terza interessata kienet aċċessat it-tali skedi.

(203)

L-Italja tenfasizza li fl-opinjoni tagħha ma kienx xieraq li dawn l-ammonti jkunu attribwiti għall-Qorti tal-Kontijiet, meta tikkunsidra li ma jidhrux f’din l-għamla fit-test tal-korrispondenza.

(204)

Madankollu, l-Italja pprovdiet xi osservazzjonijiet dwar il-kontenut ta' l-iskedi, li jirreferu għal 164 deċiżjoni ta' għoti ta' għajnuniet, għal ammont totali ta' 3 biljuni ewro.

(205)

L-Italja l-ewwelnett dwar dan osservat li dan l-ammont jinkludi ħafna impreċiżjonijiet, fosthom għadd doppju u għajnuniet mhux mogħtija. Barra minn hekk, l-iskedi jinkludu wkoll proġetti dwar is-sigurtà nazzjonali, fosthom uħud iffinanzjati taħt il-qafas ta' liġijiet oħrajn u li għalhekk ma jidħlux taħt il-qafas ta' l-applikazzjoni ta' dan ir-reġim. Biex tikkonkludi, l-Italja ssostni li l-ammont eżatt ta' l-għajnuniet mogħtija taħt il-qafas tar-reġim jikkorrospondi mal-valur ikkwotat fl-osservazzjonijiet ippreżentati mill-Italja […].

(206)

Biex tivvaluta l-każ, il-Kummissjoni l-ewwel se tivverifika l-eżistenza ta' l-għajnuniet u tivvaluta l-kompatibbiltà tagħhom.

(207)

It-tieni nett, il-Kummissjoni se tiċċara l-qafas ta' l-applikazzjoni tal-proċedura preżenti, u wkoll il-bażi tagħha tal-proċedura.

(208)

It-tielet, il-Kummissjoni se tivvaluta jekk id-dubji li tqajmu taħt il-qafas ta' l-ewwel deċiżjoni tal-bidu tal-proċedura jistgħux jitneħħew.

(209)

Ir-raba’, id-deċiżjoni se turi l-lista tal-proġetti li se tapplika għalihom, u se tipprovdi valutazzjoni, fuq il-bażi ta' l-informazzjoni disponibbli, dwar il-kompatibbiltà tagħhom, inklużi l-kundizzjonijiet li għandhom japplikaw sakemm il-kumpatibbiltà tagħhom tkun rispettata.

(210)

Fl-aħħar, il-Kummissjoni se tagħti l-konklużjonijiet tagħha skond il-proġetti individwali u se tispjega għaliex dawn il-konklużjonijiet ma jirrelatawx maż-żewġ ħelikopters fejn kien hemm dubji espressi fuq il-karattru militari tagħhom taħt il-qafas tat-tieni deċiżjoni tal-bidu tal-proċedura.

(211)

Miżura tikkostitwixxi għajnuna skond l-Artikolu 87, l-ewwel paragrafu, tat-Trattat, meta, permezz ta' għoti ta' riżorsi ta' l-istat, tiffavorixxi ċerti impriżi u jkollha effett fuq l-iskambji bejn l-Istati Membri, u tfixkel jew thedded li tfixkel il-kompetizzjoni.

(212)

Kif indikat kemm fl-ewwel u kif ukoll fit-tieni deċiżjoni tal-bidu tal-proċedura, il-miżuri li qed ikunu eżaminati jikkostitwixxu għajnuniet. Din il-valutazzjoni ma kinetx ikkontestata mill-Italja, u lanqas minn ħadd mill-partijiet involuti fil-proċedura.

(213)

Is-self ipprovdut taħt il-qafas tal-liġi 808/1985 deher ċar li kien selettiv, permezz tal-fatt li kumpaniji attivi biss fis-settur ajrunawtiku jagħmlu użu minnhom.

(214)

Is-self relevanti ngħata permezz ta' fondi li ġejjin minn bilanċ statali u għalhekk jinkludi riżorsi statali.

(215)

Is-self ingħata mingħajr interessi, u għalhekk jagħtu vantaġġ lill-kumpanija li tibbenefika minnu l-kumpanija li trid tiffinanzja l-proġetti tagħha taħt il-kundizzjonijiet tas-suq. F’self mingħajr interessi l-element tal-vantaġġ ikun ikkalkolat preċiżament billi tkun ikkunsidrata d-differenza bejn l-interessi li l-kumpanija li se tħallas fuq is-self bil-kundizzjonijiet rispettivi tas-suq u l-interess preferenzjali, li f’dan il-każ huwa żero. Għalhekk, is-self dejjem għandu jitħallas lura skond il-pjan stabbilit meta ngħatat l-għotja u l-għajnuna tinħadem bħas-somma ta' l-interessi li rrinunzjahom l-Istat.

(216)

Fil-biċċa ‘l kbira tal-każijiet il-proġetti kienu dwar prodotti (ħelikopters, inġenji żgħar ta' l-ajru jew kultanti partijiet ta' inġenji ta' l-ajru akbar) ikkaratterizzati minn skambji intrakomunitarji sinifikanti.

(217)

L-għajnuniet ipprovduti mill-Italja għall-proġetti tar-R&Ż fis-settur ajrunawtiku taħt il-liġi 808/1985 jerġgħu jidħlu taħt il-qasam ta' l-applikazzjoni ta' l-Artikolu 87, l-ewwel paragrafu, tat-Trattat.

(218)

L-Italja u l-partijiet l-oħra tal-proċedura barra minn hekk jaqblu fil-kunsiderazzjoni li l-kompatibbiltà mat-Trattat trid tkun eżaminata fuq il-bażi tar-regoli dwar l-applikazzjoni ta' l-Artikolu 87(3) (ċ), ta' l-għajnuniet għall-proġett tar-R&Ż.

(219)

L-għajnuniet in kwestjoni jridu jkunu kkunsidrati illeġittimi peress li qatt ma kienu nnotifikati mill-Italja.

(220)

Kif indikat biċ-ċar mid-Dixxiplina Komunitarja dwar l-għajnuna mill-Istat favur ir-riċerka, żvilupp u innovazzjni (minn issa ‘l quddiem “id-dixxiplina ta' l-2006”) (37), konformi mal-komunikazzjoni tal-Kummissjoni dwar l-istabbiliment tar-regoli applikabbli għall-valutazzjoni ta' l-għajnuniet ta' l-Istat mogħtija b’mod illeġittimu (38), il-Kummissjoni, fil-każ li l-għajnuniet mhux notifikati tapplika:

(221)

Bħala konsegwenza, għall-analiżi tal-kompatibbiltà tal-proġetti ma’ l-Artikolu 87(3) (ċ) tat-Trattat, il-Kummissjoni se tapplika rispettivament id-Dixxiplina tar-R&Ż ta' l-1986 u d-Dixxiplina tar-R&Ż ta' l-1996 skond id-data ta' l-għoti ta' l-għajnuniet.

(222)

Id-deċiżjoni preżenti tillimita ruħha għall-għajnuniet individwali li l-Italja tat lil proġetti tar-R&Ż ta' karattru ċivili fis-settur ajrunawtiku taħt il-qafas tal-liġi 808/1985.

(223)

Huma jirrelataw l-ewwelnett is-sitt proġetti li fuqhom il-Kummissjoni esprimiet dubji speċifiċi taħt il-qafas ta' l-ewwel deċiżjoni tal-bidu tal-proċedura.

(224)

Huma jirrelataw ukoll mal-proġetti l-oħra msemmijin fl-ewwel deċiżjoni tal-bidu tal-proċedura, peress li informazzjoni ta' wara dwarhom toħoloq possibbiltà ta' valutazzjoni differenti, l-aktar dwar l-obbligu tan-notifika individwali.

(225)

It-tielet, id-deċiżjoni dwar l-għajnuniet individwali l-oħra mogħtija mill-Italja għal proġetti akbar mil-livell minimu tan-notifika stabbilit mid-dixxiplini tar-R&Ż ta' l-1986 u ta' l-1996. Dawn il-proġetti ma kinetx taf bihom il-Kummissjoni waqt l-ewwel deċiżjoni. Uħud minnhom kienu msemmija fit-tieni deċiżjoni bħala każijiet possibbli ta' għajnuniet individwali mhux innotifikati.

(226)

Mhux possibbli ssostni, kif tagħmel l-Italja, li proċediment ta' indaġni tista' tindividwa mill-bidu l-proġetti kollha li jaqgħu taħt il-qafas ta' l-applikazzjoni, peress li l-Kummissjoni mhux bilfors taf, waqt il-bidu tal-proċedura, binnumru ta' proġetti li jistgħu jidħlu taħt il-proċedura.

(227)

Id-deċiżjoni preżenti dwar applikazzjonijiet individwali ta' reġim li l-Italja kellha tinnotifika individwalment, iżda ma nnotifikatx. Il-kapaċità tan-nuqqas ta' notifika hija eċċezzjonali anki għax l-Italja ma nnotifikat lil ħadd bil-proġetti għal aktar minn għaxar snin. Minħabba l-persistenza tan-nuqqas ta' konformità ma’ l-obbligu tan-notifika mistennija taħt l-Artikolu 88(3) tat-Trattat, u minħabba l-osservazzjonijiet tal-partijiet terzi u fuq il-bażi ta' l-informazzjoni disponibbli, fit-tieni deċiżjoni tal-bidu tal-proċedura l-Kummissjoni indikat biċ-ċar li l-proċedura kienet tirrigwarda l-proġetti individwali kollha li jaqgħu taħt ir-reġim u li kellhom ikunu nnotifikati b’mod individwali.

(228)

It-tieni deċiżjoni tal-bidu tal-proċedura ma stabbiliet l-ebda data speċifika minn fejn proġetti individwali mhux innotifikati kellhom jibdew biex ikunu inklużi fl-oġġett tal-proċedura u kkunsidrati applikazzjonijiet individwali taħt il-liġi 808/1985. F’kull każ, l-awtoritajiet Taljani ta' sikwit ippermettew lill-benefiċjarju li ma jirrifondix kompletament l-għajnuniet u dan jitqies bħala barriera għall-għoti ta' għajnuniet ġodda.

(229)

Ta' min ifakkar l-importanza tan-notifiki individwali ogħla mil-livelli minimi stabbiliti għall-finijiet tal-kontroll ta' l-għajnuniet ta' l-Istat. Id-dixxiplina ta' l-2006 tindika biċ-ċar li, biex l-analiżi tal-Kummissjoni tkun orjentata aħjar, il-miżuri individwali ogħla mil-limiti minimi stabbiliti huma suġġetti għal eżami dettaljat. L-iskop ta' l-eżami dettaljat huwa li jiggarantixxi li l-ammonti li tqassmi bħala għajnuna għar-R&Ż&I favur l-istess benefiċjarju ma jbiddlux il-kompetizzjoni b’miżura kontra l-interess komuni, iżda anzi jikkontribwixxi għal dan l-interess komuni b’miżura proporzjonata.

(230)

Matul il-perjodu taħt eżami, il-limiti minimi tan-notifika individwali nbidlu. Skond id-dixxiplina ta' l-1986, kienu japplikaw fuq proġetti bi spejjeż ammissibbli aktar minn 20 miljun EKU.

(231)

Skond id-dixxiplina ta' l-1996, il-proġetti suġġetti għall-obbligu tan-notifika individwali lill-Kummissjoni kienu dawk bi spejjeż ammissibbli ogħla minn 25 miljuni ta' EKU u li bbenefikaw minn għajnuniet akbar minn 5 miljuni ta' EKU (39).

(232)

Dwar il-bżonn tal-ħtieġa li jissemmew, fid-deċiżjoni tal-bidu tal-proċedura skond it-tieni paragrafu ta' l-Artikolu 88(2) tat-Trattat, b’mod eżatt, preċiż u korrett il-proġetti individwali interessati, il-Kummissjoni tosserva dan li ġej.

(233)

Hija bagħtet proċedura skond l-Artikolu 88(2), it-tieni paragrafu, u tindividwa b’mod preċiż 13-il proġett. Fuq il-bażi ta' l-informazzjoni disponibbli dak iż-żmien, qajmet dubji fuq 6 proġetti u resqet oġġezzjonijiet fuq sebgħa minnhom.

(234)

Sar evidenti, li minn naħa, l-istrument ta' l-għajnuna użat mill-Italja u min-naħa l-oħra l-applikazzjoni tiegħu, ikkaraterizzati minn dewmien ta' rifużjonijiet, kienu tali li jimmodifikaw il-valutazzjoni tat-tlettax-il proġett. L-Italja tirrikonoxxi li l-informazzjoni li kellha l-Kummissjoni dak iż-żmien ma kinetx korretta u ma kinetx tikkorrospondi mal-kundizzjonijiet effettivi ta' l-għajnuniet li ng]ataw u li ma kinux imħallsin lura korrettament.

(235)

Saret ukoll evidenti l-eżistenza ta' każijiet oħra fejn l-Italja ma kinetx innotifikat individwalment, minkejja li d-dixxiplini tar-R&Ż u d-deċiżjoni ta' l-1986 kien fihom indikazzjonijiet ċari dwar dan.

(236)

Barra minn hekk ħarġet li l-parti kbira tal-każijiet ivvalutati mid-deċiżjoni preżenti r-rifużjonijiet ma rrispettawx il-kalendarji tal-bidu; bil-kontra, kien permess dewmien, li ssarrfu f’kundizzjonijiet aktar ġenerużi għall-benefiċjarji. It-tali kundizzjonijiet ġodda u aktar ġenerużi kienu jikkorrospondu għal għajnuniet ġodda.

(237)

Bħala konklużjoni, il-proċedura tirrigwarda numru ta' proġetti li jikkonsistu mill-għoti ta' għajnuniet illeġittimi.

(238)

Il-Kummissjoni setgħet tivvaluta l-informazzjoni ppreżentata mill-Italja dwar l-ispejjeż ammissibbli u dwar l-effett ta' l-inċentivazzjoni għas-sitt programmi taħt l-ewwel deċiżjoni tal-bidu tal-proċedura, li issa huma inklużi fil-lista tal-proġetti (ara l-punt 281, Skeda 4).

(239)

Il-Kummissjoni setgħet tivverifika li għal kull proġett l-ispejjeż kienu jikkorropondu għall-attivitajiet tar-riċerka industrijali u ta' l-attivitajiet ta' l-iżvilupp ta' qabel il-kompetizzjoni.

(240)

Il-Kummissjoni setgħet tivverifika l-effett ta' l-inċentivazzjoni ta' l-għajnuniet għal kull wieħed mis-sitt proġetti. Il-valutazzjoni kienet realizzata wara l-kunsiderazzjoni t-tul ta' żmien li għadda minn meta l-Italja adottat id-deċiżjoni ta' l-għoti ta' l-għajnuna.

(241)

Mill-parti l-oħra, madankollu, kif indikat mill-paragrafi minn 105 sa 122, ħarġu li aspetti kruċjali oħra ta' l-għajnuna, b’mod partikolari l-istrument ta' l-għajnuna, ma kinux definiti biċ-ċar u ma ppermettewx lill-Kummissjoni tesprimi b’mod definittiv skond il-kompatibbiltà tagħhom. Qabel ma tkun ippreżentata valutazzjoni tal-proġetti individwali, huwa għalhekk meħtieġ li tkun ivvalutata l-informazzjoni disponibbli dwar dubji oħra espressi taħt il-qafas tat-tieni deċiżjoni tal-bidu tal-proċedura.

(242)

Biex tasal għal konklużjoni definittiva dwar l-għajnuniet individwali li ngħataw taħt il-qafas tar-reġim, hemm bżonn l-ewwelnett tkun ivvalutata l-informazzjoni kollha dwar l-evoluzzjoni tar-reġim, inklużi l-bażi ġudizzjali u l-modifiki tal-bilanċ.

(243)

It-tieni nett, hemm bżonn tkun ivvalutata n-natura ta' l-istrument ta' l-għajnuna u ta' l-attwazzjoni tad-disposizzjonijiet ta' l-għoti ta' l-għajnuniet.

(244)

It-tielet, jeħtieġ tkun stabbilita l-lista tal-proġetti individwali li l-Italja ma nnotifikatx u jkunu vvalutati l-kundizzjonijiet finanzjarji dwar kull wieħed minnhom u, jekk hemm bżonn, ikunu vverifikati l-kundizzjonijiet tar-rifużjoni, flimkien mad-disposizzjonijiet dwar il-kontroll dwar it-tali kundizzjonijiet.

(245)

Fl-aħħar, kapitali apparti kien iddedikat għall-valutazzjoni ta' l-informazzjoni dwar iż-żewġ ħelikopters ippreżentati bħala ħelikopters militari, taħt il-punti 399-408

(246)

Il-Kummissjoni tipprovdi lill-istat attwali stampa eżatta ta' l-iżviluppi tar-reġim fit-total tiegħu

(247)

L-Italja setgħet tipprovdi informazzjoni biżżejjed dwar l-iffinanzjar totali tal-proġetti, biex tippermetti lill-Kummissjoni tieħu idea aktar ġenerali. Dan jirrigwardja b’mod partikolari l-problema rrappreżentata mill-fatt li r-reġim li qed ikun eżaminat intuża mill-Italja biex jiffinanzja kemm il-proġetti ċivili u kemm proġetti relatati mas-sigurtà nazzjonali. Id-dejta relevanti għall-iffinanzjar totali għalhekk jistgħu jiżgwidaw jekk kellhom ikunu interpretati kif użati mill-Italja biex isostnu biss proġetti ċivili tar-R&Ż tas-settur ajrunatiku.

(248)

Dwar in-natura ta' l-istrument ta' l-għajnuna, l-Italja pprovdiet dokumentazzjoni sħiħa dwar il-proġetti li kellhom ikunu nnotifikati individwalment, konformi mal-livelli minimi tad-dixxiplini tar-R&Ż li ġraw minn dak iż-żmien.

(249)

L-Italja indikat li n-natura ta' l-istrument kienet ibrida, fis-sens li kienet tikkonsisti minn self preferenzjali fejn il-pjan tar-rifużjoni kien jiddependi minn previżjonijiet tal-bejgħ tal-prodott realizzat. Skond l-Italja, dawn il-pjanijiet tar-rifużjoni kienu fissi.

(250)

Is-self prefernzjali ngħata fuq il-bażi tar-rata tar-riferiment eżistenti fil-mument meta ngħata l-għoti tas-self u żieda ta' primjum.

(251)

Għal kull proġett, l-awtoritajiet Taljani stabbilixxew, fil-mument ta' l-għoti, intensità massima teoretika ta' l-għajnuna, ikkalkulata fuq il-bażi ta' l-ispejjeż ammissibbli u b’kunsiderazzjoni għal bonus eventwali.

(252)

Madankollu, f’xi każijiet din l-intensità ma kinetx rispettata u għajnuna ngħatat lill-benefiċjarju b’kundizzjonijiet favorevoli, b’intensità ogħla mill-massimu ammissibbli skond id-dixxiplina tar-R&Ż.

(253)

Barra minn hekk, fil-prattika, il-pjanijiet tar-rifużjoni spiss ma kinux rispettati, skond żewġ modalitajiet differenti. Minn naħa, pagamenti lill-benefiċjarji juru dewmien mal-pjanijiet tal-bidu, jew minħabba d-dewmien akkumulat mill-proġett jew għax l-Istat ipprovda għall-pagamenti tard. Għalhekk, f’ċerti każijiet, l-intensità effettiva ta' l-għajnuniet irriżultat anqas mill-intensità tal-bidu.

(254)

Aktar sinifikanti, f’ħafna każijiet ir-rifużjonijiet ma kinux jirrispettaw il-pjanijiet tal-bidu. Bħala konsegwenza, f’ħafna każijiet, l-intensità tal-bidu saret akbar, peress li l-benefiċjarji kienu jagħmlu użu mill-vantaġġ ta' wara li kien jirrappreżenta l-possibbiltà ta' dewmien fir-rifużjonijiet.

(255)

L-Italja bagħtet lill-Kummissjoni ċertu numru ta' ittri li kienu jinkludu t-talbiet għall-ħlas tar-rifużjoni li kienet bagħtet lill-benefiċjarji, iżda jidher ċar li dawn l-ittri kellhom effett limitat. F’xi każijiet, benefiċjarju rċieva ħafna ittri dwar l-istess proġett, mingħajr ma l-azzjonijiet kienu segwiti għal rifużjoni effettivi, iżda wkoll mingħajr azzjonijiet tar-rifużjoni min-naħa ta' l-Istat (40).

(256)

Bħala konklużjoni, l-għajnuniet li ngħataw għall-proġetti juru żewġ problemi ta' potenzjal: a) intensità tal-bidu li f’xi każijiet qabżet l-intensità massima permessa u b) ir-rifużjoni insuffiċjenti li kompliet kabbret aktar din l-intensità.

(257)

L-Italja, flimkien mal-Kummissjoni, iddefinixxiet metodoloġija li tippermetti li ssolvi ż-żewġ problemi. Fil-bidu, għal kull proġett kienet definita l-intensità massima bħala l-iżgħar bejn l-intensità massima teoretika (41) u l-intensità tal-bidu. Intensità tal-bidu iżgħar kienet tfisser li l-ammonti ta' l-għajnuniet speċifiċi mogħtija kellha effett ta' inċentivazzjoni biżżejjed biex l-impriża timpenja ruħha fil-proġett. Kull żieda fl-intensità dwar il-valur stabbilit fil-bidu kienet ikkunsidrata għajnuna ġdida.

(258)

Wara, kienet ikkalkulata l-intensità ta' l-għajnuna akkumulata. Fis-sena li l-intensità ta' l-għajnuna akkumulata tilħaq il-livell ta' l-intensità massima kif definita fil-punt 257, il-benefiċjarju jrid iħallas lura l-kapital kollu tas-self mhux rifondut. Jekk l-intensità massima tkun diġà ntlaħqet qabel, allura jkunu kkalkulati l-interessi kollha dwar is-self mhux rifondut għas-snin li għaddew sar-rifużjoni kompluta tas-self. Il-livell tar-rata ta' l-interessi tikkorrospondi mar-rata tar-riferiment tas-sena meta ntlaħqet l-intensità massima u wara għal kull sena ta' aktar dewmien.

(259)

Il-metodoloġija definita għalhekk tippermetti l-garanzija dwar l-intensitajiet massimi definiti fid-dixxiplini tar-R&Ż (42).

(260)

Il-ftehim komuni u korrett ta' l-istrument ta' l-għajnuna ppermetta d-definizzjoni tal-lista ta' proġetti li l-Italja kellha tinnotifika individwalment. Meta għajnuna tieħu forma ta' self b’rata preferenzjali, il-valur sinifikanti huwa l-ammont ta' interessi li qed jirrinunzja għalih l-Istat. B’kunsiderazzjoni għall-inċertezza dwar in-natura ta' l-istrument ta' l-għajnuna, lanqas l-Italja ma kellha idea preċiża liema proġetti kellhom ikunu nnotifikati individwalment (43) jew li kellhom ikunu inklużi fil-lista ex post ta' dawk li kelljom ikunu nnotifikati.

(261)

Biex il-lista tkun stabbilita kien meħtieġ jipproċedu għal talbiet varji ta' informazzjoni.

(262)

Fil-bidu, l-Italja nnegat li ma kinetx innotifikat ebda proġett individwali minbarra dawk imsemmija fl-ewwel deċiżjoni tal-bidu tal-proċedura. Wara, ammettiet li l-lista tal-proġetti mhux notifikati kienet itwal u ppreżentat l-informazzjoni kollha u l-elementi kollha ta' l-evidenza meħtieġa.

(263)

Jeżistu diversi fatturi li jagħtu spjegazzjoni għad-diffikultà tad-definizzjoni tal-lista ta' proġetti mhux notifikati.

(264)

L-ewwelnett, ta' min jinnota li r-reġim kien applikat mill-1986.

(265)

It-tieni nett, in-numru ta' proġetti interessati kiber bħala ħtieġa. Inklużi l-proġetti li ma kinux soġġetti għan-notifika individwali, in-numru ta' proġetti ffinanzjati matul il-perjodu taħt eżami jaqbeż il-mija sew.

(266)

It-tielet, il-preżenza tal-lista ta' ħafna proġetti militari żiedet il-konfużjoni. Il-Kummissjoni tosserva li anke r-relazzjoni tal-Qorti tal-Kontijiet turi ċerta konfużjoni dwar in-natura tal-proġetti.

(267)

L-informazzjoni disponibbli fuq il-proġetti ffinanzjati kienu bil-biċċiet u kultant konfużi, anki minħabba l-fatt li l-korrispondenza tal-gvern stess lill-Parlament Taljan kienu dwar lista ta' proġetti futuri minflok il-proġetti effettivament iffinanzjati.

(268)

Hemm listi li kienu ppreżentati mill-parti terza interessata u oħrajn imsemmijin direttament lill-Kummissjoni, per eżempju t-tlettax-il proġett ta' l-ewwel deċiżjoni tal-bidu tal-proċedura u lista ta' proġetti msemmijin fit-tieni deċiżjoni tal-bidu tal-proċedura.

(269)

Il-korrispondenza tal-Qorti tal-kontijiet ma kienx fiha lista ta' proġetti, iżda biss ċifri, grafika u skedi ta' natura ġenerali. Madankollu l-verżjoni Word tad-dokument disponibbli fuq il-websajt tal-Qorti fl-2005, kien jippermetti li dejta aktar preċiża setgħet titniżżel mill-grafika ġenerali.

(270)

Fil-komunikazzjoni tagħha tal-11 ta' Novembru 2005, il-parti terza interessata daħlet din l-aħħar dejta. Il-Kummissjoni, fit-talba tagħha għall-informazzjoni tat-23 ta' Mejju 2006, użat il-parti l-kbira (44) tal-proġetti indikati fil-lista ppreżentata mill-parti terza interessata anonima biex tiġbed l-attenzjoni ta' l-Italja li, f’kull probabbiltà, kien għadu jeżisti ċertu numru ta' proġetti mhux notifikat li dwarhom l-Italja ma kinetx ipprovdiet l-informazzjoni mitluba.

(271)

Minn naħa, l-Italja innegat (45) li l-lista tal-parti terza interessata setgħet tkun attribwita għall-Qorti tal-Kontijiet, bl-argument li l-istess lista kienet magħmula minn estrapolazzjoni effetwata minn persuna anonima minn sistema ta' l-informazzjoni tal-Qorti. Għal din ir-raġuni, skond l-awtoritajiet Taljani, ikun ħażin tattribwixxi l-lista għall-Qorti, peress li setgħet kienet ir-riżultat ta' manipolazzjoni magħmula minn partijiet terzi. Peress li l-lista hija kkaratterizzata minn ċertu numru ta' żbalji u impreċiżjonijiet, ikun żbaljat tattribwiha lill-Qorti tal-Kontijiet.

(272)

Peress li l-Italja fl-aħħar iddeċidiet li tippreżenta lista sħiġa ta' proġetti individwali sottoposti għall-obbligu ta' notifika individwali, il-Kummissjoni mhux meħtieġa tagħti verdett fuq l-informazzjoni li rċeviet qabel (46).

(273)

In ġenerali, id-diskussjoni dwar il-lista ta' proġetti mhux notifikati kienet diffiċli; madankollu, wara sentejn ippermettiet lill-awtoritajiet Taljani u lill-Kummissjoni jindividwaw ċertu numru ta' proġetti individwali li l-Italja ma kinetx innotifikat.

(274)

Kif mitluba fit-tieni deċiżjoni tal-bidu tal-proċedura, l-Italja barra minn hekk ippreżentat lista ta' proġetti taħt il-livell minimu tan-notifika individwali approvati wara l-20 ta' Novembru 2002. Bis-saħħa ta' din il-lista, il-Kummissjoni tista' tikkonkludi, minn naħa, li tikkorrospondi għall-applikazzjoni finanzjarja kumpessiva tal-liġi 808/1985 matul il-perjodu taħt eżami u, min-naħa l-oħra kienet tirrigwarda effettivament proġetti taħt il-livell minimu tal-valutazzjoni individwali (47).

(275)

Il-lista tal-proġetti individwali li l-Italja ma nnotifikatx lill-Kummissjoni tinkludi 17-il proġett.

(276)

Il-lista tinkludi l-proġetti li dwarhom il-Kummissjoni tista' tasal għal konklużjoni dwar il-kompatibbiltà tagħhom mat-Trattat, iżda ma teskludix il-fatt li fil-futur il-Kummissjoni tista' tadotta disposizzjonijiet dwar proġetti oħra mhux notifikati li bħalissa ma tafx bihom jew proġetti li m’għandhiex biżżejjed informazzjoni għal skopijiet ta' teħid ta' deċiżjoni, jew għax l-informazzjoni mhux kompluta jew għax jindikaw li l-proġett relevanti jirriżulta fil-fatt taħt il-livell minimu tan-notifika, filwaqt li informazzjoni ġdida tista' timmodifika dik il-valutazzjoni.

(277)

Għal kull proġett, il-Kummissjoni għandha fil-pussess tagħha l-pjan tal-bidu ta' l-iffinanzjar u tar-rifużjoni stabbilit fil-mument ta' l-għoti ta' l-għajnuna u tas-sitwazzjoni reali tal-pagamenti effettivi min-naħa ta' l-Istat u tal-rifużjonijiet effettivi min-naħa tal-benefiċjarji. Il-pjanijiet jinkludu l-korrezzjonijiet ippreżentati mill-metodoloġija msemmija hawn fuq (48).

(278)

Fuq il-bażi ta' l-informazzjoni disponibbli dwar il-proġetti, u b’kunsiderazzjoni tal-fatt li l-proġetti huma kollha ta' l-applikazzjonijiet individwali ta' l-istess reġim ta' l-għajnuna, il-Kummissjoni ma tużax l-elementi li jġiegħluha tiddubita l-fatt li l-għajnuna kienet se tmur biex tgħin attivitajiet ikklassifikati bħala attivitajiet tar-R&Ż skond id-definizzjonijiet tad-dixxiplini tar-R&Ż.

(279)

Dwar l-effett ta' l-inċentivazzjoni, il-Kummissjoni l-ewwelnett tinnota li l-punt 8, it-tieni paragrafu tad-dixxiplina ta' l-1986 titlob biss li l-għajnuna tinkoraġġixxi sforz addizzjonali dwar ir-R&Ż jew li tippermetti li impriża tirrispondi għal kundizzjonijiet eċċezzjonali fejn ir-riżorsi tal-kumpanijiet benefiċjarja stess kien limitati wisq. Taħt il-punt 6 tad-dixxiplina ta' l-1996 l-effett ta' l-inċentivazzjoni kienet ikkunsidrata preżenti fuq il-bażi ta' fatturi kwantitattivi jew ta' fatturi oħra kkunsidrati pertinenti min-naħa ta' l-Istat Membri, li kien kapaċi juri li l-istess proġett tar-R&Ż ma kienx isir mingħajr l-għajnuna jew kien ikun anqas ambizzjuż jew li ma kienx isir fuq l-istess tul ta' żmien.

(280)

Il-Kummissjoni m’għandhiex elementi li jġiegħluha tiddubita mill-effett ta' l-inċentivazzjoni ta' l-għajnuniet li qed ikunu eżaminati. L-għajnuniet ippermettew lill-benefiċjarji li jidħlu f’attivitajiet tar-R&Ż addizzjonali dwar l-attivitajiet normali tagħhom tar-riċerka u li jagħmlu proġetti tar-R&Ż li kieku ma kienx hekk ma kienux jagħmlu bil-mezzi tagħhom biss. Barra minn hekk, b’paragun ma’ valutazzjoni ta' proġetti simili fis-settur ajrunawtiku, il-Kummissjoni tinnota li l-għajnuniet għall-proġetti taħt eżami ppermettew li l-benefiċjarji jagħmlu proġetti riskjużi li ma setgħux jiffinanzjaw weħidhom. Fl-aħħar, il-Kummissjoni tinnota li l-parti kbira tinkludi proġetti internazzjoni li jeħtieġu sforzi supplimentari ta' kollaborazzjoni.

(281)

Wara kull proġett huwa deskritt, bl-ispejjeż ammissibbli kumplessivi u l-ammonti ta' l-għajnuna riċevuta. Il-valutazzjoni tinkludi barra minn hekk, għas-sitt proġetti li dwarhom tresqu dubji taħt il-qafas ta' l-ewwel deċiżjoni tal-bidu tal-proċedura, l-informazzjoni disponibbli dwar l-attivitajiet ammissibbli u dwar l-effett ta' l-inċentivazzjoni. Għall-proġetti kollha kienu ppreċiżati l-konsegwenzi ta' l-applikazzjoni tal-metodoloġija taħt il-punt 257.

Skeda 4

lista tal-proġetti suġġetti għad-deċiżjoni preżenti.

(282)

Il-proġett, dwar ħelikopter u li sar minn Agusta, kien magħmul mill-iżvilupp ta' verżjonijiet diversi ta' l-A109 biex ikun adattat għal sistemi differenti ta' propulsjoni, għall-fini biex jissodisfa l-eħrex kriterji dwar is-sigurtà, il-prestazzjoni tat-titjira u l-impatt ambjentali. Il-verżjonijiet D, E u F jikkorrospondu għall-verżjonijiet bil-mutur tal-kumpaniji Allison, Pratt & Whitney u Turbomeca. Skond l-Italja, il-verżjonijiet D u E qatt ma kienu żviluppati.

(283)

Il-proġett imsemmi fl-ewwel deċiżjoni tal-bidu tal-proċedura (proġett nru. 4). L-investimenti saru bejn l-1996 u l-1998. Taħt il-qafas ta' l-ewwel deċiżjoni tal-bidu tal-proċedura, il-Kummissjoni esprimiet dubji fuq il-klassifikazzjoni ta' l-attivitajiet tar-R&Ż u fuq l-effett ta' l-inċentivazzjoni.

(284)

Dwar l-attivitajiet tar-R&Ż, l-awtoritajiet Taljani pprovdew informazzjoni aktar dettaljata dwar il-kompiti. L-ewwelnett, il-Kummissjoni tosserva li taħt il-qafas tal-proġett kienu żviluppati ħafna prototipi u li l-verżjonijiet D u E la tlestew u lanqas kienu kkummerċjalizzati.

(285)

It-tieni nett, il-Kummissjoni tinnota li t-teknoloġiji l-aktar interessati direttament – mutur u roti bl-islitti ġodda – kienu ċċertifikati biss f’Ġunju 2001. Skond l-Italja, l-iżviluppi rispettivi fl-iskrun għad iridu jkunu introdotti fil-prodott finali, minkejja li r-riżultati ta' l-attivitajiet tar-R&Ż kienu pożittivi.

(286)

Is-sekwenza ta' l-attivitajiet jindikaw li l-għajnuniet għall-proġetti tar-R&Ż li saru bejn l-1996 u l-1998 ippermettew lill-kumpanija Agusta li ddaħħal teknoloġiji ġodda, fuq orrizont ta' żmien ta' aktar minn 30 xahar. Bħala konsegwenza, għall-kumpanija Agusta l-għajnuna kellha effett ta' inċentivazzjoni.

(287)

L-investiment ammissibbli (49) kien ekwivalenti għal 69 790 miljuni ta' liri (50). L-ammont ta' l-għajnuniet, f’termini ta' interessi li l-Istati rrinunzja għalihom kien ta' 24 450 miljun ta' liri. Bħala konsegwenza, l-intensità tal-bidu ta' l-għajnuniet kienet stabbilita għal 35,03 %, dwar intensità massima teoretika ta' 31 % ammissibbli tad-dixxiplina ta' l-1996. L-intensità akkumulata laħqet il-massimu ammissibbli tal-31 % fl-2004.

(288)

Fl-2007, Agusta għalhekk trid tirrifondi immedjatament l-ammont kapitali mhux imħallas lura (19 300 miljun lira) bl-addizzjoni ta' 7 811 miljun ta' liri ppreżentata fl-iskeda tar-rifużjonijiet ta' dik is-sena. Barra minn hekk, iridu jitħallsu r-rati ta' l-interessi komposti mill-2005, għal total sad-data tal-31 ta' Diċembru 2007 ta' […] miljun ta' liri.

(289)

Il-Kummissjoni tista' għalhekk toħroġ bil-konklużjoni li l-għajnuna tista' titqies kompatibbli mad-dixxiplina tar-R&Ż ta' l-1996 peress li kienet dwar attivitajiet tar-R&Ż u kellha effett ta' inċentivazzjoni għall-kumpanija Agusta, bil-kondizzjoni li jitħallas lura immedjatament l-ammont tas-self u l-interessi komposti.

(290)

Il-proġett jirrigwarda ħelikopter tal-kumpanija Agusta. Fl-ewwel deċiżjoni tal-bidu tal-proċedura huwa indikat bħala l-proġett nru 2. Il-Kummissjoni esprimiet dubji dwar il-klassifikazzjoni ta' l-attivitajiet tar-R&Ż u dwar l-effett ta' l-inċentivazzjoni.

(291)

Skond l-Italja, il-proġett, realizzat fil-perjodu 1999-2001, kien immirat għall-iżvilupp ta' ħelikopter totalment ġdid mistenni li jidħol fis-suq wara l-2009. It-toqol tal-ħelikopter kellu jkun ta' bejn 3 u 3,5 tunnellati u barra minn hekk se jintuża għal żviluppi fuq is-suq militari.

(292)

L-Italja rnexxielha turi li l-A109X huwa proġett totalment differenti mill-proġetti A109DEF, A109 Power u A119 Koala. Id-differenzi teknoloġiċi ewlenin jirrigwardaw l-iskrun b’ħames paletti, l-iskrun tad-denb u t-trasmissjoni b’roti ċatti u koniċi.

(293)

Dwar l-effett ta' l-inċentivazzjoni, l-Italja rnexxielha turi li l-proġett A109X huwa proġett ġdid li l-konklużjoni tiegħu mistennija qabel l-2009. L-għajnuna għalhekk jippermetti lill-Agusta li tidħol f’attivitajiet tar-R&Ż li kienu i — bogħod mis-suq u riskjużi min-naħa teknoloġika.

(294)

L-investimenti ammissibbli effettwat mis-soċjetà kienu ekwivalenti għal 67 144 miljun lira. L-għajnuniet mogħtija taħt forma ta' interessi li l-Istat irrinunzja għalihom kienu ekwivalenti għal 13 902 miljun lira, li jikkorropondu għal intensità ta' 20,70 %, għalhekk anqas mill-intensità massima tal-bidu skond id-dixxiplina ta' l-1996, li li tikkorrospondi għal 33 %.

(295)

Il-pjan tar-rifużjoni kien però mmodifikat biex jikkunsidra l-fatt li l-għajnuniet tqassmu b’mod differenti minn kif mistenni u li l-ammonti tas-self irriżultaw anqas. Ir-rifużjonijiet relevanti għal dan il-proġett għandhom għalhekk jimxu skond il-pjan immodifikat sa l-2018.

(296)

Il-Kummissjoni għalhekk tista' tasal għall-konklużjoni li l-għajnuniet favur il-proġett in kwestjoni huma kompatibbli mad-dixxiplina ta' l-1996 peress li kienu dwar attivitajiet tar-R&Ż ammissibbli u kellhom effett ta' inċentivazzjoni, bil-kondizzjoni li l-pjan tar-rifużjoni jitlesta sa l-2018.

(297)

Il-proġett jirrigwarda l-iżvilupp ta' ħelikopter min-naħa ta' Agusta. L-A119 Koala hija verżjoni utility ta' ħelikopter sa tmien postijiet b’muturi wieħed bit-turbo u maħsub għas-suq ċivili.

(298)

Il-proġett ddaħħal, bħala proġett nru. 3, fil-lista ta' proġetti taħt l-ewwel deċiżjoni tal-bidu tal-proċedura. Taħt il-qafas ta' din id-deċiżjoni, fuq il-bażi ta' informazzjoni disponibbli dak iż-żmien, il-Kummissjoni kienet stabbilixxiet li l-proġett kien suġġett għall-obbligu tan-notifika individwali tal-Kummissjoni u għalhekk ma kienx jaqa’ taħt il-qafas ta' l-applikazzjoni ta' l-ewwel deċiżjoni.

(299)

Wara, ħareġ li, fir-realtà l-ammont ta' l-investimenti ammissibbli u l-ammonti ta' l-għajnuniet kienu tali li l-proġett kellu jkun innotifikat individwalment lill-Kummissjoni.

(300)

L-għajnuniet ingħataw fl-1997 għall-investimenti ammissibbli dwar il-perjodu ta' 1997-1999 ta' 58 137 miljun lira. L-għajnuna mogħtija tikkorrospondi għal intensità ta' 26,92 %, anqas mill-intensità massima ammissibbli tal-bidu ta' 32 % skond id-Dixxiplina tar-R&Ż ta' l-1996.

(301)

Ir-rifużjonijiet relevanti għall-proġett in kwestjoni għandhom għalhekk jimxu skond il-pjan sa l-2009.

(302)

Il-Kummissjoni tista' għalhekk tikkonkludi li l-proġett dwar il-ħelikopter A119 Koala realizzat minn Agusta huwa kompatibbli mad-dixxiplina ta' l-1996 bil-kondizzjoni li l-pjan tar-rifużjoni jkun rispettat.

(303)

Il-proġett jirrigwarda verżjoni fuq il-bażi tad-DO328 u kien realizzat minn Aermacchi. Id-DO328 huwa ajruplan b’reazzjoni użata għat-trasport reġjonali żviluppat mill-kumpanija Dornier. Is-soċjetà Aermacchi hija inkarigata mill-iżvilupp ta' żewġ segmenti tal-qafas taż-żaqq u ta' l-immuntar tal-qafas kollu taż-żaqq, magħmul minn 13-il panew immanifatturati mill-kumpanija Koreana Daewoo għal Dornier.

(304)

Il-proġett tar-R&Ż ippermetta li Aermacchi tikseb l-għarfien meħtieġ biex tiżviluppa ż-żewġ segmenti u tarma l-qafas taż-żaqq. Dawn l-attivitajiet kienu jirrappreżentaw innovazzjoni għall-kumpanija, li sa dak il-mument kienet ikkonċentrata fuq l-ajruplani għat-taħriġ militari. L-attivitajiet ammissibbli kienu realizzati fl-1990 u fl-1991.

(305)

Il-proġett imsemmi bħala proġett nru 10 fl-ewwel deċiżjoni tal-bidu tal-proċedura. Taħt il-qafas ta' din id-deċiżjoni, il-Kummissjoni kienet iddeċidiet li ma tressaqx oġġezzjonijiet dwar il-proġett, peress li, fuq il-bażi ta' l-informazzjoni disponibbli, ikkunsidratu kompatibbli.

(306)

Madankollu, l-informazzjoni ppreżentata mill-Italja taħt il-qafas tal-proċedura preżenti tindika biċ-ċar li s-sitwazzjoni finanzjarja tal-proġett trid twassal għall-modifika ta' l-ewwel konklużjoni.

(307)

L-informazzjoni disponibbli llum turi li l-investiment ammissibbli kien ekwivalenti għal 60 722 miljun lira u l-intensità massima tal-bidu ta' 43 %.

(308)

Però kienu rreġistrati ħafna dewmien fir-rifużjonijiet, kif rikonoxxut mill-awtoritajiet Taljani. L-intensità ammissibbli ta' 43 % imniżżla fid-dixxiplina ta' l-1986 intlaħqet diġà fl-1996. Peress li l-intensità massima ntlaħqet, Aermacchi trid tħallas lura immedjatament l-ammont tas-self, ekwivalenti għal 34 019 miljun lira. Barra minn hekk, dwar l-ammont dovut minn Aermacchi jinħadmu l-interessi komposti mill-1996, għal total sad-data tal-31 ta' Diċembru 2007 ta' […] miljun ta' liri.

(309)

Il-Kummissjoni tista' tikkonkludi li l-proġett dwar il-verżjoni fuq il-bażi tad-DO328 jista' jitqies kumpatibbli mat-Trattat fuq il-bażi tad-dixxiplina tar-R&Ż ta' l-1986, bil-kondizzjoni li Aermacchi immedjatament tħallas lura l-ammont tas-self bl-applikazzjoni ta' l-interessi komposti.

(310)

Il-proġett ta' Aermacchi kien jirrigwarda l-iżvilupp ta' verżjoni estiża ta' l-ajruport tat-trasport reġjonali DO328 żviluppat mill-kumpanija Dornier. Il-verżjoni estiża kienet tippermetti t-trasport ta' bejn 40 u 50 passiġġier. Il-proġett jidher li qatt ma kien finalizzat, mhux minn din ta' l-aħħar għax il-kumpanija Dornier, wara Dornier-Fairchild, kienet likwidata. Il-proġett kienet realizzat fil-perjodu inkluż bejn l-1995 u l-1997.

(311)

Il-proġett imsemmi fl-ewwel deċiżjoni tal-bidu tal-proċedura (proġett nru. 8). Il-Kummissjoni kellha dubji dwar il-klassifikazzjoni ta' l-attività tar-R&Ż u dwar l-effett ta' l-inċentivazzjoni.

(312)

Dwar l-attivitajiet tar-R&Ż, l-awtoritajiet Taljani kienu kapaċi juru li l-attivitajiet ta' l-estensjoni ta' l-inġenju ta' l-ajru kienu jippjanaw għall-projezzjoni mill-ġdida ta' taqsimiet sħaħ tal-qafas taż-żaqq, u jfittxu li jżommu l-impatt minimu fuq il-piż ta' l-inġenju ta' l-ajru u fuq l-ispejjeż tal-proġett. Taħt il-qafas tal-proġett, Aermacchi kienet għamlet żewġ prototipi.

(313)

Dwar l-effett ta' l-inċentivazzjoni, l-awtoritajiet Taljani wrew li l-iffinanzjar lejn il-proġett (flimkien mal-proġett l-ieħor dwar il-panewijiet tad-DO328) kien jippermetti żieda konsiderevoli għall-ispejjeż ta' l-attivitajiet tar-R&Ż ta' Aermacchi. Matul il-perjodu ta' bejn l-1993 u l-1999 (dwar iż-żewġ proġetti) in-nefqa taż-żewġ proġetti tad-DO328 laħqet il- […] % ta' l-ispejjeż totali għall-attivitajiet tar-R&Ż. L-Italja barra minn hekk argumentat li, minħabba l-ispeċjalizzazzjoni tagħha fis-settur militaru, Aermacchi ma kinetx imdorrija taħdem fuq proġetti ċivili u kellha timxi għal adattamenti konsiderevoli, li wasslu għall-ħtieġa għal aktar investimenti.

(314)

L-investimenti ammissibbli dwar il-proġett kienu ekwivalenti għal 66 360 miljun lira. L-intensità massima tal-bidu, stabbilita mill-awtoritajiet Taljani fil-mument ta' l-għoti ta' l-għajnuniet, kienet ekwivalenti għal 43,49 % (anqas mil-limitu mininu ammissibbli taħt il-qafas tad-dixxiplina tar-R&Ż ta' l-1996, li kienet ta' 44 %). Il-pjan tar-rifużjoni juri li din l-intensità se tintlaħaq fl-2010, meta l-ammont tas-self kollu jkollu jitħallas lura lill-Istat.

(315)

Il-Kummissjoni għalhekk tista' tikkonkludi li l-għajnuniet mogħtija lill-Aermacchi għall-proġett DO328 KE huma kumpatibbli mat-Trattat u d-dixxiplina ta' l-1996 u d-dubji dwar l-attivitajiet tar-R&Ż ammissibbli u dwar l-effett ta' l-inċentivazzjoni jitilqu. Il-kumpanija benefiċjarja Aermacchi trid tirrifondi l-ammont sħiħ li tħallasx lura sa l-2010.

(316)

Dan il-proġett sar minn Aermacchi bejn l-1993 u l-1999 u jirrigwarda żvilupp ta' kunċetti innovattivi biex jinkisbu elementi modulari ta' dimensjonijiet lonġitudinali varji li setgħu jservu biex jinħoloq qafas taż-żaqq ta' tulijiet differenti, u fl-istess ħin inaqqsu l-ispejjeż ta' l-iżvilupp.

(317)

Il-proġett imsemmi fl-ewwel deċiżjoni tal-bidu tal-proċedura bħala l-proġett nru 9. Il-Kummissjoni esprimiet dubji dwar il-klassifikazzjoni ta' l-attivitajiet tar-R&Ż u dwar l-effett ta' l-inċentivazzjoni.

(318)

Dwar l-attivitajiet tar-R&Ż, l-awtoritajiet Taljani rnexxilhom juru li l-proġett kellu l-għan li jitrasferi l-iżvilupp ta' panewijiet tal-qafas taż-żaqq minn Daewoo għal Aermacchi u jeżamina mill-ġdid u jippjana mill-ġdid il-proġett sħiħ. Il-proġett barra minn hekk kien jinkludu l-użu ta' materjali komposti.

(319)

Dwar l-effett ta' l-inċentivazzjoni, l-awtoritajiet Taljani pprovdew informazzjoni biżżejjed dwar l-attivitajiet tar-R&Ż ta' Aermacchi, li juru li l-proġett in kwestjoni kien dwar attivitajiet ġodda għall-kumpanija min-naħa ta' livell u ta' teknoloġija. L-awtoritajiet Taljani barra minn hekk ipprovdew informazzjoni dwar l-evoluzzjoni ta' l-ispejjeż ta' Aermacchi favur l-attivitajiet tar-R&Ż, kif indikat taħt il-qafas tal-proġett DO328 KE.

(320)

L-investimenti ammissibbli kienu ekwivalenti għal 51 480 miljun lira. Fil-mument ta' l-għoti ta' l-għajnuna, l-intensità tal-bidu kienet ta' 42,30 % (għalhekk anqas mill-intensità massima ta' l-44 % ammissibbli taħt id-dixxiplina tar-R&Ż ta' l-1996).

(321)

Din l-intensità ntlaħqet fl-2006, meta l-intensità akkumulata laħqet il-valur ta' 42,51 %. Għalhekk għandu jitħallas is-self kollu ta' 54 454 miljun lira (li jinkludi 37 751 miljun lira ppjanati għall-2007 u 16 703 miljun liri mhux imħallsin lura), inklużi l-interessi komposti li sad-data tal-31 ta' Diċembru 2007 kienu ekwivalenti għal […] miljun lira.

(322)

Il-Kummissjoni għalhekk tista' tikkonkludi li l-għajnuniet mogħtija lill-Aermacchi għall-proġett DO328 Panels huma kumpatibbli mat-Trattat u d-Dixxiplina tar-R&Ż ta' l-1996 peress li d-dubji rispettivi dwar l-attivitajiet tar-R&Ż ammissibbli u dwar l-effett ta' l-inċentivazzjoni jitilqu, u bil-kondizzjoni li Aermacchi immedjatament tħallas lura s-self kollu u l-interessi rispettivi komposti.

(323)

Fl-ewwel deċiżjoni tal-bidu tal-proċedura ssemma proġett tal-kumpanija Alenia (51) dwar inġenju ta' l-ajru maħsub għat-trasport reġjonali (proġett nru. 12). Il-Kummissjoni ma resqitx dubji dwar dan, fuq il-bażi ta' l-informazzjoni disponibbli dak iż-żmien. Madankollu nstab b’evidenza li kien hemm proġetti oħrajn dwar l-ATR72 (52) għall-ispejjeż sostnuti mill-kumpanija fis-snin ta' wara. Fl-aħħar deċiżjoni ta' l-għoti ta' l-għajnuniet kienu definiti l-kundizzjonijiet definittivi għall-għajnuniet varji favur l-ATR72.

(324)

Il-proġett jirrigwarda l-iżvilupp ta' ajrustrutturi għall-ajruplan intenzjonat għat-trasport reġjonali żviluppat mill-konsorzju ta' l-ATR, kumpanija komuni b’50 % bejn Alenia Aeronautica u EADS.

(325)

Bħala total, l-investimenti ammissibbli għall-ATR72 kienu ekwivalenti għal 165 442 miljun lira. L-intensità massima tal-bidu kienet ta' 49 %.

(326)

Madankollu, l-għajnuniet kollha mogħtija kienu aktar minn dak il-livell ta' intensità. Kienu mħallsin lura, iżda mhux kompletament u mhux skond il-pjan. Għalhekk, ir-rati ta' l-interessi jridu jkunu kkalkolati minn dak il-mument meta l-intensità kollha laħqet il-livell massimu ta' 49 % imsemmi fid-dixxiplina tar-R&Ż ta' l-1986, jiġifieri mill-1998. Bħala konsegwenza l-kumpanija trid tħallas lura immedjatament l-ammont tas-self li ma kienx rifondut ta' 31 573 miljun lira. Barra minn hekk, Alenia trid tħallas l-interessi komposti, sad-data tal-31 ta' Diċembru 2007 ekwivalenti għal […] miljun lira.

(327)

Minħabba informazzjoni ġdida disponibbli, il-Kummissjoni tista' tikkonkludi li l-proġetti dwar l-ATR72 li saru mill-kumpanija Alenia jistgħu jitqiesu kumpatibbli mat-Trattat u mad-Dixxiplina ta' l-1986 bil-kondizzjoni li l-kumpanija tħallas lura immedjatament l-ammont tas-self u tħallas l-interessi komposti.

(328)

Il-proġett sar mill-kumpanija Alenia u jirrigwarda l-iżvilupp ta' l-aħħar verżjoni ta' l-inġenju ta' l-ajru maħsub għat-trasport reġjonali ATR42, ajruplan kapaċi jġorr sa 50 passiġġier. Il-proġett ma kienx imsemmi fl-ewwel deċiżjoni tal-bidu tal-proċedura L-għajnuniet ingħataw fl-1994.

(329)

Bħala total, l-investimenti ammissibbli kienu ekwivalenti għal 35 997 miljun lira. L-intensità tal-bidu ta' l-għajnuna kienet ta' 35,87 %, (jiġifieri anqas mill-intensità massima ta' 49 % skond id-dixxiplina tar-R&Ż ta' l-1986).

(330)

Peress li r-rifużjonijiet irreġistraw ftit dewmien u l-kalkoli effettivi dwar l-intensità ta' l-għajnuna laħqu l-livell ta' 47,75 %, l-applikazzjoni tal-metodoloġija titlob l-obbligu tar-rifużjoni immedjat ta' l-ammont tas-self: ir-rifużjoni diġà mistenni għall-2007 ta' 20 027 miljun lira li magħhom tingħadd il-bqija ta' l-ammont mhux rifondut ta' 17 961 miljun lira. Alenia trid tħallas l-interessi komposti, li jibdew mill-2003 sal-31 ta' Diċembru 2007 u jlaħħqu ammont ta' […] miljun lira.

(331)

Il-Kummissjoni tista' tikkonkludi li l-proġett dwar l-ATR42-500 realizzat minn Alenia jista' jitqies kumpatibbli mat-Trattat u mad-dixxiplina ta' l-1986, bil-kondizzjoni li Alenia immedjatament tħallas lura l-ammont kollu tas-self mhux rifondut u tħallas l-interessi komposti.

(332)

Il-proġett ta' Alenia dwar l-iżvilupp u l-introduzzjoni ta' proċedimenti ġodda u kunċetti ta' l-iżvilupp awtomatizzat ta' l-ajrustrutturi, b’mod partikolari dwar quddiem u d-denb ta' l-MD11. Il-proġett sar fl-1996-97.

(333)

Il-proġett imsemmi fl-ewwel deċiżjoni tal-bidu tal-proċedura bħala l-proġett nru 7. Il-Kummissjoni kienet esprimiet dubji dwar il-klassifikazzjoni ta' l-attivitajiet tar-R&Ż u dwar l-effett ta' l-inċentivazzjoni.

(334)

Minħabba informazzjoni pprovduta mill-awtoritajiet Taljani, il-Kummissjoni tista' tikkonkludi li l-kompiti li fuqhom imqassam il-proġett jirreferu għal attivitajiet tar-R&Ż ammissibbli, peress li jitrattaw żviluppi u proċedimenti dwar prototipi.

(335)

Dwar l-effett ta' l-inċentivazzjoni, l-awtoritajiet Taljani rnexxielhom juru li l-għajnuniet ippermettew lill-Alenia żżid l-ispejjeż tagħha lejn l-attivitajiet tar-R&Ż sakemm laħqet livelli li jistgħu jitqabblu mal-karatteristiċi tas-settur ([…]). Barra minn hekk, l-għajnuniet ippermettew lil Alenia li tirrealizza attivitajiet supplimentari dwar dawk attwali. Fl-aħħar, skond l-Italja, l-għajnuniet ippermettew il-kisba ta' titjib notevoli fit-teknoloġija ta' l-attivitajiet ta' Alenia, li sarrfu fi tnaqqis fil-ħtieġa ta' xogħol mill-ġdid u ta' projezzjoni mill-ġdid ta' panewijiet u fi tnaqqis fil-ħinijiet ta' l-immuntar.

(336)

L-investiment ipprogrammat kien ekwivalenti għal 69 711 miljun lira, b’intensità ta' l-għajnuna ta' 30,32 % anqas għalhekk mill-intensità massima ta' 35 % skond id-dixxiplina tar-R&Ż ta' l-1986.

(337)

Madankollu, il-proġett sar taħt qafas ta' applikazzjoni ħafna aktar limitat u l-investimenti kienu ekwivalenti għal 36 266 miljun lira. L-intensità ta' l-għajnuna kienet ta' 15,65 %. Il-kapital tas-self kien rifondut kompletament fl-2002.

(338)

Il-Kummissjoni tista' għalhekk tikkonkludi li l-għajnuniet rispettivi għall-proġett MD11 Lower Panels (MD11LWR) kienu kompatibbli mat-Trattat u mad-dixxiplina ta' l-1996.

(339)

Il-proġett sar minn Alenia u kien jitratta l-ajrustuttura tal-business jet Falcon 2000 ta' Dassault. Alenia ħadmet fuq il-qafas taż-żaqq ta' wara, fuq il-gondoli tal-mutur, fuq il-piluni ta' l-appoġġi tal-muturi u fuq il-fering tal-ġwienaħ.

(340)

Il-proġett, li ma kienx imsemmi fl-ewwel deċiżjoni tal-bidu tal-proċedura, kien sar matul il-perjodu 1991-1993.

(341)

L-investimenti ammissibbli kienu ekwivalenti għal 30 520 miljun lira. L-intensità ta' l-għajnuna li ġiet minn self preferenzjali kienet ta' 38,16 %, jiġifieri ftit ogħla mill-intensità massima tal-bidu (37,5 %) stabbilita mid-dixxiplina ta' l-1986).

(342)

Peress li din l-intensità massima ta' 37,5 % diġà ntlaħqet fl-2006, Alenia mitluba tħallas lura immedjatament l-ammont kollu tas-self ta' 11 605 miljun lira (li jikkorrospondi għal 5 725 miljun lira dovuti għall-2007 u il-5 880 miljun lira li baqa’). Alenia barra minn hekk trid tħallas l-interessi komposti, li sad-data tal-31 ta' Diċembru 2007 kienu ekwivalenti għal […] miljun lira.

(343)

Il-Kummissjoni tista' tikkonkludi li l-appoġġ mogħti lil Alenia għall-proġett Falcon 2000 jista' jitqies kumpatibbli mat-Trattat u mad-dixxiplina ta' l-1986, bil-kondizzjoni li Alenia immedjatament tħallas lura l-ammont kollu tas-self u tħallas l-interessi komposti.

(344)

Dan il-proġett sar minn Alenia u jirrigwarda l-iżvilupp ta' metodu tal-kalkolu, karatterizzazzjoni ta' materjali ġodda b’riġidità għolja u d-dħul fis-seħħ ta' proċeduri tal-polimerizzazzjoni avvanzata għall-applikazzjoni ajrunawtika. Il-proġett ippjana wkoll l-applikazzjoni tat-tali teknoloġiji għall-iżvilupp ta' struttura kapaċi li tnaqqas it-turbolenza ġġenerata mill-estremità tal-ġwienaħ ta' l-MD11.

(345)

Il-proġett imsemmi fl-ewwel deċiżjoni tal-bidu tal-proċedura bħala proġett nru. 11. Fuq il-bażi ta' l-informazzjoni disponibbli dak iż-żmien, il-Kummissjoni ma qajmitx dubji dwar dan il-proġett. Però ħareġ b’evidenza li l-kundizzjonijiet ta' l-għoti ta' l-għajnuna kienu differenti mill-informazzjoni disponibbli.

(346)

Il-proġett sar bejn l-1987 u l-1989. L-intensità massima teorika ammissibbli tal-proġett stabbilita mid-dixxiplina tar-R&Ż kienet ta' 41 %. L-iffinanzjar ammissibbli kien ekwivalenti għal 21 826 miljun lira.

(347)

L-intensità ta' l-għajnuna tas-self imqassam mill-1990 kienet però ta' 48,63 %. L-intensità massima ta' 41 % intlaħqet fl-1995, is-sena li fiha kellu jitħallas lura s-self u li minn hemm jibdew jinħadmu l-interessi. Allura Alenia mitluba tħallas lura l-ammont ta' 4 236 miljun lira u tħallas l-interessi komposti, li sad-data tal-31 ta' Diċembru kienu ekwivalenti għal […] miljun lira.

(348)

Il-Kummissjoni tista' tikkonkludi li l-proġett MD11 Winglet jista' jitqies kumpatibbli mad-dixxiplina tar-R&Ż, bil-kondizzjoni li Alenia immedjatament tħallas lura l-ammont tas-self u tħallas l-interessi komposti.

(349)

Dan il-proġett ta' Alenia jirrigwarda l-iżvilupp u l-introduzzjoni ta' proċeduri ġodda u ta' kunċetti għall-iżvilupp awtomatizzat ta' ajrustrutturi kbar. Il-proġett barra minn hekk ippjanat li tikkonvalida proċeduri u kunċetti elaborati fil-kumpanija ta' Nola (fir-reġjun Taljan ta' Campania).

(350)

L-attivitajiet rispettivi tal-proġett saru bejn l-1996 u l-1999. Il-proġett imsemmi fl-ewwel deċiżjoni tal-bidu tal-proċedura bħala l-proġett nru. 5. Il-Kummissjoni kienet esprimiet dubji dwar il-klassifikazzjoni ta' l-attivitajiet tar-R&Ż u dwar l-effett ta' l-inċentivazzjoni.

(351)

Dwar l-attivitajiet tar-R&Ż, l-awtoritajiet Taljani wrew li Alenia kienet investiet fi programmi informatiċi ġodda u metodi tal-kalkoli biex tapplikahom fuq il-prototipi. L-attivitajiet kienu barra minn hekk jirrigwardaw l-użu kumparattiv ta' soluzzjonijiet strutturali għall-komponenti tal-qafas taż-żaqq u l-istudju ta' sistemi ġodda ta' protezzjoni tat-tali komponenti mill-korrożjoni.

(352)

Dwar l-effett ta' l-inċentivazzjoni, l-awtoritajiet Taljani rnexxielhom juru li dan il-proġett u x-xogħlijiet li saru fuq il-MD11 (ara l-proġett MD11LWR) ippermettew li Alenia takkwista aktar għarfien dwar il-qafas taż-żaqq. Barra minn hekk, l-għajnuniet ippermettew li Alenia żżid l-infieq favur l-attivitajiet tar-R&Ż.

(353)

L-ispejjeż ta' l-investiment ammissibbli taħt il-qafas tal-proġett kienu ekwivalenti għal 149 629 miljun lira, filwaqt li l-intensità massima ta' l-għajnuna stabbilita mid-dixxiplina tar-R&Ż ta' l-1996 kienet ta' 38 %.

(354)

Din l-intensità se tintlaħaq fl-2009. Għalhekk, Alenia hija mitluba tħallas lura fl-aħħar ta' l-2008, l-ammont kollu tas-self (ekwivalenti għal 96 701 miljun lira).

(355)

Il-Kummissjoni tista' tikkonkludi li d-dubji relevanti għall-attivitajiet tar-R&Ż u għall-effett ta' l-inċentivazzjoni ta' l-għajnuniet dwar l-MD95 jistgħu jitneħħew. Il-Kummissjoni tikkunsidra li l-għajnuna favur l-MD95 jista' jitqies kumpatibbli mat-Trattat u mad-dixxiplina ta' l-1996, bil-kondizzjoni li Alenia tħallas lura, sa l-aħħar ta' l-2008, l-ammont kollu tas-self.

(356)

Dan il-proġett, li sar minn Piaggio, jirrigwarda l-Falcon 2000 (53). Piaggio ħadmet fuq il-proġett b’mod parallellu ma’ Alenia, iżda fuq kompiti differenti. Ix-xogħol tal-Piaggio kien jirrigwarda b’mod partikolari l-analiżi strutturali (lineari u mhux lineari), l-analiżi tat-tolleranzi għall-ħsarat fl-istruttura u l-analiżi strutturali ta' avveniment speċifiċi (impatt ma’ għasafar, reżistenza għall-kolliżjonijiet u riżultati ta' fortuna).

(357)

Il-proġett, li ma kienx imsemmi fl-ewwel deċiżjoni tal-bidu tal-proċedura, kien sar bejn l-1991 u l-1993.

(358)

L-investimenti ammissibbli ammontaw għal 31 038 miljun lira. L-intensità ta' l-għajnuna kienet stabbilita mill-bidu, skond il-kundizzjonijiet ta' l-għoti ta' self preferenzjali, għal 37,75 %, jiġifieri għal-livell anqas mill-intensità massima tat-38 % stabbilita mid-dixxiplina ta' l-1986.

(359)

B’kunsiderazzjoni ta' pjan differenti ta' rifużjoni, l-għajnuna ngħatat b’intensità ekwivalenti għal 33,23 %. Skond dan il-pjan, Piaggio tista' tħallas lura s-self sa l-2009.

(360)

Il-Kummissjoni tista' tikkonkludi li l-proġett Falcon 2000 li sar minn Piaggio jista' jitqies kompatibbli mat-Trattat u mad-dixxiplina ta' l-1986 bil-kondizzjoni li l-pjan tar-rifużjoni jkun rispettat.

(361)

Dan il-proġett sar minn Avio u jirrigwarda GE90, mutur żviluppat minn General Electric. Avio kienet responsabbli minn 7 % tal-mutur, kwota ta' xogħol akbar minn muturi ta' qabel. B’mod partikolari, Avio kienet responsabbli mill-iżvilupp ta' partijiet kbar tat-turbina bil-pressjoni baxxa.

(362)

Il-proġett, li ma kienx imsemmi fl-ewwel deċiżjoni tal-bidu tal-proċedura, kien sar bejn l-1991 u l-1993.

(363)

L-investimenti ammissibbli kienu ekwivalenti għal 35 674 miljun lira. B’kunsiderazzjoni għall-attivitajiet tar-R&Ż li saru, l-intensità massima stabbilita mid-dixxiplina ta' l-1986 kienet ta' 32,5 %.

(364)

Madankollu, mill-bidu nett, is-self preferenzjali stabbilixxa intensità ogħla minn dak il-livell massimu. Hekk kif l-intensità akkumulata tilħaq il-massimu miftiehem, l-ammont ta' kapital li ma tħallas lura mis-self irid jitħallas u jridu jinħadmu l-interessi. F’dan il-każ, l-intensità tal-bidu ntlaħqet fl-2005. L-ammont li Avio trid tħallas lura immedjatament huwa ekwivalenti għal 40 939 miljun lira (4 688 miljun lira dovuti għall-2007 flimkien ma’ l-ammont mhux rifondut ta' 36 251 miljun lira). L-interessi li Avio trid tħallas immedjatament jammontaw sad-data tal-31 ta' Diċembru 2007 għal […] miljun lira.

(365)

Il-Kummissjoni għalhekk tista' tikkonkludi li l-għajnuna mogħtija lil Avio għall-proġett GE90B tista' titqies kumpatibbli mat-Trattat u mad-dixxiplina ta' l-1986, bil-kondizzjoni li Avio immedjatament tħallas lura l-ammont tas-self u tħallas l-interessi komposti.

(366)

Dan il-proġett li sar minn Avio jirrigwarda verżjoni b’saħħitha tal-mutur GE90 żviluppat minn General Electric. Il-proġett GE90 Growth kien magħmul minn tliet muturi differenti, ippjanati biex jarmaw l-inġenji ta' l-ajru Boeing u Airbus impenjati f’titjiriet fuq l-Oċejan Paċifiku. Anki f’dan il-każ, Avio kienet responsabbli minn 7 % tal-programm u responsabbli minn partijiet kbar tat-turbina bil-pressjoni baxxa.

(367)

Il-proġett, li ma kienx imsemmi fl-ewwel deċiżjoni tal-bidu tal-proċedura, kien sar bejn l-1996 u l-1997.

(368)

L-investimenti ammissibbli kienu ekwivalenti għal 46 434 miljun lira. B’kunsiderazzjoni għall-attivitajiet tar-R&Ż li saru, l-intensità massima aċċettata mid-dixxiplina tar-R&Ż ta' l-1996 kienet ta' 36,25 %.

(369)

Din l-intensità ntlaħqet fl-2006. Minn din id-data, Avio trid tħallas lura lill-Istat l-ammont kollu tas-self ta' 47 064 miljun lira (inklużi 2 123 miljun lira, li originarjament kellhom ikunu rifonduti fl-2007, u l-ammont tas-self ta' 44 941 miljun lira) u li tħallas l-interessi komposti.

(370)

Il-Kummissjoni tista' tikkonkludi li l-għajnuna mogħtija lil Avio għall-proġett GE90 tista' titqies kumpatibbli mat-Trattat u mad-dixxiplina ta' l-1996, bil-kondizzjoni li Avio immedjatament tħallas lura l-ammont tas-self u tħallas l-interessi komposti.

(371)

Dan il-proġett, li sar minn Avio, jirrigwarda turbina bil-pressjoni baxxa ta' mutur Pratt & Whitney (PW308) intenzjonat għal business jet kbir (u għal inġenji ta' l-ajru żgħar maħsuba għat-trasport reġjonali).

(372)

Il-proġett, li ma kienx imsemmi fl-ewwel deċiżjoni tal-bidu tal-proċedura, kien sar bejn l-1997 u l-1998.

(373)

L-ispejjeż ammissibbli kien ekwivalenti għal 30 688 miljun lira. L-intensità massima ammissibbli tal-bidu stabbilita mid-dixxiplina tar-R&Ż ta' l-1996 kienet ta' 36 %. L-għajnuna mqassma lil Avio u l-pjan tar-rifużjoni stabbilit jilħqu intensità ta' 33,88 %. Konformi mal-pjan, Avio se tħallas lura l-għajnuna sa l-2013.

(374)

Il-Kummissjoni tista' tikkonkludi li l-għajnuna mogħtija lil Avio għall-proġett dwar it-turbina bil-pressjoni baxxa tal-PW308 tista' titqies kompatibbli mat-Trattat u mad-dixxiplina ta' l-1996 bil-kondizzjoni li l-pjan tar-rifużjoni jkun rispettat.

(375)

Dan il-proġett, li sar minn Alenia, jirrigwarda kabini bil-pressa ta' ajruplani kbar ċivili.

(376)

Il-proġett imsemmi fl-ewwel deċiżjoni tal-bidu tal-proċedura bħala proġett nru 1. F’dak il-kuntest, fuq il-bażi ta' informazzjoni disponibbli dak iż-żmien, il-Kummissjoni kienet iddeċidiet li l-proġett ma kienx suġġett għall-obbligu tan-notifika individwali tal-Kummissjoni u għalhekk ma kienx jaqa’ taħt il-qafas ta' l-applikazzjoni ta' l-ewwel deċiżjoni.

(377)

Wara ħareġ li l-ammont ta' l-investiment ammissibbli stabbilit fiż-żmien meta ngħatat l-għajnuna u l-ammont ta' l-għajnuna mogħtija kienu fil-verità tali li jwasslu għall-obbligu tan-notifika individwali mill-Kummissjoni.

(378)

Il-proġett sar bejn l-1999 u l-2001. L-għajnuna ngħatat fuq il-bażi ta' l-ispejjeż ammissibbli stabbilita ekwivalenti għal 67 758 miljun lira, b’intensità tal-bidu li l-awtoritajiet Taljani stabbilixxew għal 25,74 % (jiġifieri livell anqas mill-intensità massima stabbilita mid-dixxiplina tar-R&Ż ta' l-1996).

(379)

Madankollu, l-ammonti mogħtija bħala għajnuna u l-ispejjeż ammissibbli rriżultaw anqas mill-pjan tal-bidu u l-ispejjeż kienu ekwivalenti għal 27 122 miljun ta' liri. L-għajnuna madankollu tilħaq l-intensità tal-bidu ta' 25,74 % fl-2008. Fl-2008, Alenia hija għalhekk mitluba tħallas lura l-ammont tas-self, ekwivalenti għal 29 244 miljun lira.

(380)

Il-Kummissjoni tista' tikkonkludi li l-għajnuna mogħtija lil Alenia għall-proġett dwar il-kabini bil-pressa tista' titqies kumpatibbli mat-Trattat u mad-Dixxiplina tar-R&Ż ta' l-1996 bil-kondizzjoni li fl-2008 Alenia tħallas lura l-ammont kollu tas-self mhux rifondut.

(381)

L-iskeda li ġejja tirrapporta fil-qosor l-impatt tal-metodoloġija fuq kull proġett, bl-ammonti espressi bl-ewro b’rata tal-kambju mdawwar għal 1 936 lira għal kull 1 ewro.

Skeda 5

lista ta' proġetti bl-ammont rispettiv tagħhom f’miljuni ta' euro

(382)

Kif indikat, fil-biċċa l-kbira tal-proġetti li l-Italja ma nnotifikatx kien hemm bżonn modifika fil-pjanijiet tar-rifużjoni. F’ħafna każijiet, l-ammont tas-self irid jitħallas immedjatament. F’xi każijiet minnhom, il-benefiċjarji jridu jħallsu l-interessi, ikkalkulati mis-sena li fihom intlaħqet l-intensità massima stabbilita. F’każijiet oħrajn, ir-rifużjoni ta' l-ammont tas-self se jkun antiċipat fuq il-pjan oriġinali tad-deċiżjonijiet ta' l-għoti ta' l-għajnuna.

(383)

Il-pjanijiet tar-rifużjoni dwar kull wieħed mill-proġetti li fuqhom kienu definiti flimkien bejn il-Kummissjoni u l-awtoritajiet Taljani. Fl-ittra tagħhom tal-31 ta' Lulju 2007, dawn impenjaw ruħhom li jiggarantixxu li jirrispettaw il-pjanijiet tar-rifużjoni dwar dawn il-proġetti.

(384)

F’dawk il-każijiet fejn indikat li l-benefiċjarji jridu jħallsu lura immedjatament, dan irid ikun miftiehem fi żmien ta' xahrejn. Dan il-perjodu ġġustifikat mill-fatt li xi elementi ta' l-għajnuna jistgħu saru parzjalment inkompatibbli għax l-intensità ta' l-għajnuna kienet ogħla mill-intensità massima ammissibbli (jiġifieri l-intensità ammissibbli skond id-Dixxiplina tar-R&Ż jew l-intensità tal-bidu fil-mument ta' l-għoti ta' l-għajnuna) (54). L-interessi komposti jkunu kkalkolati mis-sena li fiha ntlaħqet l-intensità massima, skond ir-Regolament (KE) nru 794/04 tal-Kummissjoni, tal-21 ta' April 2004, skond id-disposizzjonijiet ta' l-eżekuzzjoni tar-Regolament (KE) nru 659/1999 tal-Kunsill skond il-modalità ta' l-applikazzjoni ta' l-Artikolu 93 tat-Trattat (55).

(385)

L-awtoritajiet Taljani rrikonoxxew li xi proġetti jinkludu elementi ta' għajnuniet illeġittimi u inkompatibbli. Huma esprimew il-ftehim tagħhom mal-kundizzjonijiet indikati fid-deċiżjoni preżenti għall-eliminazzjoni tat-tiżgwid tal-kompetizzjoni permezz ta' rkupru effettiv u immedjat ta' dawn l-għajnuniet.

(386)

Fit-tieni nett, l-awtoritajiet Taljani impenjaw ruħhom li jirrispettaw il-kundizzjonijiet tal-kontroll tar-rifużjonijiet ta' l-għajnuniet kompatibbli, permezz tal-preżentazzjoni ta' rapport annwali fuq ir-rifużjonijiet riċevuti mill-benefiċjarji, iċċertifikat minn awditur.

(387)

Dan jippermetti lill-Kummissjoni tikkontrolla li jitħarsu l-kundizzjonijiet dwar kull proġett. Dan l-eżerċizzju ta' monitoraġġ ma tfisser l-ebda obbligu ieħor, iżda jimmira biss biex jiggarantixxi li jitħarsu l-kundizzjonijiet stabbiliti mid-deċiżjoni preżenti u aċċettata mill-Italja.

(388)

L-awtoritajiet Taljani pprovdew informazzjoni lill-Kummissjoni dwar id-digriet-liġi nru. 159/07 (56) li bis-saħħa tagħha l-ammonti li Finmeccanica se tagħti taħt id-deċiżjoni preżenti jkunu assenjati mill-ġdid minħabba l-pagament mingħand l-ENEA – entità pubblika li topera fis-settur ta' l-enerġija – taħt il-qafas tal-kompożizzjoni ta' litigazzjoni ma’ Finmeccanica, wara deċiżjoni mill-Qorti ta' l-Appell ta' Ruma.

(389)

Il-Kummissjoni m’għandhiex bżonn tanalizza f’din il-fażi jekk it-transazzjonijiet fuq il-bażi tad-DL 159/07 tfissirx għoti ta' għajnuniet ġodda ta' l-Istat għar-rifużjoni ta' l-għajnuna illeġittima li hija l-oġġett tad-deċiżjoni preżenti. Dawn it-transazzjonijiet saru lil hinn mill-iskop ta' din il-proċedura. Għalhekk din id-deċiżjoni ma tippreġudikax indaġni li l-Kummissjoni tista' tiddeċiedi li tibda dwar it-transazzjonijiet li saru fuq il-bażi tad-DL 159/07.

(390)

Il-Kummissjoni tfakkar li l-ġurisprudenza tal-Qorti tal-Ġustizzja tal-Komunità Ewropea hija ċara fuq il-punt u riċenti kien sar sommarju tagħha fl-opinjoni ta' l-Avukat Ġenerali Geelhoed (57) fil-każ Lucchini  (58). F’dan il-każ il-Qorti tal-Ġustizzja kienet mitluba tiddeċiedi, b’mod preġudizzjali jekk deċiżjoni tat-tribunal nazzjonali tistax tiddikjara bla bżonn l-eżerċizzju min-naħa tal-Kummissjoni dwar il-kompetenzi esklussivi tagħha tal-kontroll tal-kompatibbiltà ta' l-għajnuna mill-Istat mas-suq intern, u eventwalment, li tordna l-irkupru tiegħu.

(391)

Ifisser li l-Istat għandu l-obbligu li jirrispetta l-ewwel id-dritt komunitarju u l-kompetenza esklussiva tal-Kummissjoni fl-istabbiliment tal-kompatibbiltà jew le ta' għajnuna ta' l-Istat. Deċiżjoni nazzjonali dwar l-għajnuna (f’forma ta' Digriet Liġi jew ta' sentenza) ma tistax tieħu post proċedura ppjanata għal għoti valida ta' għajnuna, li kienet konkluża biss meta l-Kummissjoni tat l-awtorizzazzjoni tagħha.

(392)

Kif illustrat fil-punti 248 sa 259 il-metodoloġija tiggarantixxi li l-għajnuniet mogħtija għal proġett ma jaqbżux l-intensità massima stabbilita mid-dixxiplina applikabbli. Fil-valutazzjoni ta' l-għajnuniet favur il-proġetti kbar tar-R&Ż, l-intensità ta' l-għajnuna tal-proporzjonalità, hija waħda mill-aspetti ewlenin tal-valutazzjoni tal-Kummissjoni dwar il-kumpatibbiltà ta' l-għajnuna.

(393)

Il-Kummissjoni barra minn hekk ivverifikat jekk tħarsitx l-intensità massima tal-bidu. Jekk self aġevolat, minħabba l-modalità li biha jingħata jew jitħallas lura, jilħaq intensità ta' għajnuna ogħla mil-livell stabbilit fil-mument ta' l-għoti ta' l-għajnuna, għajnuna ogħla minn din l-intensità tal-bidu trid tkun ikkunsidrata għajnuna ġdida. Peress li din l-għajnuna l-ġdida x’aktarx tingħata wara l-konklużjoni tal-proġett, u f’kull każ biss minħabba rifużjonijiet tard, din l-għajnuna l-ġdida ma jkollha l-ebda effett ta' inċentivazzjoni għall-benefiċjarju. Għal din ir-raġuni, ma tkunx kompatibbli ma’ l-ebda qafas tad-dixxiplina tar-R&Ż. Jekk l-iskadenzi tar-rifużjoni jkunu adattati b’mod li jiżguraw l-intensità massima ammissibbli tkun rispettata, l-għajnuna għal dawn il-proġetti tista' titqies kompatibbli.

(394)

Il-Kummissjoni barra minn hekk tinnota li hija karatteristika komuni fis-settur ajrunawtiku li l-proġetti għandhom tul ta' żmien twil u li r-rifużjonijiet ikunu effettwati fuq perjodu anki itwal minn ħmistax-il sena, anki wara l-kunsiderazzjoni tal-fatt li l-benefiċċji mill-proġett ta' spiss ikunu disponibbli biss fuq perjodu twil. Fil-każ preżenti, il-pagamenti kienu ta' spiss imqassmin fuq aktar snin, u r-rifużjonijiet bdew biss wara t-tmiem ta' l-ewwel pagament u għal perjodu ta' aktar minn għaxar snin. Flimkien il-medja ta' kemm damu l-proġetti, ikkalkolati mill-bidu tagħhom sar-rifużjoni ta' l-aħħar, kienet ta' madwar tmintax-il sena.

(395)

Dwar is-17-il proġett taħt eżami, il-Kummissjoni tista' għalhekk tinkonkludi li l-intensità ta' l-għajnuna korretta b’konformità mal-metodoloġija tirrispetta l-kundizzjonijiet tad-dixxiplina.

(396)

Din il-konklużjoni toħroġ wara kunsiderazzjoni ta' l-informazzjoni disponibbli u b’kunsiderazzjoni mal-perjodu tat-tul tagħhom.

(397)

Il-Kummissjoni hija barra minn hekk kapaċi tivvaluta, dwar is-sitt proġetti li dwarhom esprimiet dubji taħt il-qafas ta' l-ewwel deċiżjoni tal-bidu tal-proċedura, u b’kunsiderazzjoni għall-perjodu twil li għadda mill-eżekuzzjoni tagħhom, li l-klassifikazzjoni ta' l-attivitajiet tar-R&Ż kienet korretta u kienet tikkorrospondi mal-prattika li timxi magħha l-Kummissjoni.

(398)

Fl-aħħar, il-Kummissjoni kienet kapaċi tivvaluta li l-għajnuniet mogħtija għal dawn il-proġetti kellhom effett ta' inċentivazzjoni.

(399)

Kif l-Italja spjegat fit-tweġiba tagħha ta' Ottubru 2005, ir-reġim intuża għall-iffinanzjar ta' attivitajiet tar-R&Ż militari. Taħt il-qafas ta' l-ewwel deċiżjoni diġà kien rikonoxxut li wieħed mill-proġetti kellu jkun ikkunsidrat proġett militari u għalhekk jaqa’ taħt l-iskop ta' l-Artikolu 296 tat-Trattat.

(400)

L-awtoritajiet Taljani pprovdew xi informazzjoni dwar iż-żewġ ħelikopters imsemmija fit-tieni deċiżjoni tal-bidu tal-proċedura.

(401)

Il-parti terza interessata ppreżentat xi osservazzjonijiet dwar iż-żewġ ħelikopters.

(402)

Fil-qosor, dwar l-A139, l-Italja wriet l-iżvilupp tal-ħelikopter, anki dwar l-akronimu tiegħu, u kkonfermat li l-ħelikopter ċivili AW139 kien se jkun żviluppat minn Agusta flimkien ma’ xi sħab mingħajr il-benefiċċji ta' ebda għajnuna ta' l-Istat.

(403)

Skond l-Italja, min-naħa l-oħra, Agusta bbenefikat minn għajnuniet biex tiżvilupp ħelikopter militari, l-[…], li jinsab f’fażi finali ta' l-iżvilupp.

(404)

Il-parti terza interessata kkonfermat li, fl-opinjoni tagħha, l-A139 huwa ħelikopter kompletament ċivili.

(405)

Dwar il-BA609, l-Italja kkonfermat li l-parteċipazzjoni ta' Agusta fil-proġett kien dwar l-iżvilupp ta' skrun ibbilanċjat (tilt-rotor) għall-użu militari.

(406)

Il-parti terza interessata minflok tikkonferma li l-informazzjoni kollha dwar il-proġett disponibbli għall-pubbliku tindika li l-BA609 huwa ħelikopter maħsub għall-użu ċivili.

(407)

Minħabba l-informazzjoni disponibbli, il-Kummissjoni m’hijiex kapaċi tasal għal konklużjoni dwar iż-żewġ proġetti. Hija tirriserva d-dritt li tippreżenta lill-Italja aktar talbiet għall-informazzjoni biex tiċċara xi aspetti tal-proġetti, qabel ma tieħu deċiżjoni finali. Iż-żewġ proġetti għalhekk ma jaqgħux taħt il-qasam ta' l-applikazzjoni tad-deċiżjoni preżenti u jkunu suġġetti għal deċiżjoni separata.

(408)

F’kull każ, in-natura u l-għan militari ta' ekwipaġġament mhux biżżejjed għal eżenzjoni mir-regoli komunikatarji skond l-Artikolu 296 tat-Trattat. Din il-miżura trid tkun meħtieġa wkoll għall-protezzjoni ta' interessi essenzjali tas-sigurtà ta' Stat Membru. Skond il-ġurisprudenza tal-Qorti tal-Ġustizzja l-Artikolu 296 għandu jkun interpretat f’sens ristrett u limitat f’każijiet eċċezzjonali, definiti b’mod ċar. Barra minn hekk, l-obbligu li tipprova li jibqgħu japplikaw il-kundizzjonijiet għad-deroga jaqa’ fuq l-Istati Membru.

(409)

Wara li kkunsidrat l-elementi kollha ta' hawn fuq, il-Kummissjoni ddeċidiet li tagħlaq il-proċedura taħt l-Artikolu 88, it-2 paragrafu, tat-Trattat dwar is-17-il proġett waħdieni tar-R&Ż li l-Italja nnotifikat u li għalhekk għandhom jitqiesu illeġittimi.

(410)

L-għajnuniet individwali skond l-Artikolu 1 (e), tar-regolament tal-proċedura, li kellhom ikunu nnotifikati, iżda ma kinux, jikkostitwixxu għajnuniet illeġittimi skond l-Artikolu 1(f) tar-regolament tal-proċedura. Dwar l-għajnuniet illeġittimi, id-deċiżjoni preżenti kienet adottata b’mod konformi ma’ l-Artikolu 13 tar-regolament tal-proċedura.

(411)

Kif jirriżulta mill-Artikolu 13 tar-regolament tal-proċedura, fil-każ ta' deċiżjonijiet tal-bidu tal-proċedura ta' indaġni formali, il-proċedura tikkonkludi b’deċiżjoni skond l-Artikolu 7. Id-deċiżjoni preżenti adottata skond l-Artikolu 7(4), tar-regolament tal-proċedura, għall-proġetti individwali kollha msemmija, skond il-kundizzjonijiet tar-rifużjoni indikat għal kull proġett.

(412)

Il-Kummissjoni tista' konkludi permess tad-dubji espressi fl-ewwel deċiżjoni tal-bidu tal-proċedura dwar is-sitt proġetti: il-kompiti li jikkorrospondu ma’ l-attivitajiet tar-R&Ż u l-għajnuniet kellhom effett fuq l-inċentivazzjoni għall-benefiċjarji.

(413)

Il-Kummissjoni tista' tikkonkludi li l-istrument ta' l-għajnuna użat għall-applikazzjoni sħiħa tar-reġim ħadet il-forma ta' self preferenzjali b’rata ta' interessi ta' żero. F’ħafna każijiet, però, fl-applikazzjoni ta' l-istrument il-kundizzjonijiet tal-bidu ma kinux rispettati u ngħataw kundizzjonijiet aktar ġenerużi lill-benefiċjarji generose.

(414)

Il-Kummissjoni u l-awtoritajiet Taljani rnexxilhom jiddefinixxu metodoloġija kapaċi tikkoreġi l-intensità tal-bidu għolja ħafna u l-applikazzjoni mhux biżżejjed rigoruża ta' l-għajnuniet.

(415)

Il-Kummissjoni rċeviet mill-awtoritajiet Taljani lista ta' proġetti mhux notifikati, bil-pjanijiet tar-rifużjoni kkalkolati bil-metodoloġija applikata għal kull proġett.

(416)

L-Italja ntrabtet li tirrispetta l-pjanijiet tar-rifużjoni għal kull proġett.

(417)

L-Italja ntrabtet li tirrispetta l-kundizzjonijiet tal-monitoraġġ indikat, jiġifieri li tiggarantixxi li r-rifużjoni immedjati jsiru fi żmien xahrejn mid-data tad-deċiħjoni preżenti u li l-Kummissjoni tirċievi korrispondenza dettaljata kull sena dwar il-fażijiet futuri tar-rifużjonijiet.

(418)

Il-lista tal-proġetti ma teskludix proġetti eventwali li l-Kummissjoni tista' ssir taf bihom jew proġetti eventwali li dwarhom il-Kummissjoni tista' tirċevi aktar informazzjoni.

(419)

Għall-kuntrarju, il-Kummissjoni mhux kapaċi tasal għal konklużjoni dwar iż-żewġ proġetti msemmijin taħt il-qafas tat-tieni deċiżjoni tal-bidu tal-proċedura, li dwarhom kienet esprimiet dubji dwar in-natura tagħhom bħala proġetti militari. Il-Kummissjoni tirriserva d-dritt li titlob mingħand l-Italja aktar informazzjoni dwar dan, bil-għan li tadotta deċiżjoni fil-futur qarib.

a)

Għajnuniet favur Agusta: Proġetti A109DEF; A109X; A119 Koala.

b)

Għajnuniet favur Aermacchi: Proġetti DO328; DO328KE; DO328 Panels.

ċ)

Għajnuniet favur Alenia: Proġetti ATR72; ATR42 500; MD11 LWRP J/S; Falcon 2000; MD11 Winglet; MD95; Kabini bil-pressa.

(d)

Għajnuniet favur Avio: Proġetti GE90B; GE90 Growth; LPT PW308.

(e)

Għajnuniet favur Piaggio: Proġett Falcon 2000.

(a)

Għajnuna favur Agusta

(b)

Għajnuna favur Aermacchi

ċ)

Għajnuna favur Alenia

(d)

Għajnuna favur Avio

(e)

Għajnuna favur Piaggio

(a)

l-ammont totali rkuprat mingħand il-benefiċjarji;

(b)

deskrizzjoni dettaljata tal-miżuri li ttieħdu u li għandhom jittieħdu biex ikunu konformi mad-deċiżjoni preżenti;

ċ)

dokumentazzjoni ta' evidenza li l-għajnuna tħallset lura.