Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32008D0591

2008/591/KE: Deċiżjoni tal-Kummissjoni tat- 30 ta' Ġunju 2008 Forum Konsultattiv dwar l-Eko-disinn Test b’relevanza għaż-ŻEE

ĠU L 190, 18.7.2008, p. 22–26 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/dec/2008/591/oj

Date of document:
30/06/2008
Date of effect:
30/06/2008; Dħul fis-seħħ Data tad-dokument
Date of end of validity:
No end date
Author:
Il-Kummissjoni Ewropea
Form:
Deċiżjoni
Additional information:
Rilevanza għaż-ŻEE
Treaty:
Trattat li jistabbilixxi l-Komunità Ewropea
Legal basis:
Link
Link
Link
Select all documents mentioning this document
Instruments cited:
Link

18.7.2008   

MT

Il-Ġurnal Uffiċjali ta’ l-Unjoni Ewropea

L 190/22

DEĊIŻJONI TAL-KUMMISSJONI

tat-30 ta' Ġunju 2008

Forum Konsultattiv dwar l-Eko-disinn

(Test b’relevanza għaż-ŻEE)

(2008/591/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva 2005/32/KE tal-Parlament Ewropew u tal-Kunsill tas-6 ta’ Lulju 2005, li tistabbilixxi qafas għat-twaqqif ta’ ħtiġijiet ta’ l-ekodisinn għal prodotti li jintużaw għall-enerġija (EUP) u li temenda d-Direttiva tal-Kunsill 92/42/KEE u d-Direttivi 96/57/KE u 2000/55/KE tal-Parlament Ewropew u tal-Kunsill (1), u b’mod partikolari l-Artikolu 18 tiegħu,

Billi:

(1)

Skond l-Artikolu 18 tad-Direttiva 2005/32/KE, il-Kummissjoni għandha tiżgura li bil-mod li jitmexxew l-attivitajiet tagħha hi tosserva, f’dak li għandu x’jaqsam ma’ kull miżura ta’ implimentazzjoni, parteċipazzjoni bbilanċjata ta’ l-Istati Membri u tal-partijiet interessati.

(2)

Id-Direttiva 2005/32/KE tipprovdi li dawn il-partijiet għandhom jiltaqgħu f’Forum Konsultattiv. Hu għalhekk meħtieġ li jkunu ddefiniti d-dmirijiet u l-istruttura ta’ dak il-Forum Konsultattiv.

(3)

Il-Forum Konsultattiv għandu jassisti lill-Kummissjoni biex tistabbilixxi pjan ta’ ħidma, tikkontribwixxi biex jiġu definiti u riveduti miżuri ta’ implimentazzjoni, biex tiġi eżaminata l-effettività tal-mekkaniżmi stabbiliti li jissorveljaw is-suq, u biex jiġu valutati ftehim voluntarji u miżuri oħra ta’ awto-regolamentazzjoni.

(4)

Il-Forum Konsultattiv għandu jkun magħmul mir-rappreżentanti ta’ l-Istati Membri u l-partijiet interessati kkonċernati mal-prodott jew il-grupp tal-prodott ikkonċernat, bħall-industrija, inklużi l-IŻM u l-industrija tas-snajja’, it-trejdjunjins, il-kummerċjanti, in-negozjanti li jbiegħu bl-imnut, l-importaturi, il-gruppi għall-protezzjoni ta’ l-ambjent u l-organizazzjonijiet tal-konsumaturi.

(5)

Għandhom jitfasslu regoli dwar l-iżvelar ta’ tagħrif minn membri tal-Forum Konsultattiv, bla ħsara għar-regoli dwar is-sigurtà stipulati fl-Anness mar-Regoli ta’ Proċedura tal-Kummissjoni bid-Deċiżjoni 2001/844/KE, KEFA, Euratom (2).

(6)

Id-dejta personali kollha relatata mal-membri tal-Forum Konsultattiv għandha tiġi pproċessata b’konformità mar-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ l-individwi fir-rigward ta’ l-ipproċessar ta’ dejta personali mill-istituzzjonijiet u l-korpi tal-Komunità u dwar il-moviment ħieles ta’ dejta bħal din (3),

IDDEĊIDIET KIF ĠEJ:

Artikolu 1

Id-dmirijiet

Id-dmirijiet tal-membri tal-Forum Konsultattiv ta’ l-Ekodisinn, minn hawn ‘il quddiem imsejjaħ “il-Forum”, għandhom ikunu li jagħtu opinjonijiet f’relazzjoni ma’ l-elaborazzjoni u l-emenda tal-pjan ta’ ħidma msemmi fl-Artikolu 16(1) tad-Direttiva 2005/32/KE u jagħtu l-pariri lill-Kummissjoni dwar mistoqsijiet relatati ma’ l-implimentazzjoni tad-Direttiva 2005/32/KE kif ipprovdut fl-Artikoli 16(2), 18 u 23 tagħha.

Artikolu 2

Konsultazzjoni

Il-Kummissjoni tista’ tikkonsulta lill-Forum dwar kull kwistjoni relatata ma’ l-implimentazzjoni tad-Direttiva 2005/32/KE.

Artikolu 3

Sħubija

1.   Il-membri tal-forum għandhom jinħatru mill-Kummissjoni minn partijiet interessati li għandhom x’jaqsmu mal-prodott jew il-grupp tal-prodott ikkonċernat u min irrisponda għas-sejħa ta’ l-applikazzjonijiet.

2.   Il-Forum għandu jinkludi sa 60 membru magħmul kif ġej:

(a)

rappreżentant minn kull Stat Membru;

(b)

rappreżentant minn kull Stat Membru taż-Żona Ekonomika Ewropea;

(ċ)

sa 30 rappreżentant ta’ partijiet interessati kif imsemmija fl-Artikolu 18 tad-Direttiva 2005/32/KE.

3.   Kull membru għandu jaħtar il-persuna li qed tirrappreżentah fil-laqgħat tal-Forum fuq il-bażi tal-kompetenza u l-esperjenza tiegħu jew tagħha fil-qasam ittrattat.

4.   Il-Membri tal-Forum jinħatru għal terminu ta’ ħatra ta’ tliet snin li jistgħu jiġġeddu u għandhom jibqgħu fil-ħatra sakemm jinbidlu skond il-paragrafu 3 jew sakemm tispiċċa l-ħatra tagħhom.

5.   Il-Membri jistgħu jinbidlu għall-bqija tal-perjodu tal-ħatra tagħhom fi kwalunkwe każ minn dawn li ġejjin:

(a)

meta l-membru jirreżenja;

(b)

meta il-membru mhux kapaċi aktar li jikkontribwixxi b’mod effettiv fid-deliberazzjonijiet tal-Forum;

(ċ)

meta l-membru ma josservax l-Artikolu 287 tat-Trattat.

6.   Il-lista tal-membri u xi emendi sussegwenti ma’ dik il-lista għandhom ikunu ppubblikati fuq is-siti ta’ l-Internet tad-Direttorat Ġenerali ta’ l-Intrapriża u l-Industrija u d-Direttorat Ġenerali tat-Trasport u l-Enerġija u fir-Reġistru tal-Kummissjoni ta’ Gruppi Esperti.

Artikolu 4

Il-ħidma

1.   Il-Forum għandu jkun ippresedut minn rappreżentant tal-Kummissjoni.

2.   Bi ftehim mal-President, jistgħu jitwaqqfu sottogruppi biex jeżaminaw kwistjonijiet speċifiċi skond it-termini ta’ referenza stabbiliti mill-Forum. It-tali sottogruppi għandhom jiġu xolti hekk kif jintemm il-mandat tagħhom.

3.   Il-President jista’ jistieden esperti jew osservaturi ta’ kompetenza speċifika dwar suġġett fuq l-aġenda biex jipparteċipaw fid-deliberazzjonijiet tal-Forum jew tas-sottogrupp jekk dan ikun utli jew meħtieġ.

4.   It-tagħrif miksub mis-sehem fid-deliberazzjonijiet tal-Forum jew ta’ sottogrupp għandu jinżamm mistur jekk, fil-fehma tal-Kummissjoni, dak it-tagħrif jittratta kwistjonijiet kunfidenzjali.

5.   Il-Forum u s-sottogruppi tiegħu ġeneralment jiltaqgħu fil-bini tal-Kummissjoni skond il-proċeduri u l-iskeda stabbilita minnha. Il-Kummissjoni għandha tipprovdi s-servizzi ta’ segretarjat. Uffiċjali oħrajn tal-Kummissjoni li għandhom interess fil-proċeduri jistgħu jattendu l-laqgħat tal-Forum u s-sottogruppi tiegħu.

6.   Ir-regoli ta’ proċedura għall-Forum huma stipulati fl-Anness.

7.   Il-Kummissjoni tista’ tippubblika, jew turi fuq l-Internet, fil-lingwa oriġinali tad-dokument ikkonċernat, kwalunkwe sommarju, konklużjoni, parti minn konklużjoni jew dokument ta’ ħidma tal-Forum.

Artikolu 5

Rimborż ta’ l-ispejjeż

L-ispejjeż tal-vjaġġ u, fejn meħtieġ, ta’ l-għajxien imħallsa għall-rappreżentat għal kull Stat Membru u esperti tekniċi mistiedna skond l-Artikolu 4(3) fl-ambitu ta’ l-attivitajiet tal-Forum għandhom jiġu rimborżati mill-Kummissjoni f’konformità mar-regoli tal-Kummissjoni dwar ir-rimborż ta’ spejjeż għal esperti esterni.

Il-membri tal-Forum, l-esperti u l-osservaturi mhumiex se jitħallsu għas-servizzi li jagħtu.

L-ispejjeż għal-laqgħat jitħallsu lura fil-limiti tal-baġit annwali allokat għall-Forum mid-dipartiment kompetenti tal-Kummissjoni.

Magħmula fi Brussell, 30 ta’ Ġunju 2008.

Għall-Kummissjoni

Günter VERHEUGEN

Viċi President

(1)  ĠU L 191, 22.7.2005, p. 29. Id-Direttiva kif emendata bid-Direttiva 2008/28/KE (ĠU L 81, 20.3.2008, p. 48).

(2)  ĠU L 317, 3.12.2001, p. 1. Id-Deċiżjoni kif emendata l-aħħar bid-Deċiżjoni 2006/548/KE, Euratom (ĠU L 215, 5.8.2006, p. 38).

(3)  ĠU L 8, 12.1.2001, p. 1.

ANNESS

Regoli ta’ proċedura għall-Forum Konsultattiv ta’ l-eko-disinn

IL-KUMMISSJONI TAL-KOMUNITAJIET EWROPEJ,

Wara li kkunsidrat id-Direttiva 2005/32/KE u b’mod partikolari Artikolu 18 tagħha,

Wara li kkunsidrat ir-regoli standard ta’ proċedura ppubblikati mill-Kummissjoni,

ADDOTTAT IR-REGOLI TA’ PROĊEDURA LI ĠEJJIN:

Artikolu 1

Sejħiet għal-laqgħat

1.   Il-laqgħat tal-Forum jissejħu mill-President.

2.   Jistgħu jsiru laqgħat konġunti tal-Forum ma’ gruppi oħrajn sabiex jiġu diskussi l-kwistjonijiet li jaqgħu taħt l-oqsma ta’ responsabbiltà rispettivi tagħhom.

Artikolu 2

Aġenda

1.   Il-President għandu jfassal l-aġenda u jissottomettiha lill-Forum.

2.   L-aġenda għandha tiddistingwi bejn:

(a)

konsultazzjoni tal-partijiet interessati fil-Forum dwar:

—

elaborazzjoni u l-emenda tal-pjan ta’ ħidma, f’konformità ma’ l-Artikolu 16(1) tad-Direttiva 2005/32/KE;

—

id-definizzjoni u r-reviżjoni tal-miżuri implimentati, f’konformità ma’ l-Artikoli 16(2) u 18 tad-Direttiva 2005/32/KE;

—

L-eżami ta’ l-effettività tal-mekkaniżmi stabbiliti li jissorveljaw is-suq, f’konformità ma’ l-Artikolu 18 tad-Direttiva 2005/32/KE;

—

il-valutazzjoni ta’ ftehim volontarju u miżuri oħrajn ta’ awto-regolamentazzjoni, f’konformità ma’ l-Artikolu 18 tad-Direttiva 2005/32/KE;

—

ir-reviżjoni ta’ l-effettività tad-Direttiva u tal-miżuri implimentattivi tagħha, il-limitu tal-miżuri implimentattivi, il-mekkaniżmi ta’ sorveljanza tas-suq u kwalunkwe awto-regolazzjoni relevanti stimulata, f’konformità ma’ l-Artikolu 23 tad-Direttiva 2005/32/KE;

(b)

kwistjonijiet oħra mressqa lill-Forum għal-fini ta’ tagħrif jew għal sempliċiment skambju ta’ opinjonijiet, sew fuq inizjattiva tal-President, jew fuq talba miktuba ta’ membru tal-Forum, soġġetta għall-aċċettazzjoni tal-President.

3.   L-aġenda għandha tkun adottata mill-Forum fil-bidu tal-laqgħa.

Artikolu 3

It-trażmissjoni ta’ dokumenti lill-membri tal-Forum

1.   Il-President għandu jibgħat l-istedina għal-laqgħa, l-aġenda u d-dokumenti ta’ ħidma li dwarhom il-partijiet interessati fil-Forum għandhom ikunu kkonsultati u xi dokumenti ta’ ħidma oħra lill-membri tal-Forum f’konformità ma’ l-Artikolu 12(2) mhux aktar tard minn xahar qabel id-data tal-laqgħa.

2.   Il-membri tal-Forum għandhom jagħtu dokumenti ta’ ħidma u dikjarazzjonijiet miktuba kumplimentari lill-President mhux aktar tard minn ġimgħa qabel id-data tal-laqgħa. Dawn id-dokumenti għandhom ikunu disponibbli għall-membri tal-Forum kif jaslu.

3.   F’sitwazzjonijiet urġenti, il-President jista’, fuq talba ta’ membru tal-Forum, jew b’inizjattiva tiegħu, iqassar il-limitu ta’ żmien għat-trasmissjoni msemmija fil-paragrafu 1 u 2 għall-ħamest ijiem kalendarji qabel id-data tal-laqgħa.

4.   Il-President jista’ jiddeċiedi li jagħmel d-dokumenti li joriġinaw u pprovduti minn partijiet interessati li mhumiex membri disponibbli bħala dokumenti ta’ ħidma tal-Forum.

Artikolu 4

Opinjonijiet fil-Forum

1.   Il-President għandu jinnota l-opinjonijiet espressi mir-rappreżentanti ta’ l-Istati Membri u l-partijiet interessati differenti fil-Forum.

2.   L-opinjonijiet tar-rappreżentanti ta’ l-Istati Membri u partijiet interessati jistgħu jieħdu wkoll il-formola ta’ dikjarazzjonijiet bil-miktub mibgħuta f’konformità ma’ l-Artikolu 3.

3.   Dikjarazzjonijiet miktuba kumplimentari, wara d-diskussjonijiet fil-Forum, għandhom jintbagħtu sa tliet ġimgħat wara d-data tal-laqgħa.

4.   Jekk meħtieġ, il-proċedura bil-miktub imniżżla fl-Artikolu 8 tista’ tiġi applikata.

Artikolu 5

Rappreżentazzjoni

1.   Sabiex jiżgura parteċipazzjoni bbilanċjata ta’ partijiet interessati relevanti fir-rigward ta’ kull grupp ta’ prodott diskuss, il-President jista’ jistieden partijiet interessati mhux membri biex jiddiskutu suġġetti ta’ aġenda speċifika f’ċerti laqgħat.

2.   Kull membru tal-Forum għandu jaħtar persuna waħda li tirrappreżentah fil-laqgħat tal-Forum u għalhekk tinforma lill-President. Bil-permess tal-President, ir-rappreżentanti maħtura jistgħu jkunu akkumpanjati minn esperti għall-ispejjeż tal-membru. Il-membri għandhom javżaw lill-President minn qabel, mill-inqas ġimagħtejn qabel id-data tal-laqgħa, bl-esperti li huma jixtiequ li jakkumpanjaw lir-rappreżentanti tagħhom. Jekk il-President ma jkollux oġġezzjoni għas-sehem ta’ l-espert mill-inqas ġimgħa qabel id-data tal-laqgħa, se jittieħed li l-permess ikun ingħata.

3.   Membru jista’ jirrappreżenta membri oħrajn. Il-membru rappreżentattiv għandu jipprovdi evidenza tal-kunsens tal-membri rappreżentattivi lill-President bil-miktub qabel il-laqgħa.

4.   Il-membri għandhom jiżguraw li l-partijiet interessati li huma jirrappreżentaw ikunu mgħarrfa kif xieraq dwar id-diskussjonijiet fil-Forum.

5.   Il-membri għandhom jiżguraw konsultazzjoni adegwata tal-partijiet interessati li huma jirrappreżentaw u jadottaw opinjonijiet rappreżentattivi.

Artikolu 6

Sottogruppi

Il-President jista’ joħloq sotto-gruppi sabiex jeżaminaw kwistjonijiet partikolari. Is-sotto-gruppi għandhom ikunu ppreseduti minn rappreżentant tal-Kummissjoni. Is-sottogruppi għandhom jirrappurtaw lura lill-Forum. Għal dan il-għan, jistgħu jaħtru relatur.

Artikolu 7

Dħul ta’ partijiet terzi

Il-President jista’ jiddeċiedi li jistieden partijiet terzi biex jattendu laqgħa u esperti biex jitkellmu dwar kwistjonijiet partikolari.

Artikolu 8

Proċedura bil-miktub

1.   Jekk meħtieġ, l-opinjonijiet ta’ l-Istati Membri u partijiet interessati tal-Forum jistgħu jingħataw bi proċedura bil-miktub. Għal dan il-għan, il-President għandu jibgħat lill-membri tal-Forum id-dokument(i) ta’ ħidma li dwaru/dwarhom qed jintalbu l-opinjonijiet ta’ l-Istati Membri u l-partijiet interessati tal-Forum, f’konformità ma’ l-Artikolu 12(2). Il-limitu tal-ħin għat-twassil tal-kummenti ma jistgħax ikun inqas minn 14-il ġurnata kalendarja u ma jistgħax jaqbeż xahar.

2.   F’każijiet ta’ urġenza, għandu japplika l-limitu tal-ħin previst fl-Artikolu 3 (3).

Artikolu 9

Is-Segretarjat

Is-segretarjat tal-Forum għandu jkun ipprovdut mill-Kummissjoni.

Artikolu 10

Il-Minuti tal-laqgħat

1.   Il-minuti ta’ kull laqgħa għandhom isiru taħt l-awspiċi tal-President u għandu jkun fihom, b’mod partikolari, l-opinjonijiet espressi fil-laqgħa dwar dokument(i) ta’ ħidma ppreparati mis-servizzi tal-Kummissjoni msemmija fl-Artikolu 2 (2a) u, fejn meħtieġ, l-opinjonijiet espressi dwar il-kwistjonijiet imsemmija fl-Artikolu 2 (2b). Lista ta’ referenza ta’ dikjarazzjonijiet bil-miktub relevanti, mibgħuta skond l-Artikolu 4 għandha tingħata f’anness separat. Il-minuti għandhom jintbagħtu lill-membri tal-Forum, u lil dawk mhux membri li pparteċipaw fil-laqgħa, fi żmien xahar.

2.   Il-membri tal-Forum għandhom jibagħtu xi kummenti li jista’ jkollhom dwar il-minuti lill-President bil-miktub fi żmien ġimagħtejn. Il-Forum għandu jkun infurmat b’dawn il-kummenti. Jekk ikun hemm xi nuqqas ta’ qbil, l-emenda proposta għandha tkun diskussa mill-Forum. Jekk in-nuqqas ta’ qbil jibqa’, l-emenda għandha titpoġġa bħala anness mal-minuti.

Artikolu 11

Ir-rassenja

F’kull laqgħa, il-President għandu jagħmel rassenja li tispeċifika l-isem ta’ kull parteċipant, l-organizzazzjoni li hu jew hi jagħmel/tagħmel parti minnha, u, fejn xieraq, il-parti interessata li hu jew hi jirrappreżenta/tirrappreżenta.

Artikolu 12

Korrispondenza

1.   Il-korrispondenza relatata mal-Forum għandha tkun indirizzata lill-Kummissjoni b’mezzi elettroniċi, għall-attenzjoni tal-President.

2.   Il-Korrispondenza għall-membri tal-Forum għandha tkun indirizzata lill-membri b’mezzi elettroniċi. Il-membri għandhom jaħtru lill-persuna(i) ta’ kuntatt li lihom għandha tintbagħat korrispondenza u jinformaw lill-President bil-miktub.

Artikolu 13

Il-protezzjoni tad-dejta personali

Kull ipproċessar ta’ dejta personali għall-għanijiet ta’ dawn ir-regoli ta’ proċedura għandu jkun konformi mar-Regolament (KE) Nru 45/2001.

Top