EUR-Lex Access to European Union law
This document is an excerpt from the EUR-Lex website
Document 32008D0413
2008/413/EC: Commission Decision of 26 May 2008 authorising the placing on the market of alpha-cyclodextrin as a novel food ingredient under Regulation (EC) No 258/97 of the European Parliament and of the Council (notified under document number C(2008) 1954)
2008/413/KE: Deċiżjoni tal-Kummissjoni tas- 26 ta' Mejju 2008 dwar l-awtorizzazzjoni għat-tqegħid fis-suq ta' l-alpha-cyclodextrin bħala ingredjent ġdid ta’ l-ikel skond ir-Regolament (KE) Nru 258/97 tal-Parlament Ewropew u tal-Kunsill (notifikata taħt id-dokument numru C(2008) 1954)
2008/413/KE: Deċiżjoni tal-Kummissjoni tas- 26 ta' Mejju 2008 dwar l-awtorizzazzjoni għat-tqegħid fis-suq ta' l-alpha-cyclodextrin bħala ingredjent ġdid ta’ l-ikel skond ir-Regolament (KE) Nru 258/97 tal-Parlament Ewropew u tal-Kunsill (notifikata taħt id-dokument numru C(2008) 1954)
ĠU L 146, 5.6.2008, p. 12–15
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
5.6.2008 |
MT |
Il-Ġurnal Uffiċjali ta’ l-Unjoni Ewropea |
L 146/12 |
DEĊIŻJONI TAL-KUMMISSJONI
tas-26 ta' Mejju 2008
dwar l-awtorizzazzjoni għat-tqegħid fis-suq ta' l-alpha-cyclodextrin bħala ingredjent ġdid ta’ l-ikel skond ir-Regolament (KE) Nru 258/97 tal-Parlament Ewropew u tal-Kunsill
(notifikata taħt id-dokument numru C(2008) 1954)
(It-test bil-Ġermaniż biss hu awtentiku)
(2008/413/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar ikel ġdid u l-ingredjenti ġodda ta’ l-ikel (1), u partikolarment l-Artikolu 7 tiegħu,
Billi:
(1) |
Fit-12 ta' Ottubru 2004 il-kumpanija Wacker Chemie għamlet talba lill-awtoritajiet kompetenti tal-Belġju biex tqiegħed l-alpha-cyclodextrin fis-suq bħala ingredjent ġdid għall-ikel. |
(2) |
Fid-29 ta’ Ġunju 2005 l-istituzzjoni kompetenti għall-valutazzjoni ta’ l-ikel tal-Belġju ħarġet ir-rapport inizjali tagħha ta’ valutazzjoni. F’dan ir-rapport intlaħqet il-konklużjoni li l-alpha-cyclodextrin huwa sigur għall-konsum mill-bniedem. |
(3) |
Il-Kummissjoni għaddiet ir-rapport ta' valutazzjoni inizjali lill-Istati Membri kollha fit-28 ta' Settembru 2005. |
(4) |
Fi żmien il-perjodu ta' sittin jum stipulat fl-Artikolu 6(4) tar-Regolament (KE) Nru 258/97 issemmew oġġezzjonijiet motivati għat-tqegħid fis-suq tal-prodott skond din id-dispożizzjoni. |
(5) |
Għalhekk l-Awtorità Ewropea dwar is-Sikurezza Alimentari (EFSA) ġiet ikkonsultata fit-28 ta’ Ottubru 2006. |
(6) |
Fis-6 ta' Lulju 2007 l-EFSA adottat l-“Opinjoni tal-Bord Xjentifiku dwar il-Prodotti tad-dieta, in-Nutrizzjoni u l-Allerġiji fuq talba tal-Kummissjoni marbuta mas-sigurtà ta' l-alpha-cyclodextrin”. |
(7) |
Fl-opinjoni l-bord wasal għall-konklużjoni li m'hemmx tħassib tas-sigurtà fuq il-livelli ta' użu proposti u l-konsum antiċipat għall-alpha-cyclodextrin. |
(8) |
Fuq il-bażi tal-valutazzjoni xjentifika, ġie stabbilit li l-alpha-cyclodextrin huwa konformi mal-kriterji stabbiliti fl-Artikolu 3(1) tar-Regolament (KE) Nu 258/97. |
(9) |
Il-miżuri stipulati f'din id-Deċiżjoni huma fi qbil ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-Alpha-Cyclodextrin kif speċifikat fl-Anness jista' jitqiegħed fis-suq tal-Komunità bħala ingredjent ġdid għall-ikel.
Artikolu 2
Il-marka “alpha-cyclodextrin” jew “α-cyclodextrin” għandha tintwera fil-lista ta' ingredjenti ta' l-ikel li jkun fihom dan l-ingredjent.
Artikolu 3
Din id-Deċiżjoni hija indirizzata lil Wacker, Consortium für elektrochemische Industrie GmbH, Zielstattstrasse 20, D–81379 München.
Magħmula fi Brussell, 26 ta’ Mejju 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 43, 14.2.1997, p. 1. Ir-Regolament kif l-aħħar emendat bir-Regolament (KE) Nru 1882/2003 (ĠU L 284, 31.10.2003, p. 1).
ANNESS
SPEĊIFIKAZZJONIJIET TA' L-ALPHA-CYCLODEXTRIN
Sinonimi
α-cyclodextrin, α-dextrin, cyclohexaamylose, cyclomaltohexaose, α-cycloamylose
Definizzjoni
Non-reducing cyclic saccharide li jikkonsisti f'sitt unitajiet α-1,4-linked D-glucopyranosyl prodotti bl-azzjoni tas-cyclodextrin glucosyltransferase (CGTase, EC 2.4.1.19) fuq lamtu idrolizzat. L-irkupru u l-ippurifikar ta' l-α-cyclodextrin jistgħu jsiru b'waħda minn dawn il-proċeduri: preċipitazzjoni ta' l-α-cyclodextrin kumpless b'1-decanol, dissoluzzjoni fl-ilma f'temperatura elevata u re-preċipitazzjoni, steam-stripping tal-complexant, u kristalizzazzjoni ta' l-α-cyclodextrin mit-taħlita; jew kromatografija b'ion-exchange jew filtrazzjoni b'ġell wara kristalizzazzjoni ta' α-cyclodextrin mil-likwidu ewlieni purifikat; jew metodu għas-separazzjoni tal-membrani bħal ultra-filtrazzjoni jew reverse osmosis.
Isem kimiku
Cyclohexaamylose
Numru CAS
10016-20-3
Formula Kimika
(C6H10O5)6
Formula strutturali
Piż tal-formula
972,85
Analiżi kimika
Mhux anqas minn 98 % (fuq bażi ta' tnixxif)
Deskrizzjoni
Prattikament bla riħa, solidu kristalizzat abjad jew kważi abjad.
Karatteristiċi
Identifikazzjoni
Medda ta’ tidwib |
Jiddikomponi f'temperatura ogħla minn 278 °C |
Solubilità |
Jinħall liberament fl-ilma; jinħabba ħafna fl-etanol |
Rotazzjoni speċifika |
[α]D 25: Bejn +145o u +151o (1 % taħlita) |
Il-kromatografija |
Il-ħin taż-żamma għall-quċċata massima tal-kromatogramma likwida tal-kampjun jikkorrispondi għal dak ta' l-α-cyclodextrin f'kromatogramma ta' referenza α-cyclodextrin (disponibbli mill-Consortium für Elektrochemische Industrie GmbH, München, Germany jew Wacker Biochem Group, Adrian, MI, USA) permezz tal-kundizzjonijiet deskritti fil-METODU TA' KEJL |
Purità
L-ilma |
Mhux aktar minn 11 % (metodu Karl Fischer) |
Residual complexant |
Mhux iktar minn 20 mg/kg |
(1-decanol) |
|
Sustanzi ta’ riduzzjoni |
Mhux aktar minn 0,5 % (bħala glukożju) |
Irmied sulfinat |
Mhux iktar minn 0,1 % |
Ċomb |
Mhux iktar minn 0,5 mg/kg |
Metodu ta' kejl
Iddetermina l-kromatografija likwida billi tuża l-kundizzjonijiet li ġejjin.
Soluzzjoni tal-kampjun: Iżen eżatt madwar 100mg tal-kampjun għall-ittestjar f'volumetric flask ta' 10ml u żid 8 ml ta' ilma deionized. Ħoll il-kampjun kompletament billi tuża ultra-sonification bath (10 – 15 min) u ħoll sal-marka b'ilma deionized purifikat. Iffiltra minn filtru ta' 0,45-mikrometru
Soluzzjoni ta' referenza: Iżen eżatt madwar 100mg ta' α-cyclodextrin f'volumetric flask ta' 10ml u żid 8 ml ta' ilma deionized. Ħoll il-kampjun kompletament billi tuża ultra-sonification bath u ħoll sal-marka b'ilma deionized purifikat.
Kromatografija: Kromatografija likwida mgħammra b'refractive index detector u rekorder integrat.
Kolonna u ppakkjar Nucleosil-100-NH2 (10 μm) (Macherey & Nagel Co. Düren, Germany) jew simili.
Tul: 250 mm
Dijametru: 4 mm
Temperatura: 40 °C
Fażi mobbli: acetonitrile/ilma (67/33, v/v)
Rata tal-fluss: 2,0 ml/min
Volum ta' injezzjoni: 10 μl
Proċedura: Injetta s-soluzzjoni kampjun fil-kromatografu, irrekordja l-kromatogramma, u kejjel iż-żona tal-quċċata α-CD. Ikkalkula l-perċentwali ta' l-α-cyclodextrin fil-kampjun tat-test kif ġej:
% α-cyclodextrin (bażi niexfa) = 100 × (AS/AR) (WR/WS)
fejn:
|
As u AR huma ż-żoni tal-quċċata dovuti għal α-cyclodextrin għas-soluzzjoni kampjun u soluzzjoni ta' referenza, rispettivament. |
|
Ws u WR huma l-piż (mg) tal-kampjun tat-test u r-referenza α-cyclodextrin, rispettivament, wara li jiġi korrett il-kontenut ta' l-ilma. |