30.5.2008   

MT

Il-Ġurnal Uffiċjali ta’ l-Unjoni Ewropea

L 140/19

(1)

Fis-26 ta’ Frar 2007 l-Italja adottat il-Liġi Nru 17/2007 (2), li tinkludi l-Artikolu, is-subparagrafu 4a tiegħu li jtawwal l-applikazzjoni għal skema ta’ għajnuna reġjonali li tipprovdi krediti ta’ taxxa awotomatiċi għal investimenti ġodda fiż-żoni assistiti ta’ l-Italja, li kienu approvati mill-Kummissjoni (3) fl-2001 u fl-2002 u li skadew fil-31 ta’ Diċembru 2006.

(2)

Permezz ta’ ittra ddatata s-7 ta’ Marzu 2007 (D/50987), il-Kummissjoni talbet lill-awtoritajiet Taljani biex jibagħtulha l-informazzjoni fir-rigward ta’ l-Artikolu, is-subparagrafu 4a, tal-Liġi Nru 17/2007. L-awtoritajiet Taljani wieġbu lill-Kummissjoni b’ittra rreġistrata lill-Kummissjoni ddatata d-19 ta’ Marzu 2007 (A/32387).

(3)

Bl-ittra ddatata l-10 ta’ Lulju 2007 (4), il-Kummissjoni infurmat lill-Italja bid-deċiżjoni tagħha biex tibda proċedura ta’ investigazzjoni formali skond l-Artikolu 88 (2) tat-Trattat tal-KE fir-rigward tal-miżura skond l-Artikolu, is-subparagrafu 4a tal-Liġi Nru 17/2007.

(4)

Id-Deċiżjoni tal-Kummissjoni li tinbeda l-proċedura ġiet ippubblikata fil-Ġurnal Uffiċjali ta’ l-Unjoni Ewropea  (5). Il-Kummissjoni talbet lill-partijiet interessati biex jibagħtu l-kummenti tagħhom dwar il-mizura kkonċernata.

(5)

Il-Kummissjoni ma rċeviet l-ebda kumment mill-partijiet interessati.

(6)

Bl-ittra ddatata l-24 ta’ Lulju 2007 rreġistarata lill-Kummissjoni fil-25 ta’ Lulju 2007, il-Kummissjoni kienet infurmata bil-ħsieb ta’ l-awtoritajiet Taljani li jħassru l-miżura kkonċernata. Permezz ta’ e-mail tad-9 ta’ Ottubru 2007, l-awtoritajiet Taljani kkonfermaw l-intenzjoni tagħhom u bagħtu abbozz ta’ dispożizzjoni legali li tħassar il-miżura kkonċernata.

(7)

Fit-23 ta’ Novembru 2007, il-Kummissjoni talbet lill-awtoritajiet Taljani biex jippreżentaw dispożizzjoni finali li tħassar il-miżura kkonċernata.

(8)

L-awtoritajiet Taljani ppreżentaw id-dispożizzjoni finali li tħassar l-Artikolu 4, is-subparagrafu 4a tal-Liġi Nru 17/2007 permezz ta’ ittra li ġiet irreġistrata mill-Kummissjoni fil-15 ta’ Jannar 2008.

(9)

L-għan tal-miżura kien biex ittawwal il-perjodu li matulu l-ispiża għall-investiment taħt skema għall-għajnuna reġjonali approvata, li tiskadi fil-31 ta’ Diċembru 2006, setgħet tinfetaħ.

(10)

Skond l-iskema għall-għajnuna reġjonali (N646/a/2000), li kellha l-għan li tippromwovi l-iżvilupp fir-reġjuni Taljani eleġibbli għall-għajnuna reġjonali skond il-pjan għall-għajnuna reġjonali għall-perjodu 2000-2006 (6) u li skadiet fil-31 ta’ Diċembru 2006, il-benefiċjarju kiseb id-dritt legali għal kreditu tat-taxxa billi wettaq investiment nett pożittiv li kien stabbilit fuq il-bażi ta’ approċċ għall-kontabbiltà għall-ispejjeż eleġibbli li saru qabel l-1 ta’ Jannar 2007. L-iskema oriġinali kienet emendata fl-2002 bl-introduzzjoni ta’ mekkaniżmu ta’ riżerva baġitarja (budgetary-cap) li jinħtieġ li l-benefiċjarju japplika għal riżerva ta’ fondi mingħand l-awtoritajiet tat-taxxa. L-emenda ma bidlitx id-data ta’ l-iskadenza għall-iskema, u anqas ma bidlet il-limitazzjonijiet għall-ispiża li saret qabel l-2007.

(11)

Billi adottaw l-Artikolu 4, is-subparagrafu 4a tal-Liġi Nru 17 tas-26 ta’ Frar 2007, l-awtoritajiet Taljani estendew il-perjodu li bih l-ispiża setgħet issir sa l-2008.

(12)

Il-Kummissjoni tirreferi għat-Taqsimiet 4.1 u 4.2 tad-deċiżjoni tagħha biex tibda l-proċedura formali għall-investigazzjoni.

(13)

Fl-24 ta’ Lulju 2007 l-awtoritajiet Taljani infurmaw lill-Kummissjoni bil-ħsieb tagħhom li jneħħu l-miżura.

(14)

Fid-9 ta’ Ottubru 2007 l-awtoritajiet Taljani żguraw lill-Kummissjoni li l-miżura titneħħa permezz ta’ l-Artikolu 3, is-subparagrafu 18 tal-Liġi dwar il-Baġit, 2008 approvata mill-Kunsill tal-Ministri fit-28 ta’ Settembru 2007.

(15)

B’segwitu għat-talba tal-Kummissjoni biex tkun sottomessa d-dispożizzjoni definittiva adottata li tneħħi l-miżura, fil-15 ta’ Jannar l-awtoritajiet Taljani bagħtu lill-Kummissjoni t-test ta’ l-Artikolu 1, is-subparagrafu 65 tal-Liġi dwar il-Baġit l-2008 (7) li biha ġie mħassar l-Artikolu 4, is-subparagrafu 4a tal-Liġi Nru 17 tas-26 ta’ Frar 2007.

(16)

L-Artikolu 1, is-subparagrafu 65, tal-Liġi tal-Baġit 2008 iħassar l-emendi għall-iskema legali oriġinali imdaħħla bl-Artikolu 4, is-subparagrafu 4a, tal-Liġi Nru 17/2007, jiġifieri b’hekk tneħħiet il-possibiltà li jittawwal iż-żmien għan-nefqa eleġibbla għall-investiment sa l-2008. Barra minn hekk, l-Artikolu 1, subparagrafu 65 tal-Liġi dwar il-Baġit 2008 jipprovdi wkoll għall-allokazzjoni mill-ġdid ta’ l-approprjazzjonijiet baġitarji tal-miżura (8).

(17)

Minħabba li l-kreditu ta’ taxxa akkumulat b’rabta ma’ l-ispejjeż eleġibbli li saru fl-2007 jista’ jiġi mitlub b’mod definittiv fil-mument tad-dikjarazzjoni fiskali għall-2007, fl-2008, fil-mument li din id-dikjarazzjoni tat-taxxa trid tkun sottomessa lill-aġenzija fiskali, ma jeżistu l-ebda bażi legali jew baġit għall-kreditu tat-taxxa.

(18)

Għalhekk il-miżura saret nulla u bla effett, u l-ebda kreditu tat-taxxa ma jista’ jingħata għall-ispejjeż li saru waru l-2006 fuq il-bażi tad-dispożizzjoni adottata mill-Artikolu 4, is-subparagrafu 4a tal-Liġi 17/2007.