Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32007R1034

    Regolament tal-Kummissjoni (KE) Nru 1034/2007 tas- 7 ta’ Settembru 2007 li jistabbilixxi projbizzjoni tas-sajd għall-merluzz fiż-żona VI ta' l-ICES; fl-ilmijiet tal-KE taż-żona Vb; fl-ilmijiet tal-KE u Internazzjonali taż-żoni XIIa u XIV minn bastimenti li jtajru l-bandiera Franċiża

    ĠU L 236, 8.9.2007, p. 3–4 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document No longer in force, Date of end of validity: 31/12/2007

    ELI: http://data.europa.eu/eli/reg/2007/1034/oj

    Date of document:
    07/09/2007
    Date of effect:
    24/07/2007; Applikazzjoni Ara Anness
    Date of effect:
    09/09/2007; Dħul fis-seħħ Data tal-pubblikazzjoni + 1 Ara Art. 3
    Date of end of validity:
    31/12/2007; Perjodu ta’ referenza + 2007
    Author:
    Il-Kummissjoni Ewropea
    Form:
    Regolament
    Treaty:
    Trattat li jistabbilixxi l-Komunità Ewropea
    Legal basis:
    Link
    Link
    Link
    Select all documents mentioning this document
    Instruments cited:
    Link

    8.9.2007   

    MT

    Il-Ġurnal Uffiċjali ta’ l-Unjoni Ewropea

    L 236/3

    REGOLAMENT TAL-KUMMISSJONI (KE) Nru 1034/2007

    tas-7 ta’ Settembru 2007

    li jistabbilixxi projbizzjoni tas-sajd għall-merluzz fiż-żona VI ta' l-ICES; fl-ilmijiet tal-KE taż-żona Vb; fl-ilmijiet tal-KE u Internazzjonali taż-żoni XIIa u XIV minn bastimenti li jtajru l-bandiera Franċiża

    IL-KUMMISSJONI TAL-KOMUNITAJIET EWROPEJ,

    Waqt li kkunsidrat it-Trattat li jistabbilixxi l-Komunità Ewropea,

    Waqt li kkunsidrat ir-Regolament (KE) Nru 2371/2002 ta' l-20 ta' Diċembru 2002 dwar il-konservazzjoni u l-isfruttar sostenibbli ta' riżorsi tas-sajd skond il-Politika Komuni tas-Sajd (1), u b'mod partikolari l-Artikolu 26(4) tiegħu,

    Wara li kkunsidrat ir-Regolament tal-Kunsill (KEE) Nru 2847/93 tat-12 ta' Ottubru 1993 li jistabbilixxi sistema ta’ kontroll li tapplika għall-politika komuni tas-sajd (2), u b'mod partikolari l-Artikolu 21(3) tiegħu,

    Billi:

    (1)

    Ir-Regolament tal-Kunsill (KE) Nru 41/2007 tal-21 ta' Diċembru 2006 li jistabbilixxi għall-2007 l-opportunitajiet ta' sajd u l-kundizzjonijiet assoċjati magħhom għal ċerti ħażniet (stokkijiet) ta' ħut u gruppi ta' ħażniet ta' ħut, applikabbli fl-ilmijiet tal-Komunità, u għal bastimenti Komunitarji, f'ilmijiet fejn huma meħtieġa limiti ta' qbid (3), jistabbilixxi l-kwoti għall-2007.

    (2)

    Skond l-informazzjoni li rċeviet il-Kummissjoni, il-qabdiet ta' l-istokk imsemmi fl-Anness għal dan ir-Regolament mill-bastimenti li jtajru l-bandiera ta' l-Istat Membru msemmi hemmhekk, jew li huma rreġistrati fih, eżawrixxew il-kwota allokata għall-2007.

    (3)

    Jeħtieġ għalhekk li s-sajd għal dak l-istokk kif ukoll iż-żamma tiegħu fuq il-bastimenti, it-trasbord u l-ħatt tiegħu l-art, jiġu pprojbiti,

    ADOTTAT DAN IR-REGOLAMENT:

    Artikolu 1

    Eżawriment tal-kwota

    Il-kwota tas-sajd allokata għall-Istat Membru msemmi fl-Anness għal dan ir-Regolament għall-istokk imsemmi hemmhekk għall-2007 għandha titqies bħala eżawrita mid-data stipulata f’dak l-Anness.

    Artikolu 2

    Projbizzjonijiet

    Is-sajd għall-istokk imsemmi fl-Anness għal dan ir-Regolament minn bastimenti li jtajru l-bandiera ta’ l-Istat Membru msemmi hemmhekk jew li huma rreġistrati fih għandu jiġi pprojbit mid-data stipulata f’dak l-Anness. Għandu jkun ipprojbit li t-tali stokk maqbud minn dawk il-bastimenti wara dik id-data jinżamm fuq il-bastimenti, jiġi ttrasbordat jew jinħatt l-art.

    Artikolu 3

    Dħul fis-seħħ

    Dan ir-Regolament għandu jidħol fis-seħħ l-għada tal-pubblikazzjoni tiegħu fil-Ġurnal Ufficjali ta' l-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, 7 ta’ Settembru 2007.

    Għall-Kummissjoni

    Fokion FOTIADIS

    Direttur Ġenerali għas-Sajd u l-Affarijiet Marittimi

    (1)  ĠU L 358, 31.12.2002, p. 59.

    (2)  ĠU L 261, 20.10.1993, p. 1. Ir-Regolament kif emendat l-aħħar bir-Regolament (KE) Nru 1967/2006 (ĠU L 409, 30.12.2006, p. 11); verżjoni ikkoreġuta ĠU L 36, 8.2.2007, p. 6.

    (3)  ĠU L 15, 20.1.2007, p. 1. Ir-Regolament kif emendat l-aħħar bir-Regolament (KE) Nru 898/2007 (ĠU L 196, 28.7.2007, p. 22).

    ANNESS

    Nru

    29

    Stat Membru

    Franza

    Stokk

    COD/561214

    Speċi

    Merluzz (Gadus morhua)

    Żona

    Iż-żona VI ta' l-ICES; l-ilmijiet tal-KE taż-żona Vb; l-ilmijiet tal-KE u Internazzjonali taż-żoni XIIa u XIV

    Data

    24 ta’ Lulju 2007
    Top