EUR-Lex Access to European Union law
This document is an excerpt from the EUR-Lex website
Document 32007D0505
2007/505/EC: Commission Decision of 24 January 2007 on the State aid: investment in an on-site environmental sugar beet cleaning method (demonstration project) (notified under document number C(2007) 121)
2007/505/KE: Deċiżjoni tal-Kummissjoni ta’ l- 24 ta’ Jannar 2007 dwar l-għajnuna mill-Istat Investimenti fil-proġett ambjentali ta’ dimostrazzjoni Valorizzazzjoni tar-residwi fil-produzzjoni taz-zokkor (notifikata taħt id-dokument numru C(2007) 121)
2007/505/KE: Deċiżjoni tal-Kummissjoni ta’ l- 24 ta’ Jannar 2007 dwar l-għajnuna mill-Istat Investimenti fil-proġett ambjentali ta’ dimostrazzjoni Valorizzazzjoni tar-residwi fil-produzzjoni taz-zokkor (notifikata taħt id-dokument numru C(2007) 121)
ĠU L 186, 18.7.2007, p. 35–35
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
18.7.2007 |
MT |
Il-Ġurnal Uffiċjali ta’ l-Unjoni Ewropea |
L 186/35 |
DEĊIŻJONI TAL-KUMMISSJONI
ta’ l-24 ta’ Jannar 2007
dwar l-għajnuna mill-Istat Investimenti fil-proġett ambjentali ta’ dimostrazzjoni “Valorizzazzjoni tar-residwi fil-produzzjoni taz-zokkor”
(notifikata taħt id-dokument numru C(2007) 121)
(Il-verżjoni bil-Ġermaniż biss hija awtentika)
(2007/505/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi il-Komunità Ewropea, u b’mod partikolari l-Artikolu 88(2) tiegħu,
Wara li talbet għall-kummenti mill-partijiet interessati skond l-Artikolu l-imsemmi (1),
Billi:
I. IL-PROĊESS
(1) |
Permezz ta’ ittra tas-6 ta’ Mejju 1998, li waslet fil-11 ta’ Mejju 1998, il-Ġermanja nnotifikat l-għajnuna skond l-Artikolu 88(3) tat-Trattat tal-KE. Ingħatat ukoll informazzjoni addizzjonali permezz ta’ ittri tat-22 ta’ Settembru 1998, il-5 ta’ Mejju 1999 u d-19 ta’ Awwissu 1999, li waslu rispettivament fit-28 ta’ Settembru 1998, is-7 ta’ Mejju 1999 u l-24 ta’ Awwissu 1999. |
(2) |
Permezz ta’ ittra Nru SG(99) D/8600 tas-27 ta’ Ottubru 1999, il-Kummissjoni fetħet il-proċedura formali ta’ investigazzjoni skond l-Artikolu 88(2) tat-Trattat tal-KE. Il-Ġermanja għamlet l-osservazzjonijiet tagħha dwar dan permezz ta’ ittra tal-15 ta’ Marzu 2000. Il-Kummissjoni ma rċeviet l-ebda osservazzjoni mingħand partijiet terzi interessati. L-awtoritajiet Ġermaniżi kkomunikaw tagħrif addizzjonali lill-Kummissjoni permezz ta’ ittra tas-16 ta’ Awwissu 2006. |
(3) |
Permezz ta’ ittra tas-16 ta’ Awwissu 2006, il-Ġermanja għarrfet lill-Kummissjoni li kienet qiegħda tirtira l-miżura nnotifikata. Barra minn hekk, fuq talba tal-Kummissjoni, il-Ġermanja kkonfermat li ma kinitx tħallset għajnuna ta’ investiment. |
II. KONKLUŻJONI
(4) |
Sad-data li fiha rċeviet in-notifika min-naħa tal-Ġermanja, il-Kummissjoni ma kinitx adottat deċiżjoni formali dwar in-notifika kkonċernata. F’dawn iċ-ċirkustanzi, hija tilqa’ l-irtirar tan-notifika fis-sens ta’ l-Artikolu 8(1) tar-Regolament tal-Kunsill (KE) Nru 659/1999 tat-22 ta’ Marzu 1999 li jistabbilixxi regoli dettaljati għall-applikazzjoni ta’ l-Artikolu 93 tat-Trattat tal-KE (2). |
(5) |
Għaldaqstant għandu jintemm il-proċess formali ta’ investigazzjoni skond l-Artikolu 8(2) tar-Regolament (KE) Nru 659/1999, ġaladarba dan issa ma għadx hemm loku. |
ADOTTAT DIN ID-DEĊIŻJONI:
Artikolu 1
Il-proċess formali ta’ investigazzjoni dwar għajnuna għall-investiment fl-ammont ta’ DEM 348 930 għas-sistema ta’ tindif u filtrazzjoni favur il-fabbrika taz-zokkor Nordkristall GmbH f’Güstrow (Mecklenburg-Vorpommern) għandu jintemm skond l-Artikolu 8(2) tar-Regolament (KE) Nru 659/1999.
Artikolu 2
Din id-Deċiżjoni hija indirizzata lir-Repubblika Federali tal-Ġermanja.
Magħmul fi Brussell, 24 ta’ Jannar 2007.
Għall-Kummissjoni
Mariann FISCHER BOEL
Membru tal-Kummissjoni
(1) ĠU C 359, 11.12.1999, p. 27.
(2) ĠU L 83, 27.3.1999, p. 1. Ir-Regolament kif emendat l-aħħar bir-Regolament (KE) Nru 1791/2006 (ĠU L 363, 20.12.2006, p. 1).