EUR-Lex Access to European Union law
This document is an excerpt from the EUR-Lex website
Document 32007A0621(01)
Commission opinion of 20 June 2007 on the follow-up given to the Commission opinion C(2005) 1694 final of 9 June 2005 on interim measures taken by the government of Denmark in respect of high velocity pressure/vacuum relief valves model NEW-ISO-HV manufactured by TANKTECH Co. in the Republic of Korea (Text with EEA relevance)
Opinjoni tal-Kummissjoni ta' l- 20 ta' Ġunju 2007 dwar is-segwitu għall-opinjoni tal-Kummissjoni C(2005)1694 finali tad- 9 ta' Ġunju 2005 fuq il-miżuri temporanji li ttieħdu mill-gvern tad-Danimarka fir-rigward ta' valvijiet għar-rilaxx b'veloċità għolja ta' pressjoni/vakwums ( high velocity pressure/vacuum relief valves ) tal-mudell NEW-ISO-HV manifatturati mid-ditta TANKTECH Co. fir-Repubblika tal-Korea (Test b'rilevanza għaż-ŻEE)
Opinjoni tal-Kummissjoni ta' l- 20 ta' Ġunju 2007 dwar is-segwitu għall-opinjoni tal-Kummissjoni C(2005)1694 finali tad- 9 ta' Ġunju 2005 fuq il-miżuri temporanji li ttieħdu mill-gvern tad-Danimarka fir-rigward ta' valvijiet għar-rilaxx b'veloċità għolja ta' pressjoni/vakwums ( high velocity pressure/vacuum relief valves ) tal-mudell NEW-ISO-HV manifatturati mid-ditta TANKTECH Co. fir-Repubblika tal-Korea (Test b'rilevanza għaż-ŻEE)
ĠU C 137, 21.6.2007, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
21.6.2007 |
MT |
Il-Ġurnal Uffiċjali ta’ l-Unjoni Ewropea |
C 137/1 |
OPINJONI TAL-KUMMISSJONI
ta' l-20 ta' Ġunju 2007
dwar is-segwitu għall-opinjoni tal-Kummissjoni C(2005)1694 finali tad-9 ta' Ġunju 2005 fuq il-miżuri temporanji li ttieħdu mill-gvern tad-Danimarka fir-rigward ta' valvijiet għar-rilaxx b'veloċità għolja ta' pressjoni/vakwums (high velocity pressure/vacuum relief valves) tal-mudell NEW-ISO-HV manifatturati mid-ditta TANKTECH Co. fir-Repubblika tal-Korea
(Test b'rilevanza għaż-ŻEE)
(2007/C 137/01)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 96/98/KE ta' l-20 ta' Diċembru 1996 dwar it-tagħmir marittimu (1), u b'mod partikolari l-Artikolu 13 tagħha,
Billi:
(1) |
fid-9 ta' Ġunju 2005 (2), il-Kummissjoni tat opinjoni fuq il-miżuri temporanji li ttieħdu mill-gvern tad-Danimarka fir-rigward ta' valvijiet għar-rilaxx b'veloċità għolja ta' pressjoni/vakwums mudell NEW-ISO-HV manifatturati mid-ditta TANKTECH Co. fir-Repubblika tal-Korea (minn issa 'l quddiem “il-manifattur”). |
(2) |
F'din l-opinjoni, il-Kummissjoni irrakkomandat li l-partijiet (jiġifieri l-Awtorità Marittima tad-Danimarka, il-manifattur, il-Gvern Franċiż bħala l-Istat Membru li għamel in-notifika u l-korp innotifikat li ħareġ iċ-ċerifikat ta' l-eżaminazzjoni tat-tip tal-KE f'isem dan ta' l-aħħar) jagħmlu flimkien test ġdid fuq kampjun rappreżentattiv ta' valvijiet ġodda tal-mudell NEW-ISO-HV ta' kull daqs f'laboratorju aċċettabbli għall-partijiet kollha skond l-istandards ta' ttestjar applikabbli, partikolarment l-istandard Ewropew EN12874:2001, bil-għan li jiġi ddeterminat jekk dan it-tip ta' valv jissodisfax ir-rekwiżiti minimi applikabbli f'kundizzjonijiet normali ta' operat tal-bastiment. |
(3) |
Mudell ġdid tal-valvijiet, jiġifieri s-serje U-ISO, ħa post is-serje NEW-ISO-HV li ma baqax jinbiegħ. Id-differenza bejn iż-żewġ mudelli hija modifika tal-mekkaniżmu check-lift li saret biex jiġu indirizzati l-oġġezzjonijiet ta' l-awtoritajiet Daniżi dwar it-tħaddim sikur ta' dan il-mekkaniżmu. |
(4) |
Wara li nbidel il-mudell, iċ-ċertifikat ta' approvazzjoni tat-tip 11582/A2 EC li kien ikopri l-mudell NEW-ISO-HV ma ġiex imħassar, iżda skada fid-19 ta' Marzu 2007 u għalhekk ma għandux jiġi mġedded. |
(5) |
It-testijiet, li saru fuq il-mudell NEW-ISO-HV fil-laboratorju PTB (fil-Ġermanja) u fil-laboratorju KIMM (fil-Korea t'Isfel) wara li l-Kummissjoni tat l-opinjoni tagħha, wrew li ma kien hemm ebda difett inerenti ieħor f'dan il-mudell. Madankollu, mit-testijiet ħareġ li l-arranġament tat-tagħmir għall-ittestjar kellu influwenza sinifikanti fuq ir-riżultati, li allura jenfasizza l-ħtieġa li l-valvijiet fuq il-bastimenti għandhom ikunu installati b'mod korrett. Għalhekk, huwa kruċjali li l-manifattur jgħaddi tagħrif eżawrjenti dwar l-imġiba u l-limitazzjonijiet fl-użu tal-valvijiet (b'mod partikolari kif jitolbu l-istandards applikabbli) lid-diżinjaturi ta' l-installazzjoni sabiex jiġu evitati t-twaħħil ħażin u l-possibbiltà konsegwenti ta' rendiment ħażin. |
(6) |
Il-manifattur ipprovda dokumenti li juru li huwa jagħmel kontrolli tal-produzzjoni eżawrjenti, fejn kull valv jiġi mkejjel fid-dettall u jsirulu testijiet ta' pressjoni/vakwu; dan it-tagħrif speċifiku jintbagħat ma' kull konsenja ta' valvijiet. |
(7) |
Wara li saru testijiet — fuq id-daqsijiet kollha (tmienja b'kollox) għall-kapaċità u għall-hammering, u fuq id-daqsijiet 80 u 150 għall-flashback, — fi Frar 2005 ġie maħruġ iċ-ċertifikat ta' approvazzjoni tat-tip Nru 14773/A0 (li wara ħadlu postu ċ-ċertifikat 14473/A) għall-mudell U-ISO mill-korp notifikat Bureau Veritas, li kien qed jaġixxi taħt l-awtorità tal-gvern Franċiż. |
(8) |
Il-bidliet li saru mill-mudell NEW-ISO-HV jistgħu jaffettwaw il-konformità mar-rekwiżiti jew il-kundizzjonijiet preskritti għall-użu tal-prodott u għalhekk, il-mudell il-ġdid jeħtieġ approvazzjoni oħra. Għalhekk, huwa meħtieġ l-ittestjar tad-daqsijiet kollha, li għandu jsir taħt il-kontroll ta' korp notifikat li jkun qed jaġixxi taħt l-awtorità ta' xi Stat Membru, sabiex ikun ipprovat li l-mudell il-ġdid U-ISO huwa konformi mal-ħtiġijiet tad-Direttiva. |
(9) |
Ladarba l-manifattur qabel li jagħmel dan, il-partijiet ftehmu li ċ-ċertifikat ta' approvazzjoni tat-tip attwali għandu jiġi sostitwit. Fir-rigward tal-valvijiet li ħarġu għall-bejgħ biċ-ċertifikat ta' approvazzjoni tat-tip attwali, il-partijiet jaqblu li l-ittestjar parzjali li sarilhom joffri ammont limitat ta' garanzija, tant li biex tiġi żgurata s-sikurezza kompletament biżżejjed li jsir kontroll individwali tal-kundizzjoni tal-valvijiet kollha li diġà twaħħlu fuq il-bastimenti. |
(10) |
Dan il-kontroll individwali għandu jsir bla dewmien u b'tali mod li kwalunkwe każi li jindikaw funzjonament ħażin — b'mod partikulari pressure peaks jew hammering—ikunu jistgħu jiġu rrappurtati mis-sidien u investigati sabiex tiġi determinata il-kawża tad-difett u jittieħdu l-miżuri meħtieġa. Il-manifattur qabel li jagħmel dan il-kontroll u li jirrapporta l-konklużjonijiet tiegħu lill-Kummissjoni u lill-partijiet l-oħra; fiż-żmien li l-Kummissjoni qed tagħti din l-opinjoni, hu mifhum li din il-proċedura diġà inbdiet. |
(11) |
Minbarra r-rakkomandazzjoni li saret mill-Kummissjoni lill-Istati Membri fl-opinjoni tagħha tad-9 ta' Ġunju 2005 fir-rigward ta' valvijiet tad-daqs 80 u manifatturati qabel il-31 ta' Diċembru 2002, ikun għaqli li jsir kontroll simili fuq valvijiet oħra tal-mudell NEW-ISO-HV li twaħħlu fuq bastimenti. Il-manifattur qabel li jagħmel dan il-kontroll u li jirrapporta l-konklużjonijiet tiegħu lill-Kummissjoni u lill-partijiet l-oħra; fiż-żmien li l-Kummissjoni qed tagħti din l-opinjoni, hu mifhum li din il-proċedura diġà inbdiet. |
(12) |
Il-manifattur qabel li fil-futur japplika il-moduli ta' valutazzjoni tal-konformità B (eżami tat-tip KE) u F (verifika tal-prodott). |
ADOTTAT DIN L-OPINJINI:
Artikolu 1
Il-partijiet segwew tajjeb l-opinjoni li l-Kummissjoni tat fid-9 ta' Ġunju 2005 u ħadu l-miżuri meħtieġa biex iħarsu s-sikurezza.
Artikolu 2
L-awtoritajiet Franċiżi, li ċ-ċertifikati attwali nħarġu taħt l-awtorità tagħhom, għandhom ir-responsabbiltà li jieħdu l-miżuri xierqa jekk l-ittestjar komplet fuq il-mudell U-ISO ma jsirx fi żmien għaqli jew jekk dan l-ittestjar jonqos milli juri konformità mar-rekwiżiti applikabbli.
Artikolu 3
Il-Kummissjoni tirrakkomanda illi:
(1) |
Kwalunkwe każijiet identifikati mill-manifattur li jistgħu jindikaw funzjonament ħażin ta' valvijiet mudelli NEW-ISO-HV u U-ISO li diġà twaħħlu fuq bastimenti għandhom jiġu rrappurtati minnufih mhux biss lill-Kummissjoni u lill-partijiet l-oħra kif miftiehem, iżda wkoll lill-Istat li l-bastiment itajjar il-bandiera tiegħu, tkun xi tkun il-bandiera tal-bastiment. |
(2) |
L-Istati Membri jagħmlu verifika simili fir-rigward ta' bastimenti li jtajru l-bandiera tagħhom u li jkunu mgħammra b'valvijiet għar-rilaxx b'veloċità għolja ta' pressjoni/vakwums ta' l-istess għamla, tkun xi tkun il-marka tagħhom, u jinvestigaw it-tali każijiet sabiex jiddeterminaw il-kawża probabbli. |
Magħmula fi Brussell, fl- 20 ta' Ġunju 2007
Għall-Kummissjoni
Jacques BARROT
Viċi-President
(1) ĠU L 46, 17.2.1997, p. 25. Id-Direttiva kif emendata l-aħħar mid-Direttiva 2002/84/KE tal-Parlament Ewropew u tal-Kunsill (ĠU L 324, 29.11.2002, p. 53).
(2) ĠU C 148, 18.6.2005, p. 4.