8.5.2007   

MT

Il-Ġurnal Uffiċjali ta’ l-Unjoni Ewropea

106

(1)

Skond id-Direttiva 2001/18/KE, it-tqegħid fis-suq ta' prodott li jkun fih jew ikun jikkonsisti minn organiżmu mmodifikat ġenetikament jew kombinazzjoni ta' organiżmi mmodifikati ġenetikament huwa suġġett għall-għoti ta' kunsens bil-miktub mill-awtoritajiet kompetenti ta' Stat Membru, skond il-proċedura stabbilita f'dik id-Direttiva.

(2)

Notifika li tikkonċerna t-tqegħid fuq is-suq ta' żewġ prodotti tal-qamħirrum modifikat ġenetikament (Zea mays L., line MON 863 u l-ibridu MON 863 x MON 810) tressqet minn Monsanto S.A. lill-awtoritajiet kompetenti tal-Ġermanja (Referenza C/DE/02/09). Ġie assenjat identifikatur uniku (MON-ØØ863-5xMON-ØØ81Ø-6) għall-qamħirrum MON 863 x MON 810 għall-għanijiet tar-Regolament (KE) Nru 1830/2003 tal-Parlament Ewropew u tal-Kunsill tat-22 ta' Settembru 2003 dwar ir-rintraċċabilità u t-tikkettjar ta' organiżmi modifikati ġenetikament u r-rintraċċabilità tal-prodotti ta' l-ikel u l-għalf magħmula minn organiżmi modifikati ġenetikament u li jemenda d-Direttiva 2001/18/KE (2) u r-Regolament tal-Kummissjoni (KE) Nru 65/2004 ta' l-14 ta' Jannar 2004 li jistabbilixxi sistema sabiex jiġu żviluppati u assenjati identifikaturi uniċi għall-organiżmi modifikati ġenetikament (3).

(3)

In-notifika oriġinalment kopriet l-importazzjoni u l-użu ta' kull xorta ta' qamħirrum inkluż bħala għalf, bl-eċċezzjoni ta' l-użu għall-ikel u l-koltivazzjoni fil-Komunità ta' varjetajiet idderivati mit-trasformazzjoni tal-MON 863 u ta' l-ibridu tal-MON 863 x MON 810.

(4)

Skond il-proċedura stipulata fl-Artikolu 14 tad-Direttiva 2001/18/KE, l-awtorità kompetenti tal-Ġermanja ħejjiet rapport evalwattiv, li nbagħat quddiem il-Kummissjoni f'April 2003. Il-Kummissjoni bagħtet notifika kompluta u rapport evalwattiv lill-Istati Membri l-oħra f'Mejju 2003. Dak ir-rapport evalwattiv jikkonkludi li ma ħarġu l-ebda raġunijiet li abbażi tagħhom il-kunsens għat-tqegħid fuq is-suq tal-MON 863 kif ukoll tal-MON 863 x MON 810 m'għandux jinħareġ, jekk jiġu sodisfatti ċerti kundizzjonijiet speċifiċi.

(5)

L-awtoritajiet kompetenti ta' l-Istati Membri oħra qajmu oġġezzjonijiet għat-tqegħid ta' l-MON 863 kif ukoll ta' l-MON 863 x MON 810l.

(6)

It-tqegħid fis-suq tal-qamħirrum MON 810 huwa awtorizzat skond id-Deċiżjoni tal-Kummissjoni tat-22 ta' April 1998 li tikkonċerna t-tqegħid fis-suq ta' qamħirrum modifikat ġenetikament (Zea mays L. line MON 810), skond id-Direttiva tal-Kunsill 90/220/KEE (4). It-tqegħid fis-suq tal-MON 863 huwa awtorizzat skond id-Deċiżjoni tal-Kummissjoni tat-8 ta' Awissu 2005 li tikkonċerna t-tqegħid fis-suq, skond id-Direttiva 2001/18/KE tal-Parlament Ewropew u tal-Kunsill, ta' prodott tal-qamħirrum (Zea mays L., line MON 863) li huwa ġenetikament modifikat għar-reżistenza kontra d-dudu ta' l-għeruq tal-qamħirrum (5).

(7)

Fit-2 ta' April 2004, l-Awtorità Ewropea għas-Sikurezza Alimentari kkunsidrat li huwa xjentifikament validu li tintuża data minn linji singoli tal-MON 863 u tal-MON 810 bħala appoġġ għall-valutazzjoni tas-sikurezza tal-MON 863 x MON 810, iżda ddeċidiet, fir-rigward tal-ħtieġa ta' data konfermatorja għall-valutazzjoni tas-sikurezza ta' l-ibridu nnifsu, li titlob studju sub kroniku ta' 90 ġurnata fuq il-ġrieden bl-ibridu tal-qamħirrum sabiex tlesti l-valutazzjoni tas-sikurezza tagħha.

(8)

L-opinjoni adottata fit-8 ta' Ġunju 2005 mill-Awtorità Ewropea għas-Sikurezza Alimentari, ikkonkludiet, mill-evidenza kollha pprovduta, li huwa improbabbli li l-MON 863 x MON 810 ikollu effetti ħżiena fuq is-saħħa tal-bniedem u ta' l-annimali jew fuq l-ambjent fil-kuntest ta' l-użu tiegħu li kien ġie propost. L-Awtorità Ewropea tas-Sikurezza Alimentari qieset ukoll li l-ambitu tal-pjan ta' monitoraġġ li ġie pprovdut mill-applikant huwa f'konformità ma' l-użi intenzjonati tal-MON 863 x MON 810.

(9)

Fit-8 ta' Lulju 2005, Monsanto Europe S.A. ftehmet li tillimita l-ambitu tad-Deċiżjoni preżenti għall-importazzjoni u l-ipproċessar. Tressqet applikazzjoni min-naħa tal-Monsanto għat-tqegħid fuq is-suq ta' prodotti ta' l-ikel u ta' l-għalf li fihom, li jikkonsistu minn, jew li huma prodotti mill-MON 863 x MON 810 skond ir-Regolament (KE) Nru 1829/2003 tal-Parlament Ewropew u tal-Kunsill tat-22 ta' Settembru 2003 dwar l-ikel u l-għalf modifikati ġenetikament (6).

(10)

Eżami ta' l-informazzjoni sottomessa fin-notifika, l-oġġezzjonijiet sostnuti mill-Istati Membri fil-qafas tad-Direttiva 2001/18/KE, u l-opinjoni ta' l-Awtorità Ewropea tas-Sikurezza Alimentari, ma wriet l-ebda raġuni li wieħed għandu jifhem li t-tqegħid fuq is-suq taż-Zea mays L. ibridu MON 863 x MON 810 jista' jaffettwa b'mod ħażin is-saħħa tal-bniedem jew ta' l-annimali jew l-ambjent.

(11)

Traċċi inċidentali jew teknikament inevitabbli ta' organiżmi modifikati ġenetikament fil-prodotti, huma eżentati mir-rekwiżiti ta' tikkettar u traċċabilità skond il-limiti stabbiliti taħt id-Direttiva 2001/18/KE u r-Regolament (KE) Nru 1829/2003.

(12)

Fid-dawl ta' l-opinjoni ta' l-Awtorità Ewropea għas-Sikurezza Alimentari, mhuwiex neċessarju li jiġu stabbiliti kundizzjonijiet speċifiċi għall-użi maħsuba fir-rigward ta' l-immaniġġar jew l-ippakkjar tal-prodott u l-protezzjoni ta' ekosistemi, ambjenti jew żoni ġeografiċi partikolari.

(13)

Qabel ma l-prodott jitqiegħed fis-suq, għandhom ikunu applikabbli l-miżuri neċessarji li jiżguraw it-tikkettar u t-traċċabilità tiegħu fl-istadji kollha tat-tqegħid tiegħu fis-suq, inkluża l-verifika permezz ta' metodoloġija ta' detezzjoni xierqa u vvalidata.

(14)

Il-miżuri previsti f'din id-Deċiżjoni mhumiex konformi ma' l-opinjoni tal-Kumitat stabbilit skond l-Artikolu 30 tad-Direttiva 2001/18/KE u għalhekk il-Kummissjoni ressqet proposta lill-Kunsill dwar dawn il-miżuri. Billi sa meta skada l-perjodu stipulat mill-Artikolu 30(2) tad-Direttiva 2001/18/KE, il-Kunsill għadu m'adottax il-miżuri proposti u lanqas għadu ma indika l-oppożizzjoni tiegħu lejhom, skond l-Artikolu 5(6) tad-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tal-poteri ta' l-implimentazzjoni mogħtija lill-Kummissjoni (7), il-miżuri għandhom ikunu adottati mill-Kummissjoni.

(a)

il-perjodu ta' validità tal-kunsens għandu jkun ta' 10 snin li jibdew mid-data meta jinħareġ il-kunsens;

(b)

l-uniku identifikatur tal-prodott għandu jkun MON-ØØ863-5xMON-ØØ81Ø-6;

(ċ)

mingħajr preġudizzju għall-Artikolu 25 tad-Direttiva 2001/18/KE, id-detentur tal-kunsens għandu, kull meta jintalab jagħmel dan, iqiegħed għad-dispożizzjoni ta' l-awtoritajiet kompetenti u s-servizzi ta' spezzjoni ta' l-Istati Membri kif ukoll tal-laboratoriji ta' kontroll tal-Komunità, kampjuni pożittivi u negattivi tal-prodott, jew tal-materjal ġenetiku tiegħu, jew tal-materjali riferenzjarji;

(d)

mingħajr preġudizzju għar-rekwiżiti speċifiċi ta' tikkettar stipulati bir-Regolament (KE) Nru 1829/2003 l-kelmiet “Dan il-prodott fih qamħirrum modifikat ġenetikament” jew “Dan il-prodott fih MON 863 x MON 810 modifikat ġenetikament” għandhom jidhru jew fuq it-tikketta inkella f'dokument li jakkumpanja l-prodott, ħlief fejn xi leġiżlazzjoni oħra tal-Komunità tistabbilixxi limitu li, jekk ma jinqabiżx, it-tali informazzjoni ma tkunx meħtieġa;

(e)

sakemm il-prodott ma jkunx għadu ġie awtorizzat sabiex jitqiegħed fis-suq għall-għan ta' kultivazzjoni, il-kelmiet “mhux għall-kultivazzjoni” għandhom jidhru jew fuq it-tikketta inkella f'dokument li jakkumpanja l-prodott.

(a)

li n-netwerks ta' monitoraġġ kif speċifikati fil-pjan ta' monitoraġġ inkluż fin-notifika jiġbru l-informazzjoni relevanti għall-monitoraġġ tal-prodott u

(b)

li l-membri ta' dawn in-netwerks ikunu qablu li jqiegħdu dik l-informazzjoni għad-dispożizzjoni tad-detentur tal-kunsens qabel id-data tas-sottomissjoni tar-rapporti ta' monitoraġġ lill-Kummissjoni u lill-awtoritajiet kompetenti ta' l-Istati Membri skond il-paragrafu 3.