6.10.2006   

MT

Il-Ġurnal Uffiċjali ta’ l-Unjoni Ewropea

279

(1)

Bir-Regolament (KE) Nru 76/2002 (3) tas-17 ta’ Jannar 2002, il-Kummissjoni bdiet is-sorveljanza Komunitarja minn qabel ta’ importazzjonijiet ta’ ċerti prodotti tal-ħadid u ta’ l-azzar li joriġinaw minn pajjiżi terzi. Dan ir-Regolament kien emendat mir-Regolament tal-Kummissjoni (KE) Nru 1337/2002 (4) ta’ l-24 ta’ Lulju 2002 sabiex ikabbar il-firxa tas-sorveljanza, u bir-Regolament tal-Kummissjoni (KE) 2385/2002 tat-30 ta’ Diċembru 2002 (5).

(2)

L-istatistika kummerċjali esterna tal-Komunità mhix disponibbli fi ħdan il-perjodi stabbiliti bir-Regolament tal-Kummissjoni (KE) Nru 1917/2000 (6).

(3)

Għalkemm is-sitwazzjoni nbidlet mid-dħul tas-sorveljanza fl-2002, żviluppi riċenti fis-suq dinji ta’ l-azzar xorta jeħtieġu sistema ta’ informazzjoni rapida u attendibbli dwar l-importazzjonijiet tal-Komunità fil-ġejjieni.

(4)

Sa mill-2003, is-suq Ċiniż kien il-mutur prinċipali taż-żjieda konsiderevoli fid-domanda għall-prodotti ta’ l-azzar. Madankollu, iċ-Ċina ilha żżid il-kapaċità ta’ produzzjoni tagħha b’pass verament mgħaġġel. Il-produzzjoni Ċiniża ta’ azzar mhux maħdum żdiedet minn 129 miljun tunnellata fis-sena 2000 għal 270 miljun tunnellata fl-2004, li għaddiet minn sehem ta’ produzzjoni dinjija ta’ 15.4 % għal 26.2 % matul l-istess perjodu, u kapaċitajiet ta’ produzzjoni ulterjuri qed jiġu miżjuda li jistgħu jwasslu lill-kapaċità ta’ produzzjoni Ċiniża sa 300 miljun tunnellata fl-2005. L-importazzjonijiet fiċ-Ċina ammontaw għal madwar 37 miljun tunnellata fl-2003 u 20 miljun tunnellata fl-2004. Għall-istess snin, l-esportazzjonijiet ammontaw għal 7 miljun tunnellata u 14-il miljun tunnellata. Importazzjonijiet netti għalhekk għaddew minn 30 miljun tunnellata fl-2003 għal 15-il miljun tunnellata fl-2004, b'dan il-mod 15-il miljun tunnellata aktar kienu għall-bejgħ u kellu jinstabilhom suq ieħor. Jista’ jiġi mbassar li fiċ-Ċina din it-tendenza ta’ tnaqqis fl-importazzjonijiet u żjieda fl-esportazzjoni se tkompli, u permezz ta dan titħalla tidħol fis-suq dinji żjieda konsiderevoli ta’ kwantitajiet ta’ prodotti ta’ l-azzar li jkunu qed ifittxu suq ġdid.

(5)

L-aktar statistika reċenti ta’ importazzjoni disponibbli għal erba’ tipi ta’ prodotti ewlenin, primarjament prodotti ċatti, prodotti twal, tubi u pajpijiet, u prodotti parzjalment mitmuma, juru żjieda annwali bejn l-2002 u l-2003 li tilħaq medja ta' 9 % kumplessivament imma tasal sa 23 % u 43 % rispettivament għal prodotti twal u parzjalment mitmuma. Bl-istess mod, jekk jintuża perjodu ta’ 10 xhur li jibda minn Jannar u jasal sa Ottubru, iż-żjieda fil-persentaġġi bejn l-2003 u l-2004 instab li tvarja bejn it-3.4 % sal-58.5 %, skond it-tip ta’ prodott.

(6)

Analiżi ta’ l-ewwel tliet kwarti ta’ l-2004 turi tendenza ta’ żjieda ulterjuri, li tidher fi ħdan dan il-perjodu, ta’ bejn 26.7 % u 52 %, filwaqt li ċ-ċifri għal Ottubru ta’ din is-sena juru żjieda f’din it-tendenza.

(7)

Aktar minn hekk, prezzijiet fis-suq tal-Komunità, li fl-2003 kien baqgħu lura fil-konfront tas-suq ta’ l-Istati Uniti, saru fost l-aktar għoljin fid-dinja. Probabbilment dan saħansitra se jattira aktar interess minn esportaturi ta’ pajjiżi terzi.

(8)

Apparti dan, l-istatistika dwar l-impjieg li joffru l-produtturi ta' l-UE turi tnaqqis ċar, li minn 414 500 persuna fis-sena 2000 jgħaddi għal 404 700 fl-2001,390 200 fl-2002, 383 800 fl-2003 u 375 900 fl-2004, fi kliem ieħor tnaqqis ta’ madwar 10 % fuq medda ta’ erba’ snin.

(9)

Fuq il-bażi ta’ tendenzi reċenti fl-importazzjonijiet ta’ prodotti ta' l-azzar, ta’ żviluppi reċenti fis-suq Ċiniż, tal-pass aktar mgħaġġel fiż-żjieda ta’ l-importazzjoni, tal-prezzijiet għolja ħafna tal-prodotti ta’ l-azzar fis-suq ta’ l-UE u tat-telf diġà konsiderevoli ta’ impjiegi matul snin reċenti, jista’ għalhekk jitqies li teżisti theddida ta’ ħsara lill-produtturi tal-Komunità għall-għanijiet ta’ l-Artikolu 11 tar-Regolament (KE) Nru 3285/94.

(10)

Għalhekk l-interessi tal-Komunità jeħtieġu li l-importazzjonijiet ta’ ċerti prodotti ta’ l-azzar għandhom ikomplu jkunu suġġetti għal sorveljanza Komunitarja minn qabel sabiex tipprovdi informazzjoni statistika avvanzata li tippermetti analiżi rapida tat-tendenzi ta' importazzjoni. Meta wieħed iqis l-iżviluppi mistennija msemmija hawn fuq, huwa xieraq li din is-sistema għandha tkompli sal-31 ta’ Diċembru 2006.

(11)

Huwa mixtieq li dan ir-Regolament jidħol fis-seħħ fil-jum tal-pubblikazzjoni tiegħu sabiex tinġabar id-data kemm jista' jkun malajr,