EUR-Lex Access to European Union law
This document is an excerpt from the EUR-Lex website
Document 32005D0616
2005/616/EC: Commission Decision of 17 August 2005 on the monitoring and evaluation of the labour rights situation in Belarus for temporary withdrawal of trade preferences
2005/616/KE: Deċiżjoni tal-Kummissjoni tas- 17 ta’ Awwissu 2005 dwar is-sorveljanza u l-evalwazzjoni tas-sitwazzjoni tad-drittijiet tal-bniedem fil-Belarus għall-irtirar temporanju tal-preferenzi kummerċjali
2005/616/KE: Deċiżjoni tal-Kummissjoni tas- 17 ta’ Awwissu 2005 dwar is-sorveljanza u l-evalwazzjoni tas-sitwazzjoni tad-drittijiet tal-bniedem fil-Belarus għall-irtirar temporanju tal-preferenzi kummerċjali
ĠU L 213, 18.8.2005, p. 16–17
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 349M, 12.12.2006, p. 275–276
(MT)
In force
12.12.2006 |
MT |
Il-Ġurnal Uffiċjali ta’ l-Unjoni Ewropea |
275 |
DEĊIŻJONI TAL-KUMMISSJONI
tas-17 ta’ Awwissu 2005
dwar is-sorveljanza u l-evalwazzjoni tas-sitwazzjoni tad-drittijiet tal-bniedem fil-Belarus għall-irtirar temporanju tal-preferenzi kummerċjali
(2005/616/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 2501/2001 (1), u b'mod partikolari l-Artikolu 26 u 29 tiegħu,
Billi:
(1) |
It-tariffi preferenzjali mogħtija skond ir-Regolament Nru 2501/2001 jistgħu jiġi temporanjament irtirati totalment jew parzjalment f’ċirkostanzi li jinkludu vjolazzjoni serja u sistematika tal-libertà ta’ assoċjazzjoni u d-dritt ta’ negozjar kollettiv kif definit fil-Konvenzjonijiet rilevanti ta’ l-Organizzzazzjoni Internazzjonali tax-Xogħol (ILO). |
(2) |
Skond ir-Regolament tal-Kunsill (KE) Nru 2501/2001 ir-Repubblika tal-Belarus (minn hawn ’il quddiem ‘il-Belarus’) hija benefiċjarju ta’ preferenzi tariffarji ġeneralizzati. |
(3) |
Fid-29 ta’ Jannar 2003, il-Kummissjoni rċeviet informazzjoni mill-Konfederazzjoni Internazzjonali tat-Trade Unions Ħielsa (ICFTU), il-Konfederazzjoni tat-Trade Unions Ewropej (ETUC) u l-Konfederazzjoni Dinjija tax-Xogħol (WCL) dwar l-allegazzjoni ta’ vjolazzjoni sistematika u serja tal-libertà ta’ assoċjazzjoni fil-Belarus kif definita fil-Konvenzjonijiet Nru 87 u 98 ta’ l-ILO. |
(4) |
L-informazzjoni mressqa kienet biżżejjed biex tiġġustifika l-ftugħ ta' investigazzjoni u għalhekk il-Kummissjoni iddeċidiet b'Deċiżjoni tad-29 ta' Diċembru 2003 (2) li għandha sseħħ investigazzjoni. |
(5) |
L-awtoritajiet tal-Belarus kienu assoċjati ma’ l-investigazzjoni. L-istqarrijiet bil-miktub u orali miġbura mill-Kummissjoni matul il-proċess ta’ l-investigazzjoni jikkonfermaw l-allegazzjonijiet li jinsabu fl-informazzjoni sottomessa preċedentement. Il-Belarus qiegħda tikser il-Konvenzjoni Nru 87 ta’ l-ILO dwar il-Libertà ta’ Assoċjazzjoni fuq bosta punti prinċipali billi ttellef it-twaqqif ta’ organizzazzjonijiet sindakali, id-dritt ta’ organizzazzjoni, l-għażla ħielsa ta’ organizzazzjoniet sindakali u l-kisba ta’ personalità legali ta’ dawn l-organizazzjonijiet. Il-Belarus qiegħda ttellef l-operat ta’ l-organizzazzjonijiet sindakali, inkluż li jirċievu assistenza finanzjarja minn affiljazzjoni internazzjonali, u tippromwovi x-xoljiment jew is-sospensjoni ta' l-organizzazzjonijiet sindakali. Il-Gvern tal-Belarus qiegħed ukoll jikser il-Konvenzjoni 98 (1949) dwar id-Dritt ta’ Organizzazzjoni u Negozjar Kollettiv permezz ta’ diskriminazzjoni kontra l-organizzazzjoni sindakali. |
(6) |
L-informazzjoni disponibbli għalhekk tipprovdi bażi biżżejjed biex tikkonkludi li dawn il-vjolazzjonijiet huma serji u sistematiċi u li l-irtirar ta’ l-aċċess tal-Belarus għall-iskema ta’ preferenzi ġeneralizzati huwa ġġustifikat. Rapport dwar ir-riżultati ta’ l-investigazzjoni ġie sottomess lill-Kumitat tal-Preferenzi Ġeneralizzati. |
(7) |
Fid-dawl ta’ dak li ntqal, il-Kummissjoni se tissorvelja u tevalwa s-sitwazzjoni fir-rigward tad-drittijiet tal-ħaddiema fil-Belarus għal perjodu ta' sitt xhur. Wara l-iskadenza ta’ dan il-perjodu, il-Kummissjoni bi ħsiebha tissottometti proposta lill-Kunsill għall-irtirar temporanju tal-preferenzi kummerċjali sakemm, qabel tmiem il-perjodu, il-Belarus tkun ħadet impenn li tieħu l-miżuri meħtieġa biex tikkonforma fi żmien tmien xhur mal-prinċipji msemmija fid-Dikjarazzjoni dwar il-Prinċipji u d-Drittijiet Fundamentali fuq il-post tax-Xogħol ta’ l-ILO ta’ l-1998. |
(8) |
Il-miżuri previsti f’din id-Deċiżjoni huma konformi ma’ l-opinjoni tal-Kumitat għall-Preferenzi Ġeneralizzati, |
IDDEĊIDIET KIF ĠEJ:
Artikolu uniku
1. Il-Kummissjoni se tissorvelja u tevalwa s-sitwazzjoni fil-Belarus fir-rigward tal-Konvenzjonijiet Nru 87 u 98 ta’ l-ILO għal perjodu ta’ sitt xhur mid-data tal-pubblikazzjoni ta’ avviż dwar il-perjodu ta’ sorveljanza u evalwazzjoni fil-Ġurnal Uffiċjali ta’ l-Unjoni Ewropea.
2. F’dan l-avviż, il-Kummissjoni se ssejjaħ lill-Belarus biex timpenja ruħha, qabel tmiem il-perjodu ta’ sitt xhur, biex tieħu l-miżuri meħtieġa biex tikkonforma, fi żmien tmien xhur, mal-prinċipji msemmija fid-Dikjarazzjoni ta’ l-ILO ta’ l-1998 dwar il-Prinċipji u d-Drittijiet Fundamentali fuq il-post tax-Xogħol, kif imniżżla fit-tnax-il rakkomandazzjoni tal-Kummissjoni ta’ l-ILO tar-rapport ta’ Inkjesta ta’ Lulju 2004.
3. Sakemm il-Belarus ma tieħux dan l-impenn, il-Kummissjoni bi ħsiebha tissottometti, wara li jiskadi l-perjodu ta’ sitt xhur imsemmi fil-paragrafu 1, proposta lill-Kunsill għall-irtirar temporanju tal-preferenzi kummerċjali mogħtija skond ir-Regolament tal-Kunsill Nru 2501/2001.
Magħmul fi Brussell, nhar is-17 ta’ Awwissu 2005.
Għall-Kummissjoni
Peter MANDELSON
Membru tal-Kummissjoni
(1) ĠU L 346, 31.12.2001, p. 1. Regolament kif emendat l-aħħar bir-Regolament (KE) Nru 1828/2004 (ĠU L 321, 22.10.2004, p. 23)