EUR-Lex Access to European Union law
This document is an excerpt from the EUR-Lex website
Document 32004R1408
Commission Regulation (EC) No 1408/2004 of 2 August 2004 initiating a «new exporter» review of Council Regulation (EC) No 2605/2000 imposing definitive anti-dumping duties on imports of certain electronic weighing scales (REWS) originating, inter alia, in the People's Republic of China, repealing the duty with regard to imports from two exporters in this country and making these imports subject to registration
Regolament tal-Kummissjoni (KE) Nru 1408/2004 tat- 2 ta' Awissu 2004 li jagħti bidu għal eżami ta’ esportatur ġdid tar-Regolament tal-Kunsill (KE) Nru 2605/2000 dazji definittivi kontra d- dumping fuq importazzjonjiet ta’ ċerti mwieżen elettroniċi (REWS) li ġejjin minn, fost l-oħrajn, ir-Repubbblika tal-Poplu taċ-Ċina, li tneħħi d-dazju fir-rigward ta' l-importazzjonijiet minn żewġ importaturi f'dan il-pajjiż u tagħmel dawn l-importazzjonijiet bla ħsara għar-reġistrazzjoni
Regolament tal-Kummissjoni (KE) Nru 1408/2004 tat- 2 ta' Awissu 2004 li jagħti bidu għal eżami ta’ esportatur ġdid tar-Regolament tal-Kunsill (KE) Nru 2605/2000 dazji definittivi kontra d- dumping fuq importazzjonjiet ta’ ċerti mwieżen elettroniċi (REWS) li ġejjin minn, fost l-oħrajn, ir-Repubbblika tal-Poplu taċ-Ċina, li tneħħi d-dazju fir-rigward ta' l-importazzjonijiet minn żewġ importaturi f'dan il-pajjiż u tagħmel dawn l-importazzjonijiet bla ħsara għar-reġistrazzjoni
ĠU L 256, 3.8.2004, p. 8–10
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 183M, 5.7.2006, p. 58–60
(MT)
No longer in force, Date of end of validity: 04/08/2005
Relation | Act | Comment | Subdivision concerned | From | To |
---|---|---|---|---|---|
Modifies | 32000R2605 | Revoka parzjali | 04/08/2004 |
5.7.2006 |
MT |
Il-Ġurnal Uffiċjali ta' l-Unjoni Ewropea |
58 |
REGOLAMENT TAL-KUMMISSJONI (KE) Nru 1408/2004
tat-2 ta' Awissu 2004
li jagħti bidu għal eżami ta’ “esportatur ġdid” tar-Regolament tal-Kunsill (KE) Nru 2605/2000 dazji definittivi kontra d-dumping fuq importazzjonjiet ta’ ċerti mwieżen elettroniċi (REWS) li ġejjin minn, fost l-oħrajn, ir-Repubbblika tal-Poplu taċ-Ċina, li tneħħi d-dazju fir-rigward ta' l-importazzjonijiet minn żewġ importaturi f'dan il-pajjiż u tagħmel dawn l-importazzjonijiet bla ħsara għar-reġistrazzjoni
Il-Kummissjoni tal-KomunitAjiet Ewropej,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 384/96 (1) tat-22 ta’ Diċembru 1995 dwar l-importazzjoni kontra d-dumping minn pajjiżi li mhumiex membri tal-Komunità Ewropea (ir-“Regolament bażiku”) u b’mod partikolari Artikolu 11(4),
Wara li kkonsultaw il-Kumitat Konsultattiv,
Billi:
A. TALBIET GĦAL EŻAMI
(1) |
Il-Kummissjoni irċeviet applikazzjoni għal eżami ta’ “esportatur ġdid” skond Artikolu 11(4) tar-Regolament bażiku. L-applikazzjoni ntefgħet minn żewġ kumpaniji relatati, Shanghai Excell M&E Enterprise Co., Ltd. u Shanghai Adeptech Precision Co., Ltd. (l-“applikant”). L-applikant hu produttur li jesporta fir-Repubblika Popolari taċ-Ċina (il-“pajjiż konċernat”). |
B. IL-PRODOTT
(2) |
Il-prodott li qed jiġi eżaminat huma l-imwieżen tiżin li għandhom il-kapaċità massima li ma taqbisx it-30 kg, għall-użu fil-kummerċ bl-imnut, li fihom display diġitali tal-piż, prezz tal-unità, u prezz li għandu jitħallas (jinkludi jew ma jinkludix mezz ta’ stampar ta’ din id-data) li joriġina fil-pajjiż konċernat (il-“prodott konċernat”), normalment iddikjarat fil-kodiċi NM 8423 81 50. Din il-kodiċi NM jingħata biss għal skopijiet ta’ informazzjoni. |
Ċ. MIŻURI EŻISTENTI
(3) |
Il-miżuri fis-seħħ bħalissa huma dazji definittivi kontra d-dumping imposti mir-Regolament tal-Kunsill (KE) Nru 2605/2000 (2) li taħtu l-importazzjonijiet fil-Komunità tal-prodott konċernat li joriġina fir-Repubblika Popolari taċ-Ċina, u fabbrikat mill-applikant, huma suġġetti għal dazji definittivi kontra d-dumping ta’ 30,7% bl-eċċezzjoni ta’ diversi kumpaniji espressament msemmija li huma suġġetti għal rati tad-dazju individwali. |
D. RAĠUNIJIET GĦALL-EŻAMI
(4) |
L-applikant jallega li hu jaħdem taħt kondizzjonijiet ta’ ekonomija tas-suq kif definita fl-Artikolu 2(7)(ċ) tar-Regolament bażi, li hu ma esportax il-prodott konċernat lejn il-Komunità matul il-perjodu ta’ l-investigazzjoni li fuqu kienet ibbażata l-investigazzjoni li wasslet għall-miżuri kontra d-dumping, jiġifieri l-perjodu mill-1 ta' Settembru 1998 sal-31 ta' Awissu 1999 (il-perjodu oriġinali ta’ l-investigazzjoni) u li mhux relatat ma xi produtturi li jesportaw tal-prodott konċernat li hu suġġett għall-miżuri kontra d-dumping imsemmija hawn fuq. |
(5) |
L-applikant ikompli jallega li hu beda jesporta l-prodott konċernat lill-Komunità wara t-tmiem tal-perjodu oriġinali ta’ l-investigazzjoni. |
E. PROĊEDURA
(6) |
Il-produtturi tal-Komunità li huma magħrufa li għandhom interess ġew informati bl-applikazzjoni ta’ fuq u ngħataw opportunità li jikkumentaw. Ma wasal l-ebda kumment. |
(7) |
Wara li eżaminat l-evidenza disponibbli, il-Kummissjoni kkonkludiet li hemm provi biżżejjed biex jiġġustifikaw l-bidu ta’ eżami ta’ “esportatur ġdid” skond l-Artikolu 11(4) tar-Regolament bażi, bil-ħsieb li jiddetermina jekk l-applikant jaħdimx taħt ekonomija tas-suq kif definuta fl-Artikolu 2(7)(ċ) tar-Regolament bażi jew b’mod alternattiv jekk l-applikant jissodisfax il-ħtiġijiet li jkollu dazju individwali stabbilit b’mod konformi ma’ Artikolu 9(5) tar-Regolament bażi u, jekk hekk, il-marġini ndividwali tad-dumping u, jekk jinstab dumping, il-livell tad-dazju li għalihom għandhom ikunu soġġetti l-importazzjonijiet konċernati fil-Komunità għandhom. |
(a) Kwestjonarji
(8) |
Biex tinkiseb l-informazzjoni li hi tqis neċessarja għall-investigazzjoni tagħha, l-Kummissjoni għandha tibgħat il-kwestjonarji lill-applikant. |
(b) Ġabra ta’ informazzjoni u laqgħat
(9) |
Il-partijiet kollha interessati qegħdin preżentement jiġu mistiedna jesprimu l-opinjonijiet tagħhom bil-miktub u jipprovdu provi li jsostnuha. Aktar minn hekk, il-Kummissjoni tista’ tisma’ lill-partijiet interessati, dejjem jekk jagħmlu talba bil-miktub li turi li hemm raġunijiet partikolari għaliex għandhom jinstemgħu. |
(ċ) Stat ta’ l-ekonomija tas-suq
(10) |
Fl-eventwalità li l-applikant jipprovdi provi biżżejjed li hu jaħdem taħt kondizzjonijiet ta’ l-ekonomija tas-suq, jiġifieri li hu jilħaq il-kriterji stabbiliti fl-Artikolu 2(7)(ċ) tar-Regolament bażi, għandu jiġi stabbilit valur normali skond l-Artikolu 2(7)(b) tar-Regolament bażi. Għal dan il-għan, talbiet sostanzjati sew jridu jiġu sottomessi fiż-żmien speċifiku stabbilit fl-Artikolu 4(3) ta’ dan ir-Regolament. Il-Kummisjoni għandha tibgħat il-formoli tat-talbiet lill-applikant, kif ukoll lill-awtoritajiet tar-Repubblika Popolari taċ-Ċina. |
(d) Għażla tal-pajjiż b’ekonomija tas-suq
(11) |
Fl-eventwalità li l-applikant mhux mogħti l-istatus ta’ ekonomija tas-suq, imma jissodisfa l-ħtiġijiet li jkollu dazju individwali stabbilitt b’mod konformi ma’ Artikolu 9(5) tar-Regolament bażi, pajjiż b’ekonomija tas-suq addattat għandu jkun użat għal skopijiet ta’ valur normali fir-rigward tar-Repubblika Popolari taċ-Ċina skond l-Artikolu 2(7)(a) tar-Regolament bażiku. Il-Kummissjoni għandha l-ħsieb li terġa’ tuża l-Indonesja għal dan l-iskop kif sar fl-investigazzjoni li waslet għall-impożizzjoni tal-miżuri ta’ l-impotazzjoni tal-prodott konċernat mir-Repubblika Popolari taċ-Ċina. Il-partijiet interessati qegħdin preżentement jiġu mistiedna jikkummentaw kemm hi tajba din l-għażla fil-limitu taż-żmien stabbilit fil-paragrafu 4(2) ta’ dan ir-Regolament. |
(12) |
Iżjed minn hekk, fl-eventwalità li l-applikant hu mogħti l-istatus ta’ l-eknomija tas-suq, il-Kummissjoni tista’, jekk neċessarju, tuża wkoll is-sejbiet li tikkonċerna l-valur normali stabbilit fil-pajjiż ta’ l-ekonomija tas-suq addattata, eż. għall-iskop li jbiddel l-ispejjeż mhux ta’ min joqgħod fuqhom jew elementi tal-prezzijiet fil- Repubblika Popolari taċ-Ċina liema hemm bżonnhom fl-istabbiliment tal-valur normali, jekk data meħtieġa mhix disponibbli fil- Repubblika Popolari taċ-Ċina. Il-Kummissjoni għandha l-ħsieb li tuża l-Indoneżja għal dan l-iskop. |
F. ABBROGAZZJONI TAD-DAZJU FIS-SEĦĦ U REĠISTRAZZJONI TA’ L-IMPORTAZZJONIJIET
(13) |
Skond Artikolu 11(4) tar-Regolament bażi, id-dazji kontra d-dumping fis-seħħ għandhom jiġu mħassra fir-rigward ta’ l-importazzjonijiet tal-prodott konċernat li huma prodotti mill-applikant. Fl-istess waqt, tali importazzjonijiet għandhom ikunu suġġetti għal reġistrazzjoni b’mod konformi ma’ Artikolu 14(5) tar-Regolament bażi, biex jiżgura li, jekk l-eżami jirriżulta b'determinazzjoni tad-dumping fir-rigward ta’ l-applikant, d-dazji kontra d-dumping jistgħu jkunu miżmuma retroattivament mid-data tal-bidu ta’ dan l-eżami. L-ammont tar-responsabilitajiet futuri ta’ l-applikant ma jistgħux ikunu stimati fl-istadju tal-proċeduri. |
G. LIMITI TAŻ-ŻMIEN
(14) |
Fl-interess ta’ amministrazzjoni tajba, għandhom ikunu stabbiliti limiti taż-żmien:
|
H. NUQQAS TA’ KOOPERAZZJONI
(15) |
Fil-każijiet li fihom kwalunkwe persuna nteressata tirrifjuta li taċċedi jew ma tipprovdix l-informazzjoni meħtieġa fil-limiti taż-żmien stipulati, jew timpedixxi b'mod sinjifikattiv l-investigazzjoni, is-sejbiet, affermattivi jew negattivi, jistgħu jsiru skond l-Artikolu 18 tar-Regolament bażi, fuq il-bażi tal-fatti disponibbli. |
(16) |
Fejn jinstab illi kwalunkwe parti nteressata pprovdiet informazzjoni falza jew qarrieqa, l-informazzjoni m’għandiex tiġi kkunsidrata u jista’ jsir użu, skond l-Artikolu 18 tar-Regolament bażi mill-fatti disponibbli. Jekk parti nteressata ma tikkooperax, jew tikkoopera biss in parti, u s-sejbiet ikunu għalhekk ibbażati fuq fatt disponibbli skond l-Artikolu 18 tar-Regolament bażi, ir-riżultat jista’ jkun anqas favorevoli għal dik il-parti milli kieku din ikkooperat. |
ADDOTTAT DAN IR-REGOLAMENT:
Artikolu 1
Qed jinbeda preżentement eżami tar-Regolament tal-Kunsill (KE) Nru 2605/2000 skond l- Artikolu 11(4) tar-Regolament tal-Kunsill (KE) Nru 384/96 biex jiddetermina jekk u sa kemm l-importazzjoni ta’ l-imwieżen li għandhom kapaċità massima li ma taqbisx it-30kg, għall-użu fil-kummerċ bl-imnut, li jinkorpora display diġitali li ma jaqbisx it-30 kg, għall-użu fil-kummerċ bl-imnut, liema jinkorpora display diġitali, prezz tal-unit u prezz li għandu jitħallas (sew jekk jinkludix jew le mezz ta' stampar ta' din id-data) li jaqa' taħt kodiċi NM ex 8423 81 50 (kodiċi TARIC 8423815010) li joriġina fir-Repubblika Popolari taċ-Ċina, prodott minn Shanghai Excell M&E Enterprise Co., Ltd. u Shanghai Adeptech Precision Co., Ltd. għandu jkun soġġett għad-dazji anti-dumping imposti mir-Regolament tal-Kunsill (KE) Nru 2605/2000.
Artikolu 2
Id-dazji kontra d-dumping imposti bir-Regolament tal-Kunsill (KE) Nru 2605/2000 huma preżentament abrogati fir-rigward ta’ l-importazzjonijiet identifikati fl-Artikolu 1 ta’ dan ir-Regolament (kodiċi addizzjonali TARIC A561).
Artikolu 3
L-awtoritajiet tad-dwana huma preżentament mgħarrfa, skond l-Artikolu 14(5) tar-Regolament tal-Kunsill (KE) Nru 384/96, biex jieħdu passi neċessarji biex jirreġistraw l-importazzjoni identifikata fl-Artikolu 1 ta’ dan ir-Regolament. Ir-reġistrazzjoni għandha tiskadi disa’ xhur wara d-data tad-dħul fis-seħħ ta’ dan ir-Regolament.
Artikolu 4
1. Il-partijiet interessati, jekk iridu li l-pożizzjonijiet tagħhom jittieħdu in konsiderazzjoni tul l-investigazzjoni, jridu juru li jeżistu billi jikkuntattjaw lill-Kummissjoni, jippreżentaw l-opinjonijiet tagħhom u jissottomettu r-risposti għall-kwestjonarju jew informazzjoni oħra fi żmien 40 jum mid-dħul fis-seħħ ta’ dan ir-Regolament. Qed tinġibed l-attenzjoni għall-fatt li l-eżerċizzju ta’ bosta mid-drittijiet proċedurali stipulati fir-Regolament tal-Kunsill (KE) Nru 384/96 jiddependu fuq li l-parti turi li teżisti fil-perijodu msemmi qabel.
Il-partijiet interessati jridu wkoll japplikaw bil-miktub sabiex jinstemgħu mill-Kummissjoni fl-istess perijodu ta’ 40 jum.
2. Il-partijiet fl-investigazzjoni jistgħu jkunu jixtiequ jikkummentaw dwar jekk hux xieraq li tintgħażel l-Indonesja bħala pajjiż b’ekonomija tas-suq għall-finijiet ta’ l-istabbiliment ta’ valur normali fir-rigward tar-Repubblika Popolari taċ-Ċina. Dawn il-kummenti jridu jaslu għand il-Kummissjoni fi żmien 10 ijiem mid-dħul fis-seħħ ta’ dan ir-Regolament.
3. Talbiet sostanzjati sew għall-istatus ta’ l-ekonomija tas-suq jridu jaslu għand il-Kummissjoni fi żmien 15-il jum mid-dħul fis-seħħ ta’ dan ir-Regolament.
4. Is-sottomissjonijiet u t-talbiet kollha magħmula mill-partijiet interessati jridu jsiru bil-miktub (mhux fil-format elettroniku, sakemm ma jkunx speċifikat mod ieħor) u jridu jindikaw l-isem, l-indirizz, l-indirizz ta’ l-email, it-telefon u l-fax, u/jew numri tat-telex tal-parti nteressata). Is-sottomissjonijiet kollha bil-miktub inkluż l-informazzjoni mitluba f’dan l-avviż, it-tweġibiet għall-kwestjonarju u l-korrispondenza provduta mill-partijiet interessati fuq bażi kunfidenzjali għandhom jiġu tabellati bħala “Limitati (3)” u, skond l-Artikolu 19(2) tar-Regolament bażi, għandu jkun akkumpanjat b'verżjoni mhux kunfidenzjali, li trid tkun tabellata “GĦALL-ISPEZZJONI MILL-PARTIJIET INTERESSATI”
Kull informazzjoni li għandha x’taqsam mas-suġġett u/jew talba għas-smiegħ għandha tintbgħat fl-indirizz li ġej:
European Commission |
Directorate General for Trade |
Directorate B |
J-79 5/16 |
B - 1049 Brussels |
Fax (32 2) 295 65 05 |
Telex COMEU B 21877 |
Artikolu 5
Dan ir-Regolament għandu jidħol fis-seħħ fil-ġurnata wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmula fi Brussel, nhar it-2 ta' Awissu 2004.
Għall-Kummissjoni
Pascal LAMY
Membru tal-Kummissjoni
(1) ĠU L 56, 6.3.1996, p. 1; kif l-aħħar emendata bir-Regolament tal-Kunsill (KE) Nru 461/2004 (ĠU L 77, 13.3.2004, p.12).
(2) ĠU L 301, 30.11.2000, p. 42.
(3) Dan ifisser illi d-dokument huwa destinat għall-u¿u intern biss. Huwa protett skond l-Artikolu 4 tar-Regolament (KE) Nru 1049/2001 tal-Parlament Ewropew u tal-Kunsill (ĠU L 145, 31.5.2001, p. 43). Huwa dokument konfidenzjali skond l-Artikolu 19 tar-Regolament tal-Kunsill (KE) Nru. 384/96 (ĠU L 56, 6.3.1996, p. 1) u l-Artikolu 6 tal-Ftehim tal-WTO dwar l-Implementazzjoni ta' l-Artikolu VI tal-GATT ta' l-1994 (Ftehim Kontra d-Dumping).