This document is an excerpt from the EUR-Lex website
Document 32004D0547
2004/547/EC, Euratom:Council Decision of 30 April 2004 amending the Decision of 13 September 1999 laying down the conditions of employment of the Secretary-General of the Council of the European Union, High Representative for the Common Foreign and Security Policy, and the Decision of 13 September 1999 laying down the conditions of employment of the Deputy Secretary-General of the Council of the European Union
Id-Deċiżjoni tal-Kunsill tat-30 ta' April 2004 li temenda d-Deċiżjoni tat-13 ta' Settembru 1999 li tistabbilixxi l-kondizzjonijiet ta' l-impieg tas-Segretarju Ġenerali tal-Kunsill ta' l-Unjoni Ewropea, Rappreżentant Għoli tal-Politika Barranija u tas-Sigurtà Komuni, u d-Deċiżjoni tat-13 ta' Settembru 1999 li tistabbilixxi l-kondizzjoniiet ta' l-impieg tad-Deputat Segretarju Ġenerali tal-Kunsill ta' l-Unjoni Ewropea (2004/5 47/KE, Euratom)
Id-Deċiżjoni tal-Kunsill tat-30 ta' April 2004 li temenda d-Deċiżjoni tat-13 ta' Settembru 1999 li tistabbilixxi l-kondizzjonijiet ta' l-impieg tas-Segretarju Ġenerali tal-Kunsill ta' l-Unjoni Ewropea, Rappreżentant Għoli tal-Politika Barranija u tas-Sigurtà Komuni, u d-Deċiżjoni tat-13 ta' Settembru 1999 li tistabbilixxi l-kondizzjoniiet ta' l-impieg tad-Deputat Segretarju Ġenerali tal-Kunsill ta' l-Unjoni Ewropea (2004/5 47/KE, Euratom)
ĠU L 243, 15.7.2004, p. 28–29
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 18/10/2004
Relation | Act | Comment | Subdivision concerned | From | To |
---|---|---|---|---|---|
Modifies | 31999D0629 | Emenda | artikolu 1 | 01/05/2004 | |
Modifies | 31999D0630 | Emenda | artikolu 1 | 01/05/2004 |
Official Journal L 243 , 15/07/2004 P. 0028 - 0029
Id-Deċiżjoni tal-Kunsill tat-30 ta' April 2004 li temenda d-Deċiżjoni tat-13 ta' Settembru 1999 li tistabbilixxi l-kondizzjonijiet ta' l-impieg tas-Segretarju Ġenerali tal-Kunsill ta' l-Unjoni Ewropea, Rappreżentant Għoli tal-Politika Barranija u tas-Sigurtà Komuni, u d-Deċiżjoni tat-13 ta' Settembru 1999 li tistabbilixxi l-kondizzjoniiet ta' l-impieg tad-Deputat Segretarju Ġenerali tal-Kunsill ta' l-Unjoni Ewropea (2004/5 47/KE, Euratom) IL-KUNSILL TA' L-UNJONI EWROPEA, Wara li kkunsidra t-Trattat li jistabilixxi l-Komunità Ewropea, u b'mod partikolari l-Artikolu 207(2) tiegħu, Wara li kkunsidra t-Trattat li jistabilixxi l-Komunità Ewropea ta' l-Enerġija Atomika, u b'mod partikolari l-Artikolu 121(2) tiegħu, Billi: (1) Ir-Regolament tal-Kunsill (KE, Euratom) Nru 723/2004 [1] emenda r-Regolamenti tal-Personal ta' uffiċjali u l-Kondizzjonijiet ta' l-impieg ta' ċivili oħra tal-Komunitajiet Ewropej stabbiliti fir-Regolament (KEE, Euratom, KEFA) Nru 259/68 [2]. (2) Minn naħa, ir-Regolament 1292/2004 [3] emenda r-Regolament Nru 422/67/KEE, 5/67/Euratom tal-Kunsill tal-25 ta' Lulju 1967 li jiddetermina l-emolumenti tal-President u ta' membri tal-Kummissjoni u tal-President, l-Imħallfin, l-Avukati-Ġenerali u r-Reġistrar tal-Qorti tal-Ġustizzja u tal-President, Membri tar-Reġistrar tal-Qorti ta' Prim'Istanza [4], u minn naħa l-oħra, ir-Regolament tal-Kunsill 1293/2004 [5] emenda r-Regolament tal-Kunsill (KEE, Euratom, KEFA)Nru 2290/77 tat-18 ta' Ottubru 1977 li jiddetermina emolumenti tal-membri tal-Qorti ta' l-Awdituri [6]. (3) Huwa għaldaqstant approprjat li tiġi emendata d-Deċiżjoni tal-Kunsill tat-13 ta' Settembru 1999 li tistabilixxi l-kondizzjonijiet ta' l-impieg tas-Segretarju Ġenerali tal-Kunsill ta' l-Unjoni Ewropea, Rappreżentant Għoli tal-Politika Barranija u ta' Sigurtà Komuni, u d-Deċiżjoni tal-Kunsill tat-13 ta' Settembru 1999 li tistabilixxi l-kondizzjonijiet ta' l-impieg tad-Deputat Segretarju Ġenerali tal-Kunsill ta' l-Unjoni Ewropea sabiex jiġu riflessi l-emendi msemmija qabel, IDDEĊIEDA KIF ĠEJ: Artikolu 1 Id-Deċiżjoni tal-Kunsill tat-13 ta' Settembru 1999 li tistabilixxi l-kondizzjonijiet ta' l-impieg tas-Segretarju Ġenerali tal-Kunsill ta' l-Unjoni Ewropea, Rappreżentant Għoli għal-Politika Barranija u ta' Sigurtà Komuni, hija hawnhekk emendata kif ġej: 1. fl-ewwel paragrafu ta' l-Artikolu 1: - il-kliem "fil-grad A1 pass finali" għandhom jiġu sostitwiti b'"fil-grad16 it-tielet pass"; - is-sentenza li ġejja għandha tiżdied: "Madankollu, mill-1 ta' Mejju 2004 sat-30 ta' April 2006, il-kliem "fil-grad 16 it-tielet pass" għandha tinftiehem bħala "fil-grad A*16 it-tielet pass"."; 2. il-frażi li ġejja għandha tiżdied fl-aħħar tat-tieni paragrafu ta' l-Artikolu 1: "u l-Artikolu 17 ta' l-Anness VII mar-Regolament tal-Personal għandu japplika għalih b'analoġija." Artikolu 2 Id-Deċiżjoni tal-Kunsill tat-13 ta' Settembru 1999 li tistabilixxi l-kondizzjonijiet ta' l-impieg tad-Deputat Segretarju Ġenerali tal-Kunsill ta' l-Unjoni Ewropea hija hawnhekk emendata kif ġej: 1. fl-ewwel paragrafu ta' l-Artikolu 1: - il-kliem "fil-grad A1 pass finali" għandhom jiġu sostitwiti b'"fil-grad 16 it-tielet pass"; - is-sentenza li ġejja għandha tiżdied: "Madankollu, mill-1 ta' Mejju 2004 sat-30 ta' April 2006, il-kliem "fil-grad 16 it-tielet pass" għandhom jinftiehmu bħala "fil-grad A*16 it-tielet pass"."; 2. il-frażi li ġejja għandha tiżdied fl-aħħar tat-tieni paragrafu ta' l-Artikolu 1: "u l-Artikolu 17 ta' l-Anness VII tar-Regolamenti tal-Personal għandu japplika għalih b'analoġija." Artikolu 3 Din id-Deċiżjoni għandha tiġi notifikata lis-Segretarju Ġenerali tal-Kunsill ta' l-Unjoni Ewropea, Rappreżentant Għoli għall-Politika Barranija u ta' Sigurtà Komuni, u lid-Deputat Segretarju Ġenerali tal-Kunsill ta' l-Unjoni Ewropea mill-President tal-Kunsill. Magħmul fi Brussell, nhar it-30 ta' April 2004. Għall-Kunsill, Il-President B. Cowen [1] ĠU L 124, tas-27.4.2004, p. 1. [2] ĠU L 56, ta' l-4.3.1968, p. 1. [3] Ara l-paġna 23 ta' dan il-Ġurnal Uffiċjali. [4] ĠU C 187, tat-8.8.1967, p. 1. Ir-Regolament kif l-aħħar emendat mir-Regolament tal-Kunsill (KE, KEFA, Euratom) Nru 2778/98 (ĠU L 347, tat-23.12.1998, p. 1). [5] Ara l-paġna 26 ta' dan il-Ġurnal Uffiċjali. [6] ĠU L 268, ta' l-20.10.1977, p. 1. Ir-Regolament kif l-aħħar emendat mir-Regolament tal-Kunsill (KE, KEFA, Euratom) Nru 840/95 (ĠU L 85, tad-19.4.1995, p. 10). --------------------------------------------------