31997R2062

Ir-Regolament tal-Kummissjoni (KEE) Nru 2062/97

tal-21 ta’ Ottubru 1997

li jemenda r-Regolament (KEE) Nru 700/88 li jistabbilixxi regolamenti dettaljati għall-applikazzjoni ta’ l-arranġamenti għall-importazzjoni fil-Komunità ta’ ċerti fjuri li ġejjin minn Ċipru, l-Iżrael, il-Ġordan, il-Marokk u x-Xatt tal-Punent u l-Istrixxa ta’ Gaża

Il-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi il-Komunitajiet Ewropej,

Wara li kkunsidrat ir-Regolament tal-Kunsill (KEE) Nru 4088/87 tal-21 ta’ Diċembru 1987 li jistabbilixxi l-kundizzjonijiet għall-applikazzjoni għal dazji tad-dwana preferenzjali fuq importazzjoni ta’ ċerti fjuri li ġejjin minn Ċipru, l-Iżrael, il-Ġordan, il-Morokk u x-Xatt tal-Punent u l-Istrixxa ta’ Gaża [1], kif l-aħħar emendat bir-Regolament (KE) Nru 1300/97 [2], u partikolarment bl-Artikolu 5(1) tiegħu;

Billi, skond il-Ftehim fil-forma ta’ Bdil ta’ Ittri bejn il-Komunità u l-Iżrael [3] u bejn il-Komunità u l-Marokk [4] fuq l-importazzjoni fil-Komunità ta’ fjuri maqtugħa friski u ta’ blanzuni tal-fjuri ta’ tip adattat għall-bukketti u għal skopijiet ornamentali, il-Komunità u dawn il-pajjiżi qablu li jaġġustaw il-proċeduri li jistabilixxu l-prezzijiet tal-produtturi Komunitarji u l-prezzijiet ta’ l-importazzjoni; billi r-regoli ta’ l-applikazzjoni stabbiliti fir-Regolament tal-Kummissjoni (KEE) Nru 700/88 [5], kif l-aħħar emendat bir-Regolament (KE) Nru 1239/97 [6], għandu għalhekk jiġi aġġustat;

Billi il-bidliet prinċipali għandhom jużaw medji peżati minflok dawk aritmetiċi biex jistabbilixxu l-prezzijiet għall-produttur u għall-importazzjoni u biex jistabbilixxu dawn kull 15-il jum sabiex dazji tad-dwana approprjati jkunu jistgħu jiġu applikati fil-ġimagħtejn wara d-data li fiha jiġu stabbiliti;

Billi l-limiti tal-ħin għan-notifika tad-data mill-Istati Membri għandhom jiġu stabbiliti u l-azzjoni li ghandha tittieħed meta d-data ma tkunx kompleta jew ma tkunx disponibbli għandha tiġi speċifikata;

Billi dan ir-Regolament għandu jidħol bis-seħħ fil-jum wara li jagħlaq ir-Regolament tal-Kummissjoni (KE) Nru 989/97 tat-30 ta’ Mejju 1997 li jistabbilixxi l-prezzijiet tal-produttur tal-Komunità għall-qronfol u għall-ward għall-applikazzjoni ta’ l-arranġamenti għall-importazzjoni ta’ ċerti prodotti florikulturali li ġejjin minn Ċipru, l-Iżrael, il-Ġordan u l-Morokk [7];

Billi l-miżuri previsti f’dan ir-Regolament huma konformi ma’ l-opinjoni tal-Kumitat tal-Ġestjoni għall-Pjanti Ħajjin,

ADDOTTAT DAN IR-REGOLAMENT:

Artikolu 1

Ir-Regolament (KEE) Nru 700/88 qiegħed b’hekk jiġi emendat kif ġej:

1. L-Artikolu 1 qed jinbidel b’dan li ġej:

"L-Artikolu 1

Għal kull wieħed mill-erba’ prodotti (unifloreali (blanzun) u qronfol multifloreali (spray), ward ta’ fjura kbira u ward ta’ fjura żgħira), kif indikat fl-Artikolu 1 tar-Regolament (KEE) Nru 4088/87. L-Istati Membri għandhom jikkalkulaw kull ġimagħtejn, li jibdew mit-Tnejn, il-prezz għall-produttur f’munita nazzjonali għal kull 100 biċċa, waqt li dan ikun il-medja, peżat bil-kwantità, tar-rati ta’ kuljum irreġistrati fuq kull wieħed mis-swieq rappreżentattivi tal-produtturi indikati fl-Artikolu 2. Għall-ward il-prezzijiet użati għandhom ikunu dawk tal-varjetajiet pilota elenkati fl-Anness.

Ir-rati rreġistrati ta’ kuljum għandhom ikunu dawk għal prodotti ta’ kwalità definiti taħt l-Artikolu 3 tar-Regolament tal-Kunsill (KEE) Nru 234/68 [8], il-kodiċijiet tat-tul kollha flimkien. Il-prezzijiet irreġistrati għandhom jitqiesu li jinkludu l-ispejjeż għall-preżentazzjoni.

L-Artikolu 1a

Għal kull wieħed mill-erba’ prodotti (unifloreali (blanzun) u qronfol multifloreali (spray), ir-rożi tal-warda kbira u r-rożi tal-warda żgħira) kif indikat fl-Artikolu 1 tar-Regolament (KEE) Nru 4088/97 u għal kull wieħed mill-oriġini jiġifieri Ċipru, l-Iżrael, il-Ġordan, il-Morokk u x-Xatt tal-Punent ta’ l-Istrixxa ta’ Gaża, l-Istati Membri għandhom jikkalkulaw kull ħmistax, li jibdew mit-Tnejn, il-prezz ta’ l-importazzjoni f’munita nazzjonali għal kull 100 biċċa, waqt li dan ikun il-medja, peżat bil-kwantità, tar-rata ta’ kuljum irreġistrati fl-istadju kollu ta’ l-importazzjoni bl-ingrossa, bid-dazju tad-dwana mhux imnaqqas, fis-swieq rappreżentattivi ta’ l-importazzjoni kif indikat fl-Artikolu 3.

L-Artikolu 1b

It-Tnejn ta’ wara qabel is-1 p.m., l-Istati Membri għandhom jgħarrfu lill-Kummissjoni permezz tal-posta elettronika l-prezzijiet peżati tal-produttur u ta’ l-importazzjoni, f’munita nazzjonali għal kull 100 biċċa, u l-kwantitajiet totali relevanti għall-aħħar ġimagħtejn li fihom il-prezzijiet ikunu ġew irreġistrati.

Fuq il-bażi ta’ dawn il-prezzjijiet peżati u l-kwantitajiet totali l-Kummissjoni għandha tistabbilixxi minnufih il-medja Komunitarja tal-prezzijiet peżati tal-produttur u ta’ l-importazzjoni f’ecus/100 biċċa għal kull wieħed mill-erba’ gruppi ta’ fjuri indikati fl-Artikoli 1 u 1a.

Il-konverżjoni f’ecus tal-prezzijiet notifikati mill-Istati Membri għandha tkun bir-rata agrikola tal-kambju valida fl-aħħar jum tal-perjodu tal-ġimagħtejn konċernati."

2. L-Artikolu 4 qiegħed jiddaħħal:

"L-Artikolu 4

Jekk l-informazzjoni li għandha tingħata mill-Istati Membri skond l-Artikolu 1b ma tkunx kompluta jew mhux disponibbli fil-jum speċifikat f’dak l-Artikolu, il-Kummissjoni għandha tikkalkula l-medji Komunitarji fuq il-bażi ta’ l-aħħar prezzijiet stabbiliti.

Jekk jum skedat għan-notifika jkun btala nazzjonali, l-Istati Membri għandhom jagħmlu n-notifika fl-ewwel jum tax-xogħol li jkun imiss."

3. L-Artikoli ta’ qabel 4, 5 u 6 qed jitħassru.

Artikolu 2

Dan ir-Regolament għandu jidħol fis-seħħ fit-3 ta’ Novembru 1997.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fil-21 ta’ Ottubru 1997.

Għall-Kummissjoni

Franz Fischler

Membru tal-Kummissjoni

[1] ĠU L 382, tal-31.12.1987, p. 22.

[2] ĠU L 177, tal-5.7.1997, p. 1.

[3] Deċiżjoni 96/206/ECSC, KE (ĠU L 71 ta’ l-20.3.1996, p. 1).

[4] Regolament (KE) Nru 3057/95 (ĠU L 326, tat-30.12.1995, p. 3).

[5] ĠU L 72, tat-18.3.1988, p.16.

[6] ĠU L 173, tal-1.7.1997, p. 71.

[7] ĠU L 141, tal-31.5.1997, p. 71.

[8] ĠU L 55, tat-2.3.1968, p.1.

--------------------------------------------------