31997D0619

Id-Deċiżjoni tal-Kummissjoni

tat-3 ta' Settembru 1997

fuq il-bidliet għall-istimi tal-Prodott Gross Nazzjonali (GNP) ta' l-Istati Membri għall-iskop li tkun implimentata d-Direttiva tal-Kunsill 89/130/KEE, Euratom, fuq l-armonizzazzjoni tal-kumpilazzjoni tal-prodott gross nazzjonali bi prezzijiet tas-suq

(Test b'relevanza għaż-ŻEE)

(97/619/KE, Euratom)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat it-Trattat li jistabbilixxi l-Komunità Ewropea dwar l-Enerġija Atomika,

Wara li kkunsidrat id-Direttiva tal-Kunsill 89/130/KEE, Euratom, tat-13 ta' Frar 1989 fuq l-armonizzazzjoni tal-kumpilazzjoni tal-prodott gross nazzjonali bi prezzijiet tas-suq [1],

Billi huwa meħtieġ li jkunu żgurati l-paragunabbilità, il-fiduċja u l-eżawriment tal-prodott gross nazzjonali bi prezzijiet tas-suq;

Billi l-kisba ta' dawn l-għanijiet jagħmilha importanti li jkunu stabbiliti termini perentorji għat-trasmissjoni ta' kwalunkwe bidliet fl-istimi tal-prodott gross nazzjonali fuq il-punti li kienu ġew notifikati qabel l-implimentazzjoni ta' din id-deċiżjoni, bis-saħħa ta' l-aħħar sentenza ta' l-Artikolu 10(8) tar-Regolament tal-Kunsill (KEE, Euratom) Nru 1552/89 tad-29 ta Mejju 1989 li jimplimenta d-Deċiżjoni 88/376/KEE, Euratom dwar is-sistema tar-riżorsi proprji tal-Komunità [2], sabiex il-Kummissjoni tkun tista' tagħti l-opinjoni tagħha fuq dawn il-punti;

Billi l-lista tax-xogħol li għad baqa' xi jsir mill-Istati Membri, mogħtija fl-Annessi A u B, tirrigwarda r-riservi li s'issa għadhom ma tneħħewx b'mod uffiċjali mill-Kummissjoni, għalkemm ftit mix-xogħol relatat tlesta u r-riżultati ġew mgħoddija lill-Kummissjoni;

Billi l-miżuri li hemm previsti f'din id-Deċiżjoni huma skond l-opinjoni tal-Kumitat li twaqqaf bl-Artikolu 6 tad-Direttiva 89/130/KEE, Euratom,

ADOTTAT DIN ID-DEĊIŻJONI:

Artikolu 1

It-termini perentorji għat-trasmissjoni, lill-Kummissjoni, ta' kwalunkwe bidliet fl-istimi tal-prodott gross nazzjonali (GNP) jew kwalunkwe informazzjoni metodoloġika addizzjonali li turi b'mod ċar li r-riservi konċernati m'għadhomx aktar relevanti, fuq il-punti notifikati qabel l-implimentazzjoni ta' din id-Deċiżjoni, bis-saħħa ta' l-aħħar sentenza ta' l-Artikolu 10(8) tar-Regolament tal-Kunsill (KEE, Euratom) Nru 1552/89, u ta' l-informazzjoni relatata, ġew iffissati għall-1 ta' Ottubru 1998.

Il-punti li ġew notifikati jidhru fl-annessi A u B ta' din id-Deċiżjoni.

It-modifiki magħmula mill-Istati Membri għandhom ikunu trasmessi lill-Kummissjoni bil-kalkoli u l-ispjegazzjonijiet kollha meħtieġa li jappoġġjawhom.

Iżda għall-Awstrija, il-Finlandja u l-Isvezja it-terminu perentorju għat- trasmissjoni ta' modifiki dwar il-punti notifikati fl-annessi A u B huwa l-1 ta' Ottubru 1999.

Artikolu 2

Din id-Deċiżjoni hija indirizzata lill-Istati Membri.

Magħmula fi Brussel, fit-3 ta' Settembru 1997.

Għall-Kummissjoni

Yves-Thibault De Silguy

Membru tal-Kummissjoni

[1] ĠU L 49, tal-21.2.1989, p. 26.

[2] ĠU L 155, tal-7.6.1989, p. 1.

--------------------------------------------------

ANNESS A

RIŻERVI LI MA JKUNUX L-EŻAWRIMENT NOTIFIKAT FUQ IL-PRODOTT GROSS NAZZJONALI (GNP) [1]

IL-BELĠJU

(a) - l-aġġornament ta' l-istimi tal-produzzjoni fis-servizzi tal-kostruzzjoni u s-suq, ir-rapport tal-kosum intermedju għall-kostruzzjoni, u stimi tad-dħul ta' persuni li jaħdmu għal rashom,

- il-verifika ta' l-istimi tal-konsum intermedju għal produzzjoni sekondarja,

- ir-reviżjoni ta' l-istimi tal-konsum privat, barra dawk li jkunu ġejjin minn sorsi amministrattivi, u t-trattament ta' liċenzi, patents u servizzi ta' kantin,

- il-fattur tar-reviżjoni tad-dħul mal-bqija tad-dinja safejn għandhom x'jaqsmu t-taxxi, il-kontribuzzjonijiet soċjali u l-qasma tal-punti tal-bilanċ tal-ħlas rispettivi bejn il-Belġju u l-Lussemburgu;

(b) - l-inklużjoni tas-sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

ID-DANIMARKA

(a) - l-aġġornament fl-informazzjoni tal-prezzijiet użata b'rabta mal-metodu tal-kwantità tal-prezz biex tkun ikkalkulata l-produzzjoni tal-kostruzzjoni,

- il-korrezzjoni ta' xi ineżattezzi li jikkonċernaw it-trattament ta' ponot,

- l-inklużjoni tar-riżultati tar-reviżjoni ġenerali tal-kontijiet Daniżi li qed isiru bħalissa (ġiet magħmul riżerva mid-Danimarka);

(b) - it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

IL-ĠERMANJA

(a) Länder il-Qodma

- it-titjib dwar ir-rappreżentanza, kemm ikopri u l-perjodiċità ta' l-istħarriġ volontarju ta' kull erba' snin fuq in-nefqa ta' l-istruttura għas-servizzi bl-ingrossa, bl-imnut, tat-trasport (barra dawk tal-linji ferrovjarji) u servizzi oħra tas-suq,

- ċerti ineżattezzi li jikkonċernaw l-konsum privat tat-trasport bl-ajru servizzi tal-kantin,

- in-nefqa tal-konsum finali min-nies li jgħixu fid-djar fejn għandu x'jaqsam l-estimu tax-xiri ta' karozzi (ġiet magħmula riżerva mill-Ġermanja);

Länder il-Ġodda

- sorsi u proċeduri użati biex jinġabru l-istimi tal-produzzjoni u konsum intermedju għall-agrikoltura

- sorsi użati biex jinġabru l-produzzjoni u l-konsum intermedju ta' l-enerġija u l-provvista ta' l-ilma, it-tħaffir, il-manifattura u l-kostruzzjoni,

- sorsi biex jinġabru l-produzzjoni u l-konsum intermedju tal-kummerċ bl-imnut, trasport u komunikazzjoni (barra Reichsbahn, Bundespost u Telefon),

- rispett lejn id-definizzjonijiet preċiżi ta' l-ESA (l-hekk imsejħa riklassifikazzjonijiet makro-ekonomiċi),

- eżami mill-ġdid tan-nefqa tal-konsum privat u l-istimi ta' formazzjoni tal-kapital gross;

(b) - l-inklużjoni tas-sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

IL-GREĊJA

(a) L-aġġornament ta' l-istimi tal-valur miżjud għal dawn l-attivitajiet li ġejjin:

- agrikoltura,

- tħaffir,

- manifattura,

- utilitajiet pubbliċi,

- kostruzzjoni,

- trasport u komunikazzjoni,

- kummerċ,

- servizzi tas-saħħa,

- servizzi ta' edukazzjoni privata,

- servizzi oħra;

(b) - l-inklużjoni tas-sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

SPANJA

(a) - it-titjib tal-bażi statistika għall-produzzjoni u l-konsum intermedju tas-servizzi tas-suq (barra l-kummerċ bl-ingrossa u bl-imnut, it-trasport, is-servizzi ta' banek u l-assikgurazzjoni), biex tkun kunsidrata l-bidla fil-metodi ta' estrapolazzjoni ibbażati fuq indikaturi ta' prezzijiet u kwantità,

- ir-reviżjoni tal-produzzjoni u l-kalkolu tal-konsum intermedju għall-kummerċ bl-ingrossa u bl-imnut,

- l-inkorporazzjoni ta' l-estimu tat-taxxi u l-kontribuzzjonijiet soċjali għal transazzjonijiet tad-dħul mal-bqija tad-dinja,

- il-verifika dwar jekk l-impatt tal-bidla fil-kwalità ġietx ikkunsidrata jew le fl-estrapolazzjonijiet bażati fuq indikaturi ta' prezzijiet u kwantità;

(b) - l-inklużjoni tas-sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

FRANZA

(a) - It-titijib ta' ċerti bażijiet ta' statistika użata fit-tfassil ta' kontijiet nazzjonali, partikolarment l-użu ta' l-istħarriġ ta' l-estimi tal-familja tal-1989 u l-korrezzjoni mtejba għal entrapriżi li huma nieqsa mill-istatistiċi tal-BIC ("bénéfices industriels et commerciaux");

(b) - it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-demarkazzjoni tal-użu finali u l-konsum intermedju.

L-IRLANDA

(a) - titjib tal-metodu għall-għażla ta' kampjun ta' taxxa u l-estrapolazzjoni tar-riżultati għal biex ikun ikkalkulat il-profitt tat-tħaddim gross tal-kumpaniji,

- titjib tal-istimi tas-surplus tat-tħaddim gross ta' kumpaniji individwali, partikolarment billi jiġu rranġati d-definizzjonijiet,

- problemi varji marbuta ma' l-istimi tas-salarju bħala riżultat ta' l-estrapolazzjoni u l-metodu ta' l-approssimazzjoni;

(b) - l-inklużjoni tas-sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' istituzzjonijiet finanzjarji,

- id-distinzjoni bejn l-użu finali u l-konsum intermedju.

L-ITALJA

(a) - It-titjib ta' ċerti sorsi u metodi wżati fit-tfassil ta' kontijiet nazzjonali, partikolarment il-paragun sistematiku ta' l-istħarriġ tad-djar mat-tagħrif tal-kontijiet nazzjonali,

- l-ipoteżijiet użati biex jiġbru flimkien ir-riżultati ta' l-istħarriġ tal-kampjuni għall-unitajiet kollha tax-xogħol;

(b) - l-inklużjoni ta'sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

IL-LUSSEMBURGU

(a) - ir-reviżjoni tal-valutazzjoni tal-ħażniet u tat-trattament ta' l-attivitajiet tas-suq u l-prodotti ta' l-amministrazzjonijiet pubbliċi;

(b) - it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

L-OLANDA

(b) - l-inklużjoni ta' sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

L-AWSTRIJA

(a) - titjib ta' l-istimi tal-kosum intermedju għall-kera ta' bini ta' kummerċ,

- in-nefqa tal-konsum finali fejn għandu x'jaqsam ma' l-estimu tax-xiri ta' karozzi,

- ċerti ineżattezzi marbuta mat-tkomplija ta' l-istimi tal-GFCF;

(b) - l-inklużjoni ta'sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

IL-PORTUGALL

(a) - il-validazzjoni tal-formazzjoni u l-bidliet tal-kapital fiss gross f'istimi ta' ħażniet li jkunu ġejjin miċ-ċaqliq tal-metodu tal-merkanzija bir-riżlutati ta' l-Istħarriġ ta' l-Intrapriża,

- l-użu ta' l-Istħarriġ dwar l-Estimi tad-Djar tal-1981, u speċjalment dak ta' l-1989, biex ikunu verifikat r-riżultati tal-kalkoli taċ-ċaqliq tal-merkanzija,

- il-korrezzjoni tat-trattament tal-għoti b'ċens biex ikun f'konformità ma' dak li hemm provdut fl-ESA-79,

- l-użu ta' stħarriġ statistiċiku oġġettivi dwar il-produzzjoni tal-pjanti u l-annimali biex tkun evalwata l-produzzjoni ta' l-agrikoltura (Nomenclatura das Contas Nacionais (NCN) 01),

- il-validazzjoni ta' l-istimi tal-produzzjoni tas-sajd (NCN 03),

- il-validazzjoni ta' l-istimi tal-kosum intermedju fl-agrikoltura, il-foresti u s-sajd (NCN 01, 02 u 03),

- l-użu ta' stħarriġ fuq l-użu tan-nefqa tat-turiżmu fl-1990, 1991 u 1992 biex tkun validata l-istruttura tal-konsum ta' dawk li m'humiex residenti;

(b) - l-inklużjoni ta'sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

IL-FINLANDJA

(a) - l-istimi tal-konsum intermedju u tal-valur miżjud għall-kostruzzjoni, il-kummerċ, il-lukandi, ir-restoranti u l-kafetteriji, is-servizzi kummerċjali u s-servizzi personali u privati,

- l-istimi tal-konsum tad-djar u tal-formazzjoni tal-kapital fiss gross għas-servizzi kummerċjali u għal dawk personali u privati,

- il-metodi ta' validazzjoni u rikonċiljazzjoni tas-sorsi tat-tagħrif,

- l-istimi tan-nefqa tad-djar fejn għandhom x'jaqsmu l-prezzijiet ta' vetturi bil-magna, u t-trattament tal-konsum tad-djar dwar it-tiswijiet ta' vetturi bil-magna li jkunu koperti minn kumpaniji ta' l-assikgurazzjoni;

(b) - l-inklużjoni ta'sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

L-ISVEZJA

(a) - ir-reviżjoni tal-konsum privat tad-djar u l-istimi tal-formazzjoni tal-kapital fiss gross fejn għandu x'jaqsam l-użu ta' tagħrif statistiku aġġornat li huwa disponibbli diġa,

- it-tibdil fil-ħażniet fl-industrija tal-bini u l-fergħat tas-servizzi tas-suq (barra l-kummerċ bl-ingrossa u l-imnut),

- it-trattament tax-xiri ta' apparat kbir tad-djar (per eżempju cookers, refrigerators u magni tal-ħasil),

- ir-reviżjoni ta' l-esportazzjoni u l-importazzjoni tas-servizzi fejn għandha x'taqsam l-iktar reviżjoni riċenti tal-bilanċ tal-pagamenti u r-rispett lejn id-definizzjonijiet ta' l-ESA tal-1979 li jikkonċernaw it-trattament ta' l-esportazzjoni u l-importazzjoni tas-servizzi ta' l-assigkurazzjoni,

- ir-reviżjoni tal-produzzjoni u l-istimi tal-valur miżjud fejn għandu x'jaqsam l-użu ta' tagħrif statistiku aġġornat li huwa disponibbli diġa, speċjalment mill-istħarriġ annwali u mill-istatistika tal-VAT,

- il-verifika tal-produzzjoni grossa ta' l-agrikoltura u l-foresti, tax-xogħlijiet ta' l-ilma, impjanti ta' l-enerġija, produzzjoni tal-gass, l-industrija tal-bini kif ukoll il-fergħat tas-servizzi biex jiżguraw li kwalunkwe produzzjoni sekondarja tkun ġiet ikkunsidrata;

(b) - l-inklużjoni ta'sussidji u l-klassifikazzjoni tat-taxxi,

- it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

IR-RENJU UNIT

(b) - it-trattament tas-servizzi tad-djar,

- it-transizzjoni mill-Prodott Gross Domestiku (GDP) għall-Prodott Gross Nazzjonali (GNP),

- it-trattament ta' l-istituzzjonijiet governattivi ġenerali u oħrajn privati li ma jiġġenerawx profitt,

- it-trattament ta' l-istituzzjonijiet finanzjarji,

- id-distinzjoni bejn l-użu finali u l-konsum intermedju.

[1] Riżervi speċifiċi għal kull Stat Membru huma mogħtija taħt a) waqt li dawk li huma komuni għal diversi Stati Membri huma mogħtija taħt b). L-eċċezzjoni għal din hija r-riżerva li tikkonċerna l-eżawriment, li hija mogħtija fl-Anness B.

--------------------------------------------------

ANNESS B

RIŻERVA FUQ L-EŻAWRIMENT TAL-PRODOTT GROSS NAZZJONALI

1.Belġju | komprensività tal-kejl tal-Prodott Gross Nazzjonali u, partikolarment, il-limitu li għalih l-ekonomija moħbija għandha tkun kunsidrata |

2.Danimarka |

3.Ġermanja |

4.Greċja |

5.Spanja |

6.Franza |

7.Irlanda |

8.Italja |

9.Lussemburgu |

10.L-Olanda |

11.Awstrija |

12.Portugall |

13.Finlandja |

14.Svezja |

15.ir-Renju Unit |

--------------------------------------------------